مشاهدات من قاعة الحوار الوطني من خلال التلفزيون

06:00 PM August, 07 2016

سودانيز اون لاين
د.محمد حسن-
مكتبتى
رابط مختصر

امس تفرغت تماما لحضور جلسات الجمعية العامة للحوار الوطني ( ما عارف سموها الجمعة العمومية ليه)
- خطاب السيد الرئيس لم يتجاوز كونه خطاب افتتاحي لرئيس اتحاد طلاب في الجمعية العمومية وكأن الذي كتبه نشي انه يكتب عن هموم وطن ممزق بالحروب والفقر والسيول ، خطاب فقير
يتحدث عن سرد لحوار خديج
- تلاه البروف والذي مفروض ان يقدم تقرير فقدم تحرير وونسة كانه يتحدث عن تحليل لمبارة الهلال والاهلي القاهري بادارة لاراش
- خظاب حسين ابو صالح عن الحوار المجتمعي واستعجبت انه ذكر المغتربين رغما عن اكثير من النشطاء الذين اعرفهم لم اسمع منه انه شارك في هذا الحوار ترى من هم الذين مثلو بنا في هذا الخوار
-خطاب مبارك الفاضل والذي انتبهت له جيدا فكان هذا الفاذل يتحدث باسم ىحزب الامة القومي ، اذن ما الذي يفعله السيد الصادق مع نداء السودان ، كون ان السيد ىمبارك الفاضل من داخل القاعة يتحدث باسم حزب الامة القومي
فهذا يعني ان لا حاجة لحزب الامة بقيادة الصادق ان يوقع على خارطة الطريق . او ان يكون حزب الامة بيلعب على الجميع
- كلمة راشد دياب جميلة لو كانت خارج قاعة مؤتمر الخوار ، ما بطاله منو اهو القحة ولا صمة الخشم
- عبد الرحمن الصادق المهدي لابس توب عصام الترابي ما خلى بيت شعر من البطانة وما خلى غنا حكامة ما قالوا في السيد الرئيس ، لكن ما نكر انو حزب امه
- السنوسي بتاع المؤتمر الشعبي كان اخطر المتحدثين وقال مباشرة حكومة انتقالية بس لونها وقال حكمة وفاق
- تراجي مصطفى جات ماشاء الله عليها لابسة توب جميل وونست الناس ونسة لذيذة بس عجبتني لما قالت ما تبقى من الحركات المسلحة يعني ما في داعي للحوار ، ما بطال اهو عبرت عن شعورها
واصبحت مؤتمرجية وطنية اكثر من ناس المؤتمر ، قيادات في المؤتمر الوطني بيصرحو انو المؤتمر الوطني حزب ضعيف ، السيدة تراجي قالت انو حزب المؤتمر اقوى حزب هسة نصدق منو؟
- سارة ابو ماقصرت تطرقت للطلاب المعتقلين
- قالو الاحزاب 77 وواحدين في نفس الجلسة قالوا كم تسعين نحن ما عارفين العدد كم وعدد الحركات كم وتلاتين معقول ديل كلهم بحاربو في السودان المسكين ده وهو لسة حي؟ السودان ده سره باتع
في الحوار كم وتلاتين حركة وفي المطلوب منها توقع في خارطة الطريق ياربي كم ؟ انا كنت مفكر ابقى حركة مسلحة وادخل غابة السنط لكن قالوا باعوها فضاعت الفرصة
-دانيال كودي ما فهمته
- اتيم اهو ونس الناس وسرد سرد حميد
كنت اتوقع ان يختتم الرئيس بكلمة قوية لكن البدايات الخطأ تقود لنتائج كارثية وبوعد ان يطلق سراح المعتقلين السياسيين اذا لم يكونو معتقلين في جرايم يعني تحقيق جديد
ويقولو ديل متهمين في جرايم وتدور حجوة ام ضبيبينه
وانفض السامر وكل عام وانتم بخير

حبيبنا الدكتور .. مودتي ..
لقد عبرت عني .. نفس ما أحسست به تجاه هؤلاء ..
شاهدت أن البعض كان في حالة أندهاش من حديث تراجي ..
ربما كانت صريحة أكثر ..

مودتي الدكتور ..

Quote: شاهدت أن البعض كان في حالة أندهاش من حديث تراجي ..

ياخ دي خلغت اتنين ما بتخلعو

البشر
و
ود االباوقة

ولك عاطر تحياتي

مودتى لمن عافر ودار لحدى ما وصل قاعة الصداقة وبما فيهم النفعية تراجى
واب أضنين قريمان وما تبقى من سقط المتاع

صديق يا صاحبي

سلامات لك وللاسرة
لكن
مبارك الفاضل المتحدث باسم حب الامة القومي مع الذكرتهم فوق ديل؟
مخشانة على خفيف :)

لمن فاتتهم متعة المشاهدة لمسرحية شاهد ما شافش حاجة