Post: #2 Title: Re: غايتو البِقت في المغتربين تبقى في حشى الك� Author: معاوية المدير Date: 08-07-2016, 01:33 PM Parent: #1
بقرار رقم كم ما عارف، وبأمر من صاحب القميص رقم 10 صارت الأخت ممثلة لجميع المغتربين !...
Post: #4 Title: Re: غايتو البِقت في المغتربين تبقى في حشى الك� Author: معاوية المدير Date: 08-07-2016, 01:36 PM Parent: #2
Post: #3 Title: Re: غايتو البِقت في المغتربين تبقى في حشى الك� Author: HAIDER ALZAIN Date: 08-07-2016, 01:34 PM Parent: #1
عاشت خالتو فرنسا نصيرة المهمشين والمغتربين..
ـــــــــــ
Post: #5 Title: Re: غايتو البِقت في المغتربين تبقى في حشى الك� Author: معاوية المدير Date: 08-07-2016, 01:38 PM Parent: #3
عوووووووووووووك يا المغتربين، الحقو رئيستكم ...
Post: #6 Title: Re: غايتو البِقت في المغتربين تبقى في حشى الك� Author: معاوية المدير Date: 08-07-2016, 01:39 PM Parent: #5
Quote: عاشت خالتو فرنسا نصيرة المهمشين والمغتربين..
يا كناري هي أقعد ساكت البوست دا عن رئيستك ...
Post: #7 Title: Re: غايتو البِقت في المغتربين تبقى في حشى الك� Author: HAIDER ALZAIN Date: 08-07-2016, 01:51 PM Parent: #6
ود المدير يا حبيب.. سلامات خالتو فرنصا دي قلنا فيها راينا قبل عشرة سنة من زمنها القعدت تشكر في علي عثمان وقبله مما قعدت تتقلب من وتترمى من كفالة حركة مسلحة لحركة مسلحة .. قلنا هي مجرد انتهازية مسكينة ظروفها عاصراها وبتفتش للبقشيش هي سكتت لانها عارفة كلامنا صاح .. لكن الزعلوا وليداتها وزعلوا المصدقنها وهاااك يا ورجغة.. هسه جت عليهن لابدين وعينهم مكسورة
اساساً يا ود المدير ابوفانيلة ما هاين عليهو " الفارسة " المناضلة الكنداكة خالتو فرنصا تمرق من المولد بلا حمص.. تخسر المعاردة والحكومة فقال نبرها بهذا المسمى الذي لا يقدم ولا يؤخر لكن احتمال يكون ضروري لاسم الفاتورة البترفق مع الشيك..
ــــــــــــــــــ بالمناسبة سؤال.. تراجي مغتربة والا مُهاجرة؟ وهل يعي الرئيس ابقرمصيص الفرق بين المهاجر واللاجئ والمغترب والا جاتو كدة غايتو سمعت من مصدر مسئول انه الاخت تراجي في طريقها للخليج عبر بوابة قطر ..
Post: #8 Title: Re: غايتو البِقت في المغتربين تبقى في حشى الك� Author: معاوية المدير Date: 08-07-2016, 01:58 PM Parent: #6
قالوا زمان كبس الجِبة مشى مع شِلة العصبجية بتاعتو عِرِس، أها كبس الجِبة عايز يفرتك الحفلة والعروس ابوها كان رُتبة كبيرة في الجيش . أها وآحدة من البنات مشت نادت أبو العروس الراجا جا شايل مسدسو، كبس الجِبة لآمن شاف المسدس قال للعسكري، يعني عايز تضربني ؟، هاك رأسي اها . الراجل طاااخ اردآهو قتيلاً في الحال . أصحاب كبس الجِبة مشو شهود في المحكمة ؤ راحو في شهادتهم شابكين ليك القاضي، كبس الجِبة كان شِفِت، كان زول بتاع مشاكل، كان زول بفرتك الحفلآت ...إلخ، مفتكرين نفِسُن شاهدين لصالح كبس الجِبة، وبناءً علي شهادتهم القاضي طلّع ابو العروس برآءة . أها، طراجي دي إياها جماعة كبس الجِبة ديّل زآتُن . قالت، لكن لا نملُك إلآ ان نشكر الحزب الحاكم، حزب قاااااعد في السُلطة موهّط، ؤ حاسمنا، ؤ ملطشنا عسكرياً ماح نكذّب، يقوم بكل أدب ينادينا ؤ يقول، تعالوا نتشارك !، في شنو يا جماعة أعظم من كدا ؟.
وين العظمة ؤ وين الأدب يا صاحبة كبس الجِبة إنت ؟. عليكم الله هسّع دي ما صاحبة كبس الجِبة زاتا ؟. كبس الجِبة الحكومة ؤ طراجي صاحبو ...
Post: #9 Title: Re: غايتو البِقت في المغتربين تبقى في حشى الك� Author: معاوية المدير Date: 08-07-2016, 02:28 PM Parent: #8
Quote: غايتو سمعت من مصدر مسئول انه الاخت تراجي في طريقها للخليج عبر بوابة قطر ..
ود الزين الزين، حبابوا . ياخوي يمين الله اللُخُت دي ما تقدر تتحرك من مدينة لمدينة داخل كندا دي، لكن قروش الشعب الحاتتكالب عليهو البعوضة والقعوي باكر وهو في العراء تلعب دورها . ؤ بلا خجلة اللُخُت تتحدث بإسم الشعب !، غايتو بس نسكت عشان هي رئيستنا ...
Post: #10 Title: Re: غايتو البِقت في المغتربين تبقى في حشى الك� Author: معاوية المدير Date: 08-07-2016, 02:33 PM Parent: #9
انظروا إلي ملككم العريان . البشير وقلة عقله ...
Post: #11 Title: Re: غايتو البِقت في المغتربين تبقى في حشى الك� Author: وائل حمزه الزبير Date: 08-07-2016, 02:54 PM Parent: #10
لها التحية ةالتقدير والتجلة
Post: #13 Title: Re: غايتو البِقت في المغتربين تبقى في حشى الك� Author: منتصر صلاح Date: 08-07-2016, 03:12 PM Parent: #11
ود المودير علي طاري القميص نمرة عشرة حبيبي برشلوني يموت بـ برشلونه ...... وانا مدريدي لكن بغير من عيونه
لذلك وعشان كدة .. كلو يهون
مودتي
Post: #12 Title: Re: غايتو البِقت في المغتربين تبقى في حشى الك� Author: عثمان عووضة Date: 08-07-2016, 03:02 PM Parent: #10
معاوية يا ود امي وكيلك الله هو ما عريان عريانين نحنا ومدنقرين كمان اكان ما عجبك....انت النسعلك الايامات دي انا بقيت بليد خلاس نعمنو انا من يومي بليد بس الأيام دي البلادة. زادت شوية ياربي فشان البحر قايم؟
Post: #14 Title: Re: غايتو البِقت في المغتربين تبقى في حشى الك� Author: عباس الدسيس Date: 08-07-2016, 03:15 PM Parent: #12
ود المدير سلام مع النضارات قريتها حشه
Post: #15 Title: Re: غايتو البِقت في المغتربين تبقى في حشى الك� Author: جلالدونا Date: 08-07-2016, 04:06 PM Parent: #14
ود المدير غايتو بالنسبة لى رويحتى .... الزولة دى ... لا رتيستى و لا بتمثّلى any more اند ذات از إنف enough ما نخرة حوار شنو و البلد غرقانة و الحال واقف
Post: #16 Title: Re: غايتو البِقت في المغتربين تبقى في حشى الك� Author: حامد بدري Date: 08-07-2016, 04:46 PM Parent: #15
Quote: أها، طراجي دي إياها جماعة كبس الجِبة ديّل زآتُن
كااااااااااااااااااااااااااااااك بس لكن عندها اربعه واربعين راس المسدس مابكتلا
Post: #17 Title: Re: غايتو البِقت في المغتربين تبقى في حشى الك� Author: مني عمسيب Date: 08-08-2016, 09:22 AM Parent: #16
لعلك طيبة يا صاحب ؟
Quote: البشير وقلة عقله ...
Quote: البشير وقلة عقله ...
هو وين العقل البقل ؟
Post: #18 Title: Re: غايتو البِقت في المغتربين تبقى في حشى الك� Author: معاوية المدير Date: 08-10-2016, 07:33 AM Parent: #17
Quote: لها التحية ةالتقدير والتجلة
ؤ ليك إنت كمان، يلآ خلآس إتخارج ؤ عليك الله لا تسويها لينا مساككة في الفارغة ساكت ...
Post: #19 Title: Re: غايتو البِقت في المغتربين تبقى في حشى الك� Author: معاوية المدير Date: 08-10-2016, 07:41 AM Parent: #18
Quote: ود المودير علي طاري القميص نمرة عشرة حبيبي برشلوني يموت بـ برشلونه ...... وانا مدريدي لكن بغير من عيونه لذلك وعشان كدة .. كلو يهون
مودتي
حباب منتصر . غايتو نحن رئيستنا دي 90% منها برشلوني، لذلك لا نعباء بريال مدريد، وبحكم إنها شخشية تاريخية قام بتعيينها سيدي الرييس شخشياً ...
Post: #20 Title: Re: غايتو البِقت في المغتربين تبقى في حشى الك� Author: معاوية المدير Date: 08-10-2016, 07:45 AM Parent: #19
Quote: معاوية يا ود امي وكيلك الله هو ما عريان عريانين نحنا ومدنقرين كمان اكان ما عجبك....انت النسعلك الايامات دي انا بقيت بليد خلاس نعمنو انا من يومي بليد بس الأيام دي البلادة. زادت شوية ياربي فشان البحر قايم؟
يكون عندك حمُو النيل . بختك هسّع لو كنت لي يومك دا مغترب كان عدوّك معانا .
الراجل ابو شملة دا علي اليمين هدوم الدنيا كلها لا تضراي سوءته ...
Post: #21 Title: Re: غايتو البِقت في المغتربين تبقى في حشى الك� Author: معاوية المدير Date: 08-10-2016, 07:50 AM
Quote: ود المدير سلام مع النضارات قريتها حشه
هههههههههههههههه، حباب الدسيس . ياخي في الحالتين لآفقة ...
Post: #22 Title: Re: غايتو البِقت في المغتربين تبقى في حشى الك� Author: معاوية المدير Date: 08-11-2016, 09:11 AM Parent: #21
Quote: ود المدير غايتو بالنسبة لى رويحتى .... الزولة دى ... لا رتيستى و لا بتمثّلى any more اند ذات از إنف enough ما نخرة حوار شنو و البلد غرقانة و الحال واقف
قرار جمهوري يا عمّك، بطّل خرخرة ...
Post: #23 Title: Re: غايتو البِقت في المغتربين تبقى في حشى الك� Author: عزالدين عباس الفحل Date: 08-11-2016, 09:19 AM Parent: #22
معاوية المدير
سلام أخوي ود المدير ، الفاضلة تراجي أشجع من مليون راجل ، في زمن دفنت المعارضة رأسها كالنعام ، بعدين ، ود المدير صاحبي ، بالله دعواتك الصالحة في صلاة الفجر ، بس أوعك تدعو لود الزين ، عشان قال فرنصا ، ،،،،،،،
عزالدين عباس الفحل ابوظبي
Post: #24 Title: Re: ت في المغتربين تبقى فغايتو البِقي حشى الك� Author: علي عبدالوهاب عثمان Date: 08-11-2016, 09:43 AM Parent: #23
Quote: غايتو البِقت في المغتربين تبقى في حشى الكلبة
حبيبنا معاوية .. مودتي .. نحن ناس ضواحي دنيا .. ما فاهمين حتى العنوان .. ( حشى الكلبة ) على ماذا تدل هذه العبارة ..
يا جماعة راعوا ظروفنا شوية .. ( عربي مدارس ) ما مذر تنق .. ( Mother tongue )
مودتي يا جميل بس عشان نكون في الصورة
Post: #25 Title: Re: ت في المغتربين تبقى فغايتو البِقي حشى الك� Author: مني عمسيب Date: 08-11-2016, 11:34 AM Parent: #24
اخي الفاضل .. علي عبد والوهاب ,,
لك التحية والشرح معآ ..
Quote: ( حشى الكلبة ) على ماذا تدل هذه العبارة ..
للتوضح احسن اكتبها ليك كدا ( حشا ) جاية من كلمة ياود حشاي وفي رواية تاني ياود مصاريني .. وبعدين انا ماعارفة ود المدير بدعو علي الكلبة لي والكيزان في جنبو ! وحا نغير بدل حشي او حشا الكلبة ( تبقي في حشي الكيزان ) ولا اكان ود المدير بقصدلو معني تاني مو عارفة .
ولكم الشكر ,,,
Post: #26 Title: Re: ت في المغتربين تبقى فغايتو البِقي حشى الك� Author: علي عبدالوهاب عثمان Date: 08-11-2016, 01:41 PM Parent: #25
التحية للاستاذة منى .. العامية السودانية أحياناً تكون بها خصوصية .. من صعب فهم بعضها .. وطن تنوع وثقافات ولكن يا خسارة
Post: #27 Title: Re: ت في المغتربين تبقى فغايتو البِقي حشى الك� Author: معاوية المدير Date: 08-17-2016, 11:05 AM Parent: #26
Quote: حبيبنا معاوية .. مودتي .. نحن ناس ضواحي دنيا .. ما فاهمين حتى العنوان .. ( حشى الكلبة ) على ماذا تدل هذه العبارة ..
يا جماعة راعوا ظروفنا شوية .. ( عربي مدارس ) ما مذر تنق .. ( Mother tongue )
مودتي يا جميل بس عشان نكون في الصورة
أُستاذنا الحبيب علي، معذرة إن كنت تأخرت في الرد . هي عبارة يا علي كن يرددنها حبوباتنا كثيراً، وهي تعني ان المصيبة التي علقت بفلآن مصيبة قذرة وسخة وأنسب ان تكون في احشاء الكلبة لأنّ الكلبة ترتاد الكُوش ومكب الزبالة والنفايات كي تقتات وتملأ أحشائها، إستناداً لشرح صاحبتي بت عمسيب فليس هنالك أوسخ من الحرآم في احشاء ابن آدم .
اكرر لك إعتذاري ...
Post: #28 Title: Re: ت في المغتربين تبقى فغايتو البِقي حشى الك� Author: علي عبدالوهاب عثمان Date: 08-17-2016, 12:26 PM Parent: #27
حبيبنا ودالمدير .. مودتي .. أتطلع دائماً لقراءة ما تكتبه .. وخاصة في العمق المجتمعي والتراث ..
