Post: #2 Title: Re: يا جماعة لا إله إلآ الله، عليكم الله بس أم� Author: معاوية المدير Date: 08-07-2016, 05:25 AM Parent: #1
اقطعوا وشّكُم، وانا زاتي قاطع وشي .
أشوفكم بعدين إن شاء الله ...
Post: #3 Title: Re: يا جماعة لا إله إلآ الله، عليكم الله بس أم� Author: عثمان عووضة Date: 08-07-2016, 05:33 AM Parent: #2
من شنو يا شقي الحال؟ نعل مافي عوجة؟
Post: #4 Title: Re: يا جماعة لا إله إلآ الله، عليكم الله بس أم� Author: معاوية الزبير Date: 08-07-2016, 05:34 AM Parent: #2
شنو يا ولدو ياخ خليتنا مجهجهين نتحسس في رؤوسنا وكسحت
Post: #5 Title: Re: يا جماعة لا إله إلآ الله، عليكم الله بس أم� Author: حيدر حسن ميرغني Date: 08-07-2016, 06:08 AM Parent: #4
دي هضربة الفيضانات :))
Post: #6 Title: Re: يا جماعة لا إله إلآ الله، عليكم الله بس أم� Author: جلالدونا Date: 08-07-2016, 06:14 AM Parent: #5
ههههههها يا دوب وقع ليك كلامى التلاتة لا خير فيهم مرضونا الله يمرضم ميسى وسيسى و شملة و البلد غرقانة غايتو جنس المحنة دى لا حكت لا بقت
Post: #7 Title: Re: يا جماعة لا إله إلآ الله، عليكم الله بس أم� Author: عثمان عووضة Date: 08-07-2016, 06:20 AM Parent: #6
انتو مسعولين من الخير كندا دي فيها بعوضة تجيب الملاريا؟ الزول. دا الحقوه بي كروروكوين😂
Post: #8 Title: Re: يا جماعة لا إله إلآ الله، عليكم الله بس أم� Author: جلالدونا Date: 08-07-2016, 08:57 AM Parent: #7
العب الحلبى اوّوّدنجى النقنتود ياخى ده مثلث بؤس ورّانا الويل وسهر الليل حيكومة و معارضة و حركات مسلحة الناس ديل مختلفين فى كل حاجة بس متّفقين فى عصر المواطن المسكين و بسيط كاتمين نفسو وشايلين حالو ياخى زى ما قال اليتخارجو يمرقو يمين الله سيد كارّو يحمكا و يمشّيها احسن منّهم خلااااااس و صلت الحلقوم ____ خلّها الباعزضة تنكرك اتباع
Post: #9 Title: Re: يا جماعة لا إله إلآ الله، عليكم الله بس أم� Author: عبدالحفيظ ابوسن Date: 08-07-2016, 09:30 AM Parent: #8
قال ليهو ابا مسكت لي نصيبة قال ليهو فكها قال لي فكيتها .. ابت تنفكا مني
Post: #10 Title: Re: يا جماعة لا إله إلآ الله، عليكم الله بس أم� Author: معاوية المدير Date: 08-07-2016, 09:58 AM Parent: #9
يا جماعة معقولة بس، 27 سنة، 27 سنة والناس بتغرق !. 27 سنة حكومة ما قادرة تعمل مجرى ؟!. 27 سنة كل سنة الخريف بيجي في زمن محدد ؤ برضو الناس تغرق ؟!. 27 سنة بين الخريف والخريف الناس تبني عشان تجي تلقى نفسها كل سنة تفترش الأرض وتلتحف السماء ؟!.
عليكم الله فكونا، أمشوا ياخ، شيلو البتقدرو عليهو ؤ لموا أُسركم وإتخارجوا، أمشوا، ياخ إنتو ما بتحسوا ؟...
Post: #11 Title: Re: يا جماعة لا إله إلآ الله، عليكم الله بس أم� Author: معاوية المدير Date: 08-07-2016, 10:01 AM Parent: #10
Quote: من شنو يا شقي الحال؟ نعل مافي عوجة؟
والله يا عووضة طلعت تِبيكل سوداني، قالوا، السوداني لقى الناس بيحفروا في قبر قالهم، مالكُم نعال مافي عوجة ؟...
Post: #12 Title: Re: يا جماعة لا إله إلآ الله، عليكم الله بس أم� Author: معاوية المدير Date: 08-07-2016, 11:03 AM Parent: #11
Quote: شنو يا ولدو ياخ خليتنا مجهجهين نتحسس في رؤوسنا وكسحت
سلآمات يا قريبي . والله يا معاوية شي يحيّر ياخ !، لدرجة إنوا السبهللية والإهمال أصبح أمر عادي جداً للناس . بالله الوآحد يجيبهو والي لأيّ ولآية يبداها ليك بـ، لو تعثرت بغلة في العراق واللآ الشام ما عارف !، ياخي الناس مالآ ؤ مال بقرة في وآغ الوآغ ؟، الناس السجم ديّل الوآحد ما بعاين مِترين قدامو يقولك بقرة وين ما عارف !. دا شنو القرف الوقعنا فيهو دا ؟...
Post: #13 Title: Re: يا جماعة لا إله إلآ الله، عليكم الله بس أم� Author: معاوية المدير Date: 08-07-2016, 11:07 AM Parent: #12
Quote: دي هضربة الفيضانات :))
ايّ والله يا حنين هضربة فيضانات، عليك الله الحالة دي مُش تخليك تهلوّس زاتو ؟، ناس زي القراد ياخ 27 سنة ولآ وآحد بالغلط طلع قال أنا غلطان واليوم التاني طلع نفى ؤ قال، والله انا كنت بهزّر ! . معقولة بس، معقولة الدنيا دي فيها ناس معصومين للدرجة دي ؟!...
Post: #14 Title: Re: يا جماعة لا إله إلآ الله، عليكم الله بس أم� Author: عزالدين عباس الفحل Date: 08-07-2016, 11:15 AM Parent: #13
معاوية المدير
سلام أخوي ود المدير ، ياخي دي حسادة منك واضحة ، الأجواء رهيبة وسط الجداول ، و خرير المياه العِكرة ، و شقشقة الحِسان ، ياخي ، ياخي ، ثلاثة يذهبن الحزن ، الماء ، و الخُضرة ، و الوجه الحسن ، ياخي الناس آخر إنبساط ، و القعووووووي ، ،،،،،،،
عزالدين عباس الفحل ابوظبي
Post: #15 Title: Re: يا جماعة لا إله إلآ الله، عليكم الله بس أم� Author: معاوية المدير Date: 08-07-2016, 11:16 AM Parent: #13
الوآحد بكل بساطة يقولك، هسّع الناس ديّل لو راحو الحايمسكا منو ؟، كأنوا ديّل ما سكنها !، يا عالم أمشوا، طيروا عليكم الله لموا وِليداتكم ؤ نسوانكم، ؤ شيلوا البتقدروا عليها ؤ عرض اكتافكم، امرقوا بس حِلّوا عن المواطن، ؤ حلوا عن البلد يأخ، ايّ نوع من البشر أنتم ؟، يعني حجم الدمار الوقع علي البلد دا كلوا طوال الـ27 سنة ما وقع في عينكم ؟. انا والله شايف اسلم حاجة إنوا الناس دي تتخارج بس، طالما قاعدين 27 سنة ؤ غلبُن يحفرا مجرى وآحد لتصريف المياه بعد دا القاعدلها شنو ؟...
Post: #16 Title: Re: يا جماعة لا إله إلآ الله، عليكم الله بس أم� Author: معاوية المدير Date: 08-07-2016, 12:23 PM Parent: #15
Quote: ههههههها يا دوب وقع ليك كلامى التلاتة لا خير فيهم مرضونا الله يمرضم ميسى وسيسى و شملة و البلد غرقانة غايتو جنس المحنة دى لا حكت لا بقت
تصدق !، ياخي الدايرنها اليشيلوها ؤ يتخارجوا دا أسلم حل، مافي شعب راح ينتفض والبقية أصبح الفتات يرضيهم، عليه الناس ديل يفتحولُن الدرب يتخارجوا بس ...
Post: #17 Title: Re: يا جماعة لا إله إلآ الله، عليكم الله بس أم� Author: وضاحة Date: 08-07-2016, 04:45 PM Parent: #16
Post: #18 Title: Re: يا جماعة لا إله إلآ الله، عليكم الله بس أم� Author: مني عمسيب Date: 08-07-2016, 08:28 PM Parent: #17
ياود المدير يا صاحبي ..
سلام واحترام ..
Quote: الوآحد بكل بساطة يقولك، هسّع الناس ديّل لو راحو الحايمسكا منو ؟،
وانت لسه ما عرفت البقول كدا منو ؟
ماهم ذاتهم البقولوا كدا !
ود المدير قربوا بس شيل الصبر . يازول بعد دا مابقدروا استمروا صدقني جد .
وما تنسي الحوار قدامهم والسيول وراهم .
والتحية للجميع .
Post: #19 Title: Re: يا جماعة لا إله إلآ الله، عليكم الله بس أم� Author: Ali Taha Date: 08-07-2016, 08:31 PM Parent: #2
محمد رسول الله
Post: #20 Title: Re: يا جماعة لا إله إلآ الله، عليكم الله بس أم� Author: عادل الباهي عبدالرازق Date: 08-07-2016, 09:35 PM Parent: #19
ود المدير سلام عليك وعلي ضيوفك الاكارم
في بداية التسعينات ايام اللجان الشعبية والمحليات ذهبنا بمقترح في اجتماع المحلية قلنا ليهم بدل ما تطلعو ميزانية الخريف وتحفرو مصارف للمياة مؤقتة وتندفن قبل قدوم الخريف وتتمليء اوساخ شيلو الميزانية كلها واحفرو بيها مصرف من الاسمنت ومغطاة في حي واحد والعام الذي يلية حي بس بشرط يكون مصمم حسب المواصفات المطلوبة بالله اعمامكم قربو يشيلو لينا العكاكيز ورفضو المقترح ولمن خرجنا من اجتماع المحلية عرفت ان الكوز الماسك رئيس التعبيئة بالمحلية هو المتعهد البيجيب العمال وهو البيحاسب وهو المسك الميزانية كلها فعرفت حينها نحن بنآذن في مالطة من الزمن داك لو كل عام تم إنشاء مصرف دائم كان قبل العام 95 المحلية كلها ضمنت تصريف امطار الخريف كيزان والاجر علي الله
Post: #21 Title: Re: يا جماعة لا إله إلآ الله، عليكم الله بس أم� Author: علي دفع الله Date: 08-08-2016, 05:29 AM
شكرا اخوي معاوية المدير يا انسان .. بالجد ما تشوف العمم النضيفة المتحلقة حول الحوار والكوار ...الوضع المعيشي والصحي والبيئي لا يطاق ...
ثق يا ود المدير حا يجي اليوم وهؤلاء المسحوقين سيقتصون من الاوغاد السفلة ... مودتي
Post: #22 Title: Re: يا جماعة لا إله إلآ الله، عليكم الله بس أم� Author: احمد الشيخ Date: 08-08-2016, 05:55 AM Parent: #21
نستاهل احنا كل شعب ينال ما يستحق زمان كنت بنبذ الانقاذ = ولا زلت = لكن الآن مع الانقاذ بنبذ روحنا الصابرين على جنس دا قال شعب عملاق يحكمه اقزام ويبقى عملاق كيف ما دام سامح لاقزام زي ديل يحكموه طوال الفترة دي مفروض ما نتشكى شغل بس الصابر وعاجبه بخيت عليه والبتشكى وما داير يمشي خطوة قدام برضه بخيت عليه
Post: #23 Title: Re: يا جماعة لا إله إلآ الله، عليكم الله بس أم� Author: معاوية المدير Date: 08-17-2016, 10:39 PM Parent: #22
Quote: جينا نخدم شعبنا، جينا نخدم أهلنا
!!!!!!!!!!!!!!!!!!!، شكراً وضاحة علي الفيديو المعبّر، والكل يسأل رئيس البلد وينو ؟...
Post: #24 Title: Re: يا جماعة لا إله إلآ الله، عليكم الله بس أم� Author: elsawi Date: 08-17-2016, 11:30 PM Parent: #23
سلام يا مدير و سلامات لضيوفك وحد سألوهو "ما هي اغنى دولة في العالم؟" رد بدون تردد "السودان" قالوا ليهو السودان ده بلد فقير كيف يكون اغنى بلد في العالم؟ قال ليهم السودان ده بسرقوا فيهو 27 سنة و لسه فيهو قروش