الله لا عاد الرياضة الجماهيرية .....!!!

09:42 AM August, 06 2016

سودانيز اون لاين
ANWAR SAYED IBRAHIM-
مكتبتى
رابط مختصر

بالجد الواحد يحزن لحال الرياضة فى السودان

وبعد كل المهازل برضو ناس الاتحاد ورغم انتهاء الدورة ( الاتحادية )

الاّ انهم لا زالوا متمسكين بالكراسى

والله كما يقولون ( لو دام الكرسى لغيرك لما وصل اليك )

مشاكلكم مشاكل يا اتحاد الكرة .. والواحد ما عارف لماذا لا تذهبون رغم فترتكم

السودان دا ما حقكم براكم .. وما انتم بالافضل .. فان حواء والدة كما نعرف

بالله عليكم لا تدخلونا فى مشاكل كروية .. والشغلة ما ناقصة

لاجل السودان ايها السادة

لا حـــول ولا قـــوة الا بالله

واللى ما بيعرف الرياضة الجماهيرية

حصلت ايام المرحوم جعفر النميرى

( زعلة ) كدا منّو قلب الرياضة فوق تحت .. وتدهورت آنذاك ربما آثارها ممتدة الى الآن

وهى ان قام النميرى

بالغاء الاندية الرياضية ... والاتحاد كذلك

.......

والسبب ان فى مباراة هلال مريخ على كاس الذهب وهو كان حضورا

حدث احتكاك خشن بين لاعبين ( لا اريد ذكر الاسماء )

ثم غلب الهلال المريخ ( وكان يقال ان الريّس مريخابى ) والله اعلم

المهم .. بعدها خرجت مظاهرات جماهير الهلال

ومن بعد ذلك حصل اللى حصل

وان شاء الله ما يحصل تانى .. مع بتاعين الاتحاد اللى ما عاوزين يمشوا ديل ؟؟!!

قولو آآآآآآمييييييييييييين