Post: #1 Title: الصورة تغني عن الف مقال Author: عمر الفاروق عبد الله الشيخ Date: 08-06-2016, 05:26 AM Parent: #0
05:26 AM August, 06 2016 سودانيز اون لاين عمر الفاروق عبد الله الشيخ- مكتبتى رابط مختصر
Post: #2 Title: Re: الصورة تغني عن الف مقال Author: عمر الفاروق عبد الله الشيخ Date: 08-06-2016, 05:27 AM
الصورة ابلغ من اي مقال وتحمل في طياتها مخزون من المعاناة واهمال الانسان دعك عن الحيوان نعم ان الكوارث الطبيعية تصيب اي مكان في العالم بامر الله ولكن من يحملون بذرة من الانسانية يعملون علي درئها بل والاستعداد المبكر لتقليل آثارها ولكن
رئيس البلاد مشغول بالتكريم الافريقي وجوقته تحشد له الناس لاستقباله في المطار استقبال الفاتحين
مشقول بالتصوير سلفي مع الطالبات وكان الاحري به ان يتصور مع الضحايا الذين فقدوا المأوي والحياة
مشغول بقميص ميسي البرشلوني والالاف فقدت متاعها بفضل السيول والامطار فلا ساتر بقي لها ولا قميص
مشغول في التسفار تحديا لقرار المحكمة الجنائية وكان الاولي به ان يكون مهموما بالتسفار في اقاصي السودان المختلفة لتفقد احوال مواطنيه
الصورة تكمل باقي الكلام
Post: #3 Title: Re: الصورة تغني عن الف مقال Author: اخلاص عبدالرحمن المشرف Date: 08-06-2016, 06:34 AM Parent: #2
سلام عمر الفاروق البلد مطنبجه طين وذباب وتنابلة السلطان لا شغل لا مشغله
Post: #4 Title: Re: الصورة تغني عن الف مقال Author: عبدالحفيظ ابوسن Date: 08-06-2016, 06:38 AM Parent: #3
Post: #5 Title: Re: الصورة تغني عن الف مقال Author: عبداللطيف حسن علي Date: 08-06-2016, 06:41 AM Parent: #3
حتي لو تفقدوا رعاياهم (السكان وليس المواطنين -كما قال امين حسن عمر) فان ذلك لايعدو
الخوض في الماء والرجوع بسيارات الدفع الرباعي ، ويكونوا قد تصوروا بكاميرات التلفزيون
وعليه غيابهم افضل ، احسن نغرق بدون فضائح كاميرات
Post: #6 Title: Re: الصورة تغني عن الف مقال Author: محمد البشرى الخضر Date: 08-06-2016, 06:55 AM Parent: #5
سلام يا عمر الفاروق الكلام كله صاح عن اهمال الدولة و انشغالها عن هموم وآلام المواطنين لكن يعيبه أن الصورة لا علاقة لها بالموضوع, الصورة مأخوذة في الهند في منطقة اسمها Patna في موسم فيضان 2013 يوجد عشرات الصور ممّا آل إليه الحال في فيضان وسيول هذا العام يمكن الإستعانة بها بدلا عن صورة ليست ذات علاقة
Post: #7 Title: Re: الصورة تغني عن الف مقال Author: اخلاص عبدالرحمن المشرف Date: 08-06-2016, 07:36 AM Parent: #6
ود البشري كيفك ومن الله جابك ال نسألك الامام جاي ولا هندى كلام آدم الهلباوي فاتح له بوست قدر ما وديار يمين شمال ما فهمت قلت نسال الراسخين في الأنصارية
معليش يا عمر الفارق بس ود البشري ما بتلقي بالتساهل 😀😀😄
Post: #8 Title: Re: الصورة تغني عن الف مقال Author: عمر الفاروق عبد الله الشيخ Date: 08-06-2016, 07:57 AM Parent: #7
نعم نبهنا لذلك سنقوم بحذفها ويبقي الفيديو اكبر دليل هو من كسلا من داخل السودان
Post: #10 Title: Re: الصورة تغني عن الف مقال Author: عمر الفاروق عبد الله الشيخ Date: 08-06-2016, 08:03 AM Parent: #8
وبالصور مش مهم الصورالمهم تكرار المأسي كل عام ويكفي كلام الرعية في الفيديوسلام بت المشرف وود البشري و عبد اللطيف وعبد الحفيظ اين الراعي هو فاضي
Post: #9 Title: Re: الصورة تغني عن الف مقال Author: محمد البشرى الخضر Date: 08-06-2016, 08:00 AM Parent: #7
أهلا إخلاص كيفك عساك بخير و روقة بصراحة ما عندي فكرة, كلام سيدي سمح تب إلاّ ما بنفرزو - عطفا على النكتة :) وبركة الهلباوي ضوّقك من نفس كاس تقرا وتقرأ و ما تفهم شي المضوّقانا ليه - أمزح معك ما اقول عن نفسي أنصاري لكنّي أحب الأمام و أحب حزب الأمة و أعضاؤه و وصوتي كان مقفول للحزب في اي انتخابات حرة مستقبلية إلى أن نازعهم حزب المؤتمر السوداني فيه من السنة الفاتت
Post: #11 Title: Re: الصورة تغني عن الف مقال Author: عمر الفاروق عبد الله الشيخ Date: 08-06-2016, 08:08 AM Parent: #9
المذيع يذيع باعلي صوته الان بطل افريقيا بطل السودان يخطو بخطوات واثقة
ياخي بطل افريقيا دي الهلال ما لقاها
حاجة تقرف
Post: #12 Title: Re: الصورة تغني عن الف مقال Author: مني عمسيب Date: 08-06-2016, 09:28 AM Parent: #11
العزيز الفاروق ..
صباحك زين رغم الالام ..
يا الفاروق من الواضح الشعب بقي في وادي والحكومة في وادي يعني الحكومة من غير شعب والشعب من غير حيكومة ! والدليل كل خريف نحن في الفلم دا ! ومافي اي رد فعل لامن الحكومة لاالشعب .. لاالحكومة حاتغيير الوضع لاالشعب راضي يهب كلو لتغيير الحيكومة !!!
حقيقة حاجة محيرة !!!
ولك الشكر يا الهميم ...
Post: #13 Title: Re: الصورة تغني عن الف مقال Author: اخلاص عبدالرحمن المشرف Date: 08-06-2016, 09:54 AM Parent: #12
الاسلم يعلنوا حالة الطواريء وتغلق كل المصالح الحكومية وتستنفر الشرطة والجيش وطلب العون الدولي البلد ح تغرق
اللهم ألطف بالسودان وب أهله
Post: #15 Title: Re: الصورة تغني عن الف مقال Author: عمر الفاروق عبد الله الشيخ Date: 08-06-2016, 10:19 AM Parent: #13
Quote: الاسلم يعلنوا حالة الطواريء وتغلق كل المصالح الحكومية وتستنفر الشرطة والجيش وطلب العون الدولي البلد ح تغرق
اللهم ألطف بالسودان وب أهله
اخلاص بت المشرف
الاسلم الشعب يعلن حالة الطواريء ويشيل القرف ده
Post: #14 Title: Re: الصورة تغني عن الف مقال Author: عمر الفاروق عبد الله الشيخ Date: 08-06-2016, 10:16 AM Parent: #12
Quote: يا الفاروق من الواضح الشعب بقي في وادي والحكومة في وادي يعني الحكومة من غير شعب والشعب من غير حيكومة ! والدليل كل خريف نحن في الفلم دا ! ومافي اي رد فعل لامن الحكومة لاالشعب .. لاالحكومة حاتغيير الوضع لاالشعب راضي يهب كلو لتغيير الحيكومة !!!
العزيزة مني بت عمسيب
ليك السلام
في شاعر مصري ساخر قال يا بلادي فيك حاجة محيراني نزرع القمح في سنين يطلع القرع في ثواني
Post: #16 Title: Re: الصورة تغني عن الف مقال Author: Fatima Alhaj Date: 08-06-2016, 02:15 PM
حسبنا الله ونعم الوكيل حسبنا الله ونعم الوكيل، فعلا البلد تغرق. الامطار لم تتوقف منذ الصباج، الشباب يتنادون في الشوارع لإنقاذ ما يمكن إنقاذه، لا كهرباء ولا ماء، لمن يشكو هذا الشعب همه؟ سلام أخي عمر
Post: #17 Title: Re: الصورة تغني عن الف مقال Author: عمر الفاروق عبد الله الشيخ Date: 08-06-2016, 03:15 PM Parent: #16
Quote: حسبنا الله ونعم الوكيل حسبنا الله ونعم الوكيل، فعلا البلد تغرق. الامطار لم تتوقف منذ الصباج، الشباب يتنادون في الشوارع لإنقاذ ما يمكن إنقاذه، لا كهرباء ولا ماء، لمن يشكو هذا الشعب همه؟
الاخت فاطمة الحاج لك التحية
يشكو لرب القدرة ويدعو علي من ظلمه واشقاه
Post: #18 Title: Re: الصورة تغني عن الف مقال Author: عمر الفاروق عبد الله الشيخ Date: 08-07-2016, 07:04 AM Parent: #17
Post: #19 Title: Re: الصورة تغني عن الف مقال Author: مني عمسيب Date: 08-07-2016, 09:46 AM Parent: #18
وماذا نحن فاعلون ؟
Post: #20 Title: Re: الصورة تغني عن الف مقال Author: عمر الفاروق عبد الله الشيخ Date: 08-07-2016, 07:17 PM Parent: #19
Quote: وماذا نحن فاعلون ؟
العزيزة مني
يبقي السؤال نفس السؤال ونرجو ان لا تكون الاجابه هي نفس الاجابة
Post: #21 Title: Re: الصورة تغني عن الف مقال Author: عمر الفاروق عبد الله الشيخ Date: 08-08-2016, 05:48 AM Parent: #20
قصيدة / السيل كلمات قعقاع تبيدي .. ريس البلد وينو لا بان ولا طله ؟ لا جانا يتفقد لا زارنا في الحله .. لا شاف وقع كم بيت لا جاب طحين لا زيت .. لا كفن الميتين الماتو جوا السيل .. لا جابلو طوريا ساعدنا شد الحيل .. وأصبحنا نص الليل ما جانا منك زول .. ولا طله منك زول .. فاطر في كافوري وشعبك فطورو أنين .. نايم وتتقلب وشفع كتار صاحيين .. متوسد الموكيت وشعبك رقد في الطين .. لاك البفرج الهم ولاك العلينا أمين .. ولاك البجير مظلوم ساعة تدوربو سنين .. لا بتنجد المسكين لاك العلينا حنين .. هسه أكان تصويت أو حتى انتخابات .. كان جيتنا تترقص تقدل مع الخايبات .. خاميها مليارات .. وراكبها عربيات .. وعاديها سفريات .. عصابة شلليات .. ونحن لينا الله عادنها بس بكيات .. لا علاج ولاتعليم لا سكنه زي الناس .. أحلامنا زي ركشات .. وساكانا دوم كشات .. لا قروش ولا كاشات .. شعبك مرق بلبوص لا خلقه لا أخلاق .. لا عمه لا مركوب لا لحمة لا طايوق .. شعبك مرق ماينص وحشاهو دوم محروق .. صابر وعايش الويل ما نصو في الغربة .. والباقي شالو السيل ..
