فنان الشرق محمد البدري ومزيكا ترقص جبال البحر الأحمر

12:04 PM August, 05 2016

سودانيز اون لاين
عبدالعظيم عثمان-
مكتبتى
رابط مختصر

كتب الفنان " عضو المنبر " أبوذر بابكر عن العملاق ود البدري :

Quote: يشدو محمد البدرى، فكأن كل الشرق يفتح أبواب أسراره الآسرة، يجسدها أداءا خلابا، تحس وأنت تستمع اليه، وكأنه ينبع من لدن محمد البدرى ويتدفق سحرا وطربا، كما ينابيع جبال كسلا من أجمل الأصوات الغنائية التى تفتحت نغما وسط حديقة الغناء السودانى، ترنيم متميز وأداء متفرد، تحس بتمكنه ورسوخه وجماله من أول وهلة الغريب فى الأمر، أنه وبالنسبة لنا نحن، الذين لا نعى مفردات اللغة البجاوية الفاتنة، أنه يتملكنا كل هذا الطرب والفرح حتى دون معرفة معانى الكلام، والذى هو جزء أصيل من حلقة إكتمال التذوق لفن الغناء، ولكن رغما عن ذلك، تتمنى حين تستمع لمحمد البدرى ألا يتوقف هذا الشلال الكوثرى نتمنى من الأعزاء الموسيقيين هنا، أستاذنا الموصلى وحمزة سليمان وعزيز وسمندلاوى وبقية عقد النغم الفريد، أن يمنحونا إضاءة مبسطة عن هذا الصوت العجيب، صوت محمد البدرى وعن طريقة أداءه، حتى يتكامل الفهم لدينا ونمسك بكل أطراف هذا الجمال كما نتمنى من الأعزاء رسل النغم وحاملى مسك الجمال هنا، تمبس، وخالد الحاج وعمك تنقو وراكوبة وبقية الزملاء الأعزاء ممن تعودوا أن يجملوا حياتنا الأثيرية هنا بروائع النغم، أن يجملوا ساحة اللقيا هنا ببعض أعمال محمد البدرى، إن تيسر لهم ذلك، وذلك لكى يستمع من لم تتح لهم فرصة من قبل لمحمد البدرى، وليحكموا أيضا عليه، وليعرف الناس أن لدينا أصوات يطرب لها الحجر ويظل السؤال الموغل دوما فى إلحاحه ومرارته أين يا ترى وسائطنا الإعلامية خائرة القوى، والتى تغفل عن تميز وتفرد مثل ما لدى محمد البدرى، ولا نراه أو نسمعه إلا نادرا وعلى أطراف مجالات النشر، وبعد كل هذا نرى ونسمع القائمين على أمر الفنون والإعلام، يتشاكون ويتباكون على قلة، بل عدم إنتشار وذيوع فنوننا فى الخارج ملكات وفن وصوت مثل هذا حين يتوفر لدى أمم أخرى، تقام له الأعياد ويكرس نجما على ذرى الإبداع، ويفاخر به ولكن أين نحن من كل ذلك، ويقينا أنه سوف لن تسمو كل ضروب فنوننا، ما دامت أحادية النظرة وقصر النظر مسيطرا، وما دام مفهوم ثقافة الوسط، هذا الزعم الساذج مهيمنا على العقول وقطعا هناك أصوات ومواهب تتناثر على ربى وطننا، شرقا وغربا وجنوبا وشمالا، يغطيها غبار الإهمال ووعورة مسالك الفهم والإهتمام بها وسوف نظل محلك سر، طالما أننا نصر على أن نتأبط ضيق الأفق الفنى ولا نرى الى أبعد من أنوفنا التحية من هنا الى محمد البدرى، مطربا وفنانا أصيلا جميلا، والتحية لكل أهل الشرق، أهل النبل والصدق والفن واللغة الجميلة، ولكل مبدعى بلادنا المهمشين المهملين

محمد البدري وإيقاع البيبوب

الفنان محمد البدري هو إمبراطور الأغنية البجاويه بجدارة وإمتياز
إستطاع هذا الرجل في وقت وجيـز أن يعبر بالأغنية البجاوية من الربابه الي الفضاء الموسيقي الفسيح
له جهد في تطوير الأغنية البجاويه
يستحق التكريم والإحتفاء

محمد البدري في : أمشقاي

وكتب موقع : مزيكا سودانيه عن العملاق محمد البدري :

Quote: نان الشرق محمد البدرى : الفنان محمد البدرى من شرق السودان الحبيب مدينة بورتسودان ثغر السودان الباسم محمد البدرى يتغنى ويترنم باللهجة البجاوية على ساحل البحر الأحمر البديع .. محمد البدرى الفنان العالمى : تم تصنيف الفنان محمد البدرى كأفضل مائة صوت فى العالم .. الفرنسيون يصنفون الفنان محمد البدرى ضمن أفضل عشرة أصوات فى العالم . للفنان محمد البدرى صورة بحجم أربعة أمتار فى متحف اللوفر فى باريس أهم متحف فنى فى العالم( Musée du Louvre). رغم إني لا افهم اللهجه البيجاويه ولكن البدري له قدرات تطريبيه غير عاديه فاطربني غاية الطرب .. حفظك الله يامحمد بدري للبجا ولولاية البحر الاحمر وكل السودان .. مصدر المعلومات : صدفة من إحتفالية فى ولاية البحر الاحمر بثتها الرياضية اف ام ..

[IMG]

الفنان العملاق محمد البدري يستحق الإحتفاء والتكريم

نرفع قبعة ...احتراما وامتنانا لفنان السودان ...الفنان العملاق محمد البدري ...
وهويستحق الإحتفاء والتكريم

صوت جميل ما في شك

بس حكاية صورتو دي في اللوفر دايرة تاكيد

عشان قدر ما بمشي هناك ما لاقتني

يا سلااااام الفنان الجميل محمد بدري ( بكسر الباء) كان لنا معه ذكريات في سنكات مع شقيقنا هاشم.
جمال الصوت والاداء السلس والالتزام المسيقي كلها من صفات هذا الفنان الفلتة.

Quote: يا سلااااام الفنان الجميل محمد بدري ( بكسر الباء) كان لنا معه ذكريات في سنكات مع شقيقنا هاشم. جمال الصوت والاداء السلس والالتزام المسيقي كلها من صفات هذا الفنان الفلتة.

محمد الشيـخ سلامات

محمد البدري فنان قفز بالأغنيه البجاوي
وله قدرة علي التطريب بائنه في أغنياته
حيث يطرب لها كثير ممن لا يعرفون معني الكلمات
ولكنها الموسيقي

تحياتي

Quote: صوت جميل ما في شك بس حكاية صورتو دي في اللوفر دايرة تاكيد عشان قدر ما بمشي هناك ما لاقتني

سلامات محمد حسن

ما متأكد من صحة المعلومة ونقلتها بمصدرها
بس ود البدري فنان كبير ويستحق الكثير

تحياتي

Quote: نرفع قبعة ...احتراما وامتنانا لفنان السودان ...الفنان العملاق محمد البدري ... وهويستحق الإحتفاء والتكريم

سلامات عوض عمر
الفنان محمد البدري فنان كبير ومجتهد ومجدد وحامل لواء الفن البجاوي
يستحق التكريم والإحتفاء

شكرا لمروروك

يا سلام على محمد البدري
الحقيقة أنا من أشد معجبي ود البدري
ولدي تسجيلات كثيرة منها حتى إن بعض الناس يستغرب إنني أردد معه مفردات الأغاني دون أن أفهم معناها
وأحفظ موسيقاه عن ظهر قلب
أكثر ما يعجبني فيه الرميات الرائعة البجدعا قبال كل غنوة
ود البدري فنان ما ساهل والله
صوت قوي وأداء وتطريب عالي
كما إنه فنان محترم بمعنى الكلمة، يقدر جمهوره ولا يتعالى عليهم
أسع تحضر ليه حفلة ما عندو أي فرق من الناس القاعدين، ولو ما بتعرف ود البدري ما بتفرزوا من بقية الناس
مش زي الجماعة الطيبين ديل الواحد يحلق بي جنبة ويخلي جنبة تفة
واحد يلبس سلسل وغويشة في إيدو
واحد يسوي في وشيهو حاجات كدي ما معروفة حقات رجال ولا بنات
ود البدري فنان .. فنان حقيقي
موهبة لا تخطئها عين

اعتقد إن إيقاع الهوسيت هو فن خاص بأهلنا البشاريين
لكن ود البدري أضاف ليه طعم خاص
الملاحظ إن الناس النزلو يرقصو رقصة الهوسيت
كلهم ماشاء الله ظابطين الشغلة
إيقاعهم رائع جداً .. وتنظيمهم عالي ..
الفن البجاوي رائع جداً ويمكن أن يكون مصدر دخل لو استثمروه في السياحة .. واعتقد إن إيلا التفت لهذا الجانب
وحاول يستغله بعقلية منفتحة ..
كثير من ثقافات الشعوب تعتبر مصدر جذب سياحي وكثير من الشعوب استغلتها
إلا نحن .. لا زلنا نرى الفن عيب وصعلكة
الله يهون

Quote: اعتقد إن إيقاع الهوسيت هو فن خاص بأهلنا البشاريين لكن ود البدري أضاف ليه طعم خاص الملاحظ إن الناس النزلو يرقصو رقصة الهوسيت كلهم ماشاء الله ظابطين الشغلة

سلامات بدر الدين

محمد البدري فنان عملاق ومجدد

إيقاع الهوسيت أيضا عند أهلنا العبادبدة كما للبشارين

دا مثلا هوسيت بشاريــن



ودا برضه هوسيت وهجيج شديد

ازيك يا عبد العظيم

وكيف الحال

اول ما شفت اسم البدرى فى العنوان اتذكرت كلامى الإنت تفضلت وجبته

وفرحت و الله و سعدت بالجد

اولا عشان محمد البدرى لقى التقييم و التقدير البليق بيه وخلق عالم من الاعجاب
وهو يستاهل طبعا اكتر من كده لأنه فنان حقيقى بكل معنى الفن و الابداع

وثانيا عشان حسيت انه كلامى ما راح فى الهوا ساى

فشكرا ليك ياخى و شكرا لصوت محمج البدرى

وعبرك نرسل ليه المحبة و الود

ولكل اهلنا السمحين الأصيلين فى الشرق