وعلى الرغم من ذلك يقولوا ليك قائد .. فتأمل!

Post: #1
Title: وعلى الرغم من ذلك يقولوا ليك قائد .. فتأمل!
Author: Hussein Mallasi
Date: 08-03-2016, 12:22 PM

12:22 PM August, 03 2016
سودانيز اون لاين
Hussein Mallasi-
مكتبتى
رابط مختصر
على الرغم من أن مشروع جون قرنق لم تتبق فيه مزعة لحم إلا أن هنالك من يصر علي استمرار إلصاق صفة القائد به .. فتأمل!

Post: #2
Title: Re: وعلى الرغم من ذلك يقولوا ليك قائد .. فتأمل!
Author: الصادق عبدالله الحسن
Date: 08-03-2016, 01:08 PM
Parent: #1

=

Quote: لم تتبق فيه مزعة لحم
أتفق معك والله يا ملاسي بأن مشروع جون قرنق لم تتبق منه مزعة لحم..
ولأن الشيء بالشيء يُذكر، فدعنا نُعيد لك السؤال والتأملات:

فهل تبقى هناك مزيد من "الشحم واللحم" في مشروع "القائد" الذين قبلتم دعوته
وهرعتم لتلبية النداء الصادر من "القائد" وحضور هذه المائدة الغنية بمشاريع الشحم واللحم؟

تحياتي وهنيئاً مريئاً
...
..
.

Post: #3
Title: Re: وعلى الرغم من ذلك يقولوا ليك قائد .. فتأمل!
Author: محمد على طه الملك
Date: 08-03-2016, 01:34 PM
Parent: #2

طريتك والله ..
ظهورك صار خبا.

Post: #4
Title: Re: وعلى الرغم من ذلك يقولوا ليك قائد .. فتأمل!
Author: muntasir
Date: 08-03-2016, 02:27 PM
Parent: #3

يا ملك وكأن لسان حالك يقول ولقد طريتك والرماح نواهل

Post: #5
Title: Re: وعلى الرغم من ذلك يقولوا ليك قائد .. فتأمل!
Author: ايمن الصادق
Date: 08-03-2016, 03:37 PM
Parent: #1

Quote: على الرغم من أن مشروع جون قرنق

تمام يا عم الحاج .
إنت أقريت وسلمت بأن للراجل مشروع .
يعني صاحب أفكار عظيمه و و و و " تتفق أو تختلف "
إذن هو قائد لكل المؤمنين بفكرته وآراءه ( حيآ وميتآ ) .
يعني يموت القائد ، وتبقى الفكره ( بغض النظر عن رأيك ) .
* بقي إن شئت قل : القائد الراحل ، وإن لم تشأ ، فدعهم ودينهم يا عم الحاج .

....
قبل أن أغادر للحق لا أعرف كثيرآ بمشروع الراحل جون قرنق ، بس بحترم حاجات الناس .
ولك أن تتذكر أن هناك القائد الراحل أحمد يس .
والقائد الراحل ماو
والقائد الراحل نيلسون
والقائد الراحل صدام حسين
و القائد الراحل نمر النمر ( الذي أعدم مؤخرآ )
وووووو ( نتفق ونختلف حولهم )
فضع بصمة ( خير يا سيدي قبل أن ترحل من غير مشروع أو ما يتصل )
وبلاش بوستات التحرش بالآخرين دي
مع كامل الإحترام .
والسلام .

Post: #6
Title: Re: وعلى الرغم من ذلك يقولوا ليك قائد .. فتأمل!
Author: محمد على طه الملك
Date: 08-03-2016, 04:09 PM
Parent: #5

Quote: ولقد طريتك والرماح نواهل

هههههه ..
مني وبيض الهند تقطر من دمي ..
فوددت تقبيل السيوف لأنها ..
لمعت كبارق ثغرك المتبسم ..
يا منتصر ..
الصادق لقط القفازة أو برندوك ناس ود البشرى لبس الطاقية ..
و اتحكر قعد ؤ قال ليهو العاقبة عندكم في المسرات ..
واخد بالك؟
بنشجع اللعبة الحلوة.

Post: #7
Title: Re: وعلى الرغم من ذلك يقولوا ليك قائد .. فتأمل!
Author: جلالدونا
Date: 08-03-2016, 04:18 PM
Parent: #6

يا الصادق
تتمثّل مشكلة مشروع القائد جون قرنق
فى انّو ناقص عزومات زى دي
و بى بشيشك تأمّل

Post: #8
Title: Re: وعلى الرغم من ذلك يقولوا ليك قائد .. فتأمل!
Author: فيصل محمد خليل
Date: 08-03-2016, 04:26 PM
Parent: #7

لو ما كان سمى انتفاضة ابريل بمايو TWO

Post: #9
Title: Re: وعلى الرغم من ذلك يقولوا ليك قائد .. فتأمل!
Author: muntasir
Date: 08-03-2016, 04:46 PM
Parent: #8

يا ملك عرفتك طريت برق الفويطر الشال لما عبدالحفيظ سأل ماذا اضافت سودانيز اون لاين للإعلام لو ذكرت الأرشيدوق لوحده لكفى فبه تزدان الخرطوم أحمراً قاني دون مؤتمراً سادس

Post: #10
Title: Re: وعلى الرغم من ذلك يقولوا ليك قائد .. فتأمل!
Author: أبوبكر عباس
Date: 08-03-2016, 05:40 PM
Parent: #9

ما دام المداخلات كلها أوف بوينت؛
داير أشارك:
بالله، حسين ملاسي هو فردة حسين خوجلي؟!

Post: #11
Title: Re: وعلى الرغم من ذلك يقولوا ليك قائد .. فتأمل!
Author: محمد على طه الملك
Date: 08-03-2016, 06:28 PM
Parent: #10

Quote: الأرشيدوق

كدا كويس يا منتصر؟
أهو نزلت صاحبك المستنير بدون كدارات .

Post: #12
Title: Re: وعلى الرغم من ذلك يقولوا ليك قائد .. فتأمل!
Author: عمر التاج
Date: 08-03-2016, 06:50 PM
Parent: #10

في المقابل : مشروع شيخ الترابي كان أكبر من وطن والان لم يبق منه شيء .. ومازالت تسبق اسمه كلمة شيخ .

Post: #13
Title: Re: وعلى الرغم من ذلك يقولوا ليك قائد .. فتأمل!
Author: محمد حيدر المشرف
Date: 08-03-2016, 08:08 PM
Parent: #1

ههههه ..

الصادق أداها لي ملاسي غلط في العضل
وغالبا ح تورم

Post: #14
Title: Re: وعلى الرغم من ذلك يقولوا ليك قائد .. فتأمل!
Author: أبوبكر عباس
Date: 08-03-2016, 08:30 PM
Parent: #13

اللوحة المكتوب فوقها "الاعلام" الجنب صحن الباسطرما
الفي الصورة، قبيل ما لاحظت ليها؛ مُعبرة جداً!

Post: #15
Title: Re: وعلى الرغم من ذلك يقولوا ليك قائد .. فتأمل!
Author: مني عمسيب
Date: 08-04-2016, 10:16 AM
Parent: #14

التحية لصاحب البوست الهارب ! ولجميع المرابطين بالبوست .

يا ابكرونا يا خي ختفتها من قلمي ههههههه
Quote: بالله، حسين ملاسي هو فردة حسين خوجلي؟!

لكن بزيدها : من شعار الحسنين طبعآ ! ملئ بطني ولاوطني .

قبال المائدة المن عرق الغلابة دي جانا المدعو حسين ملاسي
يهدد ويتوعد أسر المعتقلين وختمها بي !!اللهم اشهد اني بلغت !
اها البوست دا مامعروف لياتو عزومة وملئ بطن !

اليكم تداعيات ... بخصوص حسين خوجلي .. ( هناي ) !
ونتمني ان نجتهد لتداعيات بخصوص حسن ملاسي .

Post: #16
Title: Re: وعلى الرغم من ذلك يقولوا ليك قائد .. فتأمل!
Author: المعز ادريس
Date: 08-04-2016, 10:59 AM
Parent: #15

أنا افتكرته "الخطيب"!
ــــــــــــ

خاصة بعد شفت موقعه في لستة ال!cc

Post: #17
Title: Re: وعلى الرغم من ذلك يقولوا ليك قائد .. فتأمل!
Author: أبوبكر عباس
Date: 08-04-2016, 11:04 AM
Parent: #15

إنتظرنا يا منى، نشوف سيد البوست ح يسوي شنو مع "حقنة الصادق المورمة" دي، لكنو ما جا راجع!
المهم، البوست شكلو تسبل، وممكن نتونس فوقو.

Post: #18
Title: Re: وعلى الرغم من ذلك يقولوا ليك قائد .. فتأمل!
Author: حيدر حسن ميرغني
Date: 08-04-2016, 11:07 AM
Parent: #17

كلنا ملاسي .. وبنحب القائد قرنق

Post: #19
Title: Re: وعلى الرغم من ذلك يقولوا ليك قائد .. فتأمل!
Author: Yousuf Taha
Date: 08-04-2016, 12:00 PM
Parent: #18

ريحت ابو اهلي يالصادق .....................................................

Post: #20
Title: Re: وعلى الرغم من ذلك يقولوا ليك قائد .. فتأمل!
Author: عمر عثمان عبد الوهاب
Date: 08-04-2016, 12:09 PM
Parent: #19

اكان كحيت والجمبك اتخلع ونطه
تعرفو شيوعي ياكافي المحن

Post: #21
Title: Re: وعلى الرغم من ذلك يقولوا ليك قائد .. فتأمل!
Author: MOHAMMED ELSHEIKH
Date: 08-04-2016, 12:46 PM
Parent: #20

Quote: الصادق أداها لي ملاسي غلط في العضل
وغالبا ح تورم

اها دا كلام دكاترة عدييييل كدى

Post: #22
Title: Re: وعلى الرغم من ذلك يقولوا ليك قائد .. فتأمل!
Author: Hassan Makkawi
Date: 08-04-2016, 01:48 PM
Parent: #21

Quote: بالله، حسين ملاسي هو فردة حسين خوجلي؟!

اليمين ولا الشمال....

Post: #23
Title: Re: وعلى الرغم من ذلك يقولوا ليك قائد .. فتأمل!
Author: محمد المسلمي
Date: 08-04-2016, 02:03 PM
Parent: #21

لم يتبقي من إرث الهالك قرنق سوي بقايا عكاليت أمثال المدعو دينق

Post: #24
Title: Re: وعلى الرغم من ذلك يقولوا ليك قائد .. فتأمل!
Author: Hussein Mallasi
Date: 08-04-2016, 03:15 PM
Parent: #23

Quote: إذن هو قائد لكل المؤمنين بفكرته وآراءه ( حيآ وميتآ ) .
يعني يموت القائد ، وتبقى الفكره ( بغض النظر عن رأيك ) .

كان وتبقى الفكرة ما عارف!
الشي عدمت مزعة اللحم!

Post: #25
Title: Re: وعلى الرغم من ذلك يقولوا ليك قائد .. فتأمل!
Author: مني عمسيب
Date: 08-05-2016, 11:28 AM
Parent: #24

يعني نعرف من كدا دا كل القدرت ترد عليهو ؟

تأمل !!!
Quote:
كان وتبقى الفكرة ما عارف!
الشي عدمت مزعة اللحم!

Post: #26
Title: Re: وعلى الرغم من ذلك يقولوا ليك قائد .. فتأمل!
Author: اسماعيل عبد الله محمد
Date: 08-05-2016, 12:23 PM
Parent: #25

لو لقرنق حسنة وحيدة هي كشفه لزيف اطروحات الجلابة و هزيمته لهم في سوح الصراع الفكري و وضعه لعتبة صلدة ارتكز عليها كل مهمش من قبل مركزية الجلابة ..

حسين و حسين كلاهما يمثلان اعمدة الاستهبال الجلابي ..

Post: #27
Title: Re: وعلى الرغم من ذلك يقولوا ليك قائد .. فتأمل!
Author: جمال ود القوز
Date: 08-05-2016, 02:54 PM
Parent: #26

ياملاسي ماتبخس مشروع قرنق او قرنق نفسه..
قد يشفع له انه مات من اجل وحدويته ..
التي ابانها مؤخرا فلقى بها حتفه ..

قرنق ده بيشبه لي المورث الغني وحريص
القضى عمره كله يجمع ويكدس ..
وبعد موته آلت تركته لورثه اضاعوها ..
شمار في مرقه ..
اتضح انه الراجل كان غلطان ..
داير وحدة والداعمين دايرين انفصال ..
كان في المنحى ده ربما كان لك حق ..
اي مشروع الاستمرار في ظل سودان واحد ..

Post: #28
Title: Re: وعلى الرغم من ذلك يقولوا ليك قائد .. فتأمل!
Author: على تاج الدين على
Date: 08-05-2016, 11:13 PM
Parent: #27

غايتو يا حسين بطريقتك دى يوم بتكتل ليك مناضل........قلت لى لم يبق فى المشروع ده مزعة لحم واحدة ومع ذلك اقولوا ليك القائد؟؟؟؟ههههههههههههههههههههههههههههه

Post: #29
Title: Re: وعلى الرغم من ذلك يقولوا ليك قائد .. فتأمل!
Author: مني عمسيب
Date: 08-06-2016, 08:42 AM
Parent: #28

علي تاج الدين سلام ,,

قلت لي :
Quote: غايتو يا حسين بطريقتك دى يوم بتكتل ليك مناضل.

كدي صاحبك وزميلك في الهروب اللجي راجع ! الكتل هين ..
هههههههههههههههههههههههههههههههههههههههههههههههههههههههههههههههه
وبالمناسبة وينك انت من ديك وعيييييييييك ؟

بقيتوا تحبوا الهروب حبآ جما !!!!

Post: #30
Title: Re: وعلى الرغم من ذلك يقولوا ليك قائد .. فتأمل!
Author: مني عمسيب
Date: 08-07-2016, 09:04 AM
Parent: #29

ابكرونا صباح الرضا ..

قلت لي :
Quote:
إنتظرنا يا منى، نشوف سيد البوست ح يسوي شنو مع "حقنة الصادق المورمة" دي، لكنو ما جا راجع!
المهم، البوست شكلو تسبل، وممكن نتونس فوقو.

البوست بقي للمرابطين وفي الانتظار يا ابكر ههههههههههه
وياها حالتهم يجوا بمنتهي البساطة يفتحوا بوست ومفتكرين
الناس سذج زيهم وزي بوستاتهم !

وزي ما قلت البوست يكون للونسة .

شوف كلامو يا ابكرونا في الوقت الفيهو بتصادر الصحف اليومية !

Post: #31
Title: Re: وعلى الرغم من ذلك يقولوا ليك قائد .. فتأمل!
Author: Hatim Alhwary
Date: 08-07-2016, 09:33 AM
Parent: #30

لووووول @ الصادق

البنسلين يا تمرجي...محل مايسري يمري

حقنة البنسلين دي نار نااار...بتذكر زمان انضربت في الكورة واهملتها جاني التهاب شديد...قمت سقت العجلة ومشيت مستشفى قريبة من الحي...المهم الدكتور قال ادوهو حقنة في العضل

العضل دا انا قايلوا ...فوق في الكتف
مشيت للتمرجي ومديت ليهو يدي...قام حمر لي وقال وين يامعلم عضل معناها ترقد

افووو اتجوعلت وقلت ليهو رقاد ما معانا...اديني الحقة في الكتف...التمرجي قال لي على كيفك لكن الكلام دا بعدين بتاباهو

الزول دا اداني الحقنة في كتفي ..غايتو العجلة خليتها في المستشفى ورجعتا كداري

لووول

يا الصادق الزول دا لو ارجع اديهو حقنة في الجنبة التانية

Post: #32
Title: Re: وعلى الرغم من ذلك يقولوا ليك قائد .. فتأمل!
Author: مني عمسيب
Date: 08-07-2016, 08:20 PM
Parent: #31

Quote: يا الصادق الزول دا لو ارجع اديهو حقنة في الجنبة التانية

انتوا يايما تندرعوا في العدو ههههههههههههههههههه

Post: #33
Title: Re: وعلى الرغم من ذلك يقولوا ليك قائد .. فتأمل!
Author: عمر عبد الكريم علي
Date: 08-08-2016, 00:24 AM
Parent: #32

ياناس اعذرو الراجل ده
السودان بقى ضاغط لمن بهناك
دعوه يعيش

Post: #34
Title: Re: وعلى الرغم من ذلك يقولوا ليك قائد .. فتأمل!
Author: othman mohmmadien
Date: 08-08-2016, 07:20 AM
Parent: #33

سلام ملاسي ...،
وبقية الأخوة المتداخلين
جون قرنق اتى السودان بمشروع انفصال
عملة خاصة بدولته ...
علم خاص بدولته ...،
بنك مركزي خاص بدولته لا علاقة له بالسودان الكبير
وتحقق الانفصال منذ أن وطأت قدمه السودان وهو مشروع أيضاً كيزاني سر المؤتمر الوطني الحاكم كثيرا واضر يالسودانيين اجمع ...، وبالأخوة الجنوبيين أخص
لا خير في السودان الا بزوال الطغمة الحاكمة في شماله وجنوبه

Post: #35
Title: Re: وعلى الرغم من ذلك يقولوا ليك قائد .. فتأمل!
Author: مني عمسيب
Date: 08-08-2016, 08:25 AM
Parent: #34

Quote: سلام ملاسي ...،

ملاسي تعال رد السلام بس وامشي !!!

Post: #36
Title: Re: وعلى الرغم من ذلك يقولوا ليك قائد .. فتأمل!
Author: Deng
Date: 08-08-2016, 08:50 AM
Parent: #35

الزعيم الراحل جون قرنق لم يكن مجرد قائدا، لقد كان رجل سياسي محنك وعسكري محترف وصاحب شخصية كاريزمية قوية ورجل صاحب فكر وفكرة ضحى من أجلها بحياته.

قيادة وحنكة جون قرنق يعرفها أعدائه قبل أصدقائه.

فكرة السودان الجديد، هي التي أدخلت الوعي في كل المناطق المهمشة في السودان، ولقد شمل ذلك تمرد أبناء الهامش الذين انخدعوا من قبل بواسطة مشروع الاخوان المسلمين الفاشي المجرم.

ما يحدث في جنوب السودان اليوم لا يمكن أن نحمل مسئوليته الى رجل واحد فقط.

Post: #38
Title: Re: وعلى الرغم من ذلك يقولوا ليك قائد .. فتأمل!
Author: Deng
Date: 08-08-2016, 08:55 AM
Parent: #36

Quote: لو ما كان سمى انتفاضة ابريل بمايو TWO

الأخ فيصل محمد خليل.

المعلومة دي غير صحيحة.

الدكتور جون قرنق كان رأيه في الأنتفاضة بأنها إنتفاضة شعبية حقيقية، ولكن قيادات الجيش أستولت على السلطة وشكلت مجلس عسكري يمثل القادة العسكريين بتاعين النميري، فلذلك سمى قرنق المجلس العسكري بقيادة سوار الدهب بأنه يمثل مايو 2.

Post: #37
Title: Re: وعلى الرغم من ذلك يقولوا ليك قائد .. فتأمل!
Author: Omer Abdalla Omer
Date: 08-08-2016, 08:54 AM
Parent: #34

Quote: على الرغم من أن مشروع جون قرنق لم تتبق فيه مزعة لحم إلا أن هنالك من يصر علي استمرار إلصاق صفة القائد به .. فتأمل!

طبعا ملاسي لا يكف عن التهافت ابدا! بل هو التهافت نفسه.
ما دفع حسين لقول ما قال هو الخلافات التي تعصف بالحركة و لذلك لم يجد حرج في الإبداع في التهافت و توزيع إبتسامته تلك الصفراء التي تعرفونها!
يا للتهافت! ما ظنك في الذي حدث بعد وفاة النبي الاكرم؟ هل لعيب في رسالته او مشروعه؟ اولم يكن مشروعا الهيا متكاملا؟ ماذا حدث بعد وفاته و جثمانه لم يوار الثرى بعد؟
هل سمعت بحادثة الثقيفة؟
أنّ المسلمين اختلفوا بعد وفاته ـ وجثمانه بَعدُ لم يُوار ـ إلى فرقتين يجمعهما الاتّفاق في سائر الاُصول ويفرّقهما الخلاف في مسألة الخلافة والولاية!
هل سمع حسين "قيافة" المتهافت بفتنة مقتل عثمان " ذي النورين"؟ هل قتله جيش ابرهة ام إنكشارية إسماعيل باشا؟
ما ظنك في واقعة الجمل؟ اولم يكن علي كرم الله وجه هو باب مدينة العلم؟ أولم يتحارب مع زوج النبي الاكرم ام المسلمين عائشة الحميراء؟
هل كان ذلك نقصا في مشروعه صلى الله عليه و سلم؟
الم اقل لك إن كتاباتك تتسم بالبساطة و الغرض و التهافت!

Post: #39
Title: Re: وعلى الرغم من ذلك يقولوا ليك قائد .. فتأمل!
Author: مني عمسيب
Date: 08-11-2016, 10:22 AM
Parent: #37

الأخ المحترم .. عمر عبد الله ..

لك التحية .. ولجميع المرابطين بالبوست .

Quote: الم اقل لك إن كتاباتك تتسم بالبساطة و الغرض و التهافت!

والشئ المحير يا اخي عمر ومتفق عليه معظم الانقاذين
والمطبلين ليهم بهذا المستوي المخل للوعي والاخلاق !!!!

وبعدين الهروب المخجل دا مبررو شنو ما معروف !!!

Post: #40
Title: Re: وعلى الرغم من ذلك يقولوا ليك قائد .. فتأمل!
Author: مني عمسيب
Date: 11-06-2016, 10:12 AM
Parent: #39

تأمل !

Post: #41
Title: Re: وعلى الرغم من ذلك يقولوا ليك قائد .. فتأمل!
Author: مني عمسيب
Date: 11-06-2016, 10:13 AM
Parent: #40

حسين ملاسي + حسين خوجلي = والله صحي !

فتأمل !

Post: #42
Title: Re: وعلى الرغم من ذلك يقولوا ليك قائد .. فتأمل!
Author: عمر الفاروق عبد الله الشيخ
Date: 11-06-2016, 10:52 AM
Parent: #41

سلام للجميع

مرات بتكون الصورة ابلغ من الف مقال ومرات بتكون الرسمة شارحة اشواق الناس نحو سودان نظيف

Post: #43
Title: Re: وعلى الرغم من ذلك يقولوا ليك قائد .. فتأمل!
Author: AMNA MUKHTAR
Date: 11-07-2016, 06:40 PM
Parent: #42

قصر نظر من صاحب البوست ...كالعادة .
فالمشروع لم يمت ..بل لم يتخمر بعد .

خلافات الحركة الشعبية وعواستها ..ناتجة عن عدم إلتزام بعض قادتها بالمشروع ..وربما عدم إستيعابهم له من الأساس .

وعد .
المشروع لن يموت طالما يؤمن به أشخاص عكاليت مثلي ..
وهم كثر .

فهو منطقي للغاية ..ويمثل قراءة واقعية لماضي وحاضر دولة كالسودان لم تكتمل بعد أشراطها كدولة وأمة .
ويمثل مخرجا لها وحلا لحاضرها وغدها .

______

بت عمسيب دي بقت زي جادات ..وللا هي من زمان زي جادات بس أنا ما كنت ملاحظة ؟!
بوخت علي خفة دم بقية المتداخلين .

Post: #44
Title: Re: وعلى الرغم من ذلك يقولوا ليك قائد .. فتأمل!
Author: عبداللطيف حسن علي
Date: 11-07-2016, 10:41 PM
Parent: #43

الم اقل لك إن كتاباتك تتسم بالبساطة و الغرض و التهافت!
ــــــــــــــــــــــــــــــــــ
هو كمان بعرف كلامك دا كلوا يا عمر !!

Post: #45
Title: Re: وعلى الرغم من ذلك يقولوا ليك قائد .. فتأمل!
Author: jini
Date: 11-07-2016, 11:08 PM
Parent: #44

هجوم ملاسي على الفكرة أقوى دليل على بقائها
لا زال هنالك سودانان على الأقل
جني