منقول من الواتس آب {{ أم درمـــان ذكريات مدينـة}} ..
((من علايل ابروف للمذالق .. من فتيح للخــور للمغالق )) ** أتذكرنا بلــدنا ونيلهــا إتْشعبطنا علي التُرمــاج هدومنا ملانة تراب وعجـاج والكمساري يكورك فينا خُشْ لي جــوه.. وحاسب أوعى !! كم من كارو ولوري سفنجــه وخلف الزنكي وسـوق الملجــه تكاسي الطرحــه تفضي وتملا بــيع قطــاعي وبــيع بالجملــه وجنب (التُمَّنه) عالــم جالسة بتلعب "ضُمنــه" جنب ( شاشاتي) وناس (حجــار) (ديمتري البازا ) وصــوت ( زنقار) وصوت المغني: ((من ضيق نفسك يالقطـار ورزيــم صدرك قلبي طــار وينو الحبيب انت شلتو جيبو يا القطــار )) ** بياعين في كل مكان ند وعطور وبخور تيمان حدادين .. و برادين .. كهربجيه وكم نجار كومسنجيه وصنايعيه وأفنديه قابضه بتحسب في الماهيــه وبالله عليك ياماري علي ســوق أمدرمــان أهــدي سلامي الى الأعيــان (( شيخ السوق الرجل القامه الهيبه الحاج صديق عبدالله )) ** فضــل المولى وحــاج عثمــان ولو لاقاك عباس رشــوان ســرور وهريدي وعم شلقامي وشيخ سلمان وود(الأغا وكزام كمان ) اتلقاهــم بالأحضــان .. أحجز كرسي في مطعم برسي وبرد جوفك من خيرات جورجي مشرقي وميامي العامر بالخــيرات وقــول (للسنجك) ولي ( ود بني) .. أفخــم شيلة في شــارع العدني ريح حبـه .. تابع الجوله .. ولف بي غــادي علي التنقاري والعبــادي وخليك ماشي.. رايح وغــــادي في الشنقيطي وشــارع الــوادي أغشى( تبيدي) وأولاد (ملــه) وخُد لي عروسك خاتــم ودبلــه وأحفظ مالك . وبص في يمينك .. وبص في شمالك شــوف واتملي .. في خلــق الله أحمد الله وريح بالك وأملا عيونك بهجــه ومتعــه وفجأة ونحن في ساحة ( الشهداء ) طلت لينا بدور " القلعــة " آخر بهجة وآخر روعــــه ..!! وصوت المغني : ((العيون النوركن بجهرها..غير جمالكن مين السهره (( يابدور القلعة وجوهره !! )) ** سرنا معاها عريس وعروس سيره وزفه لشــارع النيــل اتباخخنا بمويــة السيل وكم غنينا في عز الليــل موجــه تغني .. وموجــة تشيل وصوت المغني ( عريسنا سار البحرٍ ياعديلة .. وقطع جرايد النخــل .. ياعديله ) ** ولما سمعنا دق النوبــة في حمد النيل ونقر الطار رحنا نقزنا كبار وصغار اترحمنا علي االأبرار إنشاد ديني : .. ( لوح من النور البراق) .. واختم قولي بالصلاة معظما نقرأ الراتب في (البلديــه) وكمان المولد والليليــه في حي (مكي) و(المهديه) وجينا دار الإسبتاليــه نغشى في يوم الزياره ناس عزيزه علينا غاليــه النساوين والصبايا العواميد جاية ماليه وفي الدهاليز الأنيقــه مارقــه (سيستر) وداخلة دايه (دوبيت) من أشعــار الخليفــه يوسف الحسن : (شهرين دراجين راقد علــي كوعي ،، عليــل في العنقريب اتطبقو ضلوعي .. الأهــل الكبار ماعرفوا موضوعي ،،، والهدم الجديد فشيتو بي دموعــي ) .. بالملازمين احتفلنا وقدلنا في ود آرو وتمشينا لي ود البنا وكم دندنا مع الفرجوني وود البنا وصوت المغني : (امتى أرجع لي أم در وأعودها) ** اتسامرنا في (( بيت المــال )) .. واستبشرنا بحسن الفــال واتحكرنا قعدنا لعبنا (كونكان عشره ) ** تحت (الدومه) و (ســوق الشجره ) صغار وكبار وبهجة وفال .. وكان في النيــه .. يبقي مقيلنا في دار (الهجــره) وقبل ماتمغرب علينا شلنا خطوتنا ومشينا جينا داخلين (المظاهر) والكهارب من بعيد في (المسالمــه) نورها باهر ... وصوت المغني : (( ياظبيــة المسالمة بالحاصـل بي انتي عالمــه )) ** وقفنا في (حي العرب) نحيي بي كل الأدب لي أســاطين الطــرب عزفنا مزيكة قرب وصوت المغني : (( أنا في شخصك بحترم أشــخاص)) ** اتذكرنا أماسي نديــه أعادت لينا مشاهد حيــه جرتق وعرضه في حي ((العرضــه)) و(( الردميــه)) .. صنــدل فايــح من صبحيــه في ( الهاشــماب) و( العباسيــة ) وصوت المغني : (أطرد الأحــلام ياجميل واصحــا) .. اتهندمنا .. واتعطرنا ورحنا سهرنا اجمــل سهرة في حي (الأمراء ) هناك صباحي بي خــلف الله .. ورمضــان زايد والمأمــون وأحمد جمعــة وقمنا لحقنا صلاة الجمعــه وعــدنا نكمل للصبحيــه حليل المولد و(ســوق الزلعه) والتهليل في يوم العيد وسط الحي .. والناس مجتمعه وسالت دمعــه أهاجت فينا كوامن لوعــه لما طرينا شــوارع الحَلــّه ولعب البلي والكرتلــه سينما برمبل والوطنيه (وعنتر وعبله) شراب (القله ) و (موية الزير) .. ســوق (المويه) ومقهى (الزيبق ) و (أحمد خير ) دكان موسي .. وبرعي التــرزي .. سعيد العربي .. و(سمك السبكي) الليمون في حي البوستــه وباسطــه ( بيِّن) و (باباكوستا) .. طرينا في وهله زمن الجهله وضل النخله ونوم السهله حاجة حنينه وخالتي سكينه وغنــوة حنينه .. وصوت المغني : (الزهــور صاحيــة وانت نائم ) .. (يتداخل مع أصـوات اطفــال) .. (الله خلق للنعجةضنب .. الكوم بقرش والدقــة بلاش) .. الأنداد أولاد الدفعـة سعيد وكرومة وتنقو وسمعه (الدافوري) صباح الجمعــة وفي العصريه وقون المغرب .. لما تمغرب للمغلوب احسن من ميه ويا ما ضحكنا .. لما بكينا يوم سكتنا كلاب (الحلبه) ومن الخلعــه وكتر العجلــه اترادفنا تلاته في عجله وتاهت بينا دروب الرجعه دخلنا في شــارع لقينا اللمة وونسة وطلــة عرفنا النــاس وعمك ود البصير وديل ناس ودنوباوي كمان نبراس وسقنا مشينا . واتدلينا في حي العمــده وطابت لينا هناك القعده جنب الزول النام واتمد وخاتي ضراعو تحتو مخده وطفله صغيره في عرض الشارع قايده أبوها وماده القرعــه وصوت المــادح جنب الجامع باكي ونائــح * (ياراحلين الي منيً بقياد هيجتموا يوم الرحيل فــؤادي ) .. حليلهم أهلنا الكان ليهم شنه ورنه أهل الوجعــه ربنا عالــم كانوا معالم شامخــه أبيــه لا باسبورت ولا جنسيه وفي القاسيات كان ليهم فزعــه يدخل المغني .. صوت أبو داؤود .. ((حليل الفرقه من بكره .. حليل الأصبحت ذكري )) ********************** 🌿💐🌴🐾🌱🍁🌴
👆🏽هذه الكلمات هيجت فيني الذكريات الحلوة ، ورجعتني لي أيام الطفولة في أمدرمان بلد الناس الحنان أيام الزمن الجميل الذي لن يجود الزمان بمثله .......
Post: #2 Title: Re: ***** ام درمان ذكريات مدينة ***** Author: Salah Zubeir Date: 08-02-2016, 09:46 PM Parent: #1
إييييييييييييييييييييييييييه برضو بحري أحلا في منتصف تمانينات القرن الماضي وبعد غربة سنتين تم زواجي علي بت (أم أحمد) من بنات أمدرمان (ال 13) ,,, كان ذلك يوم جمعة إلتقي فيها منذ منتصف النهار باصين قادمات من نجوع نهر النيل ,,, باص من الشرق أهل العروس وباص غرب النيل ديل أهل العريس ,,,,, بادي محمد الطيب وسيف الجامعة كانو من تغني ,,,, غايتو سيف الجامعة غنا الفاصل الأول تلاتة أغنيات فيهم الأغنية الأولي رحلة في طيارة رقص فيها العرسان بعد داك إعتذرو ليهو بي حجة الناس ناس بطان وعرضة ,,,, وظل بادي يغني إلي ما بعد أذآن الفجر ,,,, وناس أمدرمان اليوم داك عرفو حاجة ,,,, بعد شهر العسل قعدت إسبوع قبل سفرنا إلي حيث أعمل ,,,, غايتو صاحي كدا ما قدرتا أقعد ساعتين متواصلات في أمدرمان المقولة بتقول ناس بحري ما بحبو إلاّ بحري. تخريمة :- جدي التوم الزبير الله يرحمو بعد ما جيت من شهر العسل منتصف النهار وبعد الغدا ناداني وقعدني جنبو في عنقريبو بتاع المخرته وقال لي أرفع الجلابية دي أنشوف ركبينك (ركبك جمع ركبة) ,,, وأنا مستغربا" رفعتا الجلابية مظهرا" ركبين نضاف وسليمات ما فيهن ولا خدشا ,,,, جدي مصفقا" بيديه متحسرا" وغضبان أسفا" وقال ,,,, علي الطلاق يا ولدي إتا لا عرستا ولا شفتا العرس ,,, يا ولدي العريس في إسبوعو الأول لازمن ركبو تكون ماشا دم ,,,, وبنظرة تحدي أااااااي الدم الواحد دا ,,, وتقول لي أمدرمان ,,, ياخي قوم لف ,,,, طبعا" مافي طريقة تقول ليهو إنو عنقريب الحبل والبرش المفروش فيهو بتاع زمان إستبدلوهم بي عناقريب كنق سايز ومراتب إسفنج ,,, تاكلا في حنانك وتمشي
وكما قال :- تحياتي وإحترامي.
Post: #3 Title: Re: ***** ام درمان ذكريات مدينة ***** Author: نادر الفضلى Date: 08-03-2016, 02:44 AM Parent: #2
Quote: بالملازمين احتفلنا وقدلنا في ود آرو وتمشينا لي ود البنا وكم دندنا مع الفرجوني وود البنا وصوت المغني : (امتى أرجع لي أم در وأعودها) ** اتسامرنا في (( بيت المــال )) .. واستبشرنا بحسن الفــال واتحكرنا قعدنا لعبنا (كونكان عشره ) ** تحت (الدومه) و (ســوق الشجره ) صغار وكبار وبهجة وفال .. وكان في النيــه .. يبقي مقيلنا في دار (الهجــره
. ما أحلاها من كلمات وخواطر وطواف وتجوال
Post: #4 Title: Re: ***** ام درمان ذكريات مدينة ***** Author: الصادق عز الدين Date: 08-03-2016, 04:46 AM Parent: #3
قوم لف ما حلوة في أم درمان أمدرمان أصالة وتاريخ وثقافة ، ما تقدر توصف أم درمان في عجالة القصيدة جميلة ورائعة الغريب مع كل كلمة وإسم وحي تلقى ذكرى يا سلام على أم درمان
Post: #5 Title: Re: ***** ام درمان ذكريات مدينة ***** Author: عثمان عووضة Date: 08-03-2016, 05:28 AM Parent: #4
ود الزبير ابو حسين دا ما تضيع وكتك معاهو دا ماكل الزغنبوت ياخ😉اصبحنا واصبح الملك لله ... ملحوظة: الزغنبوت هو العصلج المخلوط مع الكفنجيخ وهو مادة شبيهة بالشبنكار
Post: #6 Title: Re: ***** ام درمان ذكريات مدينة ***** Author: ABUHUSSEIN Date: 08-03-2016, 05:39 AM Parent: #5
بوابة عبدالقيوم من معالم أم درمان القديمة ...
الصورة من ويكبيديا
Post: #7 Title: Re: ***** ام درمان ذكريات مدينة ***** Author: عزالدين عباس الفحل Date: 08-03-2016, 05:48 AM Parent: #5
الخرطوم بحري أحلي ، سلام بوحسين و عووضة ، ،،،،،،،
عزالدين عباس الفحل ابوظبي
Post: #8 Title: Re: ***** ام درمان ذكريات مدينة ***** Author: ABUHUSSEIN Date: 08-03-2016, 05:59 AM Parent: #7
رئاسة بـولـيس أم درمان ...
Post: #9 Title: Re: ***** ام درمان ذكريات مدينة ***** Author: محمد حيدر المشرف Date: 08-03-2016, 06:05 AM Parent: #1
صباح امدرماني دافي جدا وأغبش وحنِيييين يا خال
Quote: الليمون في حي البوستــه وباسطــه ( بيِّن) و (باباكوستا) ..
عارف محل الليمون ده وين ؟!
تعرف في الزقاق الورا عمارة محمد حسين .. جنب معمل الباسطة بتاع أخونا الاكبر ولاعب كرة القدم الفذ عادل الأطرش .. في محل ليمون أظنه ولست متأكدا لعمنا قرشي (والد عصمت/عصام قرشي) ...
أهو ده يا خال أحلى ليمون ربنا خلقو .. أحلى حتى من ليمون بزنس والحبيبة تغني لينا وكده :)
Post: #10 Title: Re: ***** ام درمان ذكريات مدينة ***** Author: ABUHUSSEIN Date: 08-03-2016, 06:13 AM Parent: #9
صلاح الزبير إنت متزوج في منتصف ثمانينات القرن الماضي .....؟؟؟ طيب سوق معاك مين كدا عووضة دا بالله و دار المسنين بالشارع الجايي يمين ... قال بحري قال ...
Post: #11 Title: Re: ***** ام درمان ذكريات مدينة ***** Author: ABUHUSSEIN Date: 08-03-2016, 06:14 AM Parent: #10
Quote: ما أحلاها من كلمات وخواطر وطواف وتجوال
فعلاً أخونا نادر الراجل طاف بينا في أم درمان بي صورة جميلة جداً أعادت الكثير للذاكرة ...
Post: #12 Title: Re: ***** ام درمان ذكريات مدينة ***** Author: ABUHUSSEIN Date: 08-03-2016, 06:31 AM Parent: #11
Quote: قوم لف ما حلوة في أم درمان أمدرمان أصالة وتاريخ وثقافة ، ما تقدر توصف أم درمان في عجالة القصيدة جميلة ورائعة الغريب مع كل كلمة وإسم وحي تلقى ذكرى يا سلام على أم درمان
أقوم ألف في بوسطيني ....؟؟؟ ياخ إنت زول جريئ خلاص .... حا أخليك للزمن ... ياخ أم درمان الكلام عنها ببكي ناس و بغيظ ناس تانين ... صاحبنا زمان سافر مشى بورتسودان قال يمشي يشوف ليه رزق و يلعب كورة هناك بعد ما وصل و ريح شوية كدا طلع المساء مشى ليهو قهوة ... طلب شاي و قبل ما يجيبو ليهو الشاي سمع من أم در يا ربوع سودانا قعد يبكي لم القهوة كلها قعدت تتفرج فيه تاني يوم من الصباح شال شنطتو و على القطر ....
Post: #14 Title: Re: ***** ام درمان ذكريات مدينة ***** Author: ABUHUSSEIN Date: 08-03-2016, 06:33 AM Parent: #12
Quote: ود الزبير ابو حسين دا ما تضيع وكتك معاهو دا ماكل الزغنبوت ياخ😉اصبحنا واصبح الملك لله ... ملحوظة: الزغنبوت هو العصلج المخلوط مع الكفنجيخ وهو مادة شبيهة بالشبنكار
يا زول هوي أنا مستلب ... ثقافتي عربي ....
Post: #15 Title: Re: ***** ام درمان ذكريات مدينة ***** Author: ABUHUSSEIN Date: 08-03-2016, 06:35 AM Parent: #14
Quote: الخرطوم بحري أحلي ،
الحمد لله ... دي نعمة كبيرة و عليكم السلام بو عباس....
Post: #16 Title: Re: ***** ام درمان ذكريات مدينة ***** Author: ABUHUSSEIN Date: 08-03-2016, 06:41 AM Parent: #15
Quote: صباح امدرماني دافي جدا وأغبش وحنِيييين يا خال
Quote: الليمون في حي البوستــه وباسطــه ( بيِّن) و (باباكوستا) ..
عارف محل الليمون ده وين ؟!
تعرف في الزقاق الورا عمارة محمد حسين .. جنب معمل الباسطة بتاع أخونا الاكبر ولاعب كرة القدم الفذ عادل الأطرش .. في محل ليمون أظنه ولست متأكدا لعمنا قرشي (والد عصمت/عصام قرشي) ...
أهو ده يا خال أحلى ليمون ربنا خلقو .. أحلى حتى من ليمون بزنس والحبيبة تغني لينا وكده :)
فول عمك صالح و باسطة عادل طروشة ... أخخخخخخخخخخخخخخخخخخخخخخخخخخخخخخخ في الركن الجنوبي الغربي لميدان الحرية كان في عمك بتاع ليمون و شعير .... (الكلام دا كان زمان يعني إنت تكون شافع الزمن داك يمكن لسه ما ولدوك ) تشرب منو كباية بعدها إلا تقعد و تتشهد و تاخد ليك إنجمامة كم دقيقة كدا .... لو ما عملت كدا بتقع في نص الظلط .....
Post: #13 Title: Re: ***** ام درمان ذكريات مدينة ***** Author: ABUHUSSEIN Date: 08-03-2016, 06:32 AM Parent: #11
Quote: قوم لف ما حلوة في أم درمان أمدرمان أصالة وتاريخ وثقافة ، ما تقدر توصف أم درمان في عجالة القصيدة جميلة ورائعة الغريب مع كل كلمة وإسم وحي تلقى ذكرى يا سلام على أم درمان
أقوم ألف في بوسطيني ....؟؟؟ ياخ إنت زول جريئ خلاص .... حا أخليك للزمن ... ياخ أم درمان الكلام عنها ببكي ناس و بغيظ ناس تانين ... صاحبنا زمان سافر مشى بورتسودان قال يمشي يشوف ليه رزق و يلعب كورة هناك بعد ما وصل و ريح شوية كدا طلع المساء مشى ليهو قهوة ... طلب شاي و قبل ما يجيبو ليهو الشاي سمع من أم در يا ربوع سودانا قعد يبكي لم القهوة كلها قعدت تتفرج فيه تاني يوم من الصباح شال شنطتو و على القطر ....
Post: #17 Title: Re: ***** ام درمان ذكريات مدينة ***** Author: ABUHUSSEIN Date: 08-03-2016, 06:45 AM Parent: #13
الجامع الكبير أم درمان .....
Post: #18 Title: Re: ***** ام درمان ذكريات مدينة ***** Author: ياسر منصور عثمان Date: 08-03-2016, 10:57 AM Parent: #1
ام درمان قدح الضيفان
يا اخي امدر دي فيها سر وسحر عجيب..
بمناسبة سوق امدرمان في حاجة محيراني المحطة الوسطى دي زمان كانت شايلة بصات وطراحات وناس وصينية في النص مالا هسه بقت صغيرة كده؟؟
كل ما امشي لازم اقيف واحاول القى حل
ههههههههههههههه
Post: #19 Title: Re: ***** ام درمان ذكريات مدينة ***** Author: علي عبدالوهاب عثمان Date: 08-03-2016, 12:27 PM Parent: #18
الحبيب أبو حسين .. مودتي بوست جميل مفعم بالذكريات .. رغم أنني من ضواحي الدنيا ( ضهاري الضهاري ) ومعرفتي محدودة بجغرافية العاصمة .. في وقت مضى زمان .. حضرنا إلى كورس تدريب المعلمين في أمدرمان .. أريد أن أسألك عن مكان كنا نركب منه المواصلات إلى المعهد الحارة الثانية بالنص .. إسمه ( العدني ) هل مازال موجود ؟ هل العدني منسوب لشخص ؟ لأنني كنت استغرب من هذا المسمى ..
مودتي أبوحسين
Post: #20 Title: Re: ***** ام درمان ذكريات مدينة ***** Author: ياسر منصور عثمان Date: 08-03-2016, 12:32 PM Parent: #19
سلام علي
ارد ليك لحدي ما يجي ابو حسين
العدني هو محل شهير (بوتيك) وهو بالفعل ينسب لصاحبه
زمان كان موقف مواصلات الثورة بالنص هناك
مع ودي
Post: #21 Title: Re: ***** ام درمان ذكريات مدينة ***** Author: ABUHUSSEIN Date: 08-03-2016, 03:17 PM Parent: #20
Quote: ام درمان قدح الضيفان
يا اخي امدر دي فيها سر وسحر عجيب..
بمناسبة سوق امدرمان في حاجة محيراني المحطة الوسطى دي زمان كانت شايلة بصات وطراحات وناس وصينية في النص مالا هسه بقت صغيرة كده؟؟
كل ما امشي لازم اقيف واحاول القى حل
ههههههههههههههه
أخونا ياسر منصور أهلاً و سهلاَ بيك ف رحاب أم در ..... ياخ المحطة الوسطى د حكايتا حكاية .... قبل سنة تقرباً في أول أيام عيد الفطر مريت بيها الصباح ما تتخيل جبال الزبالة اللي فيها ....!!!!! و في نص الشارع يعني العربات تتزاوغ منها .... المحطة الوسطى دي كانت آية من النظام و النظافة و الجمال ....
أهو بقينا عايشين على الذكريات ....
Post: #22 Title: Re: ***** ام درمان ذكريات مدينة ***** Author: ABUHUSSEIN Date: 08-03-2016, 03:28 PM Parent: #21
Quote: الحبيب أبو حسين .. مودتي بوست جميل مفعم بالذكريات .. رغم أنني من ضواحي الدنيا ( ضهاري الضهاري ) ومعرفتي محدودة بجغرافية العاصمة .. في وقت مضى زمان .. حضرنا إلى كورس تدريب المعلمين في أمدرمان .. أريد أن أسألك عن مكان كنا نركب منه المواصلات إلى المعهد الحارة الثانية بالنص .. إسمه ( العدني ) هل مازال موجود ؟ هل العدني منسوب لشخص ؟ لأنني كنت استغرب من هذا المسمى ..
مودتي أبوحسين
أخونا و حبيبنا علي شرفت أم در يا راجل يا طيب ... العدني في أول شارع كرري و اللي بعض الناس بقولو عليهو شارع العدني و عدني نسبة إلا عدن في اليمن و هو إسم الراجل صاحب المحل.... في الموقف دا كانت باصات الثورة بالنص باللون الوردي و باصات ودنوباوي ود البصير باللون الأخضر الغامق و باصات ود نوباوي شارع الدومة بالله شفت الدلع دا كيف ...؟؟؟؟ شارع ود البصير و شارع الدومة المسافة بيناتهم حوالي 350 أو 400 متر كان عندهم مواصلات منفصلة ......!!!!!!!!!! و الموقف دا في سوق الجلود غرب موقف الباصات مباشرةً و أكيد في زمنكم داك كان موجود ....
تحياتي و إحترامي
Post: #23 Title: Re: ***** ام درمان ذكريات مدينة ***** Author: جلالدونا Date: 08-03-2016, 03:57 PM Parent: #22
غايتو اسرائيل بتاعتكم دى بعرف فيها استاد المريخ و سوق الشدرة سوق الناقة طبعا برّة مثلث حمدى
Post: #24 Title: Re: ***** ام درمان ذكريات مدينة ***** Author: ABUHUSSEIN Date: 08-03-2016, 04:30 PM Parent: #23
يا جلجل استاد المريخ و سوق الشجرة ديل جيتم بي هيلوكبتر ... ؟؟ اكيد مريت بي واحد من الكباري و شارع الموردة و شارع العرضة و المجلس البلدي ابو ساعة ... و دار الرياضة ام درمان و حوش الخليفة و بيت الأزهري ... و عيييييييك ...
و ياخ قوم لف
Post: #25 Title: Re: ***** ام درمان ذكريات مدينة ***** Author: Salah Zubeir Date: 08-03-2016, 10:10 PM Parent: #24
Quote: صلاح الزبير إنت متزوج في منتصف ثمانينات القرن الماضي .....؟؟؟
يابني أنا كتا قدام خالك قباني بي سنة ,,,, والحمد لله أكبر حفيد (عندي تلاتة) في تانية إبتدائي عقبال حسين يعرس إنشاءالله وتشوف جني جناك وهي متعة لاتحدها حدود. لكن برضو بحري أحلي ,,,,,,
Post: #26 Title: Re: ***** ام درمان ذكريات مدينة ***** Author: ABUHUSSEIN Date: 08-04-2016, 06:49 AM Parent: #25
Quote: يابني أنا كتا قدام خالك قباني بي سنة ,,,, والحمد لله أكبر حفيد (عندي تلاتة) في تانية إبتدائي عقبال حسين يعرس إنشاءالله وتشوف جني جناك وهي متعة لاتحدها حدود. لكن برضو بحري أحلي ,,,,,,
طمنتني ياخ ......
Post: #51 Title: Re: ***** ام درمان ذكريات مدينة ***** Author: عثمان عووضة Date: 08-06-2016, 07:26 AM Parent: #22
جلالدونا یاهذا ارعی بي قيدك ياهذا هذا البوست للمثقفين المستنيرين وليس المونساتية يا هذا اعرض عن هذا ياهذا اتق الله الذي خلقك فسواك ياهذا قوم لف ياهذا. يلا نجري قبل. الزول المطرطش. دا يجي👅💃🙋
Post: #27 Title: Re: ***** ام درمان ذكريات مدينة ***** Author: ياسر منصور عثمان Date: 08-04-2016, 11:15 AM Parent: #1
يا ابو حسين
المحطة الوسطى
خيرات الظافر الحاج نقد الله اجزخانة لطفي اجزخانة ابو نخلة اللحوم الافريقية ميامي استديو امين بنك الوحدة
و... و...
ايااااااااااااااااااام
Post: #28 Title: Re: ***** ام درمان ذكريات مدينة ***** Author: ياسر منصور عثمان Date: 08-04-2016, 11:16 AM Parent: #1
ود المشرف شكيت محنك
الذكرك عمك قرشي شنو؟؟؟
هههههههههههه
Post: #29 Title: Re: ***** ام درمان ذكريات مدينة ***** Author: محمد مجيدو Date: 08-04-2016, 11:31 AM Parent: #1
ابو حسين .. وضويفك .. سلام
بالرغم من اني ود الخرطوم في السبيعنات ونحن لسه طلبه .... كنا بنمشي نقعد في حديقة الريفيرا .. ايام الزمن الجميل ... ( ونعم الطلبة ) وتقولي شنو ..وتقولي منو ....
Post: #30 Title: Re: ***** ام درمان ذكريات مدينة ***** Author: ياسر منصور عثمان Date: 08-04-2016, 12:42 PM Parent: #29
طلبة وبتقعدوا في الريفيرا؟؟؟
خخخخخخخخخخخخخخ
Post: #31 Title: Re: ***** ام درمان ذكريات مدينة ***** Author: محمد مجيدو Date: 08-04-2016, 12:52 PM Parent: #1
Quote: طلبة وبتقعدوا في الريفيرا؟؟؟
خخخخخخخخخخخخخخ
ياسر ....
كنا بنذاكر هنااك يااااخ .. على الهواء الطلق وشقشقة العصافير
طلبة مجتهدين ....
Post: #32 Title: Re: ***** ام درمان ذكريات مدينة ***** Author: ABUHUSSEIN Date: 08-04-2016, 01:06 PM Parent: #31
ياسر شايف مداخلاتك بقت أكتر من مداخلات صاحب البوست اللي هو أنا ....!!!!! لأ ..... و كمان بترد على السادة المواطنين كمان ....!!!!!!
Post: #34 Title: Re: ***** ام درمان ذكريات مدينة ***** Author: ياسر منصور عثمان Date: 08-04-2016, 01:27 PM Parent: #32
نظام ود البيت وكدة يا ابو حسين ياخ
ههههههههههههههه
Post: #33 Title: Re: ***** ام درمان ذكريات مدينة ***** Author: ياسر منصور عثمان Date: 08-04-2016, 01:26 PM Parent: #31
Quote: طلبة مجتهدين ....
ونعم الطلبة والله
خخخخخخخخخخخخخخخ
Post: #35 Title: Re: ***** ام درمان ذكريات مدينة ***** Author: Ahmed Yassin Date: 08-04-2016, 01:38 PM Parent: #33
الليلة يا ام درمان بشوف كل المدن في توب سماحتك تنهجك وعشق المدن توّر علىّ جرح الغرام كل المدن في توب سماحتك تنهجك زهت الفتيحاب بالشمش واتبسمت بانت على وش أب كدوك والعرضة غنت من مطامير الحقيبة الصادحة هم ما بشبهوك ..... واتلملمن بنوت فريق القلعة غنن من شعر ناس ابو صلاح يا الله لزمني الجراح واجعلني مطلوق السراح نحن في الضفة الشرقية للنيل البفصل بينا وبين ابروف .. وانت طالع كبري شمبات يمينك مباشرة شمبات وما ادراك ما شمبات
Post: #36 Title: Re: ***** ام درمان ذكريات مدينة ***** Author: Ahmed Yassin Date: 08-04-2016, 02:01 PM Parent: #35
تبدأ من وين ؟ من بقعة المهدي ودا كان اسم امدرمان القديمة .. ونهضت بجيلها واتفكفكت من حصار ومقص عبدالله التعايشي الكان مانع الغناء والحفلات والسجاير والسعوط بدأت فيها الرميات والدوباي ورميات محمد ودالفكي سليل كبوشية واحمد ودبعشوم ودخلنا الى (مرجان) مبتدع ومؤسس (النقرزان) ورويدا رويدا الى سرور وحادثتو في (ودالبنا) وكان راجع من الحجاز بعد اداء فريضة الحج .. وقابلوا الملك عبدالعزيز طيب الله ثراه واهداهو ساعة دهب ومسدس و(بشت) جبة يعني والحفلة عجاجة في السماء كل الناس في اتبساط .. وسرور بى صوته (البارتون) كان بياسر الاسماع والقلوب شوية الحفلة هدأت والناس ارتبكت وسكتت زي كأنو مطرة صبت .. دخلوا ناس غير مرغوب فيهم وهم عتاة مجرمي ورباطة والهمباتة بتاعين امدرمان القديمة .. كانوا بفرتقوا اي حفلة وبعملوا الدايرنو .. وفيهم العتاولة ناس ( اللبخ ) و ( كبس ) وجماعتهم وهو يدخلوا فاردين صدورهم وعصيهم واحجامهم المهولة .. وسرور مواصل في الغناء وساعته الدهبية تلمع .. واول ما الهمباتة ديل استلموا الدائرة اوقف الغناء واخرج مسدسه واطلق رصاصة في الهواء .. ومن يومها لم يظهر اي من الرباطة في اي حفلة من حفلات امدرمان
Post: #37 Title: Re: ***** ام درمان ذكريات مدينة ***** Author: علي عبدالوهاب عثمان Date: 08-04-2016, 02:18 PM Parent: #33
حبيبنا أبوحسين .. بوست جميل .. الحبيب سوف أخوض في موضوع غريب شوية : كانت هناك علاقة بين جزيرتي في ضواحي الدنيا ( أرتقاشا) وبين أمدرمان وهي علاقة في غاية الحميمية وخاصة مع الموردة .. حيث دائرة الادارسة .. لأن الشيخ الحسن الادريسي كان قصره في أرتقاشا ومقامه هناك وتزوج من ملوك ارقو وخلف كل ذريته هناك .. ولا اعرف لماذا إختار هذا الشيخ الجليل تلك البقعة النائية من الدنيا في ريفي دنقلا للاقامة فيها مع أن جده السيد عبدالعال كان في دنقلا المدينة ومازال مسجده هناك ( ربما للخلوة والاعتكاف ) .. فكان السيد الحسن يتنقل بين أمدرمان وارتقاشا .. فكهذا أصبحت هناك حميمية بين الموردة وارتقاشا .. وفي الموردة ( دائرة الادارسة ) وخاصة ضريح ( سيدي الحسن ) ومازال قصرهم في وسط جزيرتنا ( أرتقاشا ) واملاكهم وسواقيهم والجنائن النخيل .. وإنتقلت الخلافة إلى ابنه محمد الحسن الادريسي ( رحمه الله ) فكان أهلنا على دوام في ذلك زمان من موقف بصات ولواري دنقلا في أمدرمان إلى الموردة دائرة الادارسة مباشرة .. وأذكر كان هناك كثير من إخواننا طلبه في المعهد العلمي ومدرسة محمد حسين الثانوية ( إذا صح المسمى ) وكان السيد/ محمد له باع طويل في الدولة وفي تسهيل أمور أهلنا في دوائر الحكومية والمدارس وغيرها .. لم نكن نعرف باقي أمدرمان ولكن إرتباط أهلنا كان بتلك الدائرة .. وبالمناسبة قبل سنوات قليلة توفيت ( الست إللقية ) أم الادارسة وزوجة السيد حسن الادريسي ربما عاشت فوق المائة عام وآلت الخلافة بعد محمد إلى عبدالعال والآن ربما هناك الدكتور عبدالوهاب التازي إبن الادريسي .. المهم كان أهلنا يحضرون بكثرة إلى مدرمان حتى الحجاج أيام نميري خاصة كان يجمعوا جوازات سفرهم عند السيد محمد وتأتي التأشيرات جاهزة إليهم .. وكان هناك أهل كرماء ورجال من ذوي المروءة من محبي الادارسة من أبناء منطقة قري .. لا ننسي فضلهم وكرمهم حتى أصبح إسم (قري ) معروفة لدى أهلنا وبرمزية الكرم والاصالة ..
الحبيب أبوحسين .. تغيرت الأحوال .. ولكن مازال الادارسة في وضعهم .. فقط ضاع زمن الاباء وأصبح الاجيال الحديثة في وادي آخر .. كنت مرة في حديث جانبي مع أحد الاخوة المتواصلين مع الادراسة وقال لي : أن منزل فوز تلك المناضلة التي جمعت الثوارومنهم خليل فرح دخلت ضمن دائرة الادارسة بالشراء ..
مودتي أبوحسين .. هذا السودان عجيب وغريب .. وهذه علاقة جزيرة نائية داخل النيل مع أمدرمان ..
Post: #38 Title: Re: ***** ام درمان ذكريات مدينة ***** Author: ABUHUSSEIN Date: 08-04-2016, 06:06 PM Parent: #37
Quote: خيرات الظافر الحاج نقد الله اجزخانة لطفي اجزخانة ابو نخلة اللحوم الافريقية ميامي استديو امين بنك الوحدة
و... و...
ايااااااااااااااااااام
ياسر ما تخم الناس ياخ.... وين التمنة ....؟؟؟؟؟ من الناحية الشمالية فاتحة جنوب .... واحد من الجزارين جاهو واحد عامل فيها قليل أدب الجزار بي جوه و هو بي بره مفتكر نفسو في مأمن يقل في أدبو الجزار طول ليهو بالو كتيييييييييييييييييير و داك يقل في أدبو الجزار عارف لو مشى ليه بي بره داك ما بقيف... الجزار مسك مركوبو (ماشاء الله ) و فكاهو فيهو خبتو ليك في راسو .... الراجل وقع غمران ... مافي أي حركة الجماعة خمو الراجل و جري للتمنة ... قعدوا في كرسي قدام المتحري و يصحصحوا فيه لكن بدون فايدة ... الجماعة حكوا للمتحري الحصل ... قال ليهم بجي أسي براهو .. دقيقتين الجزار جاء داخل ... العسكري سلم عليه و سألو في شنو ...؟؟؟ الجزار قال ليه الزول قليل أدب يشتم فيني بدون سبب... زعلني شلت المركوب ضربتو بيه أخونا الغمران فتح مع شلت المركوب ضربتو بيه دي قام يكورك... و الله ما ضربني بالمركوب ....!!!!!! العسكري قال ليهو ضربك بي شنو ...؟؟؟؟ و الله يا جنابو ضربني بالدرج ....
Post: #39 Title: Re: ***** ام درمان ذكريات مدينة ***** Author: ABUHUSSEIN Date: 08-04-2016, 06:13 PM Parent: #38
و المحطة الوسطى برضو فيها موقف الطرحة بتاعة الخرطوم الخرطوم بحري أبو روف الثورة بالنص الثورة بالوادي و فيها محلات الأقمشة من الناحية الجنوبية ستوديو الدار البيضاء كافتيريا فيتال و في أول شارع أبو روف ستوديو الوادي
كانت نضييييييييفة و ترابة واحدة ما فيها ....
Post: #40 Title: Re: ***** ام درمان ذكريات مدينة ***** Author: عثمان عووضة Date: 08-04-2016, 06:36 PM Parent: #39
ريفيرة شنو. كمان نحنا غايتو. كنا قاعدين. نطرش في المرسی .... الله یقرفک یاللي في بالي😈😈
Post: #41 Title: Re: ***** ام درمان ذكريات مدينة ***** Author: ABUHUSSEIN Date: 08-04-2016, 07:07 PM Parent: #40
Quote: ود المشرف شكيت محنك
الذكرك عمك قرشي شنو؟؟؟
هههههههههههه
ديل ناس حي البوستة و مدرسة النموذجية و مطعم الخلود و الحلاقين التحت الشجرة و المراية في يدك و بار عبير .....!!!!!!!!!!
Post: #42 Title: Re: ***** ام درمان ذكريات مدينة ***** Author: عثمان عووضة Date: 08-04-2016, 07:18 PM Parent: #41
المزالق
Post: #43 Title: Re: ***** ام درمان ذكريات مدينة ***** Author: ABUHUSSEIN Date: 08-04-2016, 07:18 PM Parent: #41
Quote: ابو حسين .. وضويفك .. سلام
بالرغم من اني ود الخرطوم في السبيعنات ونحن لسه طلبه .... كنا بنمشي نقعد في حديقة الريفيرا .. ايام الزمن الجميل ... ( ونعم الطلبة ) وتقولي شنو ..وتقولي منو ....
و عليكم السلام يا مجيدو أقول ليك حاجة إنت زاتك ما بتشبه ناس أمدرمان ناس أمدرمان سمحين ياخ و إنت زول شين .....
عالم بطالة شديد ... الرفيرا دي زمان كان بتتعمل فيها الإحتفالات المدرسية بتذكر مرة في شتاء قارص كانت فيها واحدة من الإحتفالات و خاتين كمية مهولة من البراميل مولعين فيها نار للتدفئة .... أسي البلد خيران لتصريف مياه الخريف ما فيها ....
عالم بطالة فعلاً...
Post: #44 Title: Re: ***** ام درمان ذكريات مدينة ***** Author: Salah Zubeir Date: 08-04-2016, 07:30 PM Parent: #43
Quote: و بار عبير .....!!!!!!!!!!
ودا منو يا مرسي ,,,, فضل ليك سينما برمبل والترماج.
Post: #45 Title: Re: ***** ام درمان ذكريات مدينة ***** Author: ABUHUSSEIN Date: 08-04-2016, 07:42 PM Parent: #44
Quote: كنا بنذاكر هنااك يااااخ .. على الهواء الطلق وشقشقة العصافير
تجي من الخرطوم عشان تذاكر في الرفيرا أمدرمان .....؟؟؟؟؟ كنتو بتشرحوا لكوارع و السمك .....؟؟؟؟؟؟
قوم لف إنتو عالم بطالة ...
Post: #46 Title: Re: ***** ام درمان ذكريات مدينة ***** Author: ABUHUSSEIN Date: 08-05-2016, 08:54 AM Parent: #45
أهلاً و سهلاً بيك أخونا Taj M Ibrahim من الفيس
تحياتي و إحترامي
Post: #47 Title: Re: ***** ام درمان ذكريات مدينة ***** Author: اسامه العريفي Date: 08-05-2016, 09:12 AM Parent: #46
Quote: تجي من الخرطوم عشان تذاكر في الرفيرا أمدرمان .....؟؟؟؟؟
اطلبوا العلم ولو في الطين بقيت زي الأمير توفيق جمعة مباركة سعادتو مجيدو
Post: #48 Title: Re: ***** ام درمان ذكريات مدينة ***** Author: ABUHUSSEIN Date: 08-06-2016, 06:38 AM Parent: #47
Quote: نحن في الضفة الشرقية للنيل البفصل بينا وبين ابروف .. وانت طالع كبري شمبات يمينك مباشرة شمبات وما ادراك ما شمبات
يعني سلاح المظلات .... أهلا و سهلا بيك أخونا أحمد ياسين في الأراضي الأمدرمانية ..... غايتو لو ما قلت لي من شمبات كان قلت من ناس أم در الأصليين ....
تسلم على كلامك الطيب
تحياتي و إحترامي
Post: #49 Title: Re: ***** ام درمان ذكريات مدينة ***** Author: عثمان عووضة Date: 08-06-2016, 06:50 AM Parent: #48
السلام عليكم ورحمة من الله وجزاكم الله خيرا علی هذا الکلام الطیب واخر دعوانا ان الحمد لله رب العالمین
Post: #50 Title: Re: ***** ام درمان ذكريات مدينة ***** Author: جلالدونا Date: 08-06-2016, 07:01 AM Parent: #49
ههههها غايتو جنس جزا و شكلو التنكر اتباع
Post: #52 Title: Re: ***** ام درمان ذكريات مدينة ***** Author: محمد حيدر المشرف Date: 08-06-2016, 11:42 AM Parent: #1
Quote: بار عبير
يا سلااااام على الزمن الما حضرناهو داك
عمك قرشي يا ياسر والد الصديق عصام قرشي (معروف لدينا كذلك بعصمت قرشي) وعصمت هذا رجل كارثي بصورة جميلة جدا .. كثيرا ما كان يزورنا في كلية الصيدلة .. واذكر له موقفا ما زال يضحكني كلما تذكرته .. فلقد كان صباحا خانقا جدا والسخانة الف عندما صادف عصمت أحداهن وكانت بارعة الجمال يا شيخنا وفي زيارة لنا في الكلية .. اصابت هاء السكت صاحبنا عصمت فلم ينبس ببنت شفه وحتى أعلنت تلك الجميلة عزمها الذهاب لمستشفى الخرطوم .. من (خفتنا الشديدة) آنذاك قمنا كلنا نقدمها لى خشم باب الكلية .. (هل ذكرت لكم أنها بارعة الجمال ؟) .. المهم تبادلنا تحايا الوداع وهمت الفتاة بقطع شارع القصر المزدحم جدا, فما كان من عصمت الا أن تقدم ووقف في نص الشارع كأمهر عسكري للمرور وأجبر كل العربات على الوقوف قبل أن ينحني بطريقة مسرحية جدا للفتاة ويشير لها بأن تعبر !!!!
طبعا لن تكتمل القصة قبل الاشارة للكم الهائل من السباب والبوري والنرفزة التي أصابت اصحاب العربات
Post: #53 Title: Re: ***** ام درمان ذكريات مدينة ***** Author: عثمان عووضة Date: 08-06-2016, 12:04 PM Parent: #52
Dr. Musharraf Greetings You have quoted(abeer) Is it. Her name Note: Am going. To. talk English only Al ajbo ajbo wal ma ajbo yahleg hawajbo
Post: #54 Title: Re: ***** ام درمان ذكريات مدينة ***** Author: محمد حيدر المشرف Date: 08-06-2016, 12:13 PM Parent: #1
نوووو اتز نوت
بار عبير ده أحد اجمل ضحايا قوانين سبتمبر كما كان ليصفه رواده .. وكان قائما في الناصية الجنوبية الغربية المقابلة لبوستة أمدرمان .. وما زلت أذكر لافتته .. فبجواره تماما كانت هناك مكتبة عامرة .. (كشك حديدي ولكنه يعدل بموازين هذا الزمان مكتبة جرير ) ولقد اقتنيت اغلب كتب طفولتي من تلك المكتبة يا أستاذنا .. فما زالت رائحة مجلاتها ورواياتها عالقة بانف قلبي !!
Post: #55 Title: Re: ***** ام درمان ذكريات مدينة ***** Author: عثمان عووضة Date: 08-06-2016, 12:22 PM Parent: #54
يس اتز ya motartash 😉😉 Smiles in english😄😄
Post: #56 Title: Re: ***** ام درمان ذكريات مدينة ***** Author: محمد حيدر المشرف Date: 08-06-2016, 12:48 PM Parent: #1
Post: #58 Title: Re: ***** ام درمان ذكريات مدينة ***** Author: علي عبدالوهاب عثمان Date: 08-07-2016, 12:47 PM Parent: #56
حبيبنا أبوحسين .. مودتي ===== حفيد الشيخ ( شودانتود ) عووضة .. سيرناقمي شوف يا عووضة جزيرتنا أرتقاشا لها عمق في أمدرمان من ناحية الادارسة .. إنتو ( شودانجي والزياداب ) معقول ما عندكم علاقة بأمدرمان .. ===========
أبوحسين الحبيب أنا شرحت هذه التوأمة في مداخلة فوق علاقة جزيرتي في الضواحي الدنيا مع أمدرمان عن طريق الادارسة طال الزمن مما زرنا الادارسة في الموردة لكن الجميل أن هذا الوطن مترابط مع بعضه مودتي .. المداخلة فوق ========== مودتي بوست جميل لنتعمق فيه ..
Post: #57 Title: Re: ***** ام درمان ذكريات مدينة ***** Author: ياسر منصور عثمان Date: 08-07-2016, 12:44 PM Parent: #1
بار عبير كما حكي لي الاخ الاكبر ود المشرف كان يقع جنوب البوستة وهو تقريباً البار الوحيد في تلك الجهات لأن معظم البارات كانت في شارع كرري وجهاته
خخخخخخخخخخخخ
Post: #59 Title: Re: ***** ام درمان ذكريات مدينة ***** Author: ياسر منصور عثمان Date: 08-07-2016, 01:05 PM Parent: #1
الطوخي الزيات عباس رشوان هريدي اجزخانة النصر ود الاغا جوج مشرقي المكتبة الوطنية
عن ايه نقول وعن ايه نقول
Post: #60 Title: Re: ***** ام درمان ذكريات مدينة ***** Author: نادر الفضلى Date: 08-07-2016, 04:30 PM Parent: #59
ي ياسر منصور أضيف لقائمتك
مقهى (قهوة) يوسف الفكى مرطبات الدانوب جوار بنك الخرطوم مواجه المحطة الوسطى محل باسطة الطيب سيد المكى بمكى (باسطة وكنافة بالسمنة اليلدية) محل ياسطة وردى بشارع أبوروف قرب ود أرو .. (نفسه وردى أحد ظرفاء دار الرياضة أمدرمان) محل مرطبات برعى المصرى بمكى ود عروسة بشارع أبورروف (شعير وأيسكريم ما حصل) فول أحمد سعد قصاد القسم الشمالى (فول حتى ساعات متأخرة من الليل) فول الجان .. خلف جامع السيد عبد الرحمن المهدى بوفية السليمى بود أرو . الفول المصلح
معهد القرش الصناعى بالملازمين وكلية المعلمات ومستشفى الدايات وفاربيتر بالملازمين
العدنى منسوب لعدن (يمنى) ويا حليل اليمانية وسيرة السوق: سوق النسوان سوق العناقريب سوق الصاغة سوق الأناتيك سوق الزنك .. اللحمة والخضار محلات الجملة ناس الظاهر محلات رسمى أخوان للأقمشة
Post: #61 Title: Re: ***** ام درمان ذكريات مدينة ***** Author: ABUHUSSEIN Date: 08-07-2016, 08:09 PM Parent: #60
حبيبنا علي عبد الوهاب ياخ إت عارف مكانتك عندنا و عارف إحترامنا و تقديرنا لي كل حرف تخطه يدك .... كل بوستاتي و بوستات أصحابي حلالك .... كتير من أهل أمدرمان يا علي مربوطين بي جذورهم و أجدادهم إنت قايل الحنية و الطيبة دي الناس بتتعلمها من وين.....؟؟؟؟ ياها خنية الحبوبات و طيبة الأجداد يا حبيبنا ....
الله يديك العافية
تحياتي و إحترامي
Post: #62 Title: Re: ***** ام درمان ذكريات مدينة ***** Author: ABUHUSSEIN Date: 08-07-2016, 09:03 PM Parent: #61
Quote: المزالق
مزالق بي شنبك الكبير دا .....؟؟؟؟
أسمع طولت ما لفيت .....
Post: #63 Title: Re: ***** ام درمان ذكريات مدينة ***** Author: ABUHUSSEIN Date: 08-07-2016, 09:06 PM Parent: #62
سينما برمبل دي زمنكم إنتو كنتو بتجوها من بحري الكانت خلا الزمن داك .....
Post: #64 Title: Re: ***** ام درمان ذكريات مدينة ***** Author: ABUHUSSEIN Date: 08-07-2016, 09:29 PM Parent: #63
Quote: اطلبوا العلم ولو في الطين بقيت زي الأمير توفيق جمعة مباركة سعادتو مجيدو
دا شنو يا أسامة ....؟؟؟ تكوت كلامي و ترد عليه و تبارك جمعة مجيدو ....؟؟؟ يعني أنا أسي أرد عليك و ل أحرد ...؟؟؟
Post: #65 Title: Re: ***** ام درمان ذكريات مدينة ***** Author: ABUHUSSEIN Date: 08-07-2016, 09:31 PM Parent: #64
Quote: السلام عليكم ورحمة من الله وجزاكم الله خيرا علی هذا الکلام الطیب واخر دعوانا ان الحمد لله رب العالمین
الله يدينا و يديك يا أخوي .......
Post: #66 Title: Re: ***** ام درمان ذكريات مدينة ***** Author: ABUHUSSEIN Date: 08-07-2016, 09:33 PM Parent: #65
Quote: ههههها غايتو جنس جزا و شكلو التنكر اتباع
لو إتباع التانكر كان فتح بوست العتوت .....
Post: #67 Title: Re: ***** ام درمان ذكريات مدينة ***** Author: ABUHUSSEIN Date: 08-07-2016, 09:37 PM Parent: #66
Quote: يا سلااااام على الزمن الما حضرناهو داك
شارع واحد من بيت جدك الله يرحمو و يغفر ليه .... بتكون شميت الريحة ....
Post: #68 Title: Re: ***** ام درمان ذكريات مدينة ***** Author: ABUHUSSEIN Date: 08-07-2016, 09:41 PM Parent: #67
Quote: Dr. Musharraf Greetings You have quoted(abeer) Is it. Her name Note: Am going. To. talk English only Al ajbo ajbo wal ma ajbo yahleg hawajbo
إنت قايل لم تكتب بالإنجليزي وشك الشين دا ببقى سمح....؟؟؟؟ ياخ قوم لف جلجل المعولق دا بعرف إنجليزي ...
Post: #69 Title: Re: ***** ام درمان ذكريات مدينة ***** Author: ABUHUSSEIN Date: 08-07-2016, 09:47 PM Parent: #68
Quote: فبجواره تماما كانت هناك مكتبة عامرة .. (كشك حديدي ولكنه يعدل بموازين هذا الزمان مكتبة جرير ) ولقد اقتنيت اغلب كتب طفولتي من تلك المكتبة يا أستاذنا .. فما زالت رائحة مجلاتها ورواياتها عالقة بانف قلبي !!
الكشك دا شالوه من محلو داك قبل 50 سنة إنت كنت بتمشي ليه و عمرك كم ....؟؟؟؟؟
Quote: فما زالت رائحة مجلاتها ورواياتها عالقة بانف قلبي !!
و الله كنا زي المدمنين ..... المجلة إلا تشتريها جديدة و أول ما تشتريها تشمها و تجر ليك نفس عمييييييييييييييييييييييييييق .... و الله أيام يا زمان ...
Post: #70 Title: Re: ***** ام درمان ذكريات مدينة ***** Author: محمد نور عودو Date: 08-07-2016, 10:36 PM Parent: #69
سلامات الاخ ابوحسين وضيوف البوست امدرمان مدينة معالم وتاريخ اسمحوا لي اضيف بعض معالم امدرمان لبوستتك الجميل .
الطابية إذاعة امدرمان مسجد النيلين جامعة امدرمان الاسلامية البرلمان المجلس الوطني السلاح الطبي سلاح المهندسين مركز شباب امدرمان قصر الشباب والاطفال ميامي بنك الخرطوم ترزي المهداوي مركز فيصل الرياضي ترزي توتو في سوق الموردة الكوتش خور ابوعنجة الكرنتينة الملجة وزريبة العيش مطعم الرياضيين للصحفي ميرغني ابوشنب مطعم القرشي للقراصة لناس عصام قرشي البوستة استديو الافراح استديو مصطفي جنب مستشفي التجاني الماحي مرطابات الباذار شارع الموردة حلويات يوسف الفكي حلويات قنجاري حلويات حجير ميدان المولد في البحيرة ميدان الربيع ميدان المولد حوش الخليفة الطيب خوجلي للعجلات عمارة كباشي عمارة الجزلي عمارة محمد حسين عمارة المحاميين وكالة سام مدرسة المؤتمر الثانوية مدرسة بيت الامانة الثانوىة مدرسة محمد حسين الثانوية مدارس الدوش مدارس الضو حجوج مدرسة اسماعيل الازهري مدرسة الكتيابي مدرسة حي العرب مدرسة الاهلية نادي المريخ نادي الهلال نادي المورد نادي التاج نادي الزهرة نادي العرضة نادي ابو روف نادي الضباط نادي الربيع نادي بيت المال نادي الهاشماب محلات الصعوط سورج الجوهرة النو
وتحياتي ودمتم بخير انت وضيوف البوست
Post: #71 Title: Re: ***** ام درمان ذكريات مدينة ***** Author: ABUHUSSEIN Date: 08-08-2016, 06:05 AM Parent: #70
Quote: حبيبنا أبوحسين .. مودتي ===== حفيد الشيخ ( شودانتود ) عووضة .. سيرناقمي شوف يا عووضة جزيرتنا أرتقاشا لها عمق في أمدرمان من ناحية الادارسة .. إنتو ( شودانجي والزياداب ) معقول ما عندكم علاقة بأمدرمان .. ===========
أبوحسين الحبيب أنا شرحت هذه التوأمة في مداخلة فوق علاقة جزيرتي في الضواحي الدنيا مع أمدرمان عن طريق الادارسة طال الزمن مما زرنا الادارسة في الموردة لكن الجميل أن هذا الوطن مترابط مع بعضه مودتي .. المداخلة فوق ========== مودتي بوست جميل لنتعمق فيه ..
حبيبنا علي و الله مترابطين و طيبين و ناس حنااااااااااااااااااااااااااااااااااااان ..... ملعون أبو السياسة الزرعت فينا المشاكل و المحن ... لكن الحمد لله الطيبين لسه في و الناس الفيهم المحنة الكتيييييييييييرة ديك لسه موجودين و ديل هم اللي أملنا فيهم يرجعونا لي أيام زمان ...
تحياتي و إحترامي يا زول يا طيب
Post: #72 Title: Re: ***** ام درمان ذكريات مدينة ***** Author: ABUHUSSEIN Date: 08-08-2016, 06:08 AM Parent: #71
Quote: بار عبير كما حكي لي الاخ الاكبر ود المشرف كان يقع جنوب البوستة وهو تقريباً البار الوحيد في تلك الجهات لأن معظم البارات كانت في شارع كرري وجهاته
خخخخخخخخخخخخ
بار على كيفك في ميدان الحرية من الناحية الجنوبية فاتح شمال ....
Post: #73 Title: Re: ***** ام درمان ذكريات مدينة ***** Author: ABUHUSSEIN Date: 08-08-2016, 06:12 AM Parent: #72
Quote: الطوخي الزيات عباس رشوان هريدي اجزخانة النصر ود الاغا جوج مشرقي المكتبة الوطنية
بـاتـا فاتحة على الجامع الكبير من الناحية الغربية و عندك ناس الحاج أبو ورقة أبو سلامة و الساعاتية في البرندات من الناحية الغربية و تجي جنب جورج مشرقي إجزخانة إبراهيم و فوق ليهم مطعم السطح
Post: #74 Title: Re: ***** ام درمان ذكريات مدينة ***** Author: ABUHUSSEIN Date: 08-08-2016, 06:22 AM Parent: #73
عشان نكمل ميدان الحرية كانت فيه مكتبة الحرية من الناحية الشمالية فاتحة جنوب و جنبها كان بقيف عمكم بين بتاع الباسطة و كان في زقاق جنب مكتبة الحرية بدخلك في إتجاه الشمال فيه مطاعم و مقاهي و في الطرف كانو أولاد ملاح و برضو في عدني (صلاح سالم) كان في الجهة الجنوبية في الركن و إنت طالع على الإرسالية و كان عمك عبدالسلام الحلاق و عمك عبدالمجيد في الكشك بتاع الجرايد في الركن الجنوبي الغربي
Post: #75 Title: Re: ***** ام درمان ذكريات مدينة ***** Author: ياسر منصور عثمان Date: 08-08-2016, 07:29 AM Parent: #1
شكلو البوست ده حا يبقى زي فورة كوشتينة السجن
ههههههههههه
Post: #76 Title: Re: ***** ام درمان ذكريات مدينة ***** Author: ABUHUSSEIN Date: 08-08-2016, 08:19 AM Parent: #75
Quote: شكلو البوست ده حا يبقى زي فورة كوشتينة السجن
لاحق شنو ....؟؟؟؟؟ و بدل ما تجي يدينك فاضيات تعال و في يدك دكان دكانين ....
Post: #77 Title: Re: ***** ام درمان ذكريات مدينة ***** Author: ياسر منصور عثمان Date: 08-08-2016, 10:47 AM Parent: #1
ابو مرين التيمان اولاد تبيدي اولاد ملة الملجا
....
الفورة كم...؟؟؟
Post: #78 Title: Re: ***** ام درمان ذكريات مدينة ***** Author: ياسر منصور عثمان Date: 08-08-2016, 11:19 AM Parent: #1
نسينا عمنا الطيب خوجلي امبراطور تجارة العجلات
Post: #79 Title: Re: ***** ام درمان ذكريات مدينة ***** Author: ABUHUSSEIN Date: 08-08-2016, 11:45 AM Parent: #78
صدقني كورتك فكت ...... جابو محمد نور عودو قبييييييييييييييييييييييل ...
Quote: الطيب خوجلي للعجلات
Post: #80 Title: Re: ***** ام درمان ذكريات مدينة ***** Author: محمد نور عودو Date: 08-08-2016, 12:17 PM Parent: #79
سلام مجددا يا احباب بيت الزعيم اسماعيل الازهري نادي الخريجيين كلية الاحفاد الجامعية جامعة الاحفاد الارسالية شيوخ الطرق الصوفية الشيخ حمد النيل الشيخ ابوكساوي الشيخ ابوزيد الشيخ الهدية الشيخ التقلاوي
Post: #81 Title: Re: ***** ام درمان ذكريات مدينة ***** Author: ياسر منصور عثمان Date: 08-08-2016, 12:47 PM Parent: #80
الادارسة
Post: #82 Title: Re: ***** ام درمان ذكريات مدينة ***** Author: ABUHUSSEIN Date: 08-08-2016, 12:52 PM Parent: #81
Quote: الادارسة
حالتك بقت متأخرة شديد يا ياسر ياخ .. أخونا و حبيبنا علي عبدالوهاب مداخلتين كانن عن شنو ....؟؟؟؟
Post: #83 Title: Re: ***** ام درمان ذكريات مدينة ***** Author: ABUHUSSEIN Date: 08-08-2016, 12:54 PM Parent: #82
محمد نور عودو ما شاء الله مذاكر كويس .....
يديكم العافية
Post: #84 Title: Re: ***** ام درمان ذكريات مدينة ***** Author: ABUHUSSEIN Date: 08-08-2016, 12:59 PM Parent: #83
ســـؤال :-
وين كان محل مصطفى حسن العجلاتي ....؟؟؟؟؟
Post: #92 Title: Re: ***** ام درمان ذكريات مدينة ***** Author: waleed dawash Date: 08-08-2016, 10:15 PM Parent: #80
محمد نور تحياتي ... يازول انت داير مشاكل :) خاتي شيخ الهدية و شيخ ابو زيد مع شيوخ الطرق الصوفية ؟ شيل شيلتك .. و غير انك نسيت الشيخ الفاتح قريب الله و الشيح دفع الله الصائم ديمة و كمان شيخ الامين :)
Post: #94 Title: Re: ***** ام درمان ذكريات مدينة ***** Author: محمد نور عودو Date: 08-08-2016, 10:35 PM Parent: #92
سلامات وليد دواش وين يا رجل يا طيب يا اخوي نعتذر ونطلب العفو والعافية من شيوخ وناس الطرق الصوفية في امدرمان وربنا يديهم الصحة والعافية ودمت بخير انت اسرتك تحياتي
Post: #85 Title: Re: ***** ام درمان ذكريات مدينة ***** Author: ياسر منصور عثمان Date: 08-08-2016, 01:14 PM Parent: #1
طيب بتذكر نوري ب. جولا كيان؟؟؟
Post: #86 Title: Re: ***** ام درمان ذكريات مدينة ***** Author: ياسر منصور عثمان Date: 08-08-2016, 01:19 PM Parent: #1
وبتذكر صورة عروس السماء المعلقة في اجزخانة لطفي؟؟؟ وعمك عبدالحميد تاجر الجلود؟؟؟
Post: #87 Title: Re: ***** ام درمان ذكريات مدينة ***** Author: ABUHUSSEIN Date: 08-08-2016, 01:23 PM Parent: #86
Quote: نوري ب. جولا كيان
بتذكر الإسم لكن ما قادر أتذكر مكانو وين .... و زي بتذكر لوحة قديمة فيها الإسم دا .....
Post: #88 Title: Re: ***** ام درمان ذكريات مدينة ***** Author: ياسر منصور عثمان Date: 08-08-2016, 01:29 PM Parent: #87
ايوووووووووووه
المحلات غرب الجامع
جنب الطوخي وباتا
Post: #90 Title: Re: ***** ام درمان ذكريات مدينة ***** Author: ABUHUSSEIN Date: 08-08-2016, 01:33 PM Parent: #88
Quote: ايوووووووووووه
المحلات غرب الجامع
جنب الطوخي وباتا
في المكان دا كان في وكيل بتاع عجلات رالي ... كنا بنشتري منو العجلات الرالي الحمراء المقاس الأصغر من العجلات الكبيرة .....
تصدق يا ياسر الواحد بدأ يسترجع حاجات كانت منسية ....
Post: #98 Title: Re: ***** ام درمان ذكريات مدينة ***** Author: ياسر منصور عثمان Date: 08-09-2016, 07:21 AM Parent: #90
سلام ابو حسين
اعتقد توكيل العجلات كان حق ناس سليمان صالح خضر لو ما كورتي فكت
ههههههههههه
Post: #89 Title: Re: ***** ام درمان ذكريات مدينة ***** Author: علي عبدالوهاب عثمان Date: 08-08-2016, 01:31 PM Parent: #87
حبيبنا أبوحسين .. مودتي .. بوست جميل .. يمكن إضافة حكايات عن الشخصيات في أمدرمان .. ( غير المشهورة ) ظرفاء المدينة .. مشجعي الكورة .. فنانين الاحياء .. شخصيات شعبية ... إلخ لأن هناك من امثالنا من لم يعايشوا مثل هذه المجتمعات .. حتى اذا كانت قصص الدراويش والمتفلتين .. الفنانين غير المعروفين .. ( خلاصة الحواري )
واصلوا ونحن متابعين
Post: #91 Title: Re: ***** ام درمان ذكريات مدينة ***** Author: ABUHUSSEIN Date: 08-08-2016, 05:45 PM Parent: #89
سينما الوطنية سينما أمدرمان و بيناتم طلمبة أجب غايتو سينما الوطنية في واحد كان بتاع تسالي أسود بقيف قدام البوابة لو ما إشتريت منو تسالي زي كأنك ما دخلت السينما زاتو كان عندوا طبق التسالي بتاع السعف و الطبق قاعد في مقعد طوووويل يعني الراجل بكون واقف و التسالي في مستوى سدرو قريب منهم عمارة محمد حسين و عمارة الحرية و قدام شوية مدرسة وادي سيدنا و الأميرية و جوه شوية عيادة دكتور مكي الشيخ
Post: #93 Title: Re: ***** ام درمان ذكريات مدينة ***** Author: waleed dawash Date: 08-08-2016, 10:25 PM Parent: #91
يا عادل يا عجوز ... بتقول في حاجات غريبة .. ... بتعرف زقاق المنفلة و زقاق القصيرية ؟
Post: #95 Title: Re: ***** ام درمان ذكريات مدينة ***** Author: waleed dawash Date: 08-08-2016, 10:36 PM Parent: #89
علي عبد الوهاب تحياتي مقترحك جميل ..لانه هناك الكثير من القصص و الحكاوي و الطرائف بنسمعها من اهلنا ا لكبار و اصدقائهم لكن في اطار ضيق و تحتاج لجمعها و نشر ما يصلح منها للنشر ... و ايضا كما قلت فقد كان هناك افداد في الكرة و موهوبين في الفن لكنهم لم يشتهروا و دلك لاسباب مننها مواقف تستحق الوقوف عندها و منها ظروف حالت دون ظهورهم
Post: #96 Title: Re: ***** ام درمان ذكريات مدينة ***** Author: elsawi Date: 08-09-2016, 00:04 AM Parent: #95
سلام يا ابوحسين و سلامات لضيوفك و شكراً على البوست الممير الذي يحمل الكثير من الزكريات اللأم درمانية الجميلة
كان في مكتبة (دكان عديل ما كشك) تقع شمال عمارة محمد حسين و قصاد البار البعد سينما الوطنية، ما متذكر اسم المكتبة لكن اشتريت منها اول علبة هندسة في حياتي، المكتبة عاملة زي النفق و رفوف الكتب و الأدوات المكتبية عالية وعلى اتساع الحائطين
Post: #97 Title: Re: ***** ام درمان ذكريات مدينة ***** Author: جلالدونا Date: 08-09-2016, 00:44 AM Parent: #96
هوى يا ناس دقيقة و كدى زحّو لى من ود عودو الكلام ده جبتو من وين
Quote: امدرمان مدينة معالم وتاريخ اسمحوا لي اضيف بعض معالم امدرمان لبوستتك الجميل .
ياتو مدينة و ياتو تاريخ ده .. انت قايل امدرمائيل دى عمرا كم .. كلها 132 سنة و سبعة شهور و 15 يوم و تلاتة ساعات و كم دقيقةو حبة ثوانى فقط لا غير و مال البركل و نورى و البجراوية و دنقلا القامت عليها حضارة كوش يقولو عليها شنو غايتو يا ود عودو عاد ما بالغتااااااااااا .. حتى فى التاريخ عايزين تتسلّبطو شوف يا ود عودو ان عدتم لى كلامكم الما ياهو ده عدنا و بأيدينا الطوب اللخدر قال تاريخ قال _____ يا ريت اخونا الاستاذ عادل امين لو يمر بى هنا و يوريكم المكشن بلا بصل يا مستزرعين __ صاحبنا ود عووضة الذّ ما فى انقليزيتو حواجبو و تنكرو البقى ليهو ذى حذاء الطمبورى
Post: #99 Title: Re: ***** ام درمان ذكريات مدينة ***** Author: ABUHUSSEIN Date: 08-09-2016, 10:46 AM Parent: #97
Quote: سلام ابو حسين
اعتقد توكيل العجلات كان حق ناس سليمان صالح خضر لو ما كورتي فكت
ههههههههههه
قي دي ما أقدر أقييم كورتك ... انا ما بعرف إسمو أصلاً لكن متذكر كنا بنجي نشتري منو العجلات و كانت الرالي الحمراء دي قمة المنجهة .... كنا بنشتغل في الإجازات و قبل نزول المدارس بنشتري بي قروشها العجلة طبعاً بعد مساعدات من الأهل ...
و جنبو الطوخي كنا بنشتري منو شختك بختك العلب الصغيرة و جواها الهدايا و برضو بنشتري منو الكرتلة
Post: #100 Title: Re: ***** ام درمان ذكريات مدينة ***** Author: ياسر منصور عثمان Date: 08-09-2016, 11:41 AM Parent: #99
ما بتعرف سليمان صالح خضر؟؟
سمح بتعرف صالح سكر؟؟؟
Post: #101 Title: Re: ***** ام درمان ذكريات مدينة ***** Author: ABUHUSSEIN Date: 08-09-2016, 12:03 PM Parent: #100
Quote: ما بتعرف سليمان صالح خضر؟؟
سمح بتعرف صالح سكر؟؟؟
ياخ أنا بتاع عوايد .... كدي خلينا نمشي غرب من الطوخي لي قدام كانت زريبة العيش القديمة (الآن واحد من البنوك و كم عمارة كدا) شرقها و فاتحة عليها غرباً كانت مكتبة دار الكتاب و غربها و فاتحة شرق المكتبة الوطنية و اللي إتحولت بعد كدا لي شارع الموردة جنوب يوسف الفكي و الشارع اللي غربها اللي هو شارع العناقريب و جنوب منها في شارع العناقريب عمك سورج بتاع الصعود و كان تقريباً الوحيد ....
Post: #102 Title: Re: ***** ام درمان ذكريات مدينة ***** Author: ABUHUSSEIN Date: 08-09-2016, 12:46 PM Parent: #101
Quote: حبيبنا أبوحسين .. مودتي .. بوست جميل .. يمكن إضافة حكايات عن الشخصيات في أمدرمان .. ( غير المشهورة ) ظرفاء المدينة .. مشجعي الكورة .. فنانين الاحياء .. شخصيات شعبية ... إلخ لأن هناك من امثالنا من لم يعايشوا مثل هذه المجتمعات .. حتى اذا كانت قصص الدراويش والمتفلتين .. الفنانين غير المعروفين .. ( خلاصة الحواري )
واصلوا ونحن متابعين
حبيبنا أبو علوة جايين لي كل شي .... بس حا نحتاج لي بعض المساعدات لأنو الموضوع شكلو حا يجر و يتشر .....
Post: #103 Title: Re: ***** ام درمان ذكريات مدينة ***** Author: ABUHUSSEIN Date: 08-09-2016, 01:37 PM Parent: #102
سوق أم درمان و الصور من وكيبيديا ... :-
Quote: من ويكيبيديا، الموسوعة الحرة
سوق أم درمان سوق أم درمان سوق أم درمان سوق أم درمان نجد ان سوق تعني تسوَّقَ يَتسوّق، تسوُّقًا، فهو مُتسوِّق، والمفعول مُتسوَّق فالاسواق تمثل المشهد الجمالي للمدينة، بما يخدم تحقيق المصلحة العامة لكافة فئات المجتمع. فمظهر الاسواق ينعكس ايجابا على تطور المدينة وازدهار اقتصادها سوق أم درمان هو سوق سوداني يقع في ولاية الخرطوم مدينة أم درمان وهو سوق عريق وقديم في أم درمان بل من اقدم واعرق الاسواق في السودان [1]
الموقع وجغرافيته تبدأ من مبنى البوستة أو البريد العتيق جنوبا، وينتهي بحي المسالمة العريق شمالا وشارع كرري شرقا وشارع الشنقيطي غربا،
سوق أم درمان - الجامع الكبير سوق أم درمان - الجامع الكبير نبذة تاريخية تاريخه يعود الى حوالي قرنين، هو نموذج مصغر لمدينة أم درمان التاريخية، التي تعتبر العاصمة القومية للسودان، التي تعيش بها الأعراق والديانات المختلفة، اليهودية والمسيحية والإسلامية والبوذية. ففي هذا السوق الكبير كانت محلات التجار الهنود تجاور محلات الأقباط، الذين جاؤوا من صعيد مصر ويتخصصون في المنسوجات والمفروشات، تجاور محلات اليمنيين أو «اليمانية»، الذين يشتهرون بتخصصهم فى مجال البقالات، ولا يزال موقع محل العدني شهيرا ودليلا للأجانب والسياح رغم زواله عن الوجود. كما هناك شارع يعرف بسوق اليهود، الذي ما زال يحمل اسمه رغم مغادرة أصحابه للبلاد في السبعينات.
أهميته وبانتشار السوبرماركت العملاقة والعصرية والمحلات الضخمة والمولات في أنحاء العاصمة الخرطوم، ما زال سوق أم درمان من الأماكن التى يكثر السياح زيارتها بمدينة أم درمان، وظل محتفظا بماضيه القديم في صناعة المنتجات المحلية وشكل عرض السلع والمحلات القديمة، والباعة يقومون بعملهم في خدمة الزبائن بالجلابيب السودانية التقليدية.[2]
داخل سوق أم درمان
سوق المويه وهنالك تفسيرات كثيره لهذا الاسم كلها خاطئه , البعض يقول انه كان يباع فيه الماء قديماً . فالماء ليس بالسلعة التى توضع فى الرفوف . وفى أم درمان قديما كان هنالك بئر او بضع آبار فى كل حى . اما الاماكن القريبه من النهر فكان السقا يأتى بالماء بالخرج على ظهر الحمار . الصحيح الذى اطلق على المنطقه سوق المويه هو اللواء حمد النيل ضيف الله وبعض اصدقائه , اللذين تعودوا الجلوس فى مقهى جورج مشرقى الذى كان يواجه مدخل سينما برمبل لصاحبها قديس عبد السيد . فعندما تضايق جورج مشرقى من اللذين يجلسون فى المقهى ويصفقون وعندما يأتى الجرسون يكتفون بالقول بالعامية السودانية: بالله جيب لى مويه , قال الحكايه ايه نحنا بنبيع مويه انتو فاكرين شنو دى قهوه مش سوق مويه . فضحك اللواء حمد النيل وقال له فاكرينه ده سوق مويه . وصار البعض يمزح مع جورج مشرقى ويقول له اها الليله سوق المويه كيف . وعرفت المنطقه بسوق المويه . قهوه مهدى حامد ان المبنى الذى يقع شرق المقهى كان قد انهار . ولسنين عديده كان المقهى اكبر مقهى فى أم درمان يسع اكثر من الف شخص من الجالسين والواقفين فى فراغ المبنى المنهار . لدرجه ان يحى الجرسون كان يستخدم الصينيه الصغيره فى ضرب البعض على رأسهم عندما يطول جلوسهم بدون ان يطلبوا شيئا . ويقوم بطردهم . وهو يعلم ان ابو عطيبه بقامته الفارهه يقف مراقباً ولا يجرؤ احد على الاعتراض . فابو حطيبه كان فتوة المقهى . وعلى عكس اغلب فتوات أم درمان كان يعتمد على الكريز .
بين مكوار كان اشهر صانع باسطه فى كل السودان . وكانت عربته تقف امام مقهى مهدى حامد . وكثيرا ما كان الناس يطلبون الباسطه او الكنافه ويجلسون لتناول كوب من الشاى بالحليب فى المقهى . وقطعه الباسطه والكنافه كانت بقرش . اما فى مقهى جورج مشرقى فكانت بقرشين .[3]
مبنى البريد والبرق يبدأ سوق أم درمان جنوبا بمبنى البوستة أو البريد، الذي شيد إبان الاستعمار الإنجليزي، والذي يسور مبناه الضخم، باعة الكتب والمجلات قديمها وحديثها، يفرشونها على الأرض أو يعرضونها في محلات قد لا تتجاوز مساحة بعضها المترين، ويحوي السوق مئات الكتب المختلفة المتخصصة والعامة، ويعتبر هذا السوق قبلة لباحثي الثقافة القديمة، التي لم يدرج محتواها بعد أو يفرّغ على شبكة الإنترنت، وقد يحالفك الحظ وتجد الطبعات الأولى من الكتب القديمة للعقاد وطه حسين ومارون عبود، والروايات الغربية، التي أصبح يستغني عنها أصحابها ببيعها بأثمان زهيدة، نظرا للضائقة الاقتصادية أو لرؤية الجيل القديم أن الجيل الحديث قد لا تعني له شيئا هذه الكتب، ثم الكتب الدينية على الواجهة الشمالية للمبنى تشاركها السبح وسجادات الصلاة، وعلى الجانب الآخر يقف الحلاقون في محلاتهم في الهواء الطلق مع زبائنهم الغارقين فى قراءة المجلات أو متابعة حركة السوق، بينما أيادي الحلاقين تجري على رؤوسهم.[2]
وبسيرنا شمالا تطل علينا من الجانبين محلات الأغذية والإنارة والكهرباء والأحذية، التي ترص على الحائط حتى علو ثلاثة أمتار، بحيث يرتفع نظرك حتى تقع عيناك على حذاء ملائم، وتشير إليه بعد عناء وينزله لك البائع بمهارة بعصا طويلة.
الباعة المتجولين أما الباعة المتجولون فيرصون بضاعتهم المختلفة من ملابس وأدوات مطبخ وأحذية، التي تغلب عليها علامة «صنع فى الصين» وبأسعار زهيدة، يعرضونها على الأرض ويتغنون بصوت عال يصاحبه التصفيق، حيث يكوّنون فرقا غنائية لها فنان وكورس في تنسيق تام وأحيانا يصاحبها الطبل مما يجعل المارة لا شعوريا يتجهون نحو هذا الطرب، وحين يجهدون بعد ساعات طويلة يجلسون ويفتحون جهاز تسجيل بالقرب منهم، ليحل محلهم في دعوة المارة، ويقولون بالعامية السودانية («هذه البضاعة جابوها بالطيارة وباعوها بالخسارة») أي هؤلاء التجار، وبالطبع ليس هناك تاجر شاطر يبيع بالخسارة، ولكنها حيل الباعة التي يصدقها الكثيرون فيشترون بشعور حصولهم على غنيمة و«أي حاجة بسبعة ونص» أو «ما تمشي البيت وتقول يا ريت»، وغيرها من العبارات المسجوعة.
بائعات الشاي والقهوة تنتشر بائعات الشاي والقهوة في كل ركن بالسوق، يضعن المواقد الى جانبهن وحولها مقاعد قصيرة، بينما لا يزال القهوجي يأخذ حيزا من المشهد، فهو متمسك بتقاليده بحمل الصينية الدائرية وعليها الفناجين البيضاء والدلات المعدنية الصغيرة، التي لا تزيد سعتها عن فنجانين، ويأخذ في بيع «الجبنة» أي القهوة باللهجة العامية، يدور بها على الدكاكين والمارة، أما الوجبات فتحصل عليها من المطاعم الشعبية المنتشرة، وتعتمد على الكسرة والعصيدة والملاح والفول، ويتم حملها لأصحاب المحلات عند مواعيد الوجبات يضعونها على الأرض ويجتمعون حول الصحن الكبير ويدعون زبائنهم المارين بكرم أصيل ليشاركوهم تناول الوجبة.
محلات الذهب والصياغ نمضي شمالا متوغلين في السوق، ونصل محلات بيع الذهب، التي تنتشر على الجانبين، وبها ما لا يحصي من المعروضات المزينة بالأنوار البراقة، وتكاد تكون هذه المحلات الوحيدة، التي طالتها يد التحديث من إنارة وسيراميك وأجهزة تكييف وطرق عرض جذابة.
محلات الملابس وبعدها تبدأ محلات بيع الألبسة، التي ترص وتعلق على شماعات يلعب الهواء ببعضها، الباعة الصغار المتجولون يحيطونك بما خف حمله ورخص ثمنه من المنتجات يرفعونها أمام وجهك ويلاحقونك ولا ييأسون أبدا مهما زجرتهم وينزلون بأسعار بضاعتهم حتى أقل من النصف، وفي كل مرة يتبعها القسم المغلظ أن هذا أقل من سعرها! ونصل بعد ذلك الى محلات بيع الجملة وأكثرها محلات بيع لمستحضرات التجميل للماركات العالمية الشهيرة، التي تباع بأسعار مناسبة وقد تجد تقليدا متقنا لها مما يصنع بالصين، وكذلك العطور التقليدية التي تستخدمها المرأة السودانية كالصندل والفلير دمور، وبقربها سوق الحلي الذهبية المقلدة «الهندية»، التي احتلت مساحات كبيرة والتي لاقت رواجا كبيرا عند النساء اللواتي يرغبن في شراء الحلي الذهبية، التي تشابه الذهب الأصلي ليتباهين بها في المناسبات، وبعض البائعات المصريات يعرضن حلي واكسسوارات على «طبالي أو طربيزات» كبيرة، وفجأة تتوقف سيارة بوكس أو «البيك آب» وعليها البضاعة من الملابس المختلفة ويقف فوقها البائع ويحمل ميكرفونا يدعو الزبائن ألا يفوّتوا الفرصة، فيتجمع المارة حول البوكس كل يبحث عن مبتغاه.[4]
يزداد الازدحام وتبطئ الحركة كلما تحركنا شمالا، وفي مواسم الأعياد تكاد ترى بحرا من الناس بأمواج متلاطمة صاخبة، بحيث لا تجد لك موضع قدم، فالسوق قبلة لسكان أم درمان تزاحمهم الركشات الصغيرة و(عربات الكارو) التي تجرها الخيول والسيارات،
الخضر والفاكهة والتوابل ونصل بعدها الى سوق الخضر والفاكهة والتوابل الحريفة، التي يسبقها العطس من المارة تعرض على أوان معدنية صدئة مكوّمة على شكل جبال صغيرة.
الجزر والجزارات لا يمكن ان يتكلم الانسان عن سوق أم درمان بدون ذكر الزنك والجزر. ومن الجزارين حسن حسين حامد (أبو كيس), الشيخ محمد علي ,فتح الله محمد عثمان , وحامد بشير أحمد (الجبار) وشيخ الجزارين قديما كان بابكر الكلس ،الذي كان من ضخامته لايتحرك الا بسيارة شحن صغيرة تبدو مائلة في جهة اليسار حتي عندما لايكون جالسا عليها لان عجلة القيادة بالعامية(الدركسون) وقتها كان في اليمين. والجزارون كانوا ضخام الجسم والا لما استطاعوا ان يذبحوا الثيران لان ذبح الثيران كان يحتاج لقوة وبأس. ومن اشهر الجزارين كان: متوكل, (باك) المريخ وكان يقف كالطود بقامته الفارعة خلف طربيزته وهي الاخيرة في الصف الاول. وكان يقاربه طولا ود ام زميم.[6]
عمارة أبومرين ومن بعدها لنهاية السوق حيث (عمارة أبومرين)، وهي أشهر موقع بالسوق فهي أول عمارة بنيت هناك يعود تاريخها لأربعينات القرن الماضي، ويستقر بها بعض أبناء عائلة أبومرين، الذين اشتهروا بتجارة كل مستلزمات الأعراس، كالحنة والبخور والصبغة والمباخر والإكسسوارات الذهبية أو «ذهب الجمل»، التي ترتديها العروس فى صبحيتها وأيضا ما يخص العريس من حلّى،
وبشرق المبني نجد سوق الدباغة، التي تدلنا رائحته عليه قبل سؤالنا عنه، حيث تجمع مئات من جلود الخراف وتتم دباغتها بحرفية وخبرة طويلة، ومن بعد توزع للتصنيع،
بينما غرب المبنى نجد سوق «العناقريب» أي «الأسرة ـ جمع سرير» وتصنع العناقريب من جذوع الأشجار الضخمة وتربط أضلاعها بالحبال، وهذه الصناعة على وشك التلاشي، ولا يستخدم «العنقريب» الخشبي الآن إلا في الأعراس، حيث يجلس عليه العروسان فى طقس «الجرتق»، أو يوضع عليها الموتى لنقلهم الى المقابر[4]
محلات الحرفيين القديمة فى (زقاق) آخر كما تلقب الشوارع الضيقة، هناك سوق الحرفيين القديم الذي يتوارث أصحابه مهارات التصنيع أبا عن جد، يبدو هادئا منزويا من صخب السوق، هناك لا تسمع إلا هديرا واهنا لماكينات الخياطة قديمة الطراز، يجلس الحرفيون مستغرقون في صناعة الأحذية والأحزمة والحقائب الجلدية المصنوعة من جلد التماسيح والثعابين الكبيرة وجلد التيوس، وآخرون يعملون في صناعة المنحوتات الخشبية والحلي والأواني الفضية.[7]
وسوق الحرفيين يهدده الانقراض بسبب تغير الأذواق التي باتت تفضل الأحذية الإيطالية والسورية التي تملأ السوق والأواني الفضية والخزفية صارت تستجلب من الصين بأبخس الأثمان، وكذلك بسبب القوانين المشددة في صيد التماسيح والثعابين التي يتهددها الانقراض. ولكن الحرفيين يقاومون تغيرات الزمن بإصرار، بأن يقوموا بتصنيع الأحذية من جلود الأبقار ويضعون عليها نقاطا سوداء ليصبح شكلها مشابها لجلد النمر، فهذه «المراكيب» أو الأحذية بما يعرف بجلد النمر ما زال يقبل على ارتدائها كبار التجار، عموما قامت منظمات عديدة في محاولة حفظ هذا التراث المهني العريق ولتدريب مواهب جديدة تسير على نهج الأقدمين، فهو يشكل جزءا مهما من التراث الفني السوداني، الذي تشكل منتجاته رافدا للمحلات الكبيرة وفنادق الخمسة نجوم بالعاصمة وسوقا رائجة هدفها الأول السياح.
Post: #104 Title: Re: ***** ام درمان ذكريات مدينة ***** Author: ABUHUSSEIN Date: 08-09-2016, 01:49 PM Parent: #103
مبنى البوستة أم درمان (من وكبيديا)
Post: #105 Title: Re: ***** ام درمان ذكريات مدينة ***** Author: اسامه العريفي Date: 08-09-2016, 01:55 PM Parent: #104
Quote: غربها اللي هو شارع العناقريب
وفي هذه المنطقة ايضا كما اذكر دكاكين المبيدات الحشرية
تحياتي
Post: #106 Title: Re: ***** ام درمان ذكريات مدينة ***** Author: محمد نور عودو Date: 08-09-2016, 03:12 PM Parent: #105
سلامات جلالدونا البركل و نورى و البجراوية و دنقلا صحيح المدن ديل ومدن اخري في السودان اقدم تاريخا من امدرمان وان شاءالله نلقي فرصة ونوثق ليهم تاريخهم ومعالمهم برضو. تحياتي عبرك لاهلنا في البركل و نورى و البجراوية و دنقلا وكل مدن السودان التاريخية والاثرية,
Post: #107 Title: Re: ***** ام درمان ذكريات مدينة ***** Author: ياسر منصور عثمان Date: 08-10-2016, 08:24 AM Parent: #1
الاقباط والهنود لهم وجود مؤثر في امدرمان ومجتمع امدرمان واصبحوا جزء لا يتجزأ منها
اشتهروا بالتجارة وبرعوا فيها لشطارتهم وامانتهم
لنا ذكريات وذكريات مع الهنود والمدرسة الهندية
Post: #108 Title: Re: ***** ام درمان ذكريات مدينة ***** Author: ABUHUSSEIN Date: 08-10-2016, 12:10 PM Parent: #107
Quote: يا عادل يا عجوز ... بتقول في حاجات غريبة .. ... بتعرف زقاق المنفلة و زقاق القصيرية ؟
يا إبن عمي عجوز نعم لكن كمان ما قدر دا ..... كدي ما تفسحنا في الملجة و ما حولها ....
Post: #109 Title: Re: ***** ام درمان ذكريات مدينة ***** Author: ABUHUSSEIN Date: 08-10-2016, 12:19 PM Parent: #108
Quote: سلام يا ابوحسين و سلامات لضيوفك و شكراً على البوست الممير الذي يحمل الكثير من الزكريات اللأم درمانية الجميلة
كان في مكتبة (دكان عديل ما كشك) تقع شمال عمارة محمد حسين و قصاد البار البعد سينما الوطنية، ما متذكر اسم المكتبة لكن اشتريت منها اول علبة هندسة في حياتي، المكتبة عاملة زي النفق و رفوف الكتب و الأدوات المكتبية عالية وعلى اتساع الحائطين
و عليكم السلام أخونا الصاوي المكتبة هي المكتبة الوطنية بين قهوة يوسف الفكي و صيدلية الحياة اللي في الزاوية يعني المكتبة شمال يوسف الفكي و المكتبة دي كانت في شارع العناقريب فاتحة شرق على سوق العيش القديم و إنتقلت من هناك لي محلها دا ...
تحياتي و إحترامي
Post: #110 Title: Re: ***** ام درمان ذكريات مدينة ***** Author: ABUHUSSEIN Date: 08-10-2016, 12:21 PM Parent: #109
Quote: ياتو مدينة و ياتو تاريخ ده .. انت قايل امدرمائيل دى عمرا كم .. كلها 132 سنة و سبعة شهور و 15 يوم و تلاتة ساعات و كم دقيقةو حبة ثوانى فقط لا غير و مال البركل و نورى و البجراوية و دنقلا القامت عليها حضارة كوش يقولو عليها شنو غايتو يا ود عودو عاد ما بالغتااااااااااا .. حتى فى التاريخ عايزين تتسلّبطو شوف يا ود عودو ان عدتم لى كلامكم الما ياهو ده عدنا و بأيدينا الطوب اللخدر قال تاريخ قال
المشكلة وين لم تكون كل القلتهم ديل مدن تاريخية و أم درمان مدينة تاريخية .....
Post: #111 Title: Re: ***** ام درمان ذكريات مدينة ***** Author: ABUHUSSEIN Date: 08-10-2016, 12:29 PM Parent: #110
Quote: الاقباط والهنود لهم وجود مؤثر في امدرمان ومجتمع امدرمان واصبحوا جزء لا يتجزأ منها
اشتهروا بالتجارة وبرعوا فيها لشطارتهم وامانتهم
لنا ذكريات وذكريات مع الهنود والمدرسة الهندية
الهنود موجودين في المناطق الحول السوق حي السوق و حي البوستة و حي الشهداء و المسالمة و ...... كانو مع الناس في كل شي يعني لا بتحس بي فرق و لا هم بحسوا بي فرق ... جيرانا من النقادة معانا دائماً .. في العزاء زي كل الناس بجوا يعزوا ... يقيف و يرفع يدينو و يسلم .... لو ما عارف إنو الزول دا مسيحي ما حا تعرف ..... و وقت الغداء بجوا شايلين صينيتهم و يقعدوا يتغدوا و يعزمو في الناس ... كانت الحياة ساهلة و بسيطة و الناس نفوسهم طيبة و نضيييييييييييفة ....
Post: #112 Title: Re: ***** ام درمان ذكريات مدينة ***** Author: ياسر منصور عثمان Date: 08-10-2016, 12:35 PM Parent: #1
القصيرية اكبر تجمع للترزية بامدرمان لحدي هسه انا بخيط جلاليبي هناك بس برسل القماش
Post: #113 Title: Re: ***** ام درمان ذكريات مدينة ***** Author: ABUHUSSEIN Date: 08-10-2016, 01:35 PM Parent: #112
المكتبات الكانت موجودة زماااااااااان في منطقة السوق .... مكتبة الحرية في ميدان الحرية فاتحة جنوب المكتبة الوطنية في شارع العناقريب فاتحة شرق على زريبة العيش و إنتقلت جنب يوسف الفكي فاتحة شرق مكتبة دار الكتاب شرق زريبة العيش فاتحة غرب ... مكتبة أم درمان المركزية (مكتبة عامة ) نسيت حاجة ....؟؟؟؟
Post: #114 Title: Re: ***** ام درمان ذكريات مدينة ***** Author: Emad Ahmed Date: 08-10-2016, 10:42 PM Parent: #113
أشهر أسواق أم درمان :
السوق الكبير, سوق المويه, سوق الجلود. سوق العيش, سوق العرضة, سوق ليبيا, السوق الشعبي, سوق الشجرة, سوق الملازمين, سوق الناقة, سوق ام دفسو, سوق الملجة, سوق الموردة, سوق الصياغ, سوق التشاشة, سوق العرامة, سوق الخضار, سوق اللحمة, سوق الزلعة, سوق التمارة(البلح), سوق القش, سوق المواشي, سوق الشمس, سوق الطواقي.
ياريت نتوقف مع بعض تفاصيل هذه الأسواق من حيث اماكنها وأشهر معالمها وشخوصها اخي ابو حسين
Post: #115 Title: Re: ***** ام درمان ذكريات مدينة ***** Author: ABUHUSSEIN Date: 08-11-2016, 05:57 AM Parent: #114
زنكي اللحم أبراهيم سعيد عمي الهادي دواش علي الريح حامد بشير(الجبار) جارنا الحيطة بالحيطة فتح الله محمد عثمان أولاد جدنا الفادني و في سوق الكرشة المرحوم الوسيلة عكام السر موسى تاني منو يا جماعة...؟؟؟؟
Post: #116 Title: Re: ***** ام درمان ذكريات مدينة ***** Author: ABUHUSSEIN Date: 08-11-2016, 06:36 AM Parent: #115
أحياء مدينة أم درمان من ويكبيديا
Quote: أحياء أم درمان أحياء مدينة أم درمان قائمة بأحياء مدينة أم درمان ومدلولات أسمائها الأحياء القديمة حى الأمراء وكان يسكن فيه قادة جيش الخليفة عبد الله بن محمدعبد الله التعايشي وأقربائه ويبدأ الحي من تقاطع شارع الموردة مع الركن الجنوبي الغربي لجامع (ميدان) الخليفة عبدالله و يتجه غرباً بخور العرضة وهو جغرافياً يتبع لحي العباسية شمال. ومن أشهر بيوته منازل بعض ابناء الخليفة عبدالله وهم: السيد سليمان والسيد فضل والسيد محمد الأمين الخليفة عبدالله التعايشي وسكنه من الامراء الأمير محمود و د أحمد، والأمير إسماعيل ود أحمد وأخويهما محمد المهدي وعلي. ومن بيوتاته لأيضاً البرنس حسن الزين، والقائم مقام عبدالرزاق خير السيد، والسيد الفاضل بشري المهدي، والسيد يعقوب أحمد حلو والسيد إبراهيم مالك، والأمير مخيّر، والأمير منزول، وآل الختيم موسى. إضافة إلى بيوت السادة، أحمد بن الأمير محمود ود أحمد، وعبدالله بن الأمير إسماعيل، والخليل الأمير وأخوانه مهدي وعلي والسيد محمد محمود عبد الكريم. حي الهاشماب، ويقع غرب استاد دار الرياضة بأم درمان. حي الموردة – حي الملازمين وعرف بهذا الاسم نسبة لأن سكانه كانوا من أفراد وضباط الجيش الذي لازم محمد أحمد المهدي). بيت المال عرفت بهذا الاسم لأن عبد الله بن محمدالخليفة عبد الله التعايشي اتخذ فيها أول دار لخزينة الدولة المهدية. حي الهجرة وهو الحي الذي ولد فيه الرئيس جعفر نميري. ود نوباوي (عرف بهذا الاسم نسية إلى ودنوباوي، وهو واحد من قادة جيوش المهدية ويقال انه هو الذي قتل الجنرال تشارلز جورج غوردون. وينقسم الحي إلى أربعة أحياء أصغر هي: القلعة ودنوباوي شمال ود نوباوي وسط ود نوباوي جنوب ويقع في الحي مسجد السيد عبد الرحمن المهدي أحد أبناء محمد أحمد المهدي ومؤسس حزب الأمة، ومركز شؤون الأنصار (أنصار المهدي)، وجامع الشيخ قريب الله، ومركز الطريقة السمانية، ويشق ودنوباوي شارع الدومة أو شارع السيد عبد الرحمن المهدي، كما يطلق عليه رسمياً، وشارع ود البصير ويفصله عن كل من حي العمدة وحي الركابية شارع الوادي غربا، كما يفصله عن حي أب روف وحي ود البنا شرقا شارع الهجرة. يعد حي ود نوباوي من أقدم أحياء مدينة أم درمان وواحد من أهمها حيث سكن فيها كثير من السياسين السودانيين البارزين من بينهم الرئيس جعفر نميري، والسيد امين التوم ساتي. حي أبو روف حي القماير (ويقع إلى الشرق من نهر النيل وغرب كلية التربية التابعة لجامعة الخرطوم.شمال مدينة النيل، ويحده من الجنوب حي الدباغة.وسمي بالقماير نسبة إلى "القمير" وهو مكان صناعة الجير الأبيض الذي يستخدم في طلاء الجدران وقد تم تصنيفه كمنطقة أثرية حيث تنتشر فيه صناعة الفخار. حي العمدة ويعد واحداً من اقدم احياء أم درمان حيث كان يسكنه عمدة المدينة، وينقسم إلى أربع حارات حسب اتجاهاتها الجغرافية: حي العمدة غرب، وهو أكبرها ومن أشهر سكانه العمدة ود المقبول، ومحمد أحمد وشقيقه الطاهر إبراهيم وأبنائهم، تاج السر الشيخ وأيضا عائلة الشيخ الزين محمد أحمد، والشيخ الفاتح الشيخ قريب الله، والشيخ ادريس الصادق وخليفته الشيخ صلاح, والشاعر الكبير عبد القادر كرف، وأسرة الشيخ مصطفي الرقيق والشيخ يوسف الخليفة عبد الرحمن، والشيخ مرزوق الشيخ الحسن صاحب الزاوية التجانية وآل ياسين حمزة محمد وهو من أكبر تجار الجلود بالمنطقة. الحي الثاني هو حي العمدة شرق وأشهر سكانه اسرة عثمان صالح، بروفسير أحمد إبراهيم دياب، واسرة عجيب أحمد، واسرة علي الطاهر الامين. و هناك حي العمدة جنوب، ومن أعلامه حسن مصطفى يوسف من أكبر تجار الخيش والحبوب الزيتية, واسرة الشاعر السوداني الشهير التيجاني يوسف بشير، الحي لثالث هو حي العمدة شمال، وأشهر سكانه آل القاضي الشيخ عبد الله أحمد يوسف الذي كان مفتشاً للمحاكم الشرعية، وإماماً لجامع أم درمان الكبير، وآل نديم وآل الزبير وآل أحمد خيري، من أعيان المدين. الحي الرابع هو حي العمدة جنوب حي المكي، وهو من أعرق أحياء أم درمان ويحده من الشمال حي ود أورو، ومن الجنوب منطقة الشهداء ومن الشرق حي الركابية ومن الغرب حي بيت المال. وسمي بهذا الاسم نسبة إلى السيد المكي بن الشيخ إسماعيل الولي الكردفاني المدفون بمدينة الأبيض] ومن إخوانه البكري الذي نسبت إليه مقابر البكري القائمة بشمال مدينة أم درمان القديمة، وأحمدالأزهري وهو جد الرئيس إسماعيل الأزهري وقد لقب بالأزهري نسبة إلى الأزهر الشريف حيث تلقى تعليمه هناك، وكان المكي قد شارك مع أبناءه وإخوته في حصار مدينة الأبيض و موقعة شيكان التي أعقبها سقوط مدينة الأبيض في عام 1883 م ثم سار مع الحملة حتى مشارف الخرطوم وشارك في حصارها إلى أن سقطت على أيدي ثوار المهدي في يناير م كانون الثاني من عام 1885م، وبقي مكي بهذا الحي الذي ارتبط باسمه وقام بإنشاء أول مسجد بمدينة أم درمان وهو مسجد السيد المكي، الموجود الآن في وسط الحي، و قد تم إبعاده من المدينة بناء على رغبة السلطات البريطانيةالحاكمة للسودان آنذاك، حيث غادرها عام 1900 م ، مع بعض ابنائه إلى مدينة الأبيض التي دفن فيها هناك مع والده في قبة عرفت بإسمه، ويقع بالحي حوش أبوقمري الذي يعد تراثاً من آثار فترة حكم المهدية). حي الشهداء ، ومن الأسر المعروفة فيه ود نكير وعوض كوج وأولاد ياسمين. حي البوستة ومن أشهر سكانه اسرة حامد حسين قاسم. حى العرب، من أشهر سكانه محمد صالح الشنقيطي رئيس أول جمعية تشريعية سودانية وسليمان محمد سليمان واحد من كبار تجار مدينة أمدرمان وأسرة يونس عباس شرف الدين والفنان الراحل إبراهيم عوض والمرحوم حسن عطية كابتن نادي الهلال الرياضي السوداني، ويوجد بها مسجد الكوارتة. واسرة الفنوب واسرة قابل والثنائي الغنائي ميرغني المأمون وأحمد حسن جمعة. حي المظاهر وتقيم فيه عائلات التبيداب وآل مصطفى يعقوب. حي المسالمة سمي بهذا الاسم نسبة للسلام والتعايش الذي كان يسود سكانه المسلمين والمسيحيون وبعض الأسر اليهودية امثال اسرة قنديل وصالح خضر الذين تحولوا إلى الإسلام وتزاوج بعض أفرادها مع أبناء الحي والأحياء المجاورة. ومن الأسر الأخرى أسرة عوض مصطفى يعقوب ومصطفى محمد قسم الله والكتياب وأبومرين وجلال عشري، وجورج مشرقي وشيخ الهدية شيخ طريقة أنصار السنة بالسودان. وتوجد بالحي أقدم كنيسة في السودان كما يوجد به أكبر تجمع المسيحيين الأقباط، وكما توجد توجد فيه كنيسة كاثوليكية ودار لراهبات الكنيسة الذي يضم مدارس الراهبات الكاثوليكية (مدارس القسيس كمبوني). حي الركابية، وبه جزء يعرف باسم حي الأتراك أو زريبة الكاشف. ومن أشهر سكانه التاجر محمد محجوب النداف. العباسية، وينقسم الي العباسية شرق والعباسية غرب والعباسية شمال.ومن أشهر سكان الحي في المجال السياسي، النائبة البرلمانية فاطمة أحمد إبراهيم وشقيقها الشاعر والدبلوماسي صلاح أحمد إبراهيم وصلاح عبد السلام وزير شئون الرئاسة أبان فترة حكومة الصادق المهدي في أواخر ثمانينيات القرن الماضي وفي مجال الفن عديد من الفنانين والشعراء امثال زيدان إبراهيم، وعبد الدافع عثمان، وبادي أحمد الطيب، والشاعر سيد عبد السيد أبو صلاح. وفي مجال فن التمثيل، الممثل عوض صديق. وفي مجال الإخراج الفني والإعلام إسماعيل عيساوي والمذيع أبوبكر عوض. حي أبوكدوك ويحده من الشرق حي الضباط ومن الشمال خور أبوعنجة ومن الغرب ثكنة الشرطة قشلاق البوليس، ومن الجنوب الدرادر، وهو الآن موضع استاد نادي الموردة الرياضى. ويعتبر حي أبوكدوك من أشهر الأحياء التي تشكلت منها خارطة أم درمان القديمة، بعد أحياء الفتيحاب والجموعية والموردة وأبو روف وحي العرب. ومن أشهر سكان حي أبوكدوك أبناء الشيخ أبوزيد بله بن عبد القادر بن على بن دكين (الذي أطلق اسمه على جزيرة ود دكين الواقعة في النيل الأبيض غرب جزيرة توتي بالخرطوم) والذي جاء مع وفود دولة العبدلاب واستقر بالخرطوم في المنطقة الواقعة شرق الساقية عشرين، ما بين - فندق هيلتون وجامع الشهيد حالياً - وكان معه الشيخ ارباب العقائد الذي أقام بمنطقة جزيرة توتي وكان من معه من أبناء عمومته الشيخ حمد ود ام مريوم وبنت عمه بنت المنى بت فضيل والتي تزوجها فيما بعد وهى شقيقة أحمد ود فضيل أحد قادة المهدية الذي استشهد في معركة ام دبيكرات، وقد تم ترحيلهم بعد ذلك إلى منطقة السلاح الطبي ثم إلى أبو كدوك، وأبناء الشيخ أبوزيد وهم الشيخ نور الجليل والشيخ أبوزيد والشيخ أحمد والخليفة أحمد بن الشبخ نورالجليل وعبدالواحد الشيخ أبوزيد، وأبناء الضو موسى بله وأبناء سراج النور وأبناء حسن أحمد حجوج، وبناته وكانت هناك علاقة وطيدة ما بين الشيخ أبوزيد والإمام محمد احمد المهدي والذي بايعه الشيخ حجوج قبل مغادرته إلى غرب السودان لتجهيز جيوشه لفتح الخرطوم، وبعودة المهدى فاتحا للخرطوم كان الشيخ أبو زيد قد توفي، فانخرط إبنه الشيخ نورالجليل في صفوف المهدي حيث عينه المهدي قائداً على المجموعات التي شاركت في عملية فتح الخرطوم. ومن سكان أبوكدوك أبناءالشيخ على التوم وأبناء حمد حامد وآل الحاج ضاحى وأبناء محمد البخيت الملقب بـالجاركوك، وأبناء الناير خوجلي حفيد الشيح حمد ود أم مريوم وأبناء حامد وعبدالقادر والأمين عبد القادر، وجابر عبد القادر المشهورين بـكنيةالصياييق، وأبناء الشيخ اسحق والشيح حمدالنيل الذي سميت به مقابر حمد النيل المشهورة بأم درمان. ومن سكان أبو كدوك المشهورين أيضاً أسر ال الشقلينى والحضراب التي كانت تسكن في منطقة السلاح الطبي الحالية بأم درمان قبل قيام سلطات الإستعمار البريطانية بترحيلها إلى منطقة أبوكدوك وقد اتت التسمية نسبة إلى الأميرلاى صالح أبو كدوك، الذي كان يعمل مديراً لللسجن الحربي بأم درمان، وهو والد الجنرال توفيق صالح أبوكدوك. حي الضباط حي بانت - امدرمان حي أبو عنجة، وينسب الاسم إلى حمدان أبو عنجة ، أحد قادة المهدية المشهورين. الكبجاب. وهي في المنطقة الواقعة بالقرب من القماير وحي الهجرة باتجاه ود البصير. ود البنا. وأقامت فيه أسرة البنا، المعروفة بالشعر والغناء في السودان. حي العبابدة. وهو تابع لحي الملازمين غرب - الحارة 3 ومن أشهر سكان هذه المنطقة آل البشرى وآل سلوم وآل علي حسن كرار. حي المستشفى. يقع بين متحف بيت الخليفة ومسجد الأنصار والشهداء وفريق العبابدة، ومن أشهر سكانه اسرة شلقامي. حي اليهود. تاريخياً، كان يقيم فيه يهود اندمجوا في النسيج الاجتماعى الأمدرماني أو هاجروا. العرضة حيث كانت تستعرض فيه جيوش المهدية في عهد الخليفة عبد الله التعايشي وينقسم الحي الي شمال ووسط وجنوب، ومن أشهر الاسر فيها اسرة محمد بله الخير ناصر واسرة عبد الجاك مصطفى يعقوب والمرحوم عبد الله السيد.
مسجد النيلين الشهير احياء ام درمان الحديثة تحتل هذه المجموعةمن الأحياء مساحة تقدّر بحوالى 70% من المنطقة الحضرية بمدينة أم درمان. حي الدوحة وهي امتداد لحي المهندسين. حي تعويضات بيت المال وتقيم فيها أسر من منطقة أم درمان القديمة مثل اسرة الشيخ السنوسي والكوارتة وآل الدعيته. الحي الأكاديمي. بانت وتنقسم إلى قسمين: بانت غرب، وبانت شرق. حي الثورة ويضم عدة أحياء أبرزها حي مدينة المهدية، ومن أشهر اسره اسرة المرحوم عوض مصطفى يعقوب وآل أبو شورة وأولاد ازرق وآل محمد موسى الناير، وأولاد مكاوي، واسرة الاتراك آل البريقدار - " وتعرف أقسام الحي بالحارة (المفرد حارة) وتبدأ من الحارة 1 بالمهدية إلى الحارة 63، أما حارات الثورة فتبدأ من الحارة 1 وتنتهي في الحارة 101. حي السكن الفاخر. حي الروضة. مدينة النيل. حي الشاطي. حي الرياض ، ومن أشهر الأسر المقيمة فيه اسرة المرحوم زيادة ساتي سوار الذهب. حي الحتانة شمال وجنوب. ومن أشهر سكانه الفنان حسين شندي والفنان مجذوب اونسى، والحاج جادين الحاج أبونخيلة حي الواحة شرق وغرب وهو أمتداد لحي الحتانة ومدينة النيل والشاطيء والثورات. حي المنارة. 'حي ود البخيت ويقيم فيه بعض أسر امدرمان القديمة ومن ابرزهم اسرة الجعافرة واسرة الطيب إبراهيم الطيب . حي الجرافة ومن ابرز سكانه اسرة الجعافرة. أم بدة وتضم ثلاث أحياء أصغر وهي أم بدة السبيل، أم بدة الردمية، أم بدة الجميعاب؛ وهي أيضاً مقسمة إلى حارات ( يصل عددها إلى خمسين حارة في كل حي تقريباً) وكان يوجد فيها أبرز معسكرت النازحين من مناطق الجفاف بدارفور وهو معسكر المويلح. حي المسالمة وهو من أقدم الأحياء في أم درمان ومعظم سكانه من الأقباط. حي أبوسعد وينقسم إلى عدة حارات. المهندسين كانت تابعة في العهد المايوي إلى السلاح الطبي. حي العودة وسميت بهذا الإسم تيمناً بعودة الرئيس جعفر نميري إلى الحكم مرة أخرى بعد إحباط انقلاب عسكري ضده دبره الرائد هاشم العطا. الفتيحاب ويقال عنه أنه من أقدم المناطق السكنية في ام درمان، ومعظم سكانه ينتمون إلى عرب منطقة النيل الأبيض ومن أشهر الاسر وسطهم الجموعية. حي الشقلة المربعات دار السلام وكان يصنف من ضمن أحياء السكن العشوائي القديمة. حي الصالحة ويقع جنوب مدينة أم درمان وينقسم الي قسمين كبيرين هما: الصالحة غرب، وتمتد من منطقة الكسارات في جبل طورية وحتى سوق هجيليجة، والصالحة شرق التي تبدا من جنوب مبنى جامعة أم درمان الإسلامية وتمتد حتى مشارف قرية القيعة.
Post: #117 Title: Re: ***** ام درمان ذكريات مدينة ***** Author: ياسر منصور عثمان Date: 08-11-2016, 11:28 AM Parent: #1
آل سليمان صالح خضر من اكبر تجار العجلات ويسكنوا في الملازمين بالقرب من آل المهدي اما عمنا صالح سكر فهو صالح اسماعيل الشهير بصالح سكر نسبة لتعامله في استيراد السكر برضو بيتو في الملازمين جنوب شرق مستشفى المناطق الحارة وبالقرب من منزل مهدي مصطفى الهادي
