أها جنس دا يردو يقولو ليه شنو جنس .. السترة و الفضيحة متباريات

09:16 AM August, 02 2016

سودانيز اون لاين
حسن ابراهيم كاروري-
مكتبتى
رابط مختصر

أمي دسي كروكي الننبذ بت ام كرو .. *

اها شفتو المثل دا ياهو البقا علينا الزمن دا من عمايل الشي الاسمهم اهل الانقاذ ديل









المافهم المثل دا احسنلو يراجع قواميس العامية السودانيه انا ماني مترجمو ولا شي هنا

جاني المصري ناطي فى المكتب ماسك صورة البشير و فنيلة ميسي في موبايلو و ينكرش و يتكشم علا العربية المنورين خطراتها و المنشات شغاله .. هو في ايه انتو هتشترو برشلونة ولا ايه يا عم الحج ,,,

لا و شويتين ينط معاه السوري ... و هاك يا التريقه هو الريس بتاعكم بعرف ميسي من فين و الشي كلو مبطننو بي ضحيكات تهيج اب نفاخ الليلي بس ..



الشي غلبني الاقولو .. بس قلتلم علا يكونو ناسنا ديل مرقوهو من قضية التهرب الضريبي الليلتو دي بي قانون تحلل و الجنا داير يرد الجميل دا أكان بقت الشغله دي بالجد .




الشي اكان بقا كضب .. انتو رئيس الجمهوريه الغراااء دا البدور يقابلو دا بس ياهن صفقين في خشم الباب و يدفرو و يبقا متحشر لاجوه ولا البسموه امن و مخابرات ديل مفروض يفتشو عن خلفيتو و تحريات و هو منو و جاي من وين و جاي لي شنو ،،،
هو زاتو ميسي دا مانا دايرين منو شي وقت جزمتو اداها للجماعه ما قبلوها دايرين بالفنيلة شنو نحن ,,, النمش نجيب حبوب المصران دي و اجيكم