Post: #1
Title: بعرف لي طريقة تسقط دونالد ترمب في الانتخابات (حد يشترى؟)
Author: abubakr salih
Date: 08-01-2016, 11:39 AM
Parent: #0
11:39 AM August, 01 2016 سودانيز اون لاين
abubakr salih-
مكتبتى
رابط مختصر من متابعاتي للانتخابات الرئاسية الامريكية دي توصلت لي لوصفة جيدة فى كيفية انجاح و اسقاط المرشحيين الرئاسيين. لو فى زول عندو اتصال مع حملة كلينتون ارجو انو يكلمها. يقول ليها بكري علوم عندو ليكي good tips توصلك ان شاء الله بالسلامة للبيض الابيض. خليها تتواصل على الايميل لنتفاهم على الاسعار، اصلها الانتخابات الامريكية تشتري بالقروش مثلها مثل اي سلعة. الايميل abubakr(@)misu.su.se
|
Post: #2
Title: Re: بعرف لي طريقة تسقط دونالد ترمب في الانتخا�
Author: مني عمسيب
Date: 08-01-2016, 12:05 PM
Parent: #1
بكور سلام ..
طبعآ اكيد ما حا تتصل بيك لانك بتعتبرك بتهظر !
ههههههههههههههههههه
|
Post: #3
Title: Re: بعرف لي طريقة تسقط دونالد ترمب في الانتخا�
Author: abubakr salih
Date: 08-01-2016, 01:10 PM
Quote: طبعآ اكيد ما حا تتصل بيك لانك بتعتبرك بتهظر !
|
سلام يا مني،
ايوة كلامي ح يكون فيهو الهظار و الجد. غايتو من اركان النقاش حقت الجامعات اتعلمنا لينا خبرات جيدة في تحليل الخطاب العام و تحديد نقاط ضعف الخصم. بارك الله في الشيوعيين و الله اولاد لزينا و خطيرين. مسكونا و نحنا شباب صغار دربونا على ادوات لا يمكن تجدها فى اي مؤسسة تعليمية.
|
Post: #4
Title: Re: بعرف لي طريقة تسقط دونالد ترمب في الانتخا�
Author: abubakr salih
Date: 08-01-2016, 01:15 PM
Parent: #3
في امريكا البلد مقسومة سياسيا بين الجمهوريين و الديمقراطيين. فى ناس المسالة بالنسبة ليهم أقرب للطائفية، دائما الواحد منهم بصوت لحزبه او تياره السياسي اذا كان جمهوري او ديمقراطي. و ديل كتلتين تقريبا متقاربات فى الحجم. لكن الناس الفلوتر هم من يرجحون نتيجة الانتخابات. المرشح الذى يستطيع ان يقضم قضمة كبيرة لصفه من بين المستقلين هو من يفوز بالانتخابات. أها كيف تكسب هؤلاء المستقلين لصفك و تبعدهم عن خصمك؟ هنا اللعبة و هنا الحوجة للضغط على خصمك و ضربه ضربا مبرحا بحيث انه يخسر اصوات المستقلين.
|
Post: #5
Title: Re: بعرف لي طريقة تسقط دونالد ترمب في الانتخا�
Author: abubakr salih
Date: 08-01-2016, 01:26 PM
Parent: #4
الضرب المبرح للخصم غالبا بيجي من استغلال بعض مواقفه و تصريحاته السابقة و ثم الطرق عليها بشكل متكرر في مختلف وسائط الاعلام و المناظرات السياسية. مثلا في انتخابات الدورة الثانية حقت اوباما ضد منافسه مت رومني، استغل اوباما تصريح او كلام قاله رومني فى تسجيل فيديو او صوتي يزعم فيه ان 47% من الامريكيين متكلين فى ضهر الحكومة. و اوباما لانه رجل ذكي و متحدث شرس فضل يستهلك هذا التعليق و يعيد تدويره بمختلف الطرق و الاساليب. تعليق رومني دا كان اعتبر فى تلك السنة بواسطة جامعة ييل as the most notable quote (عندهم لستة سنوية زي دي بطلعوها). تعليق رومني بالاضافة لصورته العامة كرجل ثري بعيد عن حيوات عامة الناس كانت من الاسباب المهمة التي ابعدت عنه الناخب المستقل فى الاخر تسببت فى هزيمته فى الانتخابات.
|
Post: #6
Title: Re: بعرف لي طريقة تسقط دونالد ترمب في الانتخا�
Author: abubakr salih
Date: 08-02-2016, 11:46 AM
Parent: #5
اها يا جماعة، وين بريمة و الموصلي و بقية مؤيدي هيلري كلينتون. انا منتظر الاتفاق علي اسعار اتعابي عشان نتحرك للامام و نهزم الشرير دونالد ترمبوشا.
|
|