إلغاء تأشيرة الخروج..شكرا حاج ماجد سوار..

02:21 PM July, 28 2016

سودانيز اون لاين
محمد المرتضى حامد-
مكتبتى
رابط مختصر

الإنقاذيون ما أخلفوا وعدا..
وهذا أمر بدهي..
لاتتعجلوا الأمر ف (الترتيبات) كقصائد الأعشى.

-

التصريح أعلاه مضى عليه الحول وكنت كتبت فيما يكتب الحالم،
أو النائم، وفي هذه المساحة ، بوست بعنوان
لكن اتضح مدى خطل كلامي وها هي التأشيرة تُلغى .. كجُل أحلامنا..
لا تقرأ هذا البوست.. إلغاء تأشيرة الخروج..لا تقرأ هذا البوست.. إلغاء تأشيرة الخروج..

-
(لقاءه) التي وردت في عنوان الخبر تماهت تماما معه .

لم تمض بضع شهور على وعد صاحبنا حتى صفعنا بالتصريح أعلاه فصدق وعده ونصر الممكونين وحده..

وبرضو كتبنا شروط جديدة لمنح المغتربين تأشيرة خروج..شروط جديدة لمنح المغتربين تأشيرة خروج..]

رغم اني (أعرف أني أنادي بوادْ وأعرف أنكَ لنْ تستجيب وأن الخوارقَ ليست تعادْ ) كما قال نزار ناعيا ناصر.

انا قتا أتبنك نعلك ما ميرود

انا قلت ود المشرف خيب ظني

لكنه عاد فاكده

المنتصر يا (ترتيبات)..
(ميرود) دي ما تفكها طلقيبه سااااي كدا، المنبر دا فيهو شهادات
عربيه و igcse وسان فرانسيس وسانت ميري وسان سواهما كما قال عبدالله الطيب..
يا كمان إرفق مانيوال مع مداخلاتك وبالميت كدا (وصفه)..

يا عمر الفاروق، (ودالمشرف) دا جارك في المسالمه؟
الله يسامحو ودالمشرف ..في غيابنا خرب علينا السوق.

لقيت باقي الجوازات السبعة ان شاء الله


انتظر تلفونك لكن بيك ما خبور

اقول اناجيك افشل اثور غابو عني


حمد لله علي السلامة

الدولة الوحيدة في العالم البطبقوا فيها تاشيرة الخروج هي السودان...
بس عشان ما نظلم نظام الانقاذ عندي اسئلة محيراني:-
- هل بدأ تطبيق نظام تاشيرة الخروج في عهد ابراهيم عبود ام في عهد الصادق المهدي ام في عهد النميري
ام في عهد الانقاذ؟؟
- واذا تم تطبيق نظام تاشيرة الخروج في عهد النميري، فلماذا لم تقم الحكومة الديمقراطية التي اتت بعد عهده بالغاء هذا النظام المشين؟؟
- ولكن اذا بدأ تطبيق هذا النظام العجيب في عهد الانقاذ ، فلدي سؤال لانصار النظام او كمان مرة واحدة لوزير الداخلية:-
- اذا انتو فرضتوا نظام تاشيرة الدخول عشان تراقبوا الناس المعارضين وتمنعوهم من السفر او كمان تعتقلوهم .. فهذا خطأ .. ليه...؟؟؟؟
عشان انتو مفروض تفرحوا لمن الناس المعارضين يسافروا بره السودان عشان ما يعملوا ليكم مشاكل ومظاهرات....
والحاجة الثانية .. اذا كان غرضكم هو مراقبة المعارضين او القبض عليهم .. فالاجراء المناسب هو وضع اسماؤهم وتخزين معلوماتهم
في كمبيوترات مطار الخرطوم الدولي .. ولمن يسافروا بره ويجوا راجعين وفي المطار ولمن ضابط الجوازات يدقق في معلومات
الجواز ممكن يعرف هل هو من الناس المطلوبين القبض عليهم ولا لا....( الفكرة دي مفروض تدفعوا لي فيها اجر..( وجه باسم ومكشر)..
.. وطبعا الفكرة بتطبقها السلطات الامريكية قي المطارات الدولية داخل الولايات المتحدة... ومش كده وبس بل عندهم ناس بعض المطارات
العربية والمطارات الاوروبية بيقوموا بمراجعة معلومات المسافرين المتجهين للاراضي الامريكية , وهم عندهم اسماء 300 ألف شخص
مشتبهين بالارهاب وبيمنعوهم من ركوب الطائرات المتجهة لامريكا...
.. وعشان كده بتمنى السلطات السودانية المختصة ، ولعدم وجود الصفوف الطويلة امام وزارة الداخلية للحصول على تاشيرة الخروج
الما ليها معنى زي ما قال حاج ماجد تقوم تلغي هذا النظام العقيم الذي يسبب اكبر معاناة للمسافرين.. وعشان المعاناة الكبرة دي بنلقى معظم
السودانيين في الخارج بيحاولوا يتحصلوا على جوازات سفر الدول التي يقيمون فيها لتفادي هذا العذاب المستمر..
اما كلامه عن سمعة السودانيات في الخارج .. فعندي رأي في الموضوع ده... نتابعه بعد الاستراحة .. بعد اذن صاحب البوست..
ودمت بالف خير وصحة وعافية

Quote: يا عمر الفاروق، (ودالمشرف) دا جارك في المسالمه؟ الله يسامحو ودالمشرف ..في غيابنا خرب علينا السوق.

هههههه الله يديك العافية مولانا

خالص نرفع قضية انتخال شخصية يا ضده يا ضدي

حاج ماجد بيقول انه ينفي ما يتردد عن انحراف المرأة السودانية بدول المهجر ووجودها بصورة غير لائقة...
وانا أؤيده ميه في الميه في قوله هذا .
لان المرأة السودانية محترمة وصورتها لائقة في جميع دول المهجر.... ولكن ما قرأنا عنه في هذا المنبر
عن الساقطات في مدينة دبي من السودانيات .. فلا يمكن ان نحكم على المرأة السودانية من تصرفات قلة قليلة
لا يمثلن المجتمع السوداني العفيف والذي يعتز دائما باخلاقه الحميدة والمستقيمة... وهذا السقوط يحدث في العديد من المجتمعات
في العالم كله.. ولذا لا يمكن ان نوصم المرأة السودانية ان صورتها في الخارج غبر لائقة بسبب تصرف القلة القليلة ولاسباب
متنوعة لا نريد ان نخوض فيها ( بس نقول الله يجازي الكان السبب)..( وكمان بيتبجحوا وبيقولوا بيت مال المسلمين .. وبدل توزيع
اموال الزكاة للمحرومين والمحرومات نجد هذه الاموال تذهب للاقرباء ولجيوب الاغنياء)...
ونؤكد ان سمعة المرأة السودانية في الخارج، وليس في الدول العربية فقط، حيث ان البيئة تساعدها على المحافظة على هذه السمعة الطيبة،
ولكن حتى في الدول الغربية والامريكتين نجد سمعة المرأة السودانية سمعة نظيفة ولائقة ومحترمة....
ودمتم بالف خير وصحة وعافية

الي متي عتق هذه البقره الحلوب

Quote: لقيت باقي الجوازات السبعة ان شاء الله

الخليل..
عساك من عواده..
نعم .. واحد واحدا.. الباظبورطات السبعة لقيتن وغادرت المكان القبيح مع آخر غفير.
لكن توبة نصوحه..
مرات نسافر البلد لنعزي المصابين ثم يعزينا المصابون في مصابنا مع تأشيرة المغتربين.

سلامات محمد

شوف الهباله دي كمان

عباطه جهاز شؤن المغتربين والبطاقه الذكيه عباطه جهاز شؤن المغتربين والبطاقه الذكيه

العزيز محمد المرتضي حامد التحية والإحترام تأشيرة الخروج إجراء غير دستور يتعارض مع حق حرية التنقّل التي نصّ عليها الدستور لن تلغي الإنقاذ تأشيرة الخروج حتي يلج الجمل في سم الخياط ليس حفظاً لسمعة وكرامة السودانيات كما تزعم ولكن لأنها مورد مالي ضخم للدولة لن تستطيع المجازفة به تقديري

Mahir H. Baik تأشيرة الخروج تم فرضها 1957 بقرار من وزير الداخلية بالإنابة وقتها إسماعيل الأزهري مقابل رسم مقداره 25 قرش.
شكرا يا ماهر على المعلومة..

يا بسمات .. طابت أوقاتك بتوقيت الجهاز.. أتفق معك بأنه في ظل المعلوماتيه والتقنية يمكن الإستعاضة عن التأشيرة بمنع في الأجهزة المتوفرة بمنافذ الخروج،
اقيم بدولة خليجية وأسافر كثيرا جدا ولا أذكر آخر مرة قدمت فيها جواز سفري ليوسم بتأشيرة ، فقط نُدخل بطاقتنا المدنية ونضع البصمة وبطاقة المغادرة على
شاشة الجهاز ونذهب للطائرة وعند الدخول نضع البطاقة والبصمة فتفتح لنا البوابة للدخول لاغير ولا نقابل موظف الهجرة وتبقى جوازاتنا في الجيب خالية
من الأختام توفيرا لصفحاتها. بالطبع الجهاز يرتبط بالجهات الأمنية التي تضيف معلومة حظر من المغادرة إذا كان هناك ما يستدعي وإحتجازك عند الدخول
إذا كنت مطلوبا حيث لن تعمل البطاقة. أما فرض التأشيرة عندنا فكما افاد أخي محمد الحسن، سببه المال ، المال ولاشئ غيره، لك أن تعلمي أن 75% من
موارد الدولة المالية تأتي من الضرائب والجبايات والرسوم والمكوس والعشور وكافة المسميات القبيحة في هذا الإتجاه، صدقيني ، كثير من المغتربين
كرهوا السفر إلى السودان بسبب التأشيرة وما يسمى بجهاز المغتربين ، فهو عند البعض يماثل قلعة فرانكشتاين ويتسبب في رهاب نسمه ( مغترفوبيا)..
يأخذوا مالك ليعلموك كيف يكون عذاب الهدهد، سبق وكتبت أن أية دراسة جدوى إقتصادية في جزئية تأشيرة الخروج ستسفر عن نتائج مذهلة وهي
زيادة العائد القومي حال إلغائها لكن النظرة الضيقة للأمور تحول دون أن يأتي رجل شجاع ويلغي تلك المهزلة فبقينا على حالنا ننشد مع
أحمد الطيب ضاع صبري أين يا وصلي..

اللهم تقبل دعائي وأنت أعلم به..

قولوا آمين..

ياخ خليهو يعمل الآتي وكفاية عليهو :

1. الغاء رسوم التأشيرة
2. أن تمنح التأشيرة في المطار


سلام صاحب البوست

,د المرتضي

اها يا خوي الحنك شنو في الآخر ؟؟؟
دخلتو لينا بي حمد ومرقتو بينا بي خوجلي
لغوها ولا ما لغوها ؟؟

ادونا النجيضة عشان نحنا ناوين لينا سفرة

مودتي

وارد الدولة المالية تأتي من الضرائب والجبايات والرسوم والمكوس والعشور وكافة المسميات القبيحة في هذا الإتجاه، صدقيني ، كثير من المغتربينكرهوا السفر إلى السودان بسبب التأشيرة وما يسمى بجهاز المغتربين ، فهو عند البعض يماثل قلعة فرانكشتاين ويتسبب في رهاب نسمه ( مغترفوبيا).. يأخذوا مالك ليعلموك كيف يكون عذاب الهدهد، سبق وكتبت أن أية دراسة جدوى إقتصادية في جزئية تأشيرة الخروج ستسفر عن نتائج مذهلة وهي زيادة العائد القومي حال إلغائها لكن النظرة الضيقة للأمور تحول دون أن يأتي رجل شجاع ويلغي تلك المهزلة فبقينا على حالنا ننشد معأحمد الطيب ضاع صبري أين يا وصلي..اللهم تقبل دعائي وأنت أعلم به..قولوا آمين..>>>><<<>>

آمييييين.. اذا المسألة كلها مسألة فلوس وجبايات وما عندها علاقة بتعذيب المسافرين وبهدلتهم.. فعندي اقتراح.. على المغتربين في السعودية ودولة قطر ان يتصلوا بجهاز المغتربين ويسألوهم هذا السؤال:- الحكومة دخلها كم من رسوم تاشيرات الخروج للمسافرين كل سنة\...ونفرض ان جهاز المغتربين ردت وقالت : ان اعلى دخل لهذه الرسوم في السنة ما يعادل 100 ألف دولار.. مثلا ..مثلا يعني... ويقوموا المغتربين في السعودية ودولة قطر يلموا الفلوس دي ويسلموها كل سنة لجهاز المغتربين ويلغوا حكاية تاشيرة الخروج دي.... .. وطبعا حتسأل وتقول اشمعنى مغتربين السعودية ودولة قطر بس هم اليتحملوا لم القروش دي.. ووين مهاجري بقية الدول؟؟ والجواب هو ، والعهدة على الراوي ، ان اغنى المغتربين هم مغتربو السعودية وقطر ، والدليل ان جميع ناطحات السحاب في الاحياء الراقية في الخرطوم يمتلكها هؤلاء المقيمين في السعودية وقطر....اضافة الى انهم بيمثلوا ثلاثة اربع عدد السودانيين المغتربين والمهاجرين في اصقاع الدنيا... أها رايك شنو في الفكرة دي.. ودمت بالف خير وصحة وعافية

أعتقد المسألة مرتبطة بالزام المغتربين بزيارة جهاز المغتربين الزاماً ليسدد ما عليه من جبايات
بما يسمى رسوم الخدمات والزكاة والذين عليهم ضرائب كأصحاب بعض الوظائف اضافة لكرت الخدمة الالزامية
لكن ممكن تحويل هذه الاجراءات للسفارات ....
بس الجماعة ديل كان ما جرجروا الناس وعطلوهم وغلبوهم ما برتاحوا
وهي أصلاً الضرائب حرام ....
لكن طالما هم مصرين فهناك السفارات يمكن أن تقوم بهذا الدور ....ويغلق جهاز المغتربين ويرحموا خلق الله

http://sudaneseonline.com/board/460/msg/1389816875.html

ما يزيد على 3000 مشاهده في 3 ساعات؟

ألم أقل لكم أن الممكونين بالملايين؟

بمعنى إن قُيِّض لوزير الداخلية إلغاء التأشيرة سيصبح بطلا قوميا..


الطيب عباس، الناس ديل ملتزمون بالتفوق .. سيضيفوا إلى حياتنا عذابا لم يخطر
ببال السافاك..

بعد كده يا عزيز سنطالب بممرات آمنه..

وعد ماجد سوار للاستهلاك ليس الا
الغاء تاشيرة الخروج ليس في يده
وهو وعد من لايملك لمن يستحق
التاشيرة دي حبل عقدتو لن تنفك
لانها باب لحلب المغتربين متى شاءوا
دي دولة قائمة على الجبايات والضرائب
ان فكوا حبل حلب المغتربين
نان يديروا اقتصادهم المتهالك ده يي شنو ؟

سلامات أستاذ محمد
تاشيرة الخروج دي في الدنيا كلها في بلدين بس السودان و بو ر كنا فاسو .
و في الشقيقة الصومال بلد الحرية اي صومالي عندو ختم تأشيرة خر و جو بر ا هو .

يقال انو سوداني سافر ليبيا برا ولايحمل اي اوراق ثبوتية ولايملك غير جلابيتو اللابسها.
عند الوصول الى المنفذالحدودي طلب منه شرطي الجوازات
الجواز لوضع تاشيرة الخروج.
جوازك يا زول : ماعندي
طيب جنسية: برضو ماعندي
اوكي ادينا اي ورقة او كراس او اي حاجة : والله مافي.
طيب الرفع جلابيتك دي وطق خبط ليهو الختم في ضهروا وقيلة في مكان شبه حساس.
اها
تسهيلات زي دي نلقاها وين. ؟

ياخ خليهو يعمل الآتي وكفاية عليهو :
1. الغاء رسوم التأشيرة
2. أن تمنح التأشيرة في المطار

سلام صاحب البوست


يا الأمين صدقني ، وأقولها من القلب، نحن لانبخل على بلادنا بمال إلا أن طريقة الحصول على المال لا علاقة لها بأي منطق أو قانون
كما أن مصارف المال - سيما في عهد اللنغاز الميمون - لاتخطئها العين. تخيل يا البشاري أنك تسافر للخرطوم ليومين وتذهب لذلك المبنى
العجيب في مشوار دونه خرط القتاد فيقال لك الشبكه طاشه ، تقضي سحابة يومك كالصياد بانتظار الشبكة ، ثم تعود في نهاية اليوم خالي الوفاض
وفي اليوم التالي تعود في رحلة تضرب لها أكباد الإبل بالدكوه والبصل وعند وصولك فظن أنه يوم الحشر لأن كل مراجعي الأمس أضيف إليهم أبناء اليوم
القادمين لتوهم. ثم يبدأ مشوار الحكاوي في الصفوف المجيدة، يا سلام ياخ.. آلاف البشر فيهم التجار والسمار والسمسار بعضهم فوق بعض
كتجسيد لتحالف قوى الشعب الهامل ومن أتوا من كل فج عميق ، إذن فهي الحرب يا بن معديكرب فشمر عن ساعديك لغزوة مضارب بني سوار.
الرسم الحالي للتأشيرة 73000 جنيه إضافة إلى الزكاة (الإجبارية) والمساهمة ( الإلزاميه ) وهذه وتلك بضع ملايين، ولو أنها سُخِّرت لجهاز الشرطة
بشكل راشد أثق بأن الجميع سيبادر لدفع ضعف المبلغ بأريحية وليس كمن يدفع جزية مفروضة وهو صاغر،
أقترح على وزير الداخليه النظر في هذه المسألة بشكل جاد ومتطور ، أو كما قال لنا أحد أنصاف المثقفين ناصحا لنا بتوسيع آفاقنا : شتتوا أفكاركم.

اها يا خوي الحنك شنو في الآخر ؟؟؟
دخلتو لينا بي حمد ومرقتو بينا بي خوجلي لغوها ولا ما لغوها ؟؟
ادونا النجيضة عشان نحنا ناوين لينا سفرة

سيف محجوب سلامات،
اتصلت بإبن أختي ، وهو ومرجع في لغة شباب عهد الإنقاذ ، وسألته في زول قال لي ( الحنك شنو) ، أها الزول دا قصدو شنو؟
قال لي كاتبها أو ناطقها يريد النتيجة النهائية ، وأوضح لي أن هناك مرادفات وأفادني بأن قائلها يمكنه الإستعاضة بأسئلة
أخرى ك ( الفهم شنو) و (أدينا الزيت) والمعنى واحد أو كما يقول الخليجيون أدينا الزبده، أها يا طال عمرك، طالما دخلناك
بحمد وطلعناك بخوجلي وديار المريوماب نقول لك (الزيت) إنو حاج ماجد شرَّانا وغاب عن الميعاد وحاليا بنفتش ليهو في
الأعياد وفي لوحات السيارات وفي ضُل الجهاز الوقف ما زاد.
أهو كلها سورياليه تستعصي على المنطق وتدِق على الفهوم وأسياد الشي زاتا دالي وأندريه برايتون وأندريه الفي الخشيم ينماص.

قلت لي النجيضه؟ نحن عندنا نجيضه عشان نديها؟ فاكرنا ألمان عشان ننجض حاجاتنا؟ نحن سياد ام فتفت..

ود المرتضى
اشكرك على الاستجابة
يعني النجيضة سواركم دا طلع ماسورة
ودا الكان متوقع
النقوم اطلع هدومي من الشنطة بعد ما ستفتها
وحسبي الله ونعم الوكيل
تخريمة .
عليك ردودك ما توسطها وخليها يمين
عشان ما تكون زي القصيدة
واوعه تقول لي دا استايلي
والحنك البيش دا زي اخونا بتاع ابوظبي
البكتب اسمو يافطة كبيرة تحت كل مساهمة
رغم وجود اسمو في بروفايلو يمين دوما

مجرد ملاحظة ارجو تقبلها

مودتي

تحياتي مولانا محمد المرتضى ..

ياخ عنوان البوست خلاني دخلت وقلت أسويها ليكـ

( هييييع كع كرع ) ... أتصدمت ياخ لمن لقيت الموضوع ليه سنة وطلع ماسورة ..

هاهاهاهاهاها ....

أحي متابعتك القوية للامـــر .... وان شاء الله يصدق الامر ..

التحية ليك اخونا محمد المرتضى وضيوفه الكرام
الحنك زى مابقولوا شباب اليوم انه الحيكومة دايرة قروووش
ما هماها البطلع منو والبدخل منو اصلها سايبة
الهدف كما قلت الفلوس
اقتراحى انه البطاقة العملوها اخيرا دى تتشحن من اى محل رصيد
زيها وزى شريحة الموبايل ( حيث ان اغلب المغتربين لايملكون حسابات فى البنوك)
ويربطوا التسديد بموقع الكترونى مربوط مع احد البنوك زى نظام الخروج والعودة فى السعودية
او نظام التقديم للجامعات حق اليومين دى..
المغترب ماعليه إلا يشحن البطاقة ويخش الموقع يدخل رقم الجوازيلقى رسومه وزكاته وضريبته
ويسددها وهو بيته وعلى المطار عدل . ياخد التاشيرة فى المطار..
فى حالة اى اختلافات يراجع مبنى جهاز المغتربين
ولك التحيات الزاكيات

وعد ماجد سوار للاستهلاك ليس الا الغاء تاشيرة الخروج ليس في يده وهو وعد من لايملك لمن يستحق
التاشيرة دي حبل عقدتو لن تنفك لانها باب لحلب المغتربين متى شاءوا
دي دولة قائمة على الجبايات والضرائب ان فكوا حبل حلب المغتربين نان يديروا اقتصادهم المتهالك ده يي شنو ؟
شكرا ودالقوز..
الموجز المفيد..

مولانا محمد المرتضى مليون سلام وتحية

(طيب الرفع جلابيتك دي وطق خبط ليهو الختم في ضهروا وقيلة في مكان شبه حساس. اها تسهيلات زي دي نلقاها وين. ؟)

يا هندسه..
كل سنه وانت طيب وشربوتك حاضر ..
قرأت منذ سنوات أنه في إحدى بلدات النيل الأبيض أصبح الكارو (الحميري ) هو الوسيلة الوحيدة لنقل المياه للعباد ،
وأحيانا على ظهر الحمار نفسه ب (الخُرُج) .. حليل الخرج ومويتو المنزوعة الكلور والخالية من مياه المجاري ..
بالطبع قررت المحلية تحصيل رسوم وأتاوات وتمغات على كل رحلة ومنع أي حمار من مزاولة النشاط سوى الحمير المرخصة،
وبالطبع لايمكن تعليق لوحة على الحمار فقررت المحلية أن تضع خاتما على جنبات الحمار بأن تَسِمهُ بالكي بالنار وعند التجديد
تكون ال (تشه) في مكان يجاور الأولى..
أعتقد أن الحمير العندها واسطه توسم بحلاقه خفيفه استايل نيمار.

Quote: حاج ماجد بيقول انه ينفي ما يتردد عن انحراف المرأة السودانية بدول المهجر ووجودها بصورة غير لائقة...

حاج ماجد منو أصلا البتكلم عن الانحراف و عن المرأة السودانية ؟!! اوليس هو من اعتدى بالضرب على أستاذه إبان دراسته بكلية القانون ؟ قال السفير حاج ماجد قال.. بالنسبة لتأشيرة الخروج حقه واحد من ناس الشرطة زملاء البورد يشرح لينا الفكرة من هذا الإجراء لانه ربما كان هنالك سببا لا نعرفه فى الختام التحية لصاحب البوست و كل عام وأنتم بخير.

مولانا عبدالحافظ..
احترامي إليك من صميم قلبي..
كل سنه وكل أمين عام ووزير خاص وانت طيب..
حاج ماجد مشى وكرار التهامي عاد ،
تذكرت السيجه....
والله يا مولانا لو قيض لك أن تزور جهاز المغتربين هذه الأيام ستكون أمامك خيارات سيئة..
جميعها سيئة.