جلالدونا في دي طلبتك بالله تختشي

06:14 AM July, 28 2016 سودانيز اون لاين
فرح الطاهر ابو روضة-...................
مكتبتى
رابط مختصرأنهيار الإمبراطورية الدينقية معقول يا صديقي عملتوه إمبراطورية عديل

في يقيني
الامبراطوريات ولو ضعفت ينظر الي ماضيها وانحازاتها بشي من الاحترام
والتقدير
ودينق لا إمبراطورية
ولا هو طارح نفسه إمبراطور
قلم طيب ومسألم
وسنين ومصادم
فيا حبيبي وفر قلمك لامبراطورية الفساد
والإبادة الجماعية
والعنصرية الصاح الصاح
ولاتباع هذا النظام الباطش الأرعن
اتفكك من دينق
ودينق يتفكفك منك
وانتو الاتنين خليكم مركزين على البلد الما لاقبة ليها وجيع دي
المهم
لو ما دخلت رديت عليك
ما مطنشك
ظروف البلد دي عايزة كدة
الزمن بجري قبل ما تلم ليك في صحن فول تسكت بيه الجوع

سلام ابو الامورة روضة
و شاكر افتراعك لهذا الخيط
العزيز دينق كقلم مشارك فى هذا المنبر
هو حق له لا يملك ان بنازعه فيه احد
دى واحدة
التانيةكقلم طارح نفسو معارض للكيزان و عصابتهم الحاكمة
ال يعارض زى ما داير قشّة ما تعتّر ليهو
لكن ان يصنّف الناس على حسب مواقفهم و بى قراية غلط منّو
يبقى يستحمل ردودم
بالنسبة لى لم اطرح نفسى يوما كمناضل و لا ينبغى لى
ولكن لى على اقل تقدير احساس
بى انو عصابة الانقاذ و العصابات المسلحة و احزاب السلمية كلّهم اجرموا فى حق هذا الشعب
أمّا امبراطورية دينق هى سطوته المبالغ فيها فى دمغ معارضيه بالعنصرية
ثمّ فى اول امتحان ذابت تحت هجير الثقافة الامريكانى
قد تعود و قد لا تعود
و قد يأتى هذا الدينق
وكلكما .. لكم منى الاحترام