Post: #1
Title: غايتو دي أبت تقع لي كلو كلو ... والله صحي :)
Author: الامين موسى البشاري
Date: 07-28-2016, 00:37 AM
Parent: #0
00:37 AM July, 28 2016 سودانيز اون لاين
الامين موسى البشاري- المملكة العربية السعودية
مكتبتى
رابط مختصر | Quote: التعليم العالي: نسبة المتقدمين للقبول العام تجاوزت 100% |
كيف يعني تجاوزت 100%
|
Post: #2
Title: Re: غايتو دي أبت تقع لي كلو كلو ... والله صحي :)
Author: الامين موسى البشاري
Date: 07-28-2016, 00:40 AM
Parent: #1
Quote: التعليم العالي: نسبة المتقدمين للقبول العام تجاوزت 100%
قالت وزارة التعليم العالي السودانية، بأن أعداد المتقدمين لمؤسسات التعليم العالي الحكومية والأهلية للعام الدراسي 2016- 2017، قد تجاوزت نسبة 100%، للذين أكملوا إجراءات التقديم الإلكتروني من حيث الأعداد المتقدمة مقارنة بالمتوقع من الناجحين.
وأكدت الوزارة وفقاً لــ”سونا” إكمال 169797 طالباً وطالبة لإجراءات تقديمهم حتى مساء الأربعاء، من جملة 169601 طالب وطالبة بنسبة 100.12% .
وما تزال البحر الأحمر تتربع على قائمة الولايات بالأعداد المتقدمة مقارنة بالمتوقع من الناجحين، وذلك بإكمال 4660 طالباً وطالبة لإجراءات تقديمهم من جملة 3403 طلاب، متوقع تقديمهم من طلاب الولاية وذلك بنسبة 137%.
وحافظت ولايتا الشمالية ونهر النيل على المركزين الثاني والثالث على التوالي، بإكمال 5000 طالب وطالبة لإجراءات تقديمهم من جملة 3957 طالباً وطالبة، متوقع تقديمهم من طلاب الولاية الشمالية بنسبة 126%، وتقديم 7602 طالب وطالبة من جملة 6278 طالباً وطالبة، متوقع تقديمهم من ولاية نهر النيل بنسبة 121%.
وتجاوزت 8 ولايات أخرى نسبة 100% من جملة الطلاب المتوقع تقديمهم في القبول العام وهي ولايات وسط دارفور، النيل الأزرق، غرب دارفور، القضارف، كسلا، شمال دارفور، جنوب كردفان وشرق دارفور.
وتوقعت الوزارة وحسب الرصد اليومي لمركز المعلومات بالوزارة، أن تتجاوز كافة الولايات نسبة 100% في الأعداد المتوقعة هذا العام.
شبكة الشروق
|
؟؟
الزيادة دي جات من وين؟
|
Post: #3
Title: Re: غايتو دي أبت تقع لي كلو كلو ... والله صحي :)
Author: ياسر السر
Date: 07-28-2016, 08:05 AM
Parent: #2
البشاري ااا اخوي ما سمعت بي ( زيادة الخير خيرين ولا شنو ) ؟؟
حبيت امر واسلم يا حبيب والله مشتاااقين ,,,
تحياتي : ياسر العيلفون ,,,,,,
|
Post: #4
Title: Re: غايتو دي أبت تقع لي كلو كلو ... والله صحي :)
Author: صبري طه
Date: 07-28-2016, 08:34 AM
Parent: #3
| Quote: قد تجاوزت نسبة 100%، للذين أكملوا إجراءات التقديم الإلكتروني من حيث الأعداد المتقدمة مقارنة بالمتوقع من الناجحين |
مع إنّو الجملة لا تخلو من ركاكة لكن حأشرح ليك المقصود ...
الناس ديل توقعوا عدد معين من الناجحين للتقديم ولنفترض مثلاً 1000 طالب .. إذاً إذا تقدّم كل العدد تبقى النسبة 100% حسب توقعهم .......... (1)
العدد الذي تقدّم من الناجحين أكبر من عدد توقعهم ولنفترض أنّ العدد الذي قدّم هو 1200 طالب ... (2)
أها كدا فهمت تجاوز النسبة لـ 100% حسب التوقع ولاّ لا
ــــ
وزي ما قُلت ليك الشغلانية ركيكة وما كان في داعي ليها مفروض يضعوا أعداد المتقدمين فقط وفي الحالتين حالة التوقع والحالة التي آل إليها التقديم ...
ودا عشان الناس البجوا طيش الدُفعة يقدروا يفهموها وتظبط معاهم 
|
Post: #9
Title: Re: غايتو دي أبت تقع لي كلو كلو ... والله صحي :)
Author: الامين موسى البشاري
Date: 07-28-2016, 03:32 PM
Parent: #4
صبري العريس القديم
| Quote: مع إنّو الجملة لا تخلو من ركاكة لكن حأشرح ليك المقصود ... |
ركاكة العدو يا صبري :)
وامسك في دي قوي بالله
Quote: الناس ديل توقعوا عدد معين من الناجحين للتقديم ولنفترض مثلاً 1000 طالب .. إذاً إذا تقدّم كل العدد تبقى النسبة 100% حسب توقعهم .......... (1)
العدد الذي تقدّم من الناجحين أكبر من عدد توقعهم ولنفترض أنّ العدد الذي قدّم هو 1200 طالب ... (2)
أها كدا فهمت تجاوز النسبة لـ 100% حسب التوقع ولاّ لا |
يا صبري الحساب ما فيهو متوقعين والكلام دا .. فيهو امتحن كدا كدا ونجح كذا وقدم من الناجحين كذا
والنسبة كذا ...
النسبة 100 % تأتي من تقديم كل الناجحين للقبول العام
يعني امتحن 100 وقدم 100 طالب ومن هنا بتطلع النسبة
ولذلك كلامهم مغلوط وغلط من ساسو لي راسو
اذا انا بس بعرف 5 ما قدموا لغاية هسي للقبول العام وهم اقرباء لي
ماف أي مجال لزيادة عدد الناجحين ولا زيادة النسبة
مع العلم أن غير مسموح لاصحاب الشهادات من الاعوام السابقة التقديم للقبول العام
وحتى لو مسموح النسبة ما بتزيد .. والله صحي :)
|
Post: #5
Title: Re: غايتو دي أبت تقع لي كلو كلو ... والله صحي :)
Author: يوسف الطيب احمد إدريس
Date: 07-28-2016, 08:42 AM
Parent: #3
سلام
الأمين وياسر
بمعنى في زول امتحن 2014 وقدم لرغبة معينة وما شالوه في نفس سنتو القدم فيها يقوم السنة يقدم تاني لجامعة تانية أو كلية تانية
يعني إذا الناجحين 70.000 طالب بكونو قدمو كلهم يلا بتلقى حوالي 3.000 طالب مثلا من غير الناجحين للسنة دي قدمو معاهم بقى عدد المتقدمين 73,000 طالب
تسلم ،،،
|
Post: #6
Title: Re: غايتو دي أبت تقع لي كلو كلو ... والله صحي :)
Author: الامين موسى البشاري
Date: 07-28-2016, 11:32 AM
Parent: #5
سلام وتحايا للجميع
بجيكم راجع واحد واحد .. اصلي طولته من (الغلات) مع حبيبنا صبري طه
|
Post: #7
Title: Re: غايتو دي أبت تقع لي كلو كلو ... والله صحي :)
Author: عادل الباهي عبدالرازق
Date: 07-28-2016, 12:43 PM
Parent: #6
البشاري سلام وتحايا
علي ما اعتقد والله اعلم الزيادة دي ناس الشهادة العربية
|
Post: #11
Title: Re: غايتو دي أبت تقع لي كلو كلو ... والله صحي :)
Author: الامين موسى البشاري
Date: 07-28-2016, 03:42 PM
Parent: #7
Quote: البشاري سلام وتحايا
علي ما اعتقد والله اعلم الزيادة دي ناس الشهادة العربية |
كااااا اااااك
احتمال وارد برضو :)
ثم إننا مشتاغووووون ياخ!
|
Post: #10
Title: Re: غايتو دي أبت تقع لي كلو كلو ... والله صحي :)
Author: الامين موسى البشاري
Date: 07-28-2016, 03:39 PM
Parent: #5
يوسف حبابك 1000
Quote: سلام
الأمين وياسر
بمعنى في زول امتحن 2014 وقدم لرغبة معينة وما شالوه في نفس سنتو القدم فيها يقوم السنة يقدم تاني لجامعة تانية أو كلية تانية
يعني إذا الناجحين 70.000 طالب بكونو قدمو كلهم يلا بتلقى حوالي 3.000 طالب مثلا من غير الناجحين للسنة دي قدمو معاهم بقى عدد المتقدمين 73,000 طالب
|
يا يوسف حملة الشهادات من الاعوام السابقة لا يحق لهم التقديم
وحتى لو مسموح ليهم النسبة مفروض تحسب هكذا
عدد الذين يحق لهم التقديم مقسوما العدد الكلي مضربا في 100
ودي لا يمكن تكون أكثر من 100 % والله صحي :)
|
Post: #8
Title: Re: غايتو دي أبت تقع لي كلو كلو ... والله صحي :)
Author: الامين موسى البشاري
Date: 07-28-2016, 03:23 PM
Parent: #3
Quote: البشاري ااا اخوي ما سمعت بي ( زيادة الخير خيرين ولا شنو ) ؟؟
حبيت امر واسلم يا حبيب والله مشتاااقين ,,,
تحياتي : ياسر العيلفون ,,,,,, |
أوووو حبيبنا ياسر العيلفون
أما بالنسبة ل "الشوووغ" فحدث ولا حرج
ان شاء الله نلتقي عما قريب .. لأنني في طريقي للعودة الى الرياض
عشان نستمتع بصوتك العذب واغانيك الحلوة
تحياتي يا حبيب ...
|
Post: #12
Title: Re: غايتو دي أبت تقع لي كلو كلو ... والله صحي :)
Author: يوسف الطيب احمد إدريس
Date: 07-28-2016, 04:40 PM
| Quote: يا يوسف حملة الشهادات من الاعوام السابقة لا يحق لهم التقديم |
الكلام دا كيفن يا بشاري ؟! من عندك ولا قانون وزارة التعليم العالي ؟!
|
Post: #13
Title: Re: غايتو دي أبت تقع لي كلو كلو ... والله صحي :)
Author: الامين موسى البشاري
Date: 07-28-2016, 04:48 PM
Parent: #12
| Quote: الكلام دا كيفن يا بشاري ؟! من عندك ولا قانون وزارة التعليم العالي ؟! |
من عندهم يا يوسف
وحاولت افتح الموقع واجيب ليك شروط التقديم
بس مع الاسف الموقع ما فتح معاي
هاكـ
Quote: إعلان مهم جدًا
الأحد 17 يوليو 2016م موعد فتح باب التقديم للقبول لمؤسسات التعليم العالي الحكومية والأهلية للعام الدراسي 2016م - 2017م
أعلنت الإدارة العامة للقبول وتقويم وتوثيق الشهادات بوزارة التعليم العالي والبحث العلمي عن فتح باب التقديم للقبول لمؤسسات التعليم العالي الحكومية والأهلية للعام الدراسي 2016م - 2017م يوم الأحد 17 يوليو 2016م على أن يستمر حتی الأحد الموافق 31 يوليو 2016م. ونوهت الإدارة إلى أن هذا التقديم سيكون فقط للشهادة الثانوية السودانية أو ما يعادلها للعام الدراسي الحالي 2016م مشيرة إلى مضي الوزارة في سياسة التقديم الإلكتروني مطالبة الطلاب وأولياء أمورهم للرجوع لموقع الإدارة على الإنترنت للاطلاع علی المعلومات الخاصة بالتقديم وإجراءاته حيث يمكنهم من خلاله الاطلاع علی دليل القبول لمؤسسات التعليم العالي الحكومية والأهلية للعام 2016م ودليل المنافسة للقبول للجامعات الحكومية للعام السابق 2015م.
هذا وقد نفى الأستاذ علي الشيخ السماني مدير عام الإدارة أن تكون الوزارة قد قامت بطباعة أي إصدارة ورقية منوهاً إلى أن الدليل وكافة المعلومات الخاصة بالقبول ستكون متاحة عبر الموقع الرسمي للإدارة (www.admission.gov.sd) وأكد أن مزيداً من التفاصيل ستعلن عقب عطلة عيد الفطر الفطر المبارك.
|
|
Post: #14
Title: Re: غايتو دي أبت تقع لي كلو كلو ... والله صحي :)
Author: Zoal Wahid
Date: 07-29-2016, 10:53 AM
Parent: #13
مسئول كبير في الحزب الحاكم فاز في دائرتو بـ 160%
دي جات كيف؟
ناس اللجنة قالوا: بعض ناس الدايرة المجاورة اصروا يجوا يصوتوا في الدايرة دي.
لا تستغرب..... في زمن الشمولية كل شيء ممكن.
|
Post: #15
Title: Re: غايتو دي أبت تقع لي كلو كلو ... والله صحي :)
Author: muntasir
Date: 07-29-2016, 11:08 AM
Parent: #14
إمكن النسبة بالقديم
|
Post: #16
Title: Re: غايتو دي أبت تقع لي كلو كلو ... والله صحي :)
Author: الامين موسى البشاري
Date: 07-29-2016, 01:37 PM
Parent: #15
Quote:
قاسم الانصاري · جامعة الخرطوم
يوسف : "بمعنى في زول امتحن 2014 وقدم لرغبة معينة وما شالوه في نفس سنتو القدم فيها يقوم السنة يقدم تاني لجامعة تانية أو كلية تانية "
يازول انت يقولو ليك تور ، تقول أحلبوهو ! ! قال ليك ممنوع التقديم غير السنة دي .
بعدين الناجحين السنة دي ياكافي البلاء ما فيهم واحد مات ولا واحد دقس ما قدم ولا واحد شال شنطتو حقت الحديد وفانوسو ماشي يقرأ برة ولا فيهم أولاد مؤتمر وطني ماشين ماليزيا أو تركيا ( أردوغان ) ؟
الباهي : "علي ما اعتقد والله اعلم الزيادة دي ناس الشهادة العربية " بسسسسسسسسسسس ايوااااا تلك . يمكن من هنا جات الزيادة والمفروض يحسبوا السودانيين البقروا برة شهادة عربية أو غيرها ( طلاب المنافي مش فيه وفد منافي ؟ وتيييييب ) ويجمعوهم مع حجاج الداخل والنسبة لو طارت طير فررررررررر ما ح تزيد أكتر من 100%
الانترفال [ 1 , 0 ] يعني إما مايتقدم واحد أو يتقدم بعضهم أو يتدموا كلهم .
أعجبني · رد · 14 ساعة |
سلام يا قاسم
وشكرا على رفد البوست ....
|
Post: #17
Title: Re: غايتو دي أبت تقع لي كلو كلو ... والله صحي :)
Author: Ahmed Yassin
Date: 07-29-2016, 05:09 PM
Parent: #16
ازيك يا هندسة والله مشتاقون .. سالنا عليك في بوست معنون بـ (ملهم كردفان)
الكلام دا واحد من اتنين
يا عداد النظام حقهم بايظ
يا ناس دفعوا مرتين
يا امتن دخلوا معاهم الساقطين
ديل كم؟ الفوق ديل
|
Post: #20
Title: Re: غايتو دي أبت تقع لي كلو كلو ... والله صحي :)
Author: الامين موسى البشاري
Date: 07-29-2016, 11:27 PM
Parent: #17
هلا اخونا احمد يا سين
| Quote: ازيك يا هندسة والله مشتاقون .. سالنا عليك في بوست معنون بـ (ملهم كردفان) |
يسأل منكم الخير
Quote: يا عداد النظام حقهم بايظ
يا ناس دفعوا مرتين
يا امتن دخلوا معاهم الساقطين
ديل كم؟ الفوق ديل |
وقت ديل كلهن حاصلات ... الرماد كال حماد
|
Post: #19
Title: Re: غايتو دي أبت تقع لي كلو كلو ... والله صحي :)
Author: الامين موسى البشاري
Date: 07-29-2016, 11:16 PM
Parent: #15
| Quote: امكن النسبة بالقديم |
احتمال برضو :)
تحياتي يا منتصر
|
Post: #18
Title: Re: غايتو دي أبت تقع لي كلو كلو ... والله صحي :)
Author: الامين موسى البشاري
Date: 07-29-2016, 10:47 PM
Parent: #14
Quote: مسئول كبير في الحزب الحاكم فاز في دائرتو بـ 160%
دي جات كيف؟
ناس اللجنة قالوا: بعض ناس الدايرة المجاورة اصروا يجوا يصوتوا في الدايرة دي.
لا تستغرب..... في زمن الشمولية كل شيء ممكن. |
دا اسمو الخج بتهور يا زول واحد
|
|