المؤتمر السادس انعقد سريا وابرز اعضاء اللجنة المركزية الجديدة والمستبعدين

09:08 PM July, 24 2016 سودانيز اون لاين
عمر صديق-الخرطوم
مكتبتى
رابط مختصرتردد في دوائر الحزب الشيوعي ان السكرتير التنظيمي للحزب دكتور علي الكنينقد احكم سيطرته علي الحزب وعلي مخرجات المؤتمر السادس والذي سيحضره اعضاءليبصموا علي الوثائق والمقرارات التي اعدت سلفاويعتبر (ف ف) من اقوي المرشحين لزعامة الحزبوهو شخص منبوذ لدي عضوية الشيوعي ومفصول سابقا من احد الفروع الخارجية التي كان يتيع لهاويصفه شباب الحزب الشيوعي بانه انتهازي او سمسار سياسي !!!!!!!!!!

من ناحية عامة

نتمني نجاح المؤتمر السادس للحزب الشيوعي

وان تكون نتائجه لصالح تجويد وتطوير العمل السياسي داخل الحزب

وان يتخلي عن الاتجاه المعادي للسلام والحوار

وان تلحق القيادة الجديدة التوقيع علي خارطة الطريق

وتنضم الي عملية الحوار الوطني والتي قاربت نهايتها

وهي التي سوف تحدد المستقبل السياسي للبلاد

من ناحية عامة

نتمني نجاح المؤتمر السادس للحزب الشيوعي

وان تكون نتائجه لصالح تجويد وتطوير العمل السياسي داخل الحزب

وان يتخلي عن الاتجاه المعادي للسلام والحوار

وان تلحق القيادة الجديدة التوقيع علي خارطة الطريق

وتنضم الي عملية الحوار الوطني والتي قاربت نهايتها

وهي التي سوف تحدد المستقبل السياسي للبلاد

سلامات يا عمر صديق
ما ملاحظ معاي انو الكيزان مهتمين بقضايا الحزب الشيوعي اكتر من اللازم و كمان اليومين
ديل طالعين في موضة نصائح و تمنيات و دعوات للتغيير..الخ.
امس القريبة دي كتبت لواحد صحفي انقاذي ما متذكر اسمو هسي ردا على مقال ينصح فيه
الشيوعيين بالاستجابة للدعوات التجديدية و نبذ الفكر الماركسي باعتباره لم يعد مجديا و لا يمكن
أن يساهم في وضع الحزب الشيوعي ضمن القوى السياسية الفعالة بالبلاد..الخ
قلت ليه يا زول مش احسن تهتم بتنظيمك بدل تشتيت جهودك في نصح الآخرين..هو الإسلام
ذات نفسو بقى في تولا خليك من تفاهات حسن البنا و المودودي و المجنون سيد قطب و حسن الترابي
يعني احزابكم و تنظيماتكم الكتيرة دي ذاتها محتاجة للتغيير و مواكبة العصر.
سبعة و عشرين سنة اتاكدتوا خلالها انو الموضوع لا دين و لا شريعة و لا نظام إسلامي
بل سلطة و سقوط و فشل ، اليست جديرة بالتوقف عندها و استخلاص العبر؟

طوال تاريخ الحركة الاسلامية ، كان وجود الحزب الشيوعي السوداني في الساحة اكبر مبررات وجودها ، وكل حركات الاسلام السياسي تصنع عدوا افتراضيا لتكملة خطابها الديماغوجي ، وهذا العدو المفترض يسعى لهدم الدين وسوق الناس الى الضلال حتى لو كان هذا العدو لا حول له ولا قوة مثل الحزب الشيوعي السوداني. يمكننا القول ببساطة ان الحركة الاسلامية ركزت على تخويف الناس من هذا العدو المفترض اكثر من تركيزها على تعريف الناس بالإسلام نفسه وهذه اقصى مراحل الديماغوجية .
ولذا ورغما عن الموت السريري للحزب الشيوعي ، فإن الكيزان لا يرغبون في موته بالمرة ولن يترددوا عن نفخ الروح فيه كلما اشتد المرض لأن وجوده يمثل الوحش الرمزي في ادبياتهم .. ود ام بعلو ..
فيا عمر صديق شنو المشكلة لو جبت اسم الزعيم ف ف ده ؟ الموضوع مجرد تخمين سياسي ، ولا لسة مصرين على ان تجعلوا من الحبة قبة ؟
تحياتي

الاخ عبد الله ادريس تحياتي
الحزب الشيوعي لايمكن انكار دوره الفاعل في الحياة السياسية

وهو حاليا يعيش صراع عاصف لكنه لم يصل مرحلة الموت السريري

صحيح انه ظل خصما سياسيا عنيدا امامنا منذ الاستقلال والي الان


وهو خصم حقيقي وليس مفترضا

وصحيح اننا لانرغب في موته ولكن نرغب في تجديده وتطويره

ولذلك نحز علي فصل مجموعة الشفيع خضر لانها الامل في ذلك الاتجاه التحديثي


وهل تعلم ان لولئح الحزب وقوانينه لم يتم تحديثها منذ الستينات

فكيف لها ان تكون مناسبة مع زمن العولمة والنظام العالمي الحالي

حيث اصبح التغيير يحدث في كل ساعة او دقيقة

Quote: سلامات يا عمر صديق ما ملاحظ معاي انو الكيزان مهتمين بقضايا الحزب الشيوعي اكتر من اللازم و كمان اليومين

سلامات يادكتور


كدي مسئول من الخير قالو قوائم الفصل والايقاف كبيرة

اها اصحابنا البورداب الشيوعيين اخبارهم شنووووو؟


لو اي زول وقفو او فصلو نحن نرحب به في المؤتمر الوطني

لانو حسب علمي المغضوب عليهم يمثلون النوار في الحزب

الامن الاعلامى

الكوز عمر صديق

Quote: الحزب الشيوعي لايمكن انكار دوره الفاعل في الحياة السياسية وهو حاليا يعيش صراع عاصف لكنه لم يصل مرحلة الموت السريري صحيح انه ظل خصما سياسيا عنيدا امامنا منذ الاستقلال والي الان وهو خصم حقيقي وليس مفترضا وصحيح اننا لانرغب في موته ولكن نرغب في تجديده وتطويره ولذلك نحز علي فصل مجموعة الشفيع خضر لانها الامل في ذلك الاتجاه التحديثي وهل تعلم ان لولئح الحزب وقوانينه لم يتم تحديثها منذ الستينات فكيف لها ان تكون مناسبة مع زمن العولمة والنظام العالمي الحالي حيث اصبح التغيير يحدث في كل ساعة او دقيقة

يا عمر يا خوي لا يوجد حزب واحد فاعل في الحياة السياسية منذ انقلاب البشير حتى المؤتمر الوطني ، إن جاز لنا ان نطلق على المؤتمر الوطني اسم الحزب وما هو بحزب ولا علاقة له بالاحزاب السياسية .
وفي الحقيقة لا يمكن اطلاق صفة "حزب" على كل الاحزاب القديمة وخاصة المؤتمر الوطني ، لأنها كلها تفتقر للديمقراطية والشفافية والمحاسبة والالتزام ، ثانيا كلها تفتقر لرنامج وطني حقيقي واكثرها هو المؤتمر الوطني ، ينفرد المؤتمر الوطني بينها بأنه يسيطر على المؤسسات السيادية والامنية والعسكرية سيطرة كاملة ويعبث فيها كما يشاء ولذا قلت لك انه ليس حزبا سياسيا وإانما عصابة أتت بليل وسطت على المركب واصبحت توجه دفتها يمين شمال كما تشاء والعايز يركب معانا يركب والماعايز يتكل على الله ! لكن الدفة ما بنسيبا ليكم ! مافي حزب في الدنيا بسيطر على كل مؤسسات الدولة سيطرة كاملة ، ده مش موجود في عالمنا ده .
تتحدث عن التجديد ؟ وانتو مالكم ومال التجديد ؟ شنو الجديد عندكم؟ الرئيس ليهو سبع وعشرين سنة ونايبو نفس الشي والبلد حاكمنها 5 ناس والبقية كومبارس ! ما تبالغ ياخ انت قايلننا عايشين وين ؟
بخصوص الشفيع ، هو خرج فكريا عن خط الحزب ولذا شيء بديهي جدا انو يفصل وده شيء مثبت في كتاباتو كلها ، ولو نفذ الحزب الشيوعي اطروحة الشفيع لاصبح حزبا آخر ابتداء من اسمه فكيف يستقيم هذا ؟
فيا اخي حرصكم على الحزب الشيوعي قول مردود عليكم ، انتو ضيعتو البلد كلها وحريصين على عدوكم "ود ام بعلو" البتخوفوا بيهو الناس في احاجيكم البائسة ؟
صباح الخير

الأستاذ فتحي فضل ليس منبوذاً و لا مفصولاً
و هو ليس السكرتير العام القادم

الصبر/

مشكلة المشاكل ... يعتقد الكيزان بانهم الاذكي والافهم
والبقية ... اغنام .
النصائح اولي بيها تنظيمك يا سيد

الشفيع لم يطرح اي اطروحة . واتحدي اي زول يجيب اطروحة الشفيع المزعومة دي ، ناس قاعدة تنجر ساي بس .

Quote: الامن الاعلامى الكوز عمر صديق

انت يا الطوربيد رايك شنو


بس اوع يقومو يفصلوك


لو قلت رايك في المجزرة الحاصلة في حزبكم

عمر صديق .. صباح الخير ..

يا عمر من غير استفزاز .. لما تنهي من نقد الشيوعيين
نتمني منك فتح بوست تورينا رأيك شنو في كلامي الترابي
ورصاص عدم الرحمة الكلامي وابادتكم لمدي الحياة !

ونكون شاكرين .

Quote: يا عمر من غير استفزاز .. لما تنهي من نقد الشيوعيين نتمني منك فتح بوست تورينا رأيك شنو في كلامي الترابي ورصاص عدم الرحمة الكلامي وابادتكم لمدي الحياة !

يامنى ده منبر الكتابة فيهو بالعربىىىىىىى
انتى يامنى اللغة الهولندية بالهولندى اسمها شنو؟

قررت اللجنة المركزية القديمة في اخر اجتماعاتها قبل يومين اختيار 17 عضوا للجنة الجديدة ولكن نتيجة التصويت افرزت 18 عضوا


حيث جاء في المؤخرة بعد العضو رقم 15 كلا من الكنين وامال جبرالله وابو الرجال


وسبقهم في الفوز كلا من صديق يويف ويوسف حسن والخطيب وبابو وكبلو والحارث التوم واخرين


ابرز المستبعدين الذين لم يفوزوا



سليمان حامد ونعمات مالك وفاروق ابوعيسي والرفاعي والنتيفة



المؤتمر السادس بدات جلساته السرية وتنتهي يوم السبت 30 يوليو اي بعد غد

يوم 31 يولويو سيكةن المؤتمر العلني والذي يمثل جلسات احتفالية لاخراج مقررات المؤتمر السري

أنا ملاحظ انو اي حاجة عايزين يعملوا ليها توم وشمار بقولو عليها (سري)

طيب... لما هو (سري) كيف وصلك بالسهولة دي وبكامل مخرجاته
واذا كان وصلك عن طريق الجهات الحكومية فأكيد عندك غرض انك تنشرو على حبل سودانيز اون لاين وفي هذا التوقيت بالذات

ثم انو اذا فعلا حصل الكلام دا.. فعلى الحزب الشيوعي السوداني كلو (مش اللجنة المركزية) انهم يقدموا استقالتهم لانو دي بضاعتهم ردت اليهم

ثم السلام عليكم ورحمة الله وبركاته
مجرد خاطرة فقط

Quote: أنا ملاحظ انو اي حاجة عايزين يعملوا ليها توم وشمار بقولو عليها (سري) طيب... لما هو (سري) كيف وصلك بالسهولة دي وبكامل مخرجاته واذا كان وصلك عن طريق الجهات الحكومية فأكيد عندك غرض انك تنشرو على حبل سودانيز اون لاين وفي هذا التوقيت بالذات ثم انو اذا فعلا حصل الكلام دا.. فعلى الحزب الشيوعي السوداني كلو (مش اللجنة المركزية) انهم يقدموا استقالتهم لانو دي بضاعتهم ردت اليهم ثم السلام عليكم ورحمة الله وبركاته

الاخ ابو طالب القرشي

وعليكم السلام ورحمة الله وبركاته


انا اقول ان السرية في العمل السياسي لاتناسب عصر العولمة

وعلي كل الاحزاب ان يكون عملها السياسي تحت الضؤ وماعادت السرية مجدية

ابرز المرشحين لمنصب السكرتير السياسي


الخطيب

محي الدين الجلاد


امال جبر الله


فتحي فضل


صدقي كبلو


كمال الجزولي