كتبنا كثيرا عن الاستثمار في السودان عقبته الكؤود هي الدولة والتي قال عرابها الراحل حسن الترابي ان الاسلاميين فاسدين وعديمي الكفاءة صديقي يمتلك مؤسسة صغيرة في السودان وتمكن من الحصول على وكالة تصنيع سعودية دخل في عطاء ونسبة لجودة مادته وسعرها التنافسي رسى عليه العطاء وكانت العملية مع الشركة المصنعة هي back to back فلما جا على الشركة المصنعة ان تكمل مبلغ التامين البنك الذي تتعامل معه الشركة المصنعة اخبر الشركة ان دخول الاموال والاتعامل المالي مع السودان Risky بما حدا للشركة ان تتوقف عن اكمال مبالغ التامين دي سمعة في الحضيض
Post: #2 Title: Re: بخصوص الاستثمار في السودان واتمنى ان تعيه Author: علي عبدالوهاب عثمان Date: 07-21-2016, 09:19 AM Parent: #1
دكتورنا الحبيب .. أمس وزير الاستثمار يقول أن حجم الاستثمار في السودان 42 مليار دولار كيف يتم هذا الاستثمار مع حظرالتعامل البنكي .. الظاهر أن الوزير قال كلام وخلاص رغبتي أن أفهم هذه المواضيع المعقدة .. مع التحية ..
Post: #3 Title: Re: بخصوص الاستثمار في السودان واتمنى ان تعيه Author: د.محمد حسن Date: 07-21-2016, 09:24 AM Parent: #2
عبد الوهاب صباحك خير لو حقيقة حجم الاسثمار في السودان 42 مليار ما بنحتاج نغترب
قصة صديقي انا معايشة يوم بيوم واليوم طلب مني نمشي نجتمع مع مدير الشركة المصنعة عشان نقنعو
Post: #4 Title: Re: بخصوص الاستثمار في السودان واتمنى ان تعيه Author: أحمد الشايقي Date: 07-21-2016, 09:39 AM Parent: #3
شكرا دكتور محمد
تعرف لنا في هذا الباب خبرات ومحاولات ونضالات عديدة
وفي الحقيقة تواجهك عقبة الدولة في أي خطوة تريد أن تخطوها فالمستثمر وبالذات المستثمر الوطني هو في خانة العدو بالنسبة للبعض وفي خانة البقرة الحلوب في خانة آخرين فمن حفرة إلى حفرة إلا أن تقتنع بعدم الجدوى في الاستمرار أو أن لا تبدل تبديلاً ...
في أول يوم اجتمعنا فيه لاطلاق مبادرة استثمار وطني مشهودة في هذا البورد قال لنا أحد الشركاء الحريصين على المبادرة (يا جماعة شوفوا ليكم كفيــل) والمعنى واضح ... كما روي عن العلامة عبد الله الطيب
يا عزيزي يا عزيزي (ومن لم يمت بالسيف مات بغيره ...) فإذا تجاوزت كل العقبات ودفعت (دم قلبك) فالتحدي القادم هو توصيل الكهرباء .... شركائي تلقوا (عرض) توصيل كهرباء (بأكثر من قيمة المشروع ... كله على بعضه) رغم أن المنطقة صناعية وافتتحها سيادة الرئيس وقالوا في مدحها ما لم يقل
جميل في بثينة
يا عزيزي يا عزيزي
أحمد الشايقي
Post: #5 Title: Re: بخصوص الاستثمار في السودان واتمنى ان تعيه Author: أحمد الشايقي Date: 07-21-2016, 09:39 AM Parent: #3
شكرا دكتور محمد
تعرف لنا في هذا الباب خبرات ومحاولات ونضالات عديدة
وفي الحقيقة تواجهك عقبة الدولة في أي خطوة تريد أن تخطوها فالمستثمر وبالذات المستثمر الوطني هو في خانة العدو بالنسبة للبعض وفي خانة البقرة الحلوب في خانة آخرين فمن حفرة إلى حفرة إلا أن تقتنع بعدم الجدوى في الاستمرار أو أن لا تبدل تبديلاً ...
في أول يوم اجتمعنا فيه لاطلاق مبادرة استثمار وطني مشهودة في هذا البورد قال لنا أحد الشركاء الحريصين على المبادرة (يا جماعة شوفوا ليكم كفيــل) والمعنى واضح ... كما روي عن العلامة عبد الله الطيب
يا عزيزي يا عزيزي (ومن لم يمت بالسيف مات بغيره ...) فإذا تجاوزت كل العقبات ودفعت (دم قلبك) فالتحدي القادم هو توصيل الكهرباء .... شركائي تلقوا (عرض) توصيل كهرباء (بأكثر من قيمة المشروع ... كله على بعضه) رغم أن المنطقة صناعية وافتتحها سيادة الرئيس وقالوا في مدحها ما لم يقل
جميل في بثينة
يا عزيزي يا عزيزي
أحمد الشايقي
Post: #6 Title: Re: بخصوص الاستثمار في السودان واتمنى ان تعيه Author: Frankly Date: 07-21-2016, 01:54 PM Parent: #1
تحياتي د. محمد حسن
Quote: فلما جا على الشركة المصنعة ان تكمل مبلغ التامين البنك الذي تتعامل معه الشركة المصنعة اخبر الشركة ان دخول الاموال والاتعامل المالي مع السودان Risky بما حدا للشركة ان تتوقف عن اكمال مبالغ التامين
حسب ما فهمت من كلماتك أن العقبة الكؤد هي الشركة المصنعة لتخوفها من تأمين المبلغ لأن حسب زعمها أن التعامل المالي مع السودان به مخاطرة Risky
حتى هنا ليس لحكومة السودان أو أي من مؤسساتها ددخل في الموضوع
الآن إذا كان حسب زعمك أن الإستثمار في السودان عقبته الكؤود هي الدولة فلماذا يصر الوكيل على اقتحام السقو السوداني بمنتجات مصنعه الذي يرفض تمويله وكيف بنى دراسة الجدوى من أساسه وعلى أي أسس وتعهدات من المصنع السعودي؟
هناك فساد في السودان؟ نعم وهناك قضايا تنظر أمام القضاء السوداني النزيه
لكن صاحبك هذا مشكلته الأساسية أن خطواته تمت دون وضع الإعتبار لرؤية الشركة المصنعة للإستثمار بالسودان.
بينما هناك مئات المستثمرين السعوديين والعرب بمشاريع ناجحة جداً بل وهناك مشاريع من غير العرب ناجحة وتتم التعاملات المالية بسهولة بين السعودية والسودان
إذا كان للشركة المصنعة رغبة حقيقية في الاستثمار في السودان فما عليها إلا أن تطلع على تجارب الشركات السعودية الأخرى التي لها نجاحات كبيرة في التعامل المالي والإستثمار بالسودان
وبهذا تكون مشكلة صاحبك قد حلت
ومرحباً بالمستثمرين العرب في السودان بلد تنوع المناخات ومهارة الأيدي العاملة والكوادر البشرية المؤهلة والتي لها سمعتها الطيبة في بلدانهم
أتمنى من الحكومة أن تمد المشاريع الزراعية بصفة خاصة بمياه النيل وفرض غرامات عالية لاستخدام المياه الجوفية في الأراضي الزراعية التي تفوق مساحتها 50 فدان أو 25 هكتار ,ان تفرض على كل مستمثر أن يسقى ويسمح لصغار المزارعين السودانيين بالسقية من جداول مياه النيل ,ان يكون هناك قرار بفرض تشجير حدود المشاريع الزراعية في حدود عشر شجرات عن كل فدان ,ان يكون لكل مشروع زراعي يفوق المائة فدان مصدر طاققته الخاص به سواء كان من طاقة هوائية أو شمسية أو حرارية ونتمنى أن تكون الأخيرة هي أخر حل. كما يجب أن تكون لكل مشروع فوق المائة فدان مساهمة مجتمعية في بناء المستشفيات والمدارس والمتنزهاتت
والله ولي التوفيق
والسودان أولاً
تحياتي
Post: #7 Title: Re: بخصوص الاستثمار في السودان واتمنى ان تعيه Author: د.محمد حسن Date: 07-21-2016, 04:17 PM
يا كمال يا خوي كل عام وانت بخير اولا انت ما بتحب السودان اكتر مني تانيا دراسة جدوى شنو واستثمار شنو أنت راكب غلط ده عطاء ورسى المفروض يكمل مبلغ التأمين البنك خوفو منالسودان شكرًا على مرورك وغيرتك على الحكومه
Post: #8 Title: Re: بخصوص الاستثمار في السودان واتمنى ان تعيه Author: Frankly Date: 07-21-2016, 04:31 PM Parent: #7
يا محمد وأنت قايل دراسة الجدوى دي عملوها عشان يعلقوها في الحيطة؟
دراسة الجدوى تدرس كل الجوانب المتعلقة بالمشروع من مالية لإدارية لكوادر بشرية لمدخلات أنتاج لتسويق وضمانات الإستثمار وأمده البعيد والقريب
يبدو أن دراسة الجدوى أهملت التعامل المالي مع السودان وقنواته وكيفية إعادة الأرباح وضمانات ذلك سواء كان من الحكومة السودانية أو السعودية؟
على الشركة المصنعة أن تبحث عن بنك بديل لا يتخوف من التعاملات المالية مع السودان
الغريب في الأمر أن هناك لجان حكومية في كلا البلدين برعاية خادم الحرمين الشريفيين ورئيس السودان توفر الكثير من المعلومات للمستثمرين السعوديين على وجه الخصوص فلم لا تلجأ الشركة المصنعة إليهم لتلقى الدعم المعلوماتي اللازم
هناك المئات من الشركات السعودية لها استثمارات ناجحة في السودان فلماذا يحاول صاحبك إعادة اختراع العجلة ولا يستفيد من تجارب من سبقوه؟؟؟؟؟؟؟؟؟
والسودان أ,لاً أحبك يا سودان
تحياتي
Post: #10 Title: Re: بخصوص الاستثمار في السودان واتمنى ان تعيه Author: د.محمد حسن Date: 07-22-2016, 05:22 AM Parent: #8
الاخ كمال جمعة مباركه
خلاص انا اقتنعت بي كلامك حامشي للشركة دي وهي بالمناسبة شركه عالميه بتصدر لمختلف أنحاء العالم وانتاجها بأعلى مواصفات الجوده العالميه أقول ليهم كمال قال ليكم غيرو البنك بتاعكم
Post: #11 Title: Re: بخصوص الاستثمار في السودان واتمنى ان تعيه Author: د.محمد حسن Date: 07-22-2016, 05:24 AM Parent: #8
الاخ كمال جمعة مباركه
خلاص انا اقتنعت بي كلامك حامشي للشركة دي وهي بالمناسبة شركه عالميه بتصدر لمختلف أنحاء العالم وانتاجها بأعلى مواصفات الجوده العالميه أقول ليهم كمال قال ليكم غيرو البنك بتاعكم
Post: #12 Title: Re: بخصوص الاستثمار في السودان واتمنى ان تعيه Author: Frankly Date: 07-22-2016, 11:22 AM Parent: #11
جمعة مباركة
بالله المرة الجاية ما تكاوش ليك أي دراسة جدوى ولما تبقى أمام الأمر الواقع تقع في مثل هذا المأزق
الفوضى دي ما كان في ليها داعي من الأساس لو كانت دراسة الجدوى من متخصص
كرّب شغلك كويس عشان ما تفضح نفسك من الشركات العالمية
وكلمهم كمال قال لي كدا
Post: #13 Title: Re: بخصوص الاستثمار في السودان واتمنى ان تعيه Author: د.محمد حسن Date: 07-22-2016, 02:56 PM Parent: #12
يا كمال الجاب سيرة دراسه جدوى منو اضحك الله سنك انت بتقرا بالأبيض؟ أكرب شنو وما أكرب شنو والله تسريب الملفات لخبط راسك تاني ما تابع جادابصراحة ابهجت جمعتي أبهج الله كل ايامك
Post: #9 Title: Re: بخصوص الاستثمار في السودان واتمنى ان تعيه Author: محمد احمد القاضي Date: 07-21-2016, 05:40 PM Parent: #1
ههههھهه
Post: #14 Title: Re: بخصوص الاستثمار في السودان واتمنى ان تعيه Author: أحمد الشايقي Date: 07-22-2016, 11:51 PM Parent: #9
دكتور محمد يا لماح
أبو القدح بيعرف محل بيعضي أخوه
تعرف تسريب الملفات دا بس بداية والغريق ... لا قـــدام ...