هل يجوّز وضع حجر للمرأة في البوست ؟...

10:11 AM July, 18 2016

سودانيز اون لاين
معاوية المدير-بكندا محافظة البرتا
مكتبتى
رابط مختصر

في البرينسة يجوّز طبعاً .




البِدعة دي جات من وين ؟...

بصورة اوضح،
يعني لو فتحت بوست ؤ جات فيهو إمرأة وآحدة عملت مدآخلة
أو اكتر، ؤ ما جات إمرأة تانية معاها عملت مدآخلة خوفاً علي
البوست، هل يجوز تخُت فيهو حجر ؟...

.
فك ســِــبــِــر

شيء من وثنية، مؤاخاة المرأة بطوبة، لكي تفكّ الساجور و تبعد العوارض.

ملهوزة: تبرّعي بالتوضيح و فهمي (للكنتة) لا يعني أني أتبنى المبدأ

.

بطل دجل

اهلك معروفين بالتوحيد

وشكرا

لكن حجر زي منو كدا؟ في بالك حجر معيّن من أصحابك الأعضاء ؟

ما عارف ليه بكري بدي باسوورد لكتابة مثل هذه * الترهات ....؟؟

لي كم يوم عايز اقشر بيها .. الحمد لله الذي سخر لنا هذا ..

بقيت بتاع كواديك
منك زوغة

هيهات

Quote: فك ســِــبــِــر شيء من وثنية، مؤاخاة المرأة بطوبة، لكي تفكّ الساجور و تبعد العوارض. ملهوزة: تبرّعي بالتوضيح و فهمي (للكنتة) لا يعني أني أتبنى المبدأ

مرحب حباب الطيّب بشير،
فرحتنا بطلتك زي فرحة البايرة الختبوها .

بركة جِيّداً جيّت، نعمني من زمن كايس لي زولاً يوقّع لي كلمة سِبِر
دي ؤ ماني لآقي، دحين اجآد أخوي توقعا لي .

المبدأ مالو ؟، عِيّبو لي ...

Quote: بطل دجل اهلك معروفين بالتوحيد وشكرا

القبحة فوقك،
إنت أهلك المعروفين بالتوحيد ديل قبل الليلة جِبلهُم بِدع ما سبقك
عليهِن زول، البعثية والكوزنة ...

.... 😂😂😂

.... 😂😂😂

حجر ولا حامدين
الاثنين اصحاب طلمبات وقود بهجة بكوستي
قال ليك المرة نص ! ف شنو ما بتظبط بتميل بالطربيزة وتكفيها في اقل ميلان
لكن تحسبا كدة خليها لو واحدة تدبل المداخلة والسيرفر ما بجيب ليها خبر زي التوقيعات ديك

الموضوع مشكلته لو اتفهم تعليقك غلط بجيب حساسية و زعل أخوات وكدا
عشان كدا يا ود المير اكتفي بـ : قوم لف انت وابوحسين :)

معاوية المدير





أشم رائحة ،
شــاكــوش
ود المدير الفلقك منو ؟
،،،،،،،




عزالدين عباس الفحل
ابوظبي

نادو لينا بت عمسيب ....

يمكن تعدل لينا الميلتها بت المشرف دي.

يعني بالطريقة دي البوست الا يكتبو مرتين

لو تداخل بالبوست صديقنا الرفاعي عبد العاطي
يكون حل المشكلة

وحاة كتاب الدين انتو ما نصاحانتو البتاعة القاعد. يكتبها ابو حسين بي حرف الغيندي قاعد تلقوها وين؟النوع السمح ما الكعب زي حق شوليب داك؟....جدي الله يرحمو لمن كبر شديد وبقی ما یقدر یمشيالجامع بقی یصلي في البيت وحبوبتي الله يرحمها تصلي وراهو
طوالي كان بيقرا سورة الكافرون
اها يوم حبوبتي زهجانة اول ما بدا السوررة قالت اثنا الصلاة و بي طول حسها سجم الكافرووون و رماد الكافرون😉😉انا ما علي دي حكاها لي ابو حسين في الخاس وقال سمعها منود المدير ولا ود اب سن ما بتذكر😉😉

Quote: لكن حجر زي منو كدا؟ في بالك حجر معيّن من أصحابك الأعضاء ؟

يقولك، الزول دا فتشت عليهو طوّب اللرض كلها ما لقيتو،
دحين هنا عندنا طوّب المنبر، فإن شئت اتيتك بمكنة بي عقربا
كمان ...

Quote: ما عارف ليه بكري بدي باسوورد لكتابة مثل هذه * الترهات ....؟؟ لي كم يوم عايز اقشر بيها .. الحمد لله الذي سخر لنا هذا ..

إنت شِن عرّفك بالسغافة كمان ؟، دا بوست عن التراث
مُش تجي تقول عندي مدآخلة ودرانة !، إنت قايل المحل
دا ملجة خدار ؟. غايتو إنت كان تطوور انا اضبح
صديق مهدي شخخخخخخخخخـ ...

الله يطراها بالخير مريم بت الحسين
مرة لمَّت فينى علا مرقنى بوردابى من اللمارات
تراهو فى زى الـ تِشِبِّر الـ زى تِشِبِّرَك ده.
ابوحسين قوم لف وسوق معاك ابوحتحوت ده يلف شوية
اصابعينو ديل بى كنكِشَن من الكيبورد ده ,, مصاقرو ولا اجدع
بتاع بنقز

Quote: مرحب حباب الطيّب بشير، فرحتنا بطلتك زي فرحة البايرة الختبوها . بركة جِيّداً جيّت، نعمني من زمن كايس لي زولاً يوقّع لي كلمة سِبِر دي ؤ ماني لآقي، دحين اجآد أخوي توقعا لي . المبدأ مالو ؟، عِيّبو لي ...

الله يجبر بي خاترك يا معاوية يا (أمير) يا ودّ المدير..
السبر و كل كلمة لا تبدو لي عربية، أنا (أتهم) بها النوبيين، أهل الحضارة، و بعد داك البروف الشاطر محمد جلال بي طريقتو ينفي أو يثبت أصلها
بالنسبة لي ميل المبدأ...بي ميلو ياخ...
المرأة لا يمكن مؤاخاتها بالطوبة، حتى من باب المزاح، أنا أحتج لهن بالصوت العالي
كمان لو دخــّـــلتك في حيص بيص مع ناس الجندر بي طريقتك :)

.

غايتو سبر بالفتحة معناها درسه وقاس غوره ومعناه
سبر بالكسر
قال سند
سبري سن الحوت
هيكل مومياء

كلو سنة وات طيب ياسيد السفنجة برضو اخير من الداؤوووووؤدي
تعرف من خلال ااخبرة الاسفيرية لقيت لك نص او ازود من النوص الللعمى شايل المكسر طوبة شيييينو يااخوي لوري طوب وانقلب
فمرة من ذات المراير كتبتا لي واحد نحن قوم تعجبنا الفركة ولا نكترث للفكرة طوالي شطبني من القروب الفيسبوكي ومعاها بلووووك طوبة ونوص
الغريبة اخر احترام وتبجيل ليهن واتساق مابين الانبوكس والعام وفوق ذلك طوبتي دي وان كان طين اخدر علا عاجباني ياهو قدحي البفرح بيو وبعرض بيو

=

Quote: البِدعة دي جات من وين ؟.

لم أفهم مغزي السؤال .. كما لم استوعب هدف هذا البوست "مقصوف الرقبة"..

لكن وكبادرة حُسن نية ، فخذ يا معاوية هذه هدية عبارة عن ( 3 ) من الأحجار "الكريمة" بدلاً من حجر واحد:


ولمزيد من التحوط فقد قمنا بفتح بلاغ ضد معاوية رفعناه لثلاث من "القوارير" ممن يتولين (مجلس إدارة العالم) واللواتي يتعمد معاوية اهانتهن و يُطلق عليهن نعت "أثافي":


هروب معاوية لن يفيده، حتى وإن انتعل (السفنجة) وذهب يتخفى في مقاهي (ستاربكس) أو تخفى وتنكر كما الزرقاوي والشيشاني وذهب إلى صحارى العتمور وانجعص مختبئاً في المقعد الأمامي من (السفنجة) :


طائرات "الدرون" سوف تبحث عن إشعاع صلعة ودالمدير، "زنقة زنقة" والطائرات سوف تلتقط ذبذبات الصلعة أياً كان موقعها، وسوف تبحث في مقاهي كندا وثلوج القطب الشمالي.. وسوف تمسح أفريقيا ورمال كلهاري.. وفيافي العتمور وصحراء الربع الخالي.

المطاردة سوف تكون ثلاثية بأمر من (هيلاري كلينتون) و (تيريزا ماي) و (انجيلا ميركل) ..
وقد تتوسع وتُصبح كـ(شملة كنيزة) ثلاثية وقدها رباعي، إن نجحت السيدة (ماري لوبين) خلال الشهور القادمة
وانضمت إلى قائمة النساء الدائمات العضـ وية في مجلس الأمن، وعض ود المدير في صلعته.

وهن لن يتسامحن كما فعل (محمد النور كبر) خصوصاً وقد تعرضن لظُلم غير مُنتظر، وإساءة لا تغتفر
من ذلك العنصري الإرهابي الكبير المدعو (معاوية المدير).

تحياتي لك والضيوف
....
..
.

Quote: هل يجوّز وضع حجر للمرأة في البوست ؟

لا يجوز .. مع الكراهة طبعا
من كتاب
فتاوى جلال العب فى الاوبح و الكب

جلال يا خي ابو حسين (الفغر) دا عذبني
ماتشوف لي اخوك فيزة عمرة لامريكا
انا ماصاحبك؟
كلنا جلالدونا ..كلنا اوباما..كلنا عبيد

Quote: بقيت بتاع كواديك منك زوغة

الوآحد ما يستفسر يعني ؟...

Quote: هيهات

المانع شِنو ؟،
عالم جبنآت بشكل !...

Quote: .... 😂😂😂

عووضة إتناولّك حجر قبل البوصطي دا يِنقلِب ...

يا ود المدير حجر اكتر من ابو حسين لاني خابرو لا
بكضب عليك
تكنك ادخل بوصتينك دا الساعة تلاتة صباحا بتوقيت الرياض
اكان ما عتر ليك انا احلق شعر جلالدونا العب😁😁

Quote: جدي الله يرحمو لمن كبر شديد وبقی ما یقدر یمشيالجامع بقی یصلي في البيت وحبوبتي الله يرحمها تصلي وراهو طوالي كان بيقرا سورة الكافرون اها يوم حبوبتي زهجانة اول ما بدا السوررة قالت اثنا الصلاة و بي طول حسها سجم الكافرووون و رماد الكافرون😉😉انا ما علي دي حكاها لي ابو حسين في الخاس وقال سمعها منود المدير ولا ود اب سن ما بتذكر😉😉

وحات نضري و عافيتي إنت مسخوت عديل كدا ....
و الله ماك هين ....
طلعت مويه من تحت تبن .....
شايف البوست حا يتحول لضرب أبو حسين ....
لي كم يوم حاسي بي إنو سيئاتي بتنقص كتير ....
نحمد الله على هذه النعمة ....

Quote: إنت شِن عرّفك بالسغافة كمان ؟، دا بوست عن التراث مُش تجي تقول عندي مدآخلة ودرانة !، إنت قايل المحل دا ملجة خدار ؟. غايتو إنت كان تطوور انا اضبح صديق مهدي شخخخخخخخخخـ ...

إطورت إنت بي لبس السفنجة في كندا ....
زي ما قال ليك منو ما عارف ليه ماشي ليها كندا في عطبرة ممكن تلبس السفنجة ... الغربة لي شنو ...؟؟؟؟؟


قوم لف إنت و سفنجتك و حجرك كمان ....

Quote: الموضوع مشكلته لو اتفهم تعليقك غلط بجيب حساسية و زعل أخوات وكدا عشان كدا يا ود المير اكتفي بـ : قوم لف انت وابوحسين :)

لو ما فهمت قول أشرحو لي .....
ما فيها حاجة ...
و محدودية ذكائك لا تفسد للود قضية ....
و حقو بعد كدا تقوم تلف بي مزااااااااااااااااااااااج

Quote: ابوحسين قوم لف وسوق معاك ابوحتحوت ده يلف شوية اصابعينو ديل بى كنكِشَن من الكيبورد ده ,, مصاقرو ولا اجدع بتاع بنقز

ليه كدا بس يا فاضلابي ......
اللف هين .....
لكن سواقة كبسور معاي دي إهانة شديدة ياخ .......

سنة ٨٦ لما انفجر الصاروخ تشالنجر وكان فيه ٧ رواد ، ٦ رجال وامراة واحده ، كان في صحفي شفت اسمه
كمال عبد القادر علق على خبر الانفجار وقال لو كان الصاروخ دا سوداني ما كان انفجر... لانه كان شالوا معاهم طوبة (حجر)...

الحجر في البوست على مسؤولية صاحبه :)

Quote: معاوية والله ياخوي بحتة بحت فوق المنبر العام دا كايسة لبوست الحجر ما لقيتو.. نفسي اعرف الحجر قصتو شنو ( نزلت البوست ولا لسة).... مالك يا خوي عساك طيب.

ههههههههههه،
فاطنة الحاج تعالي ألحقي خيّتك دي قبال
نجيبلنا حجر ...

و المدير إزيك ،
أجدع لي دقشنري عربي تركي ،
مزنوق ،





عزالدين عباس الفحل
أنقرا ، تركيا

و المدير إزيك ،
أجدع لي دقشنري عربي تركي ،
مزنوق ،



***
مداخلة من الآيفون ،
،،،،



عزالدين عباس الفحل
أنقرا ، تركيا

العربي التركي ليه؟
الورق كتير ههههههه

في حفل ترفيهي لناس خزان الرصيرص
كان ابدواد رحمه الله ومعاه فنان تاني اطال الله عمره.
كانوا في ميز الكهرباء والفنان الحي انزنق ودخل الحمام لقى الموية قاطعة. قام نادى ابداود قال ليهو ياخى مزنوق اجدعنى باي حاجة. ابدادود لقى كراس عربي شرط منو فرخ وناولو للراجل.
الراجل كل مرة يطلب زيادة وابدادود يشرط ويرفع ليهو.
اخيرا لمان زهج منو قال ليهو :
" ياخ انت قاعد تفط سطر ولا شنو؟"

كدي اول شيء النعدل ليكم البوست دا قبال ما ينقلب بيكم.
وبجيكم راجعة لاني معزومة من بوست النيجيري.

دحين يا معاوية يا خوي جيت مبارياك من هناك
في شان توقع لي الكلام لقيتك داير اليوقعو ليك؟