ماهو انسب واضمن استثمار في السودان لمغترب يملك 250 الف ريال ؟

07:15 AM July, 17 2016

سودانيز اون لاين
احمد سيد احمد-السعودية
مكتبتى
رابط مختصر

السلام عليكم

ارجو اقتراحاتكم وافكاركم النيرة وشكرا مقدما

أول حاجة تطلع خمستاشر الف على جنب حق الفيزا والتذكرة للعودة

يعني حاليا بعد كدا فكر في 235 الف حتعمل بيها شنو

سلام يا أحمد سيد أحمد وكل عام وانتم بخير

Quote: ماهو انسب واضمن استثمار في السودان لمغترب يملك 250 الف ريال

عليك بطريقه السلف الصالح في الاسثثمار

فوق

قبل فترة في زميل لينا هنا جاء بنظرية جديدة
وهي نظرية (المخدة) :)

تخت قروشك تحت مخدتك وتنوم :)

يا زول الرساليين ديل أكلوا بن لادن وصقر قريش ولو جاهم بن عبدمناف ذاتوا بالنوق العصافير يبلعوه شوف ليك طريقة لي ريالاتك قبل ما يتجابدوها الجوكية فتقعد ملوماً محسورا

Quote: السلام عليكم ارجو اقتراحاتكم وافكاركم النيرة وشكرا مقدما

سلام ود سيد احمد

خليا دولار او ريال براهابتزيد ليك خصوصاً الحج علي الابواب بتلقي الدولار ضرب فووق ..( البقول ليك ود عباس كضاب اتحداو ) وبعداك تقوم تفكا وتسال سؤالك دا ؟؟
اقترح شراء قطعه او تما واشتري شقه في مصر .

تحياتي

انا كنت قايلا 250 الف ج هههه الله يزيدك يا معلم اقع العقار الابن البااار
ولووقعت بره السودان بكون كويس

ابو حميد تعال الخاص

وشكرا

Quote: ابو حميد تعال الخاص وشكرا ابو حميد تعال الخاص وشكرا

غايتو بعد الخاص دي عند احتمالات ثلاثة لاغيرها
تبقى والي
تبقى اليسع
تبقى مفلس

.
لا يمكن إستثمار شلن في السودان في ظل الحرامية ديل

لو عايز قصص الذين تم ضربهم إسلامياً، أنا أعرف منهم فقط سبعين صادقاً مظلوماً محسورا

شيل فلوسك و ربنا يوفقك أمشي لأردوغان :)

.

Quote: ابو حميد تعال الخاص

:)

حبيبنا الاستثمار أحسن في السعودية ..
ممكن بوفيه .. أكلات سودانية ..
تختار المحلات المناسبة في جدة أو الرياض ..
شوف ليك سعودي كويس ..
كثير من الاخوان إستثمروا هنا في السعودية
محل سودانيين فقط يمكن يكلفك أقل من 30 الف
بس تكون أخو إخوان .. ومعاملتك حلوة .. وكلامك حلو
تلقى الشلل بالجملة .. وكما ما تنسى القهوة بطريقة شرقنا الحبيب ..
الفول لازم يكون بلدي .. الكمونية .. وفي الغداء قراريص ..
صدقني ناس عندنا في جدة هنا تكسب بأقل تكاليف ..
بس كمان عندهم مقدرات التعامل ..
في السودان التضخم الشهر الفات 14% ..
مودتي .. وفقك الله ..

انا كنت عايز اقول للجماعة الذين تكرموا بالإجابة عليك بإنهم يكونوا جادين .لكن كلامهم يحمل الجد و الهزار و الإحباط و التحذير و التنبيه.
عشان كده كلامخم ده خليه في بالك و خليك حذر لأنه في استثمارات كتيرة في السودان و ناجحة جداز لكن الامشروع الذي يناسبك قد لا ينناسب لك.
و ثاني خلفيتك و خبرتك السابقة لها اثر كبير في اختيار المشروع المناسب.
باختصار الإجابة ما ساهلةز و ما في إجابة جاهزة.
لازم عشان الواحد يديك الغجابة المناسبة يلاقيك أو يتصل بيك و يعرف كثير من التفاصيل .ثم بعد داك الواحد يقدر
يديك اقتراح.زمجرد اقتراح و ليس إجابة نهائية.
غنت الأول شوف الاقتراحات العندك شنو او الاقتراحات الاقترحوها ليك شنو و بعدين أسأل عن المشروع الفلاني او الفرتكاني.
لكن سؤال مفتوح كده ما في زول بيتجرأ يديك اقتراح .
الله يوفقك و يسدد خطاك

يا محمد عبد الله استثمار شنو البنجح في السودان
اذا كان اسامة داوود مشى اثيوبيا
وحسب ما ذكره كمال حسن بخيت في مقاله امس
انو اشرف الكاردينال عمل 5 مصانع في اثيوبيا وافتتحها ليه البشير !!!!!!

ابوحميد والله تخش الخاص مع ودالباوقة قطرك صفر شفت بتبقي فيك قصة الدخل الدلالة بعربية يبيعها قال جا طالع بي خشب وانبوبة غاز وغنمايتين قبل كدة كان بكوس في الراعي الأمين غايتوا كان لم فية هسع يكون سارح بي غنم ابليس

طيب يا اخوانا وقت الاستثمار في السودان موضوعو مستحمي كدا كدي شاركونا خبراتكم عن استثمار اي مبلغ في اي مكان في العالم

احسن وافضل استثمار البعد عن السودان

أول حاجة نسال الله يبارك ليك ويحفظك

تاني حاجة شوف استثمار حقيقي مضمون في مكان آخر بعيد عن السودان.

بعد داك من العائد الحيجيك ان شاء الله تشوف حاجة تعملها في السودان

بحيث لو خسرت في السودان - ودا غالباً الحيحصل -

يكون عندك استثمار برا

Quote: تاني حاجة شوف استثمار حقيقي مضمون في مكان آخر بعيد عن السودان. بعد داك من العائد الحيجيك ان شاء الله تشوف حاجة تعملها في السودان بحيث لو خسرت في السودان - ودا غالباً الحيحصل - يكون عندك استثمار برا

أفضل اقتراح ...

أضف إليه استثمار العائد في السودان في العقار يعني تشتري عقارات جاهزة لو أمكن وتأجر .. أو تبني وتأجر ...

إشتري ليك أربعة حواشات بمشروع الرهد واسكن في القرية 23

السلام علي سكان البوست
في السودان في اكثر من مجال مضمون الاستثمار فيهو بس صراحة ناس الحكومة ديل ما مضمونين
يعني السياسات الاقتصادية ما مستقرة او اصلا ما موجودة... وعادي ممكن الجماعة "يهنضبوك"
لكن في العموم الآن في حوجة ماسة للتخزين المبرد في الشمالية ونهر النيل والولايتين بقدموا ليك
حوافز كبيرة لان في مشكل في استيعاب انتاج البطاطس والبصل وكثير من المحاصيل الاخرى
في المقابل اثيوبيا ماف زييها واقل مبلغ مطلوب للاستثمار في حدود ميتين الف دولار اذا ما زاد
والله يوفقك

من الأفضل سؤال من له تجربة حقيقية في الاستثمار في السودان

هناك تجارب ناجحة جداً في السودان

والسودان صارقبلة لصغار المستثمرين الأجانب في مجحالات عدة


لكن هنا وعلى مستوى المنبر هناك تجربة ناجحة في تربية الأبقار الحلوب لأخينا صلاح الدين نزلاوي وهو زميل لا يبخل بخبراته ولا بنصائح حتى لمن لا يعرف فعليك بالاتصال به إن كان لك رغبة في التربية الحيوانية أو الزراعة مثلاً أو صناعة العلف

تجربتى الجديدة فى تربية الابقار الحلوبتجربتى الجديدة فى تربية الابقار الحلوب

تجربتى فى تربية الابقار الحلوب - الجزء الثانى (توجد صور)تجربتى فى تربية الابقار الحلوب - الجزء الثانى (توجد صور)

فقط أهم نقطة هو أن تستثمر بنفسك

فأي استثمار ولو كان في مشروع مضمون وأنت بعيد عنه هو إهدار لأموالك

والله الموفق

السلام عليكم
بالنسبة للاستثمار افضل استثمار الان
1- مطعم متخصص بيتزا
2-كافتيريا حديثة
3- مطعم حديث ( ومن ضمن اكلاته المندي )
الشرط الأساسي لنجاح هذا المشروع الموقع المميز والإدارة الناجحة
اعرف من أسس محل باقل من ذلك في موقع مميز وأصبح من انجح
المحلات واعرف من أسس بمبلغ خرافي ولكن سوء الموقع والإدارة
اصابته بالإفلاس المبكر


--------
ولو ربنا وفقك ممكن من المحل ده تفتح فروع ويكون فايض الأرباح شغل اخر عقارات وخلافه

بارك الله لك في مالك
ارى من الاستثمارات المضمونة وهي اشبه بان يكون استثمار مركب وطويل الأمد بمعنى ان نتائجه مستقبلية
وتكاد تكون مضمونة، فقط يحتاج منك الاشراف المباشر
الفكرة:
بما انه دائما المدن عندنا امتداداها افقي فهذا يزيد من تنامي السكن والسكان لخارج مراكز المدن وتتنامى معه الحاجة في الخدمات طويلة الأجل.
عليه انصحك بشراء عدد ستة قطع متجاورة والبدء في إقامة مدرسة ثانوية عليها في امتدادات المدن الجديدة
وبناءها بأقل سعر ممكن ومن الممكن الأستعانة بأحد الاخوة هنا حيث له خبرة في البناء بصورة حديثة وكلفة اقل
وان شاء الله (والفكرة هي اقامة مدارس ثانوية نموذجية) وسياتيك العائد من اول سنة وبصورة مربحة ومضمونة ويعتبر استثمار طويل الأجل
ويمكن ان تبنبى المدارس بحيث يكون مرفق معها معارض تجارية خدمية للتأجير او مخازن
وفي حال فشل مشروع المدرسة تكون الأرض قائمة وقابلة للبيع و الخروج من التعثر.
ربنا يوفقك ويعطيك من فضله
تقبل تحياتي والاخوة المتداخلين
احمد

كده شوف موزبيق ممكن تعلم مطعم أو مصنع أو أي حاجة. موزمبيق أصبحت جاذبة للاستثمار عندنا ود اختنا بي هناك ومبسوط شديد.

.....تحياتي للجميع .....
لكن هناك استثمارات غير منظورة وهي مربحة ومضمونة ومصاريفها محدودة،ويحتاج الشخص الي مكتب صغير يدير منه اعماله،وهو شراء لودر واتنين قلاب واحد ستة متر والثاني اقل اربعة متر ويعمل في الاتي
نقل المونة (تراب ورملة)
نقل الخرصانة بانواعها .
لان عملية البناء اصبحت متسارعة والطلب علي مواد البناء كبير.
بس محتاجة حبة صبر ومثابرة...
......بالتوفيق.....

اتصل بي 0582220622


لانصحك

تعرف كل واحد من الاخوان اداك حسب تفكيره او ما سمع ... وعمرها القروش ما بتعمل الواحد تاجر او صاحب مشاريع ناجحة ... اذا كنت راجع البلد نهائي لظروف قاهرة الافضل او حاجة تنزل البلد اجازة طويله ... وتبداء مرحلة البحث في مشاريع او تجارة اقرب الي نفسك . تحبها وتكون سعيد بيها .. والمحصله وخليك علي قناعه وحتي اذا نجحت تجارتك او مشروعك مع الجبايات والتضخم وانخفاض الجنيه المتواصل ما بتقدر ترجع راس المال بالمكون الاجنبي ... زمان كده كان عندي صاحب ... قنع ورجع البلد و اشتغل في مواد البناء الخ ... المهم بالرغم من انو تجارته كان مزدهرة وترلات اسمنت طالعه نازله ... بس المحصله النهايه كان ما قادر يرجع راس ماله حتي بعد سنين من العمل الناجح.... اكتر شي ممكن يحافظ علي قروشك بذات القيمة الشرائية هو العقار بس يكون نفسك طويل ونواصل معاك البوست اللذيذه ...

اشتري عقار جاهز مثلاً شقق ومحلات على الشارع الرئيسي يعود ريعها شهريا بمبلغ محترم وفلوسك محفوظة ..
أو رسلها لي أشغلها ليك هههههههه

Quote: اشتري عقار جاهز مثلاً شقق ومحلات على الشارع الرئيسي يعود ريعها شهريا بمبلغ محترم وفلوسك محفوظة ..

Quote: اشتري عقار جاهز مثلاً شقق ومحلات على الشارع الرئيسي يعود ريعها شهريا بمبلغ محترم وفلوسك محفوظة .. أو رسلها لي أشغلها ليك هههههههه

باوقة رجل واصل وشاطر ما يدقسك في شراكة البوفية و يطير ماليزيا 😀

نصيحة من مجرب لو عايز قروشك ابعد من الاستثمار فى مشاريع تنتظر ريعها

لو ماعندك بيت فى الخرطوم اشترى ليك بيت

قروشك دي صم ولا فكة

استديو صغير في دبي او عجمان بجيب ليك 18 - 24 الف ريال سنويا .


. ...
ثم أوعك تمشي الخاص ..

Quote: ابو حميد تعال الخاص وشكرا

يا المشرف

مالك يا اخوي

الرجل داير ليهو الخير عندي مشروع شراكة شقق مفروشة

داير ادخلو معانا شريك بالنسبة

وشكرا

بس هل يستطيع ادخال هذا المبلغ من غير القنوات الرسمية

سلام
اخد ليك إجازة شهر وأ مشي اشتري بي 200 الف ريال كو ا شف دهب من الصين و
خلي ال 50 للجمارك و التخزين والشحن من الصين الي موريتانيا . في أسبوع ح
تبيع البضاعة و ح تعمل ربح 50 الف ريال في شهرين

بق بق اختى الزول الخير اولى بيه قريبك بربار شاركوا معاك في الشقق دي خليه يعبر

Quote: اشتري عقار جاهز مثلاً شقق ومحلات على الشارع الرئيسي يعود ريعها شهريا بمبلغ محترم وفلوسك محفوظة ..

250 الف ريال بتجيب شقق جاهزة ؟ وعلى الشارع الرئيسي كمان ؟

الله أعلم ..

ثم أوعك تشتري بيت أو عقار في السودان أسمع نصيحتي !!

توثق عند محامي وتسجل في الأراضي وتدفع رسوم تحسينك وتتسلم شهادة بحثك ، وتطلع تصديق بناء رسمي وتبني البيت طوابق وبرضو مافي ضمان وممكن يصلبطوا فيك ويقلعوا البيت !!!!

أسأل مجرب ما تسأل طبيب !!!


اللهم لا اعتراض !!

،،،،،،، تحياتي يامامون.....طبعا ماكل شراء منزل في الخرطوم بكون فيهو مشكلة الا المخططات التي لايوجد بيها شهادة بحث ..اي اراضي حيازة...او اسكان القرى غير الماخد ارقام .....اما في الاراضي التي بها شهادة بحث فالتلاعب اصبح غير وارد لو ابدي المشترى القليل من الحرص ،اي لابد ان يوكل مكتب محاماه يقوم بكل عمليلت الشراء والتسجيل واحضار شهادة اليحث بغرض التاكد اي مراجعة سجل القطعة والتاكد بانها خالية من الموانع ،ثم الذهاب الي المحكمة المختصة لحجزها في اسم المشترى .....لكن الشراء من سماسرة واونطجية دا ياهو البودي الزول في ستين داهية......مرات الواحد فينا بخسر انو يشترى راحتو بمعني يخسر ليهو 3مليون عشان مايضع 500مليون لكن بنستكثرها في مكتب محامي ،وبنطرا ندفع قدرها ثلاث مرات بعد الفاس ماتقع في الراس ومابنلقي حاجة .......

Quote: لا يمكن إستثمار شلن في السودان في ظل الحرامية ديل

الطيب بشير اداك المختصر المفيد
وهذه هى الحقيقة
صلاح نزلاوى وامثاله عندهم علاقة بالحرامية بطريقة او باخرى وامورهم ماشة على هذا الاساس !

شايف حكاية الكفتريات كترت في البوست دا
نصيحة ليك ولي اي زول غي المنبر دا

اذا ابوك ما كان تاجر اياك تدخل في تجارة

...... احمد ياسين تحياتي....
...طبعا كلامك دا ماجامع مانع ......فاي قاعدة عندها شواذ.....عشان كدا ...نجاح الانسان في المثابرة ولكل مجتهد نصيب ...الان هناك ابناء تحار لم يستطيعوا المحافظة علي ارث ابائهم واجدادهم .....

سلام يا شيخ علي ابراهيم
Quote:
...... احمد ياسين تحياتي....
...طبعا كلامك دا ماجامع مانع ......فاي قاعدة عندها شواذ.....عشان كدا ...نجاح الانسان في المثابرة ولكل مجتهد نصيب
الان هناك ابناء تجار لم يستطيعوا المحافظة علي ارث ابائهم واجدادهم .....

طبعا كلامك صاح لكل قاعدة شواذ ... الا في السودان

يا حبيب جرب معاي بى خمس المبلغ دا
انا زى زيك لكن دربي مرق

Quote: ...طبعا كلامك دا ماجامع مانع ......فاي قاعدة عندها شواذ.....عشان كدا ...نجاح الانسان في المثابرة ولكل مجتهد نصيب ...الان هناك ابناء تحار لم يستطيعوا المحافظة علي ارث ابائهم واجدادهم .....

سلام ابراهيم
ابناء التجار الذين لم يستطيعوا المحافظة على ارث ابائهم حصل ليهم الكلام ده فى ظل هذا النظام
فى ظل هذا النظام التجار والمزارعيين الحقيقين خرجوا من التجارة والزراعة بافعال النظام وحل محلهم الطفيليين والانتهازيين وناس لا علاقة لها بالتجارة والزراعة وغير مؤهلين لها وكل تاهيلهم هو انتمائهم لهذا النظام !
والله فى ظل هذا النظام لو دخلت اى استثمار فى السودان وانت تملك مال قارون تطلع منه مديون ومطارد كمان !
مؤهلات الاستثمار فى السودان اليوم وفى ظل هذا النظام لا علاقة لها بمن يملك راس المال

إيك تخش السوق بي قروشك ..
في ظل التماسيح والسماسرة ..
إنك تخسر قروشك دي شغلة مضمونة 100% ..
لأنهم حيدردقوك وياكلو قروشك ..
ويفكوك عكس الهوا ..
نصحيتي ليكـ ..
تخش السوق سمسار أول ..
بعد ما تعرف الحاصل في السوق وتتودك ..
جيب قروشك من بره ..
لانه النماذج البنعرفها ..
لي ناس اتاكلت قروش اغترابهم وشقى عمرهم ..
في السوق ما تديك الدرب ..

ونصيحتي التانية ..
إياكـ تمشي الخاص ,,....


لانه دي بداية المقرشة ..
وما اطعم قروش المغتربين الداقسين ..

سلام عليك
اشترى دفار ثلاجة وجيب سمك من النيل الازرق او الابيض ولا من السد
استثمار مضمون
اشترى دفار واعمل فيه فنطاز وبيع الموية فى الاحياء العطشانة والمبانى تحت التشييد والمطاعم
بكسبك دهب

Quote: يا حبيب جرب معاي بى خمس المبلغ دا انا زى زيك لكن دربي مرق

لطفي شاركنا تجربتك

ماهو انسب واضمن استثمار في السودان لمغترب ؟؟

تبقى حرامي

يا حبيب ...

سوق وليداتك و سافر لف الدنيا ... و اكل في احسن مطاعم و انزل في احسن فنادق ...

و الفضل استثمره في تعليم اولادك ...

ده احسن استثمار ...

النصيحة اختا ناس المرابحة و المضاربة و المنافحة ديل ...

السلام عليكم جميعا اخواني اسف اولا لعدم الرد.... والله المنبر رفض نهاءي يفتح معاي وبشكركم جدا على المشاركة والاقتراحات القيمة ودي المحريه فيكم دايما ودا رد على عجل وبرجع بمهله

Quote: استديو صغير في دبي او عجمان بجيب ليك 18 - 24 الف ريال سنويا .

ممكن المزيد من التفاصيل يا دكتورنا العزيز المشرّف
تصدّق فى بالى اعمل حاجة زى دى

بعد ما كتبت مداخلتي الأولى ... مشيت بروفايلك لقيتك عزابي و مولود سنةة 77

انا افتكر تتزوج بالقريشات دي و تمشي شهر عسل مكرب ... :)

و كان فضل ليك ريال واحد بعد العرس ... تشوف مسألة الاستثمار دي ...

لو حقتي باقيلك بقعد عزابي لغاية دحين؟
عموما شكرا للاقتراح
الموضوع ممكن يفيد كتيرين فالشخصنة بتضيع الفايدة الاكبر
والشعب كلو اصبح لمغترب ويبحث عن طرق لاختصار سنين الغربة والاستقرار والاستفادة من شقى السنين

التحايا لهذا الحضور الجميل .
رغم أنّي قرأت كل المداخلات بالبوست ، اللهم الّا أن تكون احداها سقطت عن سهو ، و مع ذلك لست هنا لأقدّم نصيحة او استشارة عن الموضوع المطروح للنقاش لأنّي ببساطة لست مختص في هذا المجال ، و لكني فقط احببت أن اعرض مداخلتين أجد نفسي متّفقًا معهما تمامًا ، الاولي مداخلة الاستاذ Frankly و التي جاء في جزء منها أنّه من الافضل سؤال من له تجربة حقيقية في الاستثمار في السودان.
المداخلة الثانية مداخلة الاستاذ Willeim Andrea و التي جاء في جزء منها : تعرف كل واحد من الاخوان أداك حسب تفكيرو او مما سمع و عمرها القروش ما بتعمل الواحد تاجر او صاحب مشاريع ناجحة .

لا أقول أنّ الشخصين اعلاه قد قدّما افضل مشورة لصاحب البوست في الإجابة علي سؤاله عن الاستثمار و لكني فقط أجد نفسي اتّفق معهما في بعض ما قدّماه و ذلك لأنّي قد استمعت و قرأت لرجال اعمال وصفوا رجل الاعمال الناجح بأنّه يطلب المشورة من المختصّين و لا يطلبها من أيّ شخص علي وجه العموم . حتي و إن كان ذلك الشخص يعمل في مهنة مستشار و حتي و إن كان متخصصًا في مجاله ، إذ لا تجب استشارته ما لم يكن قد جرّب بصورة عملية ما يقول . و بمعني آخر أنّ المستشار المالي المختص في مجال الاسهم لا يجب اعتماد مشورته ما لم يكن له حساب بالبورصة و يمارس الاستثمار في الاسهم بيعًا و شراء و نتيجة اعماله تشير الي نجاح حقيقي و ملموس ، و كذلك المستشار في مجال تجارة العقارات و الذي لا يكفي أن تكون له شهادات تثبت تخصصه في المجال لأنّ العمل في مجال العقارات يعتمد علي المفاوضات و علي المعرفة الكاملة بقوانين الدولة التي يمارس فيها نشاطه و بمعرفة اسعار بيع و شراء و ايجار العقارات . و بالطبع فإن تلك امور لا يتم تدريسها في الجامعات و التي تهتم فقط بتدريس الجوانب الاكاديمية و التقنية دون سواها من المجالات .
النقطة الثانية و المتعلّقة برأي الاستاذ Willeim Andrea اراها نقطة موضوعية للغاية لأنّ كل صاحب بزنس يتقن مجاله دون ما عداه من مجالات ، و لو اعطيت صاحب مخبز اموال إضافية لاستثمرها في الافران و اذا تحدّثت مع ( سقّا ) لقال لك إنّ افضل استثمار هو سقاية الماء ، و هكذا . و اصحاب الخبرة و الشأن في هذا المجال يقولون بأنّ الشخص يلزمه اولًا الاستثمار في المعرفة بالمجال الذي يريد أن يضع امواله فيه و بعدها يفكّر في الاستثمار لأنهم يرون أنّ اهم خطوة في الاستثمار هي ( الخطّة ) خطّة الاستثمار و الاستثمار بلا خطّة ببساطة يعني استعداد الشخص لأن يتعلّم بالمبلغ الذي قرّر أن يستثمر به . لأنّ الاستثمار بغير خطّة واضحة يعني الدخول في دائرة التجربة و الخطأ و بهذا يكون تعليمًا و تدريبًا و ليس استثمار .
ينصح رجال الاعمال بأن يستثمر الشخص فيما يعرف بعد أن تكون له خطّة استثمار واضحة تسبقها دراسة و اهتداء بشخص مجرّب للمجال ، أو بالعدم فمشاركة شخص مجرّب و ناجح في مجال الاستثمار ( المُقرّر ) لأجل ضمان الابتعاد عن مجازفة الدخول في دوّامة التخمين .
إذن الخطوة الاولي في الاستثمار بحسب رأي رجال الاعمال تبدأ بالتدريب علي يد شخص مستثمر و ناجح في الاستثمار و بعد فهم قواعد اللعبة ( لعبة الاستثمار ) يمكن للشخص حينها أن يستثمر بمفرده و دون الحاجة لناصحين .

بصراحة القروش دي ما تبعي انا ..تبع ناس اخونا وانا مؤمن بأنو نصف رايك عند اخيك ومؤمن بانو تداول الراي مع عدد كبير من للناس الفاهمين زيكم بيفيد الزول وبطلع منه باراء ناصجة...
دحين فعلا يا ود المشرف زي ما قال اخونا جلال دونا ياريت تدينا تفاصيل اكتر عن موضوع الشقق في الامارات دا لانه بصراحة هو من اول مقترحات اصحاب المبلغ بس المعلومات الكافية عنه غير متوفرة فياريت تفيدنا.....ودا لا يعني انا الاراء والمقترحات القيمة التي طرحها الاخوة بالاعلى اهملت ولمن ان شاء الله كلها قيد نظر الجماعة وبشكركم اخونا ود الباوقة وان شاء الله بجيك ف الخاص

الاخ لطفي اثني اقتراح اخونا سيداحمد شامي بمشاركتنا تجربتك وتفاصيل اكتر لو سمحت

Quote: اخونا ود الباوقة وان شاء الله بجيك ف الخاص

موضوعك مقضي تب باذن الله

الله اكبر

ود الباوقة خلي الناس دي

ف حالا

دا عرق سنين وتعب خدمة ما من

عاك عيك والصقرية مع سيدك

ود الباوقة، الزول ده بعد ما يجيك في الخاص تعال لي في الخاص

Quote: ود الباوقة، الزول ده بعد ما يجيك في الخاص تعال لي في الخاص

السلام عليكم ورحمة الله وبركاته
أولا هذا المبلغ صغير جدا ، يساوي حاليا حوالي800 ألف جنيه .. أي أقل من مليار كما يقول الناس حاليا ..
بهذا المبلغ لا تستطيع أن تشتري بيت ، أو أرض في حي كويس .. يمكن أن تشتري في المناطق البعيدة عن وسط االمدن .
هنا اتحدث عن العاصمة فقط ..
وحتى الكافتريات الحديثة صاجبة المواقع الجيدة لا يمكنك امتلاك أحدها ، وقد تدفع المبلغ كله كخلو رجل ..
المهم ، هذا الكلام قد يكون محبطا ،لكنه هو عين الحقيقة .. إذا علمت أن العربة البوكس موديل 90 ممكن يصل سعرها 200 ألف ..
لذا أنا أرى أن يدخل المغتربون في شراكات تؤهلهم للاستثمار في السودان ، أو في أي بلد آخر ..
على كل حال أنا أنصح بالاستثمار الزراعي بشقيه .. يعني ممكن تشتري مزرعة 5 فدان ، سعرها بين 250 إلى 500 ألف حسب الموقع ،
وتبدأ فيها مشروع تربية ضأن أو ماعز ، وتبيع ألبانها ومنتجاتها الأخرى ، وتسوق الذكور في اسواق اللحوم أو مواسم الذبيح ..
ويمكنك أن تبحث عن شريك لتعمل في مجال الدواجن لأن تكلفة الانتاج الحديث مرتفعة جدا ، يعني الهنقر بس بيحتاج أكتر من مليار
أتمنى لك التوفيق ..

سلام للجميع ..
كلام الأخ ودقاسم صحيح .. المبلغ صغير ويكفى للإستثمارات الصغيرة .. وأعتقد أن فكرة ودقاسم هى بمثابة أسلوب حياة طويل الأجل ــ الله يطوّل الأعمار فى الطاعات ــ .. يعنى تبقى تربال حديث وتدرع العراريق والجلاليب وتبقى مع مشروعك.. أما حكاية رقشة وحافلة وعييك وعاك ده يبقى شختك بختك .. يقوم يلم فيك أولاد لذين حرامية سماسرة ياكلوك حى .. فالناس مع الحر والغبار وشمس النهار ديك والفلس الضارب أطنابه على قارعة الطريق فقد أصبحوا سعرانين إلاّ فيما ندر .. وذلك واضح من هذه الردود المحبطة التى تجعلك تحس أن البلد لم يبقى فيها ود حلال وانعدم منها الخير ..

إذن ربما أصبح تغيير نمط حياة الفرد للحقل والحيوان والهدوء بعيداً عن لهاث المدن ودنيا الوحوش البشرية هو أفضل استثمار ..
والله أعلم ..

إستفسار جانبى لمحمدالمشرف .. وين فى دبى ممكن تشترى ليك استوديو بـ٢٥٠ألف ريال؟؟ :) ..

المبلغ في حال تحويله إلى عملة سودانية بطلع مبلغ بسيط لا يمكن استثماره في العقار


الخرطوم العاصمة تعاني بشكل عام مشكلة حادة في مياة الشرب وكثرت الأحياء السكنية الطرفية بكثافات سكانية عالية وانشطة متعددة اسواق، مطاعم ، كافتريات ، محلات شاي، حركة بناء أولى وخلافه ووهي أنشطة تحتاج لإمداد مائي منتظم ومستمر إضافة للشرب والإحتياج المنزلي
أقتراحي أن تقوم بجولة في داخل احياء العاصمة المختلفة وامتدادها في الخرطوم وبحري وأمدرمان وتختار في كل منطقة عدد من الأحياء وتنزل فيه اسطول من كواري المياه (حمار+ برميلين + إطارات مستعملة وكم ماسورة) وفي كل منطقة تعمل ليك مندوب يحصل العائد

ودي وسيلة استثمار مضمونة لأ تحتاج لمنصرفات تشغيل تذكر وفي ذات الوقت كبيرة العائد وإيرادتك في اليوم الواحد لن تقل عن مليون بالقديم يعني 30 مليون في الشهر وتكون الأصول في ذات الوقت موجودة (الحمار + والبراميل).

أبعد من الإستثمارات البراقة ..............دي بتلفت الإنتباه وتغطس الحجر.

Quote: لطفي شاركنا تجربتك

تجربتي او طوحي بالاصح كان أكبر من التجربه
لكن اجلت بعض المشروعات لدواعي استراتيجيه
المشروع وكالة سفر وسياحه
ببساطه عملت شركة , وهذا موقعي علي الانترنت
https://www.google.com.sa/url؟sa=tandrct=jandq=andesrc=sandsource=webandcd=1andcad=rjaanduact=8andved=0ahUKEwiuvMbym_3NAhXJA8AKHSM-CUQQFggjMAAandurl=http%3A%2...o0vvROkF64lGhI_FPq5Q

ومن كل اسماء الاعمال نشطت وكاله السفر بشكل غير عادى
بالرغم من انني متغرب عن البلد اكثر من 15 سنه
وصبرت ريال ورا ريال الي ان جمعت ما يعيننى علي فتح الشركة
وطبعا لم يكن لي من المعارف والواسطات ما يسند ظهرى
فلجأت الى فكرة كانت ( معشعشه ) فى راسي منذ زمن
وهي استخدام طلاب الجامعات كوسطاء مبيعات لتذاكر السفر بعموله مجزيه
نسبه الوكاله فى اي تذكرة 9% مما يعنى لو كانت تذكره السفر من الخرطوم لدبي
ب 3000 الف يعني حق الوكاله 270 جنيه
لو بعت عشره تذاكر في اليوم تربح 2700 جنيه
كنت استخدم اكثر من عشره وسطاء طلاب لو كل واحد جاب عشره زبائن يعني مجموع ما تجنيه الوكاله 13500 يوميا
نصيب الوسيط 5% ونصيب الوكاله 4 % اما البيع المباشر فتكون ال 9% ربح خالص للوكاله
تكاليف انشاء الوكاله لا تتعدى ال 50 الف ريال
تتمثل في ايجار وتجهيز الموقع بالاجهزة والبرامج اللازمه زائد 50 مليون لوزارة السياحه وعشرين مليون diposit عند خطوط السفر لحجز التذاكر الكترونيا
الموظفين محاسب وبنتين خبرة ومندوب خارجي وعامله نظافه ومدير ثقه

الاخ أحمد سيد احمد ... وضيوفك الكرام ..

السلام عليكم ,,

حسب خبرتي .. احسن استثمار في السودان هو العقار ( استثمار جبان ) ومافيه مخاطر .
وزي ما قالوا ليك الاخوان .. المبلغ حقك بسيط لعمل استثمار كبير ذو عائد مجدي ..
والافضل ان تفتح حساب في بنك امدرمان الوطني او بنك فيصل الاسلامي
وتودع المبلغ والذي يساوي تقريبا بين 750 الى 800 مليون بالقديم
في حساب استثمار وديعة لاجل .. وعائدها السنوي يتراوح ما بين 12 الى 13 في المية
يعني في السنة ربحك فوق المية مليون .. (تسعة ملايين شهرياً )
وانت مرتاح ... وراس مالك بزيد كل سنة ..
والمبلغ في امان . لا ضرائب ولا جبايات .. ولا يحزنون ..

وتقبل تحياتي ,,,


عــــالـــــم بـطــــالـــــــــــــــة

سلام للجميع عدنا لهذا البوست الجميل والمهم والمفيد
بتعليق شوية أكبر وأعمق .
معروف في حالة عدم إستقرار الإقتصاد instability
وبسبب :
- تعطل الانتاج أو ضعفه بشقيه الزراعي والصناعي( شح مدخلات ,حروب فساد ,جفاف ,سوء إدارة وسوء تخطيط كذلك ارتفاع الضرائب والجبايات وهجرة الايدي العاملة الماهرة وندرتها )
تبقى السمات الرئيسية لهذا الاضطراب الاقتصادي .
1- سلبية ميزان المدفوعات ( واردات أعلى من الصادرات ) فضلا عن أن هذه الواردات بلا سيطرة فمعظمها كماليات ( كريمات , اثاث , اواني منزلية, اكسسوارات الخ)
2- انهيار العملة المتسارع Devaluation
3- ارتفاع التضخم المتسارع Inflation
في تلك الحالة يلجأ أصحاب االأموال الى العقار ليحموا مدخراتهم لذلك تعتبر الخرطوم واحدة من أغلى الأماكن في العالم من ناحية العقارات مباني وأراضي .. بل تكاد تضاهي لندن ومكة . رغم أن هاتين البقعتين لهما اسباب مختلفة ( موضوعية وصحية) .
وكذلك من مظاهر الانهيار الأقتصادي لا توجد سيطرة على الاسعار .. النكتة القديمة بتاعة أخونا القال ( ما ننوم ) أصبحت واقعا .. نفس الصنف من نفس الرف في الدكان ممكن الصباح تلاقيه بسعر مختلف . ولا تلوم صاحب الدكان لأنه يكون الصباح مر على تجار الجملة بالسوق العربي مثلا واكتشف أنه السعر زاد عندهم .. ولكي يستطيع أن يتسترد بضاعته التي باعها لا بد أن يرفع السعر . والناس اصيبوا باللا مبالاه . لا أحد يعترض أو يحتج ..
نأخذ الناحية الثانية المواصلات .
لو اشتريت أي وسيلة مواصلات حافلات أو بصات .. البنية التحتية سيئة والشوارع مدمرة .. ستستهلك السيارة قبل أن تسترد رأسمالك .. فضلا عن سوء الاستقلال من قبل المواطنين انفسهم وكذلك السائق ومساعده .إذا كان الحافلة حمولتها خمسة وعشرين راكب سيركب بها أكثر من خمسة وثلاثين .. الباب لوحده فيه أكثر من خمسة .غير المترادفين على الكنب .
بقى مجال واحد وهو قابل للمغامرة ما ذكره الأخ المسلمي وعلى عبد الوهاب
وهو مجال الأكل ( مطاعم )
بسبب بسيط إنه المطعم بعد مصاريف التأسيس ( تجهيز المطعم )
يبقى لك رأس المال التشغيلي ( رأس المال العامل) وهو أنه ستشتري المدخلات يومية ( لحم دقيق بهارات خضروات وزيوت إضافة لمرتبات العاملين ومصاريف المياه والكهرباء) وهذه أنت تستطيع أنك تجاري فيها السوق لأنها مشتريات يومية ..
يصبح النجاح متوقف على الموقع و الكثافة السكانية وجودة المنتج والدعاية الجاذبة .
وأنا أقدم لك هذه المشورة بصفة مزدوجة .. اولا تخصص الإقتصاد .. وثانيا لاني ابن تاجر تربى بالسوق وعمل به قبل الاغتراب ..

Quote: وثانيا لاني ابن تاجر تربى بالسوق وعمل به قبل الاغتراب ..

واغترابك يدل على تعثر المشروع وعدم جدواه

يا اخي درديري

ابو السيد دا لو جاني في الخاص بجيهو ليكم

Quote: واغترابك يدل على تعثر المشروع وعدم جدواه يا اخي درديري ابو السيد دا لو جاني في الخاص بجيهو ليكم

عشان كدا أنا سميتها مغامرة ..لأنه ذكرت الاسباب الموضوعية التي تجعله يمكن أن ينجح

لكن هو لو جاك في الخاص ممكن ينجح فعلا معاك

بس دا ما عنده علاقة بالآستثمار والسؤال المطروح

Quote: لكن هو لو جاك في الخاص ممكن ينجح فعلا معاك

دردرة

انا استثماري واضح

المبلغ المعاه قليل جدا كما ذكر الاخوان

ممكن يكون معانا شريك بي سهم في الشقق الفندقية

حسب المبلغ

والارباح سنويا تجيهو

أنا بالجد مستغرب ممن يقول أن المبلغ بسيط وصغير ولا يكفي

لأن دي ما مشروة ولا تقييم صحيح اللهم إلأا إذا ارتبطت رغبة صاحب رأس المال باستثماره في مشروع معين فعندها يمكننا أن نقول أن هذا المبلغ صغير

لكن على وجه العموم صاحب رأس المال لم يحدد وجهته الاستثمارية وعليه تكون الإقتراحات في حدود المبلغ الذي بحوزته دون تقليل من قيمته

هناك مشاريع كثيرة جداً يمكن تنفيذها بهذا الملبغ بل بجزء منه

لكن مشكلتنا الحقيقية في السودان هو أننا ننظر للاستثمار كبقرة حلوب نريد لبنها بدون أن نتعب في تغذيتها وهذا ضرب من المستحيل

كما الرغبة الكبيرة للبعض بأن يكون عائد المشروع من اليوم الأول

ونقطة سالبة أخرى في الأستثمار السوداني هو المحاكاة وعدم التفكير في الجديد والتجديد والتمدد فبائع الفول تجده هو هو بعد عشرين سنة من مزاولة المهنة لا يفكر في عمل ساندوتشات وتوزيعها على الشركات والمحلات التجارية وهكذا

أفضل استشارة هي استشارة المجرب لأنه سيعطيك عصارة تجاربه ويقيك من الوقوع في أخطائه ولكن مع ذلك لا تقلد تقليدا مطلقاً بل حاول أن تستفيد من التجارب ووضع بصمتك عليها

من المشاريع التي تتطلب مبالغ بسيطة:

صناعة البلوكات الأسمنتية
المحلات التجارية الصغيرة (مواد استهلاكية) وماد منزلية
الزراعة في البيوت المحمية
زراعة الأسماك
تربية الماشية للحليب واللحوم
دربية الدواجن اللاحم والمبيض
صناعة البيوت المحمية
أكشاك المياه والمرطبات وبعض المعحجنات الحلوة
تصنيع المعجنات والخبائز
محلات فساتين الزفاف
محلات ألعاب الأطفال
المكتبات المدرسية
تصنيع وتحضير المنتجات اللحمية من سجوق وبيرقر وكوفتة
تصنيع وتوزيع العلف للدواجن والأسماك والأبقار
الزراعة في مساحات صغيرة 5 - 20 فدان. في أرض مستأجرة أو ملك
محلات غسيل الملابس بالغسالات والكي بالمكاواة الكهربائية
مغسلة عربات.
العمل في الحفريات وأبار وصهاريج المياه
كسرات الأحجار
بنشر أطارات
صناعة الأثاث المنزلي البسيط
إعادة تنجيد الأثاث المنزلي


وغير ذلك الكثير

من واقع تجارب مستثمرين فى السودان ورغم أنني غير مستثمر أرى ان انسب مجال للإستثمار فى السودان هو المجال الزراعي وناهيك عن المستوى الفردي .. السودان كدولة لن يخرج من نفق الإقتصاد المتردي إلا عبر الإستثمار فى الزراعة وكل ما يقال عن البترول والذهب وغيرها مجرد فقاعات ولن يتحقق نجاح فى الإقتصاد إلا بالمجال الزراعي

Quote: لذا أنا أرى أن يدخل المغتربون في شراكات تؤهلهم للاستثمار في السودان ، أو في أي بلد آخر

فرانكلى سلامات ..
قلنا مبلغ صغير يلائم المشروعات الصغيرة .. زى اللستة الجبتها دى ..
لو الله وفقك وقلبك قنوع ممكن كشك ليمون يعيشك عيشة متوسطة .. لكن المشكلة ليست النشاط الإقتصادى ذاته ولكن العقبة غالباً تكون فى مدخلات إنتاجك التى تكون عند ناس راسمالهم الفهلوة .. زمان واحد صاحبى تخرج مهندس وقال لى أنا بس عايز أعمل مشروع دواجن .. فقام جاءنى بعد فترة قصيرة ساخط وقرفان .. مالك يازول ؟؟ قال لى الإنتاج كله يمشى لجيوب تجار علف الدواجن الذين يتحكمون ومسيطرون على سوق الدواجن .. فتأمّل .. تكون جاى تشتغل بنفس تلقى فى تماسيح قانصين ليك ..
عالم بطّالة زى ما قال مجيدو ..
وبمناسبة مجيدو ، ياريت ينوِّرنا عن قصة إيداعات البنوك دى .. !!

Quote: وبمناسبة مجيدو ، ياريت ينوِّرنا عن قصة إيداعات البنوك دى .. !!

أنا ما مُقتنع إنّك ما متنوّر يا مُنير يا مُستنير

المخليك ما مقتنع شنو ياعزيزى صبرى؟؟ ..
بالجد كلام مجيدو مش يلفت الإنتباه ؟؟ ..

بعدين ماتغلط، أنا مصنّف ظلامى ..
مستنير دى بعد الشر علىّ .. :)

تتاجر في العملة
بعد سنة واحدة ال 250 الف ريال حا
يكونوا 3 مليون ريال.
بس اتٲكد من مشروعية التجارة في العملة
لو حلال اتوكل طوالي.

مساء الانوار وكلو سنة واتو طيبين
اشتري مكينة زي حقت الاردني داك واطبع وبيع

بالجد البلد وصلت مرحلة من التكلس وصعوبة العيش لاتطاق لامن يكون عندنا بلد اول شئ بعدين نفتش للاستثمار والعيشة فوقو والاستمتاع بيو
اكتر من مية اسرة من اقرب الاقربين لينا هاجروا لمصر والماهاجروا تقريبا كل شهر شهرين بمشو ويجو ومشترين وماجرين هناك
بمعادلة بسيطة تجيب ليك قروش عملة صعبة وتحولا لي جنيهات عشان تعمل مشروع وتشتغل وتكسب وتجي بعد فترة عشان تقيييم مشروعك تلقا بس فرق العملة ضيييع زمنك ومجهودك مثال بسيط جدا اشتريت لي ارض قبل اربعة سنوات بمبلغ مية وستين الف ريال الان تساوي مية وعشرين الف ريال بس بي ادي السمسار الحمار بقول لي في فايدة مية مليون
قروشم دي يربطوها صرة في خيت ريالات كده بس يستثمروها هنا او يعصروها هناك ريالات براها بتزيد صدقني
مثال تاني ود اخوي عندو بيت ورثة في الشجرة منتظر سنة عشان يتباع ليو بي سعر كويس جاب ليو سبعمية وخمسين في وكت الريال بي الفين وخمسمية باعو بي تنمية في وكت الريال بي تلاتة ونص نصحتو بحكم معرفتي بي سوق العملة ويحولا ريالات كانت قرابة التلتمية الف تصدقوا فرق العملة بس كان حيوصل الارض لمليار ومية عشرة الف لو سمع كلامي الفرق تلاتة وتمنين الف ريال

تحية
ارجع اعلق على الجزئية (الاخ مجيدو) بخصوص ايداع المبلغ فى بنك وتلقى فائدة سنوية12%
فلنفترض اودعت مبلغ 250 ريال تساوى بسعر اليوم3600 يعنى 900 مليون جنيه بفائدة 12%
ستربح بنهاية السنة108 الف جنيه . رصيدك اصبح 108+900= 1008 الف( مليار و8 الف جنيه
بعد عام كامل.
2/ فلنفترض احتفظت بالمبلغ 250 الف اى مايعادل900 الف . السنة الجاية السعر ح يزيد لعدم ثبات
الجنيه السودانى. على الاقل الريال سيصل4100 - 4200 . بحساب انه السنة الماضية كان2700 والان3600
فالمبلغ بنهاية العام سيبلغ 250×4200= 1050 مليار وخمسين الف جنيه.!!!
يعنى لو اودعتها فى البنك حتكون خسران42 الف فعليا .. وما مضمون لى قدام تقدر تعرف بقت كم!!
مع خالص تحياتى

في خلط كبير جداً بين عوائد المشروع سلباً وإيجاباً وبين إعادة رأس المال بالعملة الصعبة

حساب رأس المال كل سنة بسعر صرف الجنيه أمام العملات الأجنبية فيه خطأ كبير إذ لا يراعي تأسيس البنية التحتية للمشروع والأصول الثابتة والخبرات المتراكمة وهذه لا تقدر بثمن.

أعتقد المستثمر السوداني عندما يحول رأس ماله للجنيه السوداني فيجب عليه أن يحسب عوائده من اليوم الأول بالجنيه السودان فقط.

أما إذا أراد الاستثمار بالسودان مع رغبته في جلب ريعه لخارج السودان فليفكر في مشاريع للصادر.

والله يا شباب مشاركات كلها قيمة جدا واضافت للموضوع ابعاد ممتازة جدا واصلا انا متاكد اني حاستفيد 100% لمن اطرح الموضوع على عقول نيرة زي عقولكم

تسلموا وربنا يديكم العافية ومزيد من الاراء القيمة

يا صلاح حبيب .. ياخى بدل إيداع الـ٢٥٠ ريال كان تخليها ١٠٠ ريال عشان نقعد نضرِّبها معاك بجدول عشرة .. هسه نحن بمخنا التخين ده نجيب آلة حاسبة يعنى؟ ..

سبحان الله برغم ان الموقع يجمع اصحاب خبرات وتجارب في كل جوانب الحياة
الا ان الخوف من كل تجربة يجعل الانسان يتوقف كثيراً قبل ان يبدا اي خطوة
في استثمار ماله او تنميته وهذه مصيبة كبيرة والاولى ان نتناقش في هذه المخاوف
بمعنى ما هي الدواعي للمخاوف التي تجعل استثمار بعض المال مجازفة وكأن المغترب
مكتوب عليه ان يعيش حياته مغترباً ولا يفكر في العودة فصاحب المليار
يعتبر راس ماله صغير وصاحب العشرة مليارات ماله معرض للنهب بشتى الطرق
من ضرائب وجمارك واتاوات ومكوس وفي الاخر يصبح المغترب المستثمر ملوص

سلام وتحية لكم جميعا بصورة عامة ولصاحب البوست

3 حلقات أجراها عبد اللطيف البونى مع هذا المستثمر فى مجال تربة الماعز الشامى جديرة بالمتابعة



والفيديو أدناه من برنامج سنابل (دراسة جدوى لتربية الأغنام شامى وسعانين)

اخي جمال خضر
في عام 96 عملت دراسة جدوى لمشروع تهجين اغنام نوبية مع سعانين هولندي
واجيزت من قبل البنك الزراعي
وتمت الموافقة بالمشاركة والتمويل
وقبل ان ابجأ
وكان وزير المالية قدس الله سره عبد الرحيم حمدى ارتفعت مدخلات انتاج الاعلاف بنسبة اكتر من 30%
فطرشقت الدراسة والمشروع
نظريا
اي استثمار في السودان ذو عائد عالي وناجح
فعليا
اي استثمار في السودان فاشل بنسبة 1000%
ليه
السبب عدم وجدود دولة ذات رؤية واضحة لادارة البلد
شغالة برزق اليوم باليوم والضرائب والجبايات
فنفر كل رجال الاعمال الى الجارة اثيوبيا وعدد من الدول الافريقية
كلام زول مختص وولد تجار اتربى في سوق امدرمان

سبحان الله برغم ان الموقع يجمع اصحاب خبرات وتجارب في كل جوانب الحياة
الا ان الخوف من كل تجربة يجعل الانسان يتوقف كثيراً قبل ان يبدا اي خطوة
في استثمار ماله او تنميته وهذه مصيبة كبيرة والاولى ان نتناقش في هذه المخاوف
بمعنى ما هي الدواعي للمخاوف التي تجعل استثمار بعض المال مجازفة وكأن المغترب
مكتوب عليه ان يعيش حياته مغترباً ولا يفكر في العودة فصاحب المليار
يعتبر راس ماله صغير وصاحب العشرة مليارات ماله معرض للنهب بشتى الطرق
من ضرائب وجمارك واتاوات ومكوس وفي الاخر يصبح المغترب المستثمر ملوص

Quote: وبمناسبة مجيدو ، ياريت ينوِّرنا عن قصة إيداعات البنوك دى .. !!

د. منير .. سلام .. وكل سنة وانت طيب ,,

انا عن تجربة طويلة امتدت لاكثر من 20 سنة
اتعامل مع بنك امدرمان الوطني ..
ولي حسابان .. بالدولار وبالجنيه السوداني
في البداية كانت الفائدة تصل الى 21 في المية
واخذت تتناقص سنوياً الى ان وصلت 13 في المية حاليا ..
( يتم احتساب الفائده بتقسيم عدد العملاء على مجموع الودائع )
الشي الجميل .. في حساب الدولار تقدر تسحب
بنفس العملة ( الدولار ) اي مبلغ تحتاجه دون اي مماطلة او تاخير
حتى لو كان المبلغ كبير ... ولقد سبق وان سحبت 20 الف دولار
في وقت كان الدولار شحيح وشبه معدوم .. وتم تامين المبلغ
لي في نفس اليوم ... و تعامل الموظفين راقي جدا .. للامانة ..

كورنر : ....... بالرغم من انني مقيم خارج السودان ...
وعندما احتاج اي مبلغ من الحساب في الخرطوم ..
فقط اقم بارسال فاكس للبنك واطلب منهم تسليم المبلغ المعين
لفلان من الناس ... واعزز رسالتي هذه بمكالمه هاتفية للمسئول في البنك
ويتم صرف المبلغ فورا حسب طلبي .. كان دولار او جنيه سوداني ...
وانا اشكر لهم تعاونهم المستمر في خدمة العملاء ...

ان شاء الله تكون اتنورت يا دكتور ؟؟؟

تحياتي ,,

Quote: يعنى لو اودعتها فى البنك حتكون خسران42 الف فعليا .. وما مضمون لى قدام تقدر تعرف بقت كم

الاخ صلاح حبيب ... سلام .. وكل سنة وانت طيب ..
ولتجنب الوقوع في خسارة حسب حسبتك ..
يمكن ايداع المبلغ بالدولار الامريكي ..
ويتم السحب ايضا بالدولار .. زيا دار ما دخلك شر ...
اما اذا قيمنا نتائج اي مشروع حقيقي قائم على الارض
بسعر الدولار في ذلك اليوم اكيد حتلقى المشروع خسران ..

وتقبل تحياتي ,,,




عــــالـــــم بـطــــالـــــــــــــــة

الأخ العزيز
المبلغ الذى بيدك يساوى خمسة وستون ألف دولار بالتقريب وهذه بالجنيه السودانى تساوي بالسعر الموازى حوالى
مبلغ 900000 بسعر اليوم وهذه فى السودان قيمة عربية ولن تسمح لك إلا بقيام مشروع صغير غير مضمون العوائد
ولا تنسى أن الحكومة ستلهط منك مبلغا محترما للترخيص وتسجيل إسم العمل ورسوم المحليةبالأضافة للرشاوى والتى
إن لم تدفعها لن تستطيع التقدم لخطوة واحدة.
لقد ذهب أصدقاء ومعارف لنا بمبالغ ضخمة للإستثمار فى السودان فتحلّقت حولهم عصابات الحكومة ولهطوا منهم مبالغ
معتبرة فعادوا بخفّى حنين.
يا عزيزى نصيحة لك من عالم ببواطن الأمور الإستثمار الحيد الذى يناسبك فى حدود مبلغك هو أن:
1. تستثمر فى سندات شهامة بالسودان وهى مجزيةومضمونة العائد
2.تضع المبلغ بالدولار فى البنك الأهلى المصرى أو أى مصرف آخر ولن تندم أبدا.
3. شراء شقة فى القاهرة وتأثيثها وتأجيرها بالشهر.

والله من وراء القصد......

تحياتي صاحب البوست والإخوة الزملاء ...

والله يا مجيدو فكرتك دي ممتازة .. ولم أكن أعتقد بان ذلك ممكن ..

كان كدي هلا هلا .. يا بنك أمرمان الوطني جاك زول قريب ..

ان شاءالله سازور البنك واستفسر عن موضوع وديعة الدولار ..
وأعتقد بان هذه الفكرة جديرة بالاهتمام ..
خاصة بعد ثناءك على زوق موظفي البنكـ

الأخ مجيدو
رغم تحفظ البعض على شرعية الودائع الاستثمارية تبقى هي الأفضل (بالدولار)و الأقل مخاطرة مع الانخفاض المستمر للجنيه السوداني. و شكرا على مشاركتك القيمة.

Quote: في البداية كانت الفائدة تصل الى 21 في المية واخذت تتناقص سنوياً الى ان وصلت 13 في المية حاليا ..

نسبة ال 13% تعطى للودائع بالعملة المحلية و تقريبا الودائع بالدولار في البنوك السودانية عوائدها في حدود ال 6% (طبعا البنك برضو تاجر شاطر).

تحياتي.

سلامات أخ مجيدو .. وأشكرك على مداخلتك الواضحة التى حرّكت قرون الإستشعار نحو بنك أمدرمان الوطنى ده .. وأظن مداخلتك دى صاقعة وأكبر دعاية للبنك مفروض يدوك عليها مكافئة أكبر من كل المبالغ الأنفقوها للترويج فى الميديا .. فإنعدام الثقة فى المؤسسات السودانية هو أكبر عائق لتدفق مدخرات المغتربين للداخل .. وأظن أنه لو فعلاً البنك حريص على جذب العملات الصعبة فليستمر فى التعامل مع المغتربين بالطريقة الذكرتها دى .. ولربما كانت مداخلتك دى ستفتح الباب على مصراعيه لأموال المغتربين الطاشة فى أثيوبيا ومصر وغيرها ..

Quote: رغم تحفظ البعض على شرعية الودائع الاستثمارية

فعلاً مُشكلة ومن له معرفة بالفقه أتمنى أن يفتينا في هذا البوست أو أن يقوم بفتح بوست مستقل لذلك ...

Quote: في خلط كبير جداً بين عوائد المشروع سلباً وإيجاباً وبين إعادة رأس المال بالعملة الصعبة حساب رأس المال كل سنة بسعر صرف الجنيه أمام العملات الأجنبية فيه خطأ كبير إذ لا يراعي تأسيس البنية التحتية للمشروع والأصول الثابتة والخبرات المتراكمة وهذه لا تقدر بثمن. أعتقد المستثمر السوداني عندما يحول رأس ماله للجنيه السوداني فيجب عليه أن يحسب عوائده من اليوم الأول بالجنيه السودان فقط. أما إذا أراد الاستثمار بالسودان مع رغبته في جلب ريعه لخارج السودان فليفكر في مشاريع للصادر.

أفتكر كلام Frankly دا في غاية الأهمية.

يعني لو قررت الاستثمار داخل السودان ينبغي عليك العمل وفق القواعد الداخلية وتصبح شخص (محلِّي) بمعنى الكلمة.

وتطلع وتنزل بأسعار سلعتك/خدمتك مع السوق مع كل شروق جديد.

وبالتالي تصبح قيمة أرباحك وأهميتها مربوطة بالمستوى المعيشي في السودان والتزاماتك اللأخرى . فالكثير من الضروريات في السودان غالية بالمقياس المحلي ولكن لو ضرّبتَ تكاليفها بالدولار أوالريال حتكتشف إنها أرخص مقارنة بالخارج.

على سبيل المثال: سعر كيلو اللحم في السعودية حوالي 30 ريال بالمتوسط: أي أكثر من 100 الف جنيه وهو أغلى من سعر نظيره في السودان!

صحيح إذا أخذنا المسألة من منظور القوة الشرائية للإنسان العادي طبعاً الوضع مزري، ولكن محور البوست هو عن أصحاب الاستثمار في السودان..

بوست مهم ومفيد لكل قبيلة المغتربين..

شكراً محمد مجيدو

وإن شاء الله سأزور بنك أم درمان الوطني قريباً لمعرفة التفاصيل

تجربتك دي ليه لابد بيها 20 سنة ؟؟

بالنسبة لشغل البنوك والربا والمضاربات ووو الكثير من مصطلحات الإسلامية لدى الجمهور شك عميق وتوجس من أى نشاط مالى مرتبط بالبنوك لأنو طوالى يربطوه ليك بالربا ..
عموماً ، أتاريهو فى كلام كتير فى الفقه يضبط ويوضح كل هذه المعاملات .. وأذكر أنه كان هناك برنامج فى تلفزيون السودان إسمه هدى للناس تعاقب عليه عدد من المقدمين .. لكين أميز هؤلاء كان الداعشى الموسوعة د.محمدعلى الجزولى .. وكان يقدم البرنامج قبل زوبعة إلتحاقه بداعش بأسلوب ولغة شبابية جذابة.. وفى تلك الفترة كان البرنامج عن فقه المعاملات المالية الإسلامية وكان يشرح هذه المصطلحات بدقة وتبسيط بأسلوب جميل يخليك تضحك من شدة الإعجاب ..
الزول ده لو ركّز على المواضيع يكون قدم خدمة راقية للجماهير بدلاً عن الخطاب الداعشى العجيب الشغال فيهو ده ..
قبل فترة قصيرة شفته فى التلفزيون تانى فى نفس المواضيع الفقهية، قلت الزول ده تاب ورجعوه التلفزيون واللـّ شنو؟ لكين يخيل لى كان إعادة للحلقات القديمة ..
مفروض التلفزيون يركز على هذا النوع من التثقيف لأنو فيهو علم دقيق وعميق .. غايتو أنا حلقات محمدعلى الجزولى مستعد أحضرها مية مرة ..

Quote: غايتو أنا حلقات محمدعلى الجزولى مستعد أحضرها مية مرة ..

لو موجودة في اليوتيوب أسعفني بيها




ـــــــ


أحلق شنبي بي قزازة لو قُلت اقتنعت بي كلامو

السلام عليكم جميعاً ...

التحية لصاحب البوست وضيوفه الكرام

من اجمل البوستات على الاطلاق ارجو ان يبقى عالياً ومزيداً من المشاركات وياريت كل اصحاب التجارب السابقه يشوفوه

Quote: رغم تحفظ البعض على شرعية الودائع الاستثمارية تبقى هي الأفضل (بالدولار)و الأقل مخاطرة مع الانخفاض المستمر للجنيه السوداني. و شكرا على مشاركتك القيمة.

اخونا الحبيب / الحاج حمد ... سلام

اعتقد ان الودائع الاستثمارية التي اتعامل معها انا لدى بنك امدرمان الوطني
ليست فيها اي شبهه او حُرمه... ( ولا علم لدي بتعامل بقية البنوك الاخرى )
حيث ان البنك لا يلتزم بمنح نسبة ارباح معينة للوديعة ( وهذا ان تم فهو ربا )
وانما يذكر في العقد صراحة موافقة العميل على اقتسام الارباح او الخسائر مع البنك ..
وفي اخر كل سنة مالية يقوم البنك بقسمة عدد العملاء على جموع الودائع المودعه لديه
واستخراج النسبة المئوية وتوزيعها على العملاء ...( وانتا وحظك ) والحمد لله لا توجد خسائر ...

اما الوديعة بالدولار .. اتذكر العام الماضي كانت نسبة الفائدة 10% وليست 6% كما اشرت ..

هذا للتوضيح ...

وتقبل تحياتي ,,



عــــالـــــم بـطــــالـــــــــــــــة

Quote: حيث ان البنك لا يلتزم بمنح نسبة ارباح معينة للوديعة ( وهذا ان تم فهو ربا ) وانما يذكر في العقد صراحة موافقة العميل على اقتسام الارباح او الخسائر مع البنك ..

يا مجيدو .. هل هذا يعني أنّه قد تنقص وديعتك لدى البنك عند الخسارة .. وقد تخسر كل وديعتك ؟

نعم ... يا صبري .. جائز .. بس احتمال ضعيف جدا ..
لذلك يجب ان تختار البنك القوي لتتعامل معه ...

تحياتي

Quote: نعم ... يا صبري .. جائز .. بس احتمال ضعيف جدا .. لذلك يجب ان تختار البنك القوي لتتعامل معه ...

كلام جميل .. وتُشكر يا حبيب ...

زمان يا محمد يا خوى الاستاذ فى الكلية سأل أفضل طريقة لمنع الحمل شنو عندى صاحبى مسطول رفع يده بكل ثقه الاستاذ قال ليه اتفضل قام قال ليه أفضل طريقه لمنع الحمل ان ينام الزوجان فى غرف مختلفه يعنى يفرزوا عيشتم بالسودانى.عوالم الاستثمار فى السودان محاطه بقدر كبير من المحاذير ولا اعرف حقا ان كان المبلغ الذى تتحدث عنه مبلغ كبير فى السودان لكن ما اعرفه ان التعامل فى البزنس فى السودان قد اضاع الكثيرين ممن أتو بمبالغ طائلة. شخصيا لو كنت مكانك لاستثمرت هذا المبلغ مع بنك اجنبى خارج هذه المنطقة العربية والاسلاميه فالله وحده يعلم ما تخبئه الأيام لها. فى الختام أمنياتى لك بالتوفيق والسداد وربنا يبعد منك الجماعه الغتسوا حجر بن لادن.

الأخ محمد مجيدو
تحياتي

Quote: ونا الحبيب / الحاج حمد ... سلام اعتقد ان الودائع الاستثمارية التي اتعامل معها انا لدى بنك امدرمان الوطني ليست فيها اي شبهه او حُرمه... ( ولا علم لدي بتعامل بقية البنوك الاخرى ) حيث ان البنك لا يلتزم بمنح نسبة ارباح معينة للوديعة ( وهذا ان تم فهو ربا ) وانما يذكر في العقد صراحة موافقة العميل على اقتسام الارباح او الخسائر مع البنك .. وفي اخر كل سنة مالية يقوم البنك بقسمة عدد العملاء على جموع الودائع المودعه لديه واستخراج النسبة المئوية وتوزيعها على العملاء ...( وانتا وحظك ) والحمد لله لا توجد خسائر ... اما الوديعة بالدولار .. اتذكر العام الماضي كانت نسبة الفائدة 10% وليست 6% كما اشرت .. هذا للتوضيح ... وتقبل تحياتي ,,

طبعا يا مجيدو المشكلة دائما تكون في مدى تطبيق البنوك لصيغ التعامل ، رغم أن البنوك تعمل بمسميات صيغ اسلامية (مشاركة..مرابحة..مضاربة..الخ) و لكن المشكلة عند التطبيق لا يتم الالتزام بما تتطلبه هذه الصيغ مما يجعل هناك حذر و شك ادى لابتعاد الكثيرين عن التعامل مع هذه البنوك رغم اقتناعي الكامل بأهمية البنوك في التعاملات الاقتصادية اليومية و يكاد يكون من المستحيل لأي صاحب عمل أن يعمل بعيدا عن النظام المصرفي و على الاقل عمليات الايداع اذ ان اي عمليات للاحتفاظ بالنقد بعيدا عن الجهاز المصرفي يحمل الكثير من المخاطر و التي تكون كافية لضرورة التعامل المصرفي.
نسبة 10% عائد على الودائع الاستثمارية يعتبر نسبة عالية و مشجعة لجذب الكثيرين و أتمنى أن تكون هناك شفافية في تعاملات الجهاز المصرفي تكون كافية لجذب أموال المغتربين الذين فقدوا الثقة نتيجة للقرارات الحكومية المتضاربة و التي تصدر كرد فعل لنتائج الحركة الاقتصادية و ليست نتيجة لدراسة و أبحاث اقتصادية.
شهادات شهامة جذبت الكثيرين اذ انها تحقق نسبة ارباح عالية جدا (18%) تكاد تكون غير موجودة في أي مكان في العالم و لكن عند اخذ قيمة الجنيه مقارنة مع العملات الاجنبية تصبح النسبة غير حقيقية و كما ذكر أحد الاخوة بعملية حسابية تجد أن العائد على أصل الوديعة أقل و قد يكون 6% و ليس 18% .
شكرا لك مجيدو.