Post: #1
Title: انقلاب في دولة كوزستان
Author: ناصر حسين محمد
Date: 07-16-2016, 09:14 PM
Parent: #0
09:14 PM July, 16 2016 سودانيز اون لاين
ناصر حسين محمد-
مكتبتى
رابط مختصر
والدبابات تهدر في حفر الشوارع
وصفافير العسكر في الشاحنات
وقائد الانقلاب يشرف ع التعليمات
والشعب البطل ما جايب خبر وتوزع مابين حفلة ب هناية جمكسين
ونادي شيشة
وتحلق البعض في عدد من المدن حول قدرة وصاج. طعمية
بينما يكافح البعض ابو الجندب والباعوض ومحاولة النوم ..
اما رئيس الدولة تم اخذه سريعا الى نواحي الكلاكلة
وفي غرفته ينادي دفعته اللمبي
يا لمبي ما تشوف لينا سكايب نخاطب الامة دي تطلع
اللمبي: سكايب ده موتر ياسعادتك
ويتدخل احدهم قائلا المشكلة الشبكة ياريس
نحن وزعناها نواحي كافوري ...بس
احدهم من بعيد يصيح. جيب ليه اريبا بس اريبا قوية
ويسلم الجميع الامر ويخرج البعض باحثا عن شريحة اريبا
وبعد جهد يتحصل عليها. قرب صاج الطعمية خالية رصيد
ويدله احدهم على منزل سيدةالطبلية بتاع تحويل الرصيد ...
نواصل
|
Post: #2
Title: Re: انقلاب في دولة كوزستان
Author: ناصر حسين محمد
Date: 07-16-2016, 09:24 PM
يطرق باب ابجقادو بتاع الطبلية بقوة
يستيقظ من نومه بتكاسل ويتجه للباب
يرفع الحجر من خلف الباب وهو يلعن
ويخرج سيخة كبيرة داعمة للحجر في قفل الباب
ويمد راسه للخارج متجنبا بركة الماء امام الباب ليجد ثلة ترتدي بدلة تمكنا تقف قرب الباب
في شنو
: عايزين رصيد اريبا
:ديني وايماني ياخ رصيد بتاع حنانك
وتوووف يقفل الباب
الجماعة يا ابجقادو نحن ناس الامن لازم تدينا رصيد
ابجقادو: هعععع ناس الامن تيب رصيد بكم
: مية الف
: باللهي ...
الرصيد دايرو ريسك بشة عشان تقيفو معاهو
: هعهعهع بشة يركب هنا ( اشارة بذيئة) اسه في الجنة لو شفتو بنتظرو
بعد لولوة اقتنع ابجقادو يضرب الجماعة اداهم رصيد خمسين بمية
وتكل الطوبة وغزا السيخة ودخل وهو يهش البعوض وابو الجندب ويتجنب برك الماء في حوش منزله
|
Post: #3
Title: Re: انقلاب في دولة كوزستان
Author: ود الباوقة
Date: 07-16-2016, 09:29 PM
Parent: #2
انت قبيل الحقنة باقي لي ما اخذتها
هههه
|
Post: #4
Title: Re: انقلاب في دولة كوزستان
Author: ناصر حسين محمد
Date: 07-16-2016, 09:33 PM
Parent: #2
عاد وفد. الشريحة للمنزل الامن لبشة
وبمجرد فتحهم الباب رفعو الشريحة عاليا وهو يتهتفون
الله اكبر
هي لله
ودخلو للريس
وابتدر كبيرهم خطبة عصماء حول ان الله يقف مع الحق والدليل سهل لنا امر الشريحة واقناع ابجقادو ببيع الرصيد رغم نعاسه
وبسرعة احضرو جوال سامسونغ. وادخلو الشريحة وتم تفعيل الانترنت
تيت تيت تيت
رسالة ع الجوال
شكرا لك للانضمام الى اسرة ام تي ان
سوف تصلك رسالة بها اعدادات الانترنت
او اتصل على خدمة العملاء لتفعيل الخدمة
اتصال على ١٤١ وصوت
بنت تغني
كلام الليل
سمح ياليل
اريبا جمال
واخلاص ونوال
وبت جيرانهم امال
وتتكرر الاغنية عدة مرات لياتي صوت
عفوا كلنا مشغولين الان حاول لاحقا ...
|
Post: #5
Title: Re: انقلاب في دولة كوزستان
Author: ناصر حسين محمد
Date: 07-16-2016, 09:39 PM
Parent: #4
Quote: انت قبيل الحقنة باقي لي ما اخذتها
هههه |
هههه
الليلة جابت ليها سهرة
دورك جاي
|
Post: #6
Title: Re: انقلاب في دولة كوزستان
Author: ناصر حسين محمد
Date: 07-16-2016, 10:06 PM
Parent: #5
استمرت محاولات الاتصال للحصول على رسالة الاعدادات
ودي طبعا في كل العالم بتجيك اتوماتيك شاملة اعدادات الوسائط والمتصفح
اعادة الاتصال
بنت تغني
كلام الليل
سمح ياليل
اريبا جمال
واخلاص ونوال
وبت جيرانهم امال
بصوت جميل والاسبيكر مفتوح
وفي طرف الغرفة اللمبي يتنحنح.
ويقوم يرقص بشتارة ليعلو صوت
يا عبده ياخ انت فيى شنو والناس في شنو
يجلس لتتكرر النغمة
بنت تغني
كلام الليل
سمح ياليل
اريبا جمال
واخلاص ونوال
وبت جيرانهم امال
وتاني يالمبي قوم ارقص
بعد عدة محاولات ياتي صوت انثوي
مرحب في ام تي ان
نلفت انتباهك بانه سوف يتم تسجيل المكالمة لاغراض الجودة والتدريب
لو سمحت اسمك وموقعك
بشة من الكلاكلة
مرحب بيك يا بشة مشكلتك شنو
عايز رساله الاعدادات
طيب جوالك نوعو شنو
سامسونغ دوس ٥٢١١
طيب يا بشة بعد شوية حتجيك رسالة افتحها واختر تثبيت
واقفل موبايلك ربع ساعة وافتحو.
اي خدمة تاني يا يبشة
ربع ساعة شنو يا بت فعلي الخدمة سريع
او نادي لي مديرك
ده النظام يا استاذ بشة سيستيم ما شي يدوي وبعدين لو سمحت ما تنهرني
يا مفعوصة قلت ليك نادي مديرك ياااااا
وصوت بكاء الكول سنتر ياتي عاليا
وسرعان مايرفع اخر الخط مستفسرا عن الحاصل
وبمجرد سماع صوته يصيح اللمبي قائلا ده ود الجيد
شغلتو انا في ام تي ان
ويختف الهاتف من بشة
يا ود الجيد كيفك باللهي انا عمك عبدو
عبدو منو
عبدو المحسي ياخ
وبعد لت وعجن يقتنع ود الجيد
يقص عليه اللمبي القصة كاملة
ويتعهد ود الجيد بتفعيل الخدمة سريعا
ويتعهد بارسال رسالة مجانية لمشتركي ام تي ان
يتفق الجميع ع صياغتها كالاتي
يدعوكم رئيسكم المحبوب للخروج فورا لدحر انقلابين
وفي ظلام جمهورية كوزستان تعلو صفافير
تيت تيت
تيت عيت
تيت اااع
تيت كعع
|
|