هل يحق للسكان الوافدين من الجزيرة العربية التدخل في قضايا السودان الداخلية؟

06:39 PM July, 13 2016

سودانيز اون لاين
الصادق اسماعيل-كاليفورنيا، أمريكا
مكتبتى
رابط مختصر

مجرد سؤال له ما بعده لو لقينا فرقة.

ياخ دى فرصة الحقك قبل لا يجوك الحيران
واقول ليك ,, كل سنة وانت طيب
واطلب منك العفو لله ,, فانت من الناس الذين
احببتهم فى هذا المنبر ,, فإن رأيت منا ماتكره
فالعفو منك نرجو ,,

ديل منو بالتحديد يالصادق :))
غير الرشايدة مافي واحد يقدر يدعي ذلك
-
مرة بقال قال اصوله من لبنان
عادي جدا المستنير ابوبكر يطلع من الطائف

Quote: ياخ دى فرصة الحقك قبل لا يجوك الحيران واقول ليك ,, كل سنة وانت طيب واطلب منك العفو لله ,, فانت من الناس الذين احببتهم فى هذا المنبر ,, فإن رأيت منا ماتكره فالعفو منك نرجو ,,

والله انت زول فاضل

وفي الفاضلين

فاضلابي

هههههه


كل سنة و انت طيب ياخي، جميل انك فتحت البوست دا. عشان الحكاية ننجضها تب و نوصلها حدها. بجيك راجع بوجهة نظر و تأملات.

البلد دي اصلا بلد النوبة والباقين كلهم وافدين عليهم.
منهم الوافدين من الجزيرة العربية ومنهم الوافدين من غرب افريقيا ومنهم الوافدين من البحيرات العظمى ومنهم وافدين اتراك ومغاربة وغيرهم. استقبل النوبة كل هولاء المهاجرين وتصاهروا معهم وتكونت من هذه الهجرات والمصاهرات شعب السودان. فإذا لم يحق للوافدين العربي ان يتحدثوا في قضايا البلد من باب اولى الوافدين الاخرين.
تحية اجلال واكبار للكوشيين اهل البلد الاصليين والاصيلين.

السلام عليكم ... فقط للتذكير

العام 2016 ميلادي .. الشهر يوليو

الدولة العضو في الامم المتحدة المعنية

جمهورية السودان

عدد المواطنين التقريبي : 33 مليون نسمة

حسب دستور الدولة يحق لكل مواطن / مواطنة سودانية

بلغ السن القانوني ممارسة كل الحقوق السياسية المفصلة

في نصوص الدستور.

سؤالك يبدو لي لا هدف له يتعلق بصالح واقعي ممكن يستفيد منه اي من التلاتة و تلاتين مواطن سوداني و سودانية.

ممكن تشرح الهدف من الفكرة الماوراء السؤال كما تفضلت؟

تحية طيبة

الحبيب الصادق اسماعيل

العيد مبارك عليك
............
يحق لكل (مواطن ) سوداني ابداء رائه فيما يخص بلاده .

الوافد تعني انه مقيم (حسب لغة اهلنا ناس الخليج ) فلا يجب على الاجنبي التدخل في شؤون السودان
......

اما ان كان السؤال كما فهمته واستبعدته بسبب حسن الظن

اذا تمكنا من اثبات اماكن وفودهم في الاول يمكن ان نطالبهم بعدم التدخل في شؤون السودان
واعلم عسير على اي احد تحديد الاماكن التي وفدت منها (القبائل ذات الجذور العربية ) فهولاء الناس قدموا
منذ ازمان بعيدة وانصهروا في المجتمع السوداني الموجود او بالاحرى هم قدموا قبل أن يكون هناك شيء اسمه السودان حسب ما هو موجود الان

. ..............

خارج النص فكرة ارجاع العرب السودانيين الى الجزيرة العربية فكرة ما بطالة
بس ختونا في الامارات عشان ما فيها شريعة وقطر عشان كاس العالم وعمان برضوا الامور فيها ما بطالة
بس عليكم النبي اوعى تجدعونا في السعودية والله ما بنمش ليكم ياخ ديل شغالين قص بالسيف وهيئة مبارية الناس زي بتاع المرور في شارع مدني

عنوان مربك يا الصادق وغير مضبوط ..
السكان ديل هل هم مواطنين سودانيين ام مقيمين فقط ؟
لو كانوا مواطنين يبقى هنا تنتفي حكاية شئون داخلية وتدخل إلا اذا كانوا مواطنين بدون حقوق بنص الدستور ، يعني عمك اوباما وشوارزنيغر والجماعة الدخلوا امريكا قبل عدة عقود فقط ديل ما كان في زول حيسمع بيهم سمع بالفهم ده ، واعتقد انك تشارك في انتخاب الرئيس في امريكا ولا يوجد شأن داخلي اعظم واهم من اختيار الحكومة.
اما اذا قصدت انهم مجرد مقيمين لا يتمتعون بالجنسية السودانية ، فهولاء لا يتمتعون بحقوق المواطنة المنصوص عليها قانونا ويسري عليهم قانون الاجانب و المقيمين ، وبالطبع لا يحق لهم التدخل في اي شأن داخلي .. رغم انو عبارة شأن داخلي دي ذاتا بتحتاج لتأطير وتحديد دقيق ..
سلام

Quote: مجرد سؤال له ما بعده لو لقينا فرقة.

الصديق الصادق ان كان سؤالك من منظور عام فاجابتي له بسؤال
هل من حق الامريكيين من أصول سودانية التدخل في السياسة الامريكية؟؟؟
اما ان كان السؤال يحمل ملامح الماورائيات فده موضوع تاني ههههه
كل الود

بحسب تصريح قديم جدا للراحل جون قرنق
سكان السودان الاصليين هم القبائل الراطنة (نوبة الشمال والجبال والهدندوة والجنوبيين واي قبيلة اخرى العربية مالغتها الام)

أولاً كل عام وصاحب البوست وضيفه بخير
نقول
يا جماعة لو كانت المشكلة في العروبة التي هي ثقافة ولسان قبل أن تكون أصل عرقي واثني
لو كان ذلك كذلك
فمصر التي هي جارتنا واجهة من واجهات العروبة
هي أصلاً لم تكن عربية ولم يكن أهلها يتحدثون العربية
وكذلك العراق وسوريا ودول المغرب العربي
فهل ننتظر من بربر المغرب أن يطالبوا بطرد ملك المغرب من الحكم لأنه عربي الأصل و ليس بربري
وكذلك يطالب الأشوريين في العراق بطرد العرب في دولة العراق لأنهم نزحوا لها
أو يطالب السوريين من أصل نبطي وآرامي بطرد عرب سوريا من مؤسسات الحكم ومواضع اتخاذ القرار
أو يطالب الفينيقيون في لبنان بطرد العرب في لبنان من مواضع اتخاذ القرار ومن هؤلاء حسن نصره وغيره
وهكذا

وكان بتقصد الزرق الغبش ديل البعض دماؤهم عربية والأخرى نوبية أو زنجية ترجع لثماني أو سبعة قرون أو أكثر من ألف سنة
كعرب دنقلا الرطانة الذين تنازل زوي الأصول العربية منهم من اللغة العربية من أول يوم سكنوا فيه وسط النوبة أومن تزنجوا بشمسن
بلادنا الحارة في شتى اصقاع السودانأو كالجعليين الذين هم عرب نعم ولكنهم صاروا زنوجاً بفعل المناخ والاختلاط وكذلك بقية القبائل..
والجعليين سكنوا في البداية في كردفان هم وقبائل عربية أخرى لأن النوبة كانوا يسيطرون على النيل ثم في زعامة المك جموع الجعلي
سقطت دولة علوة النوبية المسيحية فدخل جموع في جبل أوليا وجعلها عاصمة للجعليين ثم بعد وفاة المك جموع بن غانم تولى الزعامة
أخوه دياب بن غانم وذهب شمالاً وجعل العاصمة شندي ...وترك جبل أوليا لأبناء أخيه الجموعية المهم السودانون كلهم أو جهلم
زنوج كان عرب وكان نوبة وكان فور وكان دا أو داك ...
فالملاوا في شنو ؟
كلنا زرق وأنا مع أن نعتز بافريقيتنا وبزنوجيتنا ....
وأن يكون كل همنا أن تنهض افريقيا السودا
وأنا مع أن يهتم شمال السودان بنهضة جنوب السودان وأمنه ورفاهيته وكذلك الشمال
وأن نخفف من اللهث وراء العروبة والعرب لأن في ذلك جلب للتخلف والفقر والضعف
و نتمسك بإسلامنا وبزرقتنا لتكون محل فخر وإعزاز وشموخ
فإن فعلنا ذلك كانت زرقتنا وثقافتنا يتمناها القاصي والداني من سكان وشعوب العالم
لأنها ستكون زرقة ملاينه نضارة وصحة وعافية بالجهد والالتحام وبالعدل وحسن النوايا والإخلاص والجد والعمل والإنتاج والإزدهار
إذا نهضنا بالسودان وبدول الجوار وبإخواننا في الزرقة والسواد
حينئذ سوف نقول نحن سودانيون قبل كل شي وبعد كل شي.
فكلنا زنوج وإن تعددت أصولنا التي لا شك قد اختلط بضعها ببعض على مدى القرون

كدي يا جماعة انتظروا الزول دا النشوف رأيو شنو
أنا مبدئياً كدي أقول لو كانوا مواطنين وعندهم جنسية تحصلوا عليها حسب القانون ..
نعم يحق لهم

مع البساطة التي يبدو عليها السؤال، إلا أنني أشك في أن الأخ الصادق يرمي لشيء آخر

السلام عليكم وكل عام وأنتم بخير يا الصادق والضيوف

الشعب السوداني الحالي هو مزيج منصهر من عدة أعراق افريقية وعربية عبر الآف السنين ..يستحيل أن تنسب أي فرع منه لأي جهة غير السودان

ثانيا اللغة وحدها لا تثبت النسب لأن اللغة شئ مكتسب ..

وخير مثال النوبيون مثل المحس وغيرهم الذين استطونوا جزيرة وتوتي ومنطقة بري ومنطقة شمبات من مئات السنين يتحدثون اللغة العربية الوسطى بدون لكنات ولا يعرفوا اللغة النوبية أطلاقا

وبالمقابل شاهدت بنفسي في شرق السودان في منطقة سنكات ووقر وأروما وهي معاقل قبائل البجا ولغتهم البداويت يوجد شايقية وجعليين استطونوا هذه المنطقة ويتحدثون لغة البداويت كما أهلها تماما

السودان مشكلته الاساسية ..
الهوية وقبول بعضنا البعض والاعتراف بالحقوق المتساوية في المواطنة وفي كل شئ

سلامات يا الصادق
سؤال البوست ذكي وفي محله

يا شباب اقروا البوست وفي بالكم ما اثير هنا عن "نيجيرية" ابوبكر
الكوز الذي حصل على اللجوء في هولندا بحنك انه ملحد الكوز الذي حصل على اللجوء في هولندا بحنك انه ملحد

"الحق في الجنسية وانعدام الجنسية:

الحق في الجنسية:
الحق في الجنسية حق من حقوق الإنسان الأساسية. وهو يعني حق كل فرد في اكتساب جنسية وتغييرها والاحتفاظ بها.

ويقضي القانون الدولي لحقوق الإنسان بأن حق الدول في أن تقرر من هم رعاياها ليس حقاً مطلقاً، وأنه يجب على الدول، بصفة خاصة، الامتثال لالتزاماتها في مجال حقوق الإنسان فيما يتعلق بمنح الجنسية والتجريد منها."

أعتقد أن السؤال الصحيح هو : كيف صنع السكان الوافدون من الجزيرة العربية قضايا السودان الداخلية..والخارجية؟
حل هذا السؤال،قد يفضي لحلول أخرى حاسمة..

بل يحق لأمبيكي وحده ان يقرر في السودان ما يشاء

Quote: البلد دي اصلا بلد النوبة والباقين كلهم وافدين عليهم. منهم الوافدين من الجزيرة العربية ومنهم الوافدين من غرب افريقيا ومنهم الوافدين من البحيرات العظمى ومنهم وافدين اتراك ومغاربة وغيرهم. استقبل النوبة كل هولاء المهاجرين وتصاهروا معهم وتكونت من هذه الهجرات والمصاهرات شعب السودان. فإذا لم يحق للوافدين العربي ان يتحدثوا في قضايا البلد من باب اولى الوافدين الاخرين. تحية اجلال واكبار للكوشيين اهل البلد الاصليين والاصيلين.

النيييجري ابرويس ده برضو ناسبناو

Quote: هل يحق للسكان الوافدين من الجزيرة العربية التدخل في قضايا السودان الداخلية؟

كان جينا لكلام زي ده اي سوداني بخلاف النوبة الرطانه يلم بقجتو ويتخارج لينا منو ..لولا سعة اخلاق نوبي الشمال لما توهط الرجرجة الدهماء السودان البلد نوباوية اصلية تم غزوها بوافدين من مختلف مشارب الارض ومضاربها قريبا تعود نوبية هواها فقط وللاخرين حق المشاهدة فقط

تحية طيبة
الحبيب ناصر

العيد مبارك عليك
........

مداخلتك الفوق دي وقفت فيها كتير خصوصا في وصف من هم غير النوبة بالرجرجة والدهماء
وفي ظني تجنيت كثيرا علينا نحن (معشر الوافدين ) طبعا ده بعد اثبات وفودنا
على سبيل المثال
انتسب الى مجموعة تعرف حسب التصنيفات الغير مفيدة بانها عربية وانا شخصيا اؤمن بأني سوداني
لا تهمني جذوري ولا تهمني جذور الاخرين بقدر ما يهمني احترامهم لي واحترامي لهم وأن نكون
جميعنا تحت مظلة(دولة ) لا تفرق بيننا .مشكلتنا في هذا البلد ليست مشكلة الوافدين مع التحفظ طبعا على الوصف .
وقد قلت اعلاه في مداخلتك ستعود هذه البلد نوبية هل يعتبر ما تنشده نوع اخر من الاقصاء لكل من هو غير نوبي
وعلينا اذا اردنا البقاء هنا المشاهدة فقط مثل هذا الحديث رغم انه يعتبر نابع من لحظة انفعال غير مبررة تجاه مكونات
كثيرة اصبحت صاحبة حق اصيل في هذا البلد مثلها مثل النوبة لكنه يزيد الطين بلة (بلة تقراء حسب ما قال القذافي طيب الله ثراه)

.على مستوى ادارة الحكم نجد معظم قبائل السودان كانت مشاركة فيه قديما وحديثا فنميري لم يكن جده العباس هل كان جيد الانقاذ ولمدة
عشرة سنوات كانت ترتكز على اهل دارفور
هل كانت جيدة البشير الذي جده العباس هل كان جيد . جميعهم شيل وادي البحر مشكلتنا ليست الخلفية القبلية التي اتى منها من يحكم
او من يخطط للحكم مشكلتنا كيف نحترم ذواتنا وكيف نؤسس لدولة تسعنا كلنا فياريت حتة رجرجة ودهماء دي تشوفلها صرفة كفاية
علينا الامير توفيق طلعنا في الخطة الخرطومية رعاع
............................
بالجنبة كدي
بعد ما طلعتنا من الرجرجة والدهماء علي الخلال لو قام بعانخي تاني ما طالعين نطلع
وين ياخوي نحنا سودانيين لينا في البلد دي زينا وزي اي زول نقعد في الواطة نتفق مرحب
طقيع الحجار غير نفلق بعضنا ما منو فائدة وكفاية من فاتوا الخواجات نحنا بنجدع في بعض
اي زول يفخر بجذوره ويعتز بثقافته من غير تعدي على الاخر

و

البلد ماهل وبشيلنا كلنا

ود اسماعين .. سلام وليك فقدة .

وكل عام وانت والاسرة الحبيبة بالف خير ..

Quote: هل يحق للسكان الوافدين من الجزيرة العربية

عليك الله يا صلاح لو ما كتبت اسماء هولاء الاخوة العرب .

الجنيد
سلام عليكم
آزول والله فترنا من ضرب الصقيعة
اجيك واحد يشبكنا جدي العباس
ومن طرف يناتلك واحد تاني ويقول جلابة فاكرها نبذ
والشغلةجايطة
مفروض اي واحد يقعد في علبو ويحترم نفسو
اذا ما عجبو كمان الليرجعو لمضارب. ال عباس
او غابات افريقيا يتقردنو هناك
نحن الاصل وجارين حبل الصبر

Quote: كان جينا لكلام زي ده اي سوداني بخلاف النوبة الرطانه يلم بقجتو ويتخارج لينا منو ..لولا سعة اخلاق نوبي الشمال لما توهط الرجرجة الدهماء السودان البلد نوباوية اصلية تم غزوها بوافدين من مختلف مشارب الارض ومضاربها قريبا تعود نوبية هواها فقط وللاخرين حق المشاهدة فقط

معقول يا ناصر لكن
النوبة ليسوا وحدهم الاصيلين في البلد دي
البلد دي بلد كوش بلد متعدد الاعراق والقبائل والسحنات
عشرات القبائل تم ذكرها في نقوش ملوك كوش سوى كان في عهد نبته او مروي
البجا
الرحراح
الشاقا
الرهرس
المدجاي
البليميين
المقبارو
التروقدايت
وغيرهم وغيرهم

.