Post: #1 Title: يا حكومة إعادة توطيـن بدون الخليـج بالسودان يآخ .. Author: HAIDER ALZAIN Date: 07-13-2016, 08:25 AM Parent: #0
08:25 AM July, 13 2016 سودانيز اون لاين HAIDER ALZAIN- مكتبتى رابط مختصرعلى أرض الخليج العربي يعيش "البدون" عديمو الجنسية..والغالبية العظمى منهم يتيهون في دولة الكويت التي تضم نحو 120 ألفا من هؤلاء "البدون"، غير أن جذور المشكلة ترجع إلى بداية تشكل الدولة الحديثة بعد الحرب العالمية الثانية، مع نشأة قوانين التجنيس. وبرزت المشكلة لأسباب عديدة، اختلط فيها المذهبي مع القومي مع الأمني، في ظل معاناة حقيقية متعلقة بالحق في التوظيف بمؤسسات الدولة، والحق في الحصول على الوثائق الثبوتية كعقود الميلاد والزواج والطلاق والوفاة، والبطاقات المدنية، والحق في التنقل بحرية داخل البلاد، والحق في السفر، والحق في التعليم لأبنائهم والحق في الرعاية الصحية. في الكويت تبلغ نسبة "البدون" نحو 93 ألف شخص، أما الإمارات فنحو 20 ألف شخص، فيما تبلغ نسبتهم في قطر من 1200 إلى 1300 شخصا، وفي السعودية يقد عددهم نحو 70 ألفاً ، بينما يبلغ مجموع البدون في دول الخليج حوالي 184 ألفا، بحسب إحصائيات مفوضية الأمم المتحدة لشؤون اللاجئين عام 2009.
ــــــــــــــــــــ..تسعي بعض الدول الأفريقية لمد يدها وإنتشال هؤلاء البؤساء من مآسيهم ومنحهم الأمل في أرض وهوية ..وذلك بموجب صفقات .. على الحكومة السودانية التفكير في الدخول في هذه المناقصات والصفقات بجدية وسرعة لتحقيق الفائدة والربح المطلوب والكسب الانساني فالسودان شعباً ودولة حكومةً ومحكومين اهل كرم ونخوة وعطاء ولهم باااااع طويل في الترحيب بالضيوف والقادمين وابناء السبيل ويمكن تتمولص عرايا عشان يلبسوا الضيف عادات متوارثة من الجدود هذا بالتأكيد اضافة للفائدة المادية. فحكومات الكويت وعموم الخليج لن تستكثر ان تدفع 10000 دولار " عشرة الاف دولار عداً ونقداً وللبدوني الواحد " فاذا حسبنا المبلغ مقابل 184 الف فستون الحصة والنصيب اربح وافيد من بيع الفداديين واراضي الناس للخلايجة.. لذلك هو كمشروع استثماري يا حكومة انجع ونجح من بيع اراضي ومشاريع نهر النيل الزراعية للخليجيين بمبالغ ضئيلة .. وكل شئ يهون ولا الأرض فأقترح على الاخوة في الحكومة توفيــر الأراضي الزراعية ابدل بيعها رخيصة واستجلاب " سادة " لهذه الاراضي .. والحسبة لو حسبتوها صاح بكون اوفر كذا عصفور وكذا زرزور بحجر واحديآخي غير القروش بس حكاية انهم عرب لونهم ابيض ما ي بريمة دي براها ما غاية وفائدة مرجوة لتثبيت اركان دولة اسلامية نعتز بهويتها!!
ودمتم
..
Post: #2 Title: Re: يا حكومة إعادة توطيـن بدون الخليـج بالسود Author: حيدر حسن ميرغني Date: 07-13-2016, 08:29 AM Parent: #1
سلام ياصاحب ماتكون قاصد الخوال البشوفونا بعر بعر
Post: #5 Title: Re: يا حكومة إعادة توطيـن بدون الخليـج بالسود Author: HAIDER ALZAIN Date: 07-13-2016, 08:42 AM Parent: #2
حبيبنا يا حنين
كل عام وانت بخير ..
لالا اللخوال ما قاصدننا ( نحن )
ديل قاصدين الحبش وناس تانيين
Post: #3 Title: Re: يا حكومة إعادة توطيـن بدون الخليـج بالسود Author: صبري طه Date: 07-13-2016, 08:31 AM Parent: #1
تحياتي حيدر .. وكل عام وأنتم بخير ...
Quote: يآخي غير القروش بس حكاية انهم عرب لونهم ابيض ما ي بريمة دي براها ما غاية وفائدة مرجوة لتثبيت اركان دولة اسلامية نعتز بهويتها!!
ياخي إنت جادي فيما اقتبسته لك ؟!
Post: #4 Title: Re: يا حكومة إعادة توطيـن بدون الخليـج بالسود Author: HAIDER ALZAIN Date: 07-13-2016, 08:40 AM Parent: #3
وانت بخير يا صبري طه وسلامات يا حبيب
السودان ساعي من زمن ابراهيم عبود لفتح لتثبيت هويته بمثل هذه الهجرات " المشرفة " والبترفع الرأس .. :)
مسئول حكومي كبير من اهلنا النوبة في الشمالية " نسيت اسمو " في لقاء مع بعض اهالي المنطقة ذكر انهم سعوا وتكلموا مع المصريين لتهجير كم مليون مزارع من مصر للسودان لفوائد عدة جملها في إعمار الارض وتحسين النسل .. الترابي في " ذكرياته " قال انه عرض على حسني مبارك زمن الديمقراطية فكرة قريبة من كدة وعلل ذلك بانه السودان من قديم الزمان معبر ودار للمهاجرين من شتى البقاع..
يآخ انت في دي قبل كم اسبوع سفير السودان بالرياض قال فيما معنى كلامو انه يسعى ويتشرف بأن يكون السودان حديقة السعودية الخلفية :!
لكن بالتاكيد وفي كل الاحتمالات لن تتشرف ولن تسعى الحوكمة السودانية ولا فيئة والبعض من الناس انهم يتشرفوا او يستقبلوا هؤلاء :/
بل انه حتى مجرد مد العون لهم واغاثتهم قد يؤلب البعض
شايف كيف!
Post: #6 Title: Re: يا حكومة إعادة توطيـن بدون الخليـج بالسود Author: صبري طه Date: 07-13-2016, 08:46 AM Parent: #4
Quote: مسئول حكومي كبير من اهلنا النوبة في الشمالية " نسيت اسمو " في لقاء مع بعض اهالي المنطقة ذكر انهم سعوا وتكلموا مع المصريين لتهجير كم مليون مزارع من مصر للسودان لفوائد عدة جملها في إعمار الارض وتحسين النسل
ليه نحن بقر ؟!
Quote: شايف كيف!
يا ريتني لو ما شُفت !!
Post: #7 Title: Re: يا حكومة إعادة توطيـن بدون الخليـج بالسود Author: مني عمسيب Date: 07-13-2016, 11:34 AM Parent: #6
حيدر الزين .. سلام بنكهة الشوق ..
وكل عام وكل لحظة انت والاسرة الحبيبة بالف خير ,,,
وينك يا رجل ؟
بخصوص هذا الاقتباس بخصوص اهلنا الجنوبيين :
(( بل انه حتى مجرد مد العون لهم واغاثتهم قد يؤلب البعض ))
شايف كيف! ))
جابني الشكر الجزيل علي موقفك الانساني الرجولي الكريمالشهم ...
ودمت ايها الانسان ...
والحمد لله السودان بخيرو ..مع الود والشوق .
Post: #8 Title: Re: يا حكومة إعادة توطيـن بدون الخليـج بالسود Author: Saifaldin Fadlala Date: 07-13-2016, 11:38 AM Parent: #6
سلام حيدر والله يوطنوهم الا يعملو ففينا عمايل عمايل الزنوج الامريكيين المحرررين الذين ارسلهم الرئيس الامريكي مونرو الي ليبيريا,بدل ما يتعاونو مع اهلهم الافارقة ويرقوهم طغو وتكبرو عليهم لمن مسكو البلد وظلو حاكمين بالحديد والنار ومنهم شارلس تايلور مجرم الحرب والله كان جو ببقو زي الفلسطنيين الاستضافوم نميري بعد خروج المنظمة من بيروت,الافترو علي اهل شندي اسرائيل ولا المعاقيل..ياا زول دعو العربان ما دعوكم
Post: #9 Title: Re: يا حكومة إعادة توطيـن بدون الخليـج بالسود Author: MOHAMMED ELSHEIKH Date: 07-13-2016, 12:06 PM Parent: #8
انتو ما فيكم زول عارف اسلوب " حيضر"؟
Post: #10 Title: Re: يا حكومة إعادة توطيـن بدون الخليـج بالسود Author: HAIDER ALZAIN Date: 07-16-2016, 09:51 AM Parent: #9
Quote: Mohd Bk حقيقة تعداد السكان القليل جدا جدا في السودان مقارنة بمساحته احد معوقات التنمية غير ان اغلب شعبه زراعي رعوي وفعلا محتاجين نفتح الباب لهجرة لنا بس نحدد من نحتاج صرف النظر عن اللون او الهوية صناعيين مهرة حرفيين مزارعين اصحاب أموال و غيره حسب احتياجتنا دون عواطف وغيره أعجبني · رد · 13 يوليو، 2016 09:24 ص
يؤيدك جداً ..
بس حبش ونيجيريين ما عاوزين ..:(
Post: #11 Title: Re: يا حكومة إعادة توطيـن بدون الخليـج بالسود Author: ALWALEED ALSHEIKH Date: 07-16-2016, 10:05 AM Parent: #10
سلام يا حيدر و كل سنة و انت طيب و ربنا يحقق أمانيك تحياتي لك و لكل ضيوفك الكرام
Post: #12 Title: Re: يا حكومة إعادة توطيـن بدون الخليـج بالسود Author: HAIDER ALZAIN Date: 07-16-2016, 10:12 AM Parent: #11
حبيبنا ابو احمد ويحقق اماني الجميع
كل عام وانتم بخير والاهل
الود والتحايا
Post: #13 Title: Re: يا حكومة إعادة توطيـن بدون الخليـج بالسود Author: حيدر حسن ميرغني Date: 07-16-2016, 10:19 AM Parent: #11
محمد الشيخ سلام بوستات ود الزين دي تدخلها وعامل غمران عشان تساعدو في توسعة الخيال تصدق مرات قاعدة تضرب معاهو هسع البدون لو قرو البوست ده ممكن يفكروا في مصيرهم :))
Post: #14 Title: Re: يا حكومة إعادة توطيـن بدون الخليـج بالسود Author: Mahjob Abdalla Date: 07-16-2016, 11:47 AM Parent: #13
حمدا لله علي سلامة العودة و العيد مبارك بوست في الصميم
Post: #15 Title: Re: يا حكومة إعادة توطيـن بدون الخليـج بالسود Author: Ahmed Alim Date: 07-19-2016, 05:06 AM Parent: #14
Quote: فحكومات الكويت وعموم الخليج لن تستكثر ان تدفع 10000 دولار " عشرة الاف دولار عداً ونقداً وللبدوني الواحد "
ود الزين سلامات وحمدلا ع السلامة،،
باقيلك 10000 دي ما شوية على البدوني الواحد!! شكلك أخدت عمولتك من حمدان بخش البلوشي برا برا :)
فيديو الحرة يمغص ياخ!
Post: #16 Title: Re: يا حكومة إعادة توطيـن بدون الخليـج بالسود Author: Mohd Ibrahim Date: 07-19-2016, 09:44 AM Parent: #15
المشكلة السودان عرض من زمان... لكن البدون ماقبلو السودان ...
Post: #17 Title: Re: يا حكومة إعادة توطيـن بدون الخليـج بالسود Author: حامد بدري Date: 07-19-2016, 05:16 PM
كلو سنة وات طيب يازول يانيل ونخيل ومشتاقين في الانكل كالعادة كده قريبي النوبي العفين داك بتاع مصر خليو سمعت بشة قال شنو عندنا هوية مزعزعة وثقة في رقبتنا ببح انعدمت العربان كن جبتوهوم ادوهوم حميدتي عشان التعايش السلمي
Post: #18 Title: Re: يا حكومة إعادة توطيـن بدون الخليـج بالسود Author: HAIDER ALZAIN Date: 07-21-2016, 06:05 AM Parent: #17
سلامات اختنا منى عمسيب.. ولك التحية والتقدير
تحياتي وسلامي الاخ سيف الدين
Quote: والله يوطنوهم الا يعملو ففينا عمايل عمايل الزنوج الامريكيين المحرررين
ليه ما تراهو الرشايدة مؤدبين وماسكين ضل الحيطة
بس المرة دي البدون ما يودوهم الشرق.. اقترح انهم يمشو دارفور حيث الطبيعة الساحرة..! الفلسطيين ديك لا يُقاس بهم.. خلقهم ضايقة من شارون رحمه الله :)
Post: #20 Title: Re: يا حكومة إعادة توطيـن بدون الخليـج بالسود Author: HAIDER ALZAIN Date: 07-24-2016, 08:56 AM Parent: #13
Quote: هسع البدون لو قرو البوست ده ممكن يفكروا في مصيرهم :))
معاي احمد عالم دا ساعين معاهم في مفاوضات طولت مع البلوشي .. هم ما عندهم مانع لكن اخونا احمد طمعان شوية وما مراعي ظروفهم :):)
خش واسطة خير بينهم وحقك برة ..:)
الخلاصة يا حبيب نحن ولمصلحة الحكومة ومنفعتها دورنا في نجيب ناس زي ديل من وراهم كدة ايه اللي لاجئ دول متخلفة وفقيرة وهلمجرا :)
Post: #21 Title: Re: يا حكومة إعادة توطيـن بدون الخليـج بالسود Author: اخلاص عبدالرحمن المشرف Date: 07-24-2016, 09:46 AM Parent: #20
يعني بقت علي ال بدون. ،. ما يا هو ديل السوريين وطنوهم وكمان يا سلام عليهم بنضفو فينا باقي يحلبنونا ونصير من أهالي حلب
Post: #22 Title: Re: يا حكومة إعادة توطيـن بدون الخليـج بالسود Author: خالد حاكم Date: 07-25-2016, 10:39 AM Parent: #21
Quote: مسئول حكومي كبير من اهلنا النوبة في الشمالية " نسيت اسمو " في لقاء مع بعض اهالي المنطقة ذكر انهم سعوا وتكلموا مع المصريين لتهجير كم مليون مزارع من مصر للسودان لفوائد عدة جملها في
سلام يا حيدر هذا المسئول هو عبد الرحيم محمد حسين
Post: #23 Title: Re: يا حكومة إعادة توطيـن بدون الخليـج بالسود Author: HAIDER ALZAIN Date: 07-25-2016, 01:20 PM Parent: #21
Quote: يعني بقت علي ال بدون. ،. ما يا هو ديل السوريين وطنوهم وكمان يا سلام عليهم بنضفو فينا باقي يحلبنونا ونصير من أهالي حلب
السوريين مساكين و داخلين على المواطنة من باب اللاجئين يا اخلاص .. اما البدون فنحن الساعين نجيبهم في البلد دي بي حقهم وعرق جبينهم مواطنيين كاملين الاقامة بل وكفلاء كمان :)
من ناحية تانية وبمناسبة النضافة .. اساساً نحن اعتراضنا - واعتراض الحكومة وزمرتها في شنو - ؟ ما هو في استقبال المفلسين والفقراء من المهاجرين الماعندهم اضافة غير الزحمة .. عشان كدة بنقول استنضفوا الناس وجيبوا بشر نضاف وعندهم قروش .. ناس زي السوريين يضيفوا قيمة وروح ووجه حسن وكلام شووو مهضوم.. على الأقل يآخي يبهجوا اهالي الخرطوم ديل بالمشاوي الشامية والفطاير والكبة والصفايح والمكمورات والمعلاق والحويش ووووو.. بدل الوكياب والمفاريك والقراريص والكجيك والمجيك الهاردنهم بيها ناس الضهاري :) :)
فكلو زول بشبهو وناس بالسلوك والرقي دا اكيد ما حيطلبوا ليهم ناس من افريقيا الوسطي ولا من جوبا زااتو..
Post: #24 Title: Re: يا حكومة إعادة توطيـن بدون الخليـج بالسود Author: عبدالعزيز الفاضلابى Date: 07-25-2016, 06:31 PM Parent: #23
سلام ياود عمى حيضر (الفاضلابى الكنارى) ايَّاً كانت وجهة نظرك ,, فانا مع ان يكون السودان بلد منفتح على كل اجناس العالم (بلد مهاجرين) ليس لتحسين نسل ,, فنسلنا والحمد لله بخير ونسوانا مكملات السماحة وكل الخصال السمحة. لكن الهجرات المدروسة تفيد البلد وتساهم فى التخلص من اشياء سالبة اولها القبلية وماجرَّته علينا من تعالى وعنصرية. والمهاجر المختار بعناية يأتى الى البلد ومعه تجاربه ومهاراته. والتحية لكل الكنارة.
Post: #25 Title: Re: يا حكومة إعادة توطيـن بدون الخليـج بالسود Author: Ahmed Alim Date: 07-25-2016, 07:25 PM Parent: #24
Quote: معاي احمد عالم دا ساعين معاهم في مفاوضات طولت مع البلوشي .. هم ما عندهم مانع لكن اخونا احمد طمعان شوية وما مراعي ظروفهم :):)
ما وريتني يا Boss الدفعة الاولى حتنزل في ياتوا مضارب؟
Post: #26 Title: Re: يا حكومة إعادة توطيـن بدون الخليـج بالسود Author: HAIDER ALZAIN Date: 08-22-2016, 11:59 AM Parent: #25
هلت البركات .. وطلت بشائر الخير يا الفاضلابي ومساعي احمد عالم اتت اكلها :
أعلنت السلطات السودانية قبل فترة استعدادها منح جنسيتها لمسلمي بورما، ومساواتهم بالمواطنين في فرص التعليم، نظرا للظروف الإنسانية التي يمرون بها وتتطلب الوقوف معهم. خطوة إنسانية راقية ومبادرة موفقة ومشكورة من الحكومة السودانية، وجاءت متناغمة مع الظروف القاهرة التي يعيشها هؤلاء الإخوة في دول عدة؛ جراء انعدام الوثائق الثبوتية التي تحقق لهم الشعور بالاستقرار وحرية السفر والتنقل. ويبدو أن القرار أصبح حيز التنفيذ، فهناك مجموعة من البرماويين المقيمين بالمملكة استفادت من المنحة أخيرا. ما أود الوصول إليه هو أن البرماويين يُعدون من عديمي الجنسية، وحتى أولئك الذين يحملون جوازات سفر موقتة من دولٍ مجاورة لبورما، لم تعد وثائقهم صالحة للسفر -حاليًّا -بسبب إلغائها وعدم تجديدها. وتعتبر المملكة الراعي الأول لشؤون البرماويين في الداخل وقضيتهم في الخارج منذ عهد المؤسس الملك عبدالعزيز وحتى وقتنا الحاضر، في إطار سعي المملكة الدائم في تقديم صنوف الاهتمام والرعاية المستديمة للبرماويين كمقيمين دائمين في البلاد، وتذليل كافة الصعوبات أمامهم فإنه بإمكانها، وبالتزامن مع المبادرة السودانية أن تقوم بدور إنساني آخر - يصب في رصيدها الكبير والمشرف والتاريخي تجاه هذه الفئة - وذلك بالتنسيق مع دولة السودان، في سبيل تنظيم استفادة من يرغب من البرماويين المقيمين من جوازات السفر السودانية، كنوعٍ من الشراكة الرائعة في احتواء هذه الشريحة، وتسهيل وثائق التنقل والسفر أمامهم لدواعي التعليم والصحة والعمل وخلافه، كبديل لجوازات السفر الآسيوية المنتهية التي يحملها الكثيرون دون جدوى، لاسيما وأن الجيل الثاني والثالث والرابع ممن ولد ونشأ وترعرع على أراضي المملكة أصبحت لغتهم هي العربية، ويكون من المناسب جدا -بحكم الولادة والنشأة واللغة والثقافة والعادات العربية المكتسبة -ربطهم بدولة عربية مثل السودان؛ تُقدم لهم الضيافة عن بُعد. هناك أفراد معدودون يسعون لتصحيح أوضاعهم بشكل خاص، وينجحون في اكتساب جنسيات بعض الدول بطريقة أو أخرى، بحكم المعارف أو الوساطات أو القدرة المادية أو الولادة أو النشأة أو التزاوج ووشائج القربى وخلاف ذلك، ولكن الشرائح الكبرى لا يتمكنون، وظروفهم لاتسمح إن عناية المملكة - كعادتها - وكدولة تمتلك الكلمة والنفوذ والعلاقات الوطيدة لوضع حد لأحد أكبر هموم هذا الشعب، والمتمثل في انعدام وثائق المواطنة والسفر، لهي من أهم متطلبات الحال، وحله في نظري ممكن، ويُسهم في نهضة جيل كامل في شتى النواحي.
ـــــــــــــــــ نرجو من الحكومة الموقرة .. الإفصاح عن قيمة الصفقة وسعر الجواز حتى تكون معينة وهادي مرشد لنا في سعينا الدوؤب لحل ازمة جميع البدون بالخليج وحتى نفتح افقنا ونوسع مسعانا لبقية بدون العالم..!
