Post: #1
Title: ود أبرق..!!
Author: ناصر حسين محمد
Date: 07-13-2016, 08:15 AM
[FONT: courier]Courier[/FONT]
لا أذيعكم سرا ( ارتفاع طلب الفول وقتها كان عامل حاسم في إتخاذ قرار بالهجرة للخارج)
................................................
إتصال حزين من صديقي يخبرني فيه بندمه الشديد على رفضه لعرض من إحدى دول الخليج .!!
وانه الان يبحث عن فرصة اخرى وقد يقبل بعرض أقل مما رفضه
.احترت فيه وهو مازال في وظيفته القيادية تلك بسيارته الفارهة ومخصصاته المعقولة لم يتغير منها شي
وعندما سالته م الجديد الذي دعاه لاتخاذ هذا القرار
قال لي:طلب الفول بقى بخمستاشر وودابرق أختفي نهائي ..!!!
وله نظرية اوافقه عليها حول ود أبرق هذا .!!
|
Post: #2
Title: Re: ود أبرق..!!
Author: ود الباوقة
Date: 07-13-2016, 08:18 AM
Parent: #1
طلب فول بي ١٥
دا فول بي البطوة ولا شنو
ناصر كيفنك يا اخوي
|
Post: #3
Title: Re: ود أبرق..!!
Author: معاوية عبيد الصائم
Date: 07-13-2016, 08:21 AM
Parent: #2
Quote: دا فول بي البطوة ولا شنو
|
لا فول ب البتاع داك عرفتو؟
تعرف الحمت رمت بركة شيخ الصلاح يا اصنج
|
Post: #4
Title: Re: ود أبرق..!!
Author: فرح الطاهر ابو روضة
Date: 07-13-2016, 08:21 AM
Parent: #2
بق انت مالك ومال سعر الفول
كانونك وسيخك وجمرك الملهلب ما فيه مجاح لي صحن فول
ولا طعمية حتى
كسرة
ناصر كل سنة وانت طيب
|
Post: #5
Title: Re: ود أبرق..!!
Author: ناصر حسين محمد
Date: 07-13-2016, 08:23 AM
Parent: #1
معاناة تفوق الخيال
هي عبارة قد تمر بخاطرك عندما تستمع لشكاوي الاخرين
حقيقة الشعب السوداني يعاني بصورة جبارة للغاية
لدرجة مخيفة والمخيف أكثر هو تصاعد تلك المعاناة دون امل في ايقافها ناهيك عن محاولة انهائها
والمخيف أكثر انها في كل جوانب الحياة
غلاء
مرض
تدهور بيئي
تدهور اخلاقيات المجتمع
ولا يوجد إستثناء
صديقي هذا لديه مقياس حازم وحاسم لمآلات الاوضاع
وهو ودابرق ..!!
كلنا قد نكون ضجت آذاننا باصوات العصافير وقت المغرب، ضجة عالية لمئات العصافير تتجمع في شجرة واحدة وتزقزق بقوة حتى صارت تلك الاصوات جزء لا يتجزاء من المغرب
وأضحت تماما كمغيب الشمس في المغرب ( شي ثابت)
وقد يكون البعض منا لم يلاحظ إختفاء تلك الاصوات تدريجيا
حتى تحداني صديقي هذا في اخر عودة لي للسودان بان أجد ود ابرق وعشوشة مع بعض ..!!!
فعلا بحثت بل اعلنت عن جائزة في كذا قروب في الواتساب عن جائزة لمن يصور ود أبرق وعشوشة سويا
وقبل ( ناس بشة) يشهد الله كان ود ابرق ومعه عشوشة يركضان تحت اقدامنا باطمئنان تام .!!
|
Post: #6
Title: Re: ود أبرق..!!
Author: ناصر حسين محمد
Date: 07-13-2016, 08:29 AM
Parent: #5
Quote: طلب فول بي ١٥
دا فول بي البطوة ولا شنو
ناصر كيفنك يا اخوي |
ههههههههه
ايوه ومعاهو الطوة كمان .!!
الغريبة انا وقت قررت اهاجر كان عمل 4 من 1500
Quote: لا فول ب البتاع داك عرفتو؟
تعرف الحمت رمت بركة شيخ الصلاح يا اصنج |
يامواطن
شيخ عمر ياخ مابشبهم ديل
اعتبرو بجرب وحيرجع من هوى النفس .!!
Quote: بق انت مالك ومال سعر الفول
كانونك وسيخك وجمرك الملهلب ما فيه مجاح لي صحن فول
ولا طعمية حتى
كسرة
ناصر كل سنة وانت طيب |
وانت طيب يا ابورضة
بالهناء يا باوقة كانونك والفوق سيخك ..!!
|
Post: #7
Title: Re: ود أبرق..!!
Author: ناصر حسين محمد
Date: 07-13-2016, 08:33 AM
Parent: #6
صاحبي هذا تتبع بي مسيرة ود ابرق
وفعلا وجدته ووجدت اصوات العصافير تختفي تدريجيا
من الاحياء الفقيرة للمتوسطة وماشة للاحياء الغنية
اختفت في كوستي وقتها من احياء عديدة وان ظلت بعضها في حي السرايات والاندلس .!!
تزقزق بخجل في حوالي ثلاثة او اربعة مواقع
وكنت متابع معه اختفاء الاصوات بالتدريج الى ان بقى موقع واحد فقط مازال متماسكا قرب عمارة فارهة في حي الاندلس .!!
وزفّ لي مع خبر الفول بخمستاشر
خبر اختفاء اخر ود ابرق .!!
ما يعني انه نذير شؤم ..!!!
|
Post: #8
Title: Re: ود أبرق..!!
Author: ناصر حسين محمد
Date: 07-13-2016, 08:38 AM
Parent: #7
وصدق حدسه
ومقولته
بلد مافيها ود ابرق امرق خليها ..!!
عقب إختفاء ودابرق تتالت المحن والاحن
رغيف معدوم في كوستي ووقتو الظهر صار رغيفتين بجنيه
واحداث الجنوب التي بلا شك سوف تؤثر في كوستي
وإلغاء دورة تدريبة له بحجة ( مافي كاش)
وكل يوم داهية جديدة ..!!
|
|