أفضل وأجمل عشر مطربات سودانيات (تصنيف)

10:53 AM July, 12 2016 سودانيز اون لاين
سيف اليزل سعد عمر-
مكتبتى
رابط مختصر
فكرة البوست أساسا إعداد مادة باللغة الإنجليزية عن أفضل عشرة مطربات سودانيات ونشرها تحت عنوان:
Best Top Ten Sudanese Females Singers

الهدف من إعداد تلك المادة هو المساهمة، ولو بالقليل، في نشر الغناء والموسيقي السودانية...
في ظل هذا التطور التكنولوجي المتسارع وتعدد قنوات التواصل الاجتماع هناك إنفتاح علي
ثقافة الآخر و رغبة للتعرف علي منتوجهم وإبداعاتهم الموسيقية والغنائية. وجود مادة مكتوبة باللغة
الإنجليزية تساهم في التعرف علي الموسيقي والغناء السودانى..

من فترة لأخري أقابل الكثيرون من غير السودانيين و الناطقين بالعربية الذين يودون التعرف أكثر علي
السودان وفنه الموسيقي والغنائي..فقررت إعداد هذه المادة
بدات الفكرة من حوالي سنتين الا انه وبسبب بعد الاولويات والمشغوليات لم أتمكن من إنجازاها كما أريد.
وأيضا جزء من الاسباب ضياع المادة المكتوبة بسبب ضياع او تعطل الأجهزة الإليكترونية...

في الاول أعددت قائمة من المطربات علي حسب مزاجي في الإعجاب والإستماع لكن رأيت ان هذه الطريقة
ربما تكون غير منصفة او إقصائية. وبدات بالفعل باعداد المادة المكتوبة حسب مزاجي.

قررت الاحتكام لطريقة علمية شوية تكون موحدة وبسيطة رغم تعقيداتها.

إخترت واحدة من اكبر القنوات السودانية علي اليوتيوب (حوالي 103000) فديو لإجراء مقارنة بسيطة
بين عشرون مطربة سودانية من حيث اعلي ارقام للمشاهدة. الشكر لصاحب القناة وعلي مجهوده الجبار
في رفع هذه الفيديوهات.

اخترت ثلاث اغنيات لكل مطربة وتسجيل اعلي مشاهدة لأغنية قبل سنتين وقبل سنة وقبل نصف سنة.
جملة المشاهدات تمثل جملة النقاط للتصنيف المطربة...

وكانت النتيجة ادناه

(20)
في المرتبة العشرون

المطربة شموس إبراهيم

جملة النقاط 20735

(19)
المرتبة التاسعة عشر

المطربة هاجر كباشي

جملة النقاط 25647

(18)
المرتبة الثامنة عشر

المطربة آمنة حيدر

جملة النقاط 36111

سيف اليزل

انت اليومين ديل واقف من الشغل ولا شنو

مع الود

Quote: اخترت ثلاث اغنيات لكل مطربة وتسجيل اعلي مشاهدة لأغنية قبل سنتين وقبل سنة وقبل نصف سنة. جملة المشاهدات تمثل جملة النقاط للتصنيف المطربة

حبيبنا سيف اليزل
مرور على سبيل التحية والمتابعة لهذا العمل التوثيقي الجميل.
استنادك إلى عدد المشاهدات وحصر الفترة الزمانية للكليب كفيل بإعطاء التصنيف والتوثيق مزيدا من الموضوعية و المصداقية.
ومرة ثانية نقول لك : كل عام و انت والأسرة الكريمة بالف خير.


محبتي

Quote: انت اليومين ديل واقف من الشغل ولا شنو

ود الباوقة كل سنة وانت طيب

واقف في سوق واقف ده...

الايام دي في إجازة قلت ارتاح شوية....

اجازة ممتعة

وكل عام وانت بالف خير

Quote: استنادك إلى عدد المشاهدات وحصر الفترة الزمانية للكليب كفيل بإعطاء التصنيف والتوثيق مزيدا من الموضوعية و المصداقية

الصحفي الجميل الفاتح ميرغني
وانت بالف خير يا حبيب....
لو كان في زمن وإمكانيات كان ممكن إضافة موقعين زيادة عشان
تكون تقوي الإحصائية...
كنت عايز أضيف اعلي مشاهدة لأي مطربة في اي فديو خلال الستة شهور الماضية لكن ده كان سيحدث فوارق كبيرة في النتيجة...

شكرا علي تصحيح العنوان تم التعديل....
تحياتى

(17)
المرتبة السابعة عشر

البلابل

جملة النقاط 62432

سيف تحياتي و الفين سلام

شموس الاولى، شكلك بادي بالقلبة

Quote: شموس الاولى، شكلك بادي بالقلبة

الف مرحب بيك يا عبد الله...

انا بادي من المرتبة رقم عشرين وطالع لافوق....
شموس أبدعت في الفديو أعلاه. صوت وموسيقى وتصوير ومونتاج.

بصمات أستاذنا الموسيقار علي السقيد واضحة جدا...

التحية للذين وقفوا خلف هذا الفديو الشاعر صلاح حاج سعيد،
عمر القصاص، علي محمد حمدان، جهاد ميسرة والبقية....

حذف لخطأ

معذرة

(16)

المرتبة السادسة عشر

المطربة صباح عبد الله

جملة النقاط 72632

تحياتي أخ سيف اليزل سعد عمر
لو كانت المقارنة بين مطربات أمضين فترات زمنية متساوية في الآداء بين المستمعين والمشاهدين لجاءت آمنة حيدر في تقديري في القمة..

Quote: لو كانت المقارنة بين مطربات أمضين فترات زمنية متساوية في الآداء بين المستمعين والمشاهدين لجاءت آمنة حيدر في تقديري في القمة..

أتفق معاك في ذلك يا الأمين...
لأنه اساسا ال Top 10 بتم قياسها بالمبيعات..يعنى اعلي مشاهدات في أقصر وقت هي التى تحوز علي أعلي ترتيب.
طريقتي دي مسألة ال confidence فيها ضعيفة شوية ومحتاجة
لإضافة قناتي يوتيوب علي الاقل للحصول علي نتيجة الثقة تكون
فيها عالية شوية..
آمنة حيدر تجربتها حديثة في الغناء مقارنة ببعض المطربات اللي ليهن فترة طويلة في الساحة الفنية. وديل فيهن مطربات لا زال لهن وجود قوي في الساحة الفنية.

لكن اتفق معاك والقياس موجود لأداء آمنة علي اليوتيوب..

أجمل التحايا ليك و لآمنة حيدر..

سيف يا صاحبي ..
مالو بوستيك ده ضارب زي بوستي بتاع المقارنة بين آمنه حيدر ورندا

عندما ابحث عن اغنية للبلابل ..
قول لون المنقه او نور بيتنا ..
حالقاهم في اكتر من (قول 50 ) قناة يوتيوب ..
وفي كل قناة يوتيوب بكون في اكتر من (قول 5) تسجيلات ل نور بيتنا
اها من كل ديل بقوم بختار واحده بس منهم ..

عاوز اقول لو في طريقه توريك عدد مشاهدات او عدد طلبات مشاهدات البلابل في اليوتيوب .. حتلقى فرق كبير جدا بينها وبين اغلبية الفنانات الوردن والحا يردن في تصنيفك ده ..

هذا بالاضافة لمسالة طول فترة بقاء الفيديو في اليوتيوب الذكروها الزملا هنا ..

سلام يا ود المشرف..
كيف ضارب؟؟؟ ههههههه

انا اساسا أخذت قناة واحدة في اليوتيوب.
وحددت إني في القناة دي حاخد اعلي مشاهدات
لأغنية قبل سنتين وقبل سنة وقبل نص سنة...
يعنى ما نططت بين القنوات الكثيرة.قناة واحد بس.
اها كتبت اسماء المطربات وسجلت عده المشاهدات لكل
اغنية..بعداك جمعت عدد المشاهدات وكانت النتيجة مدهشة
بالنسبة لي...

لازم نلقي لينا طريقة نقيس بيها شعبية المطربين...

تابع والله حتندهش...
انا في نهاية البوست ممكن انزل لستة الأغانى والمشاهدات..
وهي اكيد بتتغير بسيط مقارنة بما سجلته بإعتبار عامل الزمن...

تابع والله نتيجة مدهشة لكن ده ياهو مزاج الشعب السودانى بالنسبة لي...

(15)

المرتبة الخامسة عشر


المطربة رماز ميرغني

جملة النقاط 78075

يا زول انا كلو يوم بدخل اليوتيوب وبسمع البلابل وانت ما عديتني لانو ما بدخل القناة القلتها دي ...

وما طيب ؟!!

Quote: يا زول انا كلو يوم بدخل اليوتيوب وبسمع البلابل وانت ما عديتني لانو ما بدخل القناة القلتها دي ...

إذا دخلت القناة المعنية فمشاهداتك بتكون إتحسبت..القنوات الثانية الثانية ما كانت مرجعيتي.

(13)

المرتبة الثالة عشر


المطربة إنصاف فتحي

جملة النقاط 129640

ياسيف غايتو انصاف مدني رقم واحد والا حنبوظ البوست ده

Quote: غايتو انصاف مدني رقم واحد والا حنبوظ البوست

ياجماعة بالله براحة ما تبوظوا لينا الحفلة دي. إنصاف مدنى قاعدة
بس بتعمل في بروفة..بنجيبها ليكم المسرح. بس هسا اسمعوا عوضية عذاب ( او عوضية عزاب)...

وجع ههههههه

(12)

المرتبة الثانية عشر

المطربة عوضية عذاب (عزاب)

جملة النقاط 162957

(11)

المرتبة الحادية عشر

المطربة شادن محمد حسين

جملة النقاط 174422

ياود سعد
تصنيفك دا زي تصنيف الفيفا ؟ ولا الاتحاد العالمي للتنس ؟
عشان نقدر نحدد النقاط

ياسيف غايتو انصاف مدني رقم واحد والا حنبوظ البوست ده

يا سيف اليزل
بنتنا شموس تستحق المرتبة الأولى فهي صوت حالم وأداء رائع
لكن نقول شنو لمعايير الجماهير
تحياتي ووافر احترامي

أمسودان الأخرى يا عمك..!!

تايم آوت..!!



هههه..
غايتو يا ايمن محمود كنت داير اتضامن معاك في حكاية انصاف ، لكن ، وللغرابة.. سيف جاب تلاتة من جملة الأصوات الفي خيالي..عشان كده قلنا الرووب..!!..لكن برضو معاك في حكاية انصاف.. بس تمرق من الأستديو شوية.. ياخي اصل الدلوكة في مجتمعات الجوامعة ، ناس كردفان ، عيبو شنو يعني؟..اصالة ما بعدها اصالة..!
المهم..
صاحبي الجميل ، عبد الرحمن ابراهيم ، من دار حامد.. جمهوري احبط في حكاية اعدام محمود محمد طه.. ثم تاه وتاه وتاه.. فعاد به الأمر بين اللاديني..الملحد.. الماركسي..وحاجات تانية حامياني..!
لاقيتو ايام الخدمة الإلزامية في مدارس ابي زبد الثانوية ( وابوزبد لمن يجهلها بلدة صغيرة محتارة.. هل هي غرب كردفان ام هي شمال كردفان..!!..من مشاهيرها.. استاذ ابتدائي كان في الحزب الشيوعي السوداني وانتحر في نواحي مدني فبكاه الشيوعيين لاحقا ، وكتب عنه عبد الله علي ابراهيم كثيرا..واخر فصيح اسمه دكتور عبد السلام نور الدين.. وسياسي اسمو بكري عديل.. في الزمن الغابر.. ركز فيها:خال فاطنة.. تسلم لي ، خال فاطنة ، يا البيدرج العاطلة..!!)..
في تلك البلدة كانت صحبتي بصديقي عبد الرحمن (خالو اسمو دكتور سليمان بلدو)..وكان يقرا درويش ( مديح الظل العالي ، وانتا ماشي) و (مريد البرغوتي: الشهوات).. وحميد (مدرسة اوسطى ، وبوسطى..الخ) ويسمع مونت كارلو..ويعلم التلاميذ والتلميذات العطاشى للمعرفة في تلك البقاع التعيسة النائية..!
وكنا نذهب لشرب الشاي..عند ستات الشاي في السوق..ولاحظت زولة.. اسمها آمنة.. كان يتحاشاها.. ثم يطلب مني ان اذهب وادس بعض المال في طرف توبها..دون ان نشرب منها كوب شاي..!!
كان يفعل ذلك ، لأنه يعرف ، انه لو ذهب اليها.. لما قبضت منه الثمن..حتى ولو كان ثمن اربعين كباية شاي.. !!
من هناك.. عرفت خلق من مخاليق امسودان اسمهم (دار حامد)..وسيظهر المعني/ المقاربة لاحقا..!!
فشنو..!
عليك الله يا سيف ، اختانا من مزاج (هنا امدرمان)..!!
امسودان واسع يا صاحب.. ولو الفكرة فيها كتابة بالإنجليزية عشان نعرض حصولنا على الآخر الثقافي والحضاري.. فشنو اخير تعيد النظر..!!
بالعكس يا الفاتح.. النقاط.. في عرف وممارسة اهل امسودان هي المعيار..ولكن في عرف الوجدان الآخر..الوجدان الحضاري الآخر.. ليست هي المعيار..!!
ويا سيف.. شكلك ماشي في سكة السر قدور 2.. وهذا شأن اربأ بك عنه.. السر قدور..مزاج محدود ويريد ان يعيد انتاج نفسو للمرة المليون..وهذا مرفوض يا صاحب.. مرفوض (ان شاء الله من باب التنوع القادننا بيها ناس محمد جلال هاشم وابكر ادم اسماعيل..!!).. السر قدور حاجة محدودة للغاية يا سيف..ولو طار او ركأ ما بيمرق من ديمتري البازار أو أي كان اسمو.. وامسودان افق مفتوح يحير خيال الشاطح في ذات نفسو..!!
يا سيف لو داير تكتب عن غنا سوداني عندو معني .. فاياك واياك من معايير السر قدور الما جايبة حقها.. !!.. عليك يا صاحب ان تسأل روحك: شنو البتوقعو مني الآخر الحضاري؟.. وصدقني الآخر الحضاري .. اخر ما يطربه غنا شموس او غيرها من اجترار هنا امدرمان بتاع السر قدور وغيرو..او الوهم الإسمو الحقيبة..!!
الناس البتصنف شموس ابراهيم.. ناس شارع لإتجاه واحد..وما عندها خيارات وتنوع.. ناس بتسمع بالعربي وبتطرب بالعربي وبترقص بالعربي..ودي الحتة الداير يجازفها السر قدور عشان يفرضها باعتبارها هي امسودان الأوحد..!!

امسودان فسيحة يا سيف.. وصدقني الفاتح وعبد الرحمن مارسوا عليك فقه تقيه بالباب العديل..!!
متذكر حكاية تيار نقد تواصل؟..
دي الفكرة القامت خلت شادن حسين تظهر بشكلها الحالي ، ذكرتنا او لم تذكرنا.. فيكفي وضوح الأثر والتعبير..وما نحن الإ صوفية عابرين في عوالم الحنين..!!
طلبنا ان تغني انصاف فتحي بلغة البداويت/البجا/البني عامر..الخ.. فكانت (ادوبي) في مهرجان اغاني واغاني 2015..رغم انف السر قدور..!!
وهكذا يا صاحب.. لو كنت مكانك.. لطرحت انصاف فتحي وهي تغني بلغة البداويت.. أولغات اهل الشرق في امسودان.. ولطلبت منها ان تعمل فيديو كليب..ولكن..!
نفس الريتم (جراري) الذي غنت به انصاف فتحي غنية (ادوبي).. غنت به امال الأبيض غنية ( الليخضر التليع).. ثم بهرت الأشياء بالملامح.. فيديو كليب متكامل..اياك ثم اياك ان تنخدع بحكاية نانسي عجاج بتاعة اندريا..!
ولو ادت انصاف فتحي غنية (ادوبي) كفيديو كليب.. لن تجد ملامح اعمق من الملامح المصاحبة لأمال ألأبيض.. ملامح الجراري..وبادية دار حامد في شمال كردفان.. اهل صاحبي عبد الرحمن ابرهيم (عبد الرحمن الشين برواية الحيكومة ، وهي شقيقة التشكيلي الطاهر بشرى..!!..والطاهر الذي يحتفظ في كنانته الخاصة بتصاوير لبنات دار حامد ، ليخرج بعدها شعراء البندر، في الخرتوم ، بحكاية مشاط كردفاني..ولا انتا نسيت غناوي سيدنا امحمد طه القدال يا سيف..!!)
حتى الآن يا سيف.. قاعد تجيب الأصوات السوبرانو.. ومتجاهل الباص..يعني لمن تمرق في ناس (مريم أمو) ، (زهري مان) ، ( حنان النيل ) ، (رشا شيخ الدين) ، (آسيا مدني) ح تعرف حاجة وحاجات كمان..!
فشنو..
الحكاية مش صوت ومظاهر بهرجة.. الحكاية عمق ثقافي بعيد المرامي.. وما قدمت محتاج شغل كتير ..شغل كتير يا عمك.. والإ خليك في معايير السر قدور..وكون محلي خالص.,محلي خالص.. في حدود (هنا امدرمان ) وبس..!
واحد سوداني جميل ، شاف مشاركة فناني امسودان احتفالات استقلال ارتريا ، والمشاركة كانت من قبل اسيادي في الجمال والمحبة والصفاء (عمنا الجميل ابراهيم خوجلي ، استاذنا العظيم امحمد البدري ، استاذنا عماد احمد الطيب ، الفنانة الجميلة امنية ابراهيم ، وكان رباعهم يغني تضامنا مع اهل ارتريا في عيد استقلالهم ، غنية ريتا.. ارتريا العظيم محمد مدني.. ارتريا اسمرا ، الهاي لاند.. التي زراها زمااااااااااااااااااااااااان.. الحاج محمد احمد سرور طيب الله ثراه..!) فقال صاحبنا المعلق الجميل: قال الموسيقار محمد الأمين: لو غني محمد البدري بالعربي..ناس كتيرة ح تتضاير زي الترتيب..!!
كل الحب لأستاذنا فنان الشرق العظيم محمد البدري.. ونطلب منه بكل محبة.. ان يشرف على فيديو كليب للشابة انصاف فتحي وهي تغني (ادوبي).. ويا استاذ محمد.. لو داير ابل وشبرية.. على بالحلال نوفرها ليك في شمال كردفان زي الترتيب (خلي بالك يا استاذ انا بقاري.. والأبالة ديل بنجيبهم ليك بالمحبة ساكت..!!..بس انتا أأمر يا صديقنا..)
كبر (اضيف شنو ولا شنو يا سيف؟)

المطربة أمال الأبيض..(الليخيدر التليع) ، جراري.. خلوا بالكم من البيئة المصاحبة للفيديو كليب..!!





وهنا المطربة انصاف فتحي (ادوبي) بلغة البدوايت/البجا من شرق السودان..الريتم جراري برضك.. والسؤال الثقافي: ليه زولة من شرق السودان تغني بنفس الريتم والمعاني كما تغني زول في غرب السودان؟.. هذه هي الوجوه التي يجب ان نباهي بها امام العالم..!!







كبر

Quote: بنتنا شموس تستحق المرتبة الأولى

صباح الخير علي كل الناس المتابعين....

يا جعفر
شموس لها أداء جميل ورائع ولو بيدي اضعها وكل مطرباتى المفضلات في أعلي مرتبة....انا فقط حاولت اقرأ مشاهدات
الناس ومحاولة تلخيصها وربما البداية في التفكر ماذا يشاهد الناس؟ وماذا يفضلون؟ لقيت في فرق كبير في فيديوهات حفلات
عامة وحفلات خاصة...واغانى فردية واغانى الدويتو والأغنية المصورة وغيرها....

لك أجمل التحايا...

Quote: تصنيفك دا زي تصنيف الفيفا ؟ ولا الاتحاد العالمي للتنس ؟

صباح الخير يا احمد يس

بشبهم بس بدينا من رقم عشرين..بس في تصنيفي الجمهور هو الذي يحدد النقاط...

أخونا كبر...
شكرا علي المداخلة...
مداخله ثمنية ومتشعبة وأثارت قضايا
كثيرة جدا تحتاج لشوية زمن..

البوست يا دااب في نصه...
خلينى أتمه وأرجع ليك بالتفصيل.

(10)

المرتبة العاشرة

المطربة ميادة قمر الدين

جملة النقاط 175887

Maiada Gamar Aldin. (The Queen of Tambourine)

Her first appearance was in (Stars of Future) on a TV show in Blue Nile TV in 2012. Maiada’s style is very special as a female singer. She challenged the dominating masculinity of Haqiba songs of central Sudan and the first female singer to use the tambourine during her performance. Her first album "Girls chat" was unique as the first female singer applying the traditional style of Haqiba songs by using drums instruments only (Darabuka, Bongos and tambourine). But she combines this style with the traditional (girls songs). She has a couple of songs like (ya Ghazali = my deer) and (ma bitgona؟ = will not come us؟) Using a female chorus.

(9)

المرتبة التاسعة

المطربة أفراح عصام

جملة النقاط 190222

غايتو يا سيف اليزل ..اذا رقم واحد ما بت عجاج..بوستيك ده
حيبوظ ساكت...ورقم اتنين اذا ما الفي بالي ..يكون التصنيف
بتاعك ده فيه حاجة غلط...
وكل سنة وانت طيب..

Quote: اذا رقم واحد ما بت عجاج

أنا البوست ده أخير أتخارج منه بسرعة قبل ما يبوظ...ههههه

لكن بالجد رقم إثنين يا ها ألفي بالك...

وانتي بالف خير يا بسمات الشيخ...

(8)

المرتبة الثامنة

المطربة نسرين هندي

جملة النقاط 210050

(7)

المرتبة السابعة

المطربة إنصاف مدنى


جملة النقاط 214835


Insaf Medani (The Queen of Daloka)

Currently she is one of the Sudanese females singers dominating the scene and believed to be the Queen of (Aghani al-banat) which means "girls songs", a sort of urban genderdized music. She successfully managed to amass thousands of fans by combing girls and hamasa (enthusiasm songs). Hamasa songs solely praise men by describing their power, wealth, braveness, masculinity, generosity etc. She also known to be the (Queen of the daloka), a locally made single drum used in Aghani al-banat and hamasa songs. But she also performs using modern musical instruments. Her songs represents at typical tom-tom girl songs describing the social and economic processes or changes in the Sudanese society. Her songs are communicated to her fans through colorful toubs (Sudanese women wear), well decorated hena and body language while singing.

ياريت ندي نظرة للمظاليم كمان
أمثال الزول الرائعة دي



تحياتي سيف اليزل

ياريت ما نكون خرجنا من النص

سلام محمد البصير
بفتكر في الغناء ده مافي مظاليم ولا حاجة. كل زول يقدم ما عنده ويخلي الجماهير تحكم.
أهم حاجة المواصلة والتطور والإجتهاد في تقديم الأفضل..
واحدة من الأصوات التى أستمع ليها من مرة لمرة الفديو أدناه لشذي عبد الله والتى إختفت بعد هذا الأداء الجميل.
إغنية الراحل وردي "عصافير الخريف" مفروض يختوها لكل فنان لإجازة إمتحان الصوت
كنت أتمنى أسمع إغنية "مرت الأيام" بصوت شذي لكن للأسف شذي إختفت.

(6)

المرتبة السادسة

المطربة هدي عربي

جملة النقاط 248606

(5)

المرتبة الخامسة

المطربة فاطمة عمر

جملة النقاط 357120

Quote: سلام محمد البصير بفتكر في الغناء ده مافي مظاليم ولا حاجة. كل زول يقدم ما عنده ويخلي الجماهير تحكم. أهم حاجة المواصلة والتطور والإجتهاد في تقديم الأفضل.. واحدة من الأصوات التى أستمع ليها من مرة لمرة الفديو أدناه لشذي عبد الله والتى إختفت بعد هذا الأداء الجميل. إغنية الراحل وردي "عصافير الخريف" مفروض يختوها لكل فنان لإجازة إمتحان الصوت كنت أتمنى أسمع إغنية "مرت الأيام" بصوت شذي لكن للأسف شذي إختفت.

أهلين الأخ سيف اليزل

الظلم الذي أقصده في أتاحة فرص الظهور في القنوات الفضائية
فهى لم تشذ عن إجماع الفوضى الضاربة بأطنابها كل مناحي الحياة في السودان
غياب العدل جعل أصوات نشاذ مثل أفراح عصام تنال فرص أكثر من قامة بحجم شرحبيل أحمد أو الهادي حامد
و مواهب صاحبة حضور كبير بحجم حيدر بورتسودان أو فيصل عبد اللطيف يطويها النسيان
فرص الظهور في وسائل الإعلام تفرضها الواسطة ، و العلاقات

مع خالص التقدير
وأختلاف الرائ لا يفسد للود قضية

خلي مقياسك منو البجيب الجماهير في الحفلات المسرحية وديل البلابل
وخلي مقياسك العطاء الفني وديل البلابل
اليوتيوب مقياس للشباب ولكن جمهور البلابل ده لو خش اليوتيوب
ما تعدش
تحياتي

Quote: الظلم الذي أقصده في أتاحة فرص الظهور في القنوات الفضائية

أسعد الله صباحكم بكل بخير...

مرحب محمد البصير...
بالطبع واكيد إنه إختلاف الرأي لا يفسد للود قضية...
علي المستوي الشخصي عندى ود وحب كبير لأعضاء هذا البورد
مهما اختلف الرأي ووجهات النظر...
فرص ناس (الكَفَر والوتَر) ديل دائما ضيقة للظهور...ياما في مطربين ومطربات ولا عبين ولاعبات مالقوا فرصة لعرض مواهبهم و إمكانياتهم. ومرات في ناس بلقوا الفرصة دي وبتضح ليهم انهم ماعندهم مؤهلات كافية عشان يواصلوا في الطريق ده.

انا بفتكر إنه القنوات الفضائية دي ما هي الحتة الوحيدة الممكن تظهر فيها المواهب الجديدة. ممكن تكون واحد من الوسائل أو الطرق. لكن ماهي الحتة الوحيدة. احتمال الكلام ده كان زمان لمن كان الراديو والتلفزيون هم محل الشهرة والإنتشار.

ولك أجمل التحايا والود...

Quote: اليوتيوب مقياس للشباب ولكن جمهور البلابل ده لو خش اليوتيوب ما تعدش

والشباب دائما هم الشريحة السكانية الأكبر في الهرم السكاني..

جماهير البلابل ديل قول ليهم ادخلوا اليوتيوب وإستمتعوا بأغانى السبعينيات الخالدة...

أجمل التحايا أستاذنا الموصلي....

تحية طيبة

الحبيب سيف اليزل

العيد مبارك عليك


.............

بالنسبة للشباب
غايتو بعد جبت صباح الصبوحه وشادن
صنف ساي تاني
ياخ ديل صوت وصورة تبارك الله

اما ناس افراح وفاطمة يلعبن في الليق

بالله الأسماء دي كلها بتغني عندنا؟
أنا كنت عارف إني ما متابع، لكن إتضح إني بره الشبكة تماماً

لكن يا سيف جابني العنوان:

Quote: أفضل وأجمل عشر مطربات سودانيات (تصنيف)

حكاية (أجمل) دي ما موفقة ياخ. مع إنو واضح هي في العنوان بس وليس في التصنيف.

تحياتي

Quote: إخترت واحدة من اكبر القنوات السودانية علي اليوتيوب (حوالي 103000) فديو لإجراء مقارنة بسيطة

يا سيف غايتو إذا اعتمدت على حساب Madeboo حتواجه مشكلة وهي أنّ هذا الحساب لا يضم أي أغنية للفنانة المُبدعة عافية حسن حسب بحثي عن الاسم "عافية حسن" في فيديوهات الحساب !!

فما قولك ؟




ــــــــــ
ملحوظة:
حساب sympatic000 يحتوي على 168,002 فيديو أي أنّ فيديوهاته أكبر في عدد الفيديوهات من حساب Madeboo



ــــــــــ

عدد المشاهدات لفيديو عافية حسن لأغنية "يا حنين" على حساب sympatic000 =

478,248

(14)

المرتبة الرابعة عشر


المطربة حرم النور

جملة النقاط 110894

الاخ سيف اليزل .. وضيوفك الكرام

السلام عليكم .. وكل عام وانتم بخير ,,

هذا المقطع لندى القلعة ..
عدد المشاهدة وصل ال 956,647مما يجعلها في المرتبة الاولى بلا منازع ....

وعليكم السلام أخونا مجيدو .. وكل عام وأنتم بخير ...

إذاً آلية التصنيف يا سيف لم تكن سليمة فقد لا يحتوي الحساب الذي اعتمدت عليه على فيديوهات لفنانات أخريات .. والأفضل كان الاعتماد على آلية البحث حسب الاسم على اليوتيوب بشكل عام ...



ولك كل الود والتقدير ،،،

الجنيد ودحمد
وإنت بألف خير كمان

ترباس غني وقال
"في الجمال كلك مواهب
الا فيك حبيت عنادك
اصلو حب الناس مذاهب"

شادن دي بالذات إعجاب شديد وعندها مكانة خاصة عندي أنا وأخوي الكاشف الفاتح ميرغني وكمان الزميل الأمير من أمريكا. كدي شوف البوست ده علي تواشيح النبر البهيج

http://sudaneseonline.com/board/480/msg/%D8%AA%D9%88%D8%A7%D8%B4%D9%8A%D8%AD-%D8%A7%D9%84%D9%86%D8%A8%D8%B1-%D8%A7%D9%84%D8%A8%D9%87%D9%8A%D...%88)-1425201118.html

(4)

المرتبة الرابعة

المطربة نانسي عجاج

جملة النقاط 799336

Nancy Ajaj

Nancy was born in a musical family. Her late father Baderldin Ajaj was a famous keyboard player and musician who contributed allot to development of the Sudanese music. Her younger sister is also a singer. Her father migrated to the Netherland in 1997 when she was 18 years old. She started her musical career in the Netherland and today she is one of the top Sudanese pop singers with three albums (Sehr Al Nagam’, ‘Refga’, and ‘Moja’) and around 35 songs. Migration shaped her life while she lived in the Netherlands, Canada and the UAE, but has now officially settled back in Sudan.
Rima Alsammare wrote: “A guitar plays with soft Andalusian influences. Then a flute joins in with an equally gentle melody. The camera pans across the Nubian pyramids in Meroë, an ancient site near Khartoum, before Nancy Ajaj – Sudan’s favorite singer – takes centre screen. With kohl around her eyes, a keffiyeh around her neck and magenta hair framing her angular face, her voice, hitting the soprano notes she’s known for, seamlessly flows into the music”. This is Nancy Sudan’s favorite pop star.

To Listen to some of her songs visit:
http://www.ournia.co/en/artist/nancy-agag
To visit her profile on Facebook:
http://http://www.facebook.com/SUDAN-نانسي-AGAG-عجاج-NANCY-سودان-292139390813073/homewww.facebook.com/SUDAN-نانسي-AGAG-عجاج-NANCY-سودان-292139390813073/home

To follow her on twitter click her:
https://twitter.com/nancyagaghttps://twitter.com/nancyagag
Rima Alsammare. Brownbook: http://brownbook.me/nancy-ajaj-2/http://brownbook.me/nancy-ajaj-2/

سيف اليزل

تجدني في غاية الالم لخلو القائمة من المطربة

مريم دردوق

وشكرا

المرتبة الأولي

المطربة ندي القلعة
( الجعلية )

،،،،،،،







عزالدين عباس الفحل
ابوظبي

المرتبة الأولي

المطربة ندي القلعة
( الجعلية )

،،،،،،،







عزالدين عباس الفحل
ابوظبي

أجمل كيف يعني؟؟؟

بدل افضل 10 مطربات يمكن أن نقول أفضل 10 أغاني سودانية
ومن الجنسين

ويمكن ان تتجدد القائمة بصورة دورية كل حين واخر حسب المنهج الذي اتبغته

Quote: المرتبة الأولي المطربة ندي القلعة ( الجعلية )

سلام يالفحل

جعليتها دي في مواقف تانية بتتنكر

Quote: بالله الأسماء دي كلها بتغني عندنا؟

تصدق يا أبو الريش!!!؟
في قدرهن تانى حوالي ثلاث مرات كده..
إيمان لندن، وسميرة دنيا، وعافية حسن، وآمال النور، عابدة الشيخ
ومونيكا روبرت، وحنان بلوبلو، ووجدان بحري، وزبيدة الإنقاذ، وسمية حسن والقائمة تطول من مطربات السودان.

موضوع الجمال ده بنرد عليهو في مداخلة تانية. شايف إنطرح كمان من إثنين من الزملاء...

Quote: يا سيف غايتو إذا اعتمدت على حساب Madeboo حتواجه مشكلة وهي أنّ هذا الحساب لا يضم أي أغنية للفنانة المُبدعة عافية حسن حسب بحثي عن الاسم "عافية حسن" في فيديوهات الحساب !! فما قولك ؟ ــــــــــ ملحوظة: حساب sympatic000 يحتوي على 168,002 فيديو أي أنّ فيديوهاته أكبر في عدد الفيديوهات من حساب Madeboo

أول حاجة أحيك يا صبري علي المداخلة دي وعلي السؤال؟
طمنتنى لمن سألت.لأنه أنا اساسا ما كتبت إسم القناة عشان ألقي سؤال في الحتة دي..الموقع هو فعلا لماديبو..
بديت بيهو التصنيف وإكتشفت فعلا ثغرة غياب بعد المطربات زي عافية حسن وإيمان لندن..
بديت في إستخدام قناة سيمباتك لكن وجدت صعوبة في عمل ماتشينج لنفس المطربة والأغنية والفترة الزمنية لقياس المشاهدات.
لو كنت إستخدمت القناتين لزادت نسبة الثقة في النتيجة. بفتكر ممكن إيجاد طريقة ثانية لإستخدام قناتين علي الأقل في إعداد تضنيف جديد بس دي دايره زمن شوية...

ده قولي يا صبري

بعدين إنت يا صبري ما قالو ليك "عافية دي لايمكن الوصول إليها حالياً"

Quote: دد المشاهدات لفيديو عافية حسن لأغنية "يا حنين" على حساب sympatic000 = 478,248

الفديو إترفع في 29 يناير 2011 فما داخل في المقارنة يا صبري.

Quote: هذا المقطع لندى القلعة .. عدد المشاهدة وصل ال 956,647مما يجعلها في المرتبة الاولى

مجيدو يا حبيب
أكيد تكون سمعت الأغنية البتقول:
"ساقيها (الندي) ورويانها ما شفتوها
الكمل صبرنا وأذانا ما شفتوها
وشفت عيوني في سيقانها ما شفتوها"

ما دايرين بخرات وكشف إمتحانات...
بعدين الفديو بتاعك قديم..عشان كده كضبا كاضب...

وإنت بالف خير وهناء وسعادة

(3)

المرتبة الثالثة

المطربة فهيمة عبدالله

جملة النقاط 799832

Quote: ( الجعلية )

الغريبة ماغنت لجدها العباس ياعزو :)))

Quote: تجدني في غاية الالم لخلو القائمة من المطربة مريم دردوق

ود الباوقة بطل الخرمجة البتعمل فيها دي!!!
بدل مريم دردوق دي إسمع إيمان لندن دي مع إنها ما في اللستة...

Iman London

1- Iman London.
One of the pretty Sudanese female pop singers. She was born in Omdurman where she was raised and completed her basic education. She migrated to London and lived there for 15 years. She started her singing career there and got to be known as Iman London. She studied business administration and moved back and settled in Sudan. Her style and performance attracted thousands of fans in UK and across central and the horn of Africa. She is very popular in Ethiopia and Chad where she conducted several concerts. Her songs are combination of modern Sudanese pop singing for love, masculinity, politics that made her one of the favorites Sudanese female singers.

يا سيف اليزل إنت فطيت رقم 14 ما جبتها بالتالي القائمة بتاعتك دي كل واحدة فيها ترجع خانة لوراء.. وتكون فهيمة رقم أربعة في القائمة..
..
ثانيا آمنة حيدر لما تغني أقول أنساك .. غير لما تؤدي أي أغنية تانية، ما زلت مصرا أنها في القمة..

حبيبنا سيف مع التحية ..
تعرف يا الحبيب حاولت أجاري البوست وأستعيد ذكريات الشباب
لكن بصراحة كلهن ظهرن عندي زي بناتي ..
يا سبحان الله .. للعمر إحكام .. وللزمان حكمه ..
واصل ..

Quote: يا سيف اليزل إنت فطيت رقم 14 ما جبتها بالتالي القائمة بتاعتك دي كل واحدة فيها ترجع خانة لوراء

الأمين عبد الرحمن
تشكر كثير لتنبيه والتصحيح. سقطت سهوا المرتبة 14. وهي للمطربة حرم النور بجملة نقاط 110894

سأقوم بإنزال مداخلة بالنتيجة في مكانها..

آمنة حيدر دارسة الغناء والموسيقي. أنا ما ظلمتها في الترتيب وربما يكون السبب هو عدم وجود فديوهات ذات مشاهدة عالية في قناة ماديبو
الثلاث أغانى الصنفت علي أساسها في قناة ماديبو هي:
سيد مجيد: 13732 (سنتين)
يا مدلل: 20292 (سنة)
عمر الهناء: 2087 (نص سنة)

جملة النقاط 36111

تشكرا كثير علي التنبيه وعلي تقيمك لأداء آمونة..

(2)

المرتبة الثانية

المطربة مكارم بشير

جملة النقاط 931238

Quote: آمنة حيدر دارسة الغناء والموسيقي. أنا ما ظلمتها في الترتيب وربما يكون السبب هو عدم وجود فديوهات ذات مشاهدة عالية في قناة ماديبو

أرجو مراجعة المعلومة أخ سيف اليزل فلا أعتقد أن آمنة حيدر دارسة موسيقى ومسرح

* لك التحية على جهدك و محاولتك التي يمكن تطويرها

* حنى الان نقبل النتيجة مع بعض الملاحظاتاو تقدر تقول نقبلها على مضض ( نحن )

* بس اوعك تقول لي هنايا جات في المركو الاول
بتكون ظلمت هنايا ديك ظلم بين ( برغم ان دا راي الجمهور ,كان تحجب النتيجة ) ههههههه

(1)

المرتبة الأولي

المطربة ندي القلعة

جملة النقاط 1204436

نبذة قصرية باللغة الإنجليزية لاحقا

الزملاء ابو الريش، نزار المبارك و أمبدة

خلونا نفرح ونشوف الجمال في خلق الله....

كل واحدة فيهن أجمل من الثانية....

سلامات سيف وزواره الأفاضل كل سنة والجميع في نعيم ..
مشكور على البوست الاحصائي الجميل ..
بما إنك اعتمدت النتيجة حسب رأي الجمهور المستخدم للنت ..
ومع الوضع في الاعتبار مداخلة الموسيقار د. الموصلي ..
حقو المختصين يكملو لينا البوست ؤ يورنا اتجاه الشريحة دي من الرأي العام مايل لياتو نوع من الموسيقي والغناء ؟
والسبب شنو خاصة وأنهم من المتابعين الواعين بثورة العصر؟

Quote: ن بصراحة كلهن ظهرن عندي زي بناتي .

الله يديك الصحة والعافية...
الغناء دائما ذكريات وأحاسيس ومشاعر....

فيهن من هن زي بناتنا وفيهن من هم زي اخواتنا...

وبعداك كل زول يشوف العلاقة من زاويتو أو عمره....

أجمل التحايا استاذ علي عبد الوهاب....

Quote: لا أعتقد أن آمنة حيدر دارسة موسيقى ومسرح

يا عبد الصمد يظهر إنه كلامك صاح..شكرا للتنبيه...
في لقاء صحفي منشور قالت إنها درست حاسوب في جامعة الجزيرة.
انا افتكرت مشاركتها في كورال كلية الموسيقي والدراما يعنى إنها طالبة في الكلية....

غايتو السودان ده بقي فيهو حاجات عجيبة.....

Quote: * حنى الان نقبل النتيجة مع بعض الملاحظاتاو تقدر تقول نقبلها على مضض ( نحن ) * بس اوعك تقول لي هنايا جات في المركو الاول بتكون ظلمت هنايا ديك ظلم بين ( برغم ان دا راي الجمهور ,كان تحجب النتيجة ) ههههههه

النتيجة أدت مؤشرات كويسة لشعبية مطربات السودان...
كده الواحد ممكن يفتح بوست في بورد الإنجليزي ويقول
ديل هم قمة الغناء السودانى من الجنس اللطيف...

اها الاولي ياها كانت ألفي بالك؟؟ ههههه

تحياتى يا إحيمر.....

مكارم بشير
#1
سمع و شوف ...
......
عبدالماجد

Quote: حقو المختصين يكملو لينا البوست ؤ يورنا اتجاه الشريحة دي من الرأي العام مايل لياتو نوع من الموسيقي والغناء ؟

مرحب بمحمد علي المك
الموضوع ده شكله حساس جدا..
شاهدة وسمعت كذا مرة نقاش الموضوع ده
في القنوات الفضائية..الموضوع دائما بكون
يا حليل اغانى زمان..وزمان الأغنية بتعمل
كيف..والفنان بكون لابس كيف..وحاجات من النوع
ده..وشباب الزمن ده عندهم وجهت نظر وتجربة مختلفة تماما
لكلمات الأغنية وطريقة أدائها. في زيارة للسودان قبل سنوات
مضت إكتشفت إنه في أغانى كثيرة جدا ما مسموعة ولن تسمعها
إلا إذا بحثت عنها لكنها مرغوبة جدا وعندها جمهور كبير جدا....

معليش دي ما إجابة زول مختص بس زول بحب يتابع كل ماهو سودانى.

لك أجمل التحايا والتهاني...

حيدر حسن ميرغني ،
،،،،،





سلام أخوي حيدر ،
أسعد الله صباحكم ،
جدنا العباس كيف ما نغني ليهو ؟
ياخي الجعليين ،
ديل دائماً الأوائل في أي شئ ،
أهل الريادة ،
لا نرضي إلا بالمعالي ،
و التربع علي القمم ،
تسلم دار جعل
ألبسك الله حُلة العافية ،
أشواقي ،

،،،،،،،

Quote: الغريبة ماغنت لجدها العباس ياعزو :))) حيدر حسن ميرغني ،،،،،،،

عزالدين عباس الفحل
ابوظبي

Quote: **- اتصل بي صديق عزيز يقيم في موسكو، وطلب مني ان امده باسم وزير الاستثمار في الحكومة الحالية في الخرطوم، استغربت من سؤاله كثيرآ علي اعتبار سهولة الحصول علي الاسم مباشرة من الانترنيت دون الرجوع الي جهة !!، عندها طرأت عندي فكرة القيام باتصالات مع سودانيين يقيمون داخل السودان وخارجه، لمعرفة نسبة الذين علي دراية ومعرفة باسماء الوزراء ووزراء الدولة ال(٧٤) في الحكومة الحالية التي تشكلت قبل عام؟!!..وهكذا جاءت فكرة المقال. عدد الذين اتصلت بهم كانوا (٨٠) شخص يقيمون في ثلاثة عشر دولة هي:(السودان، المانيا، بريطانيا، روسيا، هولندا، اوكرانيا، النمسا، اليونان، ايطاليا، اسبانيا، امريكا، المجر، مصر). (ب)- ***- عنوان السؤال الذي وجه لكل واحد منهم كان:( هل تعرف اسماء وزير الاستثمار والسياحة والاعلام في الخرطوم؟!!…وايهما اكثر شهرة: هؤلاء الوزراء ام الفنانة ندي القلعة؟!!). ٢- كانت حصيلة الاتصالات كالاتي: (أ)- (٦٦) من مشاركين لم يعرفوا اسماء وزراء الاستثمار والسياحة والاعلام. (٥) من المشاركين تعرفوا فقط علي اسم وزير الاعلام الدكتور أحمد بلال عثمان. (٦) من المشاركين لم يسمعوا اصلآ بوزارة السياحة. (٣)- تعرفوا علي اسماء وزراء الاستثمار والسياحة والاعلام. (ب)- كل ال(٨٠) صديق – بلا استثناء-، الذين اتصلت بهم، اكدوا ان الفنانة ندي القلعة هي اكثر شهرة وصيت من وزراء الاستثمار والسياحة والاعلام، بل واكثر شهرة من كل الوزراء ووزراء الدولة.

يا عبد المجيد اقرأ كلام بكري الصايغ ده..
اتنشر في الراكوبة في 11 يونيو 2016

غايتو انا ما عرفت في القائمة دي كلها غير البلابل و احتمال ندي القلعة في اغنية الشريف مبسوط منها
و لو ما ختيت البلابل في المراتب الاولي و الثانية و الثالثة برضو حاخرب ليك البوست

Quote: و لو ما ختيت البلابل في المراتب الاولي و الثانية و الثالثة برضو حاخرب ليك البوست

ليييه يا محجوب ياااخ!!! ههههه

ندي دي برضو الناس مبسوطة منها شدية وطالعة في الكفر.