متى نرتاح من هم وغم الفضائيات السودانية ؟

01:31 PM July, 10 2016 سودانيز اون لاين
حسن محمد عمر-السودان
مكتبتى
رابط مختصرعيد مبارك على الجميع وكل عام وأنتم بخير / ياأخوانا الحاصل شنو ؟ ناس الفضائيات ديل جنو من ( الجن) يعنى 9أيام بالتمام والكمال قضيتها مسمر فى البيت قدام الشاشة من تصبح لامن تمسى كلها مزازيك وغنا من مغنين لم يحدث أن سمعت بهم إلا مع ظهور الفضائيات الملت البلد وكلهم صبيان الواحد فيهم ماشاء الله جضوم وشعر مسبسب وغرقان فى الكريمات لشوشتو ويفنجط لينا بعبارات غليدة ( جمهورى وجمهورى وأنا كنت وأنا قمت) الأغرب من كدة النصوص غير مفهومة او متجانسة لقيط من هنا وهناك وأسماء وكنيات من شاكلة ( أمجد المسلمية / وائل الفتيحاب / سمر الكلاكلة وهكذا ) قعدت أترحم على الفن السودانى الأصيل وأقول فى نفسى حليل أبوداوود وأحمد المصطفى ووردى وأبواللمين وكابلى وبلوم الغرب الأصيل عبدالرحمن عبدالله والعطبراوى وخوجلى عثمان وحسن عطية وإبراهيم عوض وغيره من جيل العمالقة الذين أثروا الساحة الفنية بإبداعاتهم التى لازالت ترددها الأجيال حقيقة شىء مؤسف أن تفتح هذه القنوات أبوابها وتتركها مشرعة لكل من هب ودب دون ضوابط أو إحترام للذوق العام ياأخوانا ماكل من إمتلك الأورغن مع بدلتين نسمى فنان ارحمونا شوية يافضائياتنا ودا كوم والمدائح كوم تانى والله شىء مخجل تسمع كلمات مامفهومة من شاب أو شابة بألحان مزعجة وتجد خلف المسكين صورة للكعبة المشرفة أو المسجد النبوى لزوم أن هذا الأداء مديح .. أرحمونا ياناس وبطلوا الهبل البتعملوا فيه دا . عموماً مر العيد بسلام وبعد داأحسن الواحد يشمع التلفزيون ويرتاح من الغم وكل عام وأنتم بخير

حسن إزاى الحال

والله أوافقك فى كل ما ذهبت إليه

ويبقى السؤال

من قبل رمضان ب 20 يوم مقاطع جميع القنوات السودانية

كدة مرتاح جدا بلا مرض ياخي

الاخ العزيز حسن تحياتي
العمل في قنوات فضائية أيا كانت هذه القنوات، هو عمل ابداعي و خلاق من الدرجة الاولى. هل تتوقع ذلك من شخص مؤدلج اهم ما يقوم عليه فكره هو اقصاء الآخرين. شخص يعتقد انه هو افهم الناس و أكفا الناس و أفضل الناس و كمان بيفتكر انو الله معاهو.، هل تنتظر من مثل ذلك الشخص عمل فني يشدك الى الشاشة البلورية.؟؟؟؟

الأعزاء / وليد طه / أسامة السيد / عبدالله محمد أحمد - أسعد الله أيامكم
أنا لا ألوم أولئك الشباب والذين إختاروا هذا الطريق بمحض إرادتهم نتيجة للفراغ الذى يعيشه الكثير منهم فمن أسهل االمهن فى السودان إنك تكون مغنى المشكلة تبقى فى أصحاب تلك الفضائيات ترى هل تتلعب لواسطة دورها فى نشر هذه الظاهرة ؟ فى سهرة الأمس بتلفزيون السودان أعجبنى تعليق الأستاذ الفنان / عبدالرحمن عبدالله عندما إنتقد بعض نصوص أغانى أولئك الشباب متعجباً منها وتطرق لأغنية ( حرامى القلوب التلب ) ولقى الزول يتقلب فبالله عليكم من أين أتت هذه النصوص ؟ ومن الذى أجازها . ؟ يجب أن تضع هذه القنوات حد لهذه الظاهرة خاصة أن لديها مشاهدين من خارج السودان كفانا مهازل ... شاكر لكم مشاركتكم القيمة