Post: #1
Title: تلقاها هنا .. تجيبها هنا .. تطلع هنا .. !!
Author: يحي قباني
Date: 07-03-2016, 01:54 AM
Parent: #0
00:54 AM July, 03 2016 سودانيز اون لاين
يحي قباني-فى الدنيا العجيبة
مكتبتى
رابط مختصر ده لو نيتك كانت كويسة ...
اما لو نيتك ما تمام ...
تطلع ليك هنا و هناك ...
|
Post: #2
Title: Re: تلقاها هنا .. تجيبها هنا .. تطلع هنا .. !!
Author: يحي قباني
Date: 07-03-2016, 02:41 AM
Parent: #1
اول شيء من الصباح فتحت الواتسآب اطمئن على اخواتي و اخواني لقيت الرد الظاهر قبل ما أدخل القروب
انا لله و انا اليه راجعون
قلبي قرب يقيف ...جريت فتحت القروب ...
لقيت واحدة من اخواتي كاتبة توفى بندر بن محمد بن سعود ... الخ ....
و أخوي رادي " انا لله و انا اليه راجعون "
اختي عايشة في دبي و اخوي عايش في القاهرة ...المرحوم ده علاقتهم بيهو شنو ؟
سالتها ... قالت جاتها في قروب تاني من السعودية حق صاحباتها ...
و عشان انا و اخوي اشتغلنا في السعودين قبال مليون سنة ... احتمال نكون بنعرف المرحوم ...
___________________________________________________________
فتحت قروب تاني ...لقيت النكتة دي ...
واحد سايق عجله جا وقفها جنب مجلس الوزرا جاه العسكري طاير قال ليه:ماعارف المحله دي بيجوا فيها وزرا وولاه ونواب برلمان ومسؤولين كبار ..
سيد العجله قال ليه:ما تخاف ياخ انا عامل ليها قفل
ضحت و قلته اوديها قروب تاني ...لقيتهم قاشرين بيها من امس ...سألته من وين ...
قالوا من قروب انا ما معاهم ...جيت هنا ... لقيت أبو حسين جايبها ... !!!
الكلام شكلو انتهى ولا شنو ؟
القصة بقت كت آند بيست ...
|
Post: #3
Title: Re: تلقاها هنا .. تجيبها هنا .. تطلع هنا .. !!
Author: muntasir
Date: 07-04-2016, 04:56 AM
Parent: #2
انت أحمد ربك ما جاتك تعمدت تقديم التهنئة قبل ان تبدأ عواصف الرسائل
|
Post: #4
Title: Re: تلقاها هنا .. تجيبها هنا .. تطلع هنا .. !!
Author: يحي قباني
Date: 07-04-2016, 06:01 AM
Quote:
انت أحمد ربك ما جاتك تعمدت تقديم التهنئة قبل ان تبدأ عواصف الرسائل |
الجاتك في ( دينك ) سامحتك ...
الليلة يا منتصر واحد من القروبات انبرى واحد من الشباب و قال ما دايرين نتكلم
في السياسة ... و اي حاجة بتصرفنا عن أمور دينّا...
قلت ليهو التنوع مهم ... قال لي ممكن تنوع في تعاليم الدين ...
قلت طبب ما اسهل لي امشي افتح قناة إقرأ و اريح رقبتي ...
تم الباقي انت يا منتصر ..:)
|
|