حاكمت ووازنت المسألة جيدا, بيد انها, على ما يبدو, استعصمت بالبعد عنا .. غايتو وللضمان كده الواحد يقع محل مضمون .. شايف المستنير منح ارجحية واضحة لآمنه حيدر .. والمستنير, كما هو معلوم, زول مشاتر اذن رندا .. وجدتها وجدتها وجدتها ..
ما انت شبه البترادو .. ده اسم الغنيه يا شباب ..
Post: #2 Title: Re: رندا ولا آمنه حيدر ؟!!! Author: محمد حيدر المشرف Date: 07-02-2016, 05:30 PM Parent: #1
واغنية جميلة بعيد عن اغاني واغاني ..
Post: #3 Title: Re: رندا ولا آمنه حيدر ؟!!! Author: محمد حيدر المشرف Date: 07-02-2016, 05:36 PM Parent: #1
اذا كانت للخرطوم لاءاتها الثلاث .. فلرندا اللاءات الاربعة
لا كملت الاحزان وراك لا جيتني زي ما وعدتني .. لا قلبي قادر يحب سواك .. لا في هواك انصفتني ..
Post: #4 Title: Re: رندا ولا آمنه حيدر ؟!!! Author: محمد حيدر المشرف Date: 07-02-2016, 05:53 PM Parent: #1
مع العلم انو آمنه حيدر لا يعيبها سوى ترجيح المستنير كزول بتاع ملاوزات لموازينها ..
دا بكى بتاع صيادلة يا دكتور فيه مراعاة كبيرة للنواحي الصحية بعيد عن الطرب والتطريب . أما البياطرة من صنف المستنير آخر نكتة وصلتني اليوم في الواتس .
قالوا جماعة في الخلا عندهم واحد تعب ودخل في غيبوبة ما لقوا طبيب قريب غير طبيب بيطري في إحدى المزارع . بعد ما جاء كشف للراجل وقلبه وجس النبض وقال لأصحابه . ( زولكم دا لغاية الصباح كان ما فتح تضبحوه طوالي ) ههههههههههه
Post: #7 Title: Re: رندا ولا آمنه حيدر ؟!!! Author: محمد حيدر المشرف Date: 07-02-2016, 09:07 PM Parent: #6
Quote: عيد عن الطرب والتطريب
الطربانين ليها شنو نحنا ؟! لو دايرين الطرب ما ياهنديك شرائط ابوالدواؤؤد والعطبراوي يا درديري ..
دي حاجه اسمها متعة المشاهدة وتراويح العقل التلفزيوني الرحيمه .. تحضر الغنية حضراااان .. وبعدين تنطرب داخل هذا الحضور .. انت بس باركها يا درديري ياخ
Post: #8 Title: Re: رندا ولا آمنه حيدر ؟!!! Author: محمد حيدر المشرف Date: 07-02-2016, 09:10 PM Parent: #1
لا لا ما لي درجة شن جاب لي جاب يا صادق .. ما تبالغ كمان ...
آمنه فنانة والله وحضورها ممكتاز ولا يعيبها الا ما ذكرنا
Post: #9 Title: Re: رندا ولا آمنه حيدر ؟!!! Author: أحمد محمد عمر Date: 07-02-2016, 09:17 PM Parent: #8
غايتو مكاجرة منك ساي لكن ولا في علاقة ذاتو
عليك الله كاجر لينا بعيد من أمونة
Post: #10 Title: Re: رندا ولا آمنه حيدر ؟!!! Author: عبداللطيف حسن علي Date: 07-02-2016, 09:24 PM Parent: #9
Quote: ما انت شبه البترادو
حتي لو شبه البرادو ، وين الجديد عندهم كووولهم ، نحن بس غالبانا الحيلة ساي .....
Post: #11 Title: Re: رندا ولا آمنه حيدر ؟!!! Author: sadig mirghani Date: 07-03-2016, 01:25 AM Parent: #1
شبه البرادو دي الا ندي القلعة😁😂 ابجضوم الجاي من الخرطوم
Post: #12 Title: Re: رندا ولا آمنه حيدر ؟!!! Author: عمر الفاروق عبد الله الشيخ Date: 07-03-2016, 01:31 AM Parent: #11
والله يا ود المشرف كل يغني علي ليلاه وامناه ورنداه
طيب انا بغني علي رانيا كيتن فيكم رغم انها ما غناية شديد لكن سميحا بلغة الشوايقة
Post: #13 Title: Re: رندا ولا آمنه حيدر ؟!!! Author: أحمد محمد عمر Date: 07-03-2016, 02:09 AM Parent: #12
ما حتلقى ولا مؤيد حيجوا 20 نفر يقولوا ليك امنة احسن من رندا ويجي المستنير يكتب ليك سطر واحد بس يقول ليك 20 صفر كفاك ؟
Post: #14 Title: Re: رندا ولا آمنه حيدر ؟!!! Author: سيف الدين محجوب Date: 07-03-2016, 02:11 PM Parent: #13
ود المشرف كيفنك حسب سمعي في اربعه من المشاركات في اغاني واغاني السنة دي دفعن 40 مليون عشان يشاركن ود من تحت الطربيزة طبعا لكن والله لو كنت المسئول زي رندا لو دفعت 80 مليون براها ما بخليها تمر بي شارع ابوروف قدام التلفزيون
تخريمة : عملت لي شنو في موضوع دلوكة انصاف ؟ ما لقيت غنية ( السيرة للعرضان ) شايفك طنشتني وما هببتو لي
