بمناسبة تربية الكلاب ... كنت قد كتبت من قبل ما يلي : _____________ وجود كـلـب في البيت كان من المسلمات ... لزوم الحراسة ... وكتر الحرامية وتليب البيوت ...
منذ نشأتنا ... وعينا و الكلاب في حيشانا ...
قصصي مع الكلاب لا حصر لها ..
لعل اهما كانت في سنة 1967 ..كنت ما زلت طفلا لكن لا انسي هذا الموقف علي الاطلاق ...
كنا نسكن في مدني بحكم عمل الوالد رحمه الله في وزارة الاشغال ... وكان ( بيت الحكومة ) كما كان يطلق عليه
في الحي المعروف قديما ( بالحي البريطاني ) ...كان يسكن امامنا المهندس فوراوي وزجته الانصارية البديعة السيدة اسيا الجاك ...
وجارنا الملاصق كان منزل القمندان وكان وقتها ( ابورنات ) ...
وعند تعدية الشارع الكبير كان بيت المحافظ والذي كان من قبل بيت الحاكم البريطاني ... وكان المحافظ وقتها سليمان وقيع الله ...
من الناحية التانية كان يسكن الاستاذ عبد الحي محمود ... والد الشاعر المرحوم محمد عبد الحي ... وكانت بيننا و بينهم صداقة اسرية حميمة جدا ...
كان له اخين ...فوزي ...وسعد عبد الحي الذي كان يدرس معي في مدني الشرقية و يسبقني بعامين ...
كانت والدتهم الحاجة ( عزيزة ) من اقرب الاصدقاء لوالدتنا ... وكانت تزورنا شبه يوميا ... وكان الشي المميز في زيارتها تلك ...ان لهم
( كـلـبة ) تُدعي ... ( لاتو ) ... كـلـبة بلدية ...ليس لها اصول عائلية معروفة ... كانت تضع في الحمل الواحد اكثر من 7-8 ( جريوات )
وهي علامة علي عدم تأصيل الكلــبة ...
كانت لاتو ...تتابع سيدتها في اي مشوار ... وبالتبعية كانت زيارات السيدة الفاضلة ( عزيزة ) ...ومعها الآنسة ( لاتو ) .. غير مستغربة ...
كان لنا كـلـب شبه بوليسي يدعي ( روي ) ... كان وسيما و صاحب جبرة ... وايضا كانت لنا كـلـبة وولف اسمها ( ريتا ) ...تيمنا بالممثلة العالمية ( ريتا هيوارث )
نشأت العلاقة حميمة جدا بين ( لاتو ) وبين كـلـبينا ...
واصبحت لاتو جريئة ...وباتت تبادر بالزيارات الغير مخططة لكلابنا .. واستمرت تلك الصداقة عام و نصف العام تقريبا ...
الي ان اتي ذلك اليوم ...والذي جمعنا فيه ( حاجياتنا ) هامين بالرحول الي العاصمة المثلثة حيث انتهت فترة عمل الوالد بالجزيرة المروية ...
حزمنا الحقائب .. وحملت اللواري ... وفي احد اللواري كان مُستقر الاستاذ ( روي ) و الانسة ( ريتا ) ...
كانت لاتو تنظر حزينة لذلك الوداع ... وكذا كانت اسرة الشاعر محمد عبد الحي ...
وانطلقنا الي الخرطوم ...
كانت الحصاحيصا ... محطة واستراحة هامة لكل المسافرين علي ذلك الطريق ...
وقرر الوالد وقوف الركب اولا للاطمئنان علي ان كل شي في مكانه ...ثم لشرب الشاي و القهوة ... واللقيمات الرهيبة ...
وكانت المفاجأه الكبري ...
في خلال دقائق فقط من وقوفنا ...كانت هناك كـلـبة تركض اتية ... تعبة ..منهكة ... واذا بها ( لاتو ) اتخذت القرار الشجاع
هنا قرر الوالد رفع ( لاتو ) في نفس اللوري مع اصدقائها ...
وعاشت معنا ( لاتو ) بعدها 17 عاما وتنقلت معنا من ( بحري ) فود أرو ...ثم الخرطوم الي ان ماتت ... بعد ان انجبت عشرات ( الجرويات ) ... _____________________________________________________________ وفاء قل ما تجده في الانسان ... بالاخص في هذا الزمن العجيب ...
( لاتو) هو جناح بولندا الشهير في كأس العالم لثلاث نهائيات 1974 - 1978 - 1978..
رغم أنها بحق وفية لكن يا يحيى نلت عضة من كلب أمدرماني في أيام نَحِسات هي أيام انتفاضة أبريل ، تخيل أنا ماشي في الشارع والكلب إبن الكلب باسط ذراعيه بالوصيد ماخد تعسيله قريب من باب الجراج لكن لداخل البيت ، وبهدوء قام من مرقده وجا ماشي علي عدييييل والتفت يمين شمال وأنا أحدجه بنظرة بزاوية 90 درجه ملؤها الخوف ولهنيهة قلت (صرف النظر عني) لكنه واصل خطواته الواثقةالمتئدة نحوي وقدر الله جانا عديل، قيل لنا ألا نجري إذا ما هاجمنا كلب وعلمونا ألا نرد على أي كلب ذكرا كان أم أنثى او حتى جريو، وبالطبع وبالفطره السويه الكلب كان عضاك ما بتعضيهو أيا كان ، ذكرا كان أو أنثى، فواصلت مسيري بهدوء ووجل لكنه اقترب مني وغرز نابيه في ساقي من الخلف، تحديدا في عضم الشيطان، وعاد بهدوءوثقة نفس إلى قواعده سالما ، بالطبع بعد اتصالات مكثفةأكرمني الله أن كانت حقن الدواء المضاد للسعار في مركز صحي الهجرة لأن ثلاجاته كانت تعمل بالطاقة الشمسية ، أيوا كده، سولار يا هندسه .. الرد بالسد، وكانت الحقن بالمركز هدية من السفارة الفرنسية 4 جرعات شكلها خفيف زي بريجيت باردو ونجوت من ال 21 البيقددوا بيها البطن حول السره مما يجعل شكلها كطوق النجاة بتاع الكشافه البحريه.. طبعا كان ناس الكهرباء في إضراب ضد مايو وأبوساق وأبو القاسم تسبب في انعدام التيار لأربعة أيام وكان لابد من إكمال الجرعات الأربعة جرعات.. أول يوم وبعد 24 ساعه ثم بعد 48 ساعه والأخيره booster dose بعد 4 يوم وكنت أحرص على أخذ الجرعة في موعدها خوفا من الهوهوة وأيضا ، وهذا الأهم، أن الطبيبة التي كانت تحقنها من عينة الناداهم أبوعركي ( يا تحفة حواء). زوله ظريفة جدا.. ظريفه خالص ويدها فيها بركه، أها نرجع للكلاب ، من يومها استطالت بيني وبين الكلاب حوائط ونهض ألف باب كما قال سند أيا كان نوع الكلاب، خلي بالك ، أنا جاي راجع هنا تاني ، في كلام كتير لازم ينقال.. رحم الله سليمان وقيع الله أبو أنور فقد كان رمزا في سودان الزمن الأخضر ورمزا وعميدا وركنا في أسرته الصغيرة والممتدة وشهدته في طفولتي لكن إرادة المولى شاءت أن يرحل باكرا ككل الجميلين..
يا محمد البشرى ، قالوا كان في مدافع ثيردباك في الهلال إسمه (فلان) كان بيرجع الكوره للحارس في المقص ، نظام تقريش أرض جو، قام الحارس قال للاستوبر عليك الله خلِّي راس الحربه بتاع المريخ دا وغطي لي (فلان). أها هسه خليك من حنكشة يحيى ، غطي لينا فيصل خليل دا..
Quote: رغم أنها بحق وفية لكن يا يحيى نلت عضة من كلب أمدرماني في أيام نَحِسات هي أيام انتفاضة أبريل
كلب غبيان البعضيك انت ده ...
ما شاف ناس ابوحسين و سوق القش جاييك انت ده ؟
أشك انو الكلب ده ( امدرماني ) :)
Quote: أها نرجع للكلاب ، من يومها استطالت بيني وبين الكلاب حوائط ونهض ألف باب كما قال سند أيا كان نوع الكلاب، خلي بالك ، أنا جاي راجع هنا تاني ، في كلام كتير لازم ينقال.. رحم الله سليمان وقيع الله أبو أنور فقد كان رمزا في سودان الزمن الأخضر ورمزا وعميدا وركنا في أسرته الصغيرة والممتدة وشهدته في طفولتي لكن إرادة المولى شاءت أن يرحل باكرا ككل الجميلين..
رحم الله العم و الرجل الوجيه جداً سليمان وقيع الله ...
تزاملنا انا و ابنه مجدي في الكتاب في الشرقية مدني ثم المساكن الشعبية بحري و افترقنا في السنة الثالثة كتاب و لم اسمع منه اوعنه من وقتها ...
اما الكلاب يا مولانا ... فلم يمنعني عن تربيتها هنا سوى بيوتنا المقفلة و الجو الشتوي القاتل ...
و لكني اعشق الكلاب و حتى تاريخه لا اهاب أي كلب في أي مكان فهم يعرفون من يحبهم ومن يهابهم ...
غايتو ناس قوقل ديل حقَّارين خلاس ,, بعد انتهى فيدو الكديس الفوق ده لقيت الفيدو حق ولدنا الغناى ده مع الكدايس ,, اها دى ماحقارة؟ شِن لمَّ الكدايس مع ولدنا ابـ صوتاً سمح ده؟
Quote: رغم أنها بحق وفية لكن يا يحيى نلت عضة من كلب أمدرماني في أيام نَحِسات هي أيام انتفاضة أبريل ، تخيل أنا ماشي في الشارع والكلب إبن الكلب باسط ذراعيه بالوصيد ماخد تعسيله قريب من باب الجراج لكن لداخل البيت ، وبهدوء قام من مرقده وجا ماشي علي عدييييل والتفت يمين شمال وأنا أحدجه بنظرة بزاوية 90 درجه ملؤها الخوف ولهنيهة قلت (صرف النظر عني) لكنه واصل خطواته الواثقةالمتئدة نحوي وقدر الله جانا عديل، قيل لنا ألا نجري إذا ما هاجمنا كلب وعلمونا ألا نرد على أي كلب ذكرا كان أم أنثى او حتى جريو، وبالطبع وبالفطره السويه الكلب كان عضاك ما بتعضيهو أيا كان ، ذكرا كان أو أنثى، فواصلت مسيري بهدوء ووجل لكنه اقترب مني وغرز نابيه في ساقي من الخلف، تحديدا في عضم الشيطان، وعاد بهدوءوثقة نفس إلى قواعده سالما ، بالطبع بعد اتصالات مكثفةأكرمني الله أن كانت حقن الدواء المضاد للسعار في مركز صحي الهجرة لأن ثلاجاته كانت تعمل بالطاقة الشمسية ، أيوا كده، سولار يا هندسه .. الرد بالسد، وكانت الحقن بالمركز هدية من السفارة الفرنسية 4 جرعات شكلها خفيف زي بريجيت باردو ونجوت من ال 21 البيقددوا بيها البطن حول السره مما يجعل شكلها كطوق النجاة بتاع الكشافه البحريه.. طبعا كان ناس الكهرباء في إضراب ضد مايو وأبوساق وأبو القاسم تسبب في انعدام التيار لأربعة أيام وكان لابد من إكمال الجرعات الأربعة جرعات.. أول يوم وبعد 24 ساعه ثم بعد 48 ساعه والأخيره booster dose بعد 4 يوم وكنت أحرص على أخذ الجرعة في موعدها خوفا من الهوهوة وأيضا ، وهذا الأهم، أن الطبيبة التي كانت تحقنها من عينة الناداهم أبوعركي ( يا تحفة حواء). زوله ظريفة جدا.. ظريفه خالص ويدها فيها بركه، أها نرجع للكلاب ، من يومها استطالت بيني وبين الكلاب حوائط ونهض ألف باب كما قال سند أيا كان نوع الكلاب، خلي بالك ، أنا جاي راجع هنا تاني ، في كلام كتير لازم ينقال.. رحم الله سليمان وقيع الله أبو أنور فقد كان رمزا في سودان الزمن الأخضر ورمزا وعميدا وركنا في أسرته الصغيرة والممتدة وشهدته في طفولتي لكن إرادة المولى شاءت أن يرحل باكرا ككل الجميلين..
في النهاية عاضيك كلب ....... لو كتبتها معلقة و كتبتها بماء الذهب و علقتها في كبري أم درمان من الناحية الغربية ليقرأها كل سكان أم درمان برضو عضة كلب ..... كمان صاحبك طلع حنكوش قديم ... حكمة و الله و حكاية .... ياخ إنتو لذيذين شديد لم تحكوا عن ماضيكم التليد .... قلت لي إنت من زمن لاتو أبو صلعة الكان هداف كاس العالم بـ 7 أهداف ....
دي حقيقه، كتيرين ما عندهم علاقه بأمدرمان. هسه شايلين حسها بادعائهم أنهم منها
عودة للكلاب،
قمت بزيارة مع أحد الإخوة لمقر شركة آسيوية الجنسية في أحد أحياء الخرطوم - كنت عايز أقول الراقيه لكن تذكرت أن الخرطوم لايوجد بها حي راق فهي عبارة عن كوشة كبيره - المهم، وجدت بمقر الشركه ، وفيه يسكن بعض منسوبيها ، وجدت قفصا عظيما يحتشد بالكلاب المدوعله ، بمجرد دخولنا نبحت وهوهوت فينا بأسلوب لايليق باستقبال العملاء وربما حكت عنا بهتانا وزورا واعتبرناها - حسب التقاليد - عملية إسمها (ترحبون) ، قال لهم صديقي: أصبروا ليكم يوم يا كلاب ، قلت ليهو قصدك شنو؟ قال لي البهوهووا ديل كلهم حايعملوهم باربكيو وحلل كاربه زي حِلل القطر قام بتاعت قباني..سألته: يازول انت جادي؟ قال لي الناس الداخلين ليهم ديل بياكلوا أي حاجه بتزحف أو تمشي أو تطير أو تسبح، وأردف قائلا: هسه من دخلنا المنطقه دي لاقاك كلب عامل قيلوله أو صاحي كالنعسان؟
معقول بس يا خال ....؟؟؟ كمان الكلاب بتغلط ...؟؟؟؟ الكلاب من بعد 2 كيلو بتكون عرفت الجاي منو .. تصدق و تآمن لو أبو حسين كان معاه و كان أقرب للكلب دا كان فط ليك أبو حسين و مشى لي ود حامد ....!!!! يا خال معقول الكلاب ما تفرز اللحم البقري من الضان ...؟؟؟
Quote: والله يعضي ابو حسين إلا يخلولو صرتو زي طوق النجاة بتاع القُبُطان بالـ 24 حقنة بتاعات السعر ...
يا عربي أبو حسين الكلب يلم فيه وين ...؟؟؟ الأحياء الفيها الكلاب الضالة دي ما بنمشيها زاتو ... تصدق بكتب ليك في المداخلة دي جاتني أم حسين قالت لي الغاز قطع .... عشان تعرف نفسك زول نحس ...... دي معرفة شنو دي ياخ ....
قمت بزيارة مع أحد الإخوة لمقر شركة آسيوية الجنسية في أحد أحياء الخرطوم - كنت عايز أقول الراقيه لكن تذكرت أن الخرطوم لايوجد بها حي راق فهي عبارة عن كوشة كبيره - المهم، وجدت بمقر الشركه ، وفيه يسكن بعض منسوبيها ، وجدت قفصا عظيما يحتشد بالكلاب المدوعله ، بمجرد دخولنا نبحت وهوهوت فينا بأسلوب لايليق باستقبال العملاء وربما حكت عنا بهتانا وزورا واعتبرناها - حسب التقاليد - عملية إسمها (ترحبون) ، قال لهم صديقي: أصبروا ليكم يوم يا كلاب ، قلت ليهو قصدك شنو؟ قال لي البهوهووا ديل كلهم حايعملوهم باربكيو وحلل كاربه زي حِلل القطر قام بتاعت قباني..سألته: يازول انت جادي؟ قال لي الناس الداخلين ليهم ديل بياكلوا أي حاجه بتزحف أو تمشي أو تطير أو تسبح، وأردف قائلا: هسه من دخلنا المنطقه دي لاقاك كلب عامل قيلوله أو صاحي كالنعسان؟
يا مولانا ...
لي علاقات حميمة مع اهل حلة حمد ...
اذكر تماما ايان انشاء فندق قصر الصداقة ... حلتهم كل يوم ناقص منها كلب ...
قلت ليهم مرة و الله القصة قربت على البني آدمين ...
الجماعة ديل كلابكم قربت تكمل عليهم ... كان قبلوا عليكم بياكلوكم واحد واحد و حدهم ( بركات ) في المقابر بس ...
Quote: دي حقيقه، كتيرين ما عندهم علاقه بأمدرمان. هسه شايلين حسها بادعائهم أنهم منها
صادق يا أبو أكرم .... حكمة الله الكلاب الأمدرمانية بتفرزهم و بتعضيهم كمان ..... بي مناسبة الكلاب كان عندنا كلب ينحدر من أصول ألمانية طول و جسم و هيبة مربوط بالنهار تحت شجرة الليمون ياكل ما لذ و طاب من لحوم و كبد و يأكل البطيخ ...!!!!! و لو لقى الباسطة ما بقصر فيها ...!!!!! بالليل بكون حر طليق داخل البيت حكمة الله كل ناس البيت كان رقيق معاهم إلا زول واحد كان كويس معاه و هو واعي لكن يومو اللي يكون شالع إلا يصحي ليه واحد يدخلو ...... شفته الكلب دا فاهم و واعي كيف ...؟؟؟؟؟؟
