نكتّة قديمة: بتاع التاكسي ركبت معاهو واحدة من النوع البتشوف عيونها وإنتا وراءها طفلها الشايلاهومعاها قاعد يخربش في وشها وبتاع التاكسي يراقب ساكت من المراية هي تقول للطفل: أقعد ساي يا صدام صدام أقعد ساي بتاع التاكسي: عاد لكن صدام يقعد ساي كيفن؟ الكويت مغريّة
المرأة حينما يتقوس حاجبها باندهاش ... تصير اكثر جمالاً ... ________________________________________ و الله اني رأيت المرأة التي ترى عيونها من الخلف ...
كما رأيت المرأة التي تسري دورتها الدموية على مرأى من عينيك ...
و كأنها خلقت من البلور ...
رحم الله سيد عبد العزيز حينما قال :
يا ناس انا ما معيون .. ازاي و دواي خدود وعيون _______________________________ اشجينا يا بكور ... نحن منتظرين ...
تصدق يا بكّه أمبارح القريبة دي لفتني غياب مولانا الملك قلت أكتب أسأل عنو تاني قلت خليهو بكون في اعتكاف مجيد يكفّر به آثام دخوله لمنبر سودانيز وسيعود بعد العيد
Quote: تصدق يا بكّه أمبارح القريبة دي لفتني غياب مولانا الملك قلت أكتب أسأل عنو تاني قلت خليهو بكون في اعتكاف مجيد يكفّر به
سبحان الله . يا قريبي والله البارح القريبة دي انا كنت بفكر معاك لحدي نهاية الإقتباس دا !!!...
Post: #6 Title: Re: وقوسُ حاجبها مِنْ كُلِّ ناحيةٍ: بوست هديّ� Author: أبوبكر عباس Date: 06-20-2016, 11:13 AM Parent: #5
قبل إفطار بورداب الإمارات بيومين، مشيت السوق الإيراني بدبي أجيب لي شويّة بخور من بخور السعادة. من خمطاشر سنة -مدة وجودي بدبي- ما بخلي البخور دا يكمل عندي، وأبداً ما وريت سرو لصديق أو عدو! بعد شربت الشاي السادة الخفيف بمربعات السكر، قلت لصديقي صاحب المحل أفشر عباس أديني زوادتي الشهرية من السعادة قال لي: تآمر بس يا عباس، بس لو تغيّر اسمك الأول؟ قلت ليهو: لو تديني شوالين بخور هديّة؛ بغيرو بكرّة دي
تدخل في الحوار شاب إيراني وسيم بصحبته عدد إتنين خواجة في غاية الوسامة والهندمة: اسمك الأول منو يا زول؟
Post: #7 Title: Re: وقوسُ حاجبها مِنْ كُلِّ ناحيةٍ: بوست هديّ� Author: أبوبكر عباس Date: 06-20-2016, 11:37 AM Parent: #6
قلت ليهو: أبوبكر، أبابكر، بكور، بابكر، أبكر أو بكّة الذي باركنا حوله قال لي: وكيف تغيرو بشوال بخور؟ إتّوا موش السنة ديل بتقدسوا أبوبكر وعمر؟ قلت ليهو: لكن بقدس السعادة أكتر، يا أخي، أنا سني، لكن مسخوت، إتّا عليك الله، مصدق القصص بتاعت المصاحف على أسنّة الرماح دي؟! يا أخي، الموضوع دا كلو ونسّة ساكت خلينا من شوال السعادة أديني عشرة ألف دولار، بكرة دي بغيرو فرصة أحقق أمنيتي واسمي روحي عصام ويدلعوني عصومي
Post: #8 Title: Re: وقوسُ حاجبها مِنْ كُلِّ ناحيةٍ: بوست هديّ� Author: أبوبكر عباس Date: 06-20-2016, 11:55 AM Parent: #7
قال لي: كدي تعال نعزمك ليمون بارد في كافتريا الخور ديك. شلت سعادتي في كيس وصافحت الخواجيين مصافحة تعارف الإتنين بطقطقوا العربي طقطقة شديدة وبلسان لبناني مبين مشينا شربنا الليمون وأعقبناهو بشاي سادة جابوهو لينا في كفتيرا ذهبية وكبابي سادة وبرضو بمربعات السكر الداكنة. هضربنا هضربة شديدة في الدين وبعد بقيت ماشي قالوا لي: شرفنا يوم الجمعة فطور ببرج خليفة قلت ليهم: إتّوا صائميين؟ قال لي الإيراني: حركات تراث وكدا قلت ليهو: يا ها دي ذاتها :حركة في شكل وردة" بتاعت الشيوعيين السودانيين! وأعقبت ساخرا: فطوركم دا الساعة كم؟
Post: #9 Title: Re: وقوسُ حاجبها مِنْ كُلِّ ناحيةٍ: بوست هديّ� Author: علي دفع الله Date: 06-20-2016, 12:17 PM Parent: #8
ازبك يا روحي عصام 😂😂😂 عشرة الف دولار فقط وتبيع دينك تبا لك .. انا لو وضعوا المليار دولار على يميني والمليار يورو على يساري على ان اتزحزح من سنتي لن اتزحزح .. عشرة الف دولار بس ...يا لك من فاجر ..اترضى بعرض الدنيا .. سامحك الله وجب عليك الغسل ...وترديد الشهادتين .. والله مشتهين كتابتك ازيك يا اخي
ولوا ادار لحظو اعلى جبل دكالوا ولو بسم انزل دمع السحاب ابكالوا دا كلام صوفية دا ما كلام اولاد ناسانا بي جاي قالوا لي لو سميت ولدك جعفروانت الصادق بتكون عندنا امام عديل خليعشرة الف دولار.لكن ياقول حبوبتي ماهجنقلا عليك 😂😁😂بتعملا
ونبل مقلتها ترمي به كبدي وحات الله، يا أبسن، وما طالبني حليفة، زي الإيرانية دي من الله ما خلقني ما شفت زيها!! زمان لمان لاقيت دينا خالد كنت مفتكر روحي لعبت في برشلونة مع مسي لكن لمان لاقيت دي، دينا بقت لي ميدان عقرب..
كبدي شنو القدتها سهامها؟ دي قددت جسمي كلو وغلبني أقيف وكرعيني ماتن وبردن الحمد لله ما كنت صائم بجي راجع أحكي روعة الفطور في مطعم أتموسفير في الطابق 124 ببرج خليفة في حضور بهائها وألقها وكل الكلمات الجميلة بما فيها صيرورة
Quote: يا ناس انا ما معيون .. ازاي و دواي خدود وعيون
والله، يا قبة، وما طالبني حليفة زي أبسن أنا هسع دي لو الله شالني/ أصلا ما بكون زعلان لأنو أبدا ما قصّر معاي والدواء الكايسو سيد عبد العزيز قرطعنا منو لام إدشينا
أول ما جلست جنبها: سَألْتُها الوصل بعيوني فبرتني طول الجلسة بود لا أبقى بعده حياة وعرفت ان يزيد بن معاوية قد كذب حين قال: قالتْ :لا تَغُـرَّ بِنـا من رام مِنا وِصـالاً مَـاتَ بِالكمـدِ فَكَم قَتِيلٍ لَنا بالحـبِ مـاتَ جَـوَىً من الغرامِ ، ولم يُبْـدِئ ولـم يعـدِ
Quote: قلت ليهو: أبوبكر، أبابكر، بكور، بابكر، أبكر أو بكّة الذي باركنا حوله قال لي: وكيف تغيرو بشوال بخور؟ إتّوا موش السنة ديل بتقدسوا أبوبكر وعمر؟ قلت ليهو: لكن بقدس السعادة أكتر، يا أخي، أنا سني، لكن مسخوت، إتّا عليك الله، مصدق القصص بتاعت المصاحف على أسنّة الرماح دي؟! يا أخي، الموضوع دا كلو ونسّة ساكت خلينا من شوال السعادة أديني عشرة ألف دولار، بكرة دي بغيرو فرصة أحقق أمنيتي واسمي روحي عصام ويدلعوني عصومي
ويشووك كمان كالقرابين علي نار المجوس علي قول صلاح اخو فاطنة -- تصدق يامان اسمي ده في ايران بعملوا ليهو مزار.. وممكن أعرَس بيهو 4 في اليوم
لو جيت دبي في الشتا، أمشي أركب المراكب الخشبية البتربط بين بر دبي والسوق الإيراني بديرة إشتري معاك فول سوداني، وأتا قاعد في المركب جدع الفول لفوق واحدة واحدة. بتلمّ حولك طائر النورس، وشوف الفيزكس بتاع إلتقاط النورس للفول في الهواء!! لن تنسى هذا المنظر ما حييت! بعد تنزل بهناك عاين قدامك عديل وعد سبعة دكاكين لليسار وأدخل إشتري وقية بخور سعادة. أرجع بنفس الطريقة وداعب النوارس ولو شايل مسجل بهيد فون وتسمع في مصطفى يغني: في عيونك ضجّة الشوق
