Post: #2
Title: Re: صور لبورداب الزمن الجميل.... ديل منو؟
Author: مزمل خيرى
Date: 06-19-2016, 09:38 PM
Parent: #1
ياسلام ياخ .. الف رحمة ونور على الحاج العوض المسلمى ..
الصورة التقطها بكاميرتى فى رحلة الى جبل اولياء قبل سنوات وكان موجود فى الرحلة
وهبة وامين نوتة وناذر الخليفة ومحمد عادل وميادة كمال ومعتصم الجمام ومجموعة من البورداب
لا اذكرهم ..
كانت الرحلة من تنظيم الراحل العوض المسلمى .. له الرحمة والمغفرة
الكان فى الرحلة تانى منو ياشباب زكرونا .. الكبر حصل وكدة ..
|
Post: #3
Title: Re: صور لبورداب الزمن الجميل.... ديل منو؟
Author: احمد محمد بشير
Date: 06-23-2016, 07:21 PM
Parent: #2
سلامات مزمل اخبارك
بس السبب الرئيسي لفتح البوسط هو الشخص العلى اقصى شمال الصورة
ده ممو ابوقميص بيجي مخط ده؟
والغريبة شوفت هذه الشخصية في مسسلسل طه سليمان الجديد الذي يعرض الان
والصدفة انه ممثل شخصية فنان موسيقي معروف اغترب 30 سنة وعندما عاد اصبح فنان غير معروف في الساحة
هههههههههههههههههه 
الصدفة انه انا زاتي ما عرفتو هل هو بوردابي معانا ام كان ضيف في الرحلة؟
فاليعذرني الشخص ابو قميص بيجي على شمال الصورة :)
الصورة طبعا من قوقل وبعد التقصي لقيت مصدرها البورد وعلى طوووول فتحت البوسط
الله يرحم اخونا العوض كان رجل رقم في هذا البورد
|
Post: #4
Title: Re: صور لبورداب الزمن الجميل.... ديل منو؟
Author: قسم الفضيل مضوي محمد
Date: 06-23-2016, 07:51 PM
Parent: #3
الزول اقصى يسار الصورة دي ممثل قديم جدا ومن مؤسسي فرقة الاصدقاء ...
بس اسمو منو ؟؟ ما بعرف ... هل هو عضو في البورد ؟؟؟
برضو الله اعلم ...
بجوار ابو قميص بيج دا مذيع تلفزيوني ... تقريبا اسمه محي الدين جبريل وهو عضو بالبورد ...
|
Post: #5
Title: Re: صور لبورداب الزمن الجميل.... ديل منو؟
Author: احمد محمد بشير
Date: 06-23-2016, 08:04 PM
Parent: #4
ازيييك يا قسم
وينك ووين ايامك
اييييييييوا كده زكرتني
ههههههه ا تاريهو نحن الذاكرتنا الخربت
اتذكرت فعلا هو من فرقة الاصدقاء وشخص ظريف جدا
انا غايتو بيغمى علي من الضحك لمن هو يمثل دوره في مسلسل طه سليمان
رججل مبدع
بس اسمو منو وإن هو بوردابي هنا علمي علمك
|
Post: #6
Title: Re: صور لبورداب الزمن الجميل.... ديل منو؟
Author: لؤى
Date: 06-24-2016, 00:56 AM
Parent: #5
سلامات يا أحـمد
ورمضان كريـم
دا الأُستاذ جعفر سعيد الرّيّح
تـحاياي
|
|
