Post: #1
Title: ***** الـثـــورة بالـــــــنــــــــــص *****
Author: ABUHUSSEIN
Date: 06-17-2016, 01:52 PM
12:52 PM June, 17 2016 سودانيز اون لاين
ABUHUSSEIN-السعودية الرياض
مكتبتى
رابط مختصر 
لا توجد إستيكة في هذا البوست
|
Post: #2
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-17-2016, 01:55 PM
Parent: #1
هجم النمر .....
محمود و النمر.....
قصة قديييييييييييييييييييييييييمة درسونا ليها في الإبتدائي
ناس فهموها و عملوا بيها طول عمرهم ...
و ناس عيييييييييييييييييييييييييييييييييييك ......
|
Post: #3
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-17-2016, 02:14 PM
Parent: #2
ناس الخدمة الإلزامية بجوا بي الدفارات و أي راجل بخموهو .......
غصباً عن أهلك تركب ......
|
Post: #4
Title: Re: ***** الـثـــورة بالـــــــنــــــــــص ***
Author: Hani Arabi Mohamed
Date: 06-17-2016, 02:34 PM
Parent: #3
في 1999 تم انزال دفار كامل كنت فيه من الحاج/يوسف
كنت وقتها طالباً ، ولم يسألوني بعد أن تأكدوا من وجود بطاقة طالب صادرة من الجامعة
بقيت انا ومعي عدد بسيط من الطلاب وكبار السن والنساء
ولم نعرف إلى أين أخذوا الباقين
|
Post: #5
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-17-2016, 04:22 PM
Parent: #4
يعني الشغلانية غصب يا هاني ....؟؟
عايزين يسوقو الناس و يحاربو غصبا عنهم
الغريبة الناس البسوقو في الناس ديل ما بمشوا زي كل الناس
للحرب و مرتاحيييين كمان ....
|
Post: #6
Title: Re: ***** الـثـــورة بالـــــــنــــــــــص ***
Author: محمد المسلمي
Date: 06-17-2016, 04:34 PM
Parent: #5
هجم النمر 😜😜😜😜
رجع البلد 😜😜😜😜
مظاهرات وين ووين
الان يقدل وسط اهله
اكل وذبائح وخلافه 😜😜😜
|
Post: #7
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-17-2016, 05:13 PM
Parent: #6
محمد يا مسلمي خليك مع الزمن ...
الولية مش قالت ليهم ناس يعرسوهم و ناس يدوهم كشك ..😂😂😂
|
Post: #8
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-17-2016, 05:21 PM
Parent: #7
قالو السكران يخيط في الشارع من اقصى اليمين الى اقصى الشمال
لقى بص واحد واقف قال ليهم البص دا ماشي وين ..؟؟
قالو ليه انت ماشي وين ..؟؟
قال ليهم انتو مالكم و مالي ..؟؟
يازول البص دا ماشي الثورة بالنص ..
بالله ... ؟؟؟ امشو امشو ..
طيب انت ماشي وين .. ؟؟؟
انا ماشي اي حتة غير الانتو قلتوها دي ...
😂😂😂😂😂😂😂
|
Post: #9
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-17-2016, 07:01 PM
Parent: #8
و نحن في المتوسط في مدرسة حي العرب
طلبة مدرسة الدوش طالعين مظاهرة و جو غاشيننا عشان نطلع معاهم
و قامو يضربونا بالحجارة و نحن جوه الفصول
طلع لينا المدير
عايزين تطلعوا معاهم و ل عايزين تقرو
الاغلبية قالو عايزين يقروا
فتح الباب و قال لينا طيب امشوا اطردوهم
طلعنا سكيناهم لغاية ما اتخارجو و جينا راجعين كملنا حصصنا ..
كل شي كان بي فهم و حسب الرغبة
ما كان في شي غصب
|
Post: #10
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-17-2016, 08:20 PM
Parent: #9
ثورة ابريل
لا تلفونات
لا فيس بوك
لا واتساب
و لا كل السبل المتوفرة الان
تطلع المظاهرة من اخر الثورة بالنص
كل شوية ماشين زيادة
و كل ما يصلو حتة يستقبلوهم النسوان بالزغاريد
و جرادل المويه الباردة
الناس تروى و تواصل
و دا كلو كان عن قناعة ما بالغصب .....
حليل ايام زمان وسط الحبايب و الأهل ..
|
Post: #11
Title: Re: ***** الـثـــورة بالـــــــنــــــــــص ***
Author: عبدالعزيز الفاضلابى
Date: 06-17-2016, 08:50 PM
Parent: #10
سلام ياحبيب
واحد فى بوست قبل كم يوم زهجان من ناس الحكومة فاستشهد بالآية الكريمة:
(وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ)
قلت ليهو معناة الكلام ده الناس ديل حايحكمونا لغاية يوم تشخص الابصار؟
|
Post: #12
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-17-2016, 09:17 PM
Parent: #11
😂😂😂😂😂
و عليكم السلام حبيبنا فاضلابي
زولك دا القران دا ما كتير ما لقى غير الاية دي
غايتو بالغ معانا ... 😂😂
|
Post: #13
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-17-2016, 09:26 PM
Parent: #12
اخر ايام نميري
كان بتكلم عن ازمة السكر
قال النسوان بعملن السكر حلاوة .. 😂😂
منها و مشى امريكا و هو في امريكا قالو ليهو جاطت شديد ..
ركب جا راجع نزل في القاهرة لقى البساط الاحمر مافيش ..
و حصل الحصل ...
الشعب لم يقرر بنفذ ...
بدون ما زول يغصبو ...
شعب معلم
|
Post: #14
Title: Re: ***** الـثـــورة بالـــــــنــــــــــص ***
Author: علي دفع الله
Date: 06-17-2016, 09:43 PM
Parent: #13
يعني انت من المتوسطة منفزر...
--------------------
الثورة حا تجي وحا تقلع الاوغاد طال الزمن او قصر
انت اقعد اشمت واتريق ...
اذا فيك ذرة وطنية كان على الاقل فهمت ان اي يوم وعلى رأسه هؤلاء الاوغاد خصم على الوطن والمواطن بالحسابات عدييييل ..
واذا بتقرى الحالة كويس وعارف يعني شنو تراكم احداث كنت فهمت انو كل الهبات دي بتصب في تبلور هبة كاسحة ...
والله ما بحيرني الا شخص كل كتاباتو تحبيط ليس الا ..
والله لو شفت حال الغلابة وحالتهم البؤس الفيهم وحالة الدعة والرغد الفيه هؤلاء التاافهين كان رجعت لانسانيتك بدل التريقة والطعن والغمز واللمز الاصبح ديدن حروفك ...
اتمنى انك ولو يوم واحد تكون في صف الغلابة وحلمهم باقل متطلبات الحياة الكريمة...
تحياتي
|
Post: #15
Title: Re: ***** الـثـــورة بالـــــــنــــــــــص ***
Author: مامون المعتصم أحمد
Date: 06-17-2016, 10:03 PM
Parent: #14
أبو حسين ... سلامات يا راقى
و تحيات للمارين على بوستك
كلامك صاح ياخ و الله كلو نحن شهود عيان عليهو ...
و هسع ناس على دفع الله ديل فاكريننا نحن ضد الغبش
و نحن الغبش ذاتهم ... و الله عليمك ... تامنها ديون ..
و شغل للساعة 12 بالليل ... و بنسأل الله يفرجها زى
ما فرجها قبل كدا كم مرة ... بس بعض الناس قايلين
الناس بيجيبوا الناس ... و ناسيين ... اللهم مالك الملك ...
يعنى يا تفهمها بى فهم الرفاق ... او إنت ضد الغلابى
و الغبش.. لما سيد السماء يقول ليها كونى بتكون ...
و دى في إيدوا هو براهو ... يدي البديهو و ينزع من
البنزع منو ... و ما في شى دايم لى زول ... بس
متييييين الله العليم ...
تحياتى ليك ...ياخ
|
Post: #16
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-17-2016, 11:16 PM
Parent: #15
اخونا مامون الراجل الحبوب و عليكم السلام
ليت الناس تفهم ان تحترم رأي الاخر
و تتناقش بأدب و احترام
يا تقنعني يا اقنعك
و لكن شغل كسر الرقبة دا ما مجدي و ما مثمر
و دا البخلي الناس تنفر منك حتى لو كان رأيك صحيح
تحياتي يا راجل يا طيب
|
Post: #17
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-17-2016, 11:34 PM
Parent: #16
درس بليغ جدا من لسان المحجوب له الرحمة و المغفرة
عندما قال للصحفي اللبناني
انا معارض للحكومة و لست معارضا لبلدي ...
|
Post: #18
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-18-2016, 02:03 AM
Parent: #17
استاذنا الجليل عبد العزيز عبداللطيف الله يرحمه و يغفر ليه
درسنا اللغة العربية في المتوسط
بدأنا معه الجمعية الادبية كل ثلاثاء
ادب شعر تمثيل و غناء
بدأ في بناء مسرح
تجمع التبرعات يوميا من الطلبة
و كنا نذهب للمصانع و الورش و التجار لجمع التبرعات
و البناء مستمر بدأت مظاهرات في البلد
جاء الصباح كالعادة لقى الطلبة مقفلين المدرسة و الطلبة في منتشرين فوق الفصول و مكومين الحجار و الطوب جنبهم
قال لينا شوفو تقلبو الحكومة تقلبو الدنيا ما عندي معاكم مشكلة
لكن و الله تهبشو المسرح دا اجيب لي عكاز و اجيكم ...
الراجل محترم و كلمتو مسموعة ..
رجعنا الطوب بتاع المسرح في مكانو و بدلناها بي الحجار ....
و كان درس بليغ من استاذ جليل
|
Post: #19
Title: Re: ***** الـثـــورة بالـــــــنــــــــــص ***
Author: HAYDER GASIM
Date: 06-18-2016, 02:34 AM
Parent: #17
Abuhussien تسلم,
بصراحة ... ولما عاينت العنوان, حضر إلى ذهني
مفهوم تساومي للثورة ... وذهبت لكون الثورة بالنص
تعني لزومية تغيير على شاكلة مبصورة, لكنها ليست
ثورة تنفي هذا وتصعد ذاك, و{النص} الذي إستحضرت
هو مدخلنا إلى {محاصصة }حول حكم السودان المزمع.
والمحاصصة في حال كونها مشروع وطني قيد التفاعل,
تعنى الحوار بين أهل السودان وبسط قاعدة التعافي بينهم
لأجل عيش مشترك لا بد وأن يكون
بإختصار ... تخليت أن الثورة بالنص عنت أن نلتقي
في نص الطريق العريض والشامل لسائر الملة السودانية,
بدل ترك السودان جذابا بين أطرافه القصية هنا ... وهناك
وحفظ الله بلادي
|
Post: #20
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-18-2016, 11:03 AM
Parent: #19
اخونا حيدر سلام
الاستقرار هو الغاية
لن يحدث تقدم او تنمية في البلد بدون استقرار سياسي
لن يتحقق سلام حقيقي دون استقرار سياسي ..
تحياتي و احترامي
|
Post: #21
Title: Re: ***** الـثـــورة بالـــــــنــــــــــص ***
Author: معاوية الزبير
Date: 06-18-2016, 11:32 AM
Parent: #20
وكيف يحدث الاستقرار السياسي يا ابو حسين
بل أولا ما المقصود بالاستقرار السياسي
|
Post: #22
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-18-2016, 12:04 PM
Parent: #21
حكومة مقبولة من أغلبية الشعب
أحزاب تمارس عملها بحرية و بدون أي عوائق
كيف ؟؟؟؟
جلوس الجميع و الإتفاق
|
Post: #23
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-18-2016, 07:45 PM
Parent: #22
في ابريل
قاعدين في الحوش و معانا اصحابنا بعد الغدا و بنشرب في الشاي
قلنا نعمل لينا مظاهرة
طلعنا الشارع
عندنا صاحبنا خفيف الوزن كبير الصوت
وصلنا شارع الردمية شلنا صاحبنا دا فوق و قلنا بسم الله
ستة او سبعة انفار
دخلنا جوه امبده و كل شويه العدد زايد
جينا راجعين لقينا امبده كلها في الشارع
و المظاهرة اصبحت حاجة كبيرة شديد
وصلنا لغاية العرضة قبل الأوسط لقينا ناس الشرطة لابدين لينا ..
قبل ما يصلونا شبكناهم
البنمبان سلاح نسوان
ما اشتغلو بينا و فكو فينا كم واحد و اشتغلو فينا كسر
تفرق الجميع
و دا كلو كان عن قناعة و بدون غصب
علشان كدا كانت ثورة حقيقية ناجحة
|
Post: #24
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-19-2016, 09:15 PM
Parent: #23
الثورة بالنص دي فيها محطة اسمها المواسير ... ؟؟؟
|
Post: #25
Title: Re: ***** الـثـــورة بالـــــــنــــــــــص ***
Author: جلالدونا
Date: 06-19-2016, 09:25 PM
Parent: #24
| Quote: جلوس الجميع و الإتفاق |
يعنى حوار يعنى
و طيب راكب بص الثورة بالنص مالك
كان تركب فى عربية ناس تراجيديا الحوار و المفتاح مع قريمان
|
Post: #26
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-19-2016, 09:33 PM
Parent: #25
Quote: يعنى حوار يعنى
و طيب راكب بص الثورة بالنص مالك
كان تركب فى عربية ناس تراجيديا الحوار و المفتاح مع قريمان |
😂😂😂😂😂
هو البص دا السكران ابى يركب فيه..
اجي اركب فيه انا العمري كلو واعي ..
يازول قوم لف
|
Post: #27
Title: Re: ***** الـثـــورة بالـــــــنــــــــــص ***
Author: ABUHUSSEIN
Date: 06-20-2016, 08:22 AM
Parent: #26
البص دا لسه ما وصل آخر محطة و الناس دي بتضج كدا مالا ......
عشان البص ما مكيف ...؟؟؟
و ل عشان الشارع دقداق ...؟؟؟؟
|
Post: #28
Title: Re: ***** الـثـــورة بالـــــــنــــــــــص ***
Author: علي عبدالوهاب عثمان
Date: 06-20-2016, 12:38 PM
Parent: #27
الحبيب أبوحسين ..
بعض بوستاتك .. وبوستات ودالمدير .. ومنصور مفتاح .. حلالدونا ..
نحن محرومين من المشاركة فيها لعدم إجادتنا للعامية أو لغة المدينيين ..
لأن المداخلات لا بد أن تكون مختصرة وعميقة ولها مدلول اللفظ والمكان ..
الله .. الله .. لو كانت بالنوبية .. كان أصابكم الذهول ( ههههه )
نعمل أيه .. ( من ضواحي الدنيا جيت وعلي رحالي ) ..
مودتي أبوحسين ..
|
|