الموت المجان في شوارع السودان

05:34 AM June, 10 2016

سودانيز اون لاين
عبدالحفيظ ابوسن-كوستي / الحلة الجديدة
مكتبتى
رابط مختصر

اللهم تقبل موتي حوادث المرور شهداءا عندك
شهداء
الفوضي
الجشع
الفساد
سؤ التخطيط
وابتذال حياة المواطن

في الايام الفائتة شهر رمضان المامكمل 5 يوم
حادث حركة راح 7 اشخاص الزوجة والزوجة وطفليهما وشقيقه وزوجته وطفلهما وشقيقته .. سايقين عربيتهم شاحنة فك الضراع واصطدم بهم. اسرة واحدة بكوستي انقفل فيها كم بيت
شارع مدني سمعت بحوالي تلاتة حوادث مريعة
امس حادث بورتسودان ضحيته كم وتلاتين نفر
ومالم اسمع به
صارت ظاهرة تستحق الانتباه .
الشوارع ضيقة ودي قديمة ليها نصيبها من نسبة الحوادث . الامر يحتاج لدراسة جادة مش دراسة بغرض زيادة الجبايات من ناس الحركة ولا شركات التأمين ولا الطرق والجسور
في امر جديد
لعلها فوضي الاستيراد وفتح الباب للاسبيرات والاطارات المضروبة . الدنيا صيف والظلط زي الصنفرة الخشنة الحارة لعل الاطارات هذه لا تناسبنا فنحن ما اسخن من السعودية ولا سرعاتنا زيها
الضراعات وبلالي الركب وعمدان الطوالي وعمدان الدركسون
المهم
لازم الالتفات لهذه الظاهرة المفزعة قدر ما يسافر ليك زول يدك في قلبك لامن يصل

اليوم انحراف بص سياحي في شارع مدني ودخوله احد المنازل بقرية اربجي

في اخطاء جلها تتحملها الدولة
المخالفات المرورية تحولت لجبايات تدفع وتتحرك ويستمر الخطأ
ضوابط استخراج الرخصة والتساهل فيها
فوضي الاستيراد
الجبايات علي السفريات بتخلي صاحب
العربية يقلب كم مرة علي حساب تركيز
السواق عشان يعوض
اس الاخطأ
ضيق الشوارع
فوضي الاستيراد للاسبيرات
تحول رجل المرور لجابي اموال

جزء من انهيار الدولة يا عبدالحفيظ،

من مات بمدفع
ومن مات لنقص في العلاج
ومن مات لعدم وجود بنية تحتية
ومن مات قهراً
ومن مات بحادث مرور

كلهم مسئولية الدولة ... والدولة منهارة

انت يا عبد الحفيظ البترول و(زفتو) راحو وين
مش كان أولى البنية التحية وعلى رأسها الطرق السريعة لنقل الناس والبضائع؟

مافي خلاف ابوالريش
ف الانهيار لا يبق ولا يذر
عام
ولكن كل شوكة بسلوها بي دربا

تعرف يا معاوية
الصادق الرضي محتاج يغير المقطع
والعمارات استطالت
وافرغت اطفالك الجوعي
علي وسخ الرصيف
المال دة اكتر من ان تستوعبه العاصمة فقام !!
لو كانوا يعرفون
او يعلمون
او يملكون وطنية حتي دون معرفة
لكان استيعاب هذا المال داخل الوطن
صمام امان بدلا من توظيفه للحفاظ
علي السلطة
كان يمكن استغلاله في البنية التحتية
والتنمية ويدر عائدا يضاعفه واقل من
تكلفة صرفهم علي البقاء
تلك الاموال صنعت السعودية بعد ما كانت
بلقعا جرداء بحسن التدبير
واخرتها قال ليك شنو
المشاريع الزراعية المصدقة سوف تعجل
بانضاب المياه الجوفية
البتاع دة بجيبوهو وين ياخ

شكرا أخ ابو سن

Quote: المخالفات المرورية تحولت لجبايات تدفع وتتحرك ويستمر الخطأ ضوابط استخراج الرخصة والتساهل فيها فوضي الاستيراد الجبايات علي السفريات بتخلي صاحب العربية يقلب كم مرة علي حساب تركيز السواق عشان يعوض اس الاخطأ ضيق الشوارع فوضي الاستيراد للاسبيرات تحول رجل المرور لجابي اموال

تلخيص أمين لاسباب التدهور

والبلد عموماً فيها مشكلة مواصفات فحتى البصات تحدث لها الحوادث وينتج عن الحوادث وفيات كثيرة جداً تفوق المعدلات في أي مكان آخر في العالم

من أين أتوا بهذه النوعيات من البصات ؟ لا أدري

كذلك الجمارك تقود المواطن لاستيراد سيارات أقل كفاءة لأن الشرائح الجمركية على السيارات الاكثر كفاءة عالية للغاية وتفوق قيمة السيارات نفسها في كل الاحوال

لذلك سمعنا بسيارات مثل الفيستو والاتوس والتيكو وحتى الكليك والبيكانتو وهذه يركب عليها خمسة اشخاص واحياناً معهم الاطفال والعفش

وااستيراد سيارات اكثر أماناً مستحيل بسبب ارتفاع التعرفة الجمركية

لكن اللغز القانوني الذي يصعب على الفهم هو كيف يدفع المخالف ايصال المخالفة ويستمر في الخطأ ؟؟؟؟؟؟؟

تحياتي

أحمد الشايقي

أخي أبو سن
قبل قليل جئت من عزاء الأخ العقيد عبد الكريم محمد صالح ووالده واللذان توفيا في حادث بص جسكابو وهم في طريقهم إلى العمرة واللذان كنا ننتظر وصولهم غد السبت أو الأحد ..
بص جسكابو وما أدراك ما بص جسكابو ؟
في شهر نوفمبر الماضي كنت في سواكن أحتاج لصورة جواز ابني من الخرطوم
اشاروا على أتصل بابني ويرسلها مع بص جسكابو حيث أنه أول بص يصل من الخرطوم إلى سواكن
وبالفعل وصل البص حوالي الساعة 2 ونص ظهراً ..
في شهر مارس 2016م كنت في طريقي من الخرطوم لعطبرة وكنت أسير بسرعة 140 ك وبعد جبل جاري تخطاني بص جسكابو بسرعة فائقة حاولت اللحاق به ووصلت سرعتي إلى 170ك ولم ألحقه ..
وعندما وصلت العوتيب وجدت مخالفة مرورية ب 100 جنيه في انتظاري
سألت شرطي المرور هل عمل مخالفة لبص جسكابو ؟
أجابني لا .. قلت له البص كان ماشي بسرعة 180 كيف الكاميرا سجلت مخالفتي ولم تسجل مخالفة للبص
اجابني سواق البص عارف محل الكاميرا وين ..
والخلاصة التي خرجت بها من حواري مع شرطي المرور
أن شرطة المرور عارفة أن البصات بتمشي بسرعة 180 أو أكثر قبل مكان الكاميرا وعليه فإنها مشاركة بطريقة مباشرة في مثل هذه الحوادث ..
وعندما يحصل حادث يجوا يتباكوا بدموع التماسيح ..
إنا لله وإنا إليه راجعون وحسبنا الله ونعم الوكيل ..

صدقت يا الشايقي اردأ الانواع . عرفنا
البصات الصينية و الكورية .. زمان كانت
المرسيدس شركة معروفة ومحترمة و
تراعي السلامة .. هسة المقاعد ضيقة وقريبة
من بعض . التكييف سئ وسبب حرايق
و
تعال للجمارك فرق الموديل !!!
بدل منع العربات القديمة وتشجيع استيراد
الجديدة . يدفعوك اقل في القديم
والجديد ممكن الجمارك تحصل 300%
التيكو ؟ دخلت الركشة . وعملت زحمة
وعادي تكون في الهاي واي شارع
كوستي الابيض جزء منو بكون عابر برف
كوستي
الامر يحتاج لمعالجة جادة

تحياتي يا صديقي .
لم ينعم شعبنا بالراحة يومًا في ظل هذه الفوضي الحكومية التي لا تبشر بخير .
بعد أن ارهق العساكر و الانتنوف شعبنا بالقتل( المُعسكر) ، الآن تشهد كل مدن و قري السودان القتل (المدني) جرّاء اهمال الحكومة لواجباتها تجاه المواطن الحزين ، حتي صارت خطط الصحّة و التنمية مصدر قلق للمواطنين ، إذ صارت الكباري الجديدة و الشوارع غير المدروسة سبب اساسي للفيضانات ، و تزايدت حوادث المرور بفعل سرقة مواد التشييد و البناء ، و صارت الادوية سبب آخر للموت كما الاسبيرات المضروبة ، كما انتشرت حوادث سقوط المباني المغشوشة علي رؤوس ساكنيها و إن كانوا طلابًا في جامعاتهم غافلون .
يا صديقي لقد صارت الازمة شاملة و القتل مجاني في كل ربوع الوطن الحبيب إذ لا ديّة و لا محاكمات و لا قضايا رأي عام أو خاص تتم اثارتها لأجل وقف هذا النزيف في دماء شعبنا الغارق في الموت .

وفي كلام ما قالو ليك يا المليك
انو الكامرة ما مربوطة بالشبكة . يعني سلطة الغرامة
مافي مراجعة ليها ويمكن ان تخضع له بالكامل
يعفيك ولا يغرمك ولا
الركشات والتكاسي عندها تفتيش شهر برسوم
محددة . العسكري ساكي ايصال التوريد
البصات السفرية ما اظن فيها تفتيش . اخر سفرة
قمت لي مرة وقعدت في محلها ضهرية الكرسي
مكسورة ومربوطة بي حبل علي مقدمة الكرسي
حرضت المرة تعترض وما تركب وتطالب بي
حقها . قالت و قال الركب
السفر قطعة من جهنم وداير صبر
عشان تخش تقعد تدنقر وتخش
في سفريات طويلة اوقفو الفطور والغدا قالو
بعمل تسمم . قللو تكلفة السفر ولم يخصمو مبلغ
الوجبة
عادي التكييف بقيف والبص قزازو غير قابل
للفتح
و
و
و
وكل واقعين تحت سيطرة شركات الترحيلات
انت عارف انو دية القتل غير العمد 330 مليون و
في حوادث الحركة 30 مليون . لانو شركات
التامين احتجت . وبعد دة رفعت رسوم التامين

وفي كلام ما قالو ليك يا المليك
انو الكامرة ما مربوطة بالشبكة . يعني سلطة الغرامة
مافي مراجعة ليها ويمكن ان تخضع له بالكامل
يعفيك ولا يغرمك ولا
الركشات والتكاسي عندها تفتيش شهر برسوم
محددة . العسكري ساكي ايصال التوريد
البصات السفرية ما اظن فيها تفتيش . اخر سفرة
قمت لي مرة وقعدت في محلها ضهرية الكرسي
مكسورة ومربوطة بي حبل علي مقدمة الكرسي
حرضت المرة تعترض وما تركب وتطالب بي
حقها . قالت و قال الركب
السفر قطعة من جهنم وداير صبر
عشان تخش تقعد تدنقر وتخش
في سفريات طويلة اوقفو الفطور والغدا قالو
بعمل تسمم . قللو تكلفة السفر ولم يخصمو مبلغ
الوجبة
عادي التكييف بقيف والبص قزازو غير قابل
للفتح
و
و
و
وكل واقعين تحت سيطرة شركات الترحيلات
انت عارف انو دية القتل غير العمد 330 مليون و
في حوادث الحركة 30 مليون . لانو شركات
التامين احتجت . وبعد دة رفعت رسوم التامين.

وفي كلام ما قالو ليك يا المليك
انو الكامرة ما مربوطة بالشبكة . يعني سلطة الغرامة
مافي مراجعة ليها ويمكن ان تخضع له بالكامل
يعفيك ولا يغرمك ولا
الركشات والتكاسي عندها تفتيش شهر برسوم
محددة . العسكري ساكي ايصال التوريد
البصات السفرية ما اظن فيها تفتيش . اخر سفرة
قمت لي مرة وقعدت في محلها ضهرية الكرسي
مكسورة ومربوطة بي حبل علي مقدمة الكرسي
حرضت المرة تعترض وما تركب وتطالب بي
حقها . قالت و قال الركب
السفر قطعة من جهنم وداير صبر
عشان تخش تقعد تدنقر وتخش
في سفريات طويلة اوقفو الفطور والغدا قالو
بعمل تسمم . قللو تكلفة السفر ولم يخصمو مبلغ
الوجبة
عادي التكييف بقيف والبص قزازو غير قابل
للفتح
و
و
و
وكل واقعين تحت سيطرة شركات الترحيلات
انت عارف انو دية القتل غير العمد 330 مليون و
في حوادث الحركة 30 مليون . لانو شركات
التامين احتجت . وبعد دة رفعت رسوم التامين.

Quote: اجابني سواق البص عارف محل الكاميرا وين ..والخلاصة التي خرجت بها من حواري مع شرطي المرورأن شرطة المرور عارفة أن البصات بتمشي بسرعة 180 أو أكثر قبل مكان الكاميرا وعليه فإنها مشاركة بطريقة مباشرة في مثل هذه الحوادث ..وعندما يحصل حادث يجوا يتباكوا بدموع التماسيح ..إنا لله وإنا إليه راجعون وحسبنا الله ونعم الوكيل ..

تحياتى لصاحب البوست وضيوفه الكرام ...اعتقد ان المسألة ليست محتاجة عبقرية او حل خارق ....فقط ..شرطى يسجل البص طلع من الخرطوم الساعة كام وشرطى يسجل البص دخل بورتسودان الساعة كام ..او بوابات الكترونية اجبارية فى الدخول والخروج ....يعنى البص لو دخل بورتسودان الساعة 2 ظهرا معناها انو ماشى بسرعة غيرقانونية وبالتالى لابد من مخالفته وانذار السائق ...دا لو شرطة المرور او المسؤلين فعلا عايزين او مهتمين بسلامة الركاب..... ...

رسالة من صديق الان
انقلاب باص الهادياب و هو يتجه من بلدتنا عبري و يتبع البص لابن عمتى و قد اصيب بكسر في الرجل
وفاة شرطي المرور
وتلاتة حالات خطرة

Quote: رسالة من صديق الان انقلاب باص الهادياب و هو يتجه من بلدتنا عبري و يتبع البص لابن عمتى و قد اصيب بكسر في الرجل وفاة شرطي المرور وتلاتة حالات خطرة

لا حول ولا قوة إلا بالله العلي العظيم ربنا يرحمه ويغفر له ويتولى المصابين برحمته وعنايته ويلطف بهم

ابوسن و ضيفه ...رمضان كريم

ليست الشوارع و السيارات وحدها المسؤولة ....جزء كبير من المسؤولية يقع على البشر ....

سلوكنا في السواقة قبيح و متخلقف بالذات في السفر

ثقافة اعصروا واقرصو وما تخلي يفوتك والشارع حقي و فاتح فتح صاح

في السفر كلنا بنلبس بدلة مايكل شوماخر ولازم نصل في زمن قياسي من اجل حكاوي البطولات و الوهمة بتاعة (الساعة 8 دي لمن دقت انا كنت بيقادي للقطينة )

الشعور بالاهانة الشخصية لو اتجاوزتكك عربية موديلها اقل من موديل عربيتك ولتسترد كرامتك لازم تلحقو و تفوتو

عدم الاحساس بالمسؤلية تجاه الآخرين ...عادي جدا في مواسم الاعياد سواق البص يعمل تلاتة رحلات طويلة من غير راحة

الناس في العالم الآخر يختاروا السفر البري للاستمتاع بالرحلة ولكن عندنا عليك ان تطمئن اهلك اولا بوصولك سالما لتزيل التوتر والخوف منهم

تحياتي

فعلا يا وليد
الفساد و سؤ الادارة والتثبث بالسلطة
بالقوة يقود لذات المحصلة
فالموت هو الموت
الموت العبثي المجان
ان تموت قهرا وفوضي

مرحب محمد الحسن
احكي ليك
كتير بركب قدام فانا مهجس بالسفر . بسافر بدري وبجي الموقف بدري
اها بركب قدام ويتيح ذلك لي ونسة مع السواق والكمساري
وبشوف تعامل ناس الحركة معاهم وبسمع
بشترو الزمن
يقول ليك مشتري ساعة ولا ساعتين بالتلاعب في زمن القيام
يعني قام من الخرطوم يشتري ساعة من جبل اولياء .
شعر انو جري شديد يشتري نص ساعة من الدويم
آلية ان يكون رجل المرور هو مسؤول الزمن فاشلة

بس يا جبرة رجعتنا لاول الكلام
طرق الحصول علي الرخصة العامة بشكل صارم
في صبيان سايقين البصات الواحد يتناطا مناطاة للدركسون
ووضع سجل متابعة للسواق داخل الشبكة
ومحفوظ يتبعه عقاب حتي سحب الرخصة
هنا اي مخالفة براها
ودة غلط
برجع السواق المتهور للشارع كل مرة