طائرة خاصة للشرطة الإيطالية تهبط في مطار الخرطوم وتستلم الهرب الاريتري الجنرال من سلطات الأمن السودانية...
Post: #2 Title: Re: البشير يبيع الجنرال لإيطاليا Author: سيف اليزل سعد عمر Date: 06-08-2016, 10:23 PM Parent: #1
Post: #3 Title: Re: البشير يبيع الجنرال لإيطاليا Author: سيف اليزل سعد عمر Date: 06-08-2016, 10:28 PM Parent: #2
ولكم حذرت العديد من منظمات المجتمع المدنى من الدور الذي يلعبه جهاز الأمن السودانى في عمليات تجارة البشر في السودان بالتواطؤ مع الأمن الاريتري...
تسليم الجنرال لإيطاليا لا فرق بينه وبين تسليم كارلوس واكبر دليل علي تورط نظام البشير في عمليات تجارة البشر.
Post: #4 Title: Re: البشير يبيع الجنرال لإيطاليا Author: سيف اليزل سعد عمر Date: 06-08-2016, 10:33 PM Parent: #3
كده إسم السودان إرتبط بأي حاجة سيئة.. الإرهاب.. أسامة بن لادن الإجرام... كارلوس تجارة البشر... مدهانى... إبادة جماعية... البشير... طيران محظور... سودانير أكبر دولة فاسدة... السودان...
ده كله حصاد الإنقاذ...
Post: #5 Title: Re: البشير يبيع الجنرال لإيطاليا Author: سيف اليزل سعد عمر Date: 06-08-2016, 10:35 PM Parent: #4
الانقاذ أكبر حاضنة للإجرام.... مخدرات...سلاح...تجارة بشر...غسيل عملة... شبكة دعارة..تهريب عملة...
Post: #6 Title: Re: البشير يبيع الجنرال لإيطاليا Author: سيف اليزل سعد عمر Date: 06-08-2016, 10:46 PM Parent: #5
Post: #7 Title: Re: البشير يبيع الجنرال لإيطاليا Author: محمد البشرى الخضر Date: 06-09-2016, 06:50 AM Parent: #6
سلامات يا سيف و رمضان مبارك طبعا ظهرت شكوك في شخصية الجنرال التم تسليمه, لكن بغض النظر هل في رأيك الخطوة التي قامت بها الانقاذ - تسليم متهم في جريمة كبيرة - خطوة جيدة تستحق الإشادة أم سيئة تستاهل اللعن و السخرية؟
Post: #8 Title: Re: البشير يبيع الجنرال لإيطاليا Author: Haytham Ghaly Date: 06-09-2016, 07:10 AM Parent: #7
Quote: خطوة جيدة تستحق الإشادة أم سيئة تستاهل اللعن و السخرية؟
سلامات ود البشرى
طبعاً هي كان ممكن تكون خطوة جيدة وتستحق كل اشادة لولا المعلومات الجديدة عن الخطأ في شخصية
الشخص الذي تم تسليمه للسلطات الإيطالية وذلك لمجرد تطابق الاسم الأول .. واذا كان ذلك كذلك
واعتقد انو دا خطأ فادح ويثير الشكوك الاصلاً موجودة بتواطؤ جهاز الامن السوداني ومشاركته في شبكات الاتجار بالبشر
السؤال هو هل يعقل ان الامن السوداني لا يعرف شخصية مدهاني لدرجة ان يسلم شخص اخر لمجرد تطابق الاسم الأول فقط؟
وهل يعقل ان يكون ما حدث خطأ غير مقصود فعلاً ام ان من وراء كل هذا شيئ من حتى
تحياتي سيف اليزل ورمضان كريم
Post: #9 Title: Re: البشير يبيع الجنرال لإيطاليا Author: محمد البشرى الخضر Date: 06-09-2016, 07:37 AM Parent: #8
Quote: طبعاً هي كان ممكن تكون خطوة جيدة وتستحق كل اشادة لولا المعلومات الجديدة عن الخطأ في شخصية
وعليكم السلام هيثم دا رأيي أنا ايضا, لكن هل يشاركنا فيه الأخ سيف؟ تلاتة اربعة بوستات تناولت الأمر بشكل سلبي - قبل ان تظهر الشكوك في الشخصية التم تسليمها - و اغلبها وصف الأمر بالبيع و ربط بتسليم كارلوس و ابعاد بن لادن وغيرها يعني في الحالتين النظام مدان إن هو وفّر المأوى لمطلوب وإن هو تراجع و استجاب للضغوط و لمسؤولياته الدولية و سّلم المطلوبين او ابعدهم!
Post: #10 Title: Re: البشير يبيع الجنرال لإيطاليا Author: سيف اليزل سعد عمر Date: 06-09-2016, 08:21 AM Parent: #9
Quote: تسليم متهم في جريمة كبيرة - خطوة جيدة تستحق الإشادة أم سيئة تستاهل اللعن و السخرية؟
سلام اخونا ود البشري خليني أحاول اجاوبك علي الشق الأول من سؤالك...والأساسا فتحت البوست عشانه... إذا المسألة مسألة تسليم بس حقو أول حاجة يتم تسليم البشير ذاتوا لأنه مُطالب دُوليا...يعنى مفروض تتحرك طائرة من لاهاي ترفعُه وتسلمهُ للمحكمة الدولية...البشير بعضمة لسانه ده قال كتلنا الناس في دارفور لأتفه الأسباب والكلام ده اتقال في شهر رمضان زي ده..
يا ود البشري يا اخوي السودان بقي (حاضنة إجرام)....وده جاب لينا السمعة الكعبة في المحافل الدولية..
الانقاذ دخلت أسامة بن لادن وقربت تبيعه للمخابرات الأمريكية... مش لأنها دايرا تسلمه لأنه مجرم مطالب، لا. ولكن لأنه بخدم مصالحها. نحن كسبنا شنو كشعب؟ ولا حاجة سوي ان نكون في قائمة الدول الراعية للإرهاب وتفرض علينا مقاطعة تدمر ما عندنا من بنية تحتية اساسا هشة. بعد ده كله نمشي كمان نجيب كارلوس، أكبر مجرم مطارد من فرنسا في عمليات إرهابية معروفة...وبعد داك نبيعه للسلطات الفرنسية ونثبت للعالم انه السودان مكان المجرمين والإرهابيين... انا ضد رعاية السودان للإجرام يا ود البشري ولا أرفض تسليم مجرمين.... بعدين هي بقت علي الإرهاب بس؟ لا ابدا... السودان أصبح مركز لتجارة المخدرات...حاويات تتقبض في الموانئ والمطارات حصل سمعت انه السودان سلم تاجر مخدرات أو تم القبض عليه؟ ده لانه الإجرام أصبح تحت رعاية الدولة...
موضوع الجنرال ده ما جديد..الإنقاذ عارفة جيدا من هم تجار البشر. من حدود السودان الشرقية مرورا بمطار الخرطوم لحدي حدودنا مع مصر وليبيا. كان ممكن تسلم مجرمين وكان ممكن تحاسبهم...لكن لأنه قروش الألمان والاتحاد الأوروبي مشكلة فساد جديد، يا دااااب تم الإعلان عن إنشاء محاكم للإتجار في البشر في في كل ولايات السودان الأسبوع ده، تحت مسمي (مكافحة الإرهاب!!). الموضوع هو أنه السودان أصبح حاضنة للإجرام لأنها جزء منه...
آسف للإطالة ورمضان كريم...
Post: #11 Title: Re: البشير يبيع الجنرال لإيطاليا Author: سيف اليزل سعد عمر Date: 06-09-2016, 08:47 AM Parent: #10
Quote: طبعا ظهرت شكوك في شخصية الجنرال التم تسليمه,
أها يا ود البشري... كده ووب وكده ووبين....
Post: #12 Title: Re: البشير يبيع الجنرال لإيطاليا Author: محمد البشرى الخضر Date: 06-09-2016, 09:16 AM Parent: #11
Quote: إذا المسألة مسألة تسليم بس حقو أول حاجة يتم تسليم البشير
هههههه يعني ختيت العصا في العجلة يا سيف! كل المهربين و الارهابيين والمطلوبين يمتنع لسودان عن تسليمهم و يزيد في العزلة المفروضه عليه حتى يقوم بتسليم البشير في الأول انا سؤالي ليك ولكل من تناول موضوع تسليم المتهم الإرتري و من قبلة الارهابي كارلوس و حتى ابعاد بن لادن سؤالي: اذا كانت هذه الخطوة - اعني التسليم - خطوة سيئة تستحق اللعن و السخرية, طيب ما هو التصرف الأفضل في نظركم, يمتنع السودان عن التسليم او طلب المغادرة للمتهمين الدوليين؟ أم ماذا
Post: #13 Title: Re: البشير يبيع الجنرال لإيطاليا Author: سيف اليزل سعد عمر Date: 06-09-2016, 09:37 AM Parent: #12
Quote: سؤالي: اذا كانت هذه الخطوة - اعني التسليم - خطوة سيئة تستحق اللعن و السخرية, طيب ما هو التصرف الأفضل في نظركم, يمتنع السودان عن التسليم او طلب المغادرة للمتهمين الدوليين؟ أم ماذا
ده ما تسليم يا ود البشري..ده (بيع) مجرمين اساسا كان حاضناهم الإنقاذ. مافي زول عاقل يمتنع عن تسليم مجرم..
Post: #14 Title: Re: البشير يبيع الجنرال لإيطاليا Author: سيف اليزل سعد عمر Date: 06-10-2016, 06:41 AM Parent: #13
مافي بيع أكثر من كده... سلم الطليان إية حاجة وإستلم...
Post: #15 Title: Re: البشير يبيع الجنرال لإيطاليا Author: ست البنات Date: 06-10-2016, 10:02 PM Parent: #14
سلام أخي سيف اليزل والمتداخلين , ورمضان كريم,
كثير من الأسر الأثيوبية والاريترية في أستراليا يتعرضون للابتزاز من اناس في السودان ! أبناؤهم محتجزون في منطقة سوبا ومهددون بالقتل مالم يدفع ذووهم في استراليا الفدية , وهي بين ألفين وثلاثة الاف دولار امريكي ! جاءتني امراة اريترية كبيرة السن وطلبت مني مساعدتها بالتحدث للرجل في الطرف الاخر ( السودان), لانها لا تتقن العربية . تحدثت معه بعربية مكسرة لأوهمه باني اريترية , فرد علي بسودانية رصينة ويصيغة الامر الناهي !! طالبا مبلغ ثلاثة الاف دولار امريكي ! طلبت مني المراة المسنة ان تسمع صوت ابنها , فقلت لها ان اساليه من السوداني المتحدث معنا ؟ فقال لها من رجال الأمن السوداني !!! أخذونا من خارج معسكر اللاجئين بخشم القربة عنوة , واتوا بنا الى منزل في سوبا بعد أن ضربونا ومنعوا عنا الاكل , انا واخرين !
ملحوظة : أرى ان رجال الأمن هؤلاء يستحقون التسليم لايطاليا, ولا اطن انهم غير معروفين للسلطات التي تلطخت بالفساد وشرعته ! هذا بعد تسليم البشير الى لاهاي طبعا !!! رمضان كريم اخي سيف اليزل . ست البنات.
Post: #16 Title: Re: البشير يبيع الجنرال لإيطاليا Author: سيف اليزل سعد عمر Date: 06-11-2016, 10:28 AM
Quote: فقلت لها ان اساليه من السوداني المتحدث معنا ؟ فقال لها من رجال الأمن السوداني !!! أخذونا من خارج معسكر اللاجئين بخشم القربة عنوة , واتوا بنا الى منزل في سوبا بعد أن ضربونا ومنعوا عنا الاكل , انا واخرين
سلام يا ست البنات مآسي الإريترين الهاربين من حكم إسياس أفورقي دي أصبحت مصدر إبتزاز من جهاز الأمن السودانى بالتعاون مع جهاز الأمن الإريتري. هنا برضوا عندنا الكثيرين الذين تعرضوا لهذا الابتزاز. جهاز الأمن السودانى بيبتز الإريترين في كل الاتجاهات...في عمليات الكشة وإرجاعهم الي إريتريا. في علاقته بالنظام الإريتري، في علاقته مع منظمات اللاجئين الدولية، في الصفقة الأخيرة مع الاتحاد الأوروبي وفي الابتزاز علي المستوي الشخصي. في 2011 قابلت مجموعة من المهربين من أبناء كسلا داخل سجن كسلا بديروا عمليات التهريب من داخل السجن.. يا ستنا النظام بتاجر في المخدرات.. وبتاجر في البترول....وبتاجر في غسيل الأموال.. وبتاجر في آثار السودان...وبتاجر في الدولار... وبتاجر في الدهب...وأخيرا بتاجر في البشر.....
رمضانك كريم....
Post: #17 Title: Re: البشير يبيع الجنرال لإيطاليا Author: محمد الامين محمد Date: 06-11-2016, 10:51 AM Parent: #16
جهاز الامن سلم شخص اخر لاعلاقة لة بالامر لان الموضوع يورط الحكومة السودانية وجهاز الامن هو اكبر مهرب للبشر الي اوربا وتهريب البشر احد موارد جهاز الامن الاقتصادية المبداء لدي الحكومة السودانية ان تغذوا اوربا بسيل من المهاجرين كثير من السورين عبروا بطريقة منظمة عبر الخرطوم حيث يتم تسكينهم في كافوري الحي الرئاسي ثم الي ليبيا او مصر ثم الي اوربا وهذة دلائل موثقة في اوربا
