يأخ أنا مره مره بجى على سودانيز أون لاين , طبعاً أحيي فيك مثابرتك وأصرارك القوى على توصيل وجهة نظرك فأنت رجل مثقف جداً لاشك فى ذلك , وطبعاً من الحاجات المدهشة التى وجدتها بعد غيبه هنا طغيان ظاهرة الألقاب من صنديد الى مستنير (طبعاً دى حقتى ابوبكر عباس شالها ساى) والجسور والمناضل الى أخر الألقاب التى ينتجها خيال المتحاورين فى لجج هذا البورد الذى ذهب رونقه ماعارف مرات كدا قاعد يذكرنى بفريق العامل البحراوى , من فريق له تواجد وصيت وهيبه فى دورى الخرطوم لفريق منسي.يقبع الأن فى دورى الثالثه .وبمناسبة الكره من الأشياء المعروفة فى عالم الدوافير وكرة القدم أن اى فريق يلاعب فريق أخر يعتمد على الكثير من القوة الجسمانية والبدنية والقليل جداً من المهاره اٍن لم تكن معدومه كورة الفريق التاني بتروح والكوره كلها بتجوط تجد ذلك فى تاريخ كرتنا السودانية حينما تلاعب الأندية ذات القدرات المهارية والكروية بتلقى اللعب كلو شلاليت ساى وأنت والله للأمانه زول مهم عندنا والهلال والمريخ ومانشستر زاتو عينهم عليك..فما تتعوق لينا هنا فى الردميات دى.. لدى سينا لاعب المريخ الله يرحمه قصة طريفه حيث حكى أن المريخ كان يلاعب ديم سلمان فى مباراه ودية والمريخ غالب تسعه صفر وفى منتصف الشوط الثاني رأى سينا لاعب كبير جداً فى السن من ناس ديم سلمان قاعد يسخن داير يشارك فسأل بشاره باستغراب اللاعب دا منو فرد بشاره والله ماعارف يمكن دا سلمان سيد الديم زاتو ..ماعارف القصة دى بتذكرنى بواحد أخونا بقى سيد البورد زاتو ...المهم يازول من الأخر الناس بتاعين سودانيز أون لاين ديل شُتر فماتلعب معاهم بعوقوك ساى..
Post: #2 Title: Re: لعناية كبر... Author: عبد الصمد محمد Date: 05-28-2016, 07:46 PM Parent: #1
ذي ما بقول المثل الطيور على أشكالها تقع يعني ماذا نتوقع نوع الكتابة الطالعة من قلم حاتم الياس ما هي نفس كتابة كبر وحيدر وغيركم ممن يقدمون خدمات جليلة لنظام لا يتغالط اتنين إنه جاء في ليل داهم إستلب سلطة حقت شعب ما ولاها ليه وإستن أبشع القوانين المنتهكة لكرامة شعبه ما تقومون به يا هؤلاء يعجز النظام حقيقة عن القيام به وذلك ليس لكفاءتكم بل لأنكم تتخفون وراء الأقنعة الرمادية لتقومون بأولي أولويات النظام وهي ضرب المعارضة أضربوها ليه كويس وأغمضوا ضمائركم قبل عيونكم عمن يسئ لشعبه ويسرق أمواله ويفسد بثروات الشعب الذي تموت أطرافه جوعاً مبروووووووووووووووووووووووووووووووووووووووووووووووووووووووووووووووك ليكم وليهم
Post: #3 Title: Re: لعناية كبر... Author: عبد الصمد محمد Date: 05-28-2016, 08:36 PM Parent: #2
سرد االمفكر الكبير الأستاذ حاتم الياس في عرضحاله عن رعاعية ودونية بورداب سودانيز أونلاين كل ما يمكن أن يحط من قدرهم ليختم حديثه بقوله
Quote: المهم يازول من الأخر الناس بتاعين سودانيز أون لاين ديل شُتر فماتلعب معاهم بعوقوك ساى
ولا عجب فقد وصف كبر نفسه المنبر بسوق الملجة ووصف من يعارضونه من البورداب بالكثير الذي يحط من قدرهم وينفخ في بالونته وإستمر في نفس الخط الأخ منصور المفتاح ليكتب عن البورداب
Quote: منو فيكم بلحق كبر ومنو بعرف معرفة كبر هسع إنتصار كبر فى إمتصاص طاقاتكم كلها
يعني عقليات ذي دي جبلت علي التكبر على الأخرين والحط من قدرهم حنتوقع منها شنو بلاهي
يا كبر، ما تسمع كلام العنقالي المثقف المستنير زمان دا. وحات سيدي الحسن، وود حسونة، وأولاد جابر، ويوسف أبشرا، وود كنان، والسني، ويابا سعدابي، ما في حتة في الدنيا ممكن تكتب فوقها أحسن من سودانيز دي. شايف منصور بشيل في مداخلاتك ويودي فوقها لذلك المكان البارد الاسمو فورأول، يا أخي، هناك ما في زول بكتب غير حسن موسى!! يا أخي، أنا من حقارتي بيهم، بفتح المنتدى، بشوف حسن موسى كاتب شنو جديد، بقرأ مداخلاتو، وفيها أرجع أشوف موضوع البوست شنو وفيها أكتفي بمداخلة حسن. هسع عندنا معاهو مفاوضات يجي يكتب معانا هنا في ميدان عقرب دا. أهم صفة في الكاتب الرصين انو ما يتعوق ويكون حريف زي حرفنة جكن بتاع أهلي مدني في التمانينات. العنقالي دا مهزوم وشرد من أروع موقع للحوار، وحسادة منو داير يرجك معاهو. قال أيه؟ عوقوني وجرحوا مشاعري بالكلمات! والله، تمشي فورأول؛ تجيك رطوبة في الركب من البرد. أو تمشي الفيس، تبقى زي أمين البروف، بعد ما كان هنا اسمو المستنير، بقى اسمو أمين لايك!!
بالمناسبه الفيدو دا مقطع كلو ومحذوف أكتر حاجه كلامي انا ماكلام د. الباقر وأنا أحترم د. الباقر جدا وأكن له التقدير فهو شخص مهذب ومحترم للغاية..لكن على مستوى طرحو أفكاروا الناس بتختلف طبعاً أو ممكن حتى نتفق .....المهم..لقيت البلد فاضيه وعملت ليك زعامه كمان هنا وألقاب..وبتهدد فى كبر ومنو ومنو..وعملت ليك عُصبه من الأسفيرنجيه مبارنك قايلينك دينق بول سارتر..مع انك قاعد فى السهله ساى وشوية العندك أحلف انك جبتو من جبنو من قعدتك معانا هنا..
الفيديو واضح وضوح الشمس، أنت ظهرت في الفيديو ده بمستوى هزيل ومتواضع جدا، كل الذي تقوم به هو عبارة عن ردود لما يطرحه دكتور الباقر العفيف. اللغة الصادرة من فمك وأفكارك كلها كانت مرتبكة وغير واضحة. والطريقة التي كنت تجلس بها وفاتح رجليك وبتهز فيهم كأنك قاعد في تربزة ضمنة. تدخل يديك في جيوبك وتتحكحك كأنك مصاب بمرض الجرب. وصاري قدومك ولياقة قميصك طايرة في السماء وواضح جدا بأنك لابس لك قميص أصغر من مقاسك. بالله أنت شغال محامي كيف ولا تعرف تتحدث؟ أي زول لو شاف الفيديو ده أكيد لن يستعين بك كمحامي.
أنت زول فاكيها في روحك ساكت أو بمعنى أخر You are full of s.h.i.t
يا دكتور مالك استنارتك بقت مجلية كدا دا كيفن تنسى بر ابو البتول يا جليس يا ساكن السور او كما غنى رب الغناء السوداني ابو داوؤد و سعدابي التحتو الشدر كابي و الشريف الختم النزل الطيارة بعصاتو و ندى القلعة و انصاف مدني جات غنتلكم في دبي اللبن ابو لي بي
أنا إستنارتي لمبة حبوبتي؟ وحات سر أبو البتول، لم يحدث قط منذ ان إكتشف بيل قيتس سر المنتديات وميديا التواصل، ان وصل رجل أو امرأة لهذه الدرجة من الإستنارة. يا أخي، إتساق ما بعدو إتساق، حتى بالإمارة الشاعرة السودانية العظيمة المعاصرة المقيمة بأوربا قالت: "وحات الله، بكّة دا لو ما كان متزوج ما كنت بسيبو" لو مغالطني؟ أسأل مبر صاحبك متين المنتديات أو وسائل التواصل دي جابت ليها زول لا يعرف للعلاقات الإجتماعية مكان في الحوار؟ متين المنتديات دي جابت ليها زول ينتبه أن لا يحمل ضغائن البوستات القديمة في البوستات الجديدة؟ هسع يا أستاذ، يا مستنير، بوستك دا فيهو شبهة غضب قديم.
والله أبداً نهائ ماف غضب ياخ...لكن ماسمعت قصة الجعلي الجا لقى شكله مدوره وقع فى الناس كلها خبت أها قاموا حجزوا الناس وسالوهو أنت تبع منو فى الشكله دى قال ليهم ماتبع زول بس جاى (أطرق عصاتى ساى)
الزول يجى مشتاق ليكم تتعاملوا معاهو بالشكوك والحذر دا...اين ذهب براءة هذا البورد ياللقسوه
اوكي خلاص، نحن برضو مشتاقين. فشنو، أقعد قبلك مع كبر دا هنا وإن شاء الله النبي موسى ينضم لينا قريبا بعدين إتوا المفروض تكونوا مستهدفين الرجرجرة الهنا ديل أي واحد يقولوا ليها كلمة، يشيل كورتو ويمشي
دا بوست لذيذ جدا وفيه عفيص و قرّيص تحت تحت النوع الما بشوفه الحكم وكان شافه بطنّش :) بعدين يا حمدنا و يا ود الزبير, إحتقار حاتم ما لناس البورد على اطلاقها كدا, الراجل وجه كلامه من البداية لظاهرة اطلاق الالقاب الساي المنتشرة في البورد وبيني وبينك دي تستاهل :) فا شنو.. ما تتحسّسوا وكدا و استمتعوا بالشو
غايتو يا معاوية، أُمبارح كبر استثنى مصطفى مدثر، طه جعفر، الملك، حرسم والخواض من لستة الرجرجة. راجعت مداخلتو اربعة مرات، قلت يمكن يكون اضافك لكن لا حياة لمن تنادي
Post: #25 Title: Re: لعناية كبر... Author: علي دفع الله Date: 05-29-2016, 07:17 PM Parent: #24
بكة يا مستنير بطل تحاريش 😃 شايف المثقف مين كدة الياس مستكتر عليك لقب مستنير ... غايتو انا كواحد من زعماء الرجرجة اعترض على هذا الاستكتار ..انت مستنير ولو ابى المؤمنين .. اقول ليك قولة رجعت في كلامي انت لا مستنير ولا يحزنون وحزين منك من يوم ما حزفت بوست الكفار الحلوين ...
بيني وبينك يا ود الزبير بعد بوست كتابات - او وات ايفر - صلاح الزين بقيت شايفك بطريقة مختلفة حمدت الله الأخدت معاك سيلفي زمان قبل البوست دا أيّامي الشايفك عنقالي زيّنا واحد :)
يازول طبعاً لا وألف لاكمان ولاينبغى لى زاتو وبياتو حق أن أقلل من قيمة كتاب هذا المنبر يأخ الكتابة فى نفسها كعمل ومجهود ذهنى موضوع أحترام بل تقديس زاتو..
غايتو يا حاتم أنا قبلت كلامك دا واعتبرتو بمثابة اعتذار لكل من أساء فهم كتابتك فالاعتراف سيد الأدلة لكنك احبطت ناس الاكشن وبوّظت لينا خم الرماد مجساتنا بِقت مغموسة في سُم التوجس ياخ وكل صيحة نحسبها علينا
قوموا إلى مودتكم وكفى الله المؤمنين شر الخصام
Post: #31 Title: Re: لعناية كبر... Author: حمد عبد الغفار عمر Date: 05-30-2016, 04:28 AM Parent: #30
ود الزبير ما تختم ساي
حاتم دا بتنطبق عليهو أغنية القمر بوبا " أنا وين لقيتك عشان أباك"
البوست دا لسه في ناس ما تتداخلوا فيهو وفيهو حاجات ما اتحسمت
البوست باظ بى سؤالك المافى ليهو داعى ده يا ود الزبير و الجدّية الواقعة عليك شنو هسى ابوحتحوت ده يعمل شنو !!!! خربت عليهو الشو بعدين يا حاتم او ايّاً كان اسمك اعتذارك ما مقبول
من يكتب باسم كبر ؟؟؟؟ الموضوع سميو طيقا منى ساكت و قد اتأبّط بها امراً أدّا و إذ هو يمارس سيميوليجيا القراءة تاه فى اضابير العنوان الخطأ بالتالى ركب سيمياء المتن الغلط غايتو روسين صحبانى تبنتها لقيتا كويسة الكلام روسين ناس تانين اظن قد حان اوان قطافها
Post: #39 Title: Re: لعناية كبر... Author: Deng Date: 05-30-2016, 08:44 AM Parent: #38
مسكين التعيس محمد النور كبر جا متمسك بي قشة العروبوي العنصري حاتم الياس!
أصلها دي أخرتك يا كبر؟
بقيت في أحضان الكيزان والإنتهازيين والعنصريين العروبويين.
نهاية محزنة فعلا.
Post: #40 Title: Re: لعناية كبر... Author: محمد البحر Date: 05-30-2016, 10:00 AM Parent: #39
سلام انا طبعا فى كتابات كدا بدخل استمتع بحروف الموجودين فيها من اجل المتعه ... متابعه بشغف..........
Post: #41 Title: Re: لعناية كبر... Author: أبوبكر عباس Date: 05-30-2016, 10:20 AM Parent: #40
Quote: اما انت الا كان تجيب كتبنا زي الجماعة واحدين
أصلا أنا ثقافتي ثقافة إلتقاط، وصعب جدا أقرأ لي كتاب كامل زي كتب النقد دي أستمتع بقراءة الكتب التي تتحدث عن الإشكاليات الفكرية وقليل من الروايات زي العطر قريتها كتير وحفظت كتير من تعابيرها. ممكن توصفني ب: مثقف إشكالي هسع زي بوست "شان الدرويش" دا شايفو هرجي ساكت وكتابات صلاح الزين دي هرجي الهرجي الكتابة لو ما شعرت بيها في بطنك، دي ما كتابة زي الإحساس البجيك لمان تلاقي بت الجيران -البتريدها من بعيد- بالصدفة في دكان الفول بتوب الصلاة تاني يوم تقول لناس بيتكم: دايرين فول؟
عنصري بت الناس دى..ماعندك تعريفات أعلى من كدايادينق يا ابني يأخ جدد فى أدواتك ووسائلك للحوار لى هسع شغال تستدر فى عاطفة أولاد البحر ديل المجروحة عواطفهم بحساسية المراهقة السياسية الواقعين فيها دى..وتخوف فيهم ياعنصري وياشنو ..قوم لف العنصرية دى هاجسك أنت وازمتك براااك حلها مع نفسك أولاً وبعدين تعال أتهمنا بالعنصرية
بعدين يأخ داير اسألك بالجد كدا.. أنت زول لحم ودم وبنو أدم ولا تطبيق فاكي لينا بكرى أبوبكر هنا
يا أستاذ حاتم العنصرية هي مشكلة من يمارسها لا من تقع عليهم لكن كثيرين بعتقدوا إنه الزول البيتقال ليه يا عب مثلاً هو صاحب المشكلة والعقدة لكن دا أبداً ماصاح بل يالعكس الأزمة أزمة من يتعنصر ويشعر إنه متميز وأفضل من التانين عنصراً أو ثقافة أو جاهاً
سلامات ياعبد الصمديحلها مع نفسو موش بفكرة أنكارها كحقيقة قاعده بيناتنا أى العنصرية ,لكن بفكرة أنو مايوظفه كخطاب لأرهاب خصومه فى الرأى بأتهامهم بالعنصرية من واقع أنو هو بينتمى للمجموعات أو المواطنيين السودانيين الأستهدفهم الخطاب والسلوك العنصري ..بالتالى هو من موقع المنتمى لضحايا القوالب العنصرية دى يستطيع أن يمتلك معرفه بمن هو العنصري ولا حتى الفيهو ريحة عنصرية..هنا يحاول ان يكون سلطه ويخلع على نفسه لقب تيرومتر العنصرية الأوحد وتبقى الأحاله ربما لمرجع اسمو مستر دينق فى تعريف من ينتمي للأشرار ومن ينتمي للطيبيين..وهنا طبعاً يظهر المُكر والدهاء فى أنك حتى تتحاشي هذا الوصف السيئ كعنصري ,عليك القبول بكل أطروحات دينق والتيار الذى يمثله فى رؤيته لقضايا العالم والسودان....عشان كدا بتلقى كتير من منسوبي التيارات اليسارية وطلائع الهامش من أولاد البحر بيجو جارين لدينق وواقفين معاهو بفكرة غالباً بيعتقدو فيها وكأنهم يقدمون قرابين التطهر من أرثهم العنصري..(يعنى يطرحوا أنفسهم الأولاد خلااااص كأستثناء خلاق خارج بنية التاريخ الأجتماعي والثقافى الذى كون وعيهم ) التاريخ بتاعنا دا , وهذا طريق فيه خطل كبير جداً وممر زائف ذلك لأن طبيعة التيار الذى يمثله دينق سوى كان يعنى ذلك آم لا هو تيار منبثق من مركزية أوربية محموله على أيدلوجيا وخطاب النيوليبرال وهو بالأساس على المستوى الأيدلوجي يرتكز فى جوهره على أفكار أوروبا القائمة على ريادة الأنسان الأوروبي وفكرة تقسيم العالم القديمة (وحتى الأن) بين عالم الحضاره وعالم المتوحشين ..دينق لاينطلق بالمناسبة اٍلا من هذه الفكرة وهو نموذج مثالي للأستلاب الأوروأمريكي دا (فى نسخته الأستعمارية البغيضه) وكون هذه الأفكار نناقشها ضمن واقعنا اليومي وتبدو كأنها مرتبطه بفضاء وطني بحت وصراعات داخل الوطن هذا لايمنع من قص أترها فى الذهن والأيدلوجيا بمعنى أن هنالك قوى تسعى لتلقيننا مبادئ الخروج من أزمتنا وتوظف مثل دينق والأخرين لمثل هذه الأعمال حتى ولو فى بورد عام زى دا..
وبالمناسبة أنا البشير (البشير الواحد دا) عندى أحسن من ترامب عشان نجيبها من الأخر..
ليه لأنو ترامب جاي من أحشاء دولة بتعتقد أنها رائدة حقوق الأنسان والحضارة فى العالم وأن لديها رسالىة للكون ..البشير زاتو قال عندى رساله ومشروع حضاري لكنه لم يكن منفصماً بأى حال تاريخنا السياسي والأجتماعي دا يعنى ياهو سجمنا ورمادنا دا زاتو...
بمناسبة ترامب..دينق ايضاً ترامبي أصيل فى فكره لكن ببشره سوداء......
Post: #48 Title: Re: لعناية كبر... Author: عبد الصمد محمد Date: 05-30-2016, 07:41 PM Parent: #47
يعني يا أستاذنا لما اليساريون يتعاطفوا مع ضحايا التمييز العنصري والتي أكدت انت إنها حقيقة قاعدة بيناتنا يبقوا ملامين؟؟ يعني مفروض يتعاطفوا مع البكرسوا أكتر وأكتر في هذا التمييز بعدين الضحية (وأقصد هنا ضحية التمييز العنصري) عمره ما بكون إرهابي لأنه ما عنده سلطة غير سلطة حقه يرهب بيها الإرهابي هو البمارس التمييز وبستفيد منه ولا ما كدا يا مولانا
Quote: عنصري بت الناس دى..ماعندك تعريفات أعلى من كدايادينق يا ابني يأخ جدد فى أدواتك ووسائلك للحوار لى هسع شغال تستدر فى عاطفة أولاد البحر ديل المجروحة عواطفهم بحساسية المراهقة السياسية الواقعين فيها دى..وتخوف فيهم ياعنصري وياشنو ..قوم لف العنصرية دى هاجسك أنت وازمتك براااك حلها مع نفسك أولاً وبعدين تعال أتهمنا بالعنصرية
بعدين يأخ داير اسألك بالجد كدا.. أنت زول لحم ودم وبنو أدم ولا تطبيق فاكي لينا بكرى أبوبكر هنا
حاتم الياس. أنت ليس مجرد عنصري فقط، ولكنك رجل مستلب وتائه عرقيا وثقافيا! هل يعقل أن يكون رجل أفريقي أسود مثلك يدعي بأنه عربي ويريد أن يفرض هذه العروبة على أهل السودان أرض السود التي هاجر اليها قلة من العرب وغير العرب من ذوي البشرة الفاتحة في زمن ما؟؟ أنت في نقاشك مع الدكتور الباقر العفيف أصريت إصرار غريب على أن مسألة الهوية السودانية محسومة بالنسبة اليك، فهي الهوية والثقافة العربية، وعلى الأخرين وهم الأغلبية العظمى وسكان البلاد الأصليين، لا خيار لهم سوى القبول والخضوع للثقافة وللهوية العربية! هل يعقل ذلك؟ وكيف يصدر مثل هذا الكلام الغير مسئول من شخص "متعلم" مثلك ويدعي بعض المواقف الليبرالية في عدد كبير من القضايا، وعامل فيها مثقفاتي كمان؟ أنت حاتم الياس المحامي ليس سوى طيب مصطفى صغير.
يا للذكاء..!يأخ انا لى زمن طويل فى البورد دا كنت حسن الظن بأنك ربما يحصل ليك أختراق ما فى جهة وعيك .. لكن يبدو أن هذه القصة لارجاء ينتظر منها...تطبيق دى تعنى صيغة محدده وثابته للحوار والكتابه يعنى زى مافى (نمط) تقني ثابت أنت برضك حالة نمط ثابت...آما قصة أنى لاقيتك ففعلاً لاقيتك وقعدت معاك وتحدثنا ..اٍلا أننى أسف جداً أننى لم أخذ توقيعك على كتيب المشاهير الذى احتفظ به..
Quote: سلامات ياعبد الصمديحلها مع نفسو موش بفكرة أنكارها كحقيقة قاعده بيناتنا أى العنصرية ,لكن بفكرة أنو مايوظفه كخطاب لأرهاب خصومه فى الرأى بأتهامهم بالعنصرية من واقع أنو هو بينتمى للمجموعات أو المواطنيين السودانيين الأستهدفهم الخطاب والسلوك العنصري ..بالتالى هو من موقع المنتمى لضحايا القوالب العنصرية دى يستطيع أن يمتلك معرفه بمن هو العنصري ولا حتى الفيهو ريحة عنصرية..هنا يحاول ان يكون سلطه ويخلع على نفسه لقب تيرومتر العنصرية الأوحد وتبقى الأحاله ربما لمرجع اسمو مستر دينق فى تعريف من ينتمي للأشرار ومن ينتمي للطيبيين..وهنا طبعاً يظهر المُكر والدهاء فى أنك حتى تتحاشي هذا الوصف السيئ كعنصري ,عليك القبول بكل أطروحات دينق والتيار الذى يمثله فى رؤيته لقضايا العالم والسودان....عشان كدا بتلقى كتير من منسوبي التيارات اليسارية وطلائع الهامش من أولاد البحر بيجو جارين لدينق وواقفين معاهو بفكرة غالباً بيعتقدو فيها وكأنهم يقدمون قرابين التطهر من أرثهم العنصري..(يعنى يطرحوا أنفسهم الأولاد خلااااص كأستثناء خلاق خارج بنية التاريخ الأجتماعي والثقافى الذى كون وعيهم ) التاريخ بتاعنا دا , وهذا طريق فيه خطل كبير جداً وممر زائف ذلك لأن طبيعة التيار الذى يمثله دينق سوى كان يعنى ذلك آم لا هو تيار منبثق من مركزية أوربية محموله على أيدلوجيا وخطاب النيوليبرال وهو بالأساس على المستوى الأيدلوجي يرتكز فى جوهره على أفكار أوروبا القائمة على ريادة الأنسان الأوروبي وفكرة تقسيم العالم القديمة (وحتى الأن) بين عالم الحضاره وعالم المتوحشين ..دينق لاينطلق بالمناسبة اٍلا من هذه الفكرة وهو نموذج مثالي للأستلاب الأوروأمريكي دا (فى نسخته الأستعمارية البغيضه) وكون هذه الأفكار نناقشها ضمن واقعنا اليومي وتبدو كأنها مرتبطه بفضاء وطني بحت وصراعات داخل الوطن هذا لايمنع من قص أترها فى الذهن والأيدلوجيا بمعنى أن هنالك قوى تسعى لتلقيننا مبادئ الخروج من أزمتنا وتوظف مثل دينق والأخرين لمثل هذه الأعمال حتى ولو فى بورد عام زى دا..
وبالمناسبة أنا البشير (البشير الواحد دا) عندى أحسن من ترامب عشان نجيبها من الأخر..
ليه لأنو ترامب جاي من أحشاء دولة بتعتقد أنها رائدة حقوق الأنسان والحضارة فى العالم وأن لديها رسالىة للكون ..البشير زاتو قال عندى رساله ومشروع حضاري لكنه لم يكن منفصماً بأى حال تاريخنا السياسي والأجتماعي دا يعنى ياهو سجمنا ورمادنا دا زاتو...
بمناسبة ترامب..دينق ايضاً ترامبي أصيل فى فكره لكن ببشره سوداء......
(عدل بواسطة حاتم الياس on 05-30-2016, 07:37 PM)
حاتم الياس(طيب مصطفى صغير)
ما خطه قلمك يعبر عن أزمة حقيقية تعيشها أنت. أول شيء، لا يوجد هنالك شخص بريء بيتم اتهامه بالعنصرية، والذين أتهمهم أنا فلي ما يثبت ذلك، أنظر الى نفسك أنت كيف تكتب في هذا المنبر من زمان، وما هو الخطاب الذي تحمله دائما! أنا ليس بسلطة ولكني أحمل قلما وأقوم بكشف وفضح العنصريين من أمثالك. بعدين أنت هنا توصف الذين يتفقون معي في محاربة العنصرية بأنهم "يتحاشون الوصف السيء"! لماذا لا يكون هؤلاء الناس بأنهم يعرفون جيدا ما هي العنصرية، وأنهم يتفقون فيما يكتبه دينق من طرح؟؟ ليه أنت خجلان تعطي دينق (credit)يتفق مع عدد كبير من السودانيين حول موضوع العنصرية هذا ولماذا لا تريد أن تعترف بأن دينق قد تمكن من أقناع عدد كبير من السودانيين بوجهة نظره عن موضوع العنصرية؟ وأين خطابك المضاد لما أطرحه أنا وآخرون في هذا المنبر؟؟ هل يا حاتم الياس أنت شخصيا تصديت لبعض الكتابات العنصرية في هذا المنبر؟ الإجابة لا طبعا. أنت هنا الأن في معضلة حقيقية! عندما يحمل أمثال دينق السلاح، أمثالك يدعون حركة "اللا عنف" ويوصفون أهل الهامش بأنهم جماعات عنيفة،وعندما يحمل أمثال دينق القلم أيضا فأنك تأتي محتجا وتكتب أن أمثال دينق يمارسون الإرهاب والتخويف على الأخرين، لذلك تجد هؤلاء الأخرين يناصرون أمثال دينق. أنت رجل عصري بغيض.
Quote: وبالمناسبة أنا البشير (البشير الواحد دا) عندى أحسن من ترامب عشان نجيبها من الأخر..
ليه لأنو ترامب جاي من أحشاء دولة بتعتقد أنها رائدة حقوق الأنسان والحضارة فى العالم وأن لديها رسالىة للكون ..البشير زاتو قال عندى رساله ومشروع حضاري لكنه لم يكن منفصماً بأى حال تاريخنا السياسي والأجتماعي دا يعنى ياهو سجمنا ورمادنا دا زاتو...
ده جهل وما بعده من جهل!
الرئيس السوداني عمر البشير رجل انقلب على السلطة الشرعية، وحكم البلاد لأكثر من 27 عاما، وهو مسئول مسئولية مباشرة من موت أمصر 3 ملايين مواطن سوداني، وتشريد أضعاف ذلك، واغتصاب وتعذيب ألوف الألاف. الأن الرئيس السوداني صار مطارد ومطلوب دوليا، وهو مازال في السلطة ومازال يرتكب تفس الجرائم التي زكرتها. أما دونالد ترمب المترشح الرئاسي للحزب الجمهوري في أمريكا، فهو لم يرتكب أي جريمة في حق شعبه أو في حق خصومه السياسيين، وهو رجل أرتضى العملية الديمقراطية ومؤمن بها، رغم خطابه السياسي العنصري الذي يفرق بين المواطنين الأمريكيين. فكيف يكون السفاح عمر البشير بالنسبة أفضل من دونالد ترمب، الذي لم يرتكب أي جريمة في حق شعبه وقد لا يأتي الى رئاسة البلاد؟ كيف تفضل البشير يا حاتم الياس يا رجل القانون ويا مثقفاتي؟ بربك كيف تعتقد ذلك وبياتوا فهم يا ربيب الإنقاذ؟؟
نا حاتم الياس القاعد فى خرطوم السجم دى ووسط جو سياسي مُكفهر كتبت هذا يوم دخول قوات خليل أبراهيم أمدرمان وفشل المحاوله...بقول ليك كدا ليه يامن تكتب الأن بأسم دينق..لأنو المرحوم عبدالسلام حسن أخبرني أنه بعد هذا النداء هو من حفز ونبه منظمات حقوقية للأنتباه وتقييم الحاله...ماقاعد أحب أستعراضات النضال دى لكنك أضطريتنى ياخ..هسع عليك الله مابستحق لجؤ
برضو تقول لى دينق بحارب العنصرية من واشنطون دى سي
--
هذه الأحداث التى تجرى الأن فى الخرطوم قد تطلق يد الحكومة فى ممارسة أنتهاكات واسعة وتعسفية ضد حقوق الأنسان وضد مبادئ القانون الدولى الأنسانى المعترف بها دولياً والموقع عليها من قبل الحكومة نفسها والتى تنظم المعاير القانونية والأنسانية فى التعامل مع الأسرى..فقد أعطت هذه الأحداث الحكومة فرصة ذهبية ونادره للعودة من جديد للمربع الأول القائم على أقرار سلطتها المطلقة فى القبض والأعتقال والحبس دون مرجعية قانونية ودستورية تنظم ذلك وبذلك يخفت نهائياً الضو القليل الذى أشعلته القوى الديمقراطية فى البلاد..الأخطر من ذلك هو أن تزيد هذه الأحداث بقصد ماكر تعميق الشقة بين مكونات شعبنا وأن تحولنا لشعب يطارد بعضه البعض بلامبرر واقعى وموضوعى سوى السحنات والعرق والقبيلة..مما يرسب فى النفوس تشاحن وتباغض وخصومة نفسية البلاد فى غنى عنها ...
من هنا أدعو جميع الناشطين فى حقل القانون من المهنيين والناشطين وكل القوى الديمقراطية والمحبة لهذا الوطن أن لاتكتفى بالحياد أو تتخازل تجاه أى أنتهاكات أوخروقات ضد أى شخص فهى لاتمس فى مظهرها فقط التداعيات المختلفة لهذه الأحداث وأنما تذهب بعيداً نحو سكب الزيت الحار على جراح الوطن وتمزيقه لتنجح بذلك رهانات خبيثة فى الداخل والخارج تنتظر تبديد الرصيد التاريخى لهذا الشعب ووعيه القادر على بناء وطن ديمقراطى متعدد الى حالة من الفوضى والصراعات الأثنية العبثية.
المكان / موقع سودان فور أول الموضوع/حروب فى خدمة القمع ..نداء للجميع
يا حاتم الياس السلطة الدكتاتورية في دولة ما بعد الإستعمار لا يمكن أن تكون إلا وكيلاً للإستعمار الجديد، وفي الغالب لن تكون سلطة وطنية بأي حال من الأحوال، حتى وإن رفعت شعارات "امريكا وروسيا قد دنا عذابها". لأنها وبالأزمات المضطرة لإرتكابها بتغييبها للجماهير وقمعهم، مضطرة نتيجة لها للتنازل الغير محدود في وجه الإستعمار الجديد. فما تقول لي "البشير وطني"، هو وسلطته اسوأ، لانهم يقومون بالنهب والقمع مرتين، مرة لمصلحتهم ومرة لمصلحة الإستعمار الجديد.
يا أخونا دينق يأخ أرتعبت كدا مالك..أثبت عليك الله :) وماتتراجف زى سليمان ابوداؤوود زمان لمن يجي يقرش الكوره..
أها أوريك أنا أتهزمت شر هزيمة هنا منك يافاهم يادارس معنى الحياه..بس المطلوب منك عشان الزول لمن يتهزم برضو لازم يكون يعرف أتهزم وين وكيف تقوم تعمل شنو ..تجى هنا تورينى أنت أتهزمت هنا وهنا ولخص لى عناصر القصة دى..وليك على أعلنك محمد على كلاي بورد بكري
__ طبعاً فى زول بيكتب بالباسورد بتاعك واقول ليك حاجه باين عليهو زول مهذب كمان ما دُمك زيك ..حتى وهو يستعير عباراتك بتاعت عنصرى وبغيض أُحس به وكأنه أراد أن يثبت فقط نسب الكتابة لأسلوبك (المؤفن دا :)) دا..خلاف ذلك لاغبار عليه سوى أنه وصف ترامب باليمينى وليس الليبرالي وكأن ترامب ينافس فى دائرة أبو حمد كلمو ياخ قول ليهو ألنظام الرأسمالي الوجهه الأيدلوجية لأادراة الأختلاف السياسي وطريقة الوصول للسلطه بتتم بالمفاهيم الليبرالية دى زاتو ..وهسع الخُلعه المسببه ترامب دى أعادة للناس شبح هتلر الذى وصل للسلطة بنفس الأليات دى
ياعيدالروس طبعاص دى مافايته على بأى شكل من الأشكال..لكن خلينا نمشى نناقشه فى براحات أحسن وارحب من (الجمعية الأدبية بتاعت بكري دى) هنا التسطيح سيد الموقف ويبدو أن المنبر بالنسبة للبعض هنا أصبح (كاودا) حيث تم أستبدال المدافع والكلاش بالأساءات والنبذ..
Quote: طبعاً فى زول بيكتب بالباسورد بتاعك واقول ليك حاجه باين عليهو زول مهذب كمان ما دُمك زيك ..حتى وهو يستعير عباراتك بتاعت عنصرى وبغيض أُحس به وكأنه أراد أن يثبت فقط نسب الكتابة لأسلوبك (المؤفن دا :)) دا..خلاف ذلك لاغبار عليه سوى أنه وصف ترامب باليمينى وليس الليبرالي وكأن ترامب ينافس فى دائرة أبو حمد كلمو ياخ قول ليهو ألنظام الرأسمالي الوجهه الأيدلوجية لأادراة الأختلاف السياسي وطريقة الوصول للسلطه بتتم بالمفاهيم الليبرالية دى زاتو ..وهسع الخُلعه المسببه ترامب دى أعادة للناس شبح هتلر الذى وصل للسلطة بنفس الأليات دى
ده كلام زول مهزوم مأفون فعلا، حديثك عن أن هنالك شخص يكتب باسمي هو عين الهزيمة، وأنت ليس أول واحد لقد سبقك في ذلك أخرون، وفي نهاية الأمر منطلقاتك وعقليتكم هي عصرية بحتة، ولسان حالكم يقول “معقولة في جنوب بكتب عربي كده"!
قبل كده في البال توك هنالك من كان يغالطني في شخصيتي وهويتي أيضا، وفي البال توك لم نكن نكتب بل كنا نتناقش بأصواتنا وكلامنا في لقاءات حية. والغريبة كانت نفس الاتهامات العنصرية الغبية، بأنني شخص شمالي شيوعي وليس من جنوب السودان. الأفكار العنصرية الخاطئة التي تحملونها على أهل الجنوب يجب أن تغيروها أو سوف تظلون في عنصريتكم وأوهامكم هذا حتى موتكم. بعدين من الأفضل لك أن تبتعد من السياسة الأمريكية الداخلية دي، لأنك أثبت لي بأنك شخص جاهل فعلا. مشكلتك يا حاتم الياس أنت مصر تعمل فيها أنك انسان مثقف، ولكنك في كل مرة بتثبت لنا عكس ذلك تماما. أقعد في الواطة دي وأعرف حجمك الطبيعي.
أتوقف هنا عن النقاش والتداخل فى هذا البوست...وخالص التحايا للجميع وارجو أن لايعتقد الأصدقاء هنا أن أشاراتي تحمل أى تقليل من قيمة هذا المنبر وكتابه والأخ بكرى أبوبكر صديق عزيز جداً وهذا المنبر قدم للحوار الفكري والسياسي فى السودان أكبر خدمه وله دور مؤثر وكبير للغاية سيذكره التاريخ حتماً لبكري ولكتاب هذا المنبر
Quote: أتوقف هنا عن النقاش والتداخل فى هذا البوست...وخاص التحايا للجميع وارجو أن لايعتقد الأصدقاء هنا أن أشاراتي تحمل أى تقليل من قيمة هذا المنبر وكتابه والأخ بكرى أبوبكر صديق عزيز جداً وهذا المنبر قدم للحوار الفكري والسياسي فى السودان أكبر خدمه وله دور مؤثر وكبير للغاية سيذكره التاريخ حتماً لبكري ولكتاب هذا المنبر أما عن نتيجة هذا الحوار
حاتم الياس 10 ديم سلمان صفر
لأنك زول مهزوم في نفسك قبل أن يهزمك الأخرين.
رجل أفريقي أسود مولود في السودان أرض السود، يصر بأنه عربي، ويصر أن يفرض هذه العروبة على أهل البلاد الأصليين الأفارقة السود. شوف أنت فتحت البوست في ياتو موضوع ولقيت نفسك أنت ذاتك متورط وفضحت نفسك قدر شنو؟
نصيحتي لك:
بطل فلقصة في الفارغ وأقعد في الواطة دي. الزول الفاهم والمثقف لا يقوم بتزكير الناس بذلك في كل مناسبة، إلا يكون هو زول مهزوز الشخصية وغير واثق بنفسه مثلك.
الفيديو بتاع الباقر العفيف فضحك وعراك للناس تماما. مادي قدومك مترين وقاعد فاتح رجليك وتهزز فيهم، وتدخل يدك في جيوبك زي الرباطي العاوز يطلع ليهو مطوة قرن غزال يجقد بيها الناس، ولابس لك قميص أصغر منك لقياتو في السما و كلام ما قادر تتكلم زي الناس، بالله أنت شغال محامي كيف؟؟
Post: #64 Title: Re: لعناية كبر... Author: عبدالغني محمد الحاج Date: 05-31-2016, 03:15 PM Parent: #63
Quote: نصيحتي لك:
بطل فلقصة في الفارغ وأقعد في الواطة دي. الزول الفاهم والمثقف لا يقوم بتزكير الناس بذلك في كل مناسبة، إلا يكون هو زول مهزوز الشخصية وغير واثق بنفسه مثلك.
الفيديو بتاع الباقر العفيف فضحك وعراك للناس تماما. مادي قدومك مترين وقاعد فاتح رجليك وتهزز فيهم، وتدخل يدك في جيوبك زي الرباطي العاوز يطلع ليهو مطوة قرن غزال يجقد بيها الناس، ولابس لك قميص أصغر منك لقياتو في السما و كلام ما قادر تتكلم زي الناس، بالله أنت شغال محامي كيف؟؟
حاتم الياس..حبابك يا صديقي كل سنة وانت طيب..ورمضان كريم.. وبعد.. اولا اعتذر عن كل اذى اصابك بسبب فتح هذا البوست باسمي..وهي ظاهرة تحدثنا عنها كثيرا هنا.. ظاهرة انو الناس بتسيب كبر ولكنها بتقمع كل من قال كلمة خير او مطايبة في حق كبر.. ولك يا صديقي ان تحسب الحاجات.. فالخوف من كبر يدفعهم لتحييد كل الناس التي تظن خيرا في كبر..وهذه معركة نفهمها جيدا ونعرف مراميها..والناس ديل يا حاتم ، ما يفعلونه هنا وفي مواقع اخرى في جخانين هذا المنبر ليس من فراغ.. هم عارفين انعصروا وانهزموا وين..ونحن عارفين.. ولازلنا نملك القدرة على هزيمتهم..!! هذا الخيط يا صديقي .. يكشف لك وللمتابعين والمتابعات.. مسالة مهمة للغاية.. مسألة قيم الديموقراطية التي يتمشدق بها البعض هنا..الكائن السوداني يا حاتم لا يعرف الديموقراطية ولا يحتملها..والله صحي..!! في هذا المنبر ، والذي يفترض فيه ان يكون اعلا ما يكشف عن قيم الكائن السوداني وتعامله مع الأشياء..تظهر الناس على حقيقتها..و شكرا يا صاحب ان جعلتنا ننتبه الى قطيع جديد يتشكل في التعاطي هنا..فهناك اناس كنا نثق فيهم ثقة كبيرة ونثق في قراءتهم للأشياء..ولكنهم يعودون سودانيين عاديين.. سودانيين ناس ياخ الزول ده كعب؟..ولمن تسألوا عرفت كيف انو كعب..يقول ليك ما فلان وفلان قالوا الزول ده كعب..واتنين لو قالوا ليك راسك مافي اهبشو..!! فيا حاتم الياس.. لو عشرة من اهالي امسودان قالوا ليك راسك مافي.. اوعك تهبشو..لأنهم ما عندهم موضوع وممكن يتفقوا ، وفقا على منهجية عقلية القطيع ، بان يخستكوا بيك..والخستكة هينة.. المشكلة الكضب يا حاتم..وصدقني ما يسمى بالنخبة السودانية يمكن ان تتفق على الكضب في حقك زي الترتيب..!! نعم يا صديقي ، اليسار ، وليس كل اليسار السوداني (ونحن ذاتنا يسار لو تصدق..!!) ، وانما بعض من اوباش الشيوعيين..عندهم عقدة ذنب تجاه الجنوب.. واستغلوا اسم المستخدم (بيت الأشباح دينق اخوان) عشان يغشوا الشعب السوداني بانهم اكثر حرصا على محاربة العنصرية ويسكبوا دموع التماسيح بمناسبة او بدون مناسبة.. واقولها لك من تجارب واقعية..بعض الشيوعيين السودانيين اكثر عنصرية من ناس الجبهة الإسلامية..!!..واكثر عنصرية من البقارة والشوايقة والجعليين وبقية عروب امسودان..!! ..عنصرية تصل لحد السفه يا صديقي.. بتاع ناس العــــــــب والمـــرأ..(العــــبد والمرأة)..ما عندهم رأي مع الناس..وهسع دي امشى شوف ليك تجارب حية في الواقع واتأكد من كلامي ده.. فلا تغرنك النياصة هنا..!! التعويقة يا حاتم..نحن رأيناها وعشناها ، لسنوات ، وتفادينا اثارها بكل حرفنة..ولكن..!! صعب يا صديقي ان تتعامل مع السودانيين والسودانيات بشفافية وصدق..! زمان ، قبل سنوات ، احد اصدقائي ، وهو محامي ، ووصل لدرجة ان دخل اللجنة التنفيذية لإتحاد المحاميين والمحاميات السوداني ، وهو صديق حلوة ومرة في بدايات تجربتنا المهنية ضمن طائفة صغار المحاميين في امسودان ، حكيت له عن تجربة غريبة..وهي تجربة زولة سودانية عملت ماجستير ثم قررت ان تترك الإسلام وتصير مسيحية ..ومن خلال حديثها معي (متابعة من معاناتها مع اسرتها ، الى ان ذهبت الى كينيا ، ثم حطت رحالها في نورث امريكا)..كانت تظن انني صرت مسيحيا.. واحبطت هي حينما وصلت الولايات المتحدة وعلمت اني لست مسيحيا..وكانت مستغربة لماذا اساعدها؟.. المهم..حينما حكيت هذه الواقعة لصديقي المحامي ، بتاع نقابة المحاميين في امسودان ومعها حكاوي اخرى..قال لي عبارة غريبة: عارف يا كبر ، النظام بقى يرسل بنات عشان يخترقن المعارضة..!!!! والكلام ده ما اخدتو ماخذ الجد الإ بعد سنوات..!!..الجدير بالذكر صاحبي هذا حزب امة..لكن ياتو خشم بيت في حزب الأمة..خليها في سرك..!! يُحكي عن احد قيادات الجنوبيين ، حينما كان عضو مجلس قيادة ثورة الإنقاذ القدامك دي في ايامها الأولى.. انو كان بيحكي المفارقة والإندهاش في تسليك الناس لأمورها.. فقال..اكتر زول يجوعر ويهتف ويقول الله اكبر..هو اكتر زول متسلق وماسورة وبيخدم في النظام ، بوعي او بدون وعي..! الحتة دي يا حاتم ياها الجات منها فكرة الجداد الإلكتروني..وطبعا شايف هنا البعض بيقوم يقهم الناس في صمة خشمها ويصرف ليك واحد جداد الكتروني مظبوط..!! واقولها لك بكل صدق يا حاتم ، من تجربة سنين في هذا المنتدى.. الجداد الإلكتروني الحقيقي هو بيت الأشباح دينق اخوان وبشاشا..ومحمد سليمان ود الكاره.. وعشان تعرف الحقيقة دي.. قوم اخد ليك اجازة شهر وتابع الناس ديل وردود فعلهم تجاه بعض الحاجات..تابع الإرشيف القاعدين يبتزوا بيهو الناس.. امسك حاجتين فقط: انفصال الجنوب ومنظمة سيف دارفور.. وشوف سلوكهم وتعاملهم مع النقاط دي وح تكتشف العجب العجاب..!! النقطة التالتة لو حبيت تزيد وتستفيض..شوف حكاية موقف بيت الأشباح دينق اخوان وبشاشا من مشاركة صديقتنا تراجي مصطفى في الحوار الوطني.. مافي واحد فيهم قال بغم ولا عندهم استعداد يقولوا بغم..لكن عندهم استعداد يردحوا في ناس كبر ليل ونهار..!! الناس ديل زي المنشار يا صاحب.. طالع يقرض نازل يقرض.. تعمل فيها ضبان ضكر بتاع معارضة بيعانوا ليك بدقة.. اذا شافوك خطر.. بيقوموا يسوا شغلهم بتاع التحقير والسخرية والإسفاف ..عشان ما تعمل ليك مكانة في الرأي العام.. شافوك عامل فيها بتدعم الحكومة..برضك ح يشتغلوا فيك سخرية وتحقير واسفاف عشان يجبروك تقول الرووب وتبقى جزء من النظام..!! ولكن الأغرب انصياع بعض الشيوعيين لهذه اللعبة القذرة..فالشيوعيين مافي تفسير غير انهم قاعدين يحموا دورهم وانشطتهم في امسودان.. عشان كده ديل بيتولوا التعويق على طريقتهم الخاصة.. بيعلموا فيها مندهشين ككيف ولاد حرام جايين من اللامكان وبيقولوا للرأي العام كلام مفروض يقولوهو الشيوعيين..!! خستكنا بيهم كلهم في حكاية دعم الحوار الوطني..ومشكلتهم ما بيعرفوا الضربة ح تجيهم من وين بالضبط..ولسع عندنا القدرة نوجه ليهم ضربات موجعة..!! هناك خيط بوست حي في هذا المنبر ، ودي خارطة طريق ليك يا حاتم وممكن تشتغل بيها أو ما تشتغل لكن اكيد ح تحدث الفرق..الخيط عنوانو (لن تمرر اكاذيبك على الناس يا كبر) وفاتحنو كتيبة الجداد الإلكتروني دينق اخوان..ولو مشيت تفتش الأكاذيب بتاعة اخوك كبر ما ح تلقى أيتها حاجة..ولكن السؤال ليه الخيط ده اتفتح؟.. المناسبة.. بوست جاب محمد سليمان وبيتكلم فيهو عن شهادة للدكتورة عائشة البصيري..امام لجنة فرعية للكونغرس الأمريكي..وقام كبر دخل البوست المعني وقال حاجات بتصب في اتجاه اخر.. الحاجات دي بتخدم نظام الخرطوم..!!..لا تستغرب يا صديقي..!! وعشان الجداد الإلكتروني يضرب محمد سليمان في الأونكل.. بيقوم يفتح بوست باسم كبر ، عشان كبر يتحنفش ويجي يفرتق الشغلانة على رأس محمد سليمان..وكده يكونوا ضربوا عصافير كتيرة بحجر واحد: كبر اشتغل ليهم كمغفل نافع ، محمد سليمان ينضرب في راسو ، الأمم المتحدة تنضرب ، اليوناميد يمرق من البلد (طبعا انا مع خروج اليوناميد من امسودان ، ليس بفهم ناس الحكومة ، وانما بفهم مصلحة اظنها تهم الشعب السوداني..!!).. وحينما صهين اخوك كبر..وعمل نايم..يقوموا يفكوا الكتاكيت (ناس مناضل وجسور وشنو كده ما عارف..!!)..والناس تقوم تجري وتعير.. عشان تثبت للرأي العام انو كبر ده زول ما عندو موضوع..!! شفت اللعب كيف يا صديقي..!! وهم يدركون اين اصبناهم في مقتل.. ولكنهم لا يدركون من اين ستجيئهم الضربة القادمة؟.. وهذه هي محنة الديموقراطية في هذا المنبر..واقولها لك بكل صدق..الناس الحايم هنا..قلة منهم حريصة على الديموقراطية..اما الغالبية.. فدايرة تخستك بالحاجات..!! نعم لوقف الحرب بصورة حقيقية..! نعم لإستقرار السودان..!! وهذه اشياء لا الجداد الإلكتروني (امثال بشاشا وبيت والأشباح دينق اخوان والكتاكيت الجديدة من النكرات التي لا نتذكر اسمائهم).. ولا مخالب القط القذرة الأخرى .. يرغبون في حدوثها وانما هم يحلمون بان ينقسم السودان ثاني وثالث ورابع..ودونك التصريحات الحايمة في الصحف بتاعة ناس (أي دانة في جبال النوبة هي ضرب لوحدة السودان)..!! كتر خيرك يا حاتم.. ونحن رعاوية.. وللراعي شفافية تجاه الكون والأشياء..لا نحتقر الناس..ولو حدثت الحدة فهي صدقني ردة لفعل ما راكب عدلة..ولن تخيفنا طواحين الهواء التي تروج الكذب في حقنا..!! كل سنة وانت طيب يا صديقي.. كبر
Quote: من يكتب باسم كبر ؟؟؟؟ الموضوع سميو طيقا منى ساكت و قد اتأبّط بها امراً أدّا و إذ هو يمارس سيميوليجيا القراءة تاه فى اضابير العنوان الخطأ بالتالى ركب سيمياء المتن الغلط غايتو روسين صحبانى تبنتها لقيتا كويسة الكلام روسين ناس تانين اظن قد حان اوان قطافها
الأخ جلال عمر..حبابك رمضان كريم ، وكل سنة وانت واسرتك بخير وعافية..
العفو يا اخي ، ارجو ان تعفو لي ، فهذه اخر مرة اوجه لك فيها الخطاب مباشرة..
نعم يا جلال انا من كتبت هذه المداخلات بكل اخطاءها الإملائية..ولا احد غيري يكتب بحسابي في هذا المنبر ، وليست لي اتفاقات بينيه مع اخرين لنقود خط كتابة او نقاش بمؤامرات واضحة لا تغيب على فطنة القارئ..ببساطة لأني املك الشجاعة لما اقول واكتب واملك الشجاعة للدفاع عن قناعاتي..!
اذكر جيدا يا جلال ، وليس هذا من باب المن والأذى ، وانت كنت تكتب من نافذة الفيس بوك ، وكنت انا من ينقل مشاركاتك ويضعها في الخيوط الرئيسية في المنبر..وحينما تقدمت لنيل العضوية دعمتك .. ودافعت عن حقك في ان تكون في هذا المنبر ، انا لم اعرفك ولم التقيك في كل سنوات عمري الفانيات ، وتمنيت ان التقيتك وجها لوجه وهذه الأمنية تسربت في غياهب المجهول..ولا ارجو ان اعيدها..!!
وها نحن على اعتاب رمضان ، واذكر انك فتحت خيط باسمي لتبيان الجانب الأخر من شخصيتي ، وكان بوست ضمن سلسلة كتبتها او ابتدرتها انت في رمضان الفات ، ولك ان تعيد الشريط وستجد ان اكثر من تضامن مع فكرتك تلك واجابك باخلاص تام كان هو كبر..تفتكر ليه يا جلال عمر؟!!
في الأيام القليلة الماضية ، يا جلال عمر ، قمت بسحب مداخلاتي من بوستات عديدة ، ووضحت لمن يهمهم الأمر باني سحبت هذه المداخلات بصورة واعية ومدركة ، وانا اعرف كيف يمكن ان يستغل السطحيون والسطحيات امر هذا السحب ، ودونك الإشارات التي تذهب الى اننا انهزمنا وفقدنا المنطق والحجة واننا افلسنا ، فياترى يا جلال لماذا يعرض انسان ، بوعيه الكامل وارادته المعتبرة شرعا وقانونا ، نفسه لمثل تلك المطبات؟.. سحبت البوستات يا جلال بسببك انت..!!..هل تصدق هذا الأمر؟..
نعم سحبتها ، حينما نقلت فكرتك عن (ثورة المنافي) الى بوست اخونا الطيب قريمان (ماهي سبل التغيير) ، وجئت انت ، وكنت تتحدث عن افق اخر ولم تلتقط الفكرة بانها فكرة جيدة وقمينة بان تكون بين قراء المنبر لمزيد من النقاش..ثم تذكرت انت ذلك الخيط ومشيت نكتو من الصفحة الرابعة واعدته لصدر المنبر ..ولم يتفاعل معك احد..ليه؟..
بيد انك لم تتوقف في اعادة خيطك للضوء..وانما عجبتك العزة بالإثم طرا وخاتنتك قراءتك التي توسمناها فيك سابقا.. فصرت تنقز في نقارة الإساءة لكبر ..وكتبت خيطك المعنون بـــ(سكرة الحوار) وهذا هو الخيط الذي دفعني لمسح كل مداخلاتي.. فاذا كنا نتخير بعض الناس ونثق فيهم وفي رؤيتهم للأمور ، ثم يكشفون عن ذاتهم بانهم مجرد قطيع مثل البقية.. فماذا نحن فاعلون؟.. الإحتجاج يا جلال كان ضد خيوطك وما تحمله من غمز وهمز ولمز ضد شخص لم يلتقيك في حياتك ولم تتعامل معه من قرب في حياتك حتى تحكم عليه بخير او بشر ، وبعد كل ذلك تسمح لنفسك بان تحكم عليه ليس لسبب الإ سبب النسنسة التي تسمعها من البعض..
واقولها لك بكل صدق وجدية يا جلال عمر: انا محمد النور كبر لا معاوية المدير (الذي يسمع من راني السماني وبقية اوباش الشيوعيين في مدينة كالقري ويعمل مخلب قط قذر وينفذ اشيائهم نيابة عنهم دون ان يعي ما يفعل) ولا غيرهم يستطيع ان يقول انه يعرفني حتى يحكم علي أو يقيمني او يصدر حكم قيمي في حقي..!!
الأخطاء الإملائية التي تصيدتها انت وغيرك (طبعا غيرك لا يهمني لأنهم سايكوباتيك والكلام العاقل معهم لا يجدي)..حدثت لأني عادة استخدم جهاز لابتوب..وكل ما اكتب في هذا المنبر محفوظ عندي في فايلات..نظام ويرد ديكومنت..حتى حديث الإفك بتاع كسميات نجيب سرور ، هو محفوظ..ليس من اجل ناس سودانيز اونلاين ..ولكن من اجل اسرتي ومستقبل احفادي ليروا من اي صلب جاؤا.. صلب رجل يقول الكلمة ويتحمل مسئوليتها، غض النظر عن كلمة كانت سيئة أو غير موفقة.. وهكذا نربي اطفالنا واحفادنا ، مثلما ربونا من سبقونا على قيم الشجاعة والشفافية والصدق والوضوح ، غض النظر عن عواقب هذا الوضوح..!
اكتب كل مساهماتي في هذا البورد عن طريق لابتوب..وقد لا تصدق او يصدق غيرك من يقرأ هذا الخطاب هنا.. حظرت من قبل اسرتي من استخدام اللابتوب.. لأن الجلوس امام سودانيز اونلاين والونسة مع اهل هذا المنبر تكلف التدخين الكثير..واسرتي لها محاذيرها الصحية تجاهي.. لذلك تم اخفاء اللابتوب..ولم يعد امامي غير جهاز آيباد..لا اجيد استخدامه كثيرا..وله مزاجه الخاص.. فتكتب الكلمة فيفسرها بطريقته الخاصة ويضيفها حسب هواه..حتى ولو انطوت على اخطاء املائية فاحشة ، فالأمر يا جلال عمر لا علاقة له بغيبوبة طارئة أو دائمة..!! تعمل كلك لإرسال مداخلة فيقوم ، رجالة كده ، يرسلها اكثر من مرة..!!
واذكر من قبل ، ان كان عضو المنبر استاذنا ود قاسم ، في سنوات مضت ، وهو استاذ في حياته الطبيعية ويعلم الناس في المدارس ، ان كان يحتج على الأخطاء الإملائية والمنهجية والموضوعية الفاحشة تلك التي تظهر في كتابات عضوية المنبر..وكنا نتفق معه في ذلك.. اٍلى ان وضعتنا الأيام والظروف امام تجارب اخرى..تجارب الديفايس (بتاعة محمد حيدر المشرف في بوست مصطفى مدثر في شان الدرويش) ذات الذكاء الذي يفوق ذكاء بعض مرتادي هذا المنبر ، فتكون لها لغتها الخاصة التي تحفظها عن ظهر قلب..ويكون لها موقفها الخاص عبر فرض ما ترى انه صحيح..حتى لو ظهر للإنسان العادي مجرد اخطاء تجلب التريقة والتشفي وغيرها من ادوات ضعف النفس البشرية اياها..!!
هل اقول هذا الكلام لأرجو عطفا وتضامنا منك؟..بالطبع لأ.. اقول هذا الكلام لأن هناك قارئ وقارئة..ومتابع ومتابعة ..يهمني امرهم كثيرا..! لست أنا من يحدد لك من تصادق..ومن تسمع كلامه وتصدقه ..ولا من ترى من الناس ليكون قريبا منك ..ولكن هذه نصيحة لله ورسولو والجمال..لا تحكم على الناس بكلام الأخرين..ولا تتبع هوى اصدقائك..لأنهم بشر والبشر لهم نفوس ضعيفة..!!..ضعيفة شديد يا جلال عمر..!
بيننا التعامل فقط على اطار هذا المنبر..وللأسف يا اخي لم تعد اهل لثقتنا..وهذا لن يضرك ولن يخصم منك شئ..ولكن هي الشجاعة التي تدفعنا لهذا القول ونحن نتحمل ما نقول وما نكتب..لأننا ما عندنا حاجة بنخاف عليها او عندنا حاجة شينة بنحاول ندسها من الناس..نحن نحترم خياراتنا الشخصية حتى لو لم تعجب الأخرين..!
يا جلال عمر.. لا معاوية المدير ولا راني السماني ولا غيرهم من حثالة الشيوعيين يعرفني ، وكل ما يفعلون هو بروباقندا نعرف مقاصدها ومراميها.. ونعرف لماذا هم يفعلون ذلك في حقنا..ونعرف كيف ان نتعامل معهم..! لن ينقصك شئ ان خسرت محمد النور كبر ، وهو لن ينقصه شئ ان خسر خياراته الذاتية في الثقة في البعض من الناس..!!
ولست في مقام من يوصيك بالحق والجمال ، ولكن تذكر يا اخي: لا تحكم على اناس لا تعرفهم بمجرد نسنسة من بعض ممن تظنهم اصدقائك..احكم على الناس بالتعامل المباشر معاهم في معترك الحياة..!
والسلام..
كبر
Post: #68 Title: Re: لعناية كبر... Author: أبوبكر عباس Date: 06-01-2016, 10:49 AM Parent: #67
شايف حاتم برضو شال كورتو!! صعب الواحد يتتبع بداية المكاجرات ويدخل يدي نصيحة. كبادرة مني للتخلص من الشخصنة، أدعو كل من كبر وحاتم التوقف عن اتهام دينق بانو في زول بكتب من حسابو الكلام دا غير صحيح على الإطلاق دينق دا جلابي الثقافة ومعرفتو باللغة لا تقل عننا في شيء، وحتى لو كان كلو كلو ما بعرف العربي دا، حداشر سنة بالمنبر دا كافية تخليهو يكتب من نفسو. أجد هذه التهمة ساذجة وتزيد من تعكير جو الحوار بينكم لا أقول ليكم لازم تتفقوا، لكن أقول: إختلفوا بفهم.
عليكم الله، ما تجوا تقولوا لي: ليش ما قلت ليهو هو كيت كيت؟؟
موقفي السياسي والفكري (لو كان عندي فكر) يتفق كثيرا جدا مع حاتم الياس ويختلف كثيرا جدا مع دينق وإلى حدٍ ما مع كبر، لكن حتى الآن أتكاجر مع دينق، لكنني لم أعبر الخطوط الحمراء تماما، وليس من مصلحتي الحوارية خسارته نهائيا كمحاور كما فعل كبر! أكرر يا كبر، مسحك لمداخلات دينق -صحي دينق لو اندرع فيك؛ يفكك الفكى بله- لا يليق بك كمستنير كبير ولا يليق بنا كمستنيرين أكبر! طيب لو ما داير تتحاور مع دينق، داير تتحاور مع بريمة؟! عشان كل واحد فيكم يقول للتاني: هلا وغلا أبا ول بريمة يا صديقي. بالمناسبة: أشيد بالروح الرياضية العالية للصديق "ول أبا بريمة يا صديقي" في الحوار
ول ابا ابوبكر عباس..حبابك يا صديقي ليك الحق تخاف من بيت الأشباح دينق اخوان..وناس كتيرة هنا بتمشي جنب الحيط..عشان تأمن شر الجداد الإلكتروني بيت الأشباح دينق اخوان وكمال بشاشا..وغيرهم!!
نعم بيت الأشباح دينق اخوان.. هم مجموعة من الناس.. وللأسف الشديد بتعمل ضد مصلحة السودان..
لا ادري خطوطك الحمراء دي حدها وين يا ابوبكر..ولكن في هذا المنبر..حكاية كبر مجنون كندا دي فكاها شيوعي عايش معانا هنا في مدينة كالقري وكان يمشي بين الناس بالنميمة وطلعنا بيتنا اتفرتق (انو كبر زوجتو طردتو من البيت وبقى هايم على وشو)..وهذا لم يحدث الإ في خياله المريض..واتنشرت الدعاية دي هنا في المنبر ده وناس كتيرة بتتريق بيها وبتشمت بيها علينا..!!
في هذا المنبر يا ابوبكر..طلعونا سكرجية وسطلنجية وبنتكلم بره من راسنا..والدعاية دي اكتر ناس رسختها ناس راني السماني ومخلبو القذر معاوية المدير وبيت الأشباح دينق اخوان وكمان جابت معاهم جلال عمر وغيرهم.. فاين هي الخطوط الحمراء التي تتحدث عنها يا ابوبكر؟..
في هذا المنبر بيت الأشباح دينق اخوان ..عبر مخلبهم الشيوعي القاعد معانا هنا في كالقري طلعونا انا ومنصور المفتاح عايشين عالة على السستم.. يعني ناس عطالة وبتسرق عرق الآخرين..ورددها عبد الله محمود عبد الله اكثر من مرة من باب الإبتزاز..فأين هي الخطوط الحمراء يا ابوبكر عباس؟.. نعم مسحت مداخلات بيت الأشباح دينق اخوان ، وهو قاعد يمسح مداخلات بريمة..فليه انت ما قاعد تشوف الحاجات بصدق وشفافية؟..
في أي بوست يخصني ، وما بيقدروا يعتبوا عليهو.. ح امسح مداخلات من حددتهم من قبل واستثنيت معاوية المدير.. واليوم لو دخل في أي بوست يخصني سوف امسح مداخلاته حتى لو شوطن عديل وطق راسو في الحيطة..!
الإستنارة يا ابوبكر ، لو بتقولها بحق وحقيقة أو بتقولها من باب التريقة و الإستهبال ، الإستنارة لا تعني ان ترخي راسك وتمشي جنب الحيط وتبقى مسكين وتدع الأخرين يتبولوا ويتغوطوا على راسك..انا لست نبي يا صديقي..انا بشر عادي مثلي مثل الآخرين..!!
كبر
Post: #70 Title: Re: لعناية كبر... Author: أبوبكر عباس Date: 06-01-2016, 11:36 AM Parent: #69
الزول لمان يجي يدخل في هكذا دشمان، بدخل من الباب القريب. لكن أقول ليك: الخطوط الحمرا دي عندنا نحن المستنيرين ديل هي حجب الآخر نهائيا يعني أفضل يستمر الحوار بالشتائم من توقفه نهائيا. بعدين الشتيمة دي شنو؟ شنو يعني لو قالوا لي مرتك طردتك؟ ولّ جنيت؟ بزعل شويّة، لكن ما بخلي الموضوع يشتتني عن نقطة خلافي الأساسية.
واحدة من أسلحة الناس لتشتيت الكورة؛ الاستفزاز والشتيمة ما بخليك، قدر ما تشتت الكورة؛ اسب ليك شوية علني وشوية بسري، لكن بجري أجيب الكورة واستفيد من الزمن لتحقيق هدف
Quote: في هذا المنبر يا ابوبكر..طلعونا سكرجية وسطلنجية وبنتكلم بره من راسنا..والدعاية دي اكتر ناس رسختها ناس راني السماني ومخلبو القذر معاوية المدير وبيت الأشباح دينق اخوان وكمان جابت معاهم جلال عمر وغيرهم.. فاين هي الخطوط الحمراء التي تتحدث عنها يا ابوبكر؟..
هل من مزيد ؟، إنداح يا كبر وكلما تنداح ستظهر حقيقتك اكتر واكتر ...
Quote: اكتب كل مساهماتي في هذا البورد عن طريق لابتوب..وقد لا تصدق او يصدق غيرك من يقرأ هذا الخطاب هنا.. حظرت من قبل اسرتي من استخدام اللابتوب.. لأن الجلوس امام سودانيز اونلاين والونسة مع اهل هذا المنبر تكلف التدخين الكثير..واسرتي لها محاذيرها الصحية تجاهي.. لذلك تم اخفاء اللابتوب..
هسّع في داعي ؟. تعال أمسح بسراعك، غايتو مرمي الله اصلو ما بيترفع، الكلآم القلتو في حقي انا خليهو اجِر تعال أمسح الكلآم القلتو في حق نفسك دا . يشيلو منك اللآب توب يا كبير !، إنت وكِت ما بتستحمل البجيبك محل الردم شنو ؟. كلمتك قلت ليك إنت إنسان إنهزامي ؤ ضعيف ابيت تسمع الكلآم، فحفاظاً علي صحتك إتخارج . مافيش زول حا يكون قلبو عليك اكتر من أُسرتك فأحسن تسمع كلآمهم مساككة ود المدير بتوديك في 60 دآهية فأحسن تنساني بدل تبهدل نفسك، ؤ تقد سدرك بالسجائر، السجاير الكتيرة ما كويسة، مُش ؟. ما تسجر احسن ليك . مودتي ...
Quote: ح امسح مداخلات من حددتهم من قبل واستثنيت معاوية المدير.. واليوم لو دخل في أي بوست يخصني سوف امسح مداخلاته حتى لو شوطن عديل وطق راسو في الحيطة..!
، وأنا من جانبي أرحب بول ابا كبر في جميع بوستاتي، يكوّع ؤ يمصمص سجاير زي ما عايز، ولو خلالالالالاس قررت أمسح حاجة حأمسح لك الطفاية يا ول ابا كبر، راحتك اهمّ شي عندي، واتمنى لك إقامة سعيدة لو شرفتنا وستجد مني كل حفاوة فألف مرحب بك في بوستاتنا العامرة بتشريفك لنا . مودتي ...
Quote: وانما بعض من اوباش الشيوعيين..عندهم عقدة ذنب تجاه الجنوب.. واستغلوا اسم المستخدم (بيت الأشباح دينق اخوان) عشان يغشوا الشعب السوداني بانهم اكثر حرصا على محاربة العنصرية ويسكبوا دموع التماسيح بمناسبة او بدون مناسبة.. واقولها لك من تجارب واقعية..بعض الشيوعيين السودانيين اكثر عنصرية من ناس الجبهة الإسلامية..!!..واكثر عنصرية من البقارة والشوايقة والجعليين وبقية عروب امسودان..!! ..عنصرية تصل لحد السفه يا صديقي.. بتاع ناس العــــــــب والمـــرأ..(العــــبد والمرأة)..ما عندهم رأي مع الناس..وهسع دي امشى شوف ليك تجارب حية في الواقع واتأكد من كلامي ده.. فلا تغرنك النياصة هنا..!!
أنا لي خلافات مع بعض منتسبي الحزب الشيوعي السوداني في هذا المنبر وخارج المنبر، خصوصا مع فرع الحزب في منطقة واشنطن. وهذه الخلافات دارت في هذا المنبر، ومن خلال عدة بوستات مختلفة. ولي أيضا بوستات أنتقدت فيها بعض سياسة الحزب الشيوعي السوداني، وبنفس الطريقة التي أنتقدت فيها بقية الأحزاب السودانية. وبعد كل ذلك يأتي مجنون كندا محمد النور كبر وبكل وقاحة يكتب مثل هذه الأتهامات الباطلة؟ الغريبة بعض منتسبي الحزب الشيوعي، عندما عصرتهم شديد كتبوا نفس كلام مجنون كندا ده وقالوا هنالك من يكتب بأسمي أيضا!
أي زول بيقول أن هنالك من يكتب بأسمي في هذا المنبر فهو ليس سوى عنصري مأزوم ومهزوم. العنصرية نعم موجودة في الحزب الشيوعي السوداني، ولكن قد تجدها تقل بكثيرا من الأحزاب الأخرى في السودان.
Quote: ول ابا ابوبكر عباس..حبابك يا صديقي ليك الحق تخاف من بيت الأشباح دينق اخوان..وناس كتيرة هنا بتمشي جنب الحيط..عشان تأمن شر الجداد الإلكتروني بيت الأشباح دينق اخوان وكمال بشاشا..وغيرهم!!
Quote: في هذا المنبر يا ابوبكر..طلعونا سكرجية وسطلنجية وبنتكلم بره من راسنا..والدعاية دي اكتر ناس رسختها ناس راني السماني ومخلبو القذر معاوية المدير وبيت الأشباح دينق اخوان وكمان جابت معاهم جلال عمر وغيرهم.. فاين هي الخطوط الحمراء التي تتحدث عنها يا ابوبكر؟..
حقيقة يجب أن تقال. في بداية مساجلاتي مع محمد النور كبر وبعد أن عاد من رحلته الشهيرة تلك للسودان وعاد لنا بأفكار غريبة. عندما كنت أقصو عليه في النقاش كان يدخل علي عضوا المنبر راني السماني ويقول لي بأن أتوقف من سجالي مع محمد النور كبر وبدون أي سابق معرفة بيننا، وعندها رفضت طلبه تماما. راني ده كان بيدافع عنك يا كبر، وحتى لو كان في الخاص. وهسع وبكل وقاحة جاي تقول عليه متأمر معنا ضدك؟؟ أنت يا كبرر من هو صليحك ومن هو عدوك يا رجل؟ بس أوع يكون صليحك هم من أمثال الإنتهازي منصور مفتاح؟؟
Quote: في هذا المنبر بيت الأشباح دينق اخوان ..عبر مخلبهم الشيوعي القاعد معانا هنا في كالقري طلعونا انا ومنصور المفتاح عايشين عالة على السستم.. يعني ناس عطالة وبتسرق عرق الآخرين..ورددها عبد الله محمود عبد الله اكثر من مرة من باب الإبتزاز..فأين هي الخطوط الحمراء يا ابوبكر عباس؟.. نعم مسحت مداخلات بيت الأشباح دينق اخوان ، وهو قاعد يمسح مداخلات بريمة..فليه انت ما قاعد تشوف الحاجات بصدق وشفافية؟..
عندى نقاشات ؟ اليسمع عندى نقاشات دى يقول عزمي بشاره ..انت يادينق منبر بكري دا وهمك ولاشنو ملاك أحساس كدا بأنك شخص مهم وصاحب مساهمات يازول والله انت محتاج تمرق من الوهمه دى وتشوف نفسك كزول فاضى جدا وطربيزة موز...عارف مرات كتيره وانا بتناقش معاك موش زى ماقلت بالأكلشيه بتاعك حق المسكنه داك (عشان أنا جنوبى) بحن عليك والله شديد وأنا أكتشف النواقص المريعه التى تعترى تفكيرك وطريقة مناقشتك..هسع زى كلمة (مجنون) الجاري بيها دى أنت وين حساسيتك أيها المناضل ضد العنصرية وأنت لازلت تعتبر المرض النفسيى والعقلى شتيمه يعني استطعت أن تتحاشى العنصرية فى تفكيرك وأن تضع لنفسك ترسانة فهم ورأى مجود وقوى جداً ضد العنصريين أمثالنا ديل... لكن أنت بعضمك ولحمك ووعيك قاعد فى أشكال تانيه من التنميط والأوصاف المرزوله لفئات فى المجتمع.. ياخ أنت ماعندك سالفه والله ونحن مضيعين وقتنا معاك ساى
ياكمال عباس أنت عليك اعترف خليك منى أنا..امانه فى ذمتك دينق دا مابسيط فى تفكيرو..
بطل فلقصة في الفارغ وأقعد في الواطة دي. الزول الفاهم والمثقف لا يقوم بتزكير الناس بذلك في كل مناسبة، إلا يكون هو زول مهزوز الشخصية وغير واثق بنفسه مثلك.
الفيديو بتاع الباقر العفيف فضحك وعراك للناس تماما. مادي قدومك مترين وقاعد فاتح رجليك وتهزز فيهم، وتدخل يدك في جيوبك زي الرباطي العاوز يطلع ليهو مطوة قرن غزال يجقد بيها الناس، ولابس لك قميص أصغر منك لياقتو طايرة في السما و كلام ما قادر تتكلم زي الناس، بالله أنت شغال محامي كيف؟؟
Quote: هسع زى كلمة (مجنون) الجاري بيها دى أنت وين حساسيتك أيها المناضل ضد العنصرية وأنت لازلت تعتبر المرض النفسيى والعقلى شتيمه يعني استطعت أن تتحاشى العنصرية فى تفكيرك وأن تضع لنفسك ترسانة فهم ورأى مجود وقوى جداً ضد العنصريين أمثالنا ديل... لكن أنت بعضمك ولحمك ووعيك قاعد فى أشكال تانيه من التنميط والأوصاف المرزوله لفئات فى المجتمع
أيوة كدا دا كلام مجود وقوي، وفيهو عنف قانوني ويحرج دينق وبخلي للحوار معنى. أها هسع لو كان فعلا شلتا كورتك وفريت؛ الكان بدي دينق الدرس دا منو؟
شكرا يا أستاذ
منتظرنك يا دينق، تعال رد على النقطة دي خاصة وانو إتّا شاركتنا أنا وحافظ التصدي لمنصور المفتاح حينما تعدى على أصحاب الحالات الخاصة
وعييييييييييك ثم عاكٌ وعمر البشير يراعي ليكم ساكت وكل دقيقة يخمش ليهو زول منكم لمن تصبحوا الصباح وتلقوا حميدتي حاكم البلد وبريمة مدير مكتبه ههههههههههههههه
Post: #83 Title: Re: لعناية كبر... Author: حمد عبد الغفار عمر Date: 06-01-2016, 07:12 PM Parent: #82
يا كبر سلام وخت الكورة واطة ما كل نقد استهداف
Quote: ولكن هي الشجاعة التي تدفعنا لهذا القول ونحن نتحمل ما نقول وما نكتب.
في السياسة مسألة التفكير الحر والموقف الفردي مقابل عمل المجموعة (الذي تسميه إجحافا القطيع) هو قمة التنصل من مسئوليه ما تقف عليه فإنت تريد أن يتفرق دم المواقف بين ملايين البشر يا سيدي عندما تحدث الكعة لن يٌنظر لما قاله كبر أو حمد سيُنظر لما قاله حزب الأمة والشيوعي والمؤتمر الوطني والحركة الشعبية والإتحادي الخ وسيتم حساب المواقف تبعا لذلك ولن يكون لموقفك الفردي وجود السياسة لا تعترف بالعمل الفردي فقط تعترف بالكيانات ذات الوجهات المحددة .
Quote: Swachw Swachw أخونا ود المدير .. مع وافر الاحترام ، سؤال وملاحظة قبل رمضان :) : ــ صحيح أنت شيوعي ؟ أنا أسأل لأني لا أراك تشبه " الشيوعيين " ــ أما الملاحظة : كما أنك لا تشبه الشيوعيين ، فلا أراك " متسقا .. متعوب عليها هذي :) " مع دينق ، وأرى أن القشة التي قصمت ظهر محبيك هي في موضوعك عن " اللنقاز .. " وكأنك مشجع في مدرج لدينق !! فإما أن دينق بيت الأشباح فعلا ، وأنت تشجع شخصا يكتنب باسمه ــ كما يقول كبر ــ أو أنك فقط تحاول النيل من كبر بهذه الطريقة ... يا معاوية .. كبر مثقف حقيقي ، وأنت إنسان محترم ، ولا تناقض بينهما بل بروز صفة وتجليها في شخص ما بنسبة أكبر ( هذا رأيي الذي توصلت له على البعد من خلال قراءة ما تكتبون ) .. فأين الإحترام دع عنك الثقافة من دينق ؟؟!!
حبابك ..يا صديق حكاية النيل من كبر دي موجودة..والمحزن حتى الآن اسأل نفسي لماذا كل هذا التجني في حقي من قبل معاوية المدير..وهو زول لا اعرفه ولم اتعامل معه قط في حياتي حتى يحكم علي شخصي..كل معلوماته عبارة عن نسنسة واقاويل من اناس نعرفهم جيدا..!! اما حكاية حظ بيت الأشباح دينق اخوان من الثقافة فهي معدومة تماما لا حظ لهم من الأشياء قاطبة ..وكل الذي يريدون أن يحققوه هو من هذا الترصد..وترصدوا اناس كثر يا صديقي..حتى يكتبوا عند الناس مثقفين..وهيهات..! البلطجة الإسفيرية التي تحدث هنا لا مبرر لها غير انها عنصرية نتنة للغاية.. وحتى اللحظة السؤال قائم: لماذا لم يطارد بيت الأشباح دينق اخوان وبشاشا ..لماذا لم يطاردوا تراجي مصطفى وهي التي ذهبت لتشارك في الحوار الوطني؟..
Quote: حافظ الإمام محي الدين • كالغاري الإتهام بإنه في زول بكتب بإسم دينق ليس من واقع إنه جنوبي ولكن لإختلاف أساليب الكتابه، فعادي جدا ممكن يكون في واحد شمالي قاعدين يكتبوا ليه، هسي لو قام كبر وللا حاتم الياس بكتابتهم المميزه دي أدوني كلام ونزلتوا أنا بإسمي وكتابتي الشتره دي مش حيكون ظاهر؟ أبوبكر عباس يا أخي إنت عندي من أذكياء المنبر ولك قراءه فاحصه فما عارف كيف حاجه واضحه زي دي تفوت عليك وننتبه ليها نحن العنقاله ديل. طالما دينق إرتضى بمسألة إنه زول يكتب ليه دي ما فيها مشكله يا أبابكر لأنه الناس في الغالب بتحاول تناقش الأفكار المطروحه سواء كانت من دينق أو خلافه ،لكن أساسا مافي أي أفكار إنما شتيمه وإساءات شخصيه فده بخليك عايز تعرف ده منوالبشتم فيك ده ،ولي شنو نقطه تانيه يابكور، دينق متواجد في المنبر 24/7 ، دي بس كيف تجي، الشي أصلو لا نام لاأكل الطعام؛ كدي جرب أفتح ليك بوست بإسمه أو بإسم واحد من أعدائه وشوف المداخله الأولى حتكون بتاعت منو؟ وفرقها من زمن فتح البوست كم؟ يا أخي أنا مرات بلاحظ عنده أكثر من ثلاثه مداخلات في بوستات مختلفه والفرق بيناتهم دقيقه واحده.. تعرف يا أبابكر من أكثر الناس العاملين فيها بحاربوا السرقات الأدبيه ياهو دينق ده ولو تابعت ملاحقاته للناس في المجال ده تستغرب، يا أخي الناس البسرقوا ديل بسرقوا ليهم حاجه يستفيدوا منها الناس وبكونوا عايزين يقشروا بيها، لكن لاقاك زول بسرق ليه شتيمه ويقشر بيها؟
ول ابا حافظ الإمام..حبابك يا صديقي رمضان كريم.. كتر خيرك على هذه النقاط..واهلنا قالوا (العود كن ما فيهو شق ما بيقول طق)..وبرضك قالوا مافي دخان من غير نار..
ما يحدث هنا يا صديقي هو عنصرية تعيسة للغاية..
كبر
Post: #86 Title: Re: لعناية كبر... Author: أبوبكر عباس Date: 06-02-2016, 07:48 AM Parent: #84
Quote: وحتى اللحظة السؤال قائم: لماذا لم يطارد بيت الأشباح دينق اخوان وبشاشا ..لماذا لم يطاردوا تراجي مصطفى وهي التي ذهبت لتشارك في الحوار الوطني؟..
السؤال دا فيهو وجاهة شديدة، فقط كان ممكن تحذف إتهام دينق أخوان وتقول لدينق: لماذا تعاملت مع منصور وتراجي في مشاركتهما في الحوار بمعيارين مختلفين؟
Post: #88 Title: Re: لعناية كبر... Author: Deng Date: 06-02-2016, 08:17 AM Parent: #86
أبوبكر عباس.
موضوع في تاس بتكتب بأسمي ده ، ده موضوع عنصري في أساسه، والذين أتوا بهذه الأتهامات ختوها عدييل كده من الأول وقالوا مافي جنوبي بعرف يكتب عربي بالطريقة دي! ده يا أبوبكر موضوع قديم جدا، وحتى عندما كنا نتناقش في البال توك، قالوا نفس الكلام وأتهموني بأني شيوعي شمالي، ونفس الأسطوانة بتاعت مافي جنوبي بتكلم عربي بالطريقة دي. ومن هولاء كان كباشي الصافي الذي يكتب هنا بأسم كانتونا.
أما حافظ الإمام شقيق الكوز المتشدد حافظ الإمام، فهو قد جن جنونه منذ أن بدأت أفضح شقيقه المنافق الدجال للناس. وهو لم يأتي من نافذة الفيس بوك إلا للدفاع على شقيقه الكوز العنصري المأزوم.
أرجوا من الأخوة متابعة أي بوست أشارك فيه أنا في هذا المنبر سوف تجدون حافظ الإمام لا هم له سوى مطاردة دينق وما يكتبه دينق، ولو أنتبهتو لوجدتو أنني لا أرد على تفاهاته في معظم الأوقات.
البال توك Pal Talk هو موقع للتواصل الأجتماعي ويتم فيه النقاش في غرف مخصصة بقضايا معينة، عن طريق الميكرفون أو عن طريق الكتابة. والكيزان هنالك أدبناهم أدب شديد. لقد كنت نشطا في البال توك في الفترة بين 1999-2004
أطرف ما في البوست دا أنه حاتم الياس إنتهى إلي حيث إبتدأ إنضم لفريق العامل البحراوى و انخرط في الشلاليت و شتارة ناس سودانيز و بقى معوقاتي! أصلها بتبدا كدا يا حاتم! وقع ليك؟
Post: #89 Title: Re: لعناية كبر... Author: Deng Date: 06-02-2016, 08:44 AM Parent: #87
Quote: حبابك ..يا صديق حكاية النيل من كبر دي موجودة..والمحزن حتى الآن اسأل نفسي لماذا كل هذا التجني في حقي من قبل معاوية المدير..وهو زول لا اعرفه ولم اتعامل معه قط في حياتي حتى يحكم علي شخصي..كل معلوماته عبارة عن نسنسة واقاويل من اناس نعرفهم جيدا..!! اما حكاية حظ بيت الأشباح دينق اخوان من الثقافة فهي معدومة تماما لا حظ لهم من الأشياء قاطبة ..وكل الذي يريدون أن يحققوه هو من هذا الترصد..وترصدوا اناس كثر يا صديقي..حتى يكتبوا عند الناس مثقفين..وهيهات..! البلطجة الإسفيرية التي تحدث هنا لا مبرر لها غير انها عنصرية نتنة للغاية.. وحتى اللحظة السؤال قائم: لماذا لم يطارد بيت الأشباح دينق اخوان وبشاشا ..لماذا لم يطاردوا تراجي مصطفى وهي التي ذهبت لتشارك في الحوار الوطني؟..
Quote: Swachw Swachw أخونا ود المدير .. مع وافر الاحترام ، سؤال وملاحظة قبل رمضان :) : ــ صحيح أنت شيوعي ؟ أنا أسأل لأني لا أراك تشبه " الشيوعيين " ــ أما الملاحظة : كما أنك لا تشبه الشيوعيين ، فلا أراك " متسقا .. متعوب عليها هذي :) " مع دينق ، وأرى أن القشة التي قصمت ظهر محبيك هي في موضوعك عن " اللنقاز .. " وكأنك مشجع في مدرج لدينق !! فإما أن دينق بيت الأشباح فعلا ، وأنت تشجع شخصا يكتنب باسمه ــ كما يقول كبر ــ أو أنك فقط تحاول النيل من كبر بهذه الطريقة ... يا معاوية .. كبر مثقف حقيقي ، وأنت إنسان محترم ، ولا تناقض بينهما بل بروز صفة وتجليها في شخص ما بنسبة أكبر ( هذا رأيي الذي توصلت له على البعد من خلال قراءة ما تكتبون ) .. فأين الإحترام دع عنك الثقافة من دينق ؟؟!!
، أخي صامت ولك من الإحترام ما اخاله يصلك في محلّك . اسمح لي أخي ان أخاطبك بالإسم القديم (صامت) فالإسم الجديد يستعصي عليّ . أهلنا العرب قالوا، البعرة تدُل علي البعير واثر الأقدام يدل علي المسير، فكتابتك واُسلوب خطابك تدل علي معدنك الأصيل ونقاء سريرتك وهذا الذي يهمني فمسألة الأسماء هذه شكلية والمهم المضمون . كبر هو الذي نسبني للشيوعية، ولو بحثت كشوفات احزاب السودان كلها لن تجد إسمي، فأنا ليس لي إنتماء لحزب سياسي . بصرآحة كانت تعجبني فكرة تبني الإنقاذ للمشروع الإسلآمي لكن الإنقاذ منذ بداياتها سفرت وتبرجت وبرزت للجميع في صورتها الحقيقية، عاهرة تتاجر بفرجها في سوق السياسة . مسألة الإسلآم ليست معقدة ويمكنني ان ابينها في خمسة اسطر فقط . يأخي انا لا اشجع أحد ولا أقف في صف أحد، أنا أطرح رأيي ووجهة نظري فقط وهي تقبل الصواب كما تقبل الخطأ، قد تكون رايت عدم إتساق لأنك نظرت للموضوع من ناحية إنتصار لشخص علي آخر، لكن البوست امره واضح من العنوان ويمكنك ان تتابع لتتبيّن القصد . لو كنت أود النيل من كبر لرددت له إساءته، ولا اشجع دينق بل اكتب حقيقة ظاهرة في هذا الموقع بخصوص الحوار مفادها ان الإنقاذ لعبت علي مجموعة محددة اجهزت عليها ورمتها علي قارعة البورد لدينق كي ينال منها . يمكنك متابعة البوست لتعرف التفاصيل . إتفق معك علي انّ كبر إنسان مثقف وأشكرك علي نعتي بأنني محترم اما بالنسبة لدينق فهو زميل منبر لا نستطيع إسقاطه مثل كل الأعضاء أحترمه ما إحترمني وأُناقشه إن إختلفنا في الرأي أو إتفقنا . بالنسبة لقول كبر، كبر قوله لا يُعتد به وسأوضّح السبب ...
Post: #91 Title: Re: لعناية كبر... Author: محمد المسلمي Date: 06-02-2016, 09:58 AM Parent: #90
Quote: البال توك Pal Talk هو موقع للتواصل الأجتماعي ويتم فيه النقاش في غرف مخصصة بقضايا معينة، عن طريق الميكرفون أو عن طريق الكتابة. والكيزان هنالك أدبناهم أدب شديد. لقد كنت نشطا في البال توك في الفترة بين 1999-2004
المستنير ابوبكر عباس دينق شرح ليك البال توك 😜😜😜عشان ماتقول لينا مستنير
ألذّ ناس ناس قيره قير ديل الخياله جو جاب دحشتو وجا وبدور يسابق غايتو إياهو شغل الكدندايه والفار جاب عصاتو ومن الكديس حجزو، يا خلق كبر من عصاة أهل المعرفه والثقافه والراى والكتابه النظيفه ومن يظن بأن يهزمه بتلك الألاعيب الصبيانيه والبلاهه المدوعله فاليتحسس عقله هذا رجل خفس وعبر كل الحواجز ليتربع فوق مقاعد الريادة والشرف وقومو لى صيامكم يرحمكم الله.
منصور
Post: #92 Title: Re: لعناية كبر... Author: محمد أبوالعزائم أبوالريش Date: 06-02-2016, 10:11 AM Parent: #89
Quote: شوفو حاتم الياس الذي يدعي الأستنارة كده بالله شوفو حاتم الياس كان بيعمل شنو في اللقاء ده. كمية تهريج فارغ ولغة جسد توحي أن صاحبها زول رباطي ساكت. ومادي قدومو مترين.
والله يا دينق دي نوع البرامج/ الحوارات البترفع الضغط شوف د. الباقر العفيف يجلس ويستمع بكل اهتمام ولا يتحدث إلاّ عندما يوجه إليه الكلام ويتكلم بكل هدوء وبصوت منخفض بدون صراخ، يتحدث بفمه فقط ولا تشترك أيديه في الكلام، عندما يتحدث الطرف الثاني لا يقاطع.
حاول تجري مقارنة بين ما يفعله د. الباقر أعلاه والطرف الثاني.
هذا يحدث في معظم البرامج الحوارية، يظن من يعلي صوته أن كلامه سيكون أكثر تأثيراً
Post: #94 Title: Re: لعناية كبر... Author: أبوبكر عباس Date: 06-02-2016, 10:40 AM Parent: #92
هذه يا أبا العزائم طبائع بشر، وحاتم في النهاية حديث عهد بالخرطوم! والبرود تستطيع أن تكسبه. لكن من ناحية محتوى، فحاتم رغم عنقلتو كان متفوق على العفيف زي طلطاشر متر
العريبي دا ودكتور عبد الله ع إبراهيم القصة واقعة ليهم وما بخافو من التعبير عنها.
العريبي دا لو تعلم البرود وعلامات الترقيم؛ الله أعلم زول يلحقو. الزول دا عندو مكنة دماغ ممتازة
Post: #96 Title: Re: لعناية كبر... Author: Deng Date: 06-02-2016, 11:23 AM Parent: #94
محمد المسلمي
الشرح موجه الى قراء المنبر، لأن البال توك صار موضة قديمة ولا أعتقد أن هنالك عدد كبير من المتابعين له كما في الماضي,
نعم يا أبوبكر حاتم طرق المشكلة بزاوية تفكير مختلف شدد على الtrend العام للثقافة و الهوية المؤسف أنه الإختلاف حول المسألة دي أصبح أمر حساس بفعل الإنقاذ العفيفي كرر نفسه كتير و المذيع مزعج.. خاصة تجاه حاتم
Post: #97 Title: Re: لعناية كبر... Author: Deng Date: 06-02-2016, 11:27 AM Parent: #95
Quote: نصيحتي لك:
بطل فلقصة في الفارغ وأقعد في الواطة دي. الزول الفاهم والمثقف لا يقوم بتزكير الناس بذلك في كل مناسبة، إلا يكون هو زول مهزوز الشخصية وغير واثق بنفسه مثلك.
الفيديو بتاع الباقر العفيف فضحك وعراك للناس تماما. مادي قدومك مترين وقاعد فاتح رجليك وتهزز فيهم، وتدخل يدك في جيوبك زي الرباطي العاوز يطلع ليهو مطوة قرن غزال يجقد بيها الناس، ولابس لك قميص أصغر منك لياقتو طايرة في السما و كلام ما قادر تتكلم زي الناس، بالله أنت شغال محامي كيف؟؟
أبو الريش
الكلام الفوق ده كلامي لي الفاكيها في روحو حاتم الياس.
Post: #99 Title: Re: لعناية كبر... Author: Deng Date: 06-02-2016, 11:30 AM Parent: #97
Quote: وحاتم في النهاية حديث عهد بالخرطوم!
أبوبكر عباس.
هل المعلومة دي صحيحة؟
لأنو حاتم شابك الناس امدرمان امدرمان ويتحدث عن بعض فرق كرة القدم في الخرطوم وكأنه ترعرع بها!
Quote: .وقد لا تصدق او يصدق غيرك من يقرأ هذا الخطاب هنا.. حظرت من قبل اسرتي من استخدام اللابتوب.. لأن الجلوس امام سودانيز اونلاين والونسة مع اهل هذا المنبر تكلف التدخين الكثير.. واسرتي لها محاذيرها الصحية تجاهي.. لذلك تم اخفاء اللابتوب..
يا كبر واضح جداً إنو كتابتك في الآونة الآخيرة فيها الكثير من الإضطراب وتخيّل اشياء لا علآقة لها بالواقع، وإيهام نفسك بأنك مستهدف من قِبل بعض اعضاء البورد، واحياناً تضخيم للذآت، وإنفعالآت تظهر في بعض التصريحات، وشتم الناس والتقليل من شأنهم كمثل وصفهم بالقطيع، ومسح مداخلآت الأعضاء، بل ومسح مداخلآتك، وإعتبار كل من يشاركك الرأي صليح، وعكسه من يختلف معك فهو عدو، وسعيك في حوارك لتسجيل نقاط كأنك لآعب مبارأة !!!!!!!!؟ . إنت غير مستقر يا كبر ويبدو إنك بتكون شديد الإنفعال السبب الخلآ يدسو مِنّك اللآب توب، فيا سيدي عندكم إنتو أهل القانون عندما يُلآحظ إضطراب من الشاهد أو الجاني لا يُعتد بكلآمه حتي يكون في وضع مستقر، لذلك كلآمك كلو في الآونة الآخيرة دي يعتبر خارم بارم، ويا سيدي إبتعد عن المنبر والكتابة ولو لحين فأنت مُتعب وفي حاجة للرآحة . المكابرة في مثل هذه الحالآت لا تنفع، اسمع كلآم أُسرتك سيّبك من ود المدير وغيره ...
Post: #102 Title: Re: لعناية كبر... Author: محمد أبوالعزائم أبوالريش Date: 06-02-2016, 11:58 AM Parent: #100
لا .. لا .. لا ..
فور اول دي شعراً ما عندي ليهو رقبة.
______ يا دوب شفت البوست في الرابط الجابو دينق.
Quote: حوار فكرته ممتازة ..
مع كامل إحترامي لمقدم البرنامج، ولكن في تقديري كان ممكن يدير الحوار بشكل أفضل من كدا!! الاستاذ حاتم الياس في تقديري أكثر من المقاطعات المتكررة والإطالة! والغريبة برغم الوضع دا كان بشتكي من عدم منحه زمن كافي! .
د. الباقر كالعادة موضوعي جداً، ومحاور ذكي ولا يجنح لإستفزاز محاوريهأو التقليل من شأنهم .. برغم قلة المدة التي أتحيت ليهوا في اللقاء ولكنه قدر يحلل المشكلة من جذورها ويربطها بالواقع ويطرح وجهة نظره .
ما اختلف كتير عن كلامي القلتو فوق.
Post: #112 Title: Re: لعناية كبر... Author: خالد حاكم Date: 06-02-2016, 10:16 PM Parent: #98
Quote: يا كبر واضح جداً إنو كتابتك في الآونة الآخيرة فيها الكثير من الإضطراب وتخيّل اشياء لا علآقة لها بالواقع، وإيهام نفسك بأنك مستهدف من قِبل بعض اعضاء البورد، واحياناً تضخيم للذآت، وإنفعالآت تظهر في بعض التصريحات، وشتم الناس والتقليل من شأنهم كمثل وصفهم بالقطيع، ومسح مداخلآت الأعضاء، بل ومسح مداخلآتك، وإعتبار كل من يشاركك الرأي صليح، وعكسه من يختلف معك فهو عدو، وسعيك في حوارك لتسجيل نقاط كأنك لآعب مبارأة !!!!!!!!؟ . إنت غير مستقر يا كبر ويبدو إنك بتكون شديد الإنفعال السبب الخلآ يدسو مِنّك اللآب توب، فيا سيدي عندكم إنتو أهل القانون عندما يُلآحظ إضطراب من الشاهد أو الجاني لا يُعتد بكلآمه حتي يكون في وضع مستقر، لذلك كلآمك كلو في الآونة الآخيرة دي يعتبر خارم بارم، ويا سيدي إبتعد عن المنبر والكتابة ولو لحين فأنت مُتعب وفي حاجة للرآحة . المكابرة في مثل هذه الحالآت لا تنفع، اسمع كلآم أُسرتك سيّبك من ود المدير وغيره ...
اصيل يا ودالمدير كلام مليان غايتو يا كبر لو امثال ودالمدير هم اعداءك فينطبق عليه المثل ( عدو عاقل خير من صديق جاهل ) مع تحياتى لكم جميعا
عامل صورتك زى حقت الواعدين الزمان البجيبوهم فى مجلة الأذاعة والتلفزيون فى السبعينات هسع دى قعدة زول فى الزمن دا ولا زول لسه متأثر بفكرة الأستديو الوحيد فى المدن الاقليمية الناس تستحمه وتمشى تتصور :)
حاتم..حبابك يا صديقي ياخي البوست ده كشف حاجات عجيبة للغاية.. المهم يا صاحب..شايف ياهم ديل الناس القاعدين يجوعروا فجر وعشية عن الديموقراطية وقيم الديموقراطية.. وياهو ده شكل الحوارات البتكلم عنها المستنير ابكر الطويل ويدعونا لإحترامها واحترام اهلها.. هي ليست حوارات وانما تعليقات ضعيفة ومزاجية من شاكلة عاين ده قاعد كيف وعاين ده لابس كرفتة رخيصة وعاين ده قميصو مكرمش..طبعا بعد شوية يغالطوك في العطر وشكل الشعر عامل فيهو ياتو كريم ولا ياتو شامبو ولا ياتو كركار.. واهو خطينا بيت الأشباح دينق اخوان في زاوية ضيقة لدرجة انهم افلسوا وقعدوا للبطبطة والشتائم..يعني تبريراتهم انهم متابعين كبر مشى السودان وجا راجع واتغير كما يزعمون عشان كده هم مترصدنو.. وانو بقى زول حيكومة وكده..لكن أول ما تسألهم لماذا سكتوا عن مشاركة تراجي في مؤتمر الحوار الوطني طوالي بيعملوا رايحين وغمرانين.. الحوار الوطني فيهو اكتر من ثمانمائة شخصية ..واكثر من ثمانين حزب ومنظمة سياسية واكثر من تلاتين حركة مسلحة ، واهو داك ناس دارفور في الدوحة والصادق المهدي في جنوب افريقيا لمناقشة امر خارطة الطريق..وفي ناس في هذا الخيط قاعدين يحنسوا الناس عشان يشوفوا ليهم طريقة ويلحقوا باقي الحوار الوطني ..كل هذه الفئات سواءا منظمات أو افراد مافي زول شغال بيها زي ما شغالين باخونا كبر.. وكمان لدرجة تشخيص حالتو النفسية.. فيا ترى ليه؟..لماذا كبر كما سال صديقنا محمد عبد الله حرسم؟..بالنسبة لي دي ياها العنصرية في ذات نفسها.. ويظل السؤال قائم لبيت الأشباح دينق اخوان: لماذا السكوت على تراجي ، وهي لم تزور السودان زيارة عادية وانما شاركت في الحوار الوطني؟..
Quote: في السياسة مسألة التفكير الحر والموقف الفردي مقابل عمل المجموعة (الذي تسميه إجحافا القطيع) هو قمة التنصل من مسئوليه ما تقف عليه فإنت تريد أن يتفرق دم المواقف بين ملايين البشر يا سيدي عندما تحدث الكعة لن يٌنظر لما قاله كبر أو حمد سيُنظر لما قاله حزب الأمة والشيوعي والمؤتمر الوطني والحركة الشعبية والإتحادي الخ وسيتم حساب المواقف تبعا لذلك ولن يكون لموقفك الفردي وجود السياسة لا تعترف بالعمل الفردي فقط تعترف بالكيانات ذات الوجهات المحددة .
حمد..حبابك دعنا نبدأ من فكرة (عقلية القطيع) وهذا امر لم ينجره كبر او يخلقه من عدم..ده كلام علمي يا حمد ونابع من فكرة السيكولوجية الإجتماعية..ولا انت عندك رأي في العلم؟.. (عقلية القطيع) هي تأثر الفرد برأي الجماعة..والحكاية دي موجودة في الثقافة العربية القديمة في المثل البيقول (وما انا الإ من غزية).. ظاهرة (عقلية القطيع) تشير وتوضح الى انو الفرد بيكون ضعيف في بنيتو الفكرية والثقافية ويفتقد القدرة على الإستقلال في تقدير الأشياء واخذ راي واضح فيها..عشان كده بيحتمي بالقطيع.. يوافق القطيع عشان يؤكد الإنتماء بتاعو للجماعة وفي نفس الوقت عشان يحمي نفسو من شر القطيع اذا اختلف معه.. فالظاهرة ظاهرة علمية ومرسخة وموجودة وممكن نجيب ليك فيديوهات تعليمية كتيرة بتوضح الظاهرة وكيف تعمل..! بالنسبة لكلامك عن مقارنة الفرد بالجماعة..خصوصا الأحزاب السياسية..وبالأخص الأحزاب السودانية العتيقة التي ذكرتها..فيا صديقي الفرد هو من يصنع الحزب..وكارل ماركس فرد..لكن قامت احزاب ودول عديل على اساس الأفكار التي ينادي بها..ولو كنت من ناس الثقافات الدينية فأي ديانة بدأت من فرد ثم انتشرت لتكون لها اتباع كثر..! قضايا البلد يا حمد ليست هي مجرد كعة..ولا مجرد معركة خاطفة وعابرة..وانما هي قضايا اعمق واكبر من التصور الجزافي الذي تريد ان تفرضه انت عليها .. نحن في زمن ما بعد الحداثة يا حمد.. والفرد اصبح يمتلك كثير من حرية التعبير ويمتلك كثير من القدرة على الإطلاع والمعارف البشرية المتنوعة.. بالتالي بقت عندو قدرة يعاين للقضايا من زوايا عديدة..عكسا لوضعية الأحزاب التي ترى الأمور من زاوية واحدة وتريد أن تفرض هذه الرؤية الأحادية بصورة مجافية لقوانين التطور الطبيعي للأشياء..! دور الفرد ما عاد فقط أن يبصم على اشياء الأحزاب ويطيعها طاعة عمياء..وانما دور الفرد يجب ان يكون فاعلا في تقديم تصورات قد تغيب على الأحزاب والمجموعات.. فان كنت انت ترى أن الأحزاب غولا أو اله لا يجب سؤاله ونقده.. فانت مخير..ولكن لن تستطيع ان تحجر على الآخرين ان يكونوا كما ارادوا..! صحيح ممكن الأحزاب التي ذكرتها تتفق وتتقاسم السلطة في عملية صفقات وترضيات متبادلة.. ولكن هذا لا يعني انها هي الكل في الكل.. فالمواطن يظل موجود وسوف يمارس حقه في المواطنة بتبيان الأخطاء حتى يتداركها الجميع..!
نعم لموطن يمارس المواطنة الفعالة بكل حرية وشفافية..!
كبر
Post: #109 Title: Re: لعناية كبر... Author: حمد عبد الغفار عمر Date: 06-02-2016, 06:26 PM Parent: #108
شكرا يا كبر
كنت متخوف جدا إنك تعتبر مداخلتي الأولى موجهة ليك شخصيا على أساس عنونة البوست باسمك وأنا عنيت بها العام يا كبر لا يوجد شيء شخصي على الإطلاق لكن بحالة السودان الراهنة الحاجات ما بتمشي كما يريد لها صاحبها أن تمر سواء كانت من مثقف أو من عنقالي خلاس الناس وصلت الحد يعني تبرير أشياء لا تُبرر ما بمشي وتحسين السيء ما بمشي (قد تقول لي منو البحدد) بقول ليك الشواهد الواضحة عيان بيان
Quote: حكاية النيل من كبر دي موجودة..والمحزن حتى الآن اسأل نفسي لماذا كل هذا التجني في حقي من قبل معاوية المدير..وهو زول لا اعرفه ولم اتعامل معه قط في حياتي حتى يحكم علي شخصي..كل معلوماته عبارة عن نسنسة واقاويل من اناس نعرفهم جيدا..!!
حكاية ما بعرفك دي نبهتك ليها انا هنا قبل الليلة لآمن كذبت وإدعيت إنك بتعرفني وحاولت تظهر للناس إني إنسان سيئ، ؤ طالبتك تجيب المداخلآت وجبنت ؤ هسّع جيب المداخلآت لو بتقدر . هسّع دابك عرفت نفسك إنك ما بتعرفني !؟، طيّب ليه قبل الليلة إدعيت ذلك ؟. بعدينك ياخي تخيّر لغتك في المخاطبة، شنو نسنسة ؤ قذر ؤ قطيع، ياخي ترفع بعض الشئ تقديراً لمكانتك العلمية وإحتراماً لمُريديك ومتابعي ما يخط قلمك، وفوق هذا وذآك ابناءك اللذين تدخر لهم ما تكتب كما قلت حتي يروك من خلآله يوماً ما في المستقبل، لن تنال مني بهذه الأوصاف لكن تقلل من شأنك وهذا شئ لا ارضاه لك ...
لا أعتقد بأن معاويه المدير تنطبق عليه هذه الأوصاف..نختلف او نتفق معه لكنه كمحاور يعرف جيداً أخلاق الحوار خبرنا ذلك معه من سنوات فى هذا البورد ولا أعتقد بأن هنالك جديد قد حدث فى منعرجات هذه الحياة..
Quote: ويظل السؤال قائم لبيت الأشباح دينق اخوان: لماذا السكوت على تراجي ، وهي لم تزور السودان زيارة عادية وانما شاركت في الحوار الوطني؟..
كبر
قبل كده فتح محمد النور كبر بوست باسمي، وردد نفس الخزعبلات التي يرددها هنا، وأتهمني بأنني لم أنتقد زيارة تراجي للسودان ولمشاركتها في مؤتمر الحوار. وبالمناسبة عندما فتح كبر ذلك البوست أنا علمت لاحقا بأن تراجي مصطفى لم تسافر للسودان بعد. ولكني أوضحت موقفي من ذلك تماما، وكان الرفض وقلت إن تراجي ووفدها لن يكونوا أكثر حظا من الذين أبرموا اتفاقيات سلام مع الإنقاذ ولكن تلك الاتفاقيات لم تستمر طويلا وذلك بسبب العقلية الإجرامية التي تحكم السودان. محمد النور كبر يعرف رأي جيدا، ولكنه يريد أن يحاول خداع الناس في كل مناسبة ينتهزها.
محمد النور كبر يؤيد الحوار مع الحكومة ويدافع على المتحاورين معها، ولكنه في نفس الوقت يأتي هنا ويهاجمني ويدعي بأنني لم أنتقد موقف تراجي بمشاركتها في مؤتمر الحوار الكيزاني! كيف تكون مؤيد لسلام وحوار الكيزان وفي نفس الوقت تريد من الأخرين أن ينتقدون الذين شاركوا في ذلك الحوار؟ هل تستطيع يا كبر توضيح ذلك، أم أنك هنا تمارس العهر السياسي بعينه؟؟
بطل فلقصة في الفارغ وأقعد في الواطة دي. الزول الفاهم والمثقف لا يقوم بتزكير الناس بذلك في كل مناسبة، إلا يكون هو زول مهزوز الشخصية وغير واثق بنفسه مثلك.
الفيديو بتاع الباقر العفيف فضحك وعراك للناس تماما. مادي قدومك مترين وقاعد فاتح رجليك وتهزز فيهم، وتدخل يدك في جيوبك زي الرباطي العاوز يطلع ليهو مطوة قرن غزال يجقد بيها الناس، ولابس لك قميص أصغر منك لياقتو طايرة في السما و كلام ما قادر تتكلم زي الناس، بالله أنت شغال محامي كيف؟؟
أنت أمريكا دى وزعوك ليها من سادسه أبتدائي , لسه شايل التركيبة النفسيىة بتاعت الطفوله هسع فى منتدى حوار كبير زى دا تجى تناقش الناس وتتكلم فى البالتوك بعقلية الناس بتشك فى كتابتك ولا كلامك (عشان أنت جنوبي) أنت قايل نفسك الجنوبي الوحيد المنخرط فى الحوارات السياسية ؟ يأخ الواضح أنو معرفتك بالجنوب نفسها معرفة متواضعة جداً وشغال بأشكال مندثره من حساسيات التعامل مع الأخر بتعتقد أنو أى زول بكون عندو رأى فيك عشان ( أنت جنوبي) وكأن العنصرية دى هى جسم عضوى فينا زيو وزي الكلى والقلب والرئة...عليك الله كلام بتاع أخوان كدا ومافيهو زعل حاول فتش كتابات بروفسير روفائيل بادال وتعال شوف الشباب الصغار النلدهم أنا وانت من مثقفي جنوب السودان شوف كتاباتهم وشوف حواراتهم , والقصة دى من زمان طبعاً لكن أنت معتقد أنك (ظاهره فريده) وبالمناسبة أنت زيك وزى ناس الخرطوم وأمدرمان القدامي لسه شغالين بذاكرة المدينة القديمة تحضرهم القديم والبلد حولهم أتغيرت ودخلوا ناس تانين وحركة الحضاره والمدينة استوعبت اخرين وكسحت.. أنت خارج التاريخ بشكل مريع , بفتكر أنو لو نزلت نفسك شويه من فكرة الود (الشفت )) الزمان ديك والتى مازلت تستعيدها بيمن جنبات البورد بتكون مفيد وبتكون جزء من حوار مثمر بدلاً من أن تتحول ( لآلة هدر لاتتوقف فى ترديد الهرطقات) تدفعك روح الثأر والتشفي وقصة أنو عصرتو ليك وجاب الزيت وجضمتو وسخرت منو الى أخر المنوال الصبياني الذى أنمسخ أليه الحوار فى هذا البورد...بتكون مفيد فى الحوار العام..هسع المثقفين فى الشمال والجنوب كلاهما خرج من صدمة الأنفصال , لو بتفتكر أنو الأنفصال على ناس شمال السودان كان صدمة عميقة تلقوها فى كيانهم وراسخ تصوراتهم ,وهم يعاينون أحساس أن الأخر الذى معك يمكن ببساطة لو فشلت فى أنك تحقق لهو ظروف عيش محترمة (موش فى الأكل والشراب) لكن حتى تصوراتك عن الأخر دا لمن تختو درجة ثانية فى المواطنة ولايرقى لمستواك ببساطة بتخارج وبمش يفتش دوله وينفصل عنك..يعنى الأنفصال فتح الباب أمام مراجعات عميقة فى وعى الشماليين العاديين ديل وبنفس المستوى طرح أسئلة حاده وسط الجنوبيين أنو أعباء بناء دوله لايخلقها الشعار فقط ولامجرد وجود شماليين يحاربو فيك ويظلموك هو دافع لتاسيسي حلم الأستقلال الزاهي...فى حوارات هنا فى الشمال والجنوب بين مثقفين شماليين وجنوبيين وفيها كمان متنفذين كبار فى السياسة هنا وهناك لطرح أسئلة جديده تساعد على بناء مستقبل جديد ليس بالضرورة وحده مرةً ثانيه ولكن محاوله للأستفاده من التاريخ بين الشعبين على نحو أيجابي وخلاق ينفع الناس هنا وهناك.. أنا افتكر أنك مفيد لهذا الحوار جداً وبأمكانك أن تستحضر أكثر ماهو أيجابي فى قيم الحوار...بدلاً من هذه الورطه التى أدخلت فيها نفسك ودخلتنا معاك فيها.
Quote: أنت أمريكا دى وزعوك ليها من سادسه أبتدائي , لسه شايل التركيبة النفسيىة بتاعت الطفوله هسع فى منتدى حوار كبير زى دا تجى تناقش الناس وتتكلم فى البالتوك بعقلية الناس بتشك فى كتابتك ولا كلامك (عشان أنت جنوبي) أنت قايل نفسك الجنوبي الوحيد المنخرط فى الحوارات السياسية ؟ يأخ الواضح أنو معرفتك بالجنوب نفسها معرفة متواضعة جداً وشغال بأشكال مندثره من حساسيات التعامل مع الأخر بتعتقد أنو أى زول بكون عندو رأى فيك عشان ( أنت جنوبي) وكأن العنصرية دى هى جسم عضوى فينا زيو وزي الكلى والقلب والرئة...عليك الله كلام بتاع أخوان كدا ومافيهو زعل حاول فتش كتابات بروفسير روفائيل بادال وتعال شوف الشباب الصغار النلدهم أنا وانت من مثقفي جنوب السودان شوف كتاباتهم وشوف حواراتهم , والقصة دى من زمان طبعاً لكن أنت معتقد أنك (ظاهره فريده) وبالمناسبة أنت زيك وزى ناس الخرطوم وأمدرمان القدامي لسه شغالين بذاكرة المدينة القديمة تحضرهم القديم والبلد حولهم أتغيرت ودخلوا ناس تانين وحركة الحضاره والمدينة استوعبت اخرين وكسحت.. أنت خارج التاريخ بشكل مريع , بفتكر أنو لو نزلت نفسك شويه من فكرة الود (الشفت )) الزمان ديك والتى مازلت تستعيدها بيمن جنبات البورد بتكون مفيد وبتكون جزء من حوار مثمر بدلاً من أن تتحول ( لآلة هدر لاتتوقف فى ترديد الهرطقات) تدفعك روح الثأر والتشفي وقصة أنو عصرتو ليك وجاب الزيت وجضمتو وسخرت منو الى أخر المنوال الصبياني الذى أنمسخ أليه الحوار فى هذا البورد...بتكون مفيد فى الحوار العام..هسع المثقفين فى الشمال والجنوب كلاهما خرج من صدمة الأنفصال , لو بتفتكر أنو الأنفصال على ناس شمال السودان كان صدمة عميقة تلقوها فى كيانهم وراسخ تصوراتهم ,وهم يعاينون أحساس أن الأخر الذى معك يمكن ببساطة لو فشلت فى أنك تحقق لهو ظروف عيش محترمة (موش فى الأكل والشراب) لكن حتى تصوراتك عن الأخر دا لمن تختو درجة ثانية فى المواطنة ولايرقى لمستواك ببساطة بتخارج وبمش يفتش دوله وينفصل عنك..يعنى الأنفصال فتح الباب أمام مراجعات عميقة فى وعى الشماليين العاديين ديل وبنفس المستوى طرح أسئلة حاده وسط الجنوبيين أنو أعباء بناء دوله لايخلقها الشعار فقط ولامجرد وجود شماليين يحاربو فيك ويظلموك هو دافع لتاسيسي حلم الأستقلال الزاهي...فى حوارات هنا فى الشمال والجنوب بين مثقفين شماليين وجنوبيين وفيها كمان متنفذين كبار فى السياسة هنا وهناك لطرح أسئلة جديده تساعد على بناء مستقبل جديد ليس بالضرورة وحده مرةً ثانيه ولكن محاوله للأستفاده من التاريخ بين الشعبين على نحو أيجابي وخلاق ينفع الناس هنا وهناك.. أنا افتكر أنك مفيد لهذا الحوار جداً وبأمكانك أن تستحضر أكثر ماهو أيجابي فى قيم الحوار...بدلاً من هذه الورطه التى أدخلت فيها نفسك ودخلتنا معاك فيها.
(عدل بواسطة حاتم الياس on 06-03-2016, 08:34 AM)
طبعا كلامي عن لقاء التلفزيون أصابك في مقتل، وخلاك تفقد طورك تماما، وتفرغ ما في جوفك من عنصرية وحقد.
أنت الذي بدأت هذا البوست، وبوستات أخرى تسئ فيها لي، هسع البخليك تتجرس قدر ده شنو؟ نصائحك دي أحتفظ بها لنفسك لأنك في أشد الحوجة اليها، والضو لو كان بضوي كان ضوا في بيت أبوهو. بعدين أسلوب أنك تفتح لك بوست للأسائة وفي النهاية تجي تلعب دور الناصح، دي لعبة قديمة وتعكس لي عن شخصية مهزوزة ومرتبكة. أنت زول ما بتقدر على الحاجة البتعمل فيها دي علشان كده شوف لك شغلة تانية.
Post: #119 Title: Re: لعناية كبر... Author: حمد عبد الغفار عمر Date: 06-03-2016, 03:38 PM Parent: #118
هلا يا كبر
Quote: عقلية القطيع
النظرية صحيحة بس في حالة تقارب فكري وتجارب علمية وحياتية كما في المنبر ما اعتقد إنو الناس هنا بتخموا ، حاجة تانية الأحزاب عندها لوائحها ومنظوماتها البتلزم بحماية العضوية والمساندة في السراء والضراء عشان كدا بتلقى التكالب هنا في شكل مجموعات سواء ضد مجموعة أخرى أو فرد يريد النيل من أحد العضوية بعدين بالطريقة دي اللفظ دا ممكن ينطبق على أي زول بجي بساند آخر حتى كما يحدث في هذا البوست آتى كثيرون للدفاع عنك هل يتطبق عليهم لفظ القطيع؟
من ناحية تانية انت بتراهن على جموع الشعب غير المنظمة وبقول ليك رهانك خاسر الشعب السوداني دا لو اتنازل عن كل صراعاتو وتوحد يا دوبك ممكن يقدر ينجز ورهانك خاسر لأنو الشعب السوداني مسألة الثقافة والوعي ما راسخة عندو وعدم رسوخ الوعي يجعل الشخص غير راسخ المواقف ويمكن استمالته بالعاطفة والكلام دا انتا قلتو فوق وأديك مثال حي في لحظة كانت الحركة الشعبية مسيطرة على الجنوب بشكل كبير وكانت بوادر النصر واضحة وفي الداخل هنا كان في سخط كبير على الحكومة وبدأت الحكومة تتهالك قام جون قرنق فكا المزحة بتاعة إنو عايز يشرب الشاي مع بنات الجعليين في شندي ، الحكومة ما صدقت واستغلت الكلام دا بعاطفة وبشحن للناس أدى لتجييش كل قبائل الشمال والوسط وكردفان وأنعكست دفة الحرب لصالح الحكومة حتى إضطرت الحركة لقبول نيفاشا لذلك مافي طريقة غير تنظيمات ولصعوبة تكوين تنظيمات جديدة تبقى الحاجة لدعم وإصلاح ماهو موجود. أما قصة أراء فردية فهذه لا تقود إلا لمزيد من الإختلاف ومزيد من عدم وضوح الرؤيا
Quote: في لحظة كانت الحركة الشعبية مسيطرة على الجنوب بشكل كبير وكانت بوادر النصر واضحة وفي الداخل هنا كان في سخط كبير على الحكومة وبدأت الحكومة تتهالك قام جون قرنق فكا المزحة بتاعة إنو عايز يشرب الشاي مع بنات الجعليين في شندي ، الحكومة ما صدقت واستغلت الكلام دا بعاطفة وبشحن للناس أدى لتجييش كل قبائل الشمال والوسط وكردفان وأنعكست دفة الحرب لصالح الحكومة حتى إضطرت الحركة لقبول نيفاشا
سلامات يا حمد لا اعتقد ان هذا الكلام دقيق في أفضل حالات الحركة الشعبية في الحرب لم تصل لمرحلة ان تقول " مسيطرة على الجنوب بشكل كبير" مثلا جوبا لم تسقط طيلة الحرب و اقرب تهديد لها كانت الحرب على بعد 38 ميل, مدن مثل الكرمك وقيسان كانت تتارجح بين الحركة و الحكومة حسب الدعم الذي تتلقاه الحركة و علاقاتها مع اثيوبيا ثم ارتريا, مدن رئيسة مثل واو و ملكال لم تستولي عليها الحركة طيلة الحرب بل لا اذكر انها كانت تحت التهديد حتى ونيفاشا اعطت الحركة سلما ما عجزت عنه حربا ولمتقبلها الحركة اضطرارا بل هي مكسب لها بكل المقاييس و اخيرا ما نسب لقرنق عن موضوع الجبنة لا نستطيع الجزم بأنه صدر منه اساسا حتى يتم تفسيره كمزحة و الحاجات دي ما فيها مزاح إن قيلت ما اوافقك عليه استغلال الحكومة لمثل هذا الحديث و للدين و للنعرات العنصرية لتجييش الناس للحرب مثلما تفعل الآن في الحرب في دارفور
Quote: قام جون قرنق فكا المزحة بتاعة إنو عايز يشرب الشاي مع بنات الجعليين في شندي ،
الأخ حمد عبد الغفار.
للحقية وللتاريخ.
الدكتور جون قرنق، قال بأنه كسوداني أن يتجول في جميع أنحاء السودان، ومن حقه أيضا أن يزور شندي ويشر فيها قهوة. ولكن عمره لم يزكر بأنه سوف يشربها مع "بنات الجعلين" أو غيرهن، وعمره لم يقول بأنه سوف يدخل شندي "فاتحا" . أجهزة إعلام الجبهة القومية الإسلامية هي التي خرجت بهذه الرواية السخيفة، وهي نفس البروباقندا التي كانت تمارسها الحكومة الكيزانية أنذاك.
Post: #123 Title: Re: لعناية كبر... Author: Deng Date: 06-04-2016, 05:56 AM Parent: #122
Quote: سلامات يا حمد لا اعتقد ان هذا الكلام دقيق في أفضل حالات الحركة الشعبية في الحرب لم تصل لمرحلة ان تقول " مسيطرة على الجنوب بشكل كبير" مثلا جوبا لم تسقط طيلة الحرب و اقرب تهديد لها كانت الحرب على بعد 38 ميل, مدن مثل الكرمك وقيسان كانت تتارجح بين الحركة و الحكومة حسب الدعم الذي تتلقاه الحركة و علاقاتها مع اثيوبيا ثم ارتريا, مدن رئيسة مثل واو و ملكال لم تستولي عليها الحركة طيلة الحرب بل لا اذكر انها كانت تحت التهديد حتى ونيفاشا اعطت الحركة سلما ما عجزت عنه حربا ولمتقبلها الحركة اضطرارا بل هي مكسب لها بكل المقاييس و اخيرا ما نسب لقرنق عن موضوع الجبنة لا نستطيع الجزم بأنه صدر منه اساسا حتى يتم تفسيره كمزحة و الحاجات دي ما فيها مزاح إن قيلت ما اوافقك عليه استغلال الحكومة لمثل هذا الحديث و للدين و للنعرات العنصرية لتجييش الناس للحرب مثلما تفعل الآن في الحرب في دارفور
ود البشرى.
الحركة الشعبية دخلت واو وأستولت عليها لفترة بسيطة، ولقد كان ذلك في عام 1996ن ولقد دخلت الحركة الشعبية جوبا وأستولت عليها لفترة قصيرة أيضا في عام 1992م. وفي معظم الأوقات كانت الحركة الشعبية تسيطر على معظم مناطق جنوب السودان.
Post: #124 Title: Re: لعناية كبر... Author: أبوبكر عباس Date: 06-04-2016, 06:13 AM Parent: #123
فترة قصيرة كم يا دينق؟ هل ساعات؟ أيام؟ شهور؟ أم سنين؟
يا ود البشرى، كلام قرنق بخصوص شرب القهوة لا يمكن أن يفهم بغير الطريقة التي فهم بها، وأن كانت صيغته الحرفية لا تعني ذلك.
الكلام دا لو قالوا أثناء محادثات سلام، فهو يعني به الدعوة لسلام إجتماعي. أما إن قاله وقت خصومة، فهو لا يعني غير الذي روجّت له مكنة إعلام الجبهة.
Post: #125 Title: Re: لعناية كبر... Author: Deng Date: 06-04-2016, 06:59 AM Parent: #124
Quote: فترة قصيرة كم يا دينق؟ هل ساعات؟ أيام؟ شهور؟ أم سنين؟
يا ود البشرى، كلام قرنق بخصوص شرب القهوة لا يمكن أن يفهم بغير الطريقة التي فهم بها، وأن كانت صيغته الحرفية لا تعني ذلك.
الكلام دا لو قالوا أثناء محادثات سلام، فهو يعني به الدعوة لسلام إجتماعي. أما إن قاله وقت خصومة، فهو لا يعني غير الذي روجّت له مكنة إعلام الجبهة.
أبوبكر عباس.
ممكن تقول أسابيع.
موضوع تصريحات جون قرنق ده كلام سخيف كان القصد منه هو التعبئة ضد الحركة الشعبية. الذين يعرفون هذا الرجل من قرب يدركون جيدا كيف كان يتحدث وماذا كان يقصد. الدكتور جون قرنق لم يكن لغزا أو شخص متخفي من الناس العامة، ولكنه كان يلقي ندوات ويعقد لقائات في أي عاصمة من عواصم العالم يحل فيها. ومعظم تصريحاته وخطاباته موجودة في وسائل الإعلام المختلفة. أنا أقول لك ذلك لأنني أستمعت الى الرجل شخصياوهو يردد هذه المقولة وكان يضحك بطريقته الساخرة المعروفة على الذين يحرفون حديثه.
أبوبكر عباس.
طبعا أنت بعد ما أتفقت كتبت بأنك متفق مع كلام حاتم الياس العروبوي الأقصائي في لقائه مع الباقر العفيف، فيجب أن أنتبه اليك جيدا.
ههههههه
Post: #126 Title: Re: لعناية كبر... Author: محمد المسلمي Date: 06-04-2016, 07:17 AM Parent: #125
Quote: ممكن تقول أسابيع.
Quote: الشعبية دخلت واو وأستولت عليها لفترة بسيطة، ولقد كان ذلك في عام 1996ن ولقد دخلت الحركة الشعبية جوبا وأستولت عليها لفترة قصيرة أيضا في عام 1992م. وفي معظم الأوقات كانت الحركة الشعبية تسيطر على معظم مناطق جنوب السودان.
دينق كلامك غير صحيح لم تسقط اي من المدن التالية في يد الحركة الشعبية ( جوبا .ملكال . واو) فأنت هنا كتبت كلام غير صحيح
Post: #127 Title: Re: لعناية كبر... Author: Deng Date: 06-04-2016, 07:26 AM Parent: #126
Quote: دينق كلامك غير صحيح لم تسقط اي من المدن التالية في يد الحركة الشعبية ( جوبا .ملكال . واو) فأنت هنا كتبت كلام غير صحيح
محمد المسلمي.
وحالتك أنت كنت في السودان في الفترات دي كمان!
ههههههه
Post: #128 Title: Re: لعناية كبر... Author: محمد المسلمي Date: 06-04-2016, 07:36 AM Parent: #127
دينق عليك اثبات السقوط الفترة والتاريخ
Post: #129 Title: Re: لعناية كبر... Author: Deng Date: 06-04-2016, 08:14 AM Parent: #128
أنا كتبت 1996 و1992
تجي أنت تقول لي حدد التاريخ؟
هههههه
Post: #130 Title: Re: لعناية كبر... Author: أبوبكر عباس Date: 06-04-2016, 08:14 AM Parent: #128
Quote: أبوبكر عباس.
طبعا أنت بعد ما أتفقت كتبت بأنك متفق مع كلام حاتم الياس العروبوي الأقصائي في لقائه مع الباقر العفيف، فيجب أن أنتبه اليك جيدا.
ههههههه
بحساب الهلال والمريخ، لقاء العنقالي المثقف حاتم الياس مع دكتور العفيف، لا يمكن بأي حال من الأحوال أن يحسب لصالح العفيف بما يخص نقطة النقاش الأساسية بأي حال من الأحوال. ما عندنا مانع نخصم من حاتم عشرة درحات بخصوص دخيل اليدين في الجيب، غير كدا العفيف كان بردد في كلام مثقفاتية ما عندو معنى.
لاحظت يا دينق، استعمال كلمة "صيرورة" من جانب المثقف العنقالي؟ الفلم كلو كان في الصيرورة الثقافية لهذه الجغرافيا لمان حاتم قال الكلام دا، أنا قمت من الكنبة وختيت لي سفة وقلت ليهو: ليك حق حسن موسى يعمل ليك إعتبار خاص، وقلت للناس القاعدين يحضروا معاي: حاتم دا صاحبي كدا ولصقت سبابتي يدي في وضع متقدم.
الزول القاعد في خلاوي جبل مرّة، والزول القاعد في أبي حجار، والزول القاعد في حفير مشو، كلهم ثقافتم السائدة عربية اسلامية ولو كره المثقفون. هذا اسمو واقع الحال الذي صنعته الصيرورة* الثقافية.
ـــــــــــــــــــــــ * مبسوط أنا؛ في يوم واحد استعملت صيرورة خمس مرات!!
جاوب على سؤال المسلمي: متين المدن دي سقطت تواريخ دقيقة لو سمحت
Post: #131 Title: Re: لعناية كبر... Author: أبوبكر عباس Date: 06-04-2016, 08:26 AM Parent: #130
نقلت للفيس
Post: #132 Title: Re: لعناية كبر... Author: Deng Date: 06-04-2016, 08:51 AM Parent: #130
Quote: بحساب الهلال والمريخ، لقاء العنقالي المثقف حاتم الياس مع دكتور العفيف، لا يمكن بأي حال من الأحوال أن يحسب لصالح العفيف بما يخص نقطة النقاش الأساسية بأي حال من الأحوال. ما عندنا مانع نخصم من حاتم عشرة درحات بخصوص دخيل اليدين في الجيب، غير كدا العفيف كان بردد في كلام مثقفاتية ما عندو معنى.
لاحظت يا دينق، استعمال كلمة "صيرورة" من جانب المثقف العنقالي؟ الفلم كلو كان في الصيرورة الثقافية لهذه الجغرافيا لمان حاتم قال الكلام دا، أنا قمت من الكنبة وختيت لي سفة وقلت ليهو: ليك حق حسن موسى يعمل ليك إعتبار خاص، وقلت للناس القاعدين يحضروا معاي: حاتم دا صاحبي كدا ولصقت سبابتي يدي في وضع متقدم.
الزول القاعد في خلاوي جبل مرّة، والزول القاعد في أبي حجار، والزول القاعد في حفير مشو، كلهم ثقافتم السائدة عربية اسلامية ولو كره المثقفون. هذا اسمو واقع الحال الذي صنعته الصيرورة* الثقافية.
ـــــــــــــــــــــــ * مبسوط أنا؛ في يوم واحد استعملت صيرورة خمس مرات!!
جاوب على سؤال المسلمي: متين المدن دي سقطت تواريخ دقيقة لو سمحت
الدكتور الباقر العفيف، كلامه ليس ب “كلام مثقفاتية ما عندو معنى." بل هو المشكلة الحقيقية في السودان، وبناء على تلك العنصرية وفرض ثقافة وهوية معينة، تم إصدار قوانين وقرارات ساهمت مساهمة كبيرة في تدمير الوحدة الوطنية للسودان، ولقد أنفصل الجنوب بسببها وسوف تنفصل أقاليم ومناطق أخرى بسببها أيضا. كلام حاتم الياس رغم أنه لم يقدمه بطريقة "أفضل" كما تعتقد أنت ولكن مثل هذا الكلام الاستعلائي لا يمكن أبدا أن يتم تقديمه للناس بطريقة مثلى. حاتم الياس تحدث عن أن الثقافة العربية هي ثقافة البلاد الأولى ويجب أن تظل كذلك، بمعنى أخر أن على الدولة تتبني تلك الثقافة، وعلى بقية الثقافات يجب أن ترضخ لذلك. وهذا هي الكارثة بحق وحقيقة، والذي يصدر منه مثل هذه الآراء فهو لا يعرف شيء عما هو السودان ومن هم السودانيين. وأنت الأن تقوم بترديد نفس أراء حاتم الياس وبوعي تام منك. وبعد كل ذلك أنتم مستغربين في لماذا يحمل الناس السلاح في السودان ويحاربون الحكومات! أما مظهر حاتم الياس العام في ذلك اللقاء كان مظهر كارثة بحق وحقيقة. كان واضحا من الطريقة التي يتحدث بها حاتم بأنه لم يكن مجهز نفسه لذلك اللقاء بطريقة جيدة، فلقد كان مثل اللاعب الاحتياطي الكان غير جاهز لمباره كبيرة وفجئة وجد نفسه في كشف الفريق اللاعب المباراة. فلقد كان يقاطع المتحدثين بطريقة غير لائقة، ولغة جسده كانت كارثة، فلقد كان يكثر من هز رجليه بطريقة مقززة، وأداخل يديه في جيوبه ثم يتحكحك وصاري قدومو وكأنه في شكلة. أما دكتور الباقر، كان هادئا ولم يقاطع المتحدثين، وعندما هاجمه حاتم الياس ووجه اليه اتهامات فارغة، رد عليه دكتور العفيف بكل هدوء واحترام. بصراحة حاتم الياس كان يبدوا مهرجا في ذلك اللقاء، وأنت يا أبوبكر عباس عايش في أمريكا وتدري جيدا أهمية الهندام ولغة الجسد في مثل هذه اللقاءات الهامة.
أنا اديتكم السنة، مش برضوا مفروض تجتهدوا شوية كمان؟
ههههههه
Post: #133 Title: Re: لعناية كبر... Author: محمد البشرى الخضر Date: 06-04-2016, 09:12 AM Parent: #132
دينق.. عندما اقول سقوط اعني مثل ما جرى في الكرمك او الناصر او توريت او ميوم, احتلال كامل و سيطرة على الأرض لا تنتهي سوى بتحرير ما جرى في جوبا 92 على احسن الاحوال هو كان غارة ليلية على حامية وقتل الموجودين فيها ثم الانسحاب بي ليلهم اشبه بعمل استخباراتي له مصادر في صفوف العدو. أمّأ واو 96 فلم اسمع به من قبل وحاولت البحث فلم اجد اي اشارات لمعارك سقوط و تحرير دلنا على ما عندك لو امكن أمّا القول بأن الحركة كانت مسيطرة على معظم الجنوب فيكذّبه الوضع حين اكمال اتفاق تيفاشا المدن الثلاث الرئيسة و اغلب عواصم الولايات ومدنها الكبيرة كانت تحت سيطرة الجيش السوداني
بكّور نعم الكلام المنسوب لقرتق لا يمكن فهمه كمزاح دا فحوى ردي على حمد, لكن قبل تفسيره يجب التأكد من نسبته له
Post: #134 Title: Re: لعناية كبر... Author: أبوبكر عباس Date: 06-04-2016, 09:13 AM Parent: #132
Quote: حاتم الياس تحدث عن أن الثقافة العربية هي ثقافة البلاد الأولى ويجب أن تظل كذلك[
حدد لينا الدقيقة والثانية من الفيديو القال فيها "يجب أن تظل كذلك"
Post: #135 Title: Re: لعناية كبر... Author: Deng Date: 06-04-2016, 10:06 AM Parent: #134
أنا ما عندي زمن أرجع أشاهد الفيديو ده تاني، وبي صراحة صاحبك حاتم لا يشجع على مشاهدة الفيديو لأن كلامو بيضرس.
Post: #136 Title: Re: لعناية كبر... Author: Deng Date: 06-04-2016, 10:35 AM Parent: #135
ومنذ متى كان الشخص العنصري يعترف بأنه عنصري؟؟ عنصريتك ليس في هذا الفيديو فقط ولكن كل من يتابع كتاباتك في هذا المنبر فلن تكون الخلاصة سوى العنصرية، ويمكن نضيف اليها الأستلاب الثقافي أيضا. لأنه لا يعقل أن يطالب رجل أفريقي أسود بأن تكون ثقافة الدولة هي الثقافة العربية وعلى حساب ثقافته الأفريقية وهي الدخيلة على بلده الأفريقي الأصل.
مامشكله أنا هسع مقتنع بكلامك جداً..يلا ورينى الثقافة الأفريقية المفروض تكون ثقافة الدولة هى شنو ووين وكيف بتبقى ثقافة دولة ؟
Post: #138 Title: Re: لعناية كبر... Author: قسم الفضيل مضوي محمد Date: 06-04-2016, 11:57 AM Parent: #137
بعمل احصائية بسيطة نجد أن مفترع البوست (حاتم الياس) لديه حتى اللحظة حوالي 19 مداخلة ، دينق لديه 40 مداخلة ، ابو بكر عباس 17 مداخلة ، المحتفى به (كبر) 11 مداخلة. حاتم الياس يبدو مضطربا وذلك ملاحظ في التعديل على معظم مداخلاته (17 تعديل) ، أي مداخلة لابد وأن يقوم بتعديلها كما أنه يوجد أحيانا تناقض بين مداخلاته ، فتجده يتنقد المنبر (السواها بكري في المنبر دا الكاردينال في الهلال ما سواها) ثم يتراجع سريعا ويأتي بنقيض هذا الكلام بأنه التاريخ سيحفظ لبكري ما قدمه للفكر السوادني ... إلى آخره. حاتم سجل نقطتين في بداية البوست وهما نقطة التطبيق ونقطة عنصرية كلمة مجنون ودينق غلبه يرد عليهم واكتفى بتشتيت الكورة بمحاولة تركيزه على الفيديو الذي ليس أي علاقة بموضوع البوست. انتقاد دينق لفيديو الباقر عفيف فيه تجني على حاتم الياس وذلك بانتقاده للبسه ومد قدومه وتحريك أرجله فالعقول الصغيرة تنتقد الأشخاص ولا تنتقد الفكرة. تفسيري لكترة مداخلات دينق في بوست مفتوح لمدح كبر تدل على غيرة دينق من كبر ومحاولة النيل منه بأي طريقة ومحاولة الشعور بالانتصار بأي ثمن. ابو بكر عباس يبدو مفتونا ومعجب بي حاتم من زمان وهذا يجعله متحيزا لأحد الأطراف. بمداخلة حمد عبد الغفار بدأ يخرج البوست من مساره ويبدو أنه ح يتحول إلى نقاش عن قرنق والحركة الشعبية من جانب ود البشرى ودينق.
Quote: مامشكله أنا هسع مقتنع بكلامك جداً..يلا ورينى الثقافة الأفريقية المفروض تكون ثقافة الدولة هى شنو ووين وكيف بتبقى ثقافة دولة ؟
بالله شوفو الفهم البسيط ده كيف؟؟
ولماذا تتبنى الدولة ثقافة أصلا وتفرضها على الناس؟ وأنا أعني بذلك كل الثقافات.
واجب الدولة هو احترام جميع الثقافات السودانية المختلفة، والتعامل مع تلك الثقافات من نفس المسافة وعندما تريد أن تبرز ثقافة البلد فمن الواجب أن تبرز جميع الثقافات، ومش تكون القصة فرقة فنون شعبية فقط. في الرقص، ولكن في سياسة البلاد الرسمية وفي المقررات المدرسية وأجهزة الإعلام المملوكة للدولة يتم إظهار الثقافة العربية فقط وإظهار البلاد بأنها عربية فقط. والأسواء من ذلك فرضها على الأغلبية الغير عربية.
ياقسم الفضيل..أنتباه دينق لمظهري بشكل دقيق حيرني جداً ..عموماً فى ثقافتنا العربية لايلاحظ الرجل هندام الرجل بهذه الدقة والفحص وكأنه كاشف ضوئى فانا أرتبكت لهذا لأنو ماموجود فى ثقافتى الأسلامية العربية الأتربيت بيها واظنك تسمع عقد الجلاد وهى تغنى للقدال (يادياري الوين أنى تور عفين الشين أني) وشغبه وهى تخاطب ولدها (جلد الخرش لافيك) وأغانى اخرى مثل (دا اللدر العلي ضهرو الخبوب والطين) ربما أكون ابن أصيل لهذه الثقافة التى تحتفي بالبشتنه والشنا.. كما أننى قدرت أن أهتمام دينق بمظهري الشديد وهذا التدقيق يتعلق بحس الأناقة العالى لديه ووجوده فى عالم متحضر الموضه هناك لديها عالم ونجوم وسوق ضخم وكبير ومؤثر.. أنا طولت من هذا المنبر ويبدو أن العلاقات فيه ليست مثل السابق بعض ما اكتبه هنا فى باطنه رسائل لأصدقاء قدامي ناس ود البشرى وابوبكر عباس وغيرهم وهو بمثابة استدعاء لمناكفات سابقه وكدا لا أكثر..فيما يتعلق بالحذف فعلا كلامك صاح بعد أن لاحظت أن شكل المكان تغير وماكان بالأمس بين وليد وتبلدينا وتمبس وملاسي ونازر محمد خليفة لم يعد موجودا بعد ان هجر الجميع البورد الى جهات الفيس لاحظت أنو حساسية الناس اتغيرت تجاه الكتابة بجانب أننى كنت أيضاً اصحح فى أخطاء املائيه
..أنا جيت للبرنامج دا من مراسم دفن فى مقابر أحمد شرفى ومن جهة فى المقابر مليانه ضريسه شديده وجيت من هناك على الأستديو طوالي أحتمال نكون شلناها فى هدومنا دى ..وبقينا نتحكحك زى ماقال دينق منها مامن كلام د. الباقر وأعتقد أنو لو نشر ماقلته هناك ولم يحذف وهو كلام مهم جداً لكان لهذه الحلقة مابعدها..لكن أعتقد أنو السلطة دى بيهمها تيار الباقر جداً ووجوده فهو تيار يصب فى نفس رؤيتها من حيث المضمون وأختلافها معها يقوم على جوانب حقوقية فقط ..قانون نظام عام , ونسوان, وجندر, ومجتمع مدني وحريات صفوية كدا فوق فوق..يعنى الباقر ومجموعته يشكلون أدوات ضغط للأمريكان ضد النظام للخروج منه بأكثر مكاسب فى تقنين النهب الدولي فقط....
Quote: ياقسم الفضيل..أنتباه دينق لمظهري بشكل دقيق حيرني جداً ..عموماً فى ثقافتنا العربية لايلاحظ الرجل هندام الرجل بهذه الدقة والفحص وكأنه كاشف ضوئى فانا أرتبكت لهذا لأنو ماموجود فى ثقافتى الأسلامية العربية الأتربيت بيها واظنك تسمع عقد الجلاد وهى تغنى للقدال (يادياري الوين أنى تور عفين الشين أني) وشغبه وهى تخاطب ولدها (جلد الخرش لافيك) وأغانى اخرى مثل (دا اللدر العلي ضهر الخبوب والطين) ربما أكون ابن أضيل لهذه الثقافة التى تحتفي بالبشتنه والشنا..كما أننى قدرت أن أهتمام دينق بمظهري الشديد وهذا التدقيق يتعلق بحس الأناقة العالى لديه ووجوده فى عالم متحضر الموضه هناك لديها عالم ونجوم وسوق ضخم وكبير ومؤثر..
حاتم الياس. كلامك الفوق ده غير صحيح وفيه تضليل واضح للناس. خلينا من ثقافتك"العربية الإسلامية، دي وركز معي على الثقافة السودانية.
المتعارف عليه في السودان هو أن أي شخص يكون لديه لقاء تلفزيوني، يقوم بالأهتمام بذلك اللقاء ويجهز نفسه له، وهذا التجيهز يشمل الزي المناسب والخطاب المناسب لذلك اللقاء.
كده خلينا نرجع شوية للتاريخ ونشوف معظم الساسة السودانيين الذين كانوا يطلعون في أجهزة الإعلام كانوا يظهرون بحسن المظهر والهندام، مع أختيار أفضل ما لديهم من خطاب. راجع تاريخ إسماعيل الأزهري، المحجوب، دكتور جون قرنق و الصادق المهدي وحتى حسن الترابي.
دعك من هذا القاء التلزيوني العابر وساسة السودان
أنت كرجل محامي تعمل في المحاكم السودانية، لو مشيت المحكمة مبهدل ومبشتن، وورقك والوثائق التي تقدمها للمحكمة كانت غير مرتبة ومكتوبة بخط اليد الغير واضح عوضا عن ورق مطبوع ومرتب، وهندام مظبوط(بدلة وكرفتة محترمة) وشعر مرتب. أكيد مثل هذه الأشياء سوف تساعدك كثيرا على أحترام المحكمة والقاضي لك كمحامي محترف وسوف تساعدك بالطبع على كسب قضايا. وتكون لك سمعة جيدة وسط القانونين والمحاكم.
أما ملاحظتي فهي لها علاقة في شخصية الشخص وفي حالته الذهنية والنفسية وجاهزيته في تلك اللحظة أو ما يعرف ب لغة اللجسد، وأي حركة يقوم بها الانسان قد تدل على شئ معين في ذلك اللقاء. وأخصائي الطب النفسي يعلمون ذلك جيدا.
Post: #143 Title: Re: لعناية كبر... Author: حمد عبد الغفار عمر Date: 06-04-2016, 06:08 PM Parent: #142
سلام
يا محمد البشرى انا لو ما تخوني الذاكرة الكلام دا سمعتو بأضاني دي في إذاعة الحركة الشعبية أو سمعت التعليق عليهو القالو دينق ومعاه ضحكة كمان وممكن يكون يكون على شريط فيديو وطبعا الحرب لا تعرف المزح وأهو كانت النتيجة . تانيا مسألة الحركة كانت مسيطرة أنا تحديد ما عارف سنة كم لكن تقريبا المدة قبل معارك الميل 40 ومعارك الميل 40 غلى ما اعتقد كانت لصد الحركة من واو وكانت معارك حياة أو موت للحكومة
والموضوع كانت مجرد مثال للشحن العاطفي للناس وتحويلهم كمناصرين للحكومة حتى من كان يعارض ويا قسم الفضيل ياخ البوست دا لو رميت فيهو قنبلة موضوعو ما بتغير ويا ليتو يتغير الناس ديل وأولهم صاحب البوست ممكن يكتبوا كويس في مناحي كتيرة لكن ياها لعنة السوادنة إهدار الطاقات في المكاجرات ، بس ك آكشن قبل رمضان ما بطال
Quote: لا دمك خفيف خالص..ياحمد البابلي عامل صورتك زى حقت الواعدين الزمان البجيبوهم فى مجلة الأذاعة والتلفزيون فى السبعينات هسع دى قعدة زول فى الزمن دا ولا زول لسه متأثر بفكرة الأستديو الوحيد فى المدن الاقليمية الناس تستحمه وتمشى تتصور :) --- بمناسبة الأقاليم والعاصمة دينق دا زميل دراسه للسيد الحسن الميرغني ..
طول بالك ... يا عمك ... أنا قاصد الزول ده تاني ما حا يريحك بس .. انت متعقد كده مالك ؟؟؟
معليش يالقاسم ياخ سامحنى غلطان بعتذر..الوالد عندو مثل يقول ليك الزول دا أعقد من ضنب الضب , كنت أعتقد أنو القصة عندها علاقة بقصة أنو الضب اقل هبشه بفك أخرو (ضنبو) ثم عرفت منه لاحقاً أنو القصة عندها علاقة بتشريح ضنب الضب زاتو وأنو بتكون عُقد صغيره كدا..
