خلال زياراتي المتكررة لباكستان رصدت ثلاثة سلالات واضحة للإبل بإقليمي السند والبنجاب 1/ سلالة البوريلا وهي من سلالات إبل الحليب الممتاز بإقليم البنجاب وقد يصل إنتاجها المتوسط بعد إنتخاب خفيف إلى عشرين لتر في اليوم، وتعتبر هذه السلالة من الإبل الجميلة جدا، وتصل قيمة فتياتها الجميلات وفحولها الجميليين لمئات الألاف من الريالات والدراهم الخليجية:
صورة لفاتنة من إبل البوريلا بكاميرا الفنان بكّة الذي باركنا حوله:
Post: #2 Title: Re: الإبل الباكستانية، بوست تثقيفي توثيقي Author: أبوبكر عباس Date: 05-28-2016, 07:42 AM Parent: #1
صورة لفاتن برولي بنجابي بنفس الكاميرا:
Post: #3 Title: Re: الإبل الباكستانية، بوست تثقيفي توثيقي Author: Mohamed E. Seliaman Date: 05-28-2016, 07:44 AM Parent: #2
بيتر ناغي؟
Post: #4 Title: Re: الإبل الباكستانية، بوست تثقيفي توثيقي Author: أبوبكر عباس Date: 05-28-2016, 08:02 AM Parent: #3
Quote: بيتر ناغي؟
قوقل قد لا يأتيك بالخبر اليقينا حتى ولو كان منشور في الدوريات المعتمدة
يا أخوانا، الزول الاسمو دكتور محمد سليمان دا فعلا مصيبة!
Post: #5 Title: Re: الإبل الباكستانية، بوست تثقيفي توثيقي Author: أبوبكر عباس Date: 05-28-2016, 08:08 AM Parent: #4
ما في حل لنفي اتهام للدكتور الخفي غير صور الواقع:
صورة للمستنير وسط البرويلا:
Post: #6 Title: Re: الإبل الباكستانية، بوست تثقيفي توثيقي Author: محمد المسلمي Date: 05-28-2016, 08:13 AM Parent: #5
Quote: ما في حل لنفي اتهام للدكتور الخفي غير صور الواقع: صورة للمستنير وسط البرويلا:
Post: #7 Title: Re: الإبل الباكستانية، بوست تثقيفي توثيقي Author: Mohamed E. Seliaman Date: 05-28-2016, 08:37 AM Parent: #6
وعليكم السلام يا المسلمي
يا أبابكر ماف اتهام ولا حاجة والله لا اتهام خفي ولا اتهام علني بيتر ناغي لي معه قصة فقد قص لي يوما قصة (: هذه واحدة ! أما الثانية فالاستلاب الذي أنت فيه على قول دينق (:
Post: #8 Title: Re: الإبل الباكستانية، بوست تثقيفي توثيقي Author: Mohamed E. Seliaman Date: 05-28-2016, 08:44 AM Parent: #7
كتب الدكتور أبوبكر :
Quote: صورة لفاتنة من إبل البوريلا
يا أبابكر المجاهيم مالها ؟ عيبها شنو؟ أم هي متاهة قوم سود ذوي ثقافة بيضاء (:
Post: #9 Title: Re: الإبل الباكستانية، بوست تثقيفي توثيقي Author: أبوبكر عباس Date: 05-28-2016, 08:53 AM Parent: #7
الفاو يا محمد، بتعتبر انو واحدة من أهم الحلول لمشكلة الالبان في المناطق الجافة وشبه الجافة هي الإبل لعدد من الأسباب. حاليا واحدة من الأسياء التي تؤرقني هي: كيفية إرسال عدد من إبل الدتي الباكستانية للسودان وتفعيل تقنية نقل الأجنة بتمبول لتغيير انتاج السلالات العربية من الحليب وأوعدك لو العمر إمتد تاني خمسة سنوات أن أقوم بإرسال هذه النياق وفحل لهناك ومعاهن معمل لنقل الاجنة هدية مني، عشان الواحد علي الأقل يترك بصمة في الدنيا دي جزء من إجابتي لتهمة الإستلاب الجزء الثاني من تهمة الإستلاب بما يختص بجمال الأبل والسباق أقول: الموضوع دا كلو باكج واحدة، يا تاخدو كلون يا تخلي.
Post: #10 Title: Re: الإبل الباكستانية، بوست تثقيفي توثيقي Author: أبوبكر عباس Date: 05-28-2016, 08:55 AM Parent: #9
دي الفكرة يا محمد، يخلطوا المجاهيم بالبوريلا ودا بزينس عظيم الخلط ليس من أجل اللون هناك كثير من البرويلات السوداوات الجميلات جدا
Post: #11 Title: Re: الإبل الباكستانية، بوست تثقيفي توثيقي Author: أبوبكر عباس Date: 05-28-2016, 08:59 AM Parent: #10
بالنسبة لمعايير الجمال في اللإبل، اللون الأسود لا يقع عليه زي ما بقع علي البشر
Post: #12 Title: Re: الإبل الباكستانية، بوست تثقيفي توثيقي Author: أبوبكر عباس Date: 05-28-2016, 09:08 AM Parent: #11
لاحظ لضرع الناقة البرويليا دي، حلبت حوالي 26 لتر في حلبتين وهي تعتمد فقط على هذه الحشائش والشجيرات لا منافسة مع البشر ولا الحيوانات الأخرى في الأكل
نفس الكاميرا
Post: #13 Title: Re: الإبل الباكستانية، بوست تثقيفي توثيقي Author: Mohamed E. Seliaman Date: 05-28-2016, 09:18 AM Parent: #12
السلام عليكم ابوبكر اخوى موش يبدو انها قصيرة ولا بس التصوير؟ جميلة فعلا والاهم انتاجها الوفير من اللبن
عندنا فى الصعيد الناقة لبنها الا يحلبو الراعى و يعمل منو قارص غير كده ما مستفيدين منو نظراً لبعدها من مناطق الاستهلاك اضافة لثقافة الناس عموماً و تفضيلهم لبن البقر مكور كتير اخونا ابوبكر ومتابعين معاك
Post: #16 Title: Re: الإبل الباكستانية، بوست تثقيفي توثيقي Author: حيدر حسن ميرغني Date: 05-28-2016, 10:57 AM Parent: #14
بوست ليهو سنامين :) محمد سليمان والمستنير أنيخوا رحالكم هنا وطولو القعدة جاتني فيزة راعي وعايز استفيد منكم الجد مشتاقين يامحمد
Post: #17 Title: Re: الإبل الباكستانية، بوست تثقيفي توثيقي Author: عباس محمود Date: 05-28-2016, 11:16 AM Parent: #16
عزيزي المستنير د. أبوبكر ( بكور )...... السلام عليكم
محاضرة مجانية والله وربنا يوفقك في مشروعك الطموح.
أعتقد انو ال 5 سنوات البتقصدها لبداية المشروع مش كده ؟ لأنه الموضوع عشان يكون أقتصادي أفتكر بياخد وقت أكتر من كده كتير ؟
هنا في أسواق الأمارات يوجد حليب النوق حتي يوجد آيسكريم من حليب النوق لكن شايف سعره عالي جدا. _______________________________________________________________
يوم الخميس كنت سهران مع بعض الأصدقاء في شقة أنيقة في دبي .........أحد الحضور ويعرفك جيدا قال لي دي كانت شقة أبو بكر
Post: #18 Title: Re: الإبل الباكستانية، بوست تثقيفي توثيقي Author: أبوبكر عباس Date: 05-28-2016, 11:37 AM Parent: #17
مربي البرويلا بباكستان هم بدو خلص وما زالوا يعيشون حياة بدوية، ويقيمون الإحتفالات والمهرجانات للأبل
فيديو بكاميرا المستنير بسوق بالقرب من فيصل أباد:
Post: #19 Title: Re: الإبل الباكستانية، بوست تثقيفي توثيقي Author: ناصر جامع Date: 05-28-2016, 12:28 PM Parent: #18
المستنير خبارك يا حبيب عندنا قريبنا غاب من الصومال اكتر من ثلاتين سنة و بقي كبير مهندسين في واحدة من اكبر الشركات الكندية، زولنا متقريف لي لبن ابل نزل السوق الساعة 11 ما لقي لبن ابل!! قالو ليهو اللبن دا الا تصحي و تكابس من بدري الكلام دا في مدينة هرجيسا تاني اكبر المدن الصومالية صاحبك طوالي قاليهم انا ما راجع كندا، انا عايز اسعي ابل و ابيع لبن اعمامو قالو الود جنا و فقد المحنة و قالو ليهو الاولاد ما يقدرو يعيشو في الصومال
يا زول صاحبك بدا بي 500 راس من الابل، و اي واحدة عندها ملف في برنامج كمبىوتر يحتوي تاريخ الناقة من الالف للياء
و راكب همر بحاحي بيهو الابل، الفديو التحت دا كان بعد 5 سنوات من بداية التجربة، و قال دا احسن قرار اخدو في حياتو
شايفك قلتا الناقة البرويليا تحلب 26 لتر في اليوم و ما شاء الله الضرع يسر الناظرين
في الفديو في الدقيقة 14 مقدم البرنامج سال الراعي القاعد يحلب في الناقة قاليهو الناقة تحلب كم لتر في اليوم؟ الراعي رد قال 5 لتر في حلبتين في اليوم. 2 و نص في كل حلبة. الكلام دا معقول يا دكتور؟؟
الزول دا كان كدا حا انصحو يبيع ابلو و يبدلو بي البرويليا
ال٢٦ لتر دي ما متوسط ودي الحالات الشاذة، الناقة الفي الصورة لم نتوفق في شرائها لأنها مصابة بالمالطية، لكن لدينا بالمزرعة بدبي ناقة تحلب نفس الكمية وعدد لا بأس به من الباكستانيات ( برويلا ودتي) يحلبن عشرينات، وعموما ممكن متوسط الباكستانيات يكون في حدود ١٣ لتر في اليوم
Post: #24 Title: Re: الإبل الباكستانية، بوست تثقيفي توثيقي Author: Mohamed E. Seliaman Date: 05-29-2016, 08:10 AM Parent: #23
أخانا حيدر حسن ميرغني من النيبال وعليكم السلام ورحمة الله تشتاق لك الجنة يا رب
Post: #25 Title: Re: الإبل الباكستانية، بوست تثقيفي توثيقي Author: أبوبكر عباس Date: 05-29-2016, 08:42 AM Parent: #23
سلام يا معاذ الفحل، متوسط انتاج إبل الصعيد قد لا يتعدى الأربعة لخمسة لترات في اليوم زي ما قال ناصر جامع عن الإبل الصومالية. أهم إبل بالصعيد هي إبل الكنانة وتصنف من الإبل الجميلة وتلقح بالمجاهيم والوضح السعوديات من أجل المزاينة الصفات الجمالية بقولها ليكم بعدين، لكن خلوني أحكي ليكم قصة سوداني معانا هنا، قال راكب بص ماشي الصعيد من الشباك لمح ليهو قعود كناني فائق الجمال، وقف البص وطوالي مشى للأبالي إشترى منو القعود بسعر تافه بالنسبة لقيمة القعود الجمالية القعود باعو في مهرجان الظفرة لمزاينة الإبل ب400 ألف درهم
صورة لقعود كناني بكاميرا المستنير الحقيقي، لاحظ لشكل الخشم والفم، والشعر حول الأذن والعيون والرقبة:
2/ إبل الماريشيا إبل طويلة وقوية، إنتاجها من الحليب ضعيف، تستعمل فحولها في الزراعة والتحميل وجر الكارو، وتسمى بالإبل الراقصة إذ تلعب دورا كبيرا في السياحة:
3/ إبل الدتّي وسيدة إبل الحليب في العالم كثيرين يصنفونها بعد البرويلا، لكنني من واقع تجربة طويلة أصنفها سيدة إبل الحليب بالعالمتعيش في أقليم السند صور بكاميرا المستنير
Post: #33 Title: Re: الإبل الباكستانية، بوست تثقيفي توثيقي Author: أحمد الشايقي Date: 06-23-2016, 11:39 AM Parent: #32
