Post: #2 Title: Re: كبح جماح الدولار خلال اسبوعين .... Author: محمد البشرى الخضر Date: 05-22-2016, 07:20 AM Parent: #1
سلام يا عمّنا غير الأماتي العذبة و الغلغلة الإسفيرية هل في اسباب حقيقية قوية - أو ان شا الله ضعيفة - تدعوك لهذا التوقع
Post: #3 Title: Re: كبح جماح الدولار خلال اسبوعين .... Author: محمد الامين محمد Date: 05-22-2016, 07:22 AM Parent: #2
تغير لقم وقمشات ولا جهاز فرامل كامل
Post: #4 Title: Re: كبح جماح الدولار خلال اسبوعين .... Author: أيمن محمود Date: 05-22-2016, 07:30 AM Parent: #3
نسمعُ بقبقةً .. ولا نرى أم بُقبق!
Post: #5 Title: Re: كبح جماح الدولار خلال اسبوعين .... Author: Hamid Elsawi Date: 05-22-2016, 07:42 AM Parent: #4
اسبوعين بس ياخي قول 27 سنة
كبح جماح الدولار بكون ب زيادة الانتاج وقف الصرف الغير مبرر (حروب و غيره)
فهمنا خلال اسبوعين كيف؟ اخدنا علي قدر عقلنا و اشرح لينا المعادلة الاقتصادية دي
و ينوبك ثواب ......_
و اسبوعين ما كتيرة
بننتظرها معاك و نخلي البوست فوووووق
____________
Post: #6 Title: Re: كبح جماح الدولار خلال اسبوعين .... Author: حامد بدري Date: 05-22-2016, 08:03 AM Parent: #5
صباحكو زين المابتعرف ماتدوها تغرف
Post: #7 Title: Re: كبح جماح الدولار خلال اسبوعين .... Author: محمد أبوالعزائم أبوالريش Date: 05-22-2016, 08:05 AM Parent: #6
حليل ابوي
Post: #8 Title: Re: كبح جماح الدولار خلال اسبوعين .... Author: ود الباوقة Date: 05-22-2016, 08:19 AM Parent: #7
قالت الحكومة السودانية، يوم السبت، إن لديها حزمة إجراءات لكبح جماح أسعار صرف الدولار ستقرها خلال أسبوعين، مشيرة إلى أن وزير المالية سيقدم توضيحات لوسائل الإعلام بشأن الضائقة المالية.
وشهدت أسواق العملات الأجنبية في السودان، خلال شهري أبريل ومايو الحالي قفزات لسعر صرف الدولار بمعدلات غير مسبوقة قاربت حاجز الـ 14 جنيها.
وبحسب تجار في السوق الموازي تحدثوا لـ (سودان تربيون) يوم 12 مايو فإن سعر الدولار وصل الى 13.70 جنيها للبيع، مقابل 13.80 للشراء، بينما لا يتجاوز السعر الرسمي لبنك السودان حدود الـ 6.5 جنيه.
وكشف المتحدث باسم الحكومة، وزير الإعلام أحمد بلال، عن حزمة إجراءات لمعالجة الأوضاع الإقتصادية بالبلاد، وأشار إلى “مؤشرات إيجابية” لكبح جماح الضائقة المالية خلال أيام.
وقال بلال للمركز السوداني للخدمات الصحفية “إن جهودا وإصلاحات كبيرة ذات مؤشرات إيجابية تبذلها الدولة من أجل فك الضائقة التي سببها الحصار الاقتصادي”، وزاد “لدينا إجراءات كثيرة لتحسين الأوضاع بالبلاد خاصة فيما يتعلق بأسعار الصرف”.
وفي العادة تراقب السلطات الأمنية السوق الموازي عند ارتفاع أسعار الدولار، وكثيرا ما تقتاد عشرات التجار الذين يمارسون هذا النوع من التجارة، ليكون مصيرهم الحبس لبعض الوقت ومن ثم يتم الافراج عنهم.
وقال محافظ بنك السودان المركزي في تصريحات صحفية سابقة إن المتاجرين في العملة لا بد أن يحاكموا بتهمة الخيانة العظمي، بينما رأى وزير المالية في فبراير الماضي إن سعر الدولار في السوق السوداء لا يجب أن يتعدى 7 جنيهات وعزا الارتفاع للمضاربات.
وأكد المتحدث باسم الحكومة أن هذه الضائقة لا يمر بها السودان لوحده مبيناً أن الدول النظيرة تعاني من الحصار الإقتصادي.
وأشار إلى الإجراءات المتبعة من قبل الدولة للخروج من هذه الأزمة، وأعلن عن توضيح بوزارة الإعلام سيقدمه وزير المالية بدر الدين محمود للإعلاميين حول هذه الضائقة والإجراءات التي سيتم اتخاذها خلال الأسبوعين القادمين.
وبعد انفصال جنوب السودان في 2011 واستئثاره بنحو 75% من الانتاج النفطي للبلاد، عانى السودان من تراجع عملته الوطنية “الجنيه” وارتفاع التضخم.
وانخفضت الصادرات السودانية الى 1.8 مليار دولار خلال النصف الأول من 2015 مقارنة
Quote: وكشف المتحدث باسم الحكومة، وزير الإعلام أحمد بلال، عن حزمة إجراءات لمعالجة الأوضاع الإقتصادية بالبلاد، وأشار إلى “مؤشرات إيجابية” لكبح جماح الضائقة المالية (خلال أيام) .
حديث الجاهل ببواطن الامور و (ظواهرها) ايضاًَ ... لغاية ما تكبحوه ستظلون ترزحون بالبلاد تحت طائلة ( الضائقة المالية )
Post: #9 Title: Re: كبح جماح الدولار خلال اسبوعين .... Author: محمد عبد الله الامين Date: 05-22-2016, 08:20 AM Parent: #7
يا باوقه كل ما تتوقع الهبوط بزيد فشنو اعمل نايم شوف ليك موضوع تاني .... كاودا كيف ههههه
Post: #11 Title: Re: كبح جماح الدولار خلال اسبوعين .... Author: ود الباوقة Date: 05-22-2016, 08:24 AM Parent: #9
الاخوة المتداخلون
اذا سارت الاجراءات وفق ما نعلمه احتمال كبير خلال اسبوع واحد يدق ( الدلجة )
وشكرا
Post: #10 Title: Re: كبح جماح الدولار خلال اسبوعين .... Author: Hafiz Bashir Date: 05-22-2016, 08:24 AM Parent: #7
Quote: اسبوعين بس ياخي قول 27 سنة كبح جماح الدولار بكون ب زيادة الانتاج وقف الصرف الغير مبرر (حروب و غيره) فهمنا خلال اسبوعين كيف؟ اخدنا علي قدر عقلنا و اشرح لينا المعادلة الاقتصادية دي
الحل الوحيد لكبح جماح الدولار خلال إسبوعين إنو البشير يرجع القروش الفي الكراكتير دا
إي تبريرات تانية لرقاد الدولار هبطرش خلال إسبوعين يا بقبق بتبقى كلام مبقبق ساي
Post: #12 Title: Re: كبح جماح الدولار خلال اسبوعين .... Author: ود الباوقة Date: 05-22-2016, 08:30 AM Parent: #10
ان شخصيا لن تغمض لي عين الا اذا رايت الدولار ( يخر ) صريعا امام
الجنية السوداني
Post: #13 Title: Re: كبح جماح الدولار خلال اسبوعين .... Author: ود الباوقة Date: 05-22-2016, 08:33 AM Parent: #12
بالله يا بكري لاهمية الامر ( شعلق ) لينا البوست دا فوق
مع التقدير
Post: #14 Title: Re: كبح جماح الدولار خلال اسبوعين .... Author: حامد بدري Date: 05-22-2016, 08:35 AM Parent: #12
Quote: ان شخصيا لن تغمض لي عين الا اذا رايت الدولار يخر صريعا امام
يخر اكتر من كده علا تختو ليو مراوح شفط
Post: #15 Title: Re: كبح جماح الدولار خلال اسبوعين .... Author: Deng Date: 05-22-2016, 08:45 AM Parent: #14
ود الباوقة أحتشي.
Post: #16 Title: Re: كبح جماح الدولار خلال اسبوعين .... Author: عباس الدسيس Date: 05-22-2016, 08:46 AM Parent: #14
Quote: إن المتاجرين في العملة لا بد أن يحاكموا بتهمة الخيانة العظمي
ولا طريقة تحلل مافي يعني الناس تخلي تجارة الدولار وتشتغل معاكم مخدرات
Post: #17 Title: Re: كبح جماح الدولار خلال اسبوعين .... Author: ود الباوقة Date: 05-22-2016, 08:58 AM Parent: #16
انتهت نهائي
Post: #18 Title: Re: كبح جماح الدولار خلال اسبوعين .... Author: محمد المسلمي Date: 05-22-2016, 09:17 AM Parent: #17
المجاهد ودالباوقة سلام الله يطمنك ويجيب الخير
-------- انت الزغلباني دينق ده الدولار عندهم ب35 جنيه ماقال حاجة
Post: #21 Title: Re: كبح جماح الدولار خلال اسبوعين .... Author: ود الباوقة Date: 05-22-2016, 09:42 AM Parent: #4
ايمن محمود
حول ما تكتنزه سريع
حيث لاينفع الندم
وشكرا
Post: #20 Title: Re: كبح جماح الدولار خلال اسبوعين .... Author: ود الباوقة Date: 05-22-2016, 09:40 AM Parent: #3
Quote: تغير لقم وقمشات ولا جهاز فرامل كامل
محمد الامين
المرة دي حا نركز على الكنداسات
وشكرا
Post: #19 Title: Re: كبح جماح الدولار خلال اسبوعين .... Author: ود الباوقة Date: 05-22-2016, 09:38 AM Parent: #2
Quote: سلام يا عمّنا غير الأماتي العذبة و الغلغلة الإسفيرية هل في اسباب حقيقية قوية - أو ان شا الله ضعيفة - تدعوك لهذا التوقع
اخونا ود البشرى
خليك قريب وسترى بنفسك ترنح الدولار قبل انقضاء المدة المحددة
مع الود
Post: #22 Title: Re: كبح جماح الدولار خلال اسبوعين .... Author: بشير حسـن بشـير Date: 05-22-2016, 10:03 AM Parent: #19
. . . ال بيكبح جماحك انت شنو ؟؟
من عينة هذه البوستات
مع التحيات الزاكيات . . . . . شعب عملاق يتزعمه اقزام . . .
Post: #24 Title: Re: كبح جماح الدولار خلال اسبوعين .... Author: Zoal Wahid Date: 05-22-2016, 10:16 AM Parent: #22
حلفتك بي ربك يا و د الباوقة تورينا صورة التحويل الرسمي بتاعك عبر البنوك.
ما تخمنا الدولار هابط وانت شغال سوق سوداء و رمادية و من وراء الكواليس.
Post: #23 Title: Re: كبح جماح الدولار خلال اسبوعين .... Author: حمد عبد الغفار عمر Date: 05-22-2016, 10:15 AM Parent: #19
ناس ما بتحمد سيدها يا ودالباوقة
لو ما الإنقاذ الدولار دا لهسه كان حصل 20 جنية هسة يا دوبك 14.500 بس
Post: #25 Title: Re: كبح جماح الدولار خلال اسبوعين .... Author: Mirghani Taitawi Date: 05-22-2016, 10:27 AM Parent: #23
Quote: قالت الحكومة السودانية، يوم السبت، إن لديها حزمة إجراءات لكبح جماح أسعار صرف الدولار ستقرها خلال أسبوعين، مشيرة إلى أن وزير المالية سيقدم توضيحات لوسائل الإعلام بشأن الضائقة المالية.
حزمة الإجراءات دي ياها الـ بتخلي الدولار يسرح ويمرح على كيف كيفو.
Post: #26 Title: Re: كبح جماح الدولار خلال اسبوعين .... Author: عادل عبدالعزيز عبد الرحيم Date: 05-22-2016, 10:30 AM Parent: #25
حتركبو فرامل يعنى
Post: #28 Title: Re: كبح جماح الدولار خلال اسبوعين .... Author: محمد عبد الله الامين Date: 05-22-2016, 10:34 AM Parent: #25
Quote: سلام يا عمّنا غير الأماتي العذبة و الغلغلة الإسفيرية هل في اسباب حقيقية قوية - أو ان شا الله ضعيفة - تدعوك لهذا التوقع
ياود البشرى ... ده عنوان كبير في جريده الانتباهة الصادرة صباح اليوم الاحد ود الباوقه الحبه ماعندو من تحليلات اقتصاديه هههههه
Post: #27 Title: Re: كبح جماح الدولار خلال اسبوعين .... Author: aosman Date: 05-22-2016, 10:34 AM Parent: #1
الدولار ده ما عندنا بيهو الشغلة, كده الريال ده ركبوا ليهو لجام بس
Post: #29 Title: Re: كبح جماح الدولار خلال اسبوعين .... Author: جمال الباقر Date: 05-22-2016, 11:40 AM Parent: #27
وكان ابي يتكبح خلال اسبوعين حتعملو شنو اقترح تدو جلدة كااااربة فى قسم النظام العام
لأزمة الاقتصادية في السودان مرشحة لأن تزداد حدة الأزمة الاقتصادية في السودان مرشحة لأن تزداد حدة
05-21-2016 12:11 AM محجوب محمد صالح
لم يكن مستغرباً ما كشف عنه تقرير وزارة المالية الدوري أمام البرلمان السوداني من أن الميزان التجاري للربع الأول من هذا العام قد سجل عجزا بلغ مليار دولار، ما يوحي بأن العجز الكلي هذا العام قد يتجاوز الأربعة مليارات من الدولارات وهذا -أيضا- يفسر التدني المستمر في قيمة الجنيه السوداني بعد أن فشل برنامج الإصلاح الاقتصادي الخماسي الذي تبنته الحكومة في أن يزيد حصيلة الصادرات غير النفطية ليسهم في تغطية الفجوة من صادرات السودان ووارداته.
الأزمة الاقتصادية الحالية التي يواجهها السودان لا يمكن أن تعالج بالتجزئة أو بالقرارات الإدارية فهي تحتاج إلى تغييرات جذرية وإلى إرادة سياسية وإلى خطة عمل محكمة وهو أمر لم يتوفر حتى الآن وكل الدلائل تشير إلى أن الحديث عن زيادة الإنتاج وعن التوسع في الاستثمار لا يعدو أن يكون مجرد أمانٍ وأمنيات ليس لها وجود على أرض الواقع.
لقد كانت جملة حصيلة صادرات السودان للربع الأول من هذا العام أقل من سبعمائة مليون دولار بينما قيمة الواردات تجاوزت هذا المبلغ بمليار دولار ويشتري المستوردون هذه الدولارات من السوق الموازية بضعف السعر الرسمي للدولار، إضافة لذلك فإن دولار السوق الموازية قد موَّل تكاليف السياحة الخارجية للسودانيين ورحلات العلاج وغير ذلك من المتطلبات الشخصية، ما ضاعف الطلب على ذلك الدولار بينما ظل العرض محدودا أو قاصرا بصورة أساسية على تحويلات السودانيين العاملين في الخارج ولم تستطع الحكومة أن توفر مصادر تمويل بديلة سواء عن طريق القروض أو العون أو التسهيلات الائتمانية حتى تخفف الضغط على سوق الدولار وترفع من قيمة العملة السودانية.
وما زال السودان يعاني فوق هذا وذاك من آثار المقاطعة والعقوبات الاقتصادية والحصار المصرفي وتراكم المديونية الخارجية، ما جعل من العسير عليه الحصول على أي تسهيلات ائتمانية بل وبات يواجه صعوبات في تحصيل مستحقاته الخارجية بسبب الحصار المصرفي. ولم تبذل الحكومة جهدا على المستوى السياسي لمعالجة الأسباب الرئيسية التي عرضتها لهذه العقوبات الاقتصادية والوصول إلى تفاهمات مع الدول التي تتخذ منها هذا الموقف حتى توقف العقوبات عنها لأنها لم تعالج المشاكل الرئيسية والأسباب التي خلقت هذا الواقع.
وعندما قدم وزير المالية ميزانية هذا العام قبل عدة شهور أشار كثير من الاقتصاديين السودانيين إلى أن الميزانية اتسمت بقدر من التفاؤل غير المبرر وأن الافتراضات التي قامت عليها أرقام الميزانية غير حقيقية وغير قابلة للتنفيذ وتكهنوا بأن عجز الميزانية سيكون أكبر بكثير مما قدر له في الميزانية، وحذروا من استمرار تدهور قيمة العملة السودانية وازدياد حدة الغلاء واتساع دائرة الفقر- وهذا هو ما حدث بالفعل ويعيشه الناس اليوم والميزانية لم تكمل نصف العام فكيف سيكون الحال في النصف الثاني إذا تواصل هذا التدهور؟;
سلامات يا ود الباوقه نتمنى أن يكبح لما فيه مصلحه لكل الأطراف لكن تظل امنيات الواقع يقول ان الدولار سيزيد على ابواب رمضان وكلامك هنا نوع من دعايه سياسية لتقليل زياده قادمه لامحالة ستيحملها المواطنين خارج وداخل السودان وهناك من يقف وحده دون معين من الخارج كان الله فى عونهم أخبرني صديق بالامس أن اليورو وصل حاجز ال17
Post: #38 Title: Re: كبح جماح الدولار خلال اسبوعين .... Author: أيمن نواى على Date: 05-22-2016, 04:07 PM Parent: #37
يا جماعة الكلام دا ما كلام ود الباوقة. .......ود الباوقة ما قراء اقتصاد........الكلام دا ......كلام ست الودع......لكن انا المحيرنى ود الباوقة البخليهو يقعد مع ستات الودع شنو؟ .......حاجه تحير الواحد......اصلو ود الباوقة ما عندوا ضابط ولارابط......مطلوق ساكت.......فى ناس ما شايفين شغلهم......انت يا ود الباوقة تمرض الجوه والبره.......الله يكون فى عون الناس المعاك.
Post: #39 Title: Re: كبح جماح الدولار خلال اسبوعين .... Author: جمال خضر Date: 05-22-2016, 04:58 PM Parent: #38
Quote: قالت الحكومة السودانية، يوم السبت، إن لديها حزمة إجراءات لكبح جماح أسعار صرف الدولار ستقرها خلال أسبوعين،
أخونا ود الباوقة الكوابح دى ياها حقت البشير فى الفيديو التالى ولا كوابح تانية لأن كوابحه يظهر عليها مغشوشة ولا ما أصلية لأن كل كلامه طلع شمار فى مرقة لا الدولار انخمد لا اكتفينا من اى حاجة
Post: #43 Title: Re: كبح جماح الدولار خلال اسبوعين .... Author: Hashem Mubarak Date: 05-24-2016, 08:19 AM Parent: #42
السلام عليكم يا باوقة امس فى برنامج جتى تكتمل الصورة ناس الحكومة ممثلين فى نائب اللجنة الاقتصادية بالبرلمان و المتعافى قالوا مافى امل من انخفاض سعر صرف الدولار و المتعافى متوقع ال 17 ج للدولار اما الناس دى نائمة و ما عندهم خبر للكبح حقك دة يا انت حلمان فى قيلولتك النهارية
Post: #44 Title: Re: كبح جماح الدولار خلال اسبوعين .... Author: محمد عبد الله الامين Date: 05-24-2016, 09:06 AM Parent: #43
اها يا باوقه ... الكبح وصل وين ؟
Post: #45 Title: Re: كبح جماح الدولار خلال اسبوعين .... Author: عباس محمود Date: 05-24-2016, 11:38 AM Parent: #44
ود الباوقة سلام عليكمتابعت أمس الحلقة اللي ذكرها الزميل Hashem Mubarakبل كان الـتأكيد علي أن هذه الأجراءا ت ( الغير معلومة ) تحتاج لفترة تمتد لسنوات ....ده كلا المتعافي ذاتو !!!!!بل كانت هنالك سخرية من تعبير كبح جماح وقالوا دي حاجة أعلامية بس .......أكيد الحلقة حتنزل هنا بعد رفعها علي موقع اليوتيوب
Post: #46 Title: Re: كبح جماح الدولار خلال اسبوعين .... Author: Adil Ali Date: 05-24-2016, 11:53 AM Parent: #45
الليلة وردية الباسويرد على منو من الارزقية يا ود الباوقة؟؟ سألتك لأنه عبارة "كبح جماح" دي لا تستطيع كتابتها ولا تدرك معناها لأنك رجل شبه أُمّي ومحدود !!
Post: #47 Title: Re: كبح جماح الدولار خلال اسبوعين .... Author: محمد فضل الله المكى Date: 05-26-2016, 10:38 AM Parent: #46
اذا سارت الاجراءات وفق ما نعلمه احتمال كبير خلال اسبوع واحد يدق ( الدلجة )
وشكرا
على كدا نتوقع انكم ترجعوهو لـ 12 جنية بالقديم؟؟؟؟؟؟؟؟
Post: #49 Title: Re: كبح جماح الدولار خلال اسبوعين .... Author: محمد الحسن حمدنالله Date: 05-26-2016, 01:34 PM Parent: #47
العزيز ود الباوقة لك التحايا هل كبح جماح الدولار سيتم بإيقاف الحرب وزيادة الإنتاج أم هي مجرد أماني طالما رددها السياسيون كثيراً خلال العشر سنوات الماضية من قبيل الوديعة القطرية والوديعة السعودية وتصدير ٥٠ طن ذهب؟
Post: #50 Title: Re: كبح جماح الدولار خلال اسبوعين .... Author: جلالدونا Date: 05-29-2016, 00:24 AM Parent: #49
Post: #53 Title: Re: كبح جماح الدولار خلال اسبوعين .... Author: محمد حسن العمدة Date: 05-30-2016, 01:44 PM Parent: #52
Quote: وكثيرا ما تقتاد عشرات التجار الذين يمارسون هذا النوع من التجارة، ليكون مصيرهم الحبس لبعض الوقت ومن ثم يتم الافراج عنهم.
طبعا حبسهم ليس من اجل ( كبح ) ارتفاع الدولار
البحصل الاتي : تجار العملة عاملين زحمة لتجار المؤتمر اللاوطني النظام بكون عليه التزامات خارجية عاوز يسددا مهم في الحالة دي ارتفاع الدولار وزيادة طباعة العملة اهو المصنع لسع شغال القبض علي تجار العملة يؤدي الي ندرة في السلعة ندرة السلعة تقلل العرض مع زيادة الطلب ( الحكومي ) يرتفع السعر يخلو السوق لـ( تجار ) همباتة المؤتمر اللاوطني يرتفع السعر
Post: #55 Title: Re: كبح جماح الدولار خلال اسبوعين .... Author: م. سيد احمد قدورة Date: 06-08-2016, 08:24 AM Parent: #54
هى القصه ما دايره درس عصر لما الدولار كان متوفر فى البنوك ما كان فى سوق اسود
Post: #56 Title: Re: كبح جماح الدولار خلال اسبوعين .... Author: MOHAMMED ELSHEIKH Date: 06-08-2016, 08:43 AM Parent: #55
هذا وقد تم صباح الامس كبح جماح الدولار وتوابعه الى يوم الابد
Post: #57 Title: Re: كبح جماح الدولار خلال اسبوعين .... Author: ود الباوقة Date: 06-08-2016, 11:42 AM Parent: #56
الليلة جايب ليهو نزول شوية
الحمد لله
Post: #58 Title: Re: كبح جماح الدولار خلال اسبوعين .... Author: عباس محمود Date: 06-08-2016, 12:07 PM Parent: #57
الأخ عمر ود الباوقة تقبل الله الصيام والقيام تصوم وتفطر علي خير .عمر ود الباوقة يوم 22/5 :- في ظرف أسبوعين الدولار ح ( يرقد واطة ).عمر ود الباوقة يوم 8/6 أي بعد أكثر من أسبوعين :- الليلة جابت ليها نزول شوية.الفرق كبير بين كبح الجماح ويرقد واطة و ...نزول شوية .سؤال جاد جدا أخي عمر ... شنو الأتغير في الأقتصاد السوداني ولا اللي زاد أنتاجه او تصديره في الفترة الأخيرة.
Post: #59 Title: Re: كبح جماح الدولار خلال اسبوعين .... Author: نصر الدين عثمان Date: 06-08-2016, 12:12 PM Parent: #57
Post: #61 Title: Re: كبح جماح الدولار خلال اسبوعين .... Author: Dr. Ahmed Amin Date: 06-08-2016, 07:14 PM Parent: #60
Quote: الليلة جيايب ليهو نزول شوية
أعتقد السبب هو بداية وصول طلائع المغتربين واسرهم للاجازة الصيفية الدولار لن ينصلح حاله الا بصلاح كلي للاقتصاد السوداني .. وهيكلة شاملة كاملة دون نقصان ..
عندنا جدنا كان بقول لو لقيت حصان جاري أوع تحاول تركب فيهو, لانه بكون رمى سيدو قبلك. حصان الدولار ده رمى ناس كتااااااااااااااااار عشان كده أحسن ليك تزوغ منه.
Post: #83 Title: Re: كبح جماح الدولار خلال اسبوعين .... Author: عباس الدسيس Date: 09-27-2016, 03:20 PM Parent: #82
اليوم الريال 4200 كع كرع
Post: #84 Title: Re: كبح جماح الدولار خلال اسبوعين .... Author: محمد عبدالله مختار Date: 09-27-2016, 03:37 PM Parent: #83
غايتو يا ود الباوقة حاسي بيك بتفتح البوستات العجيبة دي وبتجي تستمتع بالردود بعد ما ترفع الضغط لي خلق الله دي .. لكن بينك وبين نفسك عارف ناسك ديل كلو يوم شغالين بيغتسو في حجر البلد دي وهسي قربوا يوصلوا بيها القاع بالمناسبة الميترو خبرو شنو ؟؟ على العموم أنا إستفدت من مصطلحاتك القنبجية المتجبجبة زي : جلجغت ، إنبهلت ... الخ ومرة إستعرت واحدة من عباراتك البرشلافية وصفت عضو بي إنو (متزمزغ) رغم إني ما فاهم قصة الزمزغة دي كويس لكن لقيتها مناسبة غايتو دي فرصة أستأذنك في إستخدام بقية المصطلحات الظروف ما معروفة
تحياتي
Post: #85 Title: Re: كبح جماح الدولار خلال اسبوعين .... Author: السنجك عثمان Date: 09-27-2016, 07:37 PM Parent: #84
ود الباقوقه يبجك الجن الكلكى انتو فاكرين نفسكم بتضحكو على الناس وال شنو والله انت الزيك ده هو البحتاج ل عود الفذافى تفو عليك اترمى وبطل الوساخاات بتاعتك دى
Post: #86 Title: Re: كبح جماح الدولار خلال اسبوعين .... Author: tasneem Date: 09-28-2016, 02:06 AM Parent: #85
يا شباب الدولار كم اليومين ديل
تحياتي
Post: #87 Title: Re: كبح جماح الدولار خلال اسبوعين .... Author: Yousuf Taha Date: 09-28-2016, 11:16 AM Parent: #86
15.7 حسب الكمية ...................
Post: #88 Title: Re: كبح جماح الدولار خلال اسبوعين .... Author: صلاح حمد Date: 11-03-2016, 12:01 PM Parent: #87
(((( اسبوعين فقط لاغير باذن الله ويرقد ( واطة ) )))
الدولة تكبح جماح الجنيه السوداني وتطلق جماح الدولار
Post: #89 Title: Re: كبح جماح الدولار خلال اسبوعين .... Author: محمد أبوالعزائم أبوالريش Date: 11-03-2016, 12:03 PM Parent: #88
قالوا جنيهنا بقى أقوى من الجنيه المصري
Post: #90 Title: Re: كبح جماح الدولار خلال اسبوعين .... Author: ياسر منصور عثمان Date: 11-03-2016, 12:20 PM Parent: #1
والله يا ابن عمي وقعت وقعة اكعب من وقعة الجنيه السوداني قدام الدولار
كععععععععععععععععععع
ههههههههههههههههههه
Post: #91 Title: Re: كبح جماح الدولار خلال اسبوعين .... Author: Adil Isaac Date: 11-03-2016, 12:49 PM Parent: #90
Quote: اسبوعين فقط لاغير باذن الله ويرقد ( واطة )
و الله تستحق جائزة نوبل للمثابرة :) الكلام دة بتقول فيه ليك عشرين سنة ياخ تعب ساكت ما بتتعب :)
Post: #92 Title: Re: كبح جماح الدولار خلال اسبوعين .... Author: Deng Date: 11-03-2016, 01:19 PM Parent: #91
