روق البال بالغنا

04:14 PM May, 10 2016

سودانيز اون لاين
محمد عبد الله حرسم-السعودية -جدة
مكتبتى
رابط مختصر

روق البال
روق البال بالغنا
زخرف مشاويرك
تصاويرك
امانيك دندنة
بحر الصبر باكر يوافيك بالمنى
وغنى كيف ما جاك غناك
بدل مزاجات الضنى
ما بينى بين الضحكة حاجات ممكنة
الريدة باكر تبقى عطر السوسنة
يا مرهق البال بالمراكب والسفر
خلى بالك
انو حالك
ببقى اجمل بالغنا
لوحت ليك من بر مزاجات السنا
ورسمت ليك انا فى المدائن ازمنة
يا جاى من مشوار حزن
اركض تعال
مافيش محال
ما الريد غنا
------------------------------------------------------------------------
وعدتنى انها
ح تعلم الزهر الغنا
وعدتنى انها
ح تعلم الاطفال حكاوى الامكنة
وعدتنى انها
ح تغنى مسدار للقلوب وتعنونا
غنيتا شوق يا ممكنة
عبيتا جواى دندنة
منعتنى انى الكنا
جاتنى قالت اننا
ح نغنى نملأ الكون ربيع
ح نغنى نملأ الامكنة