Post: #1
Title: بلدك_ابدا_ماتسيء_ليها.*
Author: yousif saeed ali
Date: 05-10-2016, 11:09 AM
Parent: #0
11:09 AM May, 10 2016 سودانيز اون لاين yousif saeed ali- مكتبتى رابط مختصر #بلدك_ابدا_ماتسيء_ليها.*
يا غضبان في وجه الباطل ويا مستهجن كل الحاصل ويا مغبون ويا مسجون ويا مطعون ويا ممكون مع باقي عقاب الشعب الفاضل ايوة معاك في انك تغضب ايوة معاك في انك تشجب لكن لمن تغضب لازم تعرف انو تفرق بين محتال هو النهبك وسلبك وهو القهرك وضربك وبين الوطن الضاع بي سببك وما تستغرب!!!! ايوة الوطن الضاع بي سببك عارف كيف ضيعتو بسببك ؟؟ انك. ... شايف الفيل وبتطعن وطنك كل مصيبة تفتح خشمك تلعن وطنك كهربا قطعت...........تلعن وطنك مويتك وقفت..........تلعن وطنك انت في زحمة..........تلعن وطنك سرقو قروشك..........تلعن وطنك تيمك خاسر ...........تلعن وطنك طالع نازل..................تلعن وطنك قاعد قايم ..............تلعن وطنك ياخ لو ربنا من رحماتو نزل مطرة وغرق الشارع انت تكورك وتلعن وطنك حاجة غريبة..... ضاع بي سببك لما تقول..
الله يخارجني دي بلد كرهانا دي بلد سجمانا دي بلد وسخانا دي بلد جيعانا انعل ابو دي بلد لامانا مش فعلا حاجة غريبة...؟؟؟ راجع نفسك و فكر فيها بلدك ابدا ما تسيء ليها بلدك واجبك تبقي عليها بلدك امك حاول ارضيها بلدك دمك هو البفديها بلدك غيرك مين بحميها راجع نفسك وفكر فيها بلدك ابدا ما تسيء ليها
copied from whatsap*
|
Post: #2
Title: Re: بلدك_ابدا_ماتسيء_ليها.*
Author: مني عمسيب
Date: 05-11-2016, 09:11 AM
Parent: #1
التحية لك ابن الوطن البار .. يوسف ود سعيد ..
حقيقة هذا نموذج صحي للعمل التربوي الوطني الذي نريده وننتظره لكي نرتقي بوطننا الخالي باذن الله من الاوباش من مفسدين ومنحرفين وقتلة نرتقي به حد الارتقاء ومن كل الاصعدة باذن الله والجميع .
ويا يوسف لو البلد فيها حكومة زي الولد دا مفروض يكون في اللحظة دي في فصل مع زملاءهو ! لكن مهما طال عمر الظلم والظلام لابد ان ينتهي .. وان غدآ لناظره قريب .
Quote: لازم تعرف انو تفرق بين محتال هو النهبك وسلبك وهو القهرك وضربك وبين الوطن الضاع بي سببك وما تستغرب!!!! ايوة الوطن الضاع بي سببك عارف كيف ضيعتو بسببك ؟؟ انك. ... شايف الفيل وبتطعن وطنك |
ولك وافر الاحترام ..
************* حرية سلام وعدالة والثورة خيار الشعب .
|
|