ألف غنيه وغنيه مع ملهم كردفان ... أيه يعنى جواك معنى الوطن ...!!!

09:35 PM May, 06 2016 سودانيز اون لاين
ملهم كردفان-الإسكندريه
مكتبتى
رابط مختصر
أيه يعنى جواك معنى الوطن ...
هل كل معناهو الجواك
الظالم يظلم ينشر آثامو يشيل سلاحك ...
ويقتل اخوك ... اولاد اخوك
يكسر خواطر ناس مجدوله من دمك ...
يضحك شمتان ...لمن ينحروك

هل كل معناهو الجواك
تبيع حبايبك فى البلد
من أجل حفنة ناس بيخدعوك
اوعى تنحاز لطغمه جايره
تهين كرامتك
تدنس أرضك ... أرض أبوك

هل كل معناهوالجواك
إنك تساهم فى تخاذل
تقسم أوصال الوطن
آه ياوطن آه كم ضيعوك المابشبهوك

أيه يعنى جواك معنى الوطن
هل كل معناهو الجواك
انك تهادن بى كرم
وتبيع شبابك لى وهم
اهل النفاق العشموك

خلينا نعرف كيف
نفرّح الشعب الحزين ...
ونفارق الألم العذاب
خينا نبدأ ونبعد
قسوة الشرالبيكتل ...
وبينشر الضيم والخراب
نمسح دموع الكادحين...
من مشهداً سكن اليباب
ونسعد قلوب الصابرين ....
يايمة خيرك مستطاب
خلينا نبعد ضيم الضلام
من كل أركان البيوت ...
ونقالد الاحــباب

هل كل معناهو الجواك
إنك تعارض وبى زعل
تودع السودان حبيبك ...
قبال تساهم بالحلول ..تمرق تفوت

بنقوليك لا... لا ...لا .
بنقول ليك لا..من غير شكوك
لابد لينا ولازم يتشابك الوجدان
ضميرنا فيهو مصيرنا وكلمة الشجعان
لابد لينا نغير بى إيدينا نغير الأحوال.
وحكم الظلم ..... لازم يموت

النص تحت التلحين والتجويد وقابل للتعديل والحذف والإضافه

كن فى المشهد
أيها الشاهد على المظالم
على الجرائم
على العهد والحقد المقيم
كن ولاتبالى
استقوى بك واستطلع
غيم النقاء فى سماوات الوطن
هكذا بلاتردد أو استلاب عقيم