Post: #1
Title: السادة شركة مصدر الاماراتية (تعملو مشاريع في حلايب ممكن نعمل مشاريع في ابو موسى وطنب الكبرى)
Author: محمد إبراهيم علي
Date: 05-02-2016, 08:22 PM
08:22 PM May, 02 2016 سودانيز اون لاين
محمد إبراهيم علي-Wagadugu
مكتبتى
رابط مختصر | Quote: وقد أنهت شركة "مصدر" بشكل رسمي في 19 أبريل 2016، مشروع يشمل أربع محطات هجينة تستخدم الألواح الضوئية ومولدات الديزل تم تطويرها في محافظة البحر الأحمر بقدرة 14 ميجاواط. وتعمل المشاريع الجديدة على تحقيق التكامل بين محطات إنتاج الطاقة الحالية بالديزل ومصادر الطاقة الشمسية، مما يؤدي إلى توفير التكاليف المرتبطة بشراء وقود الديزل ونقله، ويقلل من مخاطر ارتفاع أسعار الوقود ونقص الإمدادات، ويخفض انبعاثات غاز ثاني أكسيد الكربون بشكل ملحوظ. وقد تم تصميم محطات مرسى علم (بقدرة 6 ميجاواط) وشلاتين (بقدرة 5 ميجاواط) وأبو رماد (بقدرة 2 ميجاواط) وحلايب (بقدرة 1 ميجاواط) خصيصاً لدعم القطاع السياحي في هذه المناطق والذي يشكل ركيزة رئيسية في اقتصاد تلك المنطقة، وذلك من خلال تزويدها بمصادر طاقة موثوقة وذات كفاءة عالية. |
http://masdar.ae/ar/media/detail/lights-on-across-egypts-remote-areas-as-masdar-delivers-solar-projectshttp://masdar.ae/ar/media/detail/lights-on-across-egypts-remote-areas-as-masdar-delivers-solar-projects
|
Post: #2
Title: Re: السادة شركة مصدر الاماراتية (تعملو مشاريع
Author: محمد إبراهيم علي
Date: 05-02-2016, 08:26 PM
Parent: #1
لا يغرنكم ضعف الحكومة الحالية ولا فقر الشعب السوداني فهو وضع طارئ ولن يدوم
هذا الشعب صاحب حضارة عريقة جدا ومر بازمات وضعف اسوأ من هذه
ولكن يعود كما طائر الفينيق
|
Post: #3
Title: Re: السادة شركة مصدر الاماراتية (تعملو مشاريع
Author: محمد البشرى الخضر
Date: 05-02-2016, 08:28 PM
Parent: #1
سلامات يا هندسة
و الغريبة في الخريطة خاتين الحدود المختلف عليها زي ما هي
|
Post: #4
Title: Re: السادة شركة مصدر الاماراتية (تعملو مشاريع
Author: محمد إبراهيم علي
Date: 05-02-2016, 08:38 PM
Parent: #3
نزلوها في تويتر يا ود البشرى لما زنقاناهم سحبو التويتة
الليلة حدنا معاهم السما بس
زول عندو ارض محتلة بنفس الطريقة مفروض ما يتصرف تصرفات غبية زي دي
ممكن السودانيين القاعدين بره السودان وهم بالملايين بكرة يمشو يعملو ليهم ان شاء الله قطية والباقي بتتولاهو ايران وبعد داك ببدا البكا
|
Post: #5
Title: Re: السادة شركة مصدر الاماراتية (تعملو مشاريع
Author: dardiri satti
Date: 05-02-2016, 10:26 PM
Parent: #4
Quote: هذا الشعب صاحب حضارة عريقة جدا ومر بازمات وضعف اسوأ من هذه
ولكن يعود كما طائر الفينيق |
لكن كمان نحن ماممكن نكلم كل واحد براهو...
لذا نقول للأماراتيين إذا أنتو معترفين بإنه حلايب مصرية
فنحن برضه بنعترف بأنه أبو موسى وطنب الكبرى الصغرى جزر إيرانية
ونقول للفلسطينيين إذا أنتو معترفين بإنه حلايب مصرية
نحن كمان بنعترف بدولة إسرائيل وعاصمتها أورشليم القدس
ونقول لرابطة العالم الإسلامي ، قالو ا غيروا إسمها ،
إذا أنتو معترفين بإنه حلايب مصرية فنحن برضنا بنعترف
إنه أورشليم القدس إسرائيلية
نحن ضيعنا ستين سنة في الجري ورا قضايا فارغة
ونسينا مصالح بلدنا...
يلا مع السلامة
|
Post: #6
Title: Re: السادة شركة مصدر الاماراتية (تعملو مشاريع
Author: أيمن محمود
Date: 05-02-2016, 11:14 PM
Parent: #5
السكان سيسعدون جدا حال ان توفرت لهم الكهرباء الرخيصة في الوقت الذي لا يحلم فيه سكان عاصمة السودان بذلك
ناس حلايب اكلو توركم
|
Post: #7
Title: Re: السادة شركة مصدر الاماراتية (تعملو مشاريع
Author: محمد إبراهيم علي
Date: 05-03-2016, 06:58 AM
Parent: #6
فعلا يا درديري ممكن ببساطة السودانيين البره يعملو حملة لاقامة مشروع يدعم الصداقة الايرانية السودانية :)
ونقترح على الايرانيين انو نعملو في جزيرة ابو موسى او اي جزيرة تانية من اجزر الاماراتية المحتلة
يمين الايرانيين هم الحيدفعو تكاليفو ونخلي الباقي لاعلامهم هههههههه
فعلى الاماراتيين ان يرعوو ويتذكرو ان بيتهم من قزاز
العلاقة بين الشعوب هي الباقية و الانظمة متغيرة
|
Post: #8
Title: Re: السادة شركة مصدر الاماراتية (تعملو مشاريع
Author: Hafiz Bashir
Date: 05-03-2016, 07:16 AM
Parent: #7
| Quote: فعلا يا درديري ممكن ببساطة السودانيين البره يعملو حملة لاقامة مشروع يدعم الصداقة الايرانية السودانية |
سلام يا باشمهندس
إنت قاصد السودانين القاعدين بره وين؟
أوعى يكونوا مغتربين السعودية و الأمارات!
|
Post: #10
Title: Re: السادة شركة مصدر الاماراتية (تعملو مشاريع
Author: dardiri satti
Date: 05-03-2016, 07:31 AM
Parent: #8
| Quote: فعلا يا درديري ممكن ببساطة السودانيين البره يعملو حملة لاقامة مشروع يدعم الصداقة الايرانية السودانية |
لا ياحبيبي.... ما تفهمني غلط.....!!!!
أنا عاوز دا يكون كلام كل السودانيين
لأن الحكومة دي ما حتقوم بأي خطوة رجال من الخطوات الأنا ذكرتها
على الشعب أن تكون هذه مطالبه وشعاراته التي يرفعها
في وجه هذه الحكومة أولاً ... وأي حكومة قادمة
حلايب دي ما حترجعها الحكومة دي ولا الحكومة الجاية
حلايب محتاجة لانتفاضة شعبية خاصة .
تحياتي
|
Post: #9
Title: Re: السادة شركة مصدر الاماراتية (تعملو مشاريع
Author: محمد إبراهيم علي
Date: 05-03-2016, 07:27 AM
Parent: #7
يا ايمن المواطن في حلايب مواطن تحت الاحتلال وعليه ان يتعامل مع الامر المفروض عليه
|
Post: #11
Title: Re: السادة شركة مصدر الاماراتية (تعملو مشاريع
Author: محمد إبراهيم علي
Date: 05-03-2016, 07:35 AM
Parent: #9
ناس الامارات مستثنيين ناس السعودية زي كده ممكن يساعدو بالصفقة :)
هسي ناس امريكا واوروبا ديل شوية وحركتهم سهلة ولا حيكون في تهديد ليهم من اي جهة
عمل اعلامي بس والباقي بتمو ايران على حسابها عشان يعرفو الطفا النور منو
|
Post: #12
Title: Re: السادة شركة مصدر الاماراتية (تعملو مشاريع
Author: محمد إبراهيم علي
Date: 05-03-2016, 07:39 AM
Parent: #11
يا درديري الموضوع لو بتسمح بيهو حكومتنا نتمنى انو يكون من داخل السودان
لكن انت عارف البير وغطاها ممكن مناس الحكومة يتهموك بالخيانة العظمى لمبادئ الجاومعة العربية :)
لكن الموضوع ممكن يتصعد داخليا والناس ممكن تضغط على الحكومة لتبنى مواقف اقوى واوضح
|
Post: #13
Title: Re: السادة شركة مصدر الاماراتية (تعملو مشاريع
Author: نادر الفضلى
Date: 05-03-2016, 09:35 AM
Parent: #12
الحتة المزعجة كلام تطوير السياحة بهذه المناطق المذكورة ومن ضمنها حلايب ورماد وشلاتين
وهذا يعنى دخول بشر بكميات منهم للسياحة ومنهم للإستثمار السياحى وخدمة السياحة وعمالة
أى سيتحول الأمر لتغيير تركيبة سكان المنطقة وذوبان السكان الأصليين وسط أغلبية وافدة
(إستعمار إستيطانى) .. وسينتهى عهد الدلال والإغراء للسكان ألأصليين .. إذا كان اليهود
إشتروا أراضى الفلسطينين .. فالمصريون غرروا بأهل حلايب بتطوير للمنطقة ستستفيد
منه وأمن وسهل لها بسط السيطرة على المنطقة ومواطنيها الأصليينّ!
بالمناسبة حسب الخرطة بهذا البوست هل شلاتين خارج المثلث وتقع جهة مصر ؟
|
|