Post: #1
Title: مرحبا بعودة الفارس Bashasha للمنبر.
Author: Deng
Date: 05-01-2016, 11:25 PM
Parent: #0
11:25 PM May, 02 2016 سودانيز اون لاين
Deng-
مكتبتى
رابط مختصر مرحبا بعودة الفارس كمال بشاشا للمنبر.
الأخ كمال بشاشا معروف بأنه من الذين يقومون بترويض الكيزان والعنصريين بالمنبر.
نتمنى أن تطول أقامتك هذه المرة وكما نتمنى لك أقامة طيبة.
|
Post: #2
Title: Re: مرحبا بعودة الفارس Bashasha للمنبر.
Author: حسن حماد محمد
Date: 05-01-2016, 11:40 PM
Parent: #1
| Quote: والعنصريين بالمنبر. |
كلام تمام ، اذا فليبدأ بدينق
مرحب بشاشا
|
Post: #3
Title: Re: مرحبا بعودة الفارس Bashasha للمنبر.
Author: Deng
Date: 05-01-2016, 11:43 PM
Parent: #2
كوز نيويورك حسن حماد.
بل راسك وخليك جاهز.
|
Post: #4
Title: Re: مرحبا بعودة الفارس Bashasha للمنبر.
Author: حسن حماد محمد
Date: 05-01-2016, 11:47 PM
Parent: #1
| Quote: بل راسك وخليك جاهز. |
خلاس انا ببل راسى ككوز
انت بل راسك كعنصرى Deal
|
Post: #5
Title: Re: مرحبا بعودة الفارس Bashasha للمنبر.
Author: فرح الطاهر ابو روضة
Date: 05-01-2016, 11:50 PM
Parent: #4
مرحب حباب بشاشة حبابو الف
|
Post: #6
Title: Re: مرحبا بعودة الفارس Bashasha للمنبر.
Author: Elmosley
Date: 05-02-2016, 09:58 AM
Parent: #1
ترحيب حار
|
Post: #7
Title: Re: مرحبا بعودة الفارس Bashasha للمنبر.
Author: محمد أبوالعزائم أبوالريش
Date: 05-02-2016, 11:32 AM
Parent: #6
في جقور كتيرة حتدخل الجحور 
سلام يا دينق
|
Post: #8
Title: Re: مرحبا بعودة الفارس Bashasha للمنبر.
Author: Bashasha
Date: 05-02-2016, 11:44 PM
Parent: #7
العزيز دينق، والله مشتاقين. بي وجود امثالك هنا، الاحساس بالغربة في هذا الفضاء ويا للعجب، بكون اقلا! قطعا الغربة، هنا ماغربة ناس وافراد، فكلنا سودانيين، ولكن غربة ناجمة عن المواضيع الانصرافية المتصدرة للصفحة الاولي مقارنة بي غابر سنين هذا الفضاء! ويا للعجب انا كنتا حتي في الزمن دااااك بحتجا!!
عيييييييييك!!!
تعيش كتير تشوف كتير، قالو! واجهة المنبر متصدرنو الجداد، ارزقية نظام القتلة، الاصبحو عندهم مداخلات كمان بالمئات يا لسخرية الاقدار، فوق للوهابية، ناس الكورة، الونسة، الاجتماعيات، ثم الغنا وماشابه. الصراع الفكري ذهب الي مذبلة التاريخ للاسف، وده اهم شئ في هذا الفضاء، الذي جعل منه ماهو لدي القراء تاريخيا!
...لما القا فرقة حاواصل!
معليش مافي اي ميزانية من حيث الوكت، للمنبر ده، فمعذرة للجميع.
|
Post: #9
Title: Re: مرحبا بعودة الفارس Bashasha للمنبر.
Author: فقيرى جاويش طه
Date: 05-03-2016, 03:21 AM
Parent: #8
اخرج من هنا هذا مكان للشرفاء يااتتهازى نيويورك المذدوج حسن حماد .
دا مامحلك انت ملوث روح حاور النظام العنصرى نظام التطهير العرقى والاغتصاب .
الذى يحشد امثالك من النفعيين والمنافقين الذين لاضمير لهم ولاانتماء .
سلام الارو دينق وعبرك لاوفاش المهمشين الامير الكوشى بشاشا .
|
Post: #10
Title: Re: مرحبا بعودة الفارس Bashasha للمنبر.
Author: أسامة خلف الله مصطفى
Date: 05-03-2016, 03:54 AM
Parent: #9
مليون سلام يا بشاشا ومليون حباب
حسن حماد ....الإختشوا ماتو
|
Post: #11
Title: Re: مرحبا بعودة الفارس Bashasha للمنبر.
Author: Haydar Badawi Sadig
Date: 05-03-2016, 06:33 AM
Parent: #10
مرحباً يا بشاشا!
ونحن ما بنستاهل، ولا شنو، يا دينق؟
|
Post: #12
Title: Re: مرحبا بعودة الفارس Bashasha للمنبر.
Author: ادم شحوتاي
Date: 05-03-2016, 10:17 AM
Parent: #11
ألف مرحب العزيز بشاشا
وشكراً اخي دينق
|
Post: #13
Title: Re: مرحبا بعودة الفارس Bashasha للمنبر.
Author: حيدر حسن ميرغني
Date: 05-03-2016, 10:59 AM
Parent: #12
الف مرحب ببشاشا
|
Post: #14
Title: Re: مرحبا بعودة الفارس Bashasha للمنبر.
Author: مني عمسيب
Date: 05-03-2016, 11:03 AM
Parent: #13
مليوووووووووووون هلا ومرحبا بالبشوش بشاشا ..
عودآ جميلآ مستطاب ..
|
Post: #15
Title: Re: مرحبا بعودة الفارس Bashasha للمنبر.
Author: أبوبكر عباس
Date: 05-03-2016, 12:27 PM
Parent: #14
| Quote: الصراع الفكري ذهب الي مذبلة التاريخ للاسف، وده اهم شئ في هذا الفضاء، |
سلام بشاشا،
مداخلتك دي زايد تهديد ابو الريش خلاني أعكف لمطالعة بعض من مشاركات بشاشا في الارشيف
انطباع أولي:
بشاشا غير منفتح على أفكار وآراء محاوريه وتشعر زي في تعصب لفكرة واحدة، زي مشاركات دينق بالمنبر ثابتة الاتجاه غير متفاعلة
دا انطباع أولي فقط
|
Post: #16
Title: Re: مرحبا بعودة الفارس Bashasha للمنبر.
Author: AL-Qassim
Date: 05-03-2016, 12:34 PM
Parent: #1
مرحب بالاخ Bashasha و بكل العائدين
تشكر مستر Deng
|
Post: #17
Title: Re: مرحبا بعودة الفارس Bashasha للمنبر.
Author: AMNA MUKHTAR
Date: 05-03-2016, 04:41 PM
Parent: #16
والله مشتاقين يا أمير الأمراء .
شكراً العزيز دينق .
|
Post: #18
Title: Re: مرحبا بعودة الفارس Bashasha للمنبر.
Author: Deng
Date: 05-03-2016, 08:11 PM
Parent: #17
كوز نيويورك حسن حماد.
صحي الأختشوا ماتوا.
|
Post: #19
Title: Re: مرحبا بعودة الفارس Bashasha للمنبر.
Author: Deng
Date: 05-04-2016, 09:09 AM
Parent: #18
| Quote: مرحب حباب بشاشة حبابو الف |
شكرا ابو روضة.
|
Post: #20
Title: Re: مرحبا بعودة الفارس Bashasha للمنبر.
Author: أبوبكر عباس
Date: 05-04-2016, 02:42 PM
Parent: #19
يا بشاشا، قريت عدد كبير من بوستاتك، ولاحظت التحالف القديم بينك ومحمد سليمان، وإنقلابك عليه في 2013.
من قبل أن أقرأ لك، كان محمد سليمان موضع إهتمام عندي، الرجل أعتبره من أذكى الناس البكتبو هنا وعارف جدا هو داير شنو، غير ناس اسماعيل وصديق الغالي.
المحيرني جدا، بعد ذكاء الرجل المثبت، هل مسعاهو لإقامة دولة الزغاوة على أرض الواقع عندو إحتمال نجاح ولو واحد في المية؟
التوقيع:
جلابي أصيل يسعى لتحقيق مصالحه عبر الفتنة
|
Post: #21
Title: Re: مرحبا بعودة الفارس Bashasha للمنبر.
Author: Bashasha
Date: 05-04-2016, 09:21 PM
Parent: #20
نعتذر بشدة عن التاخير الناجم عن ضمور الوكت!!
اولا ترحيب حار بالشقيقات، امونة بت الشيخ حمد، او بت عمسيب!
العزيزة مني، اختك امنة مختار انا مسميها امونة بت "الشيخ حمد"، الكان مزواج خلاس، او ناسب جميع ناس البلد!!
بقية الاعزاء جاييكم فردا، فرد!
|
Post: #22
Title: Re: مرحبا بعودة الفارس Bashasha للمنبر.
Author: muntasir
Date: 05-04-2016, 11:04 PM
Parent: #21
سلام بشاشا حمدلله على السلامة طمنا لبدتك دي ما تكون خفست حاورت باشبوزقات الخديوية
|
Post: #23
Title: Re: مرحبا بعودة الفارس Bashasha للمنبر.
Author: حسن حماد محمد
Date: 05-05-2016, 00:01 AM
Parent: #1
| Quote: دا مامحلك انت ملوث روح |
دا نوع الكلام البقولو عايهو صقعى كيبورد ساى
|
Post: #24
Title: Re: مرحبا بعودة الفارس Bashasha للمنبر.
Author: احمد حمودى
Date: 05-05-2016, 00:32 AM
Parent: #23
التجية والتقدير للاخ بشاشا نورت البكان
|
Post: #25
Title: Re: مرحبا بعودة الفارس Bashasha للمنبر.
Author: Bashasha
Date: 05-07-2016, 10:25 PM
Parent: #24
حسن حماد تحياتي، مشكور علي المرور.
لكن بدور ا"سعلك" دينق عنصري؟
قرقرقرقر!
والله نفسي اعرف ما معني عنصري ياخلق، لغة؟
عامة الحاصل عندنا ده، ما عنصرية يااعزائي، لاننا كلنا ننتمي لي عنصر "ذنجي" واحد احد!
نعم عارف كويس مفردة "ذنجي" بتخلي الواحد فينا يخلي شباشبو، او يقوم صوف عاضي العراقي، لانو المصطلح جد مرعب لدرجة، او ده كلام زول عايش ورصد ردود افعال السودانيين علي مدي اكثر من 30 سنة، تجاه النطق بهذه المفردة البعبع بحق وحقيقة!
اذن الحاصل عندنا هو استعلاء وليس بعنصرية!
والاستعلاء ده زاتو اساسا رد فعل، انعكاس، وتجسيد لي احساس مفرط، متجذر، بي مركب نقص، من الزويل البتاوق ديمة في المرايا، وهذا واضح جدا في نموذج محمد النور كبر، وبريمة ادم، من بقايا المراحيل والجنجويد، باكثر منه من امثال بشاشا في الشمال!
نعم الثنائي بريمة وكبر، مشكلتم الاساسية في الدنيا دي، هو خيال ذاك الزويل "الذنجي" البتاوق ليهم علي الدوام في المراية!!!
بالنسبة للشمالي، شوية وضعيتو السياسية، الاجتماعية، الاقتصادية، كاقلية مهيمنة، بتمرر ليهو وهمة انو عربي، وبالتالي "ود بلد"، "سيد بلد"، "ودعرب" اي "حر"، مقارنة بي مهمشيه من امثال ثنائي المراحيل، بريمة/كبر، اللي حقيقة استعلاؤم علي البسموهم "جانقي" و "زرقة" وماشابه، لامعني له اطلاقا!!
اذن مافي عنصرية في السودان بقدرما هناك استعلاء، هو انعكاس وتجلي لي مركب نقص متجذر، من قبل امثال بشاشا في الشمال، في مواجهة امثال كبر، لانو الاخير، هو المرآة البشوفو فيها امثال بشاشا، تلك الذات "الذنجية" اللي هم جاكين اصلا منها!!!
الطريف امثال كبر من اذلام موسي خلال، لي روحم، وبذات الطريقة جاكين من الزويل اياهو، البشوفوهو مجسد في "الجانقي" من امثال دينق في جنوب كردفان، او الزرقة، من امثال اهلنا الفور في دار فور!
الجرائم الفظيعة لاذلام الجنجويد في دارفور او المراحيل في جنوب كردفان، مردها في الاساس مركب النقص هذا تجاه هذا الكائن الخرافي المعروف بالذنجي!
تحذير وتنبيه لي بريمة ادم:
يكون معلوم لديك، اننا قريبا سنقوم بنشر بوست يتناول تاريخ "المور" الذين قامو بفتح واخضاع اوربا، وهذا التاريخ معروف زورا بتاريخ فتح العرب للاندلس!!!
عيييييييييييييك!
ياناس واشنطون عليكم الله اتوصو علي بريمة، لاني جد خايف ينتحر عديل كده، لو ثبت انو طارق ابن زياد و90% من جيشو كانو ذنوج، وليسو بعرب!!!!
عييييييك!
بريمة غايتو حيجيهو شلل عديل كده، لانو هو وكبر، فاكرين روحم عرب، جونا من اوربا، باعتبار من اسسو الاندلس كانو عرب، وهذا مجرد فرية لااساس لها، كالكثير من اوجه تاريخنا، السطو عليهو العرب والبيض!!
|
Post: #26
Title: Re: مرحبا بعودة الفارس Bashasha للمنبر.
Author: Bashasha
Date: 05-08-2016, 01:26 AM
Parent: #25
العزيز فرح كتر خيرك.
|
Post: #27
Title: Re: مرحبا بعودة الفارس Bashasha للمنبر.
Author: Bashasha
Date: 05-08-2016, 03:53 AM
Parent: #26
الفردة "يوسب" زي ما بقولو اهلنا.
والله مشتاقين ياموصلي.
كل ما مرا علي اسمك هنا في المنبر ده، طوالي برجع للزمن الجميل دااااك في لوس انجلوس، لما كنا لسة سودانيين، الحضرتا انتا اخرا، باكثر منا امريكان كما هو حالنا اليوم، وهذه سنة الحياة في البلد دي وهذا طبيعي. لايمكن لافراد يقاومو الي الابد تيار اكثر من 100,000,000 نسمة، من حيث اسلوب الحياة من حولهم.
لي روحي، من اولي ايامي انتبهتا للحتة دي كويس، راجي اليوم ده، فضلت فارش فروتي كما جدي خليفة المهدي، عليهما السلام، او قعدتا!
يا حليل ايام كنا بنحوم بالجلاليب والعراريق في شوارع امريكا!
ياحليل ايام كنا بنفطر في رمضان في شارع الله قدام بيوتنا المقرونة في بعض، او كما ناذن بي طول الحس او نصلي العشا و التراويح في شارع الله!
نعم كنا بنضبح عديل كده برة في الشارع، او نعلق الخروف برة في السهلة في اقرب شدرة، والعالم تقرقر فينا، او تضرب للنجدة!!!
والله اكاد لا اصدق لي روحي اني يوم من الايام عشت ذات حياتي بتاعة دنقلا، او حاج يوسف المايقوما، في احياء بلدية لوس انجلوس، كالفورنيا!!
ياللبراءة بحق!
هسي بالله العراقي في جوة غرفة النوم بي خوف!
يجازي الدواعش ياخي!
الطريف كان لما "نتحاضن" اي نتعانق في الشارع في حرارة بكل براءة كعادتنا دوما، مديرة السكن بتاعي جاتني وهي من بيض جنوب افريقيا، او قالت لي، يازول الناس هنا ابتداو يفهمو تصرفاتكم دي، خطا!
نعم اعتبرونا مثلييين!!!
عييييك!
|
Post: #28
Title: Re: مرحبا بعودة الفارس Bashasha للمنبر.
Author: Bashasha
Date: 05-08-2016, 05:20 AM
Parent: #27
| Quote: بشاشا غير منفتح على أفكار وآراء محاوريه وتشعر زي في تعصب لفكرة واحدة، زي مشاركات دينق بالمنبر ثابتة الاتجاه غير متفاعلة |
ابوبكر عباس يامراحب،
اسمح لي اختلف معاك. ياعزيزي.
انتا بتحاكم في بشاشا بي معاييرك انتا، اوده بسمو حكم قرقوش!
بالعدم، يعني شنو منفتح؟
ثم من اين لك هذا؟
نعم، ماعندي كقاعدة، الشغلة بي افكار الاخرين، اللي كقاعدة في نظري، مجرد وعي استلاب، "كلونينالي" علي قول ناس اخوي الخواض!
اذن بشاشا يرفض وبعنف كل المطروح في الساحة، بالذات من اقصي اليسار، مرورا بالوسط والي اقصي اليمين!
اذن كلامك صاح، بشاشا غير منفتح، ولاعايز، ولايرغب ذاتو في الطرح وقبلها الوعي، الجانا دافر في شكل فار من معامل الثنائي، نعوم شقير، ومخدمو ونجت باشا!
اذن بشاشا متسق جدا في سلوكو مع طرحو بي شهادتك!
مشكور علي الاطراء الذي لم تقصد!
كل الذي يجمع بشاشا بالاخرين هو مبدأ حرية التعبير والسلام.
نعم علي استعداد ادفع حياتي ثمنا، لابدا الاخر وجهة نظرو، بغض النظر عن وجهة نظري، في وجهة النظر تلك.
بخلاف كده، فلا ارضية مشتركة من اساسو مابين طرحنا والمدلوق في سوق وعي الاستلابي الثنائي، العربي "الخواجي".
علي كده لو في واحد متعصب هنا، فياهو الاخر وليس بشاشا، المصر يعيد او ينتج ذات السقط حجر بلدنا، ودمر حياة الملايين من الابرياء.
|
Post: #29
Title: Re: مرحبا بعودة الفارس Bashasha للمنبر.
Author: Bashasha
Date: 05-08-2016, 05:26 AM
Parent: #28
العزيز محمد ابو العزايم كتر الف خيرك.
|
Post: #30
Title: Re: مرحبا بعودة الفارس Bashasha للمنبر.
Author: Deng
Date: 05-09-2016, 04:46 PM
Parent: #29
النقر جا
|
Post: #31
Title: Re: مرحبا بعودة الفارس Bashasha للمنبر.
Author: ود الباوقة
Date: 05-09-2016, 05:05 PM
Parent: #30
هل هناك من جديد سيضيفه بشاشا
ام هي نفس كتاباته السابقة
بعدين هو غايب كان وين ؟؟؟؟؟
|
Post: #32
Title: Re: مرحبا بعودة الفارس Bashasha للمنبر.
Author: كمال عباس
Date: 05-09-2016, 05:14 PM
Parent: #30
تحياتي ياعزيزي بشاشا
وعودا حميدا.......| Quote: تعيش كتير تشوف كتير، قالو! واجهة المنبر متصدرنو الجداد، ارزقية نظام القتلة، الاصبحو عندهم مداخلات كمان بالمئات يا لسخرية الاقدار |
هذا المقتبس مهم جدا وهو رد شافي وافي لمن ظن أن بشاشا سوف تحركه عقلية الشللية وإعتبارات الصداقات بحيث يتقارب مع الإنقاذ أو يصمت علي مخازي الإنقاذ وعلي من أسماهم بأرزقية نظام القتلة !
هو رد يطمئن المشفقين ويشكل صفعة للشامتين ولأنصار النظام الذين توهموا أن الناس قطيعا تحركه للشلليات !
تقول..Quote:
لصراع الفكري ذهب الي مذبلة التاريخ للاسف، وده اهم شئ في هذا الفضاء، الذي جعل منه ماهو لدي القراء تاريخيا!ر |
للأسف هذا الإتجاه التمييعي أصبح ظاهرة طمست الصراع الفكري والخط الوطني المصادم للمنبر ــ وحوله لظل باهت لما كان عليه هذا إن لم يكن وكرا ينعق فيه البوم وتنسحب منه الأقلام
الجادة أو تحجم وتشارك باليسير !
.
|
Post: #33
Title: Re: مرحبا بعودة الفارس Bashasha للمنبر.
Author: كمال عباس
Date: 05-11-2016, 09:22 PM
Parent: #1
.
|
Post: #34
Title: Re: مرحبا بعودة الفارس Bashasha للمنبر.
Author: Bashasha
Date: 05-16-2016, 04:27 AM
Parent: #33
اورو فقيري
خالص الود، ولاجا يوم شكرك.
|
Post: #35
Title: Re: مرحبا بعودة الفارس Bashasha للمنبر.
Author: Bashasha
Date: 05-16-2016, 04:31 AM
Parent: #34
العزيز اسامة خلف الله
ليك وحشة!
نورتا البوست.
|
Post: #36
Title: Re: مرحبا بعودة الفارس Bashasha للمنبر.
Author: Bashasha
Date: 05-16-2016, 04:44 AM
Parent: #35
الفاسد ود الباوقة لامرحب بامثالك من اذلام الفسدة، القتلة.
في الدنيا ام قدود، امثالك كمان بيقدلو في هذا الفضاء، بكل اريحية او راحة بال!
يا لهوانا بحق!
لو كنا فعلا كمعارضة مالين مركزنا، بالله نوعك ده اطلاقا ما كان هوي بي هنا، دع عنك كمان يتصدر الصفحة الاولي!
بالذات نوعك من ارزقية، حرامية، نظام القتلة، اللي حتة كوز زاتا ما لامي فيها!
يا لقوة عين امثالك بحق!
|
Post: #37
Title: Re: مرحبا بعودة الفارس Bashasha للمنبر.
Author: عبدالعظيم عثمان
Date: 05-16-2016, 11:20 AM
Parent: #36
مرحب بعودة بشاشا
جرت مياه كثيرة تحت جسرك يا الحبيب
خفنا تكون غرقت ...
مليون مراحب
شكرا دينق
|
Post: #38
Title: Re: مرحبا بعودة الفارس Bashasha للمنبر.
Author: ود الباوقة
Date: 05-16-2016, 11:23 AM
Parent: #37
لا اعتقد بان لبشاشا ما سيضيفه للمنبر
عامل السن وكدا
وشكرا
|
Post: #39
Title: Re: مرحبا بعودة الفارس Bashasha للمنبر.
Author: ود الباوقة
Date: 05-16-2016, 11:24 AM
Parent: #38
وبرضو ممكن يكون ضربتو شوية زهايمر كدا
عموما
ربنا يجيب العواقب سليمة
|
Post: #40
Title: Re: مرحبا بعودة الفارس Bashasha للمنبر.
Author: Deng
Date: 05-16-2016, 02:39 PM
UP
|
Post: #41
Title: Re: مرحبا بعودة الفارس Bashasha للمنبر.
Author: Bashasha
Date: 05-30-2016, 11:37 PM
Parent: #40
الصديق والزميل منذ ايام البركس دكتور حيدر مشتاقين.
ياعزيزي،
عشمنا فيكم كجمهوريين كبير جدا لو تعلمون، لانو جمهوري اليوم وبكل غشاوة الاسلام السياسي الكاسية وعيو، يمثل مشروع السوداني القادم "مرحليا"، اي المبعوث، من بعث، من حفرة بل بئر وعينا الحالي!
نعم، نتمني وفي مدي ال100 سنة القادمة، ان نري شوارع البجراوية، عاصمة السودان الكوشي، القادمة، حايمين بي مناشريم كما رايناهم في شوارع الخرطوم، يبشرون بعودة "اوسار" اي اوزيس بالاغريقية.
|
Post: #42
Title: Re: مرحبا بعودة الفارس Bashasha للمنبر.
Author: Bashasha
Date: 05-31-2016, 05:06 AM
Parent: #41
العزيز ادم شحوتاي، كتر الف خيرك.
|
Post: #43
Title: Re: مرحبا بعودة الفارس Bashasha للمنبر.
Author: Bashasha
Date: 06-26-2016, 03:41 AM
Parent: #42
دكتور حيدر حسن ميرغني، ليك وحشة. كتر الف خيرك.
|
Post: #44
Title: Re: مرحبا بعودة الفارس Bashasha للمنبر.
Author: Bashasha
Date: 06-26-2016, 04:11 AM
Parent: #43
| Quote: والله مشتاقين يا أمير الأمراء . |
اميرتنا المروية، امنة مختار ليكي وحشة.
يبدو لي انك صوفية، واصلة، او احنا ماعارفين.
كل ما امر علي اسمك، واتذكر الحصل للجماعة اياهم "ناس مناوي"، طوالي اقول دي لعنة امونة!
|
Post: #45
Title: Re: مرحبا بعودة الفارس Bashasha للمنبر.
Author: Bashasha
Date: 06-26-2016, 09:38 PM
Parent: #44
| Quote: يا بشاشا، قريت عدد كبير من بوستاتك، ولاحظت التحالف القديم بينك ومحمد سليمان، وإنقلابك عليه في 2013. |
ابوبكر عباس مشكور علي المثابرة، مرة اخري، هذا اسقاط ياعزيزي!
ليس هناك تحالف بين بشاشا وايا كان في هذا الفضاء، وماحدث ليس بانقلاب!
نعم كل ماهناك طرح محدد يجمع ما بين اتنين او اكتر، ومتي ما تغير موقف ايا منا من المطروح، فالعلاقة بديهي حتتغير!
خت بالك معاي لو سمحت:
الاساس طرح، وفكرة، مش قبيلة او جهة، او دين، او شلة اجتماعية كالذي يجمع ما بين "الكوز" اليميني بريمة "الظلامي"، مثلا واليساري "المستنير" المستنكح كبر!
اذن الفكرة هي الجمعت مابين بشاشا وايا من اتفق معاهو، والفكرة هي الفرقت مابينو ومن اتفق معهم في السابق!
لو ده حاصل فمافي انبل، اصدق، واكثر استقامة ومبدأئية من كده!
الثنائي اضحوكة الاسافير بريمة او كبر، لايجمع بينم طرح اطلاقا او فكرة!
وانما الاساس هو الالتزام القبلي، الجهوي، المنطلق من وهم العروبة، النابعة بدورها، من كراهية مطلقة للذات الذنجية، او ده هو القاسم المشترك مابين افارقة افريقيا تحديدا!
اذن الذي يجمع ويفرق بالنسبة لي بشاشا، هو الطرح، الفكرة، والمبادئ، اولا واخيرا، وليس العلاقات الاجتماعية ايا كانت!
| Quote: المحيرني جدا، بعد ذكاء الرجل المثبت، هل مسعاهو لإقامة دولة الزغاوة على أرض الواقع عندو إحتمال نجاح ولو واحد في المية؟ |
بالنسبة لي محسوبي مشروع دويلة الزغاوة الكبري، فهم فعلا لاقول مجرد دعاة وحملة جزام وعي قبلي غاية في التخلف!
انظر حولك في هذا الفضاء، او شوف من نفضنا يدنا من هذا الغثاء، كيف لم تقم لحركتي مناوي وجبريل، قائمة علي الاطلاق في هذا الفضاء، لدرجة حتي زولك ده زاتو، محمد مشار، راح رافع ايدو منهم من فرط احساسو بعار رموز مشروعو القبلي الجهوي، اللي اصبحو محترفي ارتزاق ياللنكتة في الدول المجاورة، وهذا طبيعي ومنطقي في حاملي جزام الوعي القبلي!!
من الجهة الاخري اتعجب ان تصف، حامل جرثومة وعي قبلي، بالذكاء! اي ذكاء، لي مخلوق، دائرة مركز وجودو هي قبيلة بعينها؟ نعم لو بالغ افق تفكيرو لم ولن يتعدي بلدية واحدة، دعك من مدينة او حتي ولاية!
اما دولة ولا قارة، فيا زول انسي!
شوف نموذج هذا الذكاء، مجسد في رك مشار وسلفا كير من الجانب الاخر، ودا الجنوب وين!!
بتقول علي امثال هؤلاء اذكياء؟
عييييييك!!
جرثومة، جزام، سرطان، وسل الوعي القبلي، هو اللي ودانا كامة في 60 الف دهية زي ما كلنا شايفيين!
نحن كثقافة، تجاوزنا مرحلة الفرز والتكوين القبلي في تطورنا كاول مجتمع بشري منظم، في تاريخ هذا الكون، منذ اكثر من 5,000 سنة، واخترعنا مفهوم الدولة، للمرة الاولي في تاريخ هذا الكوكب!
نعم السودانيين حصريا هم الاخترعو مفهوم، تصور، صيغة، وشكل الدولة!
الشمال اي "الغرب" الي هذا التاريخ عندو مشكلة حقيقية مع صيغة الدولة اللي اخدوهو مننا، لانو مجتمع في جذورو التاريخية، بدوي، وبالتالي قبلي!
نعم في تاريخ اوربا كلها، مفهم دولة لم يتخطا قط حدود المدينة المحددة اللي نشات فيها هذه الدويلة!
ده السبب في الثقافة الارية "الفرخ" بي تعابير الوعي الجلابي، في مرجعيتم كان هو "الاجنبي"، اللي كان بقبضو او يبيعو في سوق الله اكبر ك"عبد"، لانو تجرأ ودخل حدود مدينة اخري لاينتمي اليها! بنتكلم عن الاوربي في مقابل الاوربي عبر التاريخ، مش امثالنا من الوافدين الجدد لي اوربا! لايمكن نستوعب اللي عملوهو الانجليز من يومين والبعمل فيهو الاهبل دونالد ترمب، مالم نفهم طبيعة وطريقة تفكير الخواجة الذي نشا بدوي، وبالتالي قبلي تاريخيا، فوق للبعد الاخر المتمثل في الوعي العنصري ذي الصلة الوثيقة بالوعي البدوي القبلي!!
يا اعزائي نحن السودانيين اول من انشا دولة، في اوربا! عييييييييك!!
عارف حتقولو لي وسعتها شديد، ولكن دي الحقيقة المجردة وباعتراف اجداد الخواجات انفسم، وهذا الاعتراف كان من باب التمسح بينا في الزمن داااااك، لما كنا نمثل "الكاست" الاعلي في العالم كلو، والخواجة، كان حينها زينا الان، في قاع بشرية ذاك الزمان اي الكاست الادني علي الاطلاق!!!
صعب جدا لو ما مستحيل وعينا الحالي يقبل "دجل" كهذا الذي يهرف به بشاشا!
ولكن تاريخيا، نموذج الاتحاد الاوربي الحالي، كان هو القاعدة والاساس، بطول وعرض الثقافة الافريقية، في القارة الافريقية، فيما قبل حلول ظلام الزحف الاستعماري علي افريقيا، ولكن من دون حدود "سياسية" فاصلة، من دون جمارك، من دون تاشيرة او جوازات او ضباط هجرة ومعسكرات لاجئيين نازية!
ده السبب والي اليوم، ورغم انف محاولات الالاف السنيين اوربا ماقادرة تنتظم في دولة واحدة، ولو شكلا!!!
اذن اي سوداني قبلي، فهو متخلف عن حركة التاريخ اقلاه ب 5,000 سنة!
زي ده بتقول عليهو ذكي؟
طيب لو كده، فماهو تعريف "الغباء" بل السذاجة في قاموسك يا عزيزي؟
|
Post: #46
Title: Re: مرحبا بعودة الفارس Bashasha للمنبر.
Author: محمد حمزة الحسين
Date: 06-26-2016, 11:30 PM
Parent: #45
يا بشاشا عوداً حميداً
مشكلتنا ليس في الاستعلاء بل في الاحساس بالدونيه
كمثال دينق القدامك دا قول ليهو يا جنوبي بدل يكون مبسوط ويفتخر
يقوم يملاء البورد دا كولو زعيق و(إسهال) ويحاكمك محاكمات مستهبله
ما انزل الله بها من سلطان ...
يا خي العارف عزو مستريح دا مثل يخلي كل زول رافع راسو وعاجبو الصاروا
إنت كبشاشا عندك زاويه ضيقه لمن تظبط قاعد تكون امير كوشي بحق وحقيقه وهي زاوية اندماج الناس
ورجوعهم لعقد المواطنة والسودانويه لكن كمان اصرارك علي تجريد خلق الله من عروبتهم وإن كانت زائفة
ما عادل ما دام هذا الاحساس بي يريحم ويظبط حنانم المهم يكون في فخر في غير استعلاء وتسامح من غير إحساس بالدونية
كسودانين تجمعنا رقعه وموروث مربوط بعروة النيل الواحد الخالد دا بث كيف كل زول
يكون عارف عزو وعاجبو الصاريهو .
ورمضان كريم
واخيرا ود الباوقه دا زول حبوب ومحبوب مالك قارش ملحتو قدر دا
:
:
:
:
:
:
:
مع التحيات لله الزاكيات
|
Post: #47
Title: Re: مرحبا بعودة الفارس Bashasha للمنبر.
Author: جمال ود القوز
Date: 06-26-2016, 11:57 PM
Parent: #46
بشاشا كان ومايزال اضافة حقيقية للمنبر
اتفقنا او اختلفنا في بعض زوايا تناوله للمواضيع
بعضها او كلها لكن لايستطيع احدنا الا ان يحترم جديته
وزوايا تناوله لمواضيعه التي يطرقها
اعيب على بشاشا انجراره وراء خلافات
تكاد تكون فيها كثير من الشخصنة
منور يابشاشا ونورت المنبر
ورمضان كريم
تحياتي دينق وجاك فردة زي مابيقولوا
فردة منقرضة هههههه
|
Post: #48
Title: Re: مرحبا بعودة الفارس Bashasha للمنبر.
Author: Bashasha
Date: 06-27-2016, 03:58 AM
Parent: #47
| Quote: التجية والتقدير للاخ بشاشا نورت البكان |
معزتي يا احمد حمودي.
|
Post: #49
Title: Re: مرحبا بعودة الفارس Bashasha للمنبر.
Author: Bashasha
Date: 06-27-2016, 04:51 AM
Parent: #48
الشقيقة بت عمسيب، اميرتنا المروية، معزتي.
قريب لما القي فرصة حاكتب عن السودانية، اللي ما بتشبها اي امراة اخري في هذا الكون.
بتكلم من حيث اسهاما الفريد، الذي لم يتكرر في تاريخ البشر علي سطح هذا الكوكب، ذكورا كانو ام اناث!
للاسف وبحكم واقع الاستلاب، الخواجية هي اللي بتمثل المثل الاعلي، لكل نساء العالم، وهي الي هذا التاريخ لم تبلغ ولا واحد في ال1000 من البلغتو السودانية ومنذ الالاف السنين!
يكفي ان السودانية بلغت مرحلة الالوهية، والذكر السوداني لم يبلغ هذه المرحلة قط داخل السودان!
لانو المفهوم او التصور للذات الالهية بي تعابير اليوم تحول من نوع الاناث وطوالي الي ما يعرف باAndrogynous، اي ذكر وانثي في ان معا، قفذا فوق رؤس الذكور السودانيين، لانو انتفي التمايز مابين النوعين في تاريخنا بي صورة كاملة، وهذا جسدتو المرحلة الكمتية اي "المصرية" في تاريخ حضارتنا الفريدة بحق!
نعم تقريبا كل شعوب الارض في القارات المعروفة الان سجدت للسودانية كاله معبود، وهذا لم يتكرر قط في تاريخ النساء في اي ثقافة اخري،!!
المدهش انو نوع الاناث او النساء في كل الثقافات الاخري، كانن مضطهدات ومقهورات، ورغم انف هذا الواقع المرير، الثقافات الاخري تغاضت عن كون معبودتم هذه، السودانية، انثي، وهذا مدهش وفريد بحق!
سنتحدث باذهاب، عن ماعرف في تاريخ اوربا بي ظاهرة بThe Black Madona اللي غطي اوربا كلها من اقصاها والي اقصاها والي عهد قريب جدا جدا!!
كتير ما كنتا بلقي روحي في حالة اشتباك مع اخواتي الجندريات، يطراهن بالخير، في هذا الفضاء بي سبب اتخاذم للحركة الانثوية الشمالية اي "الغربية" تحديدا، كمثال يحتذي، الي درجة تبني خطاب هذه الحركة، المختلفة اختلاف جذري من حيث الوضعية، العلاقة بالنوع الاخر، المرجعية ومن ثم الدور، مقارنة بالسودانية، اي الكوشية، اي المروية!
كنتيجة وللاسف حدث الاحتكاك ثم المواجهة مع مدرسة امنا فاطمة احمد، السودانية "بالمعني التاريخي، الكوشي" بالسليقة، بالقريزة، ودون ادني تنظير او رجوع لي كتب التاريخ!
امثال الامام المهدي، محمود محمد طه، ديمابور، وفاطمة احمد، ما ناس عاديين، وانما هؤلاء ارواح اصيلة قديمة، حلت في اجساد حديثة. طبعا كثيريين بمسكو في الجانب الفارغ من الاناء، ناسين ان هؤلاء بشر،في تجاهل تام لما انجزوهو هؤلاء، او ده مفروض يكون المعيار، بالذات لما نضع في الاعتبار الظروف البرزو فيها هؤلاء! يا الهي!
|
Post: #50
Title: Re: مرحبا بعودة الفارس Bashasha للمنبر.
Author: خالد العبيد
Date: 06-27-2016, 06:29 AM
Parent: #49
الف مرحب بالعزيز بشاشا
|
Post: #51
Title: Re: مرحبا بعودة الفارس Bashasha للمنبر.
Author: Abdullah Idrees
Date: 06-27-2016, 07:27 AM
Parent: #50
والله يا بشاشا بتذكرني جون قرنق .. قدر ما الواحد يختلف معاك لا يملك الا ان يحترمك
|
Post: #52
Title: Re: مرحبا بعودة الفارس Bashasha للمنبر.
Author: Bashasha
Date: 06-30-2016, 04:00 AM
Parent: #51
| Quote: هذا المقتبس مهم جدا وهو رد شافي وافي لمن ظن أن بشاشا سوف تحركه عقلية الشللية وإعتبارات الصداقات بحيث يتقارب مع الإنقاذ أو يصمت علي مخازي الإنقاذ وعلي من أسماهم بأرزقية نظام القتلة ! |
كمال عباس ياصديقي، ليك وحشة.
اما تقارب بشاشا والانقاذ، فيا سبحانه!
في المليون ميل مربع لو في فرد واحد احد، لايمكن يجي يوم يجمعو بنظام القتلة، اذلام احفاد الهكسوس، فهو كمال بشاشا.
لاني واعي جدا جدا، وباكثر من غيري، بالصراع التاريخي، نعم صراع البقاء او الفناء، ومنذ عام 3,150 ق.م، مابين اجدادي في اسوان الحالية واجداد الغزاة من امثال الخديوي حسن البنا!
نعم جدي "آبا" ومنذ اكثر من 5,000 سنة استشهد علي ايدي اجداد حسن البنا، وهو يدافع عن اهلو في اسوان الحالية، بعد ما وضع اساس ما يعرف اليوم بالحضارة الكمتية اي "المصرية.
اها علي كده المشوار من الدلتا والي اسوان اخد من اجداد البنا 2,510 سنة!
نعم عشان يخضعو اهلنا في اسوان وينفردو بي كمت، ده اخد منهم اكثر من 2,500 سنة!
هكذا تحول عمنا "عبدو" في اسوان بتاع الدراما الخديوية، الي مجرد بواب وسفرجي في ارض اجدادو!
اها من اسوان والي دنقلا، اجداد البنا، المشوار ده اخد منهم اكثر من 1940 سنة!!
اها من دنقلا للخرطوم وبالتالي اخضاع السودان كلو، اي "كوش" اخد منهم قرابة ال600 سنة!!
واضح للكل، نظرتي وقراتي للبحصل في بلدنا، والموقف من النظام الهكسوسي الحالي والدولة الهكسوسية في السودان الهكسوسي اي "المصري"، فمختلف اختلاف جذري عن المتداول!
انشاء الله يكون وقع ليك، ليه بشاشا تحديدا هو ابعد فرد حي، عن هذا النظام، هذه الدويلة، وهذا السودان!!
...يتبع...
|
Post: #53
Title: Re: مرحبا بعودة الفارس Bashasha للمنبر.
Author: معاوية عبيد الصائم
Date: 07-05-2016, 03:14 AM
Parent: #52
عودا جميلا يا مواطن وكل عام انت واسرتك ب الف خير
|
Post: #54
Title: Re: مرحبا بعودة الفارس Bashasha للمنبر.
Author: Mannan
Date: 07-05-2016, 03:38 AM
Parent: #53
مرحب بالفارس الكوشي بشاشا
بقيت زى العيد تختفى وتظهر ... وينك !!!! الكيزان احتلوا سودانيز اونلاين.... بقى كيزان اونلاين يا صنديد
|
Post: #55
Title: Re: مرحبا بعودة الفارس Bashasha للمنبر.
Author: Bashasha
Date: 07-05-2016, 03:44 AM
Parent: #54
| Quote: جرت مياه كثيرة تحت جسرك يا الحبيب خفنا تكون غرقت ... |
تحياتي عبدالعزيز عثمان، والله مشتاقين.
|
Post: #56
Title: Re: مرحبا بعودة الفارس Bashasha للمنبر.
Author: Bashasha
Date: 07-06-2016, 05:36 AM
Parent: #55
| Quote: يا بشاشا عوداً حميداً مشكلتنا ليس في الاستعلاء بل في الاحساس بالدونيه كمثال دينق القدامك دا قول ليهو يا جنوبي بدل يكون مبسوط ويفتخر يقوم يملاء البورد دا كولو زعيق و(إسهال) ويحاكمك محاكمات مستهبله |
محمد حمزة تحياتي ومرحب بيك،
اولا الاستعلاء في اساسو، تعبير عن- وانعكاس لي احساس مفرط بالدونية!
بالعدم البخلي واحد جلابي زي بشاشا، مستعلواتي شنو؟
نعم، امثال بشاشا بشوفو في امثال بريمة ادم وكبر مثلا من "الغرابة" الما بسرو قلب، الزويل دااااك، الهم جاكين منو، يدعون هوية من استعبدوهم، كمخرج، وكنتيجة يصبوم جام كراهيتم علي المسكين بريمة، وهذا هو خلاصة مانسميه استعلاء!
اذن الاحساس بالدونية مافي امثال دينق، وانما في عيون البنظرو لي دينق بي استعلاء، نتيجة لمركب النقص الجواهم هم، مش دينق!!
اما لما تشتم دينق ك"جنوبي" طبيعي كاي انسان حر، يرفض هذا ويزعل!
مش لانو تعبير "جنوبي" بالنسبة لي دينق سلبي او منبوذ، وانما لانو دينق يعلم تماما، انو ده "كود" في قاموس الاستعلاء الجلابي، زي "غرابي" واحد!
من الجانب الاخر لاحظ الفرق مابين "الغرابي" بريمة، و"الجنوبي" دينق:
الثنائي بريمة او كبر، بيتقمصو شخصية الجلاد الجلابي محمد حمزة، في مناطقم، بالكربون، ليمارسو ذات الاستعلاء علي اهلهم في جنوب كردفان، اي بيغسلو ذات مركب النقص وكراهية الذات، هولة الجلابة بشاشا ومحمد حمزة، او بي صورة كمان ابشع!!
استعلاء وكراهية ذنوجة جنوب كردفان لي اهلهم من البسموهم دينكا نقوك، كمان ابشع بما لايقارن من استعلاء امثال بشاشا وكراهيتم لامثال كبر!!
ده بعض السبب، كيف امثال بشاشا اللي ما بعملو ولا 5% من سكان السودان انفردو العمر ده كلو بكل شئ في السودان!
نعم اكبر رصيد ساهم في سطوة امثال بشاشا وانفرادم بكل شئ، هو عقلية ذنوجة جنوب كردفان تحديدا!
اذن ظاهرة حمرتي وموسي هرار ماصدفة اطلاقا!
المضحك المبكي هو تغني بريمة بامثال هؤلاء، من الادوات اللتي مكنت لسطوة امثال بشاشا اللتي جعلت من امثال بريمة مجرد sub-human دون!
يا للنكتة بحق!
من الجانب الاخر، امثال بشاشا بدورهم لايختلفون عن امثال بريمة، لما نقارن دور ووضعية امثال بشاشا، في محيط اسيادم العرب، وبالذات مصر الخديوية!
هنا نجد شخصية بريمة ادم مجسدة في طريقة تفكير امثال بشاشا، بالكربون!
اذن باختصار، الجعلي "الحر" او الجلابي بعامة، هو بريمة ادم العالم العربي!
الطريف جدا هو ضحك الجلابة علي بريمة، من امثال د.حيدر، اللي ماعارف لي روحو، كيف هو كجلابي بمثل بريمة ادم العالم العربي!!
انا بحترم بريمة جدا، واري في مراتو، ماساتي كانسان اسود او سوداني!
فالرجل هو هدية السماء لهذا الفضاء، فيا ريت نتعلم من شخصية بريمة ادم، اي مرآءة كل "زناجري" في جمهورية السودان المصري، اي الهكسوسي!
|
Post: #57
Title: Re: مرحبا بعودة الفارس Bashasha للمنبر.
Author: Bashasha
Date: 07-06-2016, 06:07 PM
Parent: #56
| Quote: عيب على بشاشا انجراره وراء خلافات تكاد تكون فيها كثير من الشخصنة |
جمال ودالقوز تحيااي،
كروقي انج نل،
بمناسبة عيد "الفطر" اعلمو ان عيد "الفطر" وعيد الاضحي، لاعلاقة لهما، كما نتصور كالعادة، بي اسلام االقرن السابع زي مافهمونا!!
بمعني الاعياد دي ما بدات في القرن السابع كما نتصور، وانما اقدم من كده بي كتير جدا جدا لوتعلمون في تاريخ ثقافتنا السودانية، اي الكوشية!
بمعني، وكمعظم جوانب الاعتقاد في عالم اليوم، هذا العيد، والذي سيليه، اي عيد الاضحي، والكريسماس وماشابه، كلها مناسبات روحية كوشية، اي سودانية صرفة، لوتعلمون، قبل ما ابراهيم زاتو ابو الانبياء الساميين تحديدا، يتولد، ياسودانيين!
اتمني القي فرصة اكتب عن الكريسماس بالذات وتحديدا يوم من الايام هنا، لو حيينا!
نعم حتي المفردة Christ في جذورا، لغة، سودانية، وهذا ربما يوضح، ليه فيما قبل ظلام نظام الدواعش الحالي، اي قبل عام 1989 الكريسماس كعيد كان شئ ضخم في السودان، مع انو حسب الوهم ووعي الاستلاب، عيد مسيحيين، مش مسلمين وماشابه من مفاهيم الدواعش والخواجات!!
نجي لي كلام جمال عن الانجرار خلف الخصومات الشخصية حسب تصورو:
عزيزي جمال، اولا شاكر ليك هذا النقد او مقدرو حق التقدير، مع اختلافي معاك حولو.
ياعزيزي، بشاشا ماعندو حاجة شخصية مع زول اطلاقا، لاني بي نهاية يوم الدواس او الوردية، بتنتهي الخصومة، بل لا اذكرها.
اذن هي خصومة فكرية خالصة، اومافيها شئ شخصي خالص!
والا ياريت تدي القارئي مثال. انتا بالذات خير مثال، لاني وكت ما اختلفتا معاك طوالي بشبك معاك!!!
|
Post: #58
Title: Re: مرحبا بعودة الفارس Bashasha للمنبر.
Author: محمدين محمد اسحق
Date: 07-06-2016, 06:14 PM
Parent: #57
مرحبأ بعودة العزيز بشاشا..
|
Post: #59
Title: Re: مرحبا بعودة الفارس Bashasha للمنبر.
Author: Bashasha
Date: 07-09-2016, 05:13 AM
Parent: #58
العزيز خالد العبيد، ليك وحشة. والله مشتاقين.
|
Post: #60
Title: Re: مرحبا بعودة الفارس Bashasha للمنبر.
Author: محمد حمزة الحسين
Date: 07-09-2016, 06:31 AM
Parent: #59
| Quote: العارف عزو مستريح دا مثل يخلي كل زول رافع راسو وعاجبو الصاروا |
Quote: الثنائي بريمة او كبر، بيتقمصو شخصية الجلاد الجلابي محمد حمزة، في مناطقم، بالكربون، ليمارسو ذات الاستعلاء علي اهلهم في جنوب كردفان،
اي بيغسلو ذات مركب النقص وكراهية الذات، هولة الجلابة بشاشا ومحمد حمزة، او بي صورة كمان ابشع!! |
يا أميرنا يا بشاشا انت رجل خطك واضح ويمكنك لملمت أطرافه والعمل به
لكن صعب تلقي خمسة (نفر) (متلك) يمسكوا الخيط دا ويمشوا بيه عشان يكون
راية خضراء يجتمع تحتها الناس من غير ضجر ولا سخرية ولا استعلاء
وخير مثال لذلك عندنا في الشمال الجغرافي تلقي الجعلي بسخر من الشايقي والدنقلاوي بسخر من الجعلي
بل في نفس القبيله تجد شخص يقلل من شأن آخر ولكن في النهاية تجدهم يتباسطون في المطعم والمشرب من غير تأفف
ليس لشيء إلا إن كل منهم عاارف عزو ومستريح .
من غير ان ينقص من قدرهم شيء وكل زول عاجبوا (الصاريهو ) القصة دي فيها تسامح غير مفتعل وبسهوله ممكن الناس
تجتمع تحتها وقد وجدت ذلك في مناطق تمازج وكنت استغرب كيف لهؤلاء إزكاء هذه النعرات في شارع الله فوجدت السر
وصفة (العارف عزو مستريح) فوجدت ذاك يفتخر بنسبة لقبيلة الفونج وهذا بنسبة لسليمان سولونج هذا لا ينفي حالة المتفزلكين
أو المعقدين وهؤلاء يتجاوزونهم بقلة الاختلاط هذا هو التسامح الذي نبحث عنه والتمازج الذي نرجوه وتجاوز كل ذلك يكون بإعلاء قيمة الدين والتدين
في نفوس البشر فتجد الرجل يحب أخية في الله ولا ينظر لــــ لونه او قبيلته أو لهجتة وإنما يحس بالتقارب منه ومعه لمجرد ان صليا سوياً وصاما معاً
وتمرجحا في حلقة الذكر متلازمين سيرة الشيخ وعرفان الصوفية الزكية محبة في الطريق وخرجا في سبيل الله دعوة وجهاداً في سبيله ،
كل ذلك طريق ديني يسهل علينا ان نحب بعض ونتسامح مع بعضنا أخوة في الطريقة او الجماعة .
هذا طريق التجاوز والتسامح والتمازج الذي نرجوهـ من غير ان ينقص او يقلل من فاعلية طريقك الذي يتبني انتزاع الدسم من اللبن ومن ثم معالجته ليكون
شراباً سائقاً لا يسبب أذي لشاربه ...
يعني يا كبيرنا بشاشا أملاء الإناء بمادة تطرد الخبث خبث الاستعلاء والدونية (كلكم لأدم وأدم من تراب ) (أتقوا الله فإن الله لا ينظر الي ملبسكم ولا الي الوانكم وانما ينظر الي قلوبكم)
مثل هذا الايمان والقناعات الدينية يمكن ان تقرب بين عبدالله كوال وموسي المك ومحمد الامين خليفة والسنوسي وشيخ حسن ومحمد حمزة وقول بشاشا علي الطريق طريق القوم او الجماعة
كما جمع بلال وسعد بن معاز وابي بكر وسلمان الفارسي علي طريق الدعوة .
هذا ايضاً لن يستثني الغير منتمين للطريقة ما لم يبادروك بعداوة وانما احترام ومساواة في الحقوق وحفظ للإنسانية وهذه المحجة البيضاء التي تركنا عليها رسول الله لا يزيق عنها من يبتغي الحق .
:
:
:
:
:
:
:
العيد يتبارك عليك وكل عام وانت بالف خير
مع التحيات لله الزاكيات
|
Post: #61
Title: Re: مرحبا بعودة الفارس Bashasha للمنبر.
Author: Bashasha
Date: 07-20-2016, 05:06 AM
Parent: #60
| Quote: والله يا بشاشا بتذكرني جون قرنق .. قدر ما الواحد يختلف معاك لا يملك الا ان يحترمك |
عبدالله ادريس تحياتي،
يارب نكون قدر حسن ظنك فينا.
رسولنا ديمابور، مع مرور كل يوم، يثبت للكل انو كان انسان فعلا ماعادي، ولذلك اعداءنا اغتالوهو، لانهم واعين لي خطورة طريقة تفكير ديمابور الكانت مختلفة اختلاف جذري عن المتداول.
تاملو الدمار الذي لحق بالجنوب كنتيجة مباشرة لي غياب دور امثالو!
طبيعي جدا في حضرة وعي كالذي جسده ديمابور، الحولو يكونو بالصورة الجسدوهو مشار وسلفا، لانو ليس من السهل ان ينجب اي مجتمع اكثر من شخص في ذات الوكت، بي مؤهلات ديمابور!
هذا مستحيل!
نعم بقدر عظمة هذا الرمز بكون دونية من حولو من الاقزام، وكنتيجة ثمن فقدو قبل الاوان بكون فادح!
من الجانب الاخر وطبقا لطريقة تفكيرنا الواحد كان متخيل الشمال هو المناط به انجاب شخصية ديمابور وليس الجنوب- باعتبار الشمال يمثل "الكاست" الاعلي في تركيبتنا الاجتماعية، بحكم امتيازات الحظوة، وليس الجنوب the underdog.
ولكن الجنوب التاريخي عبر تاريخنا فيما قبل عصرنا الحالي، كان دايما هو القبلة، هو المال، هو الملاذ، بطول وعرض اكثر من 3,000 سنة!
|
Post: #62
Title: Re: مرحبا بعودة الفارس Bashasha للمنبر.
Author: Bashasha
Date: 07-21-2016, 00:48 AM
Parent: #61
معاويىة عبيد يامراحب.
|
Post: #63
Title: Re: مرحبا بعودة الفارس Bashasha للمنبر.
Author: Bashasha
Date: 07-22-2016, 05:03 AM
Parent: #62
اورو منان تحياتي ومشتاقين.
|
Post: #64
Title: Re: مرحبا بعودة الفارس Bashasha للمنبر.
Author: Bashasha
Date: 07-22-2016, 05:09 AM
Parent: #63
محمدين اسحاق؟
عيييييييييييك؟
وينك يا راجل، مشتاقين ياخي.
يا حليل ايام زمان.
شفتا خطاب السودان الجديد تبخر كيف؟
يا سبحانك!
|
Post: #65
Title: Re: مرحبا بعودة الفارس Bashasha للمنبر.
Author: جلالدونا
Date: 07-22-2016, 09:00 AM
Parent: #64
من محن الزمان علينا
اب سنينة يرحّب بى اب خشماً خلا
غايتو
نرحّب عشان ما يقولو علينا عنصريين
دينق الدينقاوى
رد و فى كلمة واحدة بس .. كلمة نقرو عنصرية وللا ما عنصرية
نعم او لا و .. بس
|
Post: #66
Title: Re: مرحبا بعودة الفارس Bashasha للمنبر.
Author: Deng
Date: 07-22-2016, 09:14 AM
Parent: #65
المونساتي جلالدونا
حالتك بقت صعبة.
|
Post: #67
Title: Re: مرحبا بعودة الفارس Bashasha للمنبر.
Author: Bashasha
Date: 07-23-2016, 01:05 AM
Parent: #66
محمد حمزة تحياتي،
صدقني، قناعتي المطلقة، انو ده، كلو كلو حينتهي، وسنعود كما كنا بطول وعرض عشرات الالاف من السنين كجسم متماسك واحد.
من عاصرونا في عصرنا الذهبي، والساعة حينها كانت ساعة مغيب، مش فجر ولاضحي، تحدثو عن وحدة الكوشيين اي السودانيين، بالذات في اللحظات الحالكة وفي مواجهة المخاطر.
رغم انف كل الشايفو قدام عينك ده، ورغم انف جنون البقر الذي اصابنا، علاقاتنا كافراد من الشارع مع بعض، اقرب من صلات افراد البيت الواحد في المجتمعات الاخري!
وهذا لو نعلم، ما تفتقده انسانية اليوم، وكنتيجة العالم باسره الان تحول الي غابة!
ياريت نعرف قيمة المدلوق تحت كرعينا، او احنا بنكابس في الخموم المحمول علي رؤس الاخرين،باعتبارو افضل، دون ادني المام!
مسالة وكت فقط!
نعم دفعنا الفاتورة سلفا!
|
Post: #68
Title: Re: مرحبا بعودة الفارس Bashasha للمنبر.
Author: Bashasha
Date: 07-23-2016, 01:18 AM
Parent: #67
جلالدونا يا الف مرحب، او لي قدام.
|
|