هذا ما نشرته " الجزيرة " في حرية الصحافة وفق ما نشرته " مراسلون بلا حدود "
- موريتانيا - تونس - لبنان - الكويت - قطر - الامارات - عمان - الجزائر - المغرب - فلسطين - الاردن - العراق - مصر - البحرين - ليبيا - السعودية - الصومال - اليمن - جيبوتي - السودان - سوريا
Post: #2 Title: Re: موريتانيا الاولى .. السودان تاني الطيش ! Author: خالد العبيد Date: 04-25-2016, 00:19 AM Parent: #1
فاجأني ترتيب فلسطين المتاخر
Post: #3 Title: Re: موريتانيا الاولى .. السودان تاني الطيش ! Author: خالد العبيد Date: 04-25-2016, 00:21 AM Parent: #2
Post: #5 Title: Re: موريتانيا الاولى .. السودان تاني الطيش ! Author: خالد العبيد Date: 04-25-2016, 01:25 AM Parent: #4
شكرا عزيزي فرح الجزيرة ان لم تكن محايدة ستفقد للابد ما تبقى من مصداقيتها
Post: #6 Title: Re: موريتانيا الاولى .. السودان تاني الطيش ! Author: اميرة السيد Date: 04-25-2016, 04:21 AM Parent: #5
معقولة لبنان فيها حرية صحافة... وانا مفتكرة ان اية صحيفة لبنانية ما ممكن تنتقد حزب الله ....لان اي انتقاد لهذا الحزب الذي يحكم لبنان من وراء الستار معناه تفجير مقر الصحيفة وقتل كل صحفييها... وكمان كنت مفتكرة ان السودان حيكون من الدول الخمس الاوائل..لاننا لمن نقرا مقالات عثمان مرغني وبعض الصحفيين الاخرين البنتقدوا النظام الحاكم جهارا نهارا بنفتكر ان هناك حرية صحافة... ..وفلسطين يا خالد العبيد ما فيها حرية صحافة وخاصة في قطاع غزة لان حركة حماس التي تسيطر هناك بتحكم بالحديد والنار... والله يديك الصحة والعافية
Post: #7 Title: Re: موريتانيا الاولى .. السودان تاني الطيش ! Author: Mohd Ibrahim Date: 04-25-2016, 05:17 AM Parent: #6
نحن بعد السعودية ماممكن
Post: #8 Title: Re: موريتانيا الاولى .. السودان تاني الطيش ! Author: Muhib Date: 04-25-2016, 05:49 AM Parent: #7
Quote: معقولة لبنان فيها حرية صحافة... وانا مفتكرة ان اية صحيفة لبنانية ما ممكن تنتقد حزب الله
اميره بالطبع هنالك صحف لبنانيه تنتقد حزب الله .. ابحثي عن الصحف المواليه لحركه امل في لبنان فهي حركه لها اتجاهات مخالفه لحزب الله ... ..حقيقي في لبنان في حريه في كل وسائل الاعلام وحريه في التعبير الفني والادبي ليس له مثيل في الشرق الاوسط ولبنان اكبر ناشر للصحف والمجلات في الشرق الاوسط .. وطالما الحديث عن الحريات لبنان فيها حريه اديان ونشر هذه الاديان ..هذه الحريات لمستها من واقع زيارات متكرره .. البلد العربي الوحيد التي تسمح بالتبشير العلني لكل الاديان ..لولا الحريه المتاحه في لبنان لما قامت لحزب الله قائمه .. شاهدت اكثر من مسيره سلميه في لبنان كتعبير مظاهري جميل عن اشياء محدده او احتجاج محدده ضد الحكومه بدون حوادث عنف .. ..لبنان فيها اشياء محيره ولكن من ناحيه حريه صحفيه وحريه تعبير يكفلها الدستور اللبناني .. لحزب الله نفوذ في مناطق محدده في الجنوب اللبناني وفي جنوب بيروت وحضور في البرلمان اللبناني .. من المفارقات في لبنان كثير من مسيحي لبنان يثقون ويعطون اصواتهم الانتخابيه لحزب الله .
Post: #9 Title: Re: موريتانيا الاولى .. السودان تاني الطيش ! Author: خالد العبيد Date: 04-25-2016, 06:46 AM Parent: #8
معقولة لبنان فيها حرية صحافة... ----------------------------- اهلين اميرة اعتقد ان حبيبنا محب اوفي في الرد لك التحية
Post: #10 Title: Re: موريتانيا الاولى .. السودان تاني الطيش ! Author: عماد الدين الطيب عمر Date: 04-25-2016, 06:54 AM Parent: #6
اميرة سلام عليك
Quote: لاننا لمن نقرا مقالات عثمان مرغني وبعض الصحفيين الاخرين البنتقدوا النظام الحاكم جهارا نهارا بنفتكر ان هناك حرية صحافة...
الزي عثمان ميرغني من المطبلاتية ... و محسوب مع الحكومة ... وعادي ... و دا عشان الحكومة تقول ان هناك حرية صحافة ... لكن شوفي كم صحيفة اتصادرت و كم صحيفة وقفوها ... و ليه لم يوقفوا صحيفة عثمان ميرغني ؟؟؟
Post: #11 Title: Re: موريتانيا الاولى .. السودان تاني الطيش ! Author: محمد جلال عبدالله Date: 04-25-2016, 07:53 AM Parent: #10
دول الخليج مجتمعة + العراق ومصر يسبقها السودان في حرية الصحافة وبالتالي ترتيب السودان مفروض يكون مكان العراق في القائمة دي
Post: #12 Title: Re: موريتانيا الاولى .. السودان تاني الطيش ! Author: خالد العبيد Date: 04-25-2016, 09:28 AM Parent: #11
نحن بعد السعودية ماممكن ---------------------- عزيزي ابراهيم مراسلون اعتمدت في معاييرها على معايير منها تعددية وسائل الاعلام واستقلاليتها وحرية الصحفيين وهذه كلها مفقودة في السودان الذي تحكمه الاجهزة الامنية وشكرا لك
Post: #13 Title: Re: موريتانيا الاولى .. السودان تاني الطيش ! Author: خالد العبيد Date: 04-25-2016, 10:11 AM Parent: #12
محب يا حبيب لك الف شكر على اضافاتك الضافية لا عدمناك .. وخليك قريب
احترامي الذي تعرف
Post: #14 Title: Re: موريتانيا الاولى .. السودان تاني الطيش ! Author: خالد العبيد Date: 04-25-2016, 11:25 AM Parent: #13
و ليه لم يوقفوا صحيفة عثمان ميرغني ؟؟؟ --------------------------- تشكر يا عماد الدين ولا زال السؤال مطروحا
Post: #15 Title: Re: موريتانيا الاولى .. السودان تاني الطيش ! Author: مني عمسيب Date: 04-25-2016, 11:33 AM Parent: #14
ود العبيد .. سلام ولضيوفك الكرام ..
السودان دا مامفروض يذكروهو في اي حاجة لانه هو في الوضع دا ما بلد ولانه بقي عبارة عن بقعة ارض يسيطر عليها مجرمين من مجرمي الحرب واللصوص والمفسدين وبقي مصدر تهديد عالمي !
وتخيل قبال كم اسبوع التعليق عليهو كان اخر دولة للتنمية البشرية !
هذا هو السودان اليوم !!!!!!!!!!!!!!!
معقول دا يكون
Post: #16 Title: Re: موريتانيا الاولى .. السودان تاني الطيش ! Author: خالد العبيد Date: 04-25-2016, 12:28 PM Parent: #15
دول الخليج مجتمعة + العراق ومصر يسبقها السودان في حرية الصحافة وبالتالي ترتيب السودان مفروض يكون مكان العراق في القائمة دي -------------------------- يا محمد جلال كلامك لا يسنده عقل ولا منطق ان كان عندك ما يثبت ذلك ارجو ان تثبته هنا هذا مع الاحترام
Post: #17 Title: Re: موريتانيا الاولى .. السودان تاني الطيش ! Author: سيف النصر محي الدين Date: 04-25-2016, 12:31 PM Parent: #15
سلامات يا خالد للمفارقة يقبع صحفي موريتاني في السجن في موريتانيا محكوما بالإعدام و بعد ده يجي من يضعها على راس قائمة حرية الصحافة!
Post: #18 Title: Re: موريتانيا الاولى .. السودان تاني الطيش ! Author: محمد مجيدو Date: 04-25-2016, 12:48 PM Parent: #1
Quote: و ليه لم يوقفوا صحيفة عثمان ميرغني ؟؟؟
ذ
الاخ / خالد العبيد .. وضيوفك الكرام ... سلام
عثمان ميرغني اكتر واحد اتصادرت صحيفته اكثر من مره .. كما تم اعتقاله مرارا .. و تم ضربه ضربا مبرحاً من قبل مجهولين وقرب يروح فيها ... وكل هذا بسبب كتابته الناقده للحكومه ... ( بعد ان كان منهم .. انقلب عليهم ) والان هو يفكر في تكوين حزب سياسي .. بعد ان تعب من الكتابه ... والبلد بقت همله ... فيها اكثر من مائة حزب سياسي ... واغلبهم كومبارس .. لايخدمون المواطن المطحون ...
Post: #19 Title: Re: موريتانيا الاولى .. السودان تاني الطيش ! Author: اميرة السيد Date: 04-25-2016, 02:43 PM Parent: #18
محب يا حبيب شكرا للاضافة.. لكن حكاية المسيحيين بيمنحوا اصواتهم لحزب الله دي ما مفهومة .. يمكن يكون تحت التهديد والوعيد؟؟!! لبنان من المفترض ان تكون احسن دولة عربية متقدمة من كل النواحي سواء كان من الناحية الاقتصادية او الاجتماعية او السياسية او حرية الصحافة لو لم يتم اغتيال رفيق الحريري، اللبناني الوطني والذي كان يخطط لانتشال لبنان من حدة الحروب الاهلية وإعادة عمران البلد.... محمد مجيدو: كلامك عن الصجفي عثمان مرغني صحيح فهو ينتقد النظام الحاكم انتقاد مر وشديد ولا يمكن واحد يكون موالي للنظام ينتقده بهذا الشكل العنيف... .. وبعدين يا محمد مجيدو .. نحن لسع ما فهمنا التوقيع الظريف .. عالم بطآآلة... يعني شنو؟؟ هل تعني بكلمة بطالة .. كعبة..شينة ام تعني ..عواطلية وبدون شغل... عشان عندنا رهان بأصل معنى الكلمة .. وصاحبة الاجابة الصحيحة حتشرب وتماكل مجان في الاستار بكس .. ورد لينا سريع عشان ماشين بعد شوية..
.. معليش ما نكون حورنا البوست يا خالد... مع امنياتنا بعودة حرية الصحافة وحرية التعبير وحرية النشر في سوداننا وطننا الحبيب.. والمعروف ان السودانيين كانوا معروفين بحب القراءة والاطلاع والثقافة.. وكانوا بيضربوا المثل ويقولوا:: ان مصر تؤلف، ولبنان تنشر والسودان يقرأ.. والله يديكم الصحة والعافية
Post: #20 Title: Re: موريتانيا الاولى .. السودان تاني الطيش ! Author: خالد العبيد Date: 04-25-2016, 10:25 PM Parent: #19
ولانه بقي عبارة عن بقعة ارض يسيطر عليها مجرمين من مجرمي الحرب واللصوص والمفسدين وبقي مصدر تهديد عالمي ! ----------------------------------- مرحبا يا منى ليهم يوم والفاسد المجرم مكانه الطبيعي السجن
ياخالد سلامات بربك المنبر ده فيهو حرية تعبير خلينا من السودان ولبنان.
Post: #22 Title: Re: موريتانيا الاولى .. السودان تاني الطيش ! Author: MAHJOOP ALI Date: 04-26-2016, 03:30 AM Parent: #21
Quote: مراسلون اعتمدت في معاييرها على معايير منها تعددية وسائل الاعلام واستقلاليتها وحرية الصحفيين وهذه كلها مفقودة في السودان الذي تحكمه الاجهزة الامنية وشكرا لك
الاخ خالد اذا المعايير دي مفقودة في السودان تبقي في السعودية معدومة تماما ، لان الاعلام بكافة اشكالة حكر للاسرة وانسابها
Post: #23 Title: Re: موريتانيا الاولى .. السودان تاني الطيش ! Author: خالد العبيد Date: 04-26-2016, 05:57 AM Parent: #22
للمفارقة يقبع صحفي موريتاني في السجن في موريتانيا محكوما بالإعدام ------------------------سلام يا سيفهذه حقيقة ما جرى : محمد الشيخ ولد امخيطير، شاب موريتاني كتب دفاعا عن طبقة الحراطين (العبيد سابقا) في موريتانيا والتي ينتمي إليها محمد الشيخ
Post: #24 Title: Re: موريتانيا الاولى .. السودان تاني الطيش ! Author: خالد العبيد Date: 04-26-2016, 06:12 AM Parent: #23
او بالاحرى هل هذه حقيقة ما جرى لهذا الشاب الذي كتب ما جر عليه الغضب وحكم عليه بالاعدام ؟
Post: #25 Title: Re: موريتانيا الاولى .. السودان تاني الطيش ! Author: محمد أبوالعزائم أبوالريش Date: 04-26-2016, 06:18 AM Parent: #23
سلام يا خالد،
Quote: دول الخليج مجتمعة + العراق ومصر يسبقها السودان في حرية الصحافة وبالتالي ترتيب السودان مفروض يكون مكان العراق في القائمة دي
إذا كان بالأهواء .... يبقى الكلام ده صحيح.
أما عثمان ميرغني، فدوره مثل دور حسين خوجلي، يفعل ما يفعل بمباركة السلطة حتى يحتجوا بأن هناك حرية صحافة.
Post: #26 Title: Re: موريتانيا الاولى .. السودان تاني الطيش ! Author: عبد العزيز محمد عمر Date: 04-26-2016, 06:50 AM Parent: #25
Quote: و ليه لم يوقفوا صحيفة عثمان ميرغني ؟؟؟
صحيفة التيار والتي يملكها عثمان ميرغني موقوفة لأكثر من عام حتى الآن....
كيف فات عليك ذلك يا خالد ...؟؟
Post: #27 Title: Re: موريتانيا الاولى .. السودان تاني الطيش ! Author: خالد العبيد Date: 04-26-2016, 10:46 AM Parent: #26
عزيزي مجيدو شكرا لمرورك الجميل ميرغني تعرض لكل ما ذكرته في حديثك
Post: #28 Title: Re: موريتانيا الاولى .. السودان تاني الطيش ! Author: محمد مجيدو Date: 04-26-2016, 11:10 AM Parent: #1
Quote: .. وبعدين يا محمد مجيدو .. نحن لسع ما فهمنا التوقيع الظريف .. عالم بطآآلة... يعني شنو؟؟ هل تعني بكلمة بطالة .. كعبة..شينة ام تعني ..عواطلية وبدون شغل... عشان عندنا رهان بأصل معنى الكلمة .. وصاحبة الاجابة الصحيحة حتشرب وتماكل مجان في الاستار بكس .. ورد لينا سريع عشان ماشين بعد شوية..
العزيزة اميرة يا بت الامراء ... سلام
قبل ما اجاوبك ... لازم تعزموني معاكم في الاستار بكوس دا .. حتى لو جبتوا لي فاصوليا ... ما بطاااله معااي لاحظي كلمة بطااله جات في محلها .. للاجابة على سؤالك ....
Post: #29 Title: Re: موريتانيا الاولى .. السودان تاني الطيش ! Author: خالد العبيد Date: 04-26-2016, 11:15 AM Parent: #28
بربك المنبر ده فيهو حرية تعبير خلينا من السودان ولبنان. ---------------------- مرحب عبدالعزيز نعم المنبر فيهو حرية تعبير وديمقراطية
سلام مرة اخرى ياخالد ,, ردك محل احترام فقط أقول: طيب وكت انا كتبت ,, بوست طالبت فيهو بارجاع ابوحسين لأنه حسب رأيى مظلوم ,, البوست حُذف ليه؟ مش من حقى اعبر عن رأيى ومش من حق الذين يروا مثل رأيى يُعطَواْ الفرصة فى التعبير عن وجهة نظرهم؟ وقس على ذلك وماتنسى التعَسُّف فى استعمال الحق الذى يمارسه بعض الأعضاء وهم يحذفون مداخلات من يخالفونهم الرأى ,, او مايسمى بالإستيكة. ودم بخير.
Post: #31 Title: Re: موريتانيا الاولى .. السودان تاني الطيش ! Author: خالد العبيد Date: 04-26-2016, 10:33 PM Parent: #30
تبقي في السعودية معدومة تماما --------------------------- سلام يا محجوب السعودية فعلا معدومة وموقعها متاخر جدا انظر للدول التي تليها !
Post: #32 Title: Re: موريتانيا الاولى .. السودان تاني الطيش ! Author: خالد العبيد Date: 04-27-2016, 00:25 AM Parent: #31
أما عثمان ميرغني، فدوره مثل دور حسين خوجلي، يفعل ما يفعل بمباركة السلطة حتى يحتجوا بأن هناك حرية صحافة. -------------------------- سلام يا محمد ابوالريش اللعض يتناسى ان السلطة تقدم خدمات لصحيفة عثمان ميرغني منها الاعلانات التي تحرم منها صحف معارضة
