مناشدة للزملاء بشأن المدعو سيف الدين بابكر.

12:57 PM April, 15 2016

سودانيز اون لاين
سيف النصر محي الدين-
مكتبتى
رابط مختصر

الرجل لا يريد أن يفتح اي نافذة للحوار و هو يكتب في منبر يفترض انه منتدى حواري!
اذا تداخل اي عضو في اي واحد من بوستاته الكثيرة التي لا يقول فيها شيئا ذا قيمة يقوم بمسح مداخلته فورا
إن كانت تحمل و لو مقدار ذرة من خلاف او تعرض وجهة نظر مغايرة.
الغريب في الآمر أنه لا يتورع عن دخول بوستات الآخرين و وضع الهراء الذي يكتبه فيها!
لماذا الكيل بمكيالين؟
اناشد الاخوة بمسح مداخلات هذا العضو من بوستاتهم حتى يرعوي و يتعلم قيمة الحوار و الرأي و الرأي المضاد.
و دمتم.

وانا والله هذا السيف طمم بطني من البورد
زول ممل معاط مساح كوبي بيست جامد
ويملاء بوستاتو قراءن و كأنما من ينتقده ينتقد القراءن زول بمارس الانتهازية الدينية الوقحة ..
وشغال دعاء لكل من بخالفه الراي ..
يا اخي دا الملل زاتو .. الله يقرفو ...
ادعم وجهة نظرك بعدم التداخل معاه وضد مسح مداخلاته المقرفة لانني ضد الاستكة ...
تحياتي سيف النصر

الزول ده بيعمل بطريقة ممنهجة لتخريب المنبر.

يجب على الأخ بكري طرده فورا من المنبر.

Quote: وضع الهراء

Quote: وضع الهراء

وهل الآيات والأحاديث هراء ؟!

Quote: يجب على الأخ بكري طرده فورا من المنبر

حتى انتم الأمريكيون تقصون الرأي الآخر..!!
ماذا تعلمتم من أدبيات الحوار الديمقراطي في أكبر بلد يتعاطى الديمقراطية.

الأخ بكري ارجو ان لا تعطي بعض عضوية المنبر حق يميزهم عن بقية زملائهم بالمنبر.

سلامات يا علي
انا برضو لا امسح اي مداخلة في بوستاتي بالرغم من اني لا اعرف المدى الذي سالتزم فيه بهذا المبدأ
في حالة سيف الدين هذا بابكر انا شايف انو المسح في حقو واجب و ضرورة لتوعيته و على قول الشاعر
استيكتك لا تمسح بها مداخلة امرئ*** فكلك مداخلات و للناس اساتيك
يعني المعنى انو تتمسح مداخلاتو الهزيلة دي عشان يعرف حاجة.

سلام يا دينق
قد يبدو هذا الحل معقولا في حال أن الرجل لا يجد من يرد عليه في بوستاته تلك
و لكن في رأيي أن الاسلم لو أنه اجبر بطريقة ما على عدم مسح مداخلات الاعضاء.

يا قصي
انا لو داير على اي شئ هراء بالاسم بقدر اقول و ما محتاج زول يخت لي الكلام في خشمي.
هل ما يكتبه الرجل هذا كله قرءان و احاديث؟
و ماذا لو كان يضع قرءانا و احاديث مستشهدا بها في غير موقعها؟
و ماذا لو أن يفسرها على هواه و يستخدمها خدمة لاهدافه هو بعيدا عن معناها او سبب نزولها او قولها؟
هسه في البوست بتاع الدعاء الانت متداخل فيهو قال: اللهم اجعل قلوبهم كقلوب النساء الكوافر
اها لو داير اسألو عن معنى الكلام ده و عن تخريج الحديث و صحته و عن من هم المقصودين بهذا الدعاء
لو صحت نسبته للنبي..اعمل شنو؟
يعني انت الزول ده خلاص شايفو نبي و كلامه كله وحي يوحى؟

Quote: الزول ده بيعمل بطريقة ممنهجة لتخريب المنبر. يجب على الأخ بكري طرده فورا من المنبر.

اللهم عليك بDeng

Quote: يعني المعنى انو تتمسح مداخلاتو الهزيلة دي عشان يعرف حاجة.

أسلوب التجاهل قديييييم في المنبر.

Quote: يعني انت الزول ده خلاص شايفو نبي و كلامه كله وحي يوحى؟

دا افتراض بينك وبين نفسك ، لا شأن لي به ، ولا يعني أنه ينطبق علي أو لا.
------
المهم:
تذكر حديث النبي صلى الله عليه وسلم الذي فيه " لا نبي بعدي"،
والوحي من تبعيات النبوة.
----
أشوفك فقدت حتى منطق المنطق..

Quote: اناشد الاخوة بمسح مداخلات هذا العضو من بوستاتهم

ما من حقك.
لو تداخل في بوستيك لك الحق.

Quote: سلام يا دينق قد يبدو هذا الحل معقولا في حال أن الرجل لا يجد من يرد عليه في بوستاته تلك و لكن في رأيي أن الاسلم لو أنه اجبر بطريقة ما على عدم مسح مداخلات الاعضاء.

يا سيف النصر.

مافي أي فائدة من وجود هذا الرجل النكرة في المنبر، فأمثاله والحثالة الأخر قصي، يجب أن لا يبقون وسط الناس ابدا.

لوووول

حرب الدعاء

انت جادي يا موسلمان؟

الادعية المقفاة ذات السجع والجرس دي لو كانت تفعل شيئا لحررت "فلسطين" منذ عقود

سلام عليكم
قصي ايو حاجة لو بقت كرة بسبول او قدم كن ماحشر فيها الدين ده مابرتاح
ياقصي عذبتنا عرفناك ديني للدين

اخوناقصى انت سيف خائف من صورته ليه
طالما انو يقول الحق كما يظن فلماذا الخوف
وكل هذا الدعاء هذا عشان الصوره
ليه ماداير الناس تتعرف عليه
وانت تشجعوا عشان يشتكى
المؤمن لايخاف فى الحق لومه لائم
هو رجل الكان غير كده كنا نحاول نلقى ليه عذر
نفسى اعرف خائف ليه من الصوره
عشان كتابته الاولى عن الشمال
ولا عشان عواسته لصالح النظام

الله اكبر
تم مسح مداخلات المدعو سيف الدين بابكر من هذا البوست و لا عدوان الا على الظالمين.

سلام سيف النصر،

بالنسبة لي انا أي شخص لا يعجبني نهجه أحاول تجاهله ما استطعت، إلاّ أني بعض المرات أتسلى بيهو (قصي مثالاً).

مناشدتك وجيهة، لكن ما شايفك مسحت مداخلاتو في البوست ده

الله اكبر و لله الحمد المزيد من المسح.
جماهير شعبنا الكرام لا زال تطهير البوست من فلول المرتزقة يجري على قدم و ساق
و سنواليكم بالمزيد من البيانات فترقبوها.
ابو الريش و انت بتكتب في مداخلتك انا قاعد امسح. بس لانو جديد في شغلة الاستيكة اخدت معاي وكت
بعدين كان في اعلان ثقيل في محل الاستيكة اضطريت امشي الموبايل عشان ننجز المهمة.
و لا نامت اعين الاعداء.

الزملا و الزميلات
رصدنا قبل قليل محاولة للتسلل إلى البوست تم التعامل معها في حينها و القضاء عليها في مهدها.

يريد ان يتخفى ويبرطع دون ان يتحمل مسئولية مايكتب
يخدع الناس بالدين والمؤمن واضح ولا يتخفى
يضرب بمين وشمال ويعملا فى الخفاء ويهتف الله اكبر
لو انت صاح ليه مصر على الدسوسيه
وكل هذا الغضب وهذا الدعاء من اجل صوره