سوبرمان في المنبر العام

07:34 AM April, 15 2016

سودانيز اون لاين
الطيب الجاك-
مكتبتى
رابط مختصر

أذكر ونحن في المدرسة المتوسطة، إذا الواحد مننا فهم حاجة بحس إنو هو الوحيد اللي فهما فهم كامل وعميييق وصحيح ، ، ،

وبشوف إنو الباقيين ما فهمو الموضوع صاح أو حتي قريب من الصاح ذاتو ، ، ،

و كأن الفهم و الإستنارة محصورة داخل دماغ كل واحد مننا ، ، ،


طبعاً الهرمونات بتشتغل في الفترة دي من عمرنا شغل عجيب ، ، ،

دخلنا الثانوي و بدينا نفهم إنو ذي ما نحنا بنفهم غيرنا برضو بيفهم و بدرجات فهم متفاوته ، ، ،

و أكتر من كده في الثانوي بدينا نتعلم أدب الحوار و الإختلاف مع الاخر في الرأي و في الفهم برضو ، ، ،

لحدي ما دخلنا الجامعة و عرفنا إنو الحكاية ما فهم بس ، في حاجات تانية كتيرة مهمه برضو ، ، ،

و كمان عرفنا من الحياة دي إنو ربنا اده الناس دي كلها أدمغة بنفس الإمكانيات و ما في زول ذكي و زول بليد ، لكن في زول طور عقلو و إمكانياتو و في زول أهمل عقلو ، ، ،

للأسف ذي ما كل الناس بتتطور وبتعرف إنو ما وحدها البتفهم و إنو الناس التانيين برضو بيفهمو ، للأسف في ناس بتتجمد في حتة المتوسطة ديك ، ، ،

عدد سنوات عمرهم بزيد لكن فهمهم لمن حولهم يظل كما كان و هم في فترة المتوسطة ، ، ،

من الأشياء الدخيلة و الجديدة علي الخدمة المدنية في السودان إنو زول واحد يمسك خمسة أو ستة حاجات مهمة ، و للأسف بكون ما مؤهل فنياً و لا أخلاقياً إنو يمسك أي منها لكنه الولاء ، ، ،

عندنا واحد بزعل شديييييد و بنفعل وكت زول يكون ماسك حاجه يقومو يمسكو حاجه تانيه و في ناس قاعده ساكت ، فبقول ليهو ما تزعل ياخي الزول ده ما سوبرمان و كده ، ، ،

وذي ما في ناس مفتكره انها سوبر و ممكن تمسك أي ملف و "تجضمو" ، في ناس برضو بفتكروا إنهم بيفهمو في كل حاجه و أحسن من أي زول تاني كمان ، ، ،

و التخصصية ما مهمة و لا حاجة ، ، ، و المختصين ديل منظراتيه ساكت ، ، ، و إنو هو الوحيد البيفهم في كل التخصصات و عندو الإجابات لكل الأسئلة ، ، ،

مما يشرفنا جميعاً كسودانيين إنو سوداني يبدع و يكون عندو مساهمة في مجال ما ، ، ،

و حتي لو لاحظت أي نقصان في عملو ده ففي طرق كثيرة ممكن توضح ليهو عبرها النقصان وين بدون ما تقلل من قيمة عملو أو تشهر بيهو وتحسس القارئ إنو صاحب المساهمة ما فاهم أي حاجه و متسلبط ساي و إنك انت بس الفاهم كل حاجه ، ، ، و الكلام ده بنتقبلو منك إذا كنت مختص في نفس المجال غير كده يبقي إتونس مع المصفقاتيه بتاعينك لكن أكيد بتنقص من رصيدك و بتضيف لرصيد الشخص الحاولت تقلل من قيمة عملو ، ، ،

و حتي لو كنت مختص و البتقوم بيهو ده بتقوم بيهو من باب النقد فياخي في فرق كبير بين النقد و التشفي ، ، ، و في فرق كبير بين نقد العمل و محاولة تدمير الاخر ونسف كل مجهوداته و تصويرها كأنها خزعبلات ، ، ،

ياخي كل سوداني قدم عمل داخل أو خارج السودان و الله شرف لينا كلنا ، ، ،

و لو في محاولة لتحطيمو أو التقليل من شأنو فياخي خليها تجي من زول ما سوداني و لو جات منك تكون الغرض منها التجويد و ليس إثبات لذاتك أو لمعرفتك الزايده عن الناس، ، ،

حب الناس الحقيقي و النابع من الأعماق ما بجي من انبهارهم بمعرفتك أو مقدرتك علي تحطيم الاخرين أو الاستهزاء بيهم ، ، ،

الناس بتحبك حب حقيقي لما كلامك معاهم يخليهم يحسوا انهم انجزوا في هذه الحياة و يخليهم أكثر اطمئناناً علي مستقبلهم بتشجيعك ليهم ، وبالتالي يحبو أنفسم و مسار حياتم الماشين فيهو و بالتالي بحبوك لأنك حررتهم من شكوكهم الداخلية في مقدراتهم أو خياراتهم التي اختاروها أو انجازتهم ، ، ، ده هو حب الناس الحقيقي ليك ، ، ، لأنو وجودك حولهم بس بخليهم أكثر إطمئناناً و حباً لحياتهم و الحياة بشكل عام ، ، ،

مرات بنكون مضطرين إنو نعمل العكس ، ، ، بنكون مضطرين إنو نشكك الناس في الحاجات البسوو فيها ، و نشككم في مسارم في الحياة ، و نشككم في فهمهم للحاجات –(ذي البسووي فيهو أنا هسه ده :-) )- لكن ما بنشككم عشان نثبت ذاتنا أو نثبت علمنا و جهلهم بالأشياء ، بنشككم لأننا دايرنهم يتغيرو للأفضل ، بنشككم عشان عارفين إنو جواهم شخصية أفضل من الظاهره للناس دي و بي حبة مجهود ممكن تكون هي المسيطره ، ، ، و ديل حيحبونا حب عميق وكت يتحقق المقصود و يجنو ثمار تغييرم لفهمهم للحاجات ، ، ،

التحية ليك اخ الطيب
المشكلة لما الفهم يقع ليك
بكون تووووو لييت😁👍

بين علم كيمياء الهرمون والاجتماع حياتنا تمضي ,

تكويناحياتنا

حبابك ,,
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

Quote: بين علم كيمياء الهرمون والاجتماع حياتنا تمضي ,

حبابك عشره و بلا كشره ، ، ،

طبعاً يا دكتور شهاب شغل الهرمونات دي حقتكم و نحنا بنعرف منها ما تجب معرفته بالضرورة :-)

تحياتي ، ، ،

Quote: المشكلة لما الفهم يقع ليك بكون تووووو لييت😁👍

لك التحية أخ صادق ، ، ،

و الله ياخي وكت فهمك يتأخر لحدي ما تتورط و الامور تخرج عن السيطره بتكون حاره خلاص ، ، ،

بعدين تبقي في لو الزمن يرجع للموقف داك كان عملتا كده و كان قلتا كده ، ، ،

تحياتي ، ، ،

Quote: و حتي لو لاحظت أي نقصان في عملو ده ففي طرق كثيرة ممكن توضح ليهو عبرها النقصان وين بدون ما تقلل من قيمة عملو أو تشهر بيهو وتحسس القارئ إنو صاحب المساهمة ما فاهم أي حاجه و متسلبط ساي و إنك انت بس الفاهم كل حاجه ، ، ، و الكلام ده بنتقبلو منك إذا كنت مختص في نفس المجال غير كده يبقي إتونس مع المصفقاتيه بتاعينك لكن أكيد بتنقص من رصيدك و بتضيف لرصيد الشخص الحاولت تقلل من قيمة عملو +++ الناس بتحبك حب حقيقي لما كلامك معاهم يخليهم يحسوا انهم انجزوا في هذه الحياة و يخليهم أكثر اطمئناناً علي مستقبلهم بتشجيعك ليهم ، وبالتالي يحبو أنفسم و مسار حياتم الماشين فيهو و بالتالي بحبوك لأنك حررتهم من شكوكهم الداخلية في مقدراتهم أو خياراتهم التي اختاروها أو انجازتهم ، ، ، ده هو حب الناس الحقيقي ليك ، ، ، لأنو وجودك حولهم بس بخليهم أكثر إطمئناناً و حباً لحياتهم و الحياة بشكل عام

قاصدني عديييييل

من أمس داير اتداخل لكن قلت نشوف سوبرمان دا منو الدايرين يرشوا دا كلامك الفوق دا يصلح لما يكون الموضوع عن واعد أو شبل متطلع وليس انسان ناضج تجاوز مرحلة قمة العطاء وأدرك مرحلة استجداء المدح، مع ذلك كل تقديرنا لما أنجز واعترافنا بالمقدرات الحقيقية منها وليست المدعاة. بعدين ياخي اتعودنا في الدنيا دي ندي أي إنجاز حجمه الحقيقي بدون مبالغات، شفنا خطأ بنشير للخطأ، حصل التعالي والعجرفة بنكرر الكلام، جابت إباء وتكبر، بعد دا نحن ذاتنا بنتكبر، متخصصين ولا غيرو الصاح صاح والغلط غلط، يعني فلان متخصص يزعم بطريقة غير مهنية نقوم نحن (نتونس بكلامو ونبقى المصفقاتيه)؟ وما خطر في بالك ترجح كفة ناس ما عندهم أي إمكانية يطلعوا على التهافت والنهم لاستحواذ الألقاب دا هنا في الانترنت؟ ناس عايشة على الكفاف وما بتحلم تمتلك لابتوب وفي نفس الوقت هم الرواد الأوائل لمعظم المنجزات الحالية في الموضوع الفي بالك دا؟ ديل تجردهم من حقوقهم عشان تجامل فلان لأنك بتحبو؟ أها فلان طلع لا بيحس ولا بيشبع تقوم تظلم الناس عشانو؟ الحب لا معنى له إذا كان يقوم على التدليس وافتراض جهل الناس بالوقائع والخيارات المتوفرة للمقارنة، هذا من فضل عالمنا الحالي أن وفر لنا إمكانية رؤية أفضل، فلا يمكن أن تحتكر المعرفة والألقاب بلا استحقاق ثم تسعى نحو الإطراء بأي طريقة ولو بإدعاء الموت. ___ عادة لا ألجأ لهذا الخيار إلا مضطراً.

Quote: الحب لا معنى له إذا كان يقوم على التدليس وافتراض جهل الناس بالوقائع والخيارات المتوفرة للمقارنة، هذا من فضل عالمنا الحالي أن وفر لنا إمكانية رؤية أفضل، فلا يمكن أن تحتكر المعرفة والألقاب بلا استحقاق ثم تسعى نحو الإطراء بأي طريقة ولو بإدعاء الموت.

Quote: قاصدني عديييييل

لا لا لا لا

معقولة بس ياخي ؟!

البوست عام و الطواقي اللي فيهو فريي سايز ، ، ،

عارف البوست ده فيهو طواقي بمقاسات و ألوان مختلفة ، فا شنو في زملاء بدخلو بسلمو و بعلقوا و عاااادي جداً بقعدو قبلم أو بتخارجو ، ، ،

اهههها كمان لو في زول خشا البوست ده وعندو طاقية رايحة ليهو قططططع شك بلقا ليهو طاقية مقاسو بالزبط ، ، ،

فشكلك كده دخلت البوست و لبستا ليك طاقية و قعدتا ههههههه ، ، ،

و برااااك جبت نفسك بالاوتوماتيك و ما في زول جابك و لا في زول كان ساييك أصلاً ، ، ،

بس أعمل حسابك ما تتشربك فيك و يكبو ليك الباقي قدامك ، ، ،

و وكت جبت روحك و إتشربكتا ،،، برجع لي مداخلتك السمينة دي برواااقه و برد عليها حته جته ، ، ،

Quote: من أمس داير اتداخل لكن قلت نشوف سوبرمان دا منو الدايرين يرشوا دا

ما قلتا ليك انت جاي خاشي البوست و شايل طاقيتك معاك ، ، ، البوست ده اتفتح اليوم الصباح بتوقيت قرينتش ما بايت من أمس ، ، ،

غايتو مراقتك من دي إلا تكون فروقات الوقت ههههههه

ملهم كردفان تداخل في هذا البوست في بداياته و قبل أن يتضح مسار البوست و بالتحديد بعد المداخلة التانية ، ، ،

كعادته دائماً تداخل في البوست بكل ادب و قال كلام إيجابي في حق البوست و بالتحديد (بوست موفق) ، ، ،

ما رديت علي كلام ملهم لحدي ما كملت فكرة البوست ، ، ،

بعد إكتمال فكرة البوست ملهم حسا انو البوست مشي في اتجاه غير الكان مفتكرو و بالتالي مسح مداخلتو ، ، ،

لرفع الحرج عن ملهم وعني قمت بسحب ماخلته هههههههه ، ، ،


أي محاولة لتشتيت الكورة عن طريق هذه النقطة الإستيكة موجودة ، ، ،

Quote: البوست عام و الطواقي اللي فيهو فريي سايز ، ، ،

خير، طالما قمنا للولوة

اعتبرني حاجز طاقية وعراقي وعنقريب. مسحت مداخلة ملهم مالك ____ تعرف، أنا جني وجن المراوغات والجاكات

طاقية نمرة واخد
الصباح بى توقيات قرينتش
يتعنى امبارح بى توقيت امريكا
طاقية رقم 2
هو ابو ملهم استكوهو !!! يكون جا يكوس فى عمّة
طاقية رقم 3
انا غايتو ما جابتنى الطواقى .. جابتنى سيرة اللولوة
اعمل شنو جرجير عادانى
سيد البوست سلام و التحية لى ضيوفك الكرام

Quote: انا غايتو ما جابتنى الطواقى .. جابتنى سيرة اللولوة

قلتا لي جابتك اللولوة ، ، ،

اعتبر البوست حقك و اتلولو مع اي زول داير يتلولو هنا بس ما تجيب لينا الكتاحه الجيت منها و لا ناجازاكي زاتا هههههههه ، ، ،


تحياتي ، ، ،