Post: #1
Title: ﻧﺎﻳﻢ ﻓﻰ ﻋﻨﻘﺮﻳﺐ ﻭﺟﻮﺍﺭﻯ ﺟﻚ ﻣﻮﻳﻪ ﻭ ﻛﻴﺲ ﺗﻤﺒﺎﻙ ﻭﺍﻟﻤﻮﺑﺎيل وحلمان أنى فى الجنه ,,
Author: فرح
Date: 04-11-2016, 09:20 PM
Parent: #0
ﺟﺒﺖ ﻣﻌﺎﻯ ﺍﻟﺒﻴﺖ ﻋﻴﺸﺘﻴﻦ ﻣﻦ ﺍﻟﻔﺮﻥ ﻭﺟﺒﻨﻪ ﺑﻰ ﺟﻨﻴﻬﻴﻦ ﻭﻃﻌﻤﻴﻪ ﺣﺎﺭﻩ ﻭﺷﻄﻪ ﺑﺪﺭﻩ ﻭ ﺑﻴﺒﺴﻰ ﻓﻰ ﻗﺰﺍﺯﻩ ﻣﺎ ﻓﻰ ﺑﺎﻏﻪ ...ﻣﺎ ﺭﻛﺒﺖ ﻃﻴﺎﺭﻩ ﻭﻋﻨﺪﻯ ﺟﻨﺴﻴﻪ ﺑﺲ ﻭ ﺷﻬﺎﺩﻩ ﻣﻴﻼﺩ ﻣﻜﺘﺒﻮﺏ ﻋﻠﻴﻬﺎ ﻓﻰ ﺍﻟﺨﻠﻒ ﻣﺠﺎﻧﺎ ﻣﺮﻛﺰ ﺻﺤﻰ ﺍﻟﻬﺠﺮﻩ ...ﻭﺧﺎﺷﻰ ﺍﻟﻔﻴﺲ ﺑﻮﻙ ﻭ ﻓﻰ ﺟﻴﺒﻰ 37 ﺟﻨﻴﻪ ﻭﻣﺎ ﻋﻠﻰ ﻣﺘﺄﺧﺮﺍﺕ ﻣﻮﻳﻪ ﻭﻧﻔﺎﻳﺎﺕ ﻭﺩﻳﻮﻧﻰ ﺻﻔﺮ ﻭﺍﻣﻰ ﻭﺍﺑﻮﻯ ﻋﻠﻤﻮﻧﻰ ﺍﻻﻋﺘﻤﺎﺩ ﻋﻠﻰ ﺍﻟﻨﻔﺲ ﻭﺍﻟﺘﺮﻓﻊ ﻋﻦ ﺗﻮﺍﻓﻪ ﺍﻻﻣﻮﺭ ﻭﺍﻧﻚ ﻣﺘﻴﻦ ﺗﺮﻓﻊ ﻓﺮﺍﻣﻞ ﺍﻟﻴﺪ ﻟﻠﺪﻧﻴﺎ ﻭﻟﻠﻨﺎﺱ ﺍﺣﻴﺎﻧﺎ...ﻭﻋﻠﻤﻮﻧﻰ ﺍﻟﺼﺒﺮ ﻭﻓﻬﻤﻮﻧﻰ ﺍﻧﻮ ﺍﻟﺤﻴﺎﻩ ﻣﺴﺘﻤﺮﻩ ﺭﻏﻢ ﻣﺎﻓﻴﻬﺎ ﻣﻦ ﻋﻨﺖ ﻭﻛﻞ ﺍﻟﻨﺎﺱ ﻓﻰ ﺣﺎﻟﻪ ﻗﻠﻖ ﺍﻟﻰ ﺍﻥ ﻳﺘﻮﺳﺪﻭ ﺍﻟﺠﺎﺑﺮﻩ ﻭ ﻣﺒﺴﻮﻁ ﻛﺪﺍ ﻣﻴﻪ ﻣﻴﻪ ﻭﺑﻰ ﺻﺤﻪ ﻭﻋﺎﻓﻴﻪ ﻭﺑﻨﻮﻡ ﻗﺒﻞ ﺷﻮﻛﻪ ﺍﻟﺪﻗﺎﻳﻖ ﺗﻜﻤﻞ ﺩﻭﺭﺗﻬﺎ ﻭﺑﻨﻮﻡ ﻓﻰ ﺍﻟﻤﻮﺍﺻﻼﺕ ﻭﻓﻰ ﺍﻟﻜﺮﺍﺳﻰ ﻭﺍﻟﻌﻨﺎﻗﺮﻳﺐ ﻣﻦ ﻏﻴﺮ ﻣﺮﺗﺒﻪ ﻭﻣﻦ ﻏﻴﺮ ﻣﺨﺪﻩ ﻭﺑﻨﻮﻡ ﻓﻰ ﺍﻟﻤﺼﻼﻳﻪ ﻓﻰ ﺍﻟﻮﺍﻃﻪ ...ﻧﺎﻳﻢ ﺑﺪﺭﻯ ﻭﺻﺎﺣﻰ ﺑﺪﺭﻯ ﻭﻣﺘﻌﺸﻰ ﻭ ﻣﺘﺤﻨﻦ ﻣﻊ ﺻﺎﺣﺒﻰ ﻓﻰ ﻋﺮﺳﻮ ﻭ ﺳﺎﺩﻯ ﺩﻯ ﺑﻰ ﻃﻴﻨﻪ ﻭﺩﻯ ﺑﻰ ﻋﺠﻴﻨﻪ...ﺳﺎﻛﻦ ﻓﻰ ﺑﻴﺘﻰ ﻓﻰ ﺍﻟﺤﺎﺭﻩ 76 ﺳﻜﻦ ﺷﻌﺒﻰ ﻭﺍﻗﺴﺎﻃﻪ 130 ﺝ ﺷﻬﺮﻳﺎ ﻭﻓﻴﻪ ﻣﻮﻳﻪ ﻭﻛﻬﺮﺑﻪ ﻭ ﺯﻳﺮ ﻭﺩﺟﺎﺝ ﻭ ﺧﻠﻴﻪ ﻧﺤﻞ ﻭﺷﺠﺮﺗﻴﻦ ﻟﻴﻤﻮﻥ ﻣﺜﻤﺮﺍﺕ ﻃﻮﺍﻝ ﺍﻟﺴﻨﻪ ﻭ ﺷﺠﺮﻩ ﻧﺨﻴﻞ ﻣﺜﻤﺮﻩ ﻓﻰ ﺍﻟﻤﻮﺳﻢ...ﻧﺎﻳﻢ ﻓﻰ ﻋﻨﻘﺮﻳﺐ ﻭﺟﻮﺍﺭﻯ ﺟﻚ ﻣﻮﻳﻪ ﻭ ﻛﻴﺲ ﺗﻤﺒﺎﻙ ﻭﺍﻟﻤﻮﺑﺎيل، ﺭﺻﻴﺪﻯ ﺟﻨﻴﻪ ﻭﻏﺪﺍﻯ ﻗﺮﻉ ﺑﻜﺴﺮﻩ ﻭﻛﻴﻔﻰ ﺷﺎﻯ ﻭ ﻣﻌﺠﻮﻧﻰ ﺍﺏ ﺻﻔﻘﻪ ﻭﺻﺎﺑﻮﻧﻰ ﻓﻨﻴﻚ ﻭﺳﻔﻨﺠﺘﻰ خدرا ﻭﻃﺎﻗﻴﺘﻰ ﺑﻴﻀﺎﺀ...ﺷﺎﺩﻯ ﺍﺭﺑﻌﻪ ﻣﺴﺎﻣﻴﺮ ﻓﻰ ﺍﻟﻐﺮﻓﻪﻭﺍﺣﺪ ﺷﻤﺎﻋﻪﻭﺍﻟﺘﺎﻧﻰ ﻓﺎﺿﻰﻭﺍﻟﺘﺎﻟﺖ ﻓﻴﻪ ﻓﻨﻴﻠﻪ ﻣﻜﺘﻮﺏ ﻓﻴﻬﺎ ﻳﻮ ﺍﺱ ﺍﻯ ﺍﺭﻣﻰﺍﻟﺮﺍﺑﻊ ﺳﻜﻴﻦ ﺑﻰ ﺟﻔﻴﺮ...ﺑﺴﺘﺤﻢ ﺑﺎﻟﺠﺮﺩﻝ ﻭ ﺑﺴﻤﻊ ﻟﻨﺪﻥ ﺑﺴﻤﻊ ﺍﻡ ﻛﻠﺜﻮﻡ ﻣﻦ ﺍﻟﺮﺍﺩﻯ ﻭﺑﺮﺵ ﺍﻟﺤﻮﺵ ﻭﺑﺴﻘﻰ ﺍﻟﺸﺠﺮ ﻭﺑﻤﻠﻰ ﺍﻻﺯﻳﺎﺭ ﻭ ﺑﺮﺵ ﺧﺸﻢ ﺍﻟﺒﺎﺏ ﻭ ﺑﻤﺪ ﺍﻟﺨﺮﻃﻮﺵ ﻟﻠﺠﻴﺮﺍﻥ ﻭ ﺑﺼﻠﻰ ﻓﻰ ﺍﻟﺰﺍﻭﻳﻪ ﻭ ﺑﺴﻒ ﻣﻦ ﺟﺎﺭﻧﺎ ﻭ ﺑﻔﻄﺮ ﻓﻰ ﺍﺧﺮ ﻣﺤﻄﻪ...ﺑﻜﺮﻩ ﺍﻟﺤﻜﻮﻣﺎﺕ ﻓﻰ ﺍﻯ ﻣﻜﺎﻥ ﻓﻰ ﺍﻟﻌﺎﻟﻢ ﻻﻧﻬﺎ ﺩﺍﻳﻤﺎ ﻇﺎﻟﻤﻪ ﻭﺑﻜﺮﻩ ﺣﻜﻮﻣﺘﻨﺎ ﻻﻥ ﺍﻟﻤﻮﻳﻪ ﺑﺘﻘﻄﻊ ﻭﺍﻟﺴﺨﺎﻧﻪ ﺷﺪﻳﺪﻩ ﻭﺍﻟﻨﺎﻣﻮﺱ ﻗﻄﻊ ﺟﻠﺪ ﺍﻟﻨﺎﺱ ﻓﻰ ﺍﻟﺤﻠﻪ ﻭﺍﻟﻀﺒﺎﻥ ﺣﺎﻣﻰ ﺍﻟﻨﺎﺱ ﺍﻟﻨﻮﻡ ﻭﺍﻟﺸﻔﻊ ﺑﺨﻠﻮ ﺍﻟﻤﺪﺭﺳﻪ ﻋﺸﺎﻥ ﺍﺳﺎﻋﺪﻭ ﺍﺑﻬﺎﺗﻬﻢ ﻭﺍﻟﺤﺮﺍﻣﻴﻪ ﺑﻘﻮ ﻛﺘﺎﺭ...ﻭﺑﻜﺮﻩ ﺣﻜﻮﻣﺘﻨﺎ ﻋﺸﺎﻥ ﻃﻠﺐ ﺍﻟﻔﻮﻝ ﺑﻘﻰ ﺑﻰ ﺳﺒﻌﻪ ﺟﻨﻴﻪ ﻭ ﻛﺒﺎﻳﻪ ﺍﻟﺸﺎﻯ ﺑﻘﺖ ﺑﺎﻟﻒ ﻭﻧﺺ ﻭﻛﻴﺲ ﺍﻟﺘﻤﺒﺎﻙ ﺑﻰ ﺟﻨﻴﻪ ﻭﺍﻟﻨﺎﺱ ﺑﻘﺖ ﺗﻌﻤﻞ ﻣﺲ ﻛﻮﻝ ﻭﺍﻟﻨﺎﺱ ﺑﻘﺖ ﺟﺎﻓﻴﻪ ﻭ ﻣﺎ ﺯﻯ ﺯﻣﺎﻥ ﻭﺍﻟﺪﻧﻴﺎ ﺑﻘﺖ ﺧﺎﻳﻨﻪ ...ﺑﻘﺮا ﺍﻟﺠﺮﺍﻳﺪ ﻓﻰ ﺍﻟﻜﺸﻚ ﻭﺑﺸﺘﺮﻯ ﺟﺮﻳﺪﻩ ﺭﻳﺎﺿﻴﻪ ﻭﺍﺣﺪﻩ ﻭ ﺑﺴﻤﻊ ﺍﻻﺧﺒﺎﺭ ﺑﺲ ﻓﻰ ﺍﻟﺤﺎﻓﻼﺕ ﻭ ﺑﺸﺎﺭﻙ ﻓﻰ ﺍﻟﻤﻈﺎﻫﺮﺍﺕ ﻭ ﺑﻄﻠﻊ ﺍﻯ ﻧﻔﻴﺮ ﻓﻰ ﺍﻟﺤﻠﻪ ﻭﺑﺪﻕ ﺍﻟﺨﻴﻤﻪ ﻭﺑﺤﻔﺮ ﺍﻟﻘﺒﺮ ﻭﺑﻠﺰ ﺍﻟﻌﺮﺑﺎﺕ ﺍﻟﻤﺘﻌﻄﻠﻪ ﺍﻟﺪﺍﻳﺮﺍ ﺩﻓﺮﻩ ...ﺑﻤﺸﻰ ﺍﻟﺪﻓﻦ ﺑﻤﺸﻰ ﺍﻟﻌﻘﺪ ﺑﻤﺸﻰ ﺍﻟﻤﺴﺘﺸﻔﻴﺎﺕ ﺑﻄﺎﻳﺐ ﺍﻟﻀﻌﻴﻒ ﺑﺴﺎﻋﺪ ﺍﻟﺮﻫﻴﻒ ﺑﺴﻤﻊ ﻋﺜﻤﺎﻥ ﺣﺴﻴﻦ ﻭ ﺧﺎﺻﻪ ﻏﻨﻴﻪ ﻗﺼﺘﻨﺎ ﻭ ﺑﺤﺐ ﺑﺨﻮﺭ ﺍﻟﺘﻤﻴﺎﻥ ﻭﻋﺴﻞ ﺍﻟﻨﺤﻞ ﺍﻻﺻﻠﻰ ﻭﻋﻨﺪﻯ ﺟﻼﺑﺘﻴﻦ ﻭﺷﺒﺸﺐ ﻭﺍﺣﺪ ﻣﺎﺑﻘﻄﻊ ﻓﻰ ﺍﻟﻨﺎﺱ ﺑﻀﺤﻚ ﺑﺼﻮﺕ ﻋﺎلي ﻋﻨﺪ ﺍلفرح ﺑﺒﻜﻰ ﺑﺼﻮﺕ ﻋﺎﻟﻰ ﻋﻨﺪ ﺍﻟﺤﺰﻥ...ﺑﻤﺸﻰ ﻛﺪﺍﺭﻯ ﻭﺑﺎﻛﻞ ﺳﻠﻄﻪ ﺑﻄﺒﺦ ﺍﻟﻔﻮﻝ ﻭ ﺑﺰﻳﺪ ﻟﻴﻪ ﺍﻟﺸﻄﻪ ﻭ ﺍﻟﺸﻤﺎﺭ ﻧﺎﻳﻢ ﻭﺣﺎﻳﻢ ﻭﻗﺎﻳﻢ ﺑﺪﻧﺪﻥ ﺑﻰ ﻗﺎﻳﻤﻰ ﺍﻟﺼﺒﺎﺡ ﻣﺘﻜﻔﻠﺘﻰ ﺷﺎﻳﻠﻰ ﺍﻟﺤﻠﻴﻠﻰ ﻋﻠﻰ ﺍﻟﻤﺮﺍﺡ...ﺑﻤﺴﻜﻞ ﻭﺑﺮﺳﻞ ﻣﺴﺞ ﻭ ﺑﺰﺑﻞ ﺭﺍﺱ ﺍﻟﺒﻴﺖ ﻭﺍﺻﺪﻗﺎﻯ ﻣﻦ ﺷﺮﻃﻪ ﺍﻻﺩﺍﺭﻩ ﺍﻟﻌﺎﻣﻪ ﻟﻠﻤﺮﻭﺭ ﻭﺍﻟﺠﻮﺍﺯﺍﺕ ﻭ ﻣﻌﻠﻤﻰ ﺍﻟﻜﻠﻴﻪ ﺍﻟﺤﺮﺑﻴﻪ...ﺑﺎﻛﻞ ﺑﻄﻴﺦ ﻓﻰ ﺍﻟﻤﻮﺳﻢ ﻟﻤﻦ ﻳﻜﻮﻥ ﺭﺧﻴﺺ ﺑﺎ ﻛﻞ ﻃﻤﺎﻃﻢ ﻓﻰ ﺍﻟﺸﺘﺎﺀ ﺍﻟﻜﻴﻠﻮ ﺑﺠﻨﻴﻪ ﺑﻔﻚ ﻗﺮﻭﺷﻰ ﺣﺪﻳﺪ ﻗﺒﻞ ﻣﺎ ﺍﺭﻛﺐ ﺍﻟﺤﺎﻓﻠﻪ...ﻣﻄﻤﺌﻦ ﻭﺟﺎﻋﻞ ﺍﻟﻄﻤﺄﻧﻴﻨﻪ ﻟﻤﻦ ﻫﻢ ﺣﻮﻟﻰ ﺑﻜﻮﻥ ﻟﻄﻴﻒ ﻭﻭﺩﻭﺩ ﻣﻊ ﺍﻟﻨﺴﺎﺀ ﻭﺍﻻﻃﻔﺎﻝ ﻭﺍﻟﻌﺠﺰﻩ ﻭﺍﻟﺸﺤﺎﺩﻳﻦ ﺑﺴﺎﻋﺪ ﻓﻰ ﺍﻟﺴﻼﻣﻪ ﺍﻟﻨﻔﺴﻴﻪ ﻟﻠﻨﺎﺱ ﻭﺑﺤﺐ ﺍﻟﻄﻴﺒﻴﻦ ﻣﻨﻬﻢ....ﻛﺎﻇﻢ ﺍﻟﻐﻴﻆ ﻭﻋﺎﻓﻰ ﻋﻦ ﺍﻟﻨﺎﺱ ﺑﻔﻚ ﺍﻟﺮﻳﻖ ﺍﻟﺼﺒﺎﺡ ﺑﻤﻮﻳﻪ ﺻﺎﻗﻄﻪ ﺳﻘﻮﻁ ﺷﺪﻳﺪ ﻣﻦ ﺍﻟﻨﻘﺎﻉ، ﺑﻔﻚ ﺍﻟﺮﻳﻖ ﻟﻠﻨﺎﺱ ﻣﻦ ﺍﻟﺼﺒﺎﺡ ﺑﻜﻴﻒ ﺍﺻﺒﺤﺘﻮ ﺑﻤﺴﻴﻬﻢ ﺑﻰ ﻋﺒﺎﺭﻩ ﻛﻠﻪ ﻓﻰ ﻣﺤﻠﻪﺫﺍﻛﺮﺗﻰ ﻣﺤﺪﻭﺩﻩ ﻭﺫﻛﺎﺋﻰ ﻣﺘﻮﺳﻂ ﻭﺻﺤﺘﻰ ﻣﻴﻪ ﻣﻴﻪ ﻭﻧﻈﺮﻯ ﺳﺘﻪ ﻋﻠﻰ ﺳﺘﻪ ﻭﺷﻌﺮﻯ ﺧﻔﻴﻒﻣﺎﻓﻰ ﺍﻯ ﺷﺨﺸﺨﻪﻭﻓﻰ ﺍﺗﻢ ﺍﻟﺼﺤﻪ ﻭﺍﻟﻌﺎﻓﻴﻪ
|
Post: #2
Title: Re: ﻧﺎﻳﻢ ﻓﻰ ﻋﻨﻘﺮﻳﺐ ﻭﺟﻮﺍﺭﻯ ﺟﻚ ﻣﻮﻳ�
Author: عبداللطيف حسن علي
Date: 04-11-2016, 10:18 PM
Parent: #1
| Quote: ﻛﺒﺎﻳﻪ ﺍﻟﺸﺎﻯ ﺑﻘﺖ ﺑﺎﻟﻒ ﻭﻧﺺ ﻭﻛﻴﺲ ﺍﻟﺘﻤﺒﺎﻙ ﺑﻰ ﺟﻨﻴﻪ |
انت من اهل الكهف ول عايش بيننا ، كباية الشاي هسع ب 3 واحيانا 4
وفي ناس بدفعوا 10 ومابشيلو الباقي ، بيعملوا رايحين كنوع من المساعدة
لاسر مكافحة ومطحونة ......
والتمباك الربع بقي بتمانية جنيه ، وعشان مافي زول ح يشتريهو
عملوا رايحين ، واحدين بسته واحدين بخمسة وواحدين باربعة ونص !!
اما اذا كان كلامك حلم في حلم احسن تواصل لانو افضل من الواقع بكتير !!
|
|