Post: #1 Title: فكي سوداني في مباراة النصر والفتح بالسعودية .... Author: Mohd Ibrahim Date: 04-11-2016, 09:46 AM Parent: #0
08:46 AM April, 11 2016 سودانيز اون لاين Mohd Ibrahim-مغترب by default مكتبتى
Post: #2 Title: Re: فكي سوداني في مباراة النصر والفتح بالسعود Author: Mohd Ibrahim Date: 04-11-2016, 09:47 AM Parent: #1
Post: #3 Title: Re: فكي سوداني في مباراة النصر والفتح بالسعود Author: Mohd Ibrahim Date: 04-11-2016, 09:49 AM Parent: #2
الرسالة واضحة ياعرب السودان "مشعوذ افريقي من الجنسية السودانية !!!!"
Post: #4 Title: Re: فكي سوداني في مباراة النصر والفتح بالسعود Author: محمد عثمان الحاج Date: 04-11-2016, 01:15 PM Parent: #3
تحياتي يبدو أنه محتاج لمترجم محلف ومحامي بارع ليثبتا أن هذه الطلاسم ليست سوى خطاب غرامي من زوجته برطانة سودانية مكتوبة بحروف عربية قبل أن يسارعوا بقطع رأسه!
Post: #5 Title: Re: فكي سوداني في مباراة النصر والفتح بالسعود Author: Mohd Ibrahim Date: 04-11-2016, 03:22 PM Parent: #4
يابشمهندس المشكلة انها تعد جريمة في السعودية مع ا انو انا ماعارف الادعي مسائلة هذا الفكي ولا الناس الفي القرن الواحد والعشرين ومازالت تصدق انو ممكن بالخزعبلات دي تغيير نتيجة مباراة ...مان الاولي ناس الهلال والمريخ شالو كاسات افريقيا كلها ...
Post: #6 Title: Re: فكي سوداني في مباراة النصر والفتح بالسعود Author: قصي محمد عبدالله Date: 04-11-2016, 04:07 PM
الأحساء (الهفوف ، المبرز ، محاسن ) (2010 - 2011) كانت تقام فيها دوري الولايات السوداني على مدار العام (لا أدري الوضع الآن)، كانت المباريات تقام في مدينة الهفوف عصر كل يوم جمعة. هنالك لجنة كاملة للتسير وتقديم كل ما من شأنه نجاح الدوري. -------- نرجع لموضوع الطلاسم : قبل 3 سنوات وأنا عائد من السودان، و على آخر سلم الطائرة صعودا ، منه والدخول إلى المقاعد، جرى تفتيش سريع لكل الركاب من قبل طاقم الرحلة السعودية، والله على مقربة مني و شوف عيني ، ليست حكاية من أحد ، أحد الطاقم أخرج أوراق من جيب مسافر سوداني، وفتحها مباشرة ، فإذا هي مليئة بالطلاسم والشخبطات والرسومات. بان الغضب على وجه الملاح ، و همهم ببعض الكلمات الغاضبة للمسافر ، بينما المسافر دخل في حالة من الندم والتي كانت ظاهرة على وجهه. وضع الملاح الأوراق جانبا وترك المسافر ليدخل إلى الطائرة. - لا أدري بعد ذلك ماذا حدث !
Post: #7 Title: Re: فكي سوداني في مباراة النصر والفتح بالسعود Author: عبدالعزيز الفاضلابى Date: 04-11-2016, 08:24 PM Parent: #6
طيب عرفنا المشعوذ افريقى اها الجابوهو ديل جنسهم شنو؟ واذا كانت هناك جريمة الا يعتبر من استقدمه ومن كلفه بعمل السحر ليفوز فريقه شريكا فى الجريمة .. ولا تبقى زى جريمة الخيانة الزوجية دايماً شايل وش القباحة فيها الرجل مع انه مارس الخيانة مع إمرأة .
Post: #8 Title: Re: فكي سوداني في مباراة النصر والفتح بالسعود Author: Ahmed Yassin Date: 04-11-2016, 09:27 PM Parent: #7
فكي ؟ هو لو فكي اصلا كان بدخل المباراة الفكي صحي صحي قاعد في بيتو جوة اوضتو وبشوف الكورة في الطشت وفي فكي بجي شايل ورقتين كوبار كدة . طبعا الدوري السعودي مليان بالاوهام دي وقصة (جاسم الياقوت) رئيس نادي القادسية التي انتشرت منذ سنوات في الجرايد والتلفزيون ليست بغريبة قال شنو ؟ رجل الامن سالوا امت فين رايح؟ وايش اللي جابك؟ قال ماعرف يرد !!
Post: #9 Title: Re: فكي سوداني في مباراة النصر والفتح بالسعود Author: أبوبكر عباس Date: 04-11-2016, 09:34 PM Parent: #8
حقارين السعوديين ديل! وحات سيدي الحسن، ود عمي دا ما تفكوهو، إلا أمشي مايرنو أكتف ليكم مباريات دوري قبيح دا كلهن، وأخلي المباريات كلها تطلع درون. فكوا الزول دا، بلاش سلبطة فارغة منكم.
أبوبكر عباس متضامن مع الفكي السوداني
Post: #10 Title: Re: فكي سوداني في مباراة النصر والفتح بالسعود Author: Ahmed Yassin Date: 04-11-2016, 09:43 PM Parent: #9
بكور حبيبي مايرنو دي فيها اشبال المرحوم اللمين طبعا معروف جدا في كل الدوريات العربية وهنده حكاية شهيرة جدا في مباراة ديربي ولا كلاسيكو ماعارف
Post: #11 Title: Re: فكي سوداني في مباراة النصر والفتح بالسعود Author: عبدالعزيز الفاضلابى Date: 04-11-2016, 10:19 PM Parent: #10
بكور ياخ بالمرة خليهو يكتف لينا مباراة المريخ ووفاق سطيف الزاد كان ما كفا اهل البيت يحرم على الجيران والخيل تجقلب زى الشرا فى القندول
Post: #12 Title: Re: فكي سوداني في مباراة النصر والفتح بالسعود Author: أبوبكر عباس Date: 04-11-2016, 10:25 PM Parent: #11
لا لا نحن المريخ دايرنو يتحول لدوري الكنفدرالية سألنا فكي ود اللمين: بتقدر علي دوري الأبطال؟ قال لعيبة المريخ تعبانين جدا ما بساعدونا بالجكة لكن الكنفدرالية ضمان في الجيب
Post: #13 Title: Re: فكي سوداني في مباراة النصر والفتح بالسعود Author: أبوبكر عباس Date: 04-11-2016, 10:28 PM Parent: #12
لو في زول قدر يجيب لينا اسم أم الشرطي المسك الفكي، يكون عمل فينا معروف ونقدر نرد إعتبارنا
Post: #14 Title: Re: فكي سوداني في مباراة النصر والفتح بالسعود Author: عبدالعزيز الفاضلابى Date: 04-11-2016, 10:34 PM Parent: #13
Quote: لا لا نحن المريخ دايرنو يتحول لدوري الكنفدرالية
يابكور انت قايلا كنفدرالية زمان جابت ليها فُرق رضعانة فوق الخلال
Post: #15 Title: Re: فكي سوداني في مباراة النصر والفتح بالسعود Author: الامين موسى البشاري Date: 04-11-2016, 11:22 PM Parent: #14
غايتو تغالطو الزول في شناتو
Quote: بالصور: الشرطة تكشف سر وجود ساحر سوداني بمباراة النصر السعودي والفتح
الحوش السوداني ـ متابعات
كشف المتحدث الإعلامي لشرطة المنطقة الشرقية بالمملكة العربية السعودية، العقيد زياد الرقيطي، عن ملابسات القبض على ساحر خلال مباراة الفتح والنصر بدوري عبداللطيف جميل.
ووفقا لبيان المتحدث الإعلامي فالوافد العربي وهو سوداني الجنسية تم ضبطه عند إحدى بوابات مدينة الأمير عبدالله بن جلوي الرياضية بالأحساء، أثناء مباراة الفتح والنصر والتي خسرها الأخير بهدفين لهدف واحد.
Post: #16 Title: Re: فكي سوداني في مباراة النصر والفتح بالسعود Author: وضاح عبدالرحمن جابر Date: 04-12-2016, 08:18 AM Parent: #15
طبعا حا نمسك في قصة انه عربي افريقي سوداني .. والعقدة المعروفه
..........
احنا بنستهون بي قصة الدجل والشعوذه دى وبنشوف الموضوع غير مهم واصلا ما بيأثر بي حاجه وانه وهم فقط وعشان كده منتشر جدا في مجتمعنا .. وعشان كده قسم كبير من الشعب السودان بتتم السيطره عليه من خلال الشيوخ المشعوذين منهم ومدعيي الكرامات والقداسة ..
في السعودية الموضوع خط أحمر .. زيه زي المخدرات ..
Post: #17 Title: Re: فكي سوداني في مباراة النصر والفتح بالسعود Author: Deng Date: 04-12-2016, 09:18 AM Parent: #16
أوع الزول ده يطلع ود الباوقة!
أصلو ود الباوقة بتاع رتينزات وكواديك.
يا باوقة. لو ده أنت أكتب لأخوك بوفيه السفارة.
Post: #18 Title: Re: فكي سوداني في مباراة النصر والفتح بالسعود Author: Mohd Ibrahim Date: 04-12-2016, 09:25 AM Parent: #16
Quote: ي السعودية الموضوع خط أحمر .. زيه زي المخدرات ..
ياوضاح لايوجد دليل علمي واحد علي تاثير هذة الخطرفات علي تغيير الاحداث المستقبلية ...هذة اشياء تتم محاربتها بالتعليم وبالتوعية وهي تتنتشر فقط في المجتمعات التقليدية والدينية ..حتي لايجب اعتبارها ا جريمة باعتبار ان القانون لايحمي المغفلين
Post: #19 Title: Re: فكي سوداني في مباراة النصر والفتح بالسعود Author: Elmosley Date: 04-13-2016, 10:02 PM Parent: #1
هسع المشعوذ منو الرجل الذي كتب الحطرفات أم الذين تخوفوا منها ههههههه
Post: #20 Title: Re: فكي سوداني في مباراة النصر والفتح بالسعود Author: Elmosley Date: 04-13-2016, 10:02 PM Parent: #19
هسع المشعوذ منو الرجل الذي كتب الحطرفات أم الذين تخوفوا منها ههههههه
Post: #21 Title: Re: فكي سوداني في مباراة النصر والفتح بالسعود Author: عبدالعزيز الفاضلابى Date: 04-13-2016, 10:37 PM Parent: #20
انت يالموصلى فى الشعوذة ولا فى صورة بروفايلك دى انا فى اللّول قايلا صورة توائم ملتصقين نو اوفَّينس
Post: #22 Title: Re: فكي سوداني في مباراة النصر والفتح بالسعود Author: Elmosley Date: 04-13-2016, 10:50 PM Parent: #21
بالمناسبة دي صورة حقيقية ما فيها اي فوتوشوب الراحل مصطفى وشخصي قاعدين على نفس الطاولة تمهيدا لشريط مصطفى الاول الحزن النبيل الذي تشرفت بتوزيعه موسيقيا نو ديفنس
Post: #23 Title: Re: فكي سوداني في مباراة النصر والفتح بالسعود Author: MOHAMMED ELSHEIKH Date: 04-14-2016, 05:47 AM Parent: #22
مافي ساحر قوي يظبط لينا الكيزان ديل؟ ولا هم زاتهم عندهم سحرة؟
Post: #24 Title: Re: فكي سوداني في مباراة النصر والفتح بالسعود Author: Mohd Ibrahim Date: 04-14-2016, 06:37 AM Parent: #23
المشكلة انو الزول دا في الغالب بقطعو ليو راسو .............................لايوجد من يدافع عنة وبكون مرمي في حتة كدا لحدي مايفضو ليو ..
