Post: #2
Title: Re: فستان ... بي قراصة نبق ان شاء الله !!!
Author: Muna Khugali
Date: 03-31-2016, 10:43 PM
الله!
وين الرموش طيب؟؟ الفستان ده لو لم في ياسين ويوسف بتبقي مصيبة!
|
Post: #3
Title: Re: فستان ... بي قراصة نبق ان شاء الله !!!
Author: يحي قباني
Date: 03-31-2016, 10:48 PM
Parent: #2
Quote: الله!
وين الرموش طيب؟؟ الفستان ده لو لم في ياسين ويوسف بتبقي مصيبة! |
و على بال ما ينتهوا منو تكون اسنانهم كلها سوست ...
بالله يا منى الكلوش ده ما بشبه طباقتنا في السودان ؟
ما فيكم واحدة فكرت تعمل فستان من الطباقة ليه ؟
|
Post: #4
Title: Re: فستان ... بي قراصة نبق ان شاء الله !!!
Author: طارق جبريل
Date: 03-31-2016, 10:52 PM
Parent: #3
يا عمك ازيك ياخ
|
Post: #5
Title: Re: فستان ... بي قراصة نبق ان شاء الله !!!
Author: يحي قباني
Date: 03-31-2016, 10:56 PM
Parent: #4
ليك وحشة ياحبيب ... وينك غاطس ...
اليوم داك اتذكرتك ... سألت واحد معاي في المكتب عراقي ... قلت ليهو انت اخوك الكان هنا وين ما شايفو ؟
قال لي تخيل التافه خلانا و عايش في المغرب ؟
ضحكت .. الراجل حاسد اخوهوا على قعدته في المغرب ...
اها انت ما تكون المغرب المغتساك ...
|
Post: #6
Title: Re: فستان ... بي قراصة نبق ان شاء الله !!!
Author: محمد أبوالعزائم أبوالريش
Date: 03-31-2016, 11:05 PM
Parent: #5
Quote: بالله يا منى الكلوش ده ما بشبه طباقتنا في السودان ؟ |
إنا لله ياخ ده وصف شنو؟ البتاعة العندكم في كندا شكلها قوية.
_________________
أقعد إنت تابع لي في الفساتين والكلوش ...... أهو طلعوك من الملة والمرة الجاية حيهدروا دمك.
|
Post: #7
Title: Re: فستان ... بي قراصة نبق ان شاء الله !!!
Author: يحي قباني
Date: 04-01-2016, 04:43 AM
Parent: #6
Quote: إنا لله ياخ ده وصف شنو؟ البتاعة العندكم في كندا شكلها قوية.
_________________
أقعد إنت تابع لي في الفساتين والكلوش ...... أهو طلعوك من الملة والمرة الجاية حيهدروا دمك. |
ازيك يا وجيه ...
ياتو ملة دي يا حبيب ؟
و الله الدين البنعرفوا انحن برئ من جماعتك ديل ...
|
Post: #8
Title: Re: فستان ... بي قراصة نبق ان شاء الله !!!
Author: عبدالحفيظ ابوسن
Date: 04-01-2016, 06:18 AM
Parent: #7
قباني يا صاحب تحية لك ولي ضيوفك بس تعجبكم حاجات الكفار او كما قال نحن زاتنا مبدعين لكن البلد ضيقة عملنا هدوم من الشوالات الفارغة .. واحذية من اساتك العربات مختلفا اشكالها . ومن فارغ القزاز والاوعية البلاستيكية مناظر تسر الناظر مجتهدين والله لكن للحوجة مش الموضة انبسطت من البت المشردة وانبسطت اكتر من الدولة ممثلة في شركاتها الادتها فرصة للعيش مرة اخري بعدينك النبق دة عملنا من سبح وعقود ياخ
|
Post: #9
Title: Re: فستان ... بي قراصة نبق ان شاء الله !!!
Author: يحي قباني
Date: 04-01-2016, 06:58 AM
Parent: #8
Quote: قباني يا صاحب تحية لك ولي ضيوفك بس تعجبكم حاجات الكفار او كما قال نحن زاتنا مبدعين لكن البلد ضيقة عملنا هدوم من الشوالات الفارغة .. واحذية من اساتك العربات مختلفا اشكالها . ومن فارغ القزاز والاوعية البلاستيكية مناظر تسر الناظر مجتهدين والله لكن للحوجة مش الموضة انبسطت من البت المشردة وانبسطت اكتر من الدولة ممثلة في شركاتها الادتها فرصة للعيش مرة اخري بعدينك النبق دة عملنا من سبح وعقود ياخ |
زي ما قال عمك لما سافر اول مره أوروبا ...
عاين للحور الهناك و قال الكفار انحنا ديل ...
و الله الضيق يا صديقي ... الله يهونها على الشعب الصابر ...
|
|