Post: #1
Title: توفيق بتاع الضهاري ود القاضي بتاع السفارة اظرف اثنين في المنبر
Author: عباس الدسيس
Date: 03-30-2016, 03:04 PM
Parent: #0
02:04 PM March, 30 2016 سودانيز اون لاين
عباس الدسيس-Saudia
مكتبتى
رابط مختصر تحزير:
الاخوان ود القاضي وتوفيق المفترع اعجاب بيكم ما تفهموني غلط ... ((العفش داخل البص علي مسئولية صاحبة )) زول عايز اعمل مشاكل غير مرغوب فيه هنا....
توفيق دا زول لذيذ أنا زعلان من الزملاء بالبورد في جماعه سموهو توفيق دقارات وفئة اخري سمتو توفيق صاجات وهلم جرا .
زمن الوظيفة في السودان ناس البنك الزراعي ما اشوفو ليهم قرية عملت ليها مسجدين طوالي افتحو فيها فرع وأنا المسكين ناس الشئون الادارية خاتين ملفي بره عشان ما اتعبو في كتابة خطاب النقل.
مرة من المرات غلطو ونقلوني مدني ومن استلمت الخطاب الليل كلو شغال مكوة في البناطلين متين الصباح عشان اركب الحافلات وجري.
تخريمة: من المواهب العندي مدمرة ما بعرف اشتري ملابس خالس ومن اتزوجت والحمد لله المدام شالت كل الملابس القديمة والزبالة وحتي تاريخ اليوم ما اتذكر اشتريت لي قميص ولا شراب بلبس فقط.
أها كان عندي قميص اتمقلبت فيهو بعد فترة عرفت القماش حقو بتاع ملايات ، وانا جاي مدني كان عندي فراغ عاطفي كبير زول ليهو زمن ما عاش ليهو حياة غرامية
وبي لهفت الاشواق بعد كم يوم قابلت لي زولة زميلة في بنك تاني هي بايركس بس زولة طيبه دي ما المشكلة المصيبة الزولة دي سمينة بصورة فظيعه وعندها عواكس حاجة غريبة
بكون ماشي معاها عكس الشمس بتاعت الشتاء ما بشوف ضلي بكون مختفي وراء ضلها مرة حاولت اصل ضل عواكسها بيدي قربت اقع في الواطه
الحاجات دي ما اكتشفتها فيها الي بعد فترة طويلة وبعد خلاس بقيت اميز بين الجمال والشنا بعد ما كانت عيوني في مناطق الشدة مقفلة
اتذكر المدينة الكنا شغالين فيها البنات عندهم شينات كنا بنطلع الكراسي العصر نتفرج في بنات الثانوي نقلو لينا زول من الخرطوم جديد استغرب في نقاشاتنا ((اها السمحة ديك جات تقدل))
قال يا جماعه انتو وهم وينا حسي السمحة في البنات ديل قلت ليهو اقعد ثلاثة شهور بتشوف البنات ديل كلهم سمحات بالله الزول ما قعد شهرين لقيناهو بقي اوصف معانا ياتو السمحة
يعني زي حكاية الزول الما متزوج اشوف بنات الشارع كلهم سمحات يوم ما اتزوج شكل المرأة تاني ابقي ليهو زي الراجل واشوف النسوان كلهم شينات.
نرجع لي زولتي السمينة ام عواكس حبي الاول بعد الرجوع من مناطق الشدة كنا نهاية اليوم بنطلع نمشي المواصلات سواء وأنا قاشر بي القميص بتاع الملايات ومعاهو الكرفته جادعها في كتفي يعني الزول موظف خطير
بالله من نصل موقف البصات اقومو ليك فيني الكماسرة .....
الدفار حار ... الدفار حار ... الدفار حار ... الدفار حار ــــــــــــــ الدفار عايز دقار.... الدفار عايز دقار.... الدفار عايز دقار....
كرهوني الخلط والحب ومدني وموقف البصات ذاتو.
اها القصة دي ذكرني ليها توفيق دقارات
فاصل ومع ود القاضي سفارة
|
Post: #2
Title: Re: توفيق بتاع الضهاري ود القاضي بتاع السفارة
Author: علي دفع الله
Date: 03-30-2016, 03:41 PM
Parent: #1
هههههههههههههههه
عبس لمن يتجلى
يلا تعال نحن في الانتظار
|
Post: #3
Title: Re: توفيق بتاع الضهاري ود القاضي بتاع السفارة
Author: عادل الباهي عبدالرازق
Date: 03-30-2016, 04:07 PM
Parent: #2
ياعبس هسع حيجي يصرف ليك روشتة خسيس
مالك نسيت عمك صديق مهدي
|
Post: #4
Title: Re: توفيق بتاع الضهاري ود القاضي بتاع السفارة
Author: Salah Zubeir
Date: 03-30-2016, 04:16 PM
Parent: #3
موبااااااااالغة
واللهي يا عبس خايف ليك من سلة مهملات و مردغة جديدة لكن مافي طريقة
شوف لينا بتاع حلة الحشرو عباس دا
|
Post: #6
Title: Re: توفيق بتاع الضهاري ود القاضي بتاع السفارة
Author: علي عبدالوهاب عثمان
Date: 03-30-2016, 05:04 PM
Parent: #4
حبيبنا عباس .. لقد وصلت لما كنت اصبو إليه .. لقد قمت بمداخلات كثيرة جداً .. في بوستات متعددة ..
بأن ثقافتنا في القرى النائية عندنا في الشمال وداخل الجزر المعزولة تتمتع بطريقة محببة للونسة
الجلسة لابد أن تضم ( الكضاب الغير مضر .. المفتري .. والمتعالي .. وأعمامنا من كانوا في مصر .. وواحد ماخد كأسين عرقي تمر أو دكاي ..
المدرس .. ممرض الشفخانة .. كمان تكون مارة بالجنب أخت الرجال المسترجلة .. زي بت مجذوب في رواية موسم الهجرة .. إلخ ) تجد هناك مسرح في الهواء الطلق
.. الرواويس يتحدوا الترابلة .. ويحلو الحديث .. حتى من الكضاب أو المفتري ولو أي واحد فيهم غائب .. ( يا ولد أمشي نادي لينا فلان ) .. ولأن لست مديني ولكن أكيد
في مجتمع المدن في ( الأندية .. ومواقف البصات .. الاسواق ) هناك شخصيات مصرح لهم بالبوح كما يريدون .. لأنهم في الأصل ليسوا سيئين ولكن هذا طبعهم ..
كنا نسمعهم يتبادلون الكلام الغليظ ومن أشخاص معينين .. فقط يتم نصحهم عندما يكون هناك ضيف من خارج المنطقة .. (أوعك في ضيوف)
ياسلام على المشرع في ضفاف النيل مع الرياح النو .. تلقى كلهم إجتمعوا .. وهاك يا عكننة وحديث وونسة وحتى غلظة في القول .. بيئة عادية الحياة تسير فيها بنقاء
وطهر مجرد ألفاظ ولكن لا أحد فيهم يتجرأ الفعل .. إلا الحيوانات تمارس حياتها الطبيعية على المكشوف .. تلقى واحد سايق الحمارة عشان الاستبضاع من حمار فلان الأصيل
وتتم العملية بالمكشوف تحت النخيل والظلال والبقرة والثور وتيس والغنماية .. لأن الانثي تنظر إلى هذه الاشياء على أنها رمزية التكاثر والخير وأن العائد المادي لا يأتي إلا من خلال
ممارسة الحياة هي تفكر في ( السخلة ، والعجلة والدحيش والعتوت ) الناتج من هذا التواصل ..
حبيبنا عباس أنا أتحدث عن مجتمعات قروية في شمال الجزر وخارجها .. بيئة ( ودالريس .. وبت مجذوب .. شخصيات موجودة في البيئة الزراعية ) .
لأننا في نفير الفيضان أو نفير الحصاد .. في الوقت المستقطع .. جماعة يصلوا .. وجماعة شايلين الدكاي بالجردل .. وجماعة خطين من ( موية التمر )
ثم بعد ذلك يرجع الجميع إلى مواصلة العمل لأن المهم هو الانتاج ولكل واحد منهم وسيلة تيسر الانتاج .. العيب في التواكل والكسل وعدم المشاركة في النفير
ولدى أهلنا نظرية عجيبة جداً .. الزول الساكت هو المصيبة .. يمكن بالعامية ( الحداث ما سواي ) ..
هذا هو التبرير الذي قدمته في بوست أبوحسين ومحمد خليفة ووائل .. ولاحظ مداخلاتي في بوستات القاضي وحتى صلاح غريبة ..
مودتي عباس .. الكتابة بالعامية جميلة جداً وسلسه .. ولكن المشكلة فينا ( عدم الاتقان )
آسف للاخطاء الاملائية .. بكتب أثناء الدوام المسائي ..
مودتي ..
|
Post: #5
Title: Re: توفيق بتاع الضهاري ود القاضي بتاع السفارة
Author: حاتم إبراهيم
Date: 03-30-2016, 04:35 PM
Parent: #1
| في واحد تالت نسيتو | الشريف عرفات.
____
المسيح، أخو الرئيس. |
|
Post: #8
Title: Re: توفيق بتاع الضهاري ود القاضي بتاع السفارة
Author: علي دفع الله
Date: 03-30-2016, 05:55 PM
Parent: #5
اتوقع يا حاتم بوست بعنوان (حاتم ابراهيم العرة)
داخل البوست كلام مجغمس المهم فحواه انك كيف تتطاول على اسيادك اهو كلمتك ..
معليش يا نمس ما نكوع ليك بالبوست اللذيذ دا ..
|
Post: #7
Title: Re: توفيق بتاع الضهاري ود القاضي بتاع السفارة
Author: حامد بدري
Date: 03-30-2016, 05:37 PM
Parent: #1
| Quote: الدفار حار ... الدفار حار ... الدفار حار ... الدفار حار ــــــــــــــ الدفار عايز دقار.... الدفار عايز دقار.... الدفار عايز دقار... |
ههههههههههههههههههههههههههاي كويس الماقالو ليك ورا ورا ورا ورا ورا ورا ورا
النصيحة مدني جاطت يابتاع باظ المزاد وعم خوجلي اتا
مرة واحد توفيييقي راكب الباظ قدامو واحد قاليو ارجع وار قاليو ورا كلو زي ده 
|
Post: #9
Title: Re: توفيق بتاع الضهاري ود القاضي بتاع السفارة
Author: حاتم إبراهيم
Date: 03-30-2016, 06:17 PM
Parent: #1
Quote: اتوقع يا حاتم بوست بعنوان (حاتم ابراهيم العرة)
داخل البوست كلام مجغمس المهم فحواه انك كيف تتطاول على اسيادك اهو كلمتك .. |
|
Post: #10
Title: Re: توفيق بتاع الضهاري ود القاضي بتاع السفارة
Author: nour tawir
Date: 03-30-2016, 08:27 PM
الآخ الفاضل عباس الدسيس..
الاتنين متركشين..
يعنى زى غطى الحلة لما يختوه على جنبة..
والشوربة تغلى فى النار..
فتقوم تتلاعب بالغطى..
يعنى حالة بتاعة عدم القدرة على التركيز..
ومافى حل الا الشوربة تستوى..
وينزلوا الحلة من النار..
|
Post: #11
Title: Re: توفيق بتاع الضهاري ود القاضي بتاع السفارة
Author: محمد البشرى الخضر
Date: 03-30-2016, 08:32 PM
Parent: #10
معقول تذكروا المعلّمين وتنسوا كبيرهم !!
الملتي سيستم البلعب على كل الموجات و الترددات المعروفة أبو استيكة بتاع : يا هذا يا هذا الأمر امر دين
|
Post: #12
Title: Re: توفيق بتاع الضهاري ود القاضي بتاع السفارة
Author: امجد الجميعابى
Date: 03-30-2016, 09:56 PM
Parent: #11
عباس الدسيس يا (غواسة)
علي دفع الله ظهرولك اسياد شفت حكمة الله
بس البوست اتلحس و الله اكان خلى البوست
انا كنت بلملم في عدة شغلي و عايز استلمو (خسوسا)
بعد ما (خسمتك) ما تدخل
لكن افسد علي البهجة بسحبه خيطه الذي كنت ساخيط به
فتوقه المرئية و غير المرئية و المتوقع ظهورها فيما بعد
اخخخخخخخخخخخخ
|
Post: #13
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 03-31-2016, 06:31 AM
Parent: #12
عندنا مثل ومرادف ليهو مثل تاني بعرفوهو المفتحين المثل بقول ... لا تشاكل المجنون لا تخلي المجنون اشاكلك...
كما قالت المناضله تراجي المثليين زمان في الدولة الاسلامية القديمة كان بمعملو ليهم جناح وحسي موجودين في المشروع الحضاري بتاع الانقاذ لذلك يجب الاعتراف بهم وحقوقهم.
ايام الطفولة القبل البلوغ كان معانا واحد بسموهو مربي الاجيال كل اولاد اقومو في الحي اباريهم كم سنة ومنها امسك الجيل البعدهم
الزول دا حكمة الله مع انو فيهو كسرة عندو قبضة حديدية الناس كلها بتخاف تشاكلو او تنشبك معاهو لو شاكلتو ممكن الشكله تستمر كم شهر
وانت قاعد تتونس تحت العامود مع الشلة فجأة تحس زول اداك ام دلدوم في ضهرك او رقبتك لما تستفرغ تتلفت تشوفو تلقاهو مافي
ومن التكتيكات بتاعتو في الشكل المضاربة تكون حاصله والناس تحجز فجأة اقوم جاري منكم امشي ياخذ ليهو لفة بي كم شارع والناس تنسي الشكله تلقاهو ظهر ليك من ركن اللفة وطاااااااااااخ اديك بنية واقوم جاري تاني ،
الشكل معاهو بخليك في عدم استقرار لو رسلوك الدكان تكون تتلفت زي مروحة التربيزة لو ماشي المدرسة تتلصق في الحيط بي ضهرك زي الغنماية الجربانه لو ما عملته كدا بجيك ام دلدوم طاير
مرات رغم المفاجأة في شكلو وبتخليك موتر زمن طويل عندو حاجة ما حبيتا فيهو خالس زمان كانت البلاعات بتاعت الحمامات بتكون في الشارع الزول دا عندو قطعة صفيحة بغرف من البلاعة وبكشحا فيك وقوم جاري.
كمان متلقي حجج لو عاوز ليهو حاجة عندو مداخل عجيبة عشان القي مرادو
كنا زمان في وقت العشاء بنلقط قروش عشان نمشي ناكل الفتة بي موية الجبنة (( كمية من الرغيف بي قروش موية الفول وموية الجبنا بلاش وصحن الشمار والملح بتلقاهم مجدوعات في الشارع الدنيا كانت بخيرا)).
اها الزول دا كان بقعد في حجر الزاوية بتاع الدكان وصاحب الدكان كما يقول اخونا توفيق من ضهاري مدني وراجل مسكين عايز اعيش كل ما اشوف مربي الاجيال صاحبنا جاي بديهو واحد فول ورغيفتين بلاش
لفترة طويلة كنا شاكين الزول دا ((قمبرجي)) أو بمعني تاني ((عجلاتي)) خاصة بتكرش في محلات حساسة كثير تمد ليهو صحن الفتة وتكون واقف منو مترين.
أها والايام ماشة يوم واحد في الشلة اكتشف لينا سر مربي الاجيال بدوهو عشا بلاش ليه!!!!!!!!
يوم مربي الاجيال قال لي زول الضهاري بتاع الدكان ديني واحد فول وبتاع الدكان دا كان كسرت رقبتك ما بدينك
تاني يوم كان في حفلة في الحي والفنان من الخرطوم واحنا ناس الضهاري لما اقولو لينا فنان من الخرطوم بنوم ثلاثة يوم عشان نكون جاهزين للحفلة للصباح ونلملم كراسيها والفنان منو ... حمد الريح... جابو الكلام شالو الكلام زادوهو حبه ظاهر عليك صدقتهم....
من الفترة ديك اتلصق بي ذهني حمد الريح فنان الشفع الصغار.
اها بتاع الدكان اليوم دا حقو ببيع فيهو علي الاقل قدرتين فول وكان ناس الدكاكين بشدو الفول بي الليل في الشارع ومواعيد الحفلة الناس انبهلت في بتاع الدكان وشال الكمشة واتوجه لي قدرة الفول
اول طلب فول بعبي في الصحن جات طالعة مع الكمشة ام سيسي ميتة ((ام سيسي بت الفار لي الناس الما من الضهاري)) .
الراجل المسكين كرش اي حتة في جسمه حساسة وغير حساسة وقعد اتلفت .
كان القي ليك مربي الاجيال قاعد بعيد الولح في راسو بي انبساطة .... والثورة انتصرت وضرب العابسين بيد من حديد...
و صاحب الدكان طلع بريء من القمبرجية كبراءة الذئب من دم يعقوب.
ومن ديك بقي بتعشي بلاش فول وليس فتة غايتو يا ود القاضي مع ناس السفارة الا تشوف ليك ام سيسي وترميها في حوش السفارة وتجيب ليهم ناس الUN .
|
Post: #14
Title: Re: توفيق بتاع الضهاري ود القاضي بتاع السفارة
Author: Khalid Saeed
Date: 03-31-2016, 06:37 AM
Parent: #12
هههههههههههههههههههههههههههههههههههههههههههههههههههه
عباس الدسيس .. الرجل الذي فقد ظلــــــــــــه
هههههههههههههههههههههههههههههههههههههههههههههههههههه
|
Post: #15
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 03-31-2016, 07:01 AM
Parent: #14
Quote: هههههههههههههههه
عبس لمن يتجلى
يلا تعال نحن في الانتظار |
حبيبنا علي دفع الله
اخبارك يا وجيه
أها رشينا ليك بتاعت السفارة في قدرة الفول
تحياتي وتقديري
|
Post: #16
Title: Re: توفيق بتاع الضهاري ود القاضي بتاع السفارة
Author: عبد العزيز محمد عمر
Date: 03-31-2016, 07:18 AM
Parent: #15
Quote: الدفار حار ... الدفار حار ... الدفار حار ... الدفار حار ــــــــــــــ الدفار عايز دقار.... الدفار عايز دقار.... الدفار عايز دقار....
|
دا موقف بصات ولا مؤتمر الذكر والذاكرين
تسلم يا ركس على التجليات الصباحية
|
Post: #17
Title: Re: توفيق بتاع الضهاري ود القاضي بتاع السفارة
Author: ALWALEED ALSHEIKH
Date: 03-31-2016, 07:23 AM
Parent: #15
تحياتي يا عباس غايتو انت و صاحبك درديري فاكهة المكان ده.
و يا سلام عليك عندك قدرة عجيبة على رسم البسمة و انتزاع الضحكة.
تحياتي يا محترم يا غالي.
|
Post: #20
Title: Re: توفيق بتاع الضهاري ود القاضي بتاع السفارة
Author: علي دفع الله
Date: 03-31-2016, 08:09 AM
Parent: #12
امجد الجميعابي يا صديقي
تتخيل بعد العمر الطويل دا ظهروا لي اسياد فجعتن ههههه
لكن ولا يهمك اعتذرت لي سيدي الشريف عرفات لتطاولي على المقامات السامية وانتهى الامر ..
عدة شغلك محتاجنها لليوم الاسود مش لي سفاسف الامور ..
كن بخير يا صديق ..
|
Post: #18
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 03-31-2016, 07:36 AM
Parent: #1
مكرر
|
Post: #19
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 03-31-2016, 08:01 AM
Parent: #18
Quote: ياعبس هسع حيجي يصرف ليك روشتة خسيس
مالك نسيت عمك صديق مهدي |
عادل الباهي يا حبيبنا
اخبارك دا لو ما عمل لي صاجات وابنص
زولك دا براهو كوم عايز ليهو انجداعه براها
تحياتي وتقديري
|
Post: #21
Title: Re: توفيق بتاع الضهاري ود القاضي بتاع السفارة
Author: محمد مجيدو
Date: 03-31-2016, 08:32 AM
Parent: #1
| Quote: عندنا مثل ومرادف ليهو مثل تاني بعرفوهو المفتحين المثل بقول ... لا تشاكل المجنون لا تخلي المجنون اشاكلك... |
يا ركس .... سلام
بما انني من المفتحين وكدا ...
علا المثل المرادف دا ... قدر ما حكيت راسي ما عرفتو ...
ممكن تتكرم تقولو لينا عشان نتثقف ... ومنكم نستفيد ....
بمناسبة المجانين دي....
مرة من زات المراريط .. في الزمن الاغبر ..
كنت مجكس لي بت اخوها مجنون رسمي وشعبي
اها شافني مرة ماشي معاها ... وعيييك ... شال سكينة وسكاني ..
وكل ما يشوفني في اي ملف .. يدور معااي شكلة بعجاجتااا .. من غير اي سبب ..
كرهني الحبكانة ... لامن اعتزلت اللعب زاتو ....
عالم بطااله ....
|
Post: #22
Title: Re: توفيق بتاع الضهاري ود القاضي بتاع السفارة
Author: توفيق عيسى مكي
Date: 03-31-2016, 09:28 AM
Parent: #21
احييك ايها الجميل عباس الدسيس حتى في نقدك انسان مهزب راقي جعلتني ابتسم احتراما لك هذا الصباح
|
Post: #23
Title: Re: توفيق بتاع الضهاري ود القاضي بتاع السفارة
Author: درديري كباشي
Date: 03-31-2016, 09:34 AM
Parent: #22
أخيرا
عباس الدسيس جعل توفيق يبتسم
والله انجاز يا عبس
ويا توفيق ما مستاهلة ياخ الدنيا دي تقعد تشلت في الناس شمال ويمين
مش تبقى علينا وأنت والظروف خلينا معاها هي بس أو على الأقل أعلن هدنة لمدة سنة ..
كسرة
تحايا لكل الضيوف في واحدة من دوحات عباس الوريفة
|
Post: #24
Title: Re: توفيق بتاع الضهاري ود القاضي بتاع السفارة
Author: توفيق عيسى مكي
Date: 03-31-2016, 09:34 AM
Parent: #22
بعمر وجودي في هذا المنبر ما تداخلت مع اي شخص في موضوع هو فاتحه الا بما يفيد الناس وبكل ادب وتهذيب
احترم الانسان المحترم
الاغلبية هنا اخاطبهم بكلمة استاذي ليس تواضعا فحسب او ادبا
ولكن كان بفضل توجيهاتهم لي ان تطور اسلوب كتاباتي (اذا مسحنا بعض الصور السالبة التي صدرت مني فلست بملاك بل بشر)
اكرر احترامي الشديد لك
|
Post: #25
Title: Re: توفيق بتاع الضهاري ود القاضي بتاع السفارة
Author: عادل الباهي عبدالرازق
Date: 03-31-2016, 10:21 AM
Parent: #24
Quote:
بعمر وجودي في هذا المنبر ما تداخلت مع اي شخص في موضوع هو فاتحه الا بما يفيد
الناس وبكل ادب وتهذيب
احترم الانسان المحترم
الاغلبية هنا اخاطبهم بكلمة استاذي ليس تواضعا فحسب او ادبا
ولكن كان بفضل توجيهاتهم لي ان تطور اسلوب كتاباتي (اذا مسحنا بعض الصور السالبة التي
صدرت مني فلست بملاك بل بشر)
اكرر احترامي الشديد لك |
|
Post: #26
Title: Re: توفيق بتاع الضهاري ود القاضي بتاع السفارة
Author: حاتم إبراهيم
Date: 03-31-2016, 10:30 AM
Parent: #1
| Quote: بعمر وجودي في هذا المنبر ما تداخلت مع اي شخص في موضوع هو فاتحه الا بما يفيد الناس وبكل ادب وتهذيب |
| ربع الحقيقة | لكن مواضيعك (الانت بتفتحها) تفتقر للأدب والذوق والاحترام، فلما تخاطب النساء بألفاظ خارجة فانت تسيء لأخواتنا وأمهاتنا، ولأسرتك بالتأكيد.
ولما تصنف نفسك بأنك من سلالة ملوك وأمراء وتقعد تعدد ممتلكاتك وتصف وضعك السابق وميلك الشابق ونسبك الدابق فهذا لن يثير سوى الضحك والاشمئزاز.
لبساطة أفقك وقصور تفكيرك.
____
بعدين خرتوم شنو الفرحان بيها دي؟ |
|
Post: #27
Title: Re: توفيق بتاع الضهاري ود القاضي بتاع السفارة
Author: امجد الجميعابى
Date: 03-31-2016, 10:38 AM
Parent: #26
| Quote: لا تشاكل المجنون لا تخلي المجنون اشاكلك. |
دا تزوير في امثال رسمية
|
Post: #28
Title: Re: توفيق بتاع الضهاري ود القاضي بتاع السفارة
Author: عبدالحفيظ ابوسن
Date: 03-31-2016, 11:54 AM
Parent: #27
يا قول المثل عديل يا جليهو
ما تفسد لينا التراث السوداني
قال شنو
قال الشقي يعتر ليهو ضلو
|
Post: #29
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 03-31-2016, 01:10 PM
Parent: #28
Quote: موبااااااااالغة
واللهي يا عبس خايف ليك من سلة مهملات و مردغة جديدة لكن مافي طريقة
شوف لينا بتاع حلة الحشرو عباس دا |
Salah Zubeir يا حبيبنا اخبارك
المرغة اتعودنا عليها لما الواحد فينا بقي زي الدحش
الحشرو عباس نزلتها ليك كان رجعت فوق
بس بحكاية الحشرو عباس ما صدقتها الا بعد شرحتها ليك
في واحدة من مدن السودان عندهم فريق وراء المدينة مسمينو بالرطانة
وقت تقولو بالرطانة تشعر الكلمات موسيقيه فكنت دائما بردد اسم الفريق
وقت كترتها الناس بقت تعاين لي بي اندهاشة
بعد فترة عرفته المعني بالعربي تصدق الترجمة لاسم الفريق ((........أم العرب))
|
Post: #30
Title: Re: توفيق بتاع الضهاري ود القاضي بتاع السفارة
Author: عبدالكريم أحمد الامين
Date: 03-31-2016, 01:29 PM
Parent: #28
** عباس الدسيس ..
** سلام وتحايا.. **
كدى شوف لينا إعراب العباره دى :-
( انسان مهزب) - وممكن تضيفا للمثل الذى قمت بتزويره ...
والعارف عزو مستريح ...." كما قال :- ................"
** عندما تكثر المواسير فى الساير .. يختفى أنقياء الضمائر "مثل من دولة الضهارى " .... وعجبى !!!!
|
Post: #31
Title: Re: توفيق بتاع الضهاري ود القاضي بتاع السفارة
Author: امجد الجميعابى
Date: 03-31-2016, 01:54 PM
Parent: #30
هاك المثل دا كمان
مجنون بن....... في ميت لمان الميت قعد يعيط
|
Post: #33
Title: Re: توفيق بتاع الضهاري ود القاضي بتاع السفارة
Author: فرح الطاهر ابو روضة
Date: 03-31-2016, 02:01 PM
Parent: #30
أمانة في ذمتك
المثل بقول كده
ههههه
|
Post: #34
Title: Re: توفيق بتاع الضهاري ود القاضي بتاع السفارة
Author: فرح الطاهر ابو روضة
Date: 03-31-2016, 02:01 PM
Parent: #30
أمانة في ذمتك
المثل بقول كده
ههههه
|
Post: #32
Title: Re: توفيق بتاع الضهاري ود القاضي بتاع السفارة
Author: حاتم إبراهيم
Date: 03-31-2016, 02:00 PM
Parent: #1
| Quote: عندنا مثل ومرادف ليهو مثل تاني بعرفوهو المفتحين المثل بقول ... لا تشاكل المجنون لا تخلي المجنون اشاكلك... |
Quote: بما انني من المفتحين وكدا ...
علا المثل المرادف دا ... قدر ما حكيت راسي ما عرفتو ... |
| Quote: دا تزوير في امثال رسمية |
Quote: يا قول المثل عديل يا جليهو
ما تفسد لينا التراث السوداني |
| والله كلكم عارفين المَسَل المقصود | يعني يجيب ليكم المرادف وبينو وبين المثل المقصود "قيد أنملة".
ويلمح ليكم بالعملو عباس في الحلة.
وبرضو دايرنو يقولو عديل.
____
هو الله مرقو "قيد أنملة" من صاجات المجنون، ترجعوهو ليها "حركة ورا"؟ |
|
Post: #35
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 03-31-2016, 03:51 PM
Parent: #32
Quote: Hajaj Alssadig Ali Ahmed ·
صدقت يادسيس فيما يخص بذوق أهل الضهاري في اللبس والحب إلا من رحم ربي .. وبعدين حكاية الخلعة والحب من أول نظرة وبعد داك القبض على جمر القضية مع قليل من الوحوحه من وقت لآخر .. حكاية زولكم الفيهو كسرة وبنيتو قويه أنا ما عارف السر في دا شنو لكن إصطلاحاً تسمى لكمه خواف وفي مثل كده انا ما متذكروا لكن بقول ليك النوع دا أحسن تتفادى بنيتو لأنها حقتو وحقت غيرو ... تحياتي أبوعمرو
|
Hajaj Alssadig Ali Ahmed يا حبيبنا
شكرا ليك كثير لرفد البوست بالمشاركة
غايتو حقتو وحقت غيرو مباااااالغة كمان شايف حامد بدري صاحبي لحقك جري ما عندو صبر اقابض تحت وفوق
Quote: حامد بدري ·
هههههههههههه مالكمت خواف لكمة زولن بروتينو عالي
|
|
Post: #36
Title: Re: توفيق بتاع الضهاري ود القاضي بتاع السفارة
Author: محمد مجيدو
Date: 03-31-2016, 04:25 PM
Parent: #1
Quote:
عندنا مثل ومرادف ليهو مثل تاني بعرفوهو المفتحين المثل بقول ... لا تشاكل المجنون لا تخلي المجنون اشاكلك... |
شايف الناس مركزين على المثل ...
ومافي زول داير يورينا الحقيقه ...
اها انا زول دغري وما بعرف اللولوة ... وبفت الموضوع واليحصل يحصل ...
وبعد تعب وتنقيب شديد وجدت ان المثل المرادف هو ....
لا تكتل العوير ... ولا تخليه يكتلك .....
هو ولا مش هو .. يا متعلمين يا بتوع المدارس ؟؟؟؟
عالم بطاااله ....
|
Post: #37
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-03-2016, 05:21 AM
Parent: #36
Quote: حبيبنا عباس .. لقد وصلت لما كنت اصبو إليه .. لقد قمت بمداخلات كثيرة جداً .. في بوستات متعددة ..
بأن ثقافتنا في القرى النائية عندنا في الشمال وداخل الجزر المعزولة تتمتع بطريقة محببة للونسة
الجلسة لابد أن تضم ( الكضاب الغير مضر .. المفتري .. والمتعالي .. وأعمامنا من كانوا في مصر .. وواحد ماخد كأسين عرقي تمر أو دكاي ..
المدرس .. ممرض الشفخانة .. كمان تكون مارة بالجنب أخت الرجال المسترجلة .. زي بت مجذوب في رواية موسم الهجرة .. إلخ ) تجد هناك مسرح في الهواء الطلق
.. الرواويس يتحدوا الترابلة .. ويحلو الحديث .. حتى من الكضاب أو المفتري ولو أي واحد فيهم غائب .. ( يا ولد أمشي نادي لينا فلان ) .. ولأن لست مديني ولكن أكيد
في مجتمع المدن في ( الأندية .. ومواقف البصات .. الاسواق ) هناك شخصيات مصرح لهم بالبوح كما يريدون .. لأنهم في الأصل ليسوا سيئين ولكن هذا طبعهم ..
كنا نسمعهم يتبادلون الكلام الغليظ ومن أشخاص معينين .. فقط يتم نصحهم عندما يكون هناك ضيف من خارج المنطقة .. (أوعك في ضيوف)
ياسلام على المشرع في ضفاف النيل مع الرياح النو .. تلقى كلهم إجتمعوا .. وهاك يا عكننة وحديث وونسة وحتى غلظة في القول .. بيئة عادية الحياة تسير فيها بنقاء
وطهر مجرد ألفاظ ولكن لا أحد فيهم يتجرأ الفعل .. إلا الحيوانات تمارس حياتها الطبيعية على المكشوف .. تلقى واحد سايق الحمارة عشان الاستبضاع من حمار فلان الأصيل
وتتم العملية بالمكشوف تحت النخيل والظلال والبقرة والثور وتيس والغنماية .. لأن الانثي تنظر إلى هذه الاشياء على أنها رمزية التكاثر والخير وأن العائد المادي لا يأتي إلا من خلال
ممارسة الحياة هي تفكر في ( السخلة ، والعجلة والدحيش والعتوت ) الناتج من هذا التواصل ..
حبيبنا عباس أنا أتحدث عن مجتمعات قروية في شمال الجزر وخارجها .. بيئة ( ودالريس .. وبت مجذوب .. شخصيات موجودة في البيئة الزراعية ) .
لأننا في نفير الفيضان أو نفير الحصاد .. في الوقت المستقطع .. جماعة يصلوا .. وجماعة شايلين الدكاي بالجردل .. وجماعة خطين من ( موية التمر )
ثم بعد ذلك يرجع الجميع إلى مواصلة العمل لأن المهم هو الانتاج ولكل واحد منهم وسيلة تيسر الانتاج .. العيب في التواكل والكسل وعدم المشاركة في النفير
ولدى أهلنا نظرية عجيبة جداً .. الزول الساكت هو المصيبة .. يمكن بالعامية ( الحداث ما سواي ) ..
هذا هو التبرير الذي قدمته في بوست أبوحسين ومحمد خليفة ووائل .. ولاحظ مداخلاتي في بوستات القاضي وحتى صلاح غريبة ..
مودتي عباس .. الكتابة بالعامية جميلة جداً وسلسه .. ولكن المشكلة فينا ( عدم الاتقان )
آسف للاخطاء الاملائية .. بكتب أثناء الدوام المسائي ..
مودتي ..
|
حبيبنا علي عبدالوهاب سلام وتحية
مداخلتك لوحة جميلة التنوع اساس الحياة
ولمة الونسة جمالها في التباين والاختلاف
مداخلاتك في البوستات المختلفة متزنة
شاكر ومقدر ليك مع خالص تحياتي
|
Post: #38
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-03-2016, 05:25 AM
Parent: #37
Quote: في واحد تالت نسيتو
الشريف عرفات.
____
المسيح، أخو الرئيس. |
حاتم يا حبيبنا سلام
اللستة طويلة اصبر يا الحبيب شغالين بالدور
|
Post: #39
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-03-2016, 05:27 AM
Parent: #38
Quote: اتوقع يا حاتم بوست بعنوان (حاتم ابراهيم العرة)
داخل البوست كلام مجغمس المهم فحواه انك كيف تتطاول على اسيادك اهو كلمتك ..
معليش يا نمس ما نكوع ليك بالبوست اللذيذ دا .. |
سلام حبيبنا علي
ولايهمك البيت بيتك
تحياتي وتقديري
|
Post: #40
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-03-2016, 05:31 AM
Parent: #39
Quote: ههههههههههههههههههههههههههاي كويس الماقالو ليك ورا ورا ورا ورا ورا ورا ورا
النصيحة مدني جاطت يابتاع باظ المزاد وعم خوجلي اتا
مرة واحد توفيييقي راكب الباظ قدامو واحد قاليو ارجع وار قاليو ورا كلو زي ده |
حامد بدري يا صديق اخبارك
بما انو الود جيجيو((مجيدو)) مجتهد في التفسير لو لا دخول ابوروضة كنت عايز اهدي ليهو البوست دا النو القطر ما بمشي حركة وراء
|
Post: #41
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-03-2016, 05:38 AM
Parent: #40
Quote: الآخ الفاضل عباس الدسيس..
الاتنين متركشين..
يعنى زى غطى الحلة لما يختوه على جنبة..
والشوربة تغلى فى النار..
فتقوم تتلاعب بالغطى..
يعنى حالة بتاعة عدم القدرة على التركيز..
ومافى حل الا الشوربة تستوى..
وينزلوا الحلة من النار.. |
اختنا نور سلام وتحية
زارتنا البركة
نورتي البوست
نتمني اللحمة ما تكون لي خروف عجوز انتظارنا بكثر
تحياتي وتقديري
|
Post: #42
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-03-2016, 05:40 AM
Parent: #41
Quote: معقول تذكروا المعلّمين وتنسوا كبيرهم !!
الملتي سيستم البلعب على كل الموجات و الترددات المعروفة أبو استيكة بتاع : يا هذا يا هذا الأمر امر دين |
سلام يا باشمهندس
الذي علمهم السحر عايز ليهو مجلد كامل
تحياتي وتقديري
|
Post: #43
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-03-2016, 05:45 AM
Parent: #42
Quote: عباس الدسيس يا (غواسة)
علي دفع الله ظهرولك اسياد شفت حكمة الله
بس البوست اتلحس و الله اكان خلى البوست
انا كنت بلملم في عدة شغلي و عايز استلمو (خسوسا)
بعد ما (خسمتك) ما تدخل
لكن افسد علي البهجة بسحبه خيطه الذي كنت ساخيط به
فتوقه المرئية و غير المرئية و المتوقع ظهورها فيما بعد
اخخخخخخخخخخخخ |
امجد الجميعابي والله شوقنا بحر ليك والخال ودالموج
الراجل دا اصبح حرا طليقا ما تشوف ليك خميس ونختف رجلنا ليهو
مسجلك بي مليون جوال كل ما اتصل في واحد القاهو مقفول
|
Post: #45
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-03-2016, 05:50 AM
Parent: #43
Quote: هههههههههههههههههههههههههههههههههههههههههههههههههههه
عباس الدسيس .. الرجل الذي فقد ظلــــــــــــه
هههههههههههههههههههههههههههههههههههههههههههههههههههه |
أووووووووو حبيبنا خالد اخبارك
بقينا ماشين ام فكو ساكت هههههههههه
صاحبك ياسر العيلفون لما اشم ليهو كركبة في بوست بتاوق من بره ما بخش
|
Post: #44
Title: Re: توفيق بتاع الضهاري ود القاضي بتاع السفارة
Author: جلالدونا
Date: 04-03-2016, 05:49 AM
Parent: #40
| Quote: لا تكتل العوير ... ولا تخليه يكتلك ... |
مجيدو يا حرف الصاجة بطّل لخبتة
المثل بقول
لا تركب الحمار لا تخلى الحمار يركبك
و اظنو اقرب للدقارات البقت توافيق دى
اها التباديل تكون شنو يا ربى
|
Post: #46
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-03-2016, 05:54 AM
Parent: #44
Quote: دا موقف بصات ولا مؤتمر الذكر والذاكرين
تسلم يا ركس على التجليات الصباحية |
سلام وتجية حبيبنا عبدالعزيز
الله اديك العافية والصحة
شاكر ومقدر
|
Post: #47
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-03-2016, 06:44 AM
Parent: #46
Quote: تحياتي يا عباس غايتو انت و صاحبك درديري فاكهة المكان ده.
و يا سلام عليك عندك قدرة عجيبة على رسم البسمة و انتزاع الضحكة.
تحياتي يا محترم يا غالي. |
حبيبنا الوليد سلام وتحية
عاجز عن الشكر وم خلالك التحية للكاتب الكبير صديقنا ابوالدر
مع خالص الود والتقدير
|
Post: #48
Title: Re: توفيق بتاع الضهاري ود القاضي بتاع السفارة
Author: Yousuf Taha
Date: 04-03-2016, 07:00 AM
Parent: #47
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
|
Post: #49
Title: Re: توفيق بتاع الضهاري ود القاضي بتاع السفارة
Author: أحمد الشايقي
Date: 04-03-2016, 09:46 AM
Parent: #46
هلا يا عباس
تستحق جائزة أطعم بوست في سودانيز أونلاين في الألف سنة الماضيـة
ياخي خليتني أضحك في الدوام وأعمل فيها (بقـــح) من الاحراج
دا كلام ما بقدر أفهموا ليهم عشان يعرفوا سبب الضحك .. أذن أجليهم احسن
حكايتك دي ذكرتني حكاية الفلوكسواجن .. لما الاقيك بحكيها ليك ... حظك طالبني حكاية
المهم اكتر انك توصلت فعلا لاختيار أفضل ظريفين في المنبر فعلا بكل تأكيد
شيخ توفيق حاصل على حمايتي وتشجيعي ليهو رغم اني من ناس الضهاري بس هو كمان عامل لي استثناء ..
ما لمينا في استثناءات العربات والحاجات السمينة .. قلنا نكتفي باستثناء شيخ توفيق
والاخ القاضي دا طوالي شغال استغاثات .. لو بقرا استغاثات ناس طنطا كان الان بقى شيخ الامين فرع مصر المؤمنة
ياخي ليك تحية وطبعا حنسكن هنا اتحملنا ياخ
تحياتي
أحمد الشايقي
|
Post: #50
Title: Re: توفيق بتاع الضهاري ود القاضي بتاع السفارة
Author: Hassan Makkawi
Date: 04-03-2016, 10:47 AM
Parent: #49
|
Post: #51
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-03-2016, 12:47 PM
Parent: #50
Quote: يا ركس .... سلام
بما انني من المفتحين وكدا ...
علا المثل المرادف دا ... قدر ما حكيت راسي ما عرفتو ...
ممكن تتكرم تقولو لينا عشان نتثقف ... ومنكم نستفيد ....
بمناسبة المجانين دي....
مرة من زات المراريط .. في الزمن الاغبر ..
كنت مجكس لي بت اخوها مجنون رسمي وشعبي
اها شافني مرة ماشي معاها ... وعيييك ... شال سكينة وسكاني ..
وكل ما يشوفني في اي ملف .. يدور معااي شكلة بعجاجتااا .. من غير اي سبب ..
كرهني الحبكانة ... لامن اعتزلت اللعب زاتو ....
عالم بطااله .... |
مجيدو يا وجيه اخبارك يا حبيبنا
غايتو الصورة بتاعتك القديمة لو ما فيها فتوشوب ولعب ليك فيها البشاري وهي حقيقه تكون مكسر الجكس
دنيا يا مجيدو ... وتلك الايام نداولها بين الناس... لو لا كدا كان في ناس ركبو القطر
|
Post: #52
Title: Re: توفيق بتاع الضهاري ود القاضي بتاع السفارة
Author: علي عبدالوهاب عثمان
Date: 04-03-2016, 12:58 PM
Parent: #51
حبيبنا عباس ..
كنت أسمع سواقين اللواري عندما يقولوا للمساعد خت دوقار للوري ( قطعة خشب أو حجر تمنع تدجرج اللواري )
لا أعرف يمكن زمان مافي فرملة اليد .. وفي سواقينا لوقف دوران الحلقة نستخدم قطعة خشب تسمى ( موشوق ) هو نفس ( الدوقار )
الراجل يمكن يكون قصد ( الاعتراض أو الايقاف أو الخجز ) يعني ( Obstacle )
مودتي عباس ..
|
Post: #53
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-03-2016, 01:24 PM
Parent: #52
| Quote: احييك ايها الجميل عباس الدسيس حتى في نقدك انسان مهزب راقي جعلتني ابتسم احتراما لك هذا الصباح |
حبيبنا توفيق اخبارك والاهل
تعرف يا توفيق القلوب شواهد
اهلنا ناس الغرب بقولو في المثل ... ابو القدح بعرف اعضي اخو وين....
ياخوي انا ذاتي امير زيك اهلي ماسكين ودرو والملازمين معاكم من ناحية ام الوالد
اها ناس ابو الوالد قام عليهم الخليفة عبدالله التعايشي طردم من ام درمان وطشو في ضهاري السودان
كل واحد اقعد ليهو في حدبه اقطع اسم من راسو بعد شويه بقينا اصحاب الضهاري
لو الواحد قال امير الناس بتقول الزول دا جن ........((انشاءالله اكون اخذت امتياز عندك زي ود الشايقي))
الزمن اتغيير يا توفيق الانقاذ خلت الناس كلها كشا مشا
انت احمد الله لا حرامي لا ظلمت زول الاثنين ديل اخلوك اميرا الامراء.
بالله يا توفيق اخطف رجلك واطلع علي ضهارينا بعد الحالة المعيشية السيئة والله تاني لو قالو ليك ارجع ما ترجع
الخرطوم وامدرمان ظهرو ليها ناس جدد ما معروفين من وين ياكلو الاخضر واليابس اكعب من قوم ياجوج ما جوج
شاكر ومقدر لحضورك للمفترع
|
Post: #54
Title: Re: توفيق بتاع الضهاري ود القاضي بتاع السفارة
Author: حاتم إبراهيم
Date: 04-03-2016, 01:32 PM
Parent: #1
| Quote: الراجل يمكن يكون قصد ( الاعتراض أو الايقاف أو الخجز ) يعني ( Obstacle ) |
| بيكون، فعلاً | ما هو اللمير توفيق عمل دا كلو
وسماهو اختصاراً "دقار".
التكنيك ما مهم، يعني ممكن تكون فلنكة، سيخة، ماسورة، البيدقروا بيها دي.
___
المهم الدافع. |
|
Post: #55
Title: Re: توفيق بتاع الضهاري ود القاضي بتاع السفارة
Author: Ahmed Yassin
Date: 04-03-2016, 01:52 PM
Parent: #54
عباس يا دسيس
اها انا زاتو الزول المعنون بعلم الوصول
. لمن توفيق صجبك قال لي جانا واحد اسمو احمد في الشقة وعايزينحلنا
مع انه تيفة زاتو نحل وكان بدس القروش في شرابو المقطع محل صباعو الكبير
وانا بقرأ في كلامو ولمن وصلت للحتة بتاعت .. (وانا اشتغلت فيهو دقارات)
علي الحرام لمن بقيت اتلفت
الله يقطعو
|
Post: #56
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-03-2016, 03:13 PM
Parent: #55
Quote: أخيرا
عباس الدسيس جعل توفيق يبتسم
والله انجاز يا عبس
ويا توفيق ما مستاهلة ياخ الدنيا دي تقعد تشلت في الناس شمال ويمين
مش تبقى علينا وأنت والظروف خلينا معاها هي بس أو على الأقل أعلن هدنة لمدة سنة ..
كسرة
تحايا لكل الضيوف في واحدة من دوحات عباس الوريفة |
ابوالدر يا صديق اخبارك والاسرة الكريمة
توفيق راجل لذيذ ما بضحك او بداخل الا مع الناس العندهم جزور ملكية او امراء زي حالتنا
اما انتو النصكم من كسلا وربعكم من الشمالية والباقي تامنو بمدني ناس ضهاري
غايتو توفيق لو عرفكم رحلتو الخرطوم عجاجتك تقوم هنا في المنبر اعمل نايم بس ما تجيب سيرا
تحياتي يا وجيه
|
Post: #57
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-03-2016, 03:26 PM
Parent: #56
Quote: يا قول المثل عديل يا جليهو
ما تفسد لينا التراث السوداني
قال شنو
قال الشقي يعتر ليهو ضلو |
ودابوسن امير الضهاري
انتو يا ناس كوستي بتقعدو الكلام
نميري زمان قال ليكم مويتكم بدور العربية
وحاجاتكم نضيفة
حكاية الزول النحل الدقر ليهو توفيق ياريت لو كنت مصاحب توفيق زمان ايام كوستي عدنكم الحديقه الفيها الشية الخطيرة
اها كان معانا زول بعد ما ناكل الشية بالليل الصحن اقرب افضي الراجل اقوم جري علي المغسلة بتاعت البرميل ومنها للعربية
الحكاية طوالي بعملها مع دفع الحساب تمشي تلقاهو بفرك في يديهو اقول ليك البرد البرد الدنيا كانت شتاء
ما لقينا ليهو طريقة خالص
اها توفيق لو كان معانا والله زولنا كان رجع الخرطوم كداري
|
Post: #58
Title: Re: توفيق بتاع الضهاري ود القاضي بتاع السفارة
Author: عبدالحفيظ ابوسن
Date: 04-03-2016, 09:13 PM
Parent: #57
هههه ان شاء الله امارة بي عزها
اخونا علي موسي كان صاحب مزاج دخاني ! ركب بص ابوشريف الصباح وماشي الشغل . شماعة ركبت بعدو بت وكانت قدامو . مع تزايد الناس اتلصقت عليهو
فجأة كدة نهرتو ليك قدام الناس ونهزرتو .. زولنا خت صاجات تقيلة !
وهي بتنبذ فيهو والناس تعجبك ! حتي المصيجين الاخرين نظروا له شماتة
اها طوالي هو رد
يا ناس هوي .. شفتوني براكم ركبت قدامها .. وهي براها جات علي .. اها يعني تاني لو مارق اختو في البيت واجي اركب البص
البنت نزلت طوالي
|
Post: #59
Title: Re: توفيق بتاع الضهاري ود القاضي بتاع السفارة
Author: مني عمسيب
Date: 04-03-2016, 09:26 PM
Parent: #58
ازيكم .. ياخواني ..
الجيران نائميين ..ضحكة يوسف ود طه جابتني من الشارع التاني !
انتوا يقع فيكم عدوي خالد ود المبارك
| Quote: هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه |
|
Post: #60
Title: Re: توفيق بتاع الضهاري ود القاضي بتاع السفارة
Author: جلالدونا
Date: 04-03-2016, 10:16 PM
Parent: #59
صاحبنا ود الحاجة كان الفتوة الاشهر فى حلتنا
و مرضان بالحاجة دى
يوم مع زحمة الصباح و الطلبة ديك ركب قدامنا الباص و راح متوافق فى الود القدامو طوالى
صاحبى عباس واقف بى وراهو طوالى لفتنى للحتة دى
اتوسوسنا و نوينا ليهو النية الكعبة
قوووم يا عباس اتوافق مع مد الحاجة ذات نفسو
و الململة و الدفيّر حصل و البنية دورّت و دقيناهو دق العيش
و الباص وقف و الركاب نزّلوهو تشيعو اللعنات
و هو بى تحت حلف بى التكتل امو لو ما عمل لينا تباديل ما ياكل
... التباديل هى المشهد الكامل للتوافيق من غير هدوم ....
اياميها
السؤال الكان جارى على لسان ناس الحلة صغار و كبار
رجال و نساء
ود الحاجة اكل وللا لسه ؟
|
Post: #61
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-04-2016, 05:52 AM
Parent: #60
اخر مقال نزل للكاتب الكبير والصحفي ود القاضي بصفحة المقالات بسودانيز اون لاين حاولت احصر الاخطاء الاملائية غلبني دي ما مشكله المشكلة الكبري المقال كلو (( دخل ...زكر)) اخير منو دقارات توفيق
غايتو يا باشمهندس بكري بقيت ترش المقالات كوبي بست اليكم المقال التحفة لودالقاضي الاخطاء الاملائية انسو شوفو التعبير والصياغ.
الي المقال:
Quote:
جديدمن الرئيس عمر البشير بحرب جديدة فى اقليم دارفور وابادة جماعية جديدة , حدث اكد الرئيس عمر البشير بانه جهاز بل قام بوضع خطط عسكرية , لدك كل المعاقل التى هى تخدع للحركات المسلحة باقليم دارفور , وارسل الرئيس عمر البشير برسال تهديدية مباشرة للحركات المسلحة متحديا المفاوضات التى كان يتحدث عنها النظام الحاكم , و هذه التصريحات التى خرجت علي لسان الرئيس عمر البشير , تنسف الحوار الوطنى الذي كان يروج له النظام الحاكم , ويؤكد كل ما كتبناه عن , تلك التنظيمات الارهابية التى تقود الحوار الوطنى بالسودان .
ان الدهديداتالتى ارسلها الرئيس عمر البشير من خلال خطابه الاخير بدارفور وكان الخطاب بعديد عن مناطق العمليات العسكرية , ان اهم هذه التهديدات عى اهدار دم قائد احدى حركات التمرد (عبدالواحد نور) حيث انه زكر اسمه بالتحديد فى خطابه بمدينة زالنجى .
ان الحوار الوطنى الذى طرحه النظام الحاكم فى السودان كان مقدمة لابادة جماعية جديدة سوف تحدث باقليم دارفور , فشل الحوار الوطنى هذا لان كل من دخل فى حوار مع حكومة الرئيس البشير لانهم هم عملاء للنظام الحاكم وعلى راسهم الامام الصادق المهى و السيد محمد عثمان الميرغنى , لانهم تناسوا محاسبة مجرمى الحرب , و القبض على الرئيس السودانى عمر حسن احمد البشير .
نقول لهم انتم تتحملون كل ما يحدث لنا و ما يحدث فى السودان من جرائم , الان الرئيس عمر البشير يوجه التهديدات , ويعلن الحرب وانتم , تسكتون, على هذه التصريحات . و هنا العار يظهر فى جبين المعارضة السودان و هذا العار يلبسه الصادق المهدى و محمد عثمان الميرغني .واصل الرئيس عمر البشير بتهدياتهلعبدالواحد نور ليكسب بعض العطف ويحاول ان يخلق فجوة بين صوف جنوده , يقول لهم انتم تحاروبون النظام وتموتون لسنوات وعبد الواحد نو يعيش في فنادق خمسة نجوم بباريس ويترك مواطني دارفور يكتوون بنيران الحرب .
نذكر هذا الاحمق الرئيس البشير انكم وتنظامكم الحاكم من قبل كنتم , تشنون حملة ضد المعارضة بالقاهرة و تقولون نفس هذا الكلام , واثبتم انهم يخالفون القانون نقول لكم الان انتم تحضنون هذه المعارضة , بعد ان شوهتم صورتها بنظر الشعب
ان الرئيس عمر البشير , من الملاحظ فى خطابه هذا انه تكلم عن الحرب الذى يعد لها , ثم يتحدث عن السلام الذى اصبح واقع هنا ازدواجية فى خطابه الهزلى الاجرامى .
اعادة توطيد للنازحين هو مصادرة لممتلاكتهم واراضيهم . نزكر الرئيس ان السلام لا ياتى بهذه الطريقة وان السلام لاياتى من خلال التهديدات , السلام ياتى من خلال محاسبة مجرمى الحرب و على راسهم الرئيس عمر البشير , ونظامه الاسلامى المتعفن .( برنامج حكومته يضع السلام في أولوياته وهو أصبح حقيقة واقعة،)
ايها الاحمق الرئيس عمر البشير اين هذا السلام وانت تعلن الحرب فى نفس الخطاب ...
تحدث الرئيس عمر البشير .. بشئ خطير لن يقد عليه حيث ان قال (وتعهد البشير بتعويض المتأثرين بالحرب بتوفير سبل العيش لهم في المدن وتوفير مقومات الحياة لهم ) . هذا كلام خطير ونقول الى هذا الرئيس الكذاب منذ ان اندلعت الحرب فى داروف تعلن عن هذه التعويضات ولم تنفذها , ليه تذهب للحرب ان تعويضات , خريف 2012وسيول الامطار بولاية الخرطوم باعوام 2013 و 2014 و 2015
وعتهم بالتعويضات ولم تقم بتعويضهم نقول لك و الى كل التنظيم الاسلامى الحاكم بالخرطوم انتم مجرمين وكذابيين .
عندما يتكلم رئيس دولة اسلامية تحترم الدين الاسلامى بعد 26 عام من الحكم للسودان يتحدث عن البنية التحتية لاقليم لاتوجد فية مدرسة او مستشفى او مؤسسة تعليمة يمكن ان تنتشل الاطفال من الجهل و التخلف ناهيك عن حقوق المواطن .
لقد امتلائة صحغكم عند الله بالكذب والنفاق . تانى اليوم وتكسف هذه التصحف
عندما يتكلم السيد المشير الرئيس عمر حسن احمد البشير قائلا ( إن ولاية وسط دارفور ولاية وليدة ولا تزال تحتاج لبنيات أساسية كثيرة،) نقول له ان ولاية دارفور اذا كانت دولة وليدة , الم تسمع بالسلطان على دينار الم تسمع ان ولاية دارفور لم تسقط للمستمر الا فى عام 1916 , ماذا تعرف عن دارفور واهل دارفو اقسم بالله , انت رئيس مناسبات . انت ليسا الا قاتل للشعب ان رئيس دولة السودان ولا تعرف , تاريخ السودان , وولاية دارفور , و تصفها بانها ولاية وليدة .
كل ماقاله الرئيس عمر البشير بعد مرور 26 عاما بالحكم فى خطابه هو فضيحة يكشف حجم الدمار الشامل الذى لحق بالسودان ولاية دارفور اقل وابسط الخدمات لم تصل لهذا الاقليم بعد 26 عاما بالحكم , (ما قاله متعهدا بتوفير خدمة الكهرباء في مدينة زالنجي طوال الـ24 ساعة، ثم نقل الخدمة لعواصم المحليات وتوفير المياه والخدمات الأساسية بكل ربوع الولاية)
وأشار البشير إلى توقيع عقد إنشاء الطريق الرابط بين زالنجي وكأس ونيالا في جنوب دارفور، واعداً باكتمال العمل فيه خلال أقل من ستة أشهر، مشيراً لتوقيع عقد لإنشاء سد "ضريسة" لتخزين المياه.
وتعهد بأن تستمر حكومته في بناء السدود والحفائر وحفر الآبار لإنهاء العطش في ولاية وسط دارفور.
وأعلن البشير أن حكومته ستقوم بإنشاء مطار دولي في مدينة زالنجي قريباً)
من هنا تظهر فضيحة النظام وحجم الدمار الذى لحق بهذه الولاية او الاهمال الذى لازم هذه الولاية منذ سقوط سلطنة على دينار فى عام 1916 .
محمد القاضي
http://http://www.sudanesepress.comwww.sudanesepress.com[/QUOTEhttp://http://www.sudanesepress.comwww.sudanesepress.com[/QUOTE]
مقال جديد فضيحة . تهديدات جديد من الرئيس عمر البشير بحرب جديدة فى اقليم دارفور بقلم محمد القاضي
|
Post: #62
Title: Re: توفيق بتاع الضهاري ود القاضي بتاع السفارة
Author: عبدالحفيظ ابوسن
Date: 04-04-2016, 05:59 AM
Parent: #61
وتخدع دي فضيتها مالك والصحيح تخضع
غيرت المعني كلو وقلبتو
الحالة ما قدرت اقرا اكتر من خمسة سطور بس
لو غرقت كان يوووهههههووووو
سلام عباس
ويا جلالدونا اوعا يكون اكل وعملت نايم هههه ذكرتني قصة ابونواس لو عباس قال اي بحكيها
|
Post: #63
Title: Re: توفيق بتاع الضهاري ود القاضي بتاع السفارة
Author: محمد علي البصير
Date: 04-04-2016, 08:07 AM
Parent: #62
والله يا حفيد صافيناز ماشا معاك باسطة
بعد زعامة الصحافة في البلد أخونا عبس أداك كمان زعامة الظرافة مشترك في المنبر
وأنا شويتين كدا أديك زعامة الوجاهة
دي كيف معاك ؟
أفو زول حبوتو صافيناز هانم غصباً عننا يكون أوجه زول
تحياتي يا حبيبنا عبس
وكل زوار البوست
|
Post: #64
Title: Re: توفيق بتاع الضهاري ود القاضي بتاع السفارة
Author: Yousuf Taha
Date: 04-04-2016, 09:10 AM
Parent: #63
والله يا اخت منى
اخونا عباس الدسيس وابوالدرادر كباشي حقو نديهم حافز شرتيت عدديييل كدة
يجبروك تضحك غصبا عنك
ديل صناع الفرح وراسمي البسمة في المنبر البقى كله دوشمان دا
العجب اب صلعة جدو طارق ود جبريل
تحياتي
|
Post: #65
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-04-2016, 02:32 PM
Parent: #64
Quote: ** عباس الدسيس ..
** سلام وتحايا.. **
كدى شوف لينا إعراب العباره دى :-
( انسان مهزب) - وممكن تضيفا للمثل الذى قمت بتزويره ...
والعارف عزو مستريح ...." كما قال :- ................"
** عندما تكثر المواسير فى الساير .. يختفى أنقياء الضمائر "مثل من دولة الضهارى " .... وعجبى !!!! |
عبدالكريم سلام يا حبيبنا
كما قال الشاعر جمال ود الوالي
مواسير مليون بوصة يا حبيبنا
ياما نسمع ونشوف
تحياتي وتقديري
|
Post: #66
Title: Re: توفيق بتاع الضهاري ود القاضي بتاع السفارة
Author: ياسر السر
Date: 04-04-2016, 02:34 PM
Parent: #64
الشفيف الحريف عباس الدسيس غايتو ما قصرت حاشه إلا إتلومت فينا ,,, ياخي والله الواحد من ما يشوف ليهو بوست ليك ويكون هو في المكتب بقا يلاوذ ما يدخل عشان عارف بعد شوية بينفقع بالضحك قدام الزملاء وحا يعدوه جن ... ياخي الله يجعل ايامك كلها ابتسامه وفرحه
حبينا تمر ونسلم يا حبيب . ووافر سلامي لك ولكل الاخوة الذين مرو من هنا ..
تحياتي : ياسر العيلفون ......
|
Post: #67
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-04-2016, 02:44 PM
Parent: #66
Quote: أمانة في ذمتك
المثل بقول كده
ههههه |
اووووووووووو حبيبنا ابوروضة تسريبات
مشتاقون
بوجود الماء بطل التيمم اخونا مجيدو القطر ما قصر في الترجمة الي لغة الكركبة
|
Post: #68
Title: Re: توفيق بتاع الضهاري ود القاضي بتاع السفارة
Author: سيف اليزل سعد عمر
Date: 04-04-2016, 02:57 PM
Parent: #67
البوست ده بكون ريح توفيق و ود القاضي..
ياخي انت كمان ألذ زوول...
|
Post: #69
Title: Re: توفيق بتاع الضهاري ود القاضي بتاع السفارة
Author: ahmedona
Date: 04-04-2016, 05:26 PM
Parent: #68
ود الدسيس ....
سردك ممتع...
|
Post: #70
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-05-2016, 05:30 AM
Parent: #69
| Quote: ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه |
يوسف سلام يا حبيبنا
بالهناء والشفاء
والله انت الذ زول
لو بارينا الجماعه ديل بفقعو المرارة
|
Post: #71
Title: Re: توفيق بتاع الضهاري ود القاضي بتاع السفارة
Author: عباس الدسيس
Date: 04-05-2016, 05:36 AM
Parent: #70
Quote: هلا يا عباس
تستحق جائزة أطعم بوست في سودانيز أونلاين في الألف سنة الماضيـة
ياخي خليتني أضحك في الدوام وأعمل فيها (بقـــح) من الاحراج
دا كلام ما بقدر أفهموا ليهم عشان يعرفوا سبب الضحك .. أذن أجليهم احسن
حكايتك دي ذكرتني حكاية الفلوكسواجن .. لما الاقيك بحكيها ليك ... حظك طالبني حكاية
المهم اكتر انك توصلت فعلا لاختيار أفضل ظريفين في المنبر فعلا بكل تأكيد
شيخ توفيق حاصل على حمايتي وتشجيعي ليهو رغم اني من ناس الضهاري بس هو كمان عامل لي استثناء ..
ما لمينا في استثناءات العربات والحاجات السمينة .. قلنا نكتفي باستثناء شيخ توفيق
والاخ القاضي دا طوالي شغال استغاثات .. لو بقرا استغاثات ناس طنطا كان الان بقى شيخ الامين فرع مصر المؤمنة
ياخي ليك تحية وطبعا حنسكن هنا اتحملنا ياخ
تحياتي
أحمد الشايقي
|
الوجيه ود الشايقي
اخبارك يا حبيبنا
والله مشتاقون حكاية
الفلكسواجن بتكون حاجة تحفة الله المني فيك قريب
الامير توفيق ما بدي استثناءات ساكت كان ما لقاك معاهو في خط الامارة او عمودية ونظارة اقل شيء
عشان كدا هو شايف فيك شوفه ونسي حكاية الضهاري معاك
شاكر ومقدر للمتابعة
|
Post: #72
Title: Re: توفيق بتاع الضهاري ود القاضي بتاع السفارة
Author: ادريس خليفة علم الهدي
Date: 04-07-2016, 09:07 AM
Parent: #71
(*)
|
Post: #73
Title: Re: توفيق بتاع الضهاري ود القاضي بتاع السفارة
Author: سيف النصر محي الدين
Date: 04-07-2016, 04:25 PM
Parent: #72
Quote: ود الدسيس ....
سردك ممتع. |
ههههههههه
علي النعمة يا احمدونا انك راجل عسل و ما ينشبعش منك
سلامات يا دسيس.
|
Post: #74
Title: Re: توفيق بتاع الضهاري ود القاضي بتاع السفارة
Author: محمد احمد القاضي
Date: 04-07-2016, 04:48 PM
Parent: #1
ود القاضي بتاع السفارة
دا منو
|
Post: #75
Title: Re: توفيق بتاع الضهاري ود القاضي بتاع السفارة
Author: محمد احمد القاضي
Date: 04-07-2016, 06:07 PM
Parent: #74
عليك ان ترد فى نغس المكان الذى كتبت فيه المقال انا يلخى عمر البشير بتاع دا اكتيب لينا عنوا 30 سطر
|
Post: #76
Title: Re: توفيق بتاع الضهاري ود القاضي بتاع السفارة
Author: محمد احمد القاضي
Date: 04-07-2016, 06:28 PM
Parent: #1
عباس
يبدو انك ماعندك موضوع انا اخجل لما اسمع واحدة تجيب اسم واحدة زميلة وتقطع فيها , خليك من القطيعة دى .. اقبل النقد ودافاع عن فكرك و واجه الصعاب بدل تفتح اشياء انت ما قادر عليها . دا ما بفيدق بشئ بل يقلل من شأنك ...
ما تسمع كلام البيضحكك
نحن جاهزين لا اى نقد وبل حنصد كل اتهام هزلى بكل قوة نستنى مقالاتك على صفحة المقالات
|
|
|