Post: #1
Title: ماذا يريد أن يفعل مبارك المهدى الآن بعد أن فشل فى وزارة الداخلية فى اخر ديمقراطية
Author: صديق مهدى على
Date: 03-28-2016, 09:19 PM
08:19 PM March, 28 2016 سودانيز اون لاين
صديق مهدى على-
مكتبتى
رابط مختصر اكيد لم يفعل شيا لأنه فاشل فى كل شى . والآن يحلم أن يعود لحزب الامة والانقاذ بعد
طرد بالباب .
تخريمة
تفتكروا زول فشل فى الادارة والسياسة هل سيفيد السودان
|
Post: #2
Title: مبارك الفاضل
Author: sadig mirghani
Date: 03-28-2016, 09:29 PM
Parent: #1
ما براهو
|
Post: #3
Title: Re: مبارك الفاضل
Author: صديق مهدى على
Date: 03-28-2016, 09:32 PM
Parent: #2
حباب ود ميرغنى اها معاه منو ؟
|
Post: #4
Title: Re: ماذا يريد أن يفعل مبارك المهدى الآن بعد أن
Author: sadig mirghani
Date: 03-28-2016, 10:09 PM
Parent: #1
والله يا صديق ياخوي كلهم
كل السياسيين فشلوا في ادارة احزابهم بدون فرز
يعني الامة اربعين سنة مافي بديل ولما ابراهيم الامين فرفر
وحاول يطرح نفسوا الصادق عزلوا
دا غير جمع الرياسة والامامة في شخص الصادق
واللي زمان دخلتوا في معارك مع الامام الهادي المهدي
الليلة بقت حلال
الاتحادي نفس الشي فشل اداري ذريع
الشيوعي نفس الشي فشل في ادارة التنوع حتي
فشل في محاولة تغيير اسم الحزب ناهيك عن تغيير اللجنة المركزية
ناس مكنكشين ليهم سنين وسنين
الشعبي برضك وعد بالتغيير ولا جديد
الوطني انت سيد العارفين
حزب المؤتمر السوداني الوحيد البمارس الديمقراطية الان وتداول السلطة
بدون جغمسة ورفع سلاح الطواري الحاكمين بيهو ناس لي الان
الحركة الشعبية برضو
الفشل ماركة مسجلة بقت عندنا ياصديق
ربنا يكون في العون
تحياتي
|
Post: #5
Title: Re: ماذا يريد أن يفعل مبارك المهدى الآن بعد أن
Author: صديق مهدى على
Date: 03-29-2016, 04:52 PM
Parent: #4
تحياتى يا ميرغنى كلامك كله صاح انت تعرف انا كل مقصدى حتى من بوستاتى التى
لا تعجب الآخرين لانها فى نظرهم بوستات غير موفقة . لكن للأسف لم ينظروا لها من منظار
آخر هو منظار السخرية عسى ولعلى الناس المنكشة فى الحكم 27 سنة أن يتحرك لهم
ساكن . لكن للأسف وكأننى إذن فى مالطا وطبعا الجماعة هنا يعجبوك فى مداخلتهم دا
قليل ادب ولسانه زفر , لكن ربنا يهديهم . المهم انا أتمنى من الله أن يرجع ناس البشير للحق
ويتذكروا انهم ضيوف فى هذه الدنيا وعليهم أن يعدلوا فى الحكم . لأن هذه الدنيا لو كانت
تساوى عند الله جناح بعوضة لما اسقى منها الكافر شربة ماء .
تحياتى
يا رجل يا ظريف وان الله لا يرضى الظلم لنفسه فهو العدل .
وكلنا لآدم وآدم من تراب
|
Post: #6
Title: قصة البوس والاحضان الماليه الاسافير دي شنو
Author: sadig mirghani
Date: 03-29-2016, 07:47 PM
Parent: #1
تسلم يا راقي
انا تابعت بوستاتك
فعلا ساخرة وكلوا واحد وعندو لونية طرح مختلفة
بالنسبة للكيزان انا في رايي البلد بقت كلها كيزان الا من رحم الله
بالمعني التقليدي تجار دين مافي اخلاق المادة الاهم والمهم
زرعوا في الناس الخوف
الناس تمجد القروش والبملك القروش
حتي لو ود ...... وحرامي
الرشوة بقت حلال في بلدنا
مافي زول بقضي لي اخوهو غرض لله
المصلحة بقت هي المحرك
اي زول تجيب ليهو سيرة شغل يقول ليك حقي بره
القصة جاطت والحكومة هي المسؤلة عن الناس
الاخلاق فسدت،الجهل تفشي
الثالوث الجهنمي
عبر الدنيا بقت علينا
اتخن مسؤول او حزبي او اصغر موظف ممكن يبيع ليك ام السودان
ويقبض قروشوا ويبقي مارق ولايطرف له جفن.
برضوا مانعمم ماكل الناس
لسه في الكويسين
لكن النسبة زادت
وبقت كبيرة
لو شفت رموزنا الثقافية تخجل
الغنائية تستحي
الرياضية اسكت ساكت
السياسية حدث ولا حرج
وهلم جرا
تحياتي
|
|