كمان ما للدرجة دي يا عمر احساس ..!! ( صورة موبااالغة ) ..

03:43 PM March, 27 2016

سودانيز اون لاين
awad okasha-
مكتبتى
رابط مختصر

كونك زول مشهور .. وفنان معروف وليك معجبين ومعجبات ..
فده ما بديك الحق انو التعبير عن الاعجاب بيك يكون بالطريقة دي ..
ولا الواحد يكون فاهم الموضوع غلط ..؟؟

أشعل الفنان السوداني المعروف عمر إحساس صفحات مواقع التواصل الاجتماعية بالسودان وذلك علي خلفية صورة نشرت حديثاً أظهرته وهو يجلس حسناء علي حجره في مكان لم يتم الكشف عنه.وبحسب الصورة المتداولة بشكل كبير والتي تحصل عليها محرر موقع النيلين من صفحات المواقع الإسفيرية فقد ظهر المطرب السوداني وهو مبتسماً.رواد مواقع التواصل الاجتماعي وعلي غير العادة لم يسلطوا سهام النقد علي إحساس, حيث جاءت معظم تعليقهم متحدثة عن محبة الشعب الأثيوبي للشعب السوداني. وعلي الرغم من أن الصورة لم تحدد جنسية الفتاة إلا أن الرواد ومتداولوا الصور أكدوا أنها أثيوبية.وذكروا في تعليقاتهم التي رصدها محرر موقع النيلينت أن الجمهور الأثيوبي محب للفن السوداني والمطربين السودانيين ولذلك عادة ما نجدهم يتسارعون للالتقاط الصور مع المطربين السودانيين.ولم يتسني لمحرر موقع النيلين التأكد من المعلومات التي حملتها الصورة الواسعة الانتشار داخل صفحات مواقع التواصل الفنية. 

يخيل لى والله أعلم..
الموضوع ما موضوع أعجاب..
بقدر ما هو رغبة فى الشهرة..
وعمر احساس فى وضع ما يقدر ينهرها..
ولا يقول ليها ابعدى عنى..
الموضوع مشربك..

ما فوقه حاااااااااااااااااااااااجة

كدي خلونا من الاثيوبية
زولنا نحن كراعو الثانية وين ؟؟؟؟

عفويه وفي النوووووور ،،، وحقو نلاحظ أن عمر إحساس بدا مبتسمآ للكاميرا هذا له مدلول بالطبع .
فنان ومشهور وطبيعي يحصل معاه كدا .

لووول

قطعت نفسو
فات قيرل

اول مرة أعرف انه عمر إحساس غناي قدر ده

Quote: وعمر احساس فى وضع ما يقدر ينهرها.. ولا يقول ليها ابعدى عنى.. الموضوع مشربك..

الذ حاجة في الصورة الفوطة

ةلاى

Quote: كدي خلونا من الاثيوبية زولنا نحن كراعو الثانية وين ؟؟؟؟

بالله عمر احساس مشهور لي الدرجة دي ..

يا قول اخونا عبد القادر
المنديل الازرق لزومو شنو

Quote: كدي خلونا من الاثيوبية زولنا نحن كراعو الثانية وين ؟؟؟؟

كراعو التانية و ايدو البياكل بيها

كتمتوا نفسوا الهوا وينو ههههه

Quote: كراعو التانية و ايدو البياكل بيها

قاعد ياكل بيها! ما شايف؟

يعزمك يعني ولا إلا يسمي أول يعني وتسمعوهوا جهرة؟ ____ بطلوا عقد، كلكم صرة وشكم جوة هنا بس، برة أكالين.

Quote: بطلوا عقد، كلكم صرة وشكم جوة هنا بس، برة أكالين.

تقول شنو حسادة بس

Quote: بطلوا عقد، كلكم صرة وشكم جوة هنا بس، برة أكالين.

تقول شنو حسادة بس

يا جماعه دا زمن الحريات خلو الراجل ياخد راحتو وما تاكلو لحمو ....
خلو ينداااااااااح

ههههههههههههه والله احساس عنده واحد من حلين اما (يركب دقن) وكده مافى حاجه او يقول الكلام البقولوا السعوديين (والله انه فوتوشوب يا رجال) مشكله غايتو..

الصورة مفبركة ومقصودة وهى فوتو شوب بالفعل
للذين لايعرفون عمر احساس هو اكبر من هكذا تفاهات
واليوم نفى عمر صحة هذه الضورة على صفحتة فى الفيس
عمر احساس ياسادة رجل خلوق وفنان ملتزم
الله يجازى الكان السبب....

Quote: سلام ومحبة لكل الأصدقاء والاحباب والمعجبين والأهل بالأمس نزلت صورة لا تمت لي بصلة عبر أحدي الصفحات بالفيس بوك ثم تم تبادل الصورة كل حسب نيتة ،لكني هنا أشكر كل من اتصل مستنكرا ومدافعا بل هناك من قام بمهاجمة ومواجهة مباشرة في هذه المواقع حتي دون الرجوع الي مستندا علي سمعتي ومكانتي ووضعي الأسري والفني والاجتماعي عبر سنوات لم تشوبها أي شائبة .ولكل هؤلاء اسدي جزيل والاعتذار عما نابهم من ضيق جراء تصرف نفر من ضعاف النفوس فأنا لازلت نفس عمر الذي عرفتموه ولن تنال مني تصرفات كهذه أو غيرها محبتي واحترامي للجميع

نفى الاستاذ عمر احساس من صفحتة بالفيس !!!

الغريبة انا نظرت ليها من وجهة نظر تانية
يعني لو هو قاعد وجات فجأة قعدت علي رجلينه وهي معجبه
مايقدر يلزها بعيد عنه بسرعه.. يعني موقف محرج للغايه لفنان
له معجبين وخاصة في الخارج وله جمهور من غير السودانيين ايضا..
القصد ليس الموافقة علي الصورة لكن شرح الأبعاد التي يمكن ان تكون قد صاحبت الموقف
والحقيقة الأستاذ عمر احساس شخص مهذب للغاية وبيحترم جدا اسرته وجمهوره
ولا أعتقد انه في اي وقت من الأوقات يسعي لمثل هذه الصورة..
اما وقد جاء شرحه للموقف كما ذكر فإننا نرسل له احترامنا وتقديرنا..

تحياتي لصاحب البوست

Quote: الصورة مفبركة ومقصودة وهى فوتو شوب بالفعل للذين لايعرفون عمر احساس هو اكبر من هكذا تفاهات واليوم نفى عمر صحة هذه الضورة على صفحتة فى الفيس عمر احساس ياسادة رجل خلوق وفنان ملتزم الله يجازى الكان السبب....

التحيه للفنان الإنسان والرجل الفاضل الخلوق
عمر إحساس فله منا كل التقدير والإحترام ..

رأي زميلات البورد نور و منى مختلف من زملاء البورد من ناحية الجندر وكده.

محمد البحر....بعجبني تعليقك ((ما فوكا حاجة))....

غايتو موقف صعب والله....كامل التضامن مع عمر احساس

سلامات أخ سيف اليزل
سلامات .
عادي .. و محبة الجيران للفن السوداني تعمل أكتر من ده
الفنان الأستاذ عمر احساس رجل في قمة الأدب والتهذيب .
والبنت في عمر بنتو الكبيرة .
ليك التحية يا أستاذ عمر احساس

Quote: والبنت في عمر بنتو الكبيرة .

يعنى الا عمر احساس يجيك ويحلف ليك المصحف حتى تصدقو يا عثمان ؟
فى عدة مداخلات قبلك بتقول الصوره فوتو شوب
وفى نسخ لكلام الفنان نفسو فى موقعه على الفيس ينفى فيهو الصوره
وتجى يا عثمان تقول البت فى عمر بنته

ههههههههههه

بحكم معرفتي بالأستاذ عمر إحساس
فنحن جيران في الحلة قبل كل شئ
أُؤكد بأن الصورة لو كانت حقيقية أو فوتو شوب
أُؤكد سمو ونبل أخلاقه
والقصة كلها مجرد تعبير من مُعجبة وبحكم أخلاقه الرفيعة لم يرفض أن تعبر عن إعجابها به بهذه الطريقة
بعدين في أثيوبيا أي سوداني مُمكن يعملوا معاهو كدا ،،، خليك من عمر إحساس الراجل الفنان

أقول للمُنتقدين ،،، بالغتو فوكا
عمر إحساس أكبر من كدا
التحية للفنان القامة عمر إحساس

.
عمر إحساس يغني في الصين...و الهند و أوروبا....

ما شغل الناس إلا حين ظهرت له هذه الصورة

لو صحيحة أو مفبركة

عمر إحساس قدم الكثير للغناء السوداني بالخارج

بجهده لا بدعم الدولة

أقول قولي هذا و لا يجمعني بعمر إحساس أي رابط شخصي

أعتقد أنه يستحق الأفضل

.

اولا التحية للاخ الاستاذ الفنان عمر احساس فالاستاذ عمر من خلال معرفتي به رجل ملتزم وخلوق جدا ومهذب ويحترم فنه ومكانته ويحترم جمهوره على الرغم من انني ارى ان الصورة اقرب للحقيقة من الخيال وانا احترم نفيه لها ورايه فيها ولكن من زاوية اخرى فعمر احساس فنان معروف داخليا وخارجيا ومن الممكن ان تاتي اي معجبة للتصوير معه سوى برضاه ان بدون رضاه فهنا لا يملك عمر قراره لانه اصبح ملك للجمهور وليس من حقه ان يرفض ولا سيكون فنان بلا مشاعر ولا زوق ولا احاسيس فمن الممكن ان تكون هذه السيده او البنت اقحمته في هذه الصورة فلم يستطيع الفكاك منها وفي النهاية انا اعرف الاستاذ عمر واعرف اخلاقه وايضا يبدو ان الصورة ماخوده في وضح النهار واما كل الناس مما يدل على انها صورة عابرة وعادية وليس فيها اي نية خبيثة .. على العموم التحية لك اخي عمر وربنا يجعل كيدهم في نحرهم من ارادو بك سؤ فانت كبير في نظرنا وستطل كبير ما حيينا ....


تحياتي : ياسر العيلفون ......

سلامات يا عوض عكاشة,,

Quote: . عمر إحساس يغني في الصين...و الهند و أوروبا.... ما شغل الناس إلا حين ظهرت له هذه الصورة لو صحيحة أو مفبركة عمر إحساس قدم الكثير للغناء السوداني بالخارج بجهده لا بدعم الدولة أقول قولي هذا و لا يجمعني بعمر إحساس أي رابط شخصي أعتقد أنه يستحق الأفضل

لو صحت الصورة فالأكيد أن نشرها تم بالخطأ وفعلا الرجل يستحق
أن يحتفى به الناس لآ أن يقفوا عند (هفوة) أو مسلك شخصى وتتم
محاكمة تاريخه على أساسها!!!!

تحياتى..

بتاع الفوتوشوب حريف حرفنة جد, تنقا في زمانه بس

مقبركة 200%الظلال على انكماشات البدلة بالنسبة لعمر، وكذلك على الصندوق اعلى يمين الصورة، توضح ان مصدر الضوء كان على اليمين ، حين البنت ليس هناك اى ظل ليدها على الفستان من ناحية اليسارمما يدل ان صورتها اما أخذت مباشرة بفلاش او مصدر الضوء كان ذاته في أتجاه الكاميرا.

ثم ان يده اليمنى زاد طولها لأنها أساسا كانت وبحكم ضم الأصابع، كانت مستقرة على رجله اليمنى.. المصور قطع اليد ووضعها في موضعها الحالى، وهى
ظاهر انها في وضع مريح وليس مشدود، أي كانت موضوعة فوق شيء.

أكيد الصورة مفبركة وقد نبهت بعض الأخوة الذين نشروا الصورة على الواتس آب ، ويظهر ذلك جلياً حسب رؤية الأخ محمد عثمان أبوالريش ، وضف على ذلك إنحناءة ظهر الفتاة لا توحي أنها متجدعة على ركبته .

بالرغم من عدم معرفتي الفنان عمر إحساس ولكن شكله وهيئته يدلان على أنه رجل وفنان محترم .

ليت الفنان عمر إحساس يحسم الأمر بنشر الصورة "الأصلية" ... بدون الفتاة.

..تحياتنا للفنان عمر احساس
وتعليقنا السابق كان لمجرد اضافة بسمة على البوست
والظاهر بعد كده كل واحد { يلم } صوره عليه
ويجمع كل العدة الخاصة به في النت ويودعها في مكان آآآمن
حتى لايصحو من النوم ويجد نفسه وهو ممسك بكيم كاردشيان
والله نحن حكوماتنا مع المشلخات عندهن راي ناس حاجة فاطنة وحاجة سكينة وحاجة كلتوم
فكيف لو سارت الامور عكس التيار
ورزقك الله فجاة بحريف فوتوشوب
اتى لك وعلى حين غفلة بـ هيفاء وهبي ونانسي عجرم واليسا ونيكول كيدمان ونيكول حوراني
او ترك هذا وذاك وذهب لأسمرا القريبة دي
وجعل اصابعك مشبوكة مع هيلينا ملس
والله بعديها الا تستعين بالمطافيء وشرطة النجدة !!!!

إذا كان هناك تعديل بالفوتوشوب غالباً يكون في رأس الرجل (يعني قطعو رأس عمر إحساس من صورة ولصقوهو هنا) .. غير كدا أعتقد أنّه لا يوجد تعديل ...

وقوع شعر الفتاة على الكرفتة سبب للكرفتة ميلان ظاهر ومتوازي مع درجة سقوط الشعر عليها .. ممكن تقولوا عليهو (متوازي) أو (متناغم) أو (متجانس) أو تقولوا الرووووب

التحية لصاحب البوست وضيوفه الكرام
أولاً نحن في عالم الفتوشوب الذي من خلاله يمكن عمل اي دبلجة لاي صورة وتترك اثر سئ.
الفنان عمر احساس رجل اعرفه لسنين طويلة جداً امتدت لاكثر من ثلاثين سنة وهو أبناء مدينة نيالا.
إمتهن الفن منذ أن كان بالمرحلة الثانوية ولم يعرف عنه إلا الإلتزام الأخلاقي الكبير واحترام أسرته جداً
حيث أنه متزوج من احدي حسان مدينة كوستي ولا شك انه قد حقق نجاحات كبيرة أوغرت قلوب حاسديه فأرادو ان يشوهوا
صورته الجميلة ويخربوا بيته بمثل هذه الصور التي لا تشبه عمر إحساس ولا أخلاق عمر إحساس .

عرفتي ب عمر احساس في الثمانينات .. لا معرفة شخصية .. عمر ومحمود عبدالله سكنوا كوستي .. وكانوا في بداية طريقهم .. زمن الحفلات الدكاكينية .. عمر خطب ثم تزوج بنت جيرانا ب حي الشاطي
ولم اسمع او اري منه سلوكا متفلتا او سمعة سيئة . اشتهر بالتهذيب واللطف في التعامل وحسن العشرة
هذا وفقا لرؤيتي له
التحية له و لبناته وزوجته
بالنظر لوجه عمر يظهر تعامله الاحترافي كنجم مع معجب

سلام صاحب البوست وضيوفه الاكارم

قد تكون الصورة صحيحة..
وعمر احساس ربما لم يتمكن من منع المعجبة او دفعها عنه..
ولكني اعيب عليه عدم تصرفه بعد التقاط الصورة حيث كان يمكنه بكل بساطة اقناعها بالتخلص منها والتقاط غيرها..
(ده طبعاً في حال كانت الصورة صحيحة)..

مع ودي

Quote: ان تكون هذه السيده او البنت اقحمته في هذه الصورة فلم يستطيع الفكاك منها

سلام ياسر يا حبيبنا
كنكشة يعني

Quote: بعدين في أثيوبيا أي سوداني مُمكن يعملوا معاهو كدا

قطع شك إجازتي القادمة أثيوبيا عدل

اختلاف العادات والتقاليد والثقافات...
في كرة القدم الأوروبية، كما تلاحظون، عادي الواحد يضرب زميلو على إليتيه.
عندنا دا كلام شين خلاص.
أؤيد أن الفنان الخلوق عمر احساس تفاجأ بمباغتة البنت له وعجز في جزء قصير من الوقت أن يفرق بين عادات أهل الحبشة وعاداتنا،
حيث ليس من طبيعة الفنان أن يدخل في عراك مع معجبيه، بل بجامل كتير بحسن النية، وحُسن النوايا كثيراً ما أوقع الناس في مصايب.
ولو كان عمر إحساس ناوي حاجة... ما كان وافق على التصوير.
دا كلام فارغ

قال ليك في عجوز دخلت بقالة ومشت التلاجة وبدت تطلع في الجداد وتشم لا دي بلدية وتطلع التانية لا دي كويتية المهم بعد نجضت البياع قالت ليه يا ولدي انت ود ناس منو قال ليها يا حجة ادنقر ليك تشميني انت هيه اليقين بتاع انه البت أثيوبية ده جا من وين قدر ما عاينت في الصورة ما لقيت دليل

الزول البيقول انو الصورة دي فوتوشوب يثبت لينا الكلام دا تقنيا ويطلع البت بالفوتوشوب ويخلي لينا الصوره الاصليه

ﻧﻔﻰ ﺍﻟﻔﻨﺎﻥ ﺍﻟﺴﻮﺩﺍﻧﻲ ﻋﻤﺮ ﺍﺣﺴﺎﺱ ﺻﺤﺔ ﺍﻟﺼﻮﺭﺓ ﺍﻟﻤﺘﺪﺍﻭﻟﺔ ﺍﻟﺘﻲ ﺃﻇﻬﺮﺗﻪ ﻭﻫﻮ ﻳﺠﻠﺲ ﺣﺴﻨﺎﺀ ﻋﻠﻲ ﺣﺠﺮﻩ ﻭﻗﺎﻝ ﺍﻟﻔﻨﺎﻥ ‏( ﺻﻮﺭﺓ ﻻ ﺗﻤﺖ ﻟﻲ ﺑﺼﻠﺔ ‏) .
ﻭﻛﺘﺐ ﻋﻤﺮ ﺍﺣﺴﺎﺱ ﻋﻠﻰ ﺣﺴﺎﺑﻪ ﺍﻟﺮﺳﻤﻲ ﺑﻤﻮﻗﻊ ﻓﻴﺴﺒﻮﻙ ‏( ﺳﻼﻡ ﻭﻣﺤﺒﺔ ﻟﻜﻞ ﺍﻷﺻﺪﻗﺎﺀ ﻭﺍﻻﺣﺒﺎﺏ ﻭﺍﻟﻤﻌﺠﺒﻴﻦ ﻭﺍﻷﻫﻞ ﺑﺎﻷﻣﺲ ﻧﺰﻟﺖ ﺻﻮﺭﺓ ﻻ ﺗﻤﺖ ﻟﻲ ﺑﺼﻠﺔ ﻋﺒﺮ ﺃﺣﺪﻱ ﺍﻟﺼﻔﺤﺎﺕ ﺑﺎﻟﻔﻴﺲ ﺑﻮﻙ ﺛﻢ ﺗﻢ ﺗﺒﺎﺩﻝ ﺍﻟﺼﻮﺭﺓ ﻛﻞ ﺣﺴﺐ ﻧﻴﺘﻪ ،ﻟﻜﻨﻲ ﻫﻨﺎ ﺃﺷﻜﺮ ﻛﻞ ﻣﻦ ﺍﺗﺼﻞ ﻣﺴﺘﻨﻜﺮﺍ ﻭﻣﺪﺍﻓﻌﺎ ﺑﻞ ﻫﻨﺎﻙ ﻣﻦ ﻗﺎﻡ ﺑﻤﻬﺎﺟﻤﺔ ﻭﻣﻮﺍﺟﻬﺔ ﻣﺒﺎﺷﺮﺓ ﻓﻲ ﻫﺬﻩ ﺍﻟﻤﻮﺍﻗﻊ ﺣﺘﻲ ﺩﻭﻥ ﺍﻟﺮﺟﻮﻉ ﺍﻟﻲ ﻣﺴﺘﻨﺪﺍ ﻋﻠﻲ ﺳﻤﻌﺘﻲ ﻭﻣﻜﺎﻧﺘﻲ ﻭﻭﺿﻌﻲ ﺍﻷﺳﺮﻱ ﻭﺍﻟﻔﻨﻲ ﻭﺍﻻﺟﺘﻤﺎﻋﻲ ﻋﺒﺮ ﺳﻨﻮﺍﺕ ﻟﻢ ﺗﺸﻮﺑﻬﺎ ﺃﻱ ﺷﺎﺋﺒﺔ ‏) .
ﻭﺃﺿﺎﻑ ﻋﻤﺮ ﺍﺣﺴﺎﺱ ﺑﺤﺴﺐ ﻣﺎ ﻗﺮﺃ ﻣﺤﺮﺭ ﻣﻮﻗﻊ ﺍﻟﻨﻴﻠﻴﻦ ﺗﺪﻭﻳﻨﺘﻪ ‏( ﻭﻟﻜﻞ ﻫﺆﻻﺀ ﺍﺳﺪﻱ ﺟﺰﻳﻞ ﻭﺍﻻﻋﺘﺬﺍﺭ ﻋﻤﺎ ﻧﺎﺑﻬﻢ ﻣﻦ ﺿﻴﻖ ﺟﺮﺍﺀ ﺗﺼﺮﻑ ﻧﻔﺮ ﻣﻦ ﺿﻌﺎﻑ ﺍﻟﻨﻔﻮﺱ ﻓﺄﻧﺎ ﻻﺯﻟﺖ ﻧﻔﺲ ﻋﻤﺮ ﺍﻟﺬﻱ ﻋﺮﻓﺘﻤﻮﻩ ﻭﻟﻦ ﺗﻨﺎﻝ ﻣﻨﻲ ﺗﺼﺮﻓﺎﺕ ﻛﻬﺬﻩ ﺃﻭ ﻏﻴﺮﻫﺎ،ﻣﺤﺒﺘﻲ ﻭﺍﺣﺘﺮﺍﻣﻲ ﻟﻠﺠﻤﻴﻊ ‏)

Quote: قطع شك إجازتي القادمة أثيوبيا عدل

هههها
قنعتا من الغجر خلاص
بعدين البت دى جامايكية
امشى هابش عشان الرصاص الما خمج يلعلع

Quote: هههها قنعتا من الغجر خلاص بعدين البت دى جامايكية امشى هابش عشان الرصاص الما خمج يلعلع

يا جلالدونا بحكم خبرتي لو خيروني بين معقل الغجر والجمايكيين لاخترت
مغمض معقل الجمايكيين الغجر مايتفاهمو في مثل هذة الامور أما الجمايكيين
متحررين ولمن توريهم العين الحمراء بيخافو ههههههه

الاحترام والتبجيل لاحساس أبرز سفراء الاغنية السودانية عموما والدارفورية على وجه الخصوص
يكفي الاستاذ احساس انه اوصل الاغنية والالحان الدارفورية الى مصاف العالمية وهي الحان مميزة وساحرة
وطالما عرفنا الاستاذ خلوقا محترما فانه محل ثقة وصدق وقد نفى الامر وهذا اكثر من كافي في تقديري لرد الامر
لنحتفل بالمبدعين بدلا من التربص بهم وتصيد ذلاتهم
تحية خاصة للمبدع القامة عمر احساس

معظم الفنانين السودانين محترمين جدا وخاصة الجيل الاول والثانى
عمر احسان فنان محترم جدا لم نسمع ما يخدش سمعته منذ كان مراهقا فى بدايات فنه
لذلك انا اصدق نفيه للحادث فى صفحته على الفيس بووك

زارنا في فانكوفر قبل أربعة أعوام ..
نشهـد له باللطف والطيبة والإستقامة
حريصٌ علي أن يزرع الفرح والإبتسامة
أستاذ عمر تحياتنا ووافر الثقة والإحترام.

صحيح ما فوكا حاجة ههههههههههههههه

افووووووووووووو افووووووووووو بالله هو مشهور قدر دا

واضح ان الصورة مفبركة. اليد اليمين معلقة في الهواء.

الصورة مدبلجة بالفوتشوب بإتقان ....

فالفتاة تقريباً تجلس في الهواء .... إذ يظهر هناك فراغاً بيناً بين جسمها وجسم الأستاذ عمر احساس ....

لكن ....

لماذا إيراد هكذا صور أصلاً ...

لماذا نساهم في نشر أخبار كهذه ...

إن كانت حقيقية فقد اغتبنا الرجل ....

وإن كانت غير ذلك فقد بهتناه ....

بالله عليكم ارحمونا ...

قضايا الوطن أكبر من هذا بكثير ....

مع احترامي لصاحب البوست وتقديري لحسن نواياه .....

Quote: إذا كان هناك تعديل بالفوتوشوب غالباً يكون في رأس الرجل (يعني قطعو رأس عمر إحساس من صورة ولصقوهو هنا) .. غير كدا أعتقد أنّه لا يوجد تعديل ...

بالفوتوشوب كل شيئ وارد وفي ناس محترفين شديد في إستخدامه, أمشي بي جلابية لي إستديو وإتصور وقول ليهو يطلعك لابس بدلة وكرفتة ويركب ليك لحية ولو كنت شين حيطلعك وجيه شديد,,,, عشان كده أصبحت لا أثق في الصور أبدا