أطالب ب اقالة وزير التربية

05:23 AM March, 27 2016

سودانيز اون لاين
عبدالحفيظ ابوسن-كوستي / الحلة الجديدة
مكتبتى
رابط مختصر

يعني شغال بنظرية
الكلام لو داير تكملو ... هملو
ولا كل الجوطة دي ما طقشت اضانو

النت مليان حكاوي
وزارة الخارجية الاردنية تصرح
وزارة التربية الاردنية تصرح
والقصص علي قفا من يشيل
والامر خطير وخطير جدا
والوزارة نايمة

نفسيات الطلاب في الحضيض
دايرين يسمعو من الوزارة

Quote: دايرين يسمعو من الوزارة

انتظر اعلان النتيجة.

سلام يا عبدالحفيظ,,,

ومتى عرف هؤلاء الناس ثقافة الإقالة أو الإستقالة
أو حتى الإعتذار والإعتراف بالتقصير!!!

أدمنوا الفشل وكل سلوكياتهم مخجلة ومعيبة ولكن
جرت العادة أن يجدوا الحلول والمخارج بعيدا عن
فكرة اقيل أو إستقال...
وزراء ومسؤولين وقعوا في أخطاء وجرائم حتى لكن
وجد فقهائهم أنه ممكنا أن تعطل قوانين وشرائع!!!

ما بخجلو ياخ وإنعدم عندهم الحس والحياء تماما,,,

تحياتى

دي العوجة يا قصي .. يتعاملوا كأن مافي شي ..
بتذكر الموضوع بتاع الشركة الروسية . الوزير قال الخطاب بتاع الخبير السوداني ما معنون ليهو عشان يرد عليهو

الموضوع أمني ..

جدا يا قصي
عشان يستتب الامن يجب ان تبين الحقيقة
في كلام لافي ومنتشر وعلي مستوي وزارة خارجية دولة اخري . ويمس طلابنا وسرية الامتحانات
دايرين مؤتمر صحفي يبين الحقايق
كتيرة دي !!؟

Quote: كتيرة دي !!؟

قليلة جدا ...
وأعتقد أن الجهات المدنية ممنوعة من الحديث حول الموضوع لحين انجلاء كامل الجوانب من قبل الجهات الأمنية.

يجب الضغط من قبل وسائل الاعلام من اجل محاكمة كل المتورطين في هذه الفضيحة المجلجلة التى ستخصم من الوطن وسمعه الوطن كثيراً خصوصا في مجال التعليم

ولاتستبعد رفض الاعتراف ببعض الكليات والجامعات السودانية من قبل بعض الدول

سلامات ...


.http://www.alrakoba.net/articles-action-show-id-26783.htm

هذا ونسألك اللطف يا ربي

عبد الحفيظ تحياتي
زي ما بقولوا السودانيين، الله سبحانه و تعالى لم نراه بالعين و لكن عرفناه بالعقل. تفتكر الناس الذين باعوا الامتحانات للأردنيين ح يبخلوا بيها على اولادهم او اخوانهم و اخواتهم؟ و في زمننا هذا حيث يمكن للمعلومة ان تسفر عشرات الالاف من الكيلومترات في لمح البصر، يمكن للامتحانات ان تصل بلاد الوق واق.
الامتحانات يجب ان تعاد و بس.

الأخ عبد الحفيظ أبوسن, ياخي ما تخلي طموحاتك عالية شنو, وزير شنو الحيستقيل؟ بعد شوية حياخد ترقية ومكافئة كمان.

كده أول شيئ في زول نصيح من الوطن العربي ده كل يخلي دولته ويجي يمتحن في السودان؟ ياخي السودان بي سجمه ده بس إمتحاناته مقعدة أكتر من معظم الدول العربية. أول سؤال مفروض يطرح الأدرنيين ديل ليه أصلا قرروا يمتحنوا في السودان لو ما السماسمرة ديل طمأنوهم بأنه الإمتحانات تكون عندهم لحدي التكل؟

مرحبا ايمن
وحبابك
ماعارف عدد الممتحنين كم .. لكن اظنهم ما شوية .. والموضوع مش شاغل ذهن الطلاب بس بل حتي اسرهم .. شوف كم اسرة مشغولة ومهمومة .. ومعظم الطلاب عندهم واتس اب ومتابعين البحصل ..
ف شنو اليسمعو من الوزارة ..
اليعرفو راسهم من كرعينهم وبعض الرسايل تتحدث عن نفي الحادث . وبعضها يثبته بالتفاصيل .. وبيانات من الاردن .. ورسالة تتحدث عن اعادة الامتحان
درجت لجنة امتحانات السودان سابقا علي اعادة الامتحان حين كشفه ..
لكن حكاية الوزارة تكون صانة كأن الامر لا يعنيها ما صحيح .. وحكاية انو امني دي برضو ما واقعة لي .. الامن في شنو !؟؟
دة حدث محتاج نفي او اثبات

ود اب سن
سلامات ياراجل يا فهم
الجماعة ديل عنده اسلوب شغالين بيه
اكذب اكذب حتى يصدقك الناس
المشكلة انهم صدقوا انفسهم وبقى من الصعب تقنعهم بانو دي كذبتهم
وعلى هذا قس
في حل واحد ما في غيره

طوفان كطوفان نوح لايبقى منهم ديارا

مرحبا عبدالله اخو الشهيد
وحبابك
فعلا
الله ما شافوهو بالعين لكن عرفو بالعقل
فقط بمعرفة ان الامتحانات يمكن لاحد ان يسربها يجب ان تعاد
زمان بكون في نسختين للامتحان .. لو انكشفت البديل جاهز دون ان يعرضو الطلاب واسرهم لشد عصبي

تحياتنا الاخ عبد الحفيظ

والله لو استقالت فى هذا الزمن الذى نعيشه

لأصبحت استقالتها بدعــــــــــــــــــة وكل بدعة ضلالة صاجبها فى النار

أجسن تكون كما عهـــــــــــــــــــدناهم ........

اموت انا في نقاله لو يوم سمعت باقاله او استقاله
ما حيقبلوها تقل دم القراد وكمان جنس ثقاله
ود ابسن انسى نحن ليهم معديه ورزقاله

تحية طيبة

الحبيب ودابسن تطيب ايامك


الوزارة مطنشة

الاعلام مطنش

وباقي الناس العين بصيرة والايد قصيرة


.....

عدد كبير من الطلاب الاردنيين الممتحنين في السودان وصلوا قبل (شهرين فقط ) من بدأية الامتحان
تم ضبط حلول لامتحان مادة الاحياء في مدرسة من مدارس (معتمدية الخرطوم) الحلول كانت تمرر عبر رسائل الواتساب بين الطلبة
ودي المادة الوحيدة التي تم ضبطها في هذا المركز حسب (رؤاية المصدر)
قصة انو الامتحان اتروس بتاريخ جديد وغيروا ما عندو اي علاقة بالواقع
يبقى قدام الوزارة حل واحد وهو اعادة الامتحان وبعداك الوزيرة تمشي تقدم استقالتها او تقال
في المرات الجاية وضع قيود على الممتحنين من الخارج (اجانب او اولاد مغتربين )

سلام وتحية استاذ عبدالحفيظ ..

الموضوع إضافة الى جانبه الأمني هناك جانب إقتصادي مهم .

لو اعترفت الوزارة بهذا التسريب سيتحتم إعادة الإمتحانات والتي ستكلف الدولة مبلغ ضخم لا يستهان به

صحيح هذا ليس بعذر .. ولكنه يحظى باهتمام كبير وكلنا نعلم ما يعانيه الوطن من صعوبات ..

ف شنو ..
أعمل نايم ...

مرحبا عثمان
وحبابك
تعرف صاحبا لي طبيعتو كدة
يكون ماشي السوق يشرب جبنة .. تقوم تسألو
ماشي وين ؟
عندي مشوار قريب عندي موضوع ماشي انتهي منو
ولا رسلك لي صعوط .. ويلقاك
اها عملت لي شنو في الموضوع القلتو ليك
اها
قريت تصريح الوزيرة
وما فهمت عملت لي شنو في الموضوع القلنا ليها نحن ال 450 ألف طالب واسرهم زايد كم ألف من يهمهم الامر

عذرا
سؤ شبكة

Quote: أطالب ب اقالة وزير التربية

إنت يا أبو سن أخوي مسؤول من الخير

وزيرة التربية دي ذات نفسها و - بعضمة لسانها - موش السنة الفاتت قالت أنها ح تستقيل بسبب ( الامتحانات المضروبة ) اللقوها في مدرسة وين كدا ماعارف ؟؟
وأنها قد حددت إستقالتها بانتهاء إمتحانات الشهادة ( العام الماضي ) حتى لا تحدث ربكة في الامتحانات ؟؟

شاكر ليك طيب قولك يا
د. محمد حسن
ولطف تقديرك ومتابعتك
يفترض انو الموضوع يكون بسيط !
الميديا السايبرية بقت وسيط لا يمكن تجاهله او التغاضي عنه ولا الاستهانة بيهو
واكاد اجزم ان كل مناطق السودان الدخلها النت بتابع الميديا دي .. جميع الناس ! الماعندو بلقي العندو وبكلمو بالحاصل
وزي ما قلت الموضوع بسيط
خلينا نسميها اشاعة داخل السودان .. واشاعة مدمرة وخطيرة
تصريحات من قمم الجهاز التنفيذي الاردني
تصريحات مصرية
اقلاها الوزيرة تعمل مؤتمر صحفي ولا تستقيل زاتو .. خليها وزيرة في مكانها تركب عربيتنا وتقبض جبايتنا
لكن تنورنا
تورينا انها سمعت وفات اضانها
تورينا انها مهتمة
حس مهني بس
االحس الوطني نجيهو تاني

شاكر ليك طيب قولك يا
د. محمد حسن
ولطف تقديرك ومتابعتك
يفترض انو الموضوع يكون بسيط !
الميديا السايبرية بقت وسيط لا يمكن تجاهله او التغاضي عنه ولا الاستهانة بيهو
واكاد اجزم ان كل مناطق السودان الدخلها النت بتابع الميديا دي .. جميع الناس ! الماعندو بلقي العندو وبكلمو بالحاصل
وزي ما قلت الموضوع بسيط
خلينا نسميها اشاعة داخل السودان .. واشاعة مدمرة وخطيرة
تصريحات من قمم الجهاز التنفيذي الاردني
تصريحات مصرية
اقلاها الوزيرة تعمل مؤتمر صحفي ولا تستقيل زاتو .. خليها وزيرة في مكانها تركب عربيتنا وتقبض جبايتنا
لكن تنورنا
تورينا انها سمعت وفات اضانها
تورينا انها مهتمة
حس مهني بس
االحس الوطني نجيهو تاني

شاركت اليوم في هذا البوست لماذا تظهر مشاركتي في الاعلي وبعدى بعض الاشخاص مشاركاتهم تظهر بتاريخ 28/03/2016

هل هناك في مشكلة في السيرفر !!!!

يجب الضغط من قبل وسائل الاعلام من اجل محاكمة كل المتورطين في هذه الفضيحة المجلجلة التى ستخصم من الوطن وسمعه الوطن كثيراً خصوصا في مجال التعليم

ولاتستبعد رفض الاعتراف ببعض الكليات والجامعات السودانية من قبل بعض الدول

سف
و
قارن !!
اكد وزير الخارجية بروفيسور إبراهيم غندور صحة ما أثير عن توقيف طلاب مصريين بتهمة تسريب إمتحانات الشهادة الثانوية، وأبلغ غندوربأن عدد الطلاب المصريين الموقوفين يبلغ(15) طالبا وليس (32) كما أثارته وسائل إعلام مصرية، وكشف عن وصول وزيرة الدولة للهجرة وشئون المصريين بالخارج السفيرة نبيلة مكرم للبلاد اليوم لبحث أزمة الطلاب المصريين المحتجزين، مشيرا الى أن الوزيرة المصرية ستلتقي بوزيرة التربية والتعليم سعاد عبد الرازق ، ووزير الدولة بالخارجية كمال إسماعيل وكشف غندور عن لجنة إتحادية برئاسة وزير الداخلية تناقش قضية الطلاب الاردنيين ، تضم في عضويتها وزارته ممثله في وزير الدولة كمال إسماعيل. وقطع بمتابعة كافة الجهات ذات الصلة لملف الإمتحانات.
وكانت مواقع مصرية قد أوردت خبر توقيف طلاب مصريين بالسودان بتهمة تسريب إمتحان الشهادة الثانوية، وتضاربت روايات المواقع المصرية بشأن أعداد طلابها الموقوفين

وتصريح وزارة التربية من خلو الامتحانات من الغش

صحو الرئيس صحو

صرف
النظر
عني
!!!!!
مبروك للمعلمة ؟
ـ ـ ـ ـ ـ ـ
تكريم معلمة سودانية لكشفها حالات الغش في امتحانات الشهادة
المعلمة منجدة لدى تكريمها من قبل الأمن ووزارة التربية
---------------------------------------------
كرمت الحكومة السودانية، الأربعاء المعلمة منجدة الريح إبراهيم، التي كشفت حالات الغش في امتحانات الشهادة السودانية من قبل بعض الطلاب الأجانب. وحُظيت بترقية استثنائية من الدرجة السابعة إلى الخامسة، ومبلغ مالي من جهاز الأمن، بجانب حصولها على عُمرة.
وكشفت وزارة التربية والتعليم السودانية، الثلاثاء، أن السلطات الأمنية تحتجز 117 طالباً أجنبياً، 62 طالباً منهم جنسيتهم أردنية و55 جنسيتهم مصرية، على ذمة حالات غش في امتحانات الشهادة الثانوية.
وشارك في تكريم المعلمة السودانية التي تعمل بمدرسة علي السيد بضاحية أركويت بالخرطوم، المدير العام لجهاز الأمن والمخابرات محمد عطا، ووزيرة التربية والتعليم سعاد عبدالرازق، ووزير التربية بالخرطوم فرح مصطفى.
وكانت المعلمة منجدة، قد أبلغت السلطات المعنية دون لفت نظر أحد من الطلاب المتهمين بالغش، وتم وضع خطة لمحاصرة الغش، وتم ضبط أفراد الشبكة.
ترقية المعلمة
"
وزير التربية بالخرطوم فرح مصطفى، أعلن ترقية المعلمة منجدة من الدرجة السابعة إلى الخامسة، وتعهد بصيانة مدرسة علي السيد وتحسين بيئة العمل بها
"
وأعلن وزير التربية بالخرطوم فرح مصطفى، ترقية المعلمة منجدة من الدرجة السابعة إلى الخامسة، وتعهد بصيانة مدرسة علي السيد وتحسين بيئة العمل بها.
من جهته، امتدح مدير عام لجهاز الأمن والمخابرات الفريق أول محمد عطا، المعلمة التي عدَّها مثالاً للمعلمة المهنية والمرأة الوطنية، وقال إن في تكريمها تكريم للمرأة السودانية وللمعلمين السودانيين وللطلاب السودانيين المجتهدين المثابرين المتنافسين بشرف، دون اللجوء إلى وسائل الغش المستحدثة، ليتميزوا ويتفوقوا دون وجه حق
بدورها، أعلنت وزيرة التربية سعاد عبدالرازق، عزم وزارتها على مراجعة وتشديد شروط جلوس الأجانب للشهادة السودانية، وإدخال الهيئة القومية للاتصالات ضمن مكونات اللجنة العليا لتأمين الامتحانات.
وشدَّدت الوزيرة على أن السودان لن يُسلِّم أي طالب متهم قبيل محاكمته، وأن الحكومة ستُطبِّق القانون دون مجاملة، وأن الحقائق ستوضع بكل شفافية أمام الرأي العام ليزداد ثقة وطمأنينة في الشهادة السودانية وسمعتها وسلامتها.