تنسيق المشاركات ... فيديو... صور... لنكات ... خطوط ... قفل ... مسح ... بوست موحد ... !!!

07:30 PM March, 26 2016 سودانيز اون لاين
ملهم كردفان-الإسكندريه
مكتبتى
رابط مختصر
بسم الله الرحمن الرحيم
....

احترامى

RESIZE 100
عرفته سنه 2003 ومازلت أستخدمه فى تصغير الصور بسرعة مدهشه
أغنتى عن فتح الفوتوشوب إلا فيما ندر فى حال تصغير الصور
وهو يتعامل مع الصور بالتصغير المئوى والتصغير عبر احداثيات
طول وعرض تحددها له او حجم الملف
البرنامج خفيف جدا وفعال بصورة مدهشه وهنا رابط تحميله
http://wwwhttp://www.
mrkzgulf.com/do.php؟id=238431
يجب ان تكون صورة الرابط الفوق المقسم على جزئين دى كما يأتى
ويجب لصقهم على المتصفح حتى تستطيعوا تحميل البرنامج ده
...
التحت دى صوره لمايجب ان يكون الرابط عليه


ثم الدخول على موقع التحميل وانزال الملف على سطح المكتب وفك الضغط من عليه
ومباشرة استعماله وتجربته بالنسبه المئويه أولا اذا ماكانت الصور كبيرة الحجم
حتى يكون هناك توازن فى الشكل العام للصوره
....

الملفات بعد تنزيل البرنامج تظهر كالآتى


صورة البرنامج بعد الفتح

شرح إدراج الصور فى البروفايل والمشاركات بالصور

اولاً
جهز صورتك على سطح المكتب او خش ليها بعدين مباشرة فى المسار بتاعها

ثانيا
تفتح أضف رد وتدوس على Upload Photo

ثالثا
دوس على براوز واختار الصوره الأنت جهزتها على سطح المكتب أو من المسار الإنت خاتيهو فيها

بعد كده دوس على زر تحميل
رابعا
تم رفع الصوره بنجاح ...وظهر ليك رابطين أنسخ الرابط التحت بالظبط لاتزيد لاتنقص من الجانبين

خامسا
تاخد الرابط الإنت نسختو ده وتخش على ملفك وتنزل تحت لى اخر الصفحه

سادسا تلصق الرابط الإنت جبتو هنا فى المستطيل الجمبو الكتابه دى
select an image

وتدوس على زر Change Profile

حتمشى تلقى الصوره فى البروفايل زى الفل

ِشكراٌ يا ملهم يا زوق.

شكرا ياملهم ياريت كمان تورينا كيف نغير صورة البروفايل

ان شاء الله تسلمى يافاطمه الحاج...وألف ألف مرحب بيك فى أى بوست

احترامى

فووق .. البوست القادم بالله كيف تفرق بين الزاي والذال بتطليع اللسان خخخخ
جادي معاك

تقديري يا كوتش

مرحب بيك ياعبد الله حسين ...وشكرا على التفهم

....

الطيب عباس ... انت ماساهل
.........
ماتخش تعلب دورك وتعمل دروس ترتقى بيها باللغه المكتوبه
والمتداوله فصحى وعاميه
وتقود الى أصلاح الأعوج من تناولنا اللفظى لبعض الكلمات

احترامى

ملهم يا ملك

كيف حالك

الاقتباس قوّم لينا نفسنا ....؟؟!!

ارجع لبوست الصور ياخ ( ود ابو سن راجيييييييييييييك .. هههههههههههههه

مودنى

ألف مرحب يا أنور كيف انك ياخى

Quote: ملهم يا ملك كيف حالك الاقتباس قوّم لينا نفسنا ....؟؟!! ارجع لبوست الصور ياخ ( ود ابو سن راجيييييييييييييك .. هههههههههههههه مودنى

ثم
هو انت يابرلوم لو ماخشيت هنا كنت عرفت تخت صورة ود المدير

ماتخليك هنا عشان نوريك الوشوش التعبيريه دى بتتخت كيييف

حبابك الف استاذنا .. انا برشح اخونا قصي ( مسعولين من الخير وين هو اليومين دي )لفتح بوست أخطاء اللغات الفصحي والعامية والهمزات والزال والذال لانو طوالي بصلحنا بالصور والقلم الاحمر وهذا والله ليس إنقاص من قدرة بل أُكن له كل الأحترام والتقدير و
التحية لك وله ..

Quote: الطيب عباس ... انت ماساهل ......... ماتخش تعلب دورك وتعمل دروس ترتقى بيها باللغه المكتوبه والمتداوله فصحى وعاميه وتقود الى أصلاح الأعوج من تناولنا اللفظى لبعض الكلمات احترامى

موضوع فعلاً مفيد جداً

مشكوووووووور ملهم يافنان وصاحب ذوق عالي

ملهم اخوى

يعطيك الف عافية

بينى وبينك كدا استفدت كتييييييير والله

نحكى ليك قصة برلوم دى

تعرف ايام الجامعة .. وايام انتخابات الاتحاد العام .. كنت من ضمن قائمة من القوائم

وبعد ان فزنا .. طبعا انا كنت يا دوووووب دخلت اولى ... المهم وبما انى احدث واحد فى تلك القائمة

وفى احدى داخليات الطالبات .. عمّت الهتافات الداخلية ( البرلوم لن يحكمنا ) ههههههههههههههههههههه

والله يا ملهم هذا حصل تماما .. بس ما تكلم زول .. بعدما عرفت ليك قائدة المظاهرة تلك .. جكستها ليك .. هههههههههههه

لك مودتى ومنتظر الاقتباس والوجوه

بعدين يا اخوى انا من قدامى اعضاء المنبر بس ايام فك التسجيلات عند بكرى .. شطبنا و اعاد تسجيلنا ...


لك مودتى

ألف ألف مرحب بيك يامعتصم سليمان

يديك العافيه وطلتك كمان مفيده وبتشحذ الهمم

فائق شكرى وتقديرى

درس كيفية إدراج الوجوه الضاحكه فى المشاركه

كدا كيف ؟؟

نسيت اقول ليك ...
يمكنك ان تحفظ روابط التعابير فى ملف التكست على الديسك توب
وبدل ماكل مره تخش تكرر العمليه الفى الشرح ده
يادوب تخش على الملف وتنسخ التعبير البيعجبك وتلصقو فى الرد بتاعك

..على فكره ياانور
قصتك كيفتنى شديد وعندك روح جميله وبتعرف كيف تقول حاجاتك بصوره حلوه
عشان كده دخلتها فى الشرح

الفيديو ضمن درس كيف تضيف ملف يوتيوب للمشاركه بتاعتك فى المنبر
والشرح ياهو ده

شكرا ليك كتييييييييييييير والله

بالجد انت رجل فاضل واستاذ واستفدت منك كتير

بارك الله فيك يا رجل

وبعدين الدعابة دى .. الواحد لو ما فضفض يجيهو هم ونكد

علشان كدا احسن تديها موية لتجيب لك الطراوة

يا حليل ايام اخوانا ود شيقوق وود الامير ومحمد عبد الماجد الصايم وغيرهم كان المنبر ملعلع

بس انا الوم اخونا بكرى مفروض يراسلهم عن طريق الايميل ونطمئن عليهم ..
( عامل عمتو الصغيرة دى - ما عارف جابها من سوق ليبيا - ولا مقايضها بدستة صحون ما عارف )

كان يديها عمّة كبييييييييييييييييييييييييرة كدا ومعاها شال ) سيد حوش يعنى سيد حوش ( ايش رايك ) ؟؟

( طبعا دى شوية مداعبة لعمنا بكرى ) اكيد بكرة بينزل الصورة التانية بالقميص البرتقالى هههههههههه ( معليش يا بكوووووور )



لك مودتى الكاملة يا ملهم وللاخ بكرى

وربنا يديكم العافية

شكرا اخونا ملهم كردفان

محمد الهادى كيف حالك يادفعه
بالله من دربك ده واتعلم كيف خت صورتك معانا فى دفعه 2013
فى البوست التانى
وكمان اتعلم خت التعابير والفيديوهات وماتحرمنا من طلتك ياحبيبنا
احترامى

ألف مرحب بيك ياحمد ابراهيم محمد ...طلتك بالدنيا ومرحب بيك على الدوام
وجزاك الله خير انت كمان عشان اثريت البوست
....

Quote: المبدع الملهم / الأخ ملهم - سلام كتير ... كمل جميلك و حدثنا عن النسبة المئوية وحجم الصورة المناسب لاستخدامها في البروفايل او المشاركة في بوست معين لأنو عندي صورة أكبرها واصغرها لكن في التحميل أفشل في تحميلها ؟ جزاك الله خيرا ..

صورة البروفايل لقيت انو احسن مقاس مابيشوه الصوره هو
290 فى 300بكسل
أو مايتوافق معه من صور أكبر مثلاً
500عرض فى517طول
أو600عرض فى 621طول بكسل
وعشان ماتفشل فى تحميل الصور خليها بى صيغة جى بى جيي
ولو منبر بكرى ماحملها معاك فى موقع لرفع الصور والملفات اسمو مركز تحميل الخليج
فتشو بى قوقل
....
بالنسبه لصور المنبر اعتقد انو الاكتر ملائمه هو حسب ذوقك وهاك اربعه نماذج اختار منها مايلائمك
كمقاس مفضل
700 فى 450


650 فى 420


600 فى 385


550 فى 354


500 فى 320

فى حال تعذر رفع الصور من خلال ابلودر الموقع هنا
يمكنكم التوجه لمركز تحميل خارجى
أمثله
http://www.mrkzgulf.com/مركز الخليج لرفع الملفات
أو
http://up.top4top.net/مركز توب فور توب لتحميل الملفات أضغط هنا

الأخ ملهم : زادك الله صحة وعافية وعلما ، ونفع بك العباد ...

وجزاك الله خيرا على هذه المعلمومات المفيدة ..

ساحاول اتبع الارشادات وان غلبني شيء فالملجأ لله ثم الملهم ...

أركز ..... هههههههههه

مودتي

لكل مجتهد نصيب ياحمد ابراهيم ..واكيد بيسعدنى انك تكون قادر
على التعامل مع الصور والفيديوهات والنصوص بصوره احترافيه
لأنو ماحك ظهرك مثل ظفرك
وربنا يقدرك وتكون تمام
أما من ناحية انك ماحتعرف وحتستعين بى فياخى مافى شىء بيجى من اول مره
التمرين والمواظبه مهمين
...
الله لاعجزك عن فهم الساهل ولا الصعب من التكنولوجيا دى ياحمد

فى النهايه انا تحت امرك وأمر كل الأعضاء ياحبيبنا
وانا بينى بينك راكز ..الدور والباقى عليك

شكرا جزيلا يا ملهم
الحاجات كلها رجعت لذاكرتي بعد شرحك
لكن بس ما فهمت..
هل إجراء إنزال الصور من اللاب توب مشابه لإجراءإنزالها من الآي فون علي سبيل المثال؟

مرحب بصاحبة السمو
منى خوجلى
طبعا رفع الصور للموقع مابيختلف سواء اكان من موبايل او من لابتوب
البيختلف تحرير الصور وفى اللابتوب اسهل من الموبايل بالنسبه للبعض
وفى ناس حرفا فى تحرير الصور عبر الموبايل
وكمان ممكن من خلال اعدادات ضبط الصوره فى الموبايل تحددى الانتى عايزاهو
من مقاس وجوده
ولو حريفه بتاعت ريسايز مابهمك بعد ده الشغل من خلال الموبايل أو اللابتوب
لانو حيبقى ليك زى شراب المويه
بعدين فى برنامج فوق بتاع ريسايز للابتوب والديسك توب
...

احترامى

سلام يا ملهم

وكضاب البيقول مليان خير وهمة قدرك

صديقى الراقى عمر دهب ..ياخ كتر خيرك والحمد لله على كل حال ياصاحب ...الحمد لله
.......................................
الشرح القادم
كيف تلتقط صوره لسطح المكتب أو جزء من صوره أو من صفحة انترنت أو تعيد تحجيم صوره
من خلال برنامج
AAA SCREEN CAPTURE
برنامج إسكرين كابشر جميل وخفيف على الجهاز
ويمكنك من إلتقاط صور لكامل سطح المكتب أو لجزء من صفحة ويب
أو لصوره ماعرفت تنزلها من الأنترنت لأنو محميه
أو لصوره عايز تعمل ليها ريسايز على السريع من خلال
WINDOWS PICTURE VIEWER
ثم تلتقط لها صوره

معذره
قلت فى فيديو الشرح صفحة انترنت والصحيح صفحة ويب
وافر احترامى وتقديرى

ده برنامج AAA SCREEN CAPTURE


http://www.mrkzgulf.com/do.php؟id=243113http://www.mrkzgulf.com/do.php؟id=243113

انسخ الرابط والصقه على المتصفح ....ولاحظ انو يكون بالطريقه دى

القال ليك منو البوست ماحقك يا أنور ... اخد راحتك ياحبيبنا

ماتعمل حواجز بينى وبينك يامان

احترامى

الحبيب الاستاذ ملهم كردفان
سلام وتحية
الوجوه الضاحكة عندا اضغط رايت كليك لا تاتينى نيو امج والجهاز حقى بالعربىبتجينى الاتى
1 - فتح الصورة فى علامة تيوب جديدة
2 - حفظ الصورة باسم
3 - نسخ الصورة
4 - نسخ عنوان الصورة
5 - حجب العنصر
6 - فحص
وكتر خيرك

مرحب احمد حمودى .....
.....
معقوله ماتكون جربتهم كلهم بالعقل كده
نمره واحد مابتخارج لأنها يادوب بتفتحها فى نافذة متصفح جديده
ونمره اتنين انت عارفها بتجيب الصوره عندك
وحجب العنصر ده كلام واضح معناها ماحتشوفها
وفحص يعنى فحصها ان كانت مدوده او مفخخه

اها بيبقى عندك خيارين
...
نسخ الصوره ...تنسخ الصوره زى النعجه دولى وتولد منها نعجه تانيه
اها تعمل بالنعاج شنو؟؟؟
....
يبقى عندنا الرابط هو
نسخ عنوان الصوره ..وده واضح زى الشمس معناهو اللينك بتاعها

أشرح ليك بالفرنساوى

يا ملهمنا يا فنان بس برضو عندى سعال اخر كيف تنزل اغنية رير من الموبايل الى البور وهذا السوؤال
سالته البشارى وماقصر الراجل لكن اخوك دخل بى حمد وطلع بى خوجلى ومرسى بكو

صديق الزمن الجميل من ايام عكس الريح
لك تقديري وودي ملهنا الرائع

مرحب حاتم ..منور الدنيا ياحبيبنا والله

Quote: صديق الزمن الجميل من ايام عكس الريح لك تقديري وودي ملهنا الرائع

واهلا وسهلا بيك يادكتور

ملهم يا فنان - الله يديك العافية والمعافاة في الدين والدنيا والاخرة ...

احسب انك عملت بالتدريس ... بالك علينا - سلبة - ....

أحمد حمودى كيف حالك ...
بالنسبه للموبايل لو عندك برنامج بيعمل من الصور والأغانى فيديو
ممكن تعمل فيديو فيهو الأغنيه دى وكم صوره
وتوديهم اى موقع تحميل وتجيب الرابط بتاعهم هنا
ولو مابتقدر يمكنك ان تدلنى على الأغنيه لأتى لك بها هنا
...
البشارى
ماقصر تب
.................................
يا أبوحميد ....شايفك قلت للبشارى

Quote: استشارة لو سمحت يا بشارى عندى اغنية للعندليب فى الموبايل عاوز انزلها فى الموقع وجزاك الله خير الجزاء؟؟؟؟؟

العندليب ده منو
بتاعنا والا بتاع المصريين
لو ابو الزوز قول غسم الأغنيه وماعليك بالباقى
لو عبد الحليم حافظ جلينى طووووالى

Quote: ملهم يا فنان - الله يديك العافية والمعافاة في الدين والدنيا والاخرة ... احسب انك عملت بالتدريس ... بالك علينا - سلبة - ....

يا ألف مرحب ياحمد ... ودعوتك بالدنيا ياحبيبنا عشان كده انت برضو تستاهل
الله يديك العافية والمعافاة في الدين والدنيا والاخرة ...
...
التدريس اشنغلت على فترتين قصيرتين فى حياتى
ولم أستمر
...

Quote: ملهم : بالمناسبة فنان .. نشرت بعض أشعار أزعم أنها ممكن تتلحن ، وتزيد الفرح أفراح .. ... ؟

كلامك ده بيحمل معنيين ياحمد
فيا انت نشرت شعر بيتلحن يا شفت لى شعر ممكن يتلحن
عموما التلحين بيفرض نفسو لمن الكلام المنظوم يلاقى هوى فى نفس الملحن
المصيبه فى التجويد والبروفات وأستوديو التسجيل ديل مكلفات شديد
ياريت توضح لى ياخ
...
يديك العافيه ياحمد

الشرح المصور لقفل وفتح البوستات

كيف تنسق الخطوط وتلونها من خلال صفحة الاكواد

الشرح ده ممكن تستعمله مع أى نوع خط من الخطوط الموجوده فى صفحة الأكواد

اتمرن والموضوع ساهل

شكرا يا ملهم ويديك العافية دروس تاريخية

ألف ألف مرحبيا ابوحميد ولاشكرا على واجب مستحق

لمزيد من الإستفاده

ملهمنا شكرا يا حنين تم

الحمد لله يادكتوره ... وربنا يتمم ليك كل أحلامك يارب

ملهمنا كل عام وانت بالف خير ياوش الخير ,,

يا ملهم حصلت تغيرات وما قادرة انزل الصور

لو سمحت ساعدني يا المريود .

ولك وافر الشكر ..

انتى محتاجه لى درس عصر يامنى ؟؟؟
معقووووله
انتى فنانه وفاهمه كل حاجه
كل سنه وانتى طيبه ياخ
...
بس قولى لى التغيرات الحصلت شنو يامني

يا ملهمنا زمان كان ساهل اول ما اجي ارفع صورة بجيني
المدخل طوالي للصور .. لكن اسه مكتوب لي ..code
ولما افتحها بتجيني القيامة الرابطة دي !


خطوط مختلفة



اكتب النص هنا
اكتب النص هنا
اكتب النص هنا
اكتب النص هنا

اكتب النص هنا

اكتب النص هنا

هي حجم الخط" size="2" لاحظ في جميع الخطوط أن

** *** ** *** **

كود وضع صورة فى وسط الموضوع






http://www.sudaneseonline.com/u/Codd-3.JPG picture address

لتحكم فى طولها و عرضها WIDTH=710 HEIGHT=510


without WIDTHand HEIGHT






** *** ** *** **





كود تحريك النص من اليسار إلى اليمين
اكتب النص هنا

** *** ** *** **

كود عمل إطار صفحه داخل صفحة أخرى



** *** ** *** **

كود عمل خط كبير وبخلفية

اكتب النص
اكتب النص



** *** ** *** **
كود لعمل خط محدد بألوان

اكتب النص


اكتب النص



** *** ** *** **
كود لعرض شاشة الفيديو



avi امتداد الفيديو يجب أن يكون

** *** ** *** **
كود كتابة نص داخل صندوق

<@_@@_@@_@@_@area rows="4" name="S1" cols="50">اكتب نصك هنا



remove @ to use this code

** *** ** *** **
كود لكتابة نص متحرك داخل صندوق

ماتدوسى على كود يامنى
دوسى أضف صوره

شغال يامنى والدليل الصوره الفوق دى

يا ملهم انا ما قاعدة استعمل اضف صورة وما حصل
وما بعرف تصدق ؟ كنت بستعمل فقط محل كودة دا
وبدخلني في اختيار الصور لكن اضف دي ما بعرف
استعملها .

ولك الشكر

سلامات يارجل ياطيب ,, كل سنة وانت طيب

Uplouder بتاع المنبر ماشغال يامنى امشى فتشى عن مركز الخليج لرفع الصور
او
توب فور توب
...
ودى روابطهم
http://http://www.mrkzgulfwww.mrkzgulf
أو
up.top4top.net

الحبيب الفاضلابى ...انت بالذات تستاهل عيديه من القلب للقلب والله
فمقامك مع الوجهاء الاكارم
كل سنه وانت زى ما انت بى روحك الحلوه وبي طلتك الراقيه

احترامى